رواية انت بحري وانا اليم بقلم الكويتيه سموره[ روآيه مسمُوح بهآ ]

[ام حمادي309]

اب اب اب اب اب اب اب اب اب اب اب اب

مشكورة على احلى اب ساااااااروونه

يسلمـــــــــــو​

 

[ام حمادي309]

البارت واحـد وعشــرين


















عبد اللطيف : سعد شنو موضوع البنت اللى فى السجن فاطمه وليش خشيتو علينا

سعد : @@ قام يطالع شيماء وبعدها نزل راسه كان معتقد ان شيماء اهى اللى قالت لهم

عبد اللطيف : افهم من اللى صار ان انت فى الفتره اللى قلت فيها انك بالمستشفى
عند رفيجك انت كنت مسجون ليش ساكت رد ابي اعرف الموضوع كله


سعد : ليش يبه شيماء ما قالت الموضوع كله لكم

رقيه وعبد اللطيف وشيماء @@

عبد اللطيف : يعنى شيماء عارفه الموضوع بعد وساكته ؟

سعد : ليش مو شيماء اللى قالت لكم ؟

عبد اللطيف : لا مو شيماء اللى قالت لنا اهل البنت توهم كانو اهنى
ويطلبون انك تتنازل عن بنتهم

شيماء : ادمعة عينها وقامت بتصعد فوق

عبد اللطيف : بصراخ شيمـــاء افاا والله انتى عارفه عن كل الموضوع وساكته
مشتركه معاهم بعد

سعد : لايبه شيماء مالها شغل ماتدرى عن شى

شيماء : قامت تبجى وراحت غرفتها ركض وهى تبجى

سعد : يبه يمه ارجوكم لاتفهمون شيماء غلط انا عبالى ان خالد قالها وهى قالت لكم
شيماء ماتدرى عن شى انا غلطت فى حق شيماء

رقيه : شيماء عاقل وهى وحده منا وفينا وماراح تزعل من سوء تفاهم
الحين نبي نعرف منك شنو سالفة البنت هذى وليش انت كنت مسجون بسبتها
وليش الحين انت طلعت وهى انسجنت ؟

سعد : انا بقول لكم كل شى وقعد سعد مع ابوه وامه وقص عليهم السالفه من معرفة خالد
بفاطمه قبل زواجه من شيماء وسبب سفر شيماء وحادث خالد ان كان سبته فاطمه
يعنى ما خلا شى الا وقاله على قولتهم بط البرمـــه

عبد اللطيف ورقيه : حسبي الله عليها
رقيه : وبكل وقاحــه وكبر عين جاين اهلها يطلبون التنازل

عبد اللطيف : لاحول ولا قوة الا بالله العلى العظيم
وانت واخوانك شنو توصلتو له شنو بتسون الحين بتنازل عنها ؟


سعد : والله يبه انا كان فى بالى التنازل واتصل على محاميهم من قبل جم يوم
وقلت له يصير خير وماحبيت اقوله انى بتنازل عشان احسسها بغلطها اول
والظاهر المحامي لما ما شاف منى كلام يريحه بالتنازل كلم اهل البنت انهم يوصلون البيت
واعتقد انى الحين بعد كل هذى المشاكل هوونت عن التنازل



عبد اللطيف : رقيه روحى شوفى شيماء مسكينه وايد اصبرة
كل هذا كان فيها وساكته فقيره روحى واخذى بخاطرها ونزليها
عشان يتعذر لها سعد وناخذ بخاطرها المسكينه خلينى انا مع سعد شوى


رقيه : وعلي عليها شيماء ان شاء الله الحين بصعد لها

رقيه : تطق الباب على شيماء وتدخل

شيماء : كانت منسدحه على السرير وميته من البجي

رقيه : يابنتى تعوذى من الشيطان والى صار سوء تفاهم بس
هذا عمج مطرشنى الحين اخذ بخاطرج ونزلج عشان سعد يتعذرلج


شيماء : خالتي صدقينى انا ما ازعل من سعد ولا من عمى ولا من احد فيكم
انتو اهلى الحين منو لى انا غيركم الحين اهنى


رقيه : سمعت كلام شيماء وقامت تبجى ولمتها وانتي مثل بناتى والله يشهد
ومن يوم مادخلتى البيت ماسمعنا منج الا ان شاء الله وحاظر


شيماء : انا خالتى مو مزعلنى الا خالد اشلون يسمح حق نفسه ان يخش عنى
للمره الثانيه ما يكفى اللى صار قبل يعنى يحب ان ينعاد مره ثانيه
وقامت تبجى حيييل


رقيه : حبيبتى شيماء خالد واخوانه سعد ويوسف صدقينى ما خشو عنا الا عشان مايبون يضايقونا


شيماء : خالتى انا ما اقصد انى اعرف اى شى بس اذا الشى يخص خالد لازم اعرفه
ويقولى عليه مو ينطر لما اعرف من نفسي


رقيه : وشنو اللى يخص خالد وخشه عليج


شيماء : دام القضيه فيها فاطمه يعنى القضيه ماتخص سعد تخص خالد
لان خالد اهو اللى كان يعرف فاطمه مو سعد والى يخص خالد يخصنى
المره اللى طافت عرفت من نفسي والحين هم بعد عرفت من نفسي
اشلون يسمح حق نفسه يخش على للمره الثانيه واعرف من نفسي للمره الثانيه



رقيه : التمسي له العذر يابنيتى يمكن ما حب يضايقج



شيماء : لا خالتى مايضايقنى اذا صارحنى اللى يضايقنى لما يخش على
خالتى انا خلاص بخلى خالد يعيش حياته ووببتعد عنه
انا اموت في خالد بس اهو مو فاهمنى او يتجاهل ان يفهمنى


رقيه : يابنيتى خلى عنج الكلام هذا وتعوذى من ابليس انتى تحبين خالد وخالد يحبج
لادخلون ابليس بينكم


شيماء : خالتى انا اليوم عرفت ان خالد مايحبنى ومستعد يخش على مره ثالثه والف بعد
ومايهمه مشاعرى ولا يهمه انى راح اعرف بروحي خالد عارف انى امووت فيه وهو كل
دنيتى وعشان جذى ما قام يهتم ان يخش عنى اى شى حتى لو شي صغير يدرى انى راح اسامحه
بس لا ماراح اسامحه هذى المره


رقيه : انتى الحين معصبه وماتدرين شنو قاعده تقولين خلينى اخليج بروحج لما خالد يرجع
وان شاء الله راح تهدين وتتصافون وخلتها بالغرفه وطلعت


عبد اللطيف : وين شيماء مانزلة معاج ؟

رقيه : شيماء فقيره ماكله نفسها من البجي فوق
عبد اللطيف وسعد @@ ليش ؟


رقيه : قالت لهم صدمة شيماء وان خالد ثانى مره يخش عليها
وكل اللى قالته شيماء

عبد اللطيف : خليها اشوى خالد يرجع وهديها

سعد : والله كنت خايف من هذا الشى وقلت حق خالد اذا عرفة شيماء ان القضيه متعلقه
فى فاطمه راح تسوى لك سالفه


عبد اللطيف : الله يجيب العواقب سليمه
اتصل على اخوانك اذا يقدرون يطلعون من الدوام خل نحل المشكله


سعد : والله يبه فاطمه مو مشكله خلها تولى ولا نسأل فيها المشكله الحين فى شيماء


عبد اللطيف : رقيه شوفى امل خل تروح تقعد معاها وتهديها
على مايوصل خالد


رقيه : ان شاء الله

سعد : اتصل على خالد ويوسف
وقالهم فى مشكله فى البيت تعالو بس ماوضح لهم المشكله

امل : راحت حق شيماء وتهديها

وشيماء : قاعده تبجي وتقولها ليش ثاني مره يخش على وان خالد تعود يخش عليها وماراح تسامحه هذى المره


امل : تهديها وبينها وبين نفسها تقول معاج حق انج تزعلين


يوسف : دخل البيت السلام عليكم
الكل وعليكم السلام


يوسف : خير شنو فيه ؟؟؟؟

عبد اللطيف : قاله الموضوع كله مع اشوية تشخيييييطه بسبب انهم خشو الموضوع
وماقلو لهم


يوسف : عصب وبعدها قام باس راس ابوه وامه

خالد : يدخل البيت السلام عليكم
الكل وعليكم السلام

خالد : خير شنو فيه ؟؟؟؟

عبد اللطيف : شخـــط فى خالد تشخيييييييطــه عدله وقاله السالفه وبعدها قاله عن شيماء


خالد : تعذر حق امه وابوه وباس راسهم
وستأذنهم ان يروح يشوف شيماء فوق


رقيه : اصبر امل مرة اخوك يوسف عندها خل اصعد اقولها انك بتصعد


خالد : ان شاء الله


رقيه : طقت الباب ودخلة على شيماء وامل بالغرفه امل ريلج وصل تحت روحى شوفيه شيماء حبيبتى خالد بيصعد الحين
حاولو تحلون الموضوع بدون لادخلون ابليس بينكم


امل : ان شاء لله خالتى ونزلة تحت


خالد : دخل الغرفه عند شيماء


شيماء : كانت تبجي وعيووونها حمره من البجي


خالد : حبيبتى شيماء


شيماء : رجاء خالد مابينى وبينك كلام خلاص يكفى يكفى يكفى وقاااامت تبجى وتمشع فى شعرها


خالد : شاف حالتها تعبانه وايد ماحب يضايقها خلاص خلاص بطلع وطلع
نزل خالد وهو مضايق الله ياخذ فاطمه والساعه اللى يابت فاطمه


عبد اللطيف : خلوها اشوى تهدى وتنزل من نفسها



وبعد ساعات


شيماء : نزلة وشنطة السفرها معاها

الكل : @@


رقيه : وين رايحه يابنيتى


شيماء : خالتى اليوم عندنا حجز بنروح نزور اهلى



رقيه : اى زين تسوين روحو غيرو جو ​

يالله خالد روح يالله تلحقون على الطياره روح بدل ملابسك وروح معاها

​

​

​

​

شيماء : لا خالتى انا بروح بروحى


خالد : @@ عصب وصارخ شيماء هذى مو عيشه على كل شى
شلتى شنطتج وقلتى بروح البحرين ترى مو عيشه هذى انا تعبت


شيماء : وهم مو عيشه انى اعيش مع واحد مايعرف الصراحه مع زوجته


خالد : بس بس يكفى مليت وطق شيماء طررررررق



الكل @@


سعد : راح مسك خالد


شيماء : مشكور ماقصرة خالد مع السلامه وقامت تبجى وطلعت







راحت بسيارتها المطار
والكل قام يلوم خالد وعاتبه على تصرفه
والكل يحاول ان يقوم يروح لها المطار بس خالد رفض ان يروح





وبعد ساعات قرر يروح


وصل المطار خالد ولكن ما لحق ان يصعد الطياره لان الحجز كان لهم الاثنين بس تأخره
كان وايد والطياره اقلعة وفيها شيماء


رجع خالد البيت


عبد اللطيف : ............مالحقت

خالد : اى مالحقت طارت الطياره


رقيه : يالله قص تذكره وروح لها باجر


خالد : لا ماراح قص تذكره ولا راح اروح له



الكل @@






















نهاية البارت


​

 

[fato_kw]

شيماء ماتنلام بس عاد مو كلمه والثانيه شيلي جنطتج وعلى بيت اهلج ترى مو سهله خاصه انها بديره ثانيه

اما الابوو زيين ان شخطهم تشخط لوووول احسن يستاهلون المفروض ما يخشون موضوع مثل هذاا

بس شنو راح يسوون الحين اتوقع ماراح يتنازلون على القضيه وبيتمسكون بقرارهم

وويتنغ

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

وااي شيماء كبرت الموضوع
بس خالد الله يهداه شدعوه طقها ؟!
كل من فطوم الخايسه
مشكووووووووره ع البارت الرووووعه

 

[سارووونه22]

لا شيماء غلطانه ماعطت مجال يفهمها الموضوع

 

[سارووونه22]

نسيت اشكرج على بارت مشكوووووووورة وماقصرتي

 

[سارووونه22]

اب اب اب اب اب اب

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

up
up up
up up up

 

[دلوعة القادسية]

شيماء وخالد ملاقه زين
=>> اندمجت لوول

بانتظارج

 

[دلوعة القادسية]

شيماء وخالد ملاقه زين
=>> اندمجت لوول

بانتظارج

 

[ماعاد فيني]

احسن خل تزعل شيماء
بس عاد مو تسااااااااااافر

شهالعيشه ماينلام خالد


كملي حبي

 

[سارووونه22]

اي والله كل شوي بروح بحرين وبروح بحرين ماصارت كل مازعلت سافرت

 

[rayona]

ويه ويييه ليش ليش يصير كل هذا بين شيماء و خالد .. يحبون بعض ويعاندون بعض مو حاااله هذي ..
الله يهديهم انشاءالله ..
مشكووورة بعد عمري على البارت
ناطرينج

 

[بنوتة عراد]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

ناطرينج حبيبتي

 

[سارووونه22]

متى بتنزلين بارت

 

[بنوتة عراد]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

وينج ام حمادي عسى ماشر تاخرتي
ناطرينج ع نار

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

ام حمادي وينج ؟؟؟؟؟؟؟؟

 

[سارووونه22]

وينج

 

[toota ali]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

هااااااي
بطت جبدي هالشيماء على اقل شغله تزعل وتسافر اكيد الريال بيمل اففففففففففففففففف

 

[سارووونه22]

ويييييييييييييييييينج