رواية انت بحري وانا اليم بقلم الكويتيه سموره[ روآيه مسمُوح بهآ ]

[دلوعة القادسية]

بانتظااارج

 

[fato_kw]

up
waiting
waiting waiting
waiting waiting waiting
waiting waiting waiting waiting
waiting waiting waiting waiting waiting
waiting waiting waiting waiting waiting waiting
waiting waiting waiting waiting waiting waiting waiting
waiting waiting waiting waiting waiting waiting waiting waiting
waiting waiting
waiting waiting
waiting waiting
waiting waiting
waiting waiting

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

up
up

 

[سارووونه22]

ليش طولت؟؟؟

 

[ماعاد فيني]

up

up

up

 

[ام حمادي309]

من جـــــــــــــد أسفه أسفه أسفه


على التأخير واللــــــــــــه انشغلت حدى الفتره اللى طافت

اجو انكم تقبلووون اعتذارى عن التأخير



واحلا بااااارت لعيووونكم


بس ودى بهذا البارت
اشوف كل وحده تقول برأيها منو الغلطان
او منو اللى كان تصرفه غلط

عبد اللطيف أو خالد أو شيماء
مع ذكر سبب الغلط اللى بدر منه

​

 

[بنوتة عراد]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

وينج ام حمادي تاخرتي عسى ماشر
ناطرينج ع نار

 

[ام حمادي309]

البارت الثاني والعشــرون











عبد اللطيف : تعوذ من ابليس ياخالد وباجر ان شاء الله تهدى النفوس


رقيه : والله شيماء وايد تحملت وضغطة على نفسها اى زوجه مكانها ماكانت بتصبر
بس بنت الناس صبرة وحطت بقلبها وماقالت حق احد الى سبق وصار غير ان بالصدفه احنا
عرفنا سبب زعلتها الاولى وفقدة فيها ضنها وكان بروح ريلها من بين ايدها والله هذا البنت ذهب


خالد : انتو قاعدين تلومونى وكأنى انا مذنب وسويت شى مايرضيها انا ما كان لى اى طرف بهذى القضيه


سعد : صح خالد ما له اى طرف فى القضيه والقضيه قضيتى انا


عبد اللطيف : بس انت وين ياتك فاطمه وعرفتها غير من معرفة خالد فيها السابقه
يعنى لو ماكان خالد يعرفها جان ماصار كل اللى صار


يوسف : امل حبيبتى صعدى فوق


امل : ان شاء الله


يوسف : ما كان لازم ان تتكلمون عن خالد جدام امل هذا الكلام


عبد اللطيف : امل بنتنا


يوسف : ميخالف هم المفروض مو كل شى ينقال جدمها مهما يقون خالد حمها
ومومالمفروض تسمع هذا الكلام عنه ومن منو امه وابوه


رقيه : صح كلامك والله بس الواحد وقت مايعصب مايشوف منو حوله


يوسف : الحين خلونا من سالفه صارت ونتهت وخل نشوف السالفه اللى توها بدت
انا من رأى ان خالد يخلى شيماء عند اهلها على مانخلص من مشكلة اللعينه فاطمه
وشنو راح نسوى معاها


سعد : فاطمه مشكلتى انا مو مشكلة خالد وانا اقول خلونى انا اتصرف فى قضيتى
وخالد لازم يصلح اللى صار بينه وبين شيماء


عبد اللطيف : شنو يعنى قضيتك وانت تتصرف ؟؟


سعد : يبه انا ماعلي شى وطلعت برائه من التهمه وانتو عندكم اهم شى انى انا بريئ صح
عبد اللطيف : اى اكيد


سعد : خلاص يعنى انا مافى شى يخوفكم على وانا الحين بنظر المحكمه مو متهم
يعنى ماراح يصير على شى انسو سالفة فاطمه وحاولو انكم تصلحون بين خالد وشيماء


خالد : وانا ما طلبت من احد يدخل او يصلح بينى وبين شيماء
الكل @@


عبد اللطيف : انت لايكون عبالك كبرت وحطيت لك جم نجمه على كتفك عبالك خلاص
ترى انت للحين فى نظرى انا وامك صغير مهما كبرة فى عمرك بتضل في عينى وعين امك صغير
انت وكل اخوانك وخواتك


سعد : يبه خالد مايقصد وحنا مهما سوينا ما نطلع من جزاكم ...


خالد : خالد اسف يبه ماكنت اقصد بس ارجوكم يبه انا ما ابي احد يدخل فى حياتى مع شيماء


عبد اللطيف : خالد انا كلمه بقولها ولازم تمشي شيماء يوم السبت ابي اشوفها موجوده على الغدى معنا


خالد : يبه اسمحلى شيماء طلعت من نفسها ترجع من نفسها اذا تبي ترجع


عبد اللطيف : يعنى بنت تقعد تخش عليها وهى معطتك كل الثقه وطقها شنو تتوقع
بيجيك نهها بتقعد لك ؟؟


خالد : يبه انا ماخشيت عليها بشي انا مسوي انتو نفسكم ماكنتو تعرفون وخشينا عليكم
وانا ماطقيتها الا من بعد مارفعت ضغطى وهى نازله بشنطها شنو كل سالفه وثانيه خذت
شنطتها وقالت بسافر


رقيه : خالد شيماء ماسوت هذا الا مره وحده قبل هذى المره وكنت انت مخطي عليها
خطأ كبير وهذى السالفه بتدخل الحين بسنه يعنى المسكينه موكل مشكله قالت بسارف


خالد : انا اتخذت قرارى شيماء تبي ترجع حيها الله بس مو انا اللى اروح او اتصل عليها
وقولها رجعى


يوسف : خلو على راحته وعتقد ان الموضوع للحين حامي باجر كل واحد يحس بالبعد وعرف
قدر الثاني


سعد : اى صح وخاصه خالد وشيماء حبهم لبعضهم واضح


رقيه : الله يهدى سرهم
الكل اتفق على كلام يوسف بس عبد اللطيف زعلان على خالد


شيماء : وصلت البحرين وكان ابوها ومها وخواتها ناطرينها بالمطار
طلعت شيماء من البوابه
اهلها يروحون وسلمون عليها

عامر ابو شيماء : وين خالد انتو موقلتو انكم جاين مع بعض


رحيمه ام شيماء : اى وين ريلج ؟


شيماء : خالد ماقدر يجى معاى حصلتله بعض الظروف فى الدوام


عامر : المهم اهو اشلونه زين وانتو مرتاحين مع بعض


شيماء : وهى خانقتها العبره اى يبه مرتاحين خالد مو مقصر على بشي
الكل الله يوفقكم ان شاء الله ويسعدكم
فى بيت اهل شيماء


رحيمه : انا مسويه لج الاكله اللى تحبينها يالله عشان نتغدى


شيماء : لايمه انا مو مشتهيه اكل وايد تعبانه ابي اصعد الغرفه انام
الكل @@


رحيمه : اشفيج ابنيتى فيج شى مضايقج شى


عامر : قولى ابنيتى اذا فيج شى احنا اهلج نشيل عيونا ونعطيج ايها


شيماء : الله يخليكم لى يارب لا مافينى شى بس تعبانه من امس سهرانه مو نايمه عدل


عامر : خلاص روحى ريحى خليها رحيمه على راحتها


شيماء : يالله على اذنكم


رحيمه : ترى بشيلج من الغدى اذا قعدى تاكلين


شيماء : وهى صاعده ان شاء الله يمه
وراحت شيماء على سريرها اللى كانت فاقده من اكثر من 3 سنوات
وقامت تبجي وتتلفت بالغرفه ومو متخليله ان خالد حبيب قلبها مو معاها
وقامت تبجي حتى نامت ودمعتها على خدها


خالد : فى غرفته اليوم كله ومازل قعد مع اهله وكان مهموم وكل شوى يلتفت على الجه اللى تنام
عليها شيماء على السرير ويمسح بيده مكانها


الحبيبين عشو يوم كانت الدمعه ماتفارق عين واحد فيهم
والتفكير وشريط الذكريات كان فى عقل كل واحد فيهم
وكان كل واحد ينطر الثانى يتصل او يطرش مسج بس الاثنين كانت جراحهم تمنعهم من الاتصال

وطبعا اهل شيماء عجزو يبون يعرفون شنو فيها شيماء بس كانت متحفظه وماقالت
واهل خالد عجزو يبون ينزل ويقعد معاهم بس خالد كان مفضل القعده فى الغرفه بين ذكريات شيماء
مر الليل عليهم من اسؤ الليالى عليهم وصار الصبح ....


خالد : لبس بروح الدوام وهو نازل امه وابوه بالصاله يتريقون


رقيه : خالد تعال تريق قبل لاتطلع


خالد : ما اشتهى


رقيه : يمه انت ماكلت شى من امس وانت بطنك فاضى عشانى اكلك شى قبل لاتطلع


خالد : ان شاء الله يمه


عبد اللطيف : الحمد لله وقام


رقيه وخالد @@


رقيه : ماعليه ابوك اشوى زعلان من اللى صار امس


خالد : باس راس امه ومشى


رقيه : زين اكلك شى


خالد : طلع بدون لايرد عليها


رقيه : رحت حق عبد اللطيف وتقوله ترى خالد يحب شيماء وانت تدرى
واللى صار من حبه لشيماء قام يتصرف وهو مايدرى بنفسه


عبد اللطيف : رقيه انا ماراح اجابل خالد على اى وجبه دام شيماء مو معاه
وارجوج لاتناقشينى بالموضوع هذا


شيماء : قامت الصبح وقاعده مع امها وبوها
وكانو حاسين ان فيها شي وحاولو يعرفون شنو فيها بس اهى مو راضيه تقول لهم
شيماء : صعدت فوق وطلعت من شنطتها
تي شيرت حق خالد وقامت
تبجى وتمسح دموعها فيه


الظهر حزة وصول خالد من الدوام
الكل ينطر خالد بس خالد مارجع ويتصلون عليه جهازه مغلق
والبعض توقع ان سافر حق شيماء والبعض ظن بسؤ
وقامت الافكار تاخذ فيهم يمين ويسار


يوسف : حب يطمنهم وقال لهم ان باجر راح يروح له الدوام ويسئل عنه
وبالفعل اليوم الثاني


يوسف : راح سأل على خالد فى دوامه وقالو له ان خالد قدم اجازه مدة شهر
يوسف : طلع وقام يفكر وين يكون خالد وشنو المفروض يسوى
راح البيت


رقيه : هاا يوسف سألة على اخوك خالد


يوسف : اى يمه سألة يقولون ماخذ اجازه امس من الدوم مدة شهر


رقيه وعبد اللطيف @@


عبد اللطيف : اكيد راح حق شيماء البحرين


رقيه : وهى تبجى اشلون يروح البحرين بدون لايقول لنا وبملابس الدوام
الكل قام يفكر

رقيه : انا بدق على شيماء وسألها الكل وافقها الرأى
رقيه : الوووو السلام عليكم


رحيمه : وعليكم السلام هلا ام يوسف اشلونكم
وحشتونا


رقيه : والله وانتو لكم وحشه


رحيمه : ام يوسف خالد وشيماء فيهم شى


رقيه : ليش شيماء ماقلت لكم


رحيمه : لاموراضيه تقول شى وكله بحجرتها مسكره عليها
عسى بس مافيهم شي


رقيه : اهم اشوى متزاعلين خالد ما ياكم ؟


رحيمه : لاوالله ما يه


وقامو يسولفون اشوى وسكرو التلفون


رقيه : تقول خالد ما راح لهم البحرين


مرت 3 ايام من اختفاء خالد الكل بدأ يحاتى ومايردى شنو يسوى


سعد : مافى الا نبلغ المخفر ونعطيهم مواصفات سيارته
ماراح يفيدنا الا المخفر


الكل وافقه الرأى ​

وبالفعل راح يوسف وسعد المخفر وقدمو بلاغ

​

​

اليوم الخامس من اختفاء خالد


اهل فاطمه يجون بيت اهل خالد عشان موضوع التنازل


رقيه : شخطة فيهم وقالت لهم كل المصايب جاتنا من ورى بنتكم
وانكم ماعرفتو تمسكون بنتكم اللى خربت حيات ولدى الله ينتقم منها


ام فاطمه : قامت تبجى الله يخليكم تنازلو عن بنتى ووعدكم راح تكون تحت عينى من تطلع
من السجن


رقيه : كانت معصبه على اللى سوته فاطمه فى خالد وشيماء وفقدت شعورها وطردهم من البيت
اليوم السابع من اختفاء خالد


رقيه : اتصلت على ام شيماء وقال لها ان خالد مختفى صارله 7 ايام


رحيمه : وصلت هذا الخبر حق شيماء


شيماء : اتصلت على خالتها رقيه لتأكد من الخبر


رقيه : كانت تبجى وأكدة لها الخبر وقامت شيماء تبجى


رقيه : بس عاد تعالى وشوفى ريلج بس يكفى يكفى


شيماء : انهارت من البجي
وخذت التلفون منها رحيمه وقامت تهدى رقيه
وعدتها خير


عامر : يالله ابنيتى لازم تروحين تشوفين ريلج
شيماء : وهى تبجي لا مابي روح








نهاية البارت







​

 

[ام حمادي309]

رد: رد : رواية انت بحري وانا اليم بقلم الكويتيه سموره[ روآيه مسمُوح بهآ ]

وينج ام حمادي تاخرتي عسى ماشر

ناطرينج ع نار

حبيبتي والله من جد اسفه
كنت حدى مشغوله

بس اوعدكم ان شاء الله ماراح اطول عليكم مره ثانيه ​

 

[fato_kw]

شيماء غلطت المفروض ما تسافر حتى لو كان معاها الحق بس ماتهد بيتها

وخالد وين اختى الله يهداااااه بعد هذا الله يستر علليه

والله يصبر قلب رقيه مسكييينه


ويييتنغ البارت اليديد

 

[fato_kw]

ونسيت اشكرج على البارت الحلووو واايد

وحبيبتي معذوووره عادي ما ورانا شي ننطرج افاا عليج

متى ما تفرغتي حطي بارت يعني عادي نعذرج بعد كل واحد وعنده ظروف والتزامات نعذرج والله :>:>

 

[سارووونه22]

امبية عنادهم اهوه الي دمرهم
وكلهم غلطانين من عبدالطيف الي ماعطه ولده فرصه يفهمه
ومن شيماء الي كل ماصار شي راحت البحرين
ومن خالد الي خش عن مرته المفروض من البداية قال لها
وبلنهاية مشكووووووووووورة على بارت وناطرينج بليز لاطولين

 

[بنوتة عراد]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

لا عادي اخذي راحتج
معذوره حبيبتي
وناطرينج

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

معذوره حبيبتي

بس عبداللطيق شكو يدخل ؟! احس ماله شغل المفروض يخلي ولده بروحه يتصرف
وشيماء ماكان له داعي تسافر بروحها اهي غلطانه وخالد ماكان لازم يطقها جدامهم ؟
وخالد وين رااااااح ؟؟؟؟؟؟؟
ومشكووووووره ع البارت

 

[ماعاد فيني]

والله كلهم غلطانين
شيماء اللي كل مازعلت سافرت
وخالد اللي كبر الموضوع حيييييييل وطنش اهله

وابوه اللي المفروض مايقاطع ولده


كلهم غلطانين


بانتظار البارت الجاي بسوووووورعه

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

ام حماادي ماكو بارت اليوم ؟؟؟؟؟؟؟؟؟

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

up
up up
up up up

 

[سارووونه22]

اب اب اب اب اب اب اب اب اب اب

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

أم حمادي واايد طولتي علينا

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

اب
اب