رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حبيباتي مشكورين على الرد والله..و ساره العمر كله انشالله لج و ميميو صح اهوا حرام و بالبارتات اليايه راح تكشف شادن كل شي لأم عبدالله و عيالها و بناتها..و زوزي ما تقصرين و انتقادج على عيني و راسي..و بالعكس انا فاهمتج حتى لما قريت روايته حسيت بدوخه بس قالي انه كل ي بينكشف و بتعرفونه يعني الخلاصه كل الاحداث الي صارت لهم بتنكشف بس منو بيقولها و منو بيرد و شنو السر كله بنتعرفونه انشالله ..حياكم الله و انا اسفه اذا كنت مقصره ويا وحده منكم

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

البــــــــــــــــارت 19

-الجزء 19-

(ما ادري وين ابدي؟؟..بس اكيد من البدايه..انا اسف و اعذروني على كل اللي بقوله..اهيا جم كلمه..و بعدها بياخذني الموت..مو الكل يدري انه محد ساعدني عشان اسوي عملية المخ ..و السرطان سيطر على مخي كله..و ما بقى الا فتره قصيره و بيكون الموت عند الباب..و حبيت انه ربي يغفر لي على كل اللي سويته..و اني كنت باخذ ورث و فلوس حرام..وارجو من الكل انه يسامحني..خصوصا اعظم ام شفتها امام عيني..خالتي ام عبدالله..)

اخذ نفس عميق و قال بصوت متحشرج: (مرت شهووور و سنين على سالفتكم..انا رفيج ابو جاسم من سنين و بنين..اعرفه من كنا صغار..وكنت اشوفه كل يوم..و قلبي يحن عليه اذا غاب..ومرات اشتاق له بعد ما يروح بأقل من دقيقه وحده تخيلوا..كانت ايام ..واللحين راحت..و تزوج شريفه..)

ام عبدالله بخوف:اي شريفه؟؟..منو شريفه هذي؟؟..

ابو عبدالعزيز: مابي احد يقاطعني وقتي قصير وانا الوحيد اللي اعرف السالفه..و خالد سافر اللحين امريكا و ما يدري عن شي..و ابو جاسم الله يرحمه..حكموا عليه بالاعدام..

ام عبدالله:كان سجن مؤبد!..

ابو عبدالعزيز:اللي كتبه ربج صار..و اللحين راح ابو جاسم الله يغفر له ذنوبه يا رب..

و كمل بعد ثواني: (تزوج من شريفه و جاب منها ولدين لكن شريفه انحاشت مع عيالها..خاصة بعد ما بدى يسهر برا و يرد البيت بنص اليل و يقعدها و اهوا سكران و يطقها و يطقها و يعذبها..ليه ما قدرت تنحاش مع عيالها محمد جاسم و عمر جاسم..و اهيا اللحين على ذمة ابو جاسم ليه هذي اللحظه و اوراق الزواج عندي بالبيت ..و بعدها تزوج اختج ام جاسم الله يرحمها..وكان يحبها حيل حيل..بس قطعنا عن بعض و بعد فتره شفنا بعض بالصدفه في قهاوي البدع..و ما اطول عليكم قالي عن حياته الفاشله بعد مرور سنين من زواجه من اختج ام جاسم اللي اهيا زوجته..وقالي انه بيسوي جذي وجذي..وكان يراقبكم ووحده من بناته توصل له الاحداث اول بأول..اللي اهيا غدير الله يرحمها..)

ام عبدالله:ابو عبدالعزيز..لا تكمل..و اذا تقدر الله معاك..

روان:لا شنو الله معاك..انا ابي اعرف شي واحد..شنو الجذبه اللي سوتها امي؟؟..

ابو عبدالعزيز:اي..صح..انا ما بقى الا ساعات و يوصل لي الموت..

-------------------------

و ابو عبدالعزيز:وبعدين..

وسكت و هلك..

عبدالله:لا..لا اصبر تكفى..قول الل كتبته شادن بالورقه شنو يعني..

و صارخ:كانتي..ميري ..كانتي تعالوا..

ونزلوا بخطوات سريعه ميري مع الورقه و كانتي مع هيا..

ام عبدالله:هيااااااا..

وقال ابو عبدالعزيز ثلاث كلمات طلعت بصعوووبه:الـ..تـ..

عبدالله:قول شنو؟؟تحمل..

قال بصعوبه:التكمله عند شـ..اادن..

و....

عبدالله:دقوا على الاسعاف..حالة وفاة يديده نشهدها..

-----------------------------------------------------------------

:أفففففففففففففففففف..

مر يومين..على مرور كل الحوادث..

الكل مجتمع بالصاله..

عبدالله شق الورقه كلها و حطها بالبالوعه..

و ام عبدالله معصبه وكانت تبي تدري شنو مكتوب في هالورقه..

عبدالله:سمعوني..لازم ندور ساره و نردها..و بعدين اقول لكم عن اللي سوته امي..

ام عبدالله:خاف ربك يالظالم..ليش كل هذا؟؟..قولها اللحين..

عبدالله:لا يا يما نطري شوي..شادن الف بـ% راح تيي هني..وراح تقول كل شي..

ام عبدالله:والله مادري شصاير ..بس انا ما وراي شي..

روان واهيا تتصفح الجريده:فتاة تعترف بهروبها من بيت خالتها..و حاولت الهروب الى دولة اوروبيه بمبلغ يفوق التصور..و هي في مخفر سلوى..من يعرفها عليه ..

قامت ام عبدالله و عبدالله و فرح ومحمد بسرعه و ركضوا لمخفر سلوى..

قامت روان جان يصارخ عبدالله:لالا..قعدي روان..اذا صار شي دقي علي..

روان:اي اي اوك..

وبعد فتره..

توت توت توت توت..

شافت روان تلفونها..

مسج من عبدالرحمن يقول:حبيبتي روان..لازم اشوفج اللحين..بأي مكان تكفين ضروري..

دقت روان لآول مره بعد اللي صار..

عبدالرحمن:هلا وغلا بالزين كله..

روان:هلا فيك..

عبدالرحمن:والله ماكو وقت ودي اشوفج و اقولج سالفتي مع شوق..

روان:شوق مغيرها بالمختبر؟؟..

عبدالرحمن:اي تعرفينها..

روان:والله كنت بدق عليها مره بس لهينا بالدنيا و اللي صار لنا..

عبدالرحمن:كل واحد بيقول اللي عنده بالافنيوز..اوك؟؟..

روان:اي اوك قهوة ستار بكس اللي مقابل السينما..

عبدالرحمن:امرج انا؟؟..خبري فيج ما عندج سياره..

روان:اي اوك اذا تقدر ..هاك العنوان..

---------------------------------------------------------------------------------------

في المخفر...

ام عبدالله للضابط:اي عادي اخذوها..ما نبيها..

ساره:تكفييييييييييييين يا خاله ..

ام عبدالله بعصبيه:والله لو ما مسكوج الشرطه جااان انتي بلندن اللحين عايشه هناك ..

ساره:لا ..لا بس كانت فتره و راح ارد..

الشرطي:معانا للنظاره..

ساره بخوف:جم يوم جم يوم؟؟..

الشرطي:6 اشهر..

و خذوهاا و اهيا بصياح:لاااااااااااااا..الله ينتقم منكم..الله ينتقم منكم..خلووووني..هدوووووني..وينج يا يما..يما وينج..شوفي شصاااار فيني بهالدنيا..شووووفي شصاااااار فييييينيييي..

محمد بعصبيه:يماااا..حرام عليج والله لــيـ..

قاطعته ام عبدالله و قالت:يلا معاي نروح للبنك و نغير الرقم السري و نرد للبيت..

فرح:وساره هذي نهايتها؟؟..سجن؟؟..

لكن ام عبدالله طلعت و اهيا ما تبالي بولا شي..

---------------------------------------

بستار بوكس الافنيوز..

بضحكتها الجنان:ههههههههههههه..

عبدالرحمن:ايييه..تخيلي هذا اللي صار..

روان:لا مو صج هالشوق..

عبدالرحمن:عشان جذي قلت لأمي فكوووني منها..

روان:توقعت عاد انها دلوعه بس مو ليه هالدرجه عاد..

عبدالرحمن:بصراحه روان..انا قلت لأمي مابيها..وصارت مشاكل عويصه ما خلتني اقدر ادق عليج..

قالت روان:والله نفسي..صارت اشياء ..وشفت ناس تموت جدام عيني..

عبدالرحمن:شكلها قصتج اقوى مني..بس انا كلمت امي يا روان..

روان مستغربه:على شنو؟؟..

عبدالرحمن:على اني..

روان:كمل؟؟..

عبدالرحمن:نيي يوم الاربعا بليل بدال عرسي..و نخطبج..

روان منصدمه:شنوووووووو؟؟..لا مستحيل..

عبدالرحمن:مو انتي دازه مسج تقولين تعال باجر..وصارت ايام و ايام؟؟..شصار اللحين؟؟..

روان:لا مو عن شي..بس انطر لما نحل مشاكلنا..عبدالله اخوي يقول امي خاشه شي و الله احترت اقول شنو هالشي..يعني خالتي ام جاسم بتطلع حيه؟؟..ولا شهد ما ماتت من صج..ولا غدير موجوده..ولا شنووو؟؟..و بعدين..

عبدالرحمن:كملي..

روان:وبعدين..ساره اللحين بالمخفر و اهلي راحوا لها..

عبدالرحمن:شصاير..

روان:لو قلت لك راح تكرهني و ما راح تخطبني..

عبدالرحمن:روان والله احبج..مستعد اسوي اي شي لج..ابي اعيش حياتي معاج..والله ما اشوف غيرج..

روان بخجل:بقول ك كل شي..

---------------------------------------------------------

-بالبيت-

عبدالله بصراخ:اي نعم..هذي اهيا الجذبه الخبيثه اللي خشتها عنا امي..

ام عبدالله محتاره:بس والله..والله هددوني..ما قدرت..و ماتت اختي ام جاسم و شلت السر بظهري..انا قاعد اساعدكم والله ما جذبت..

نرد لحظات للوراء..

دخلوا عبدالله و امه و فرح و محمد..

ولقوا الحسناء شادن تلاعب بنتها هيا..

و ويها معتفس من الجروح اللي صار من جاسم..

---------------------------

عبدالله:بس يما..كل اللي صار منج..

ام عبدالله بصراخ:لا مو مني..فهموووني..خلاص انا كنت اتواصل معاه..وبيرد بقوله يرد..

فرح ما صمدت و طاحت عليهم..

محمد تعب نفسيا..

عبدالله:قلت لكم قلت لكم ما راح تقدرون..

ام عبدالله:حسبي الله و نعم الوكيل..

و يابت ميري ماي و رشت على فرح..

ام عبدالله:فرح فرح قومي..

فرح بتعب:آآآخ..ليش جذي يا يما..ليش جذبتي..

عبدالله بصراخ:حرااام عليج والله حرااام ..

ام عبدالله صارخت:حراااام عليك انت خلاااااص..

شادن برقه:اسفه على اللي صار..بس انا..

عبدالله:انتي شنو؟؟..

شادن:انا بنت ولد ابو عبدالعزيز..يعني ولد ابو عبدالعزيز اللي اسمه انور اهوا ابوي و ابو عبدالعزيز اهوا يدي..

عبدالله:عشااااان جذي تعرفين كل شي..

شادن: لا و بعد كنت ادري انه غدير بتروح للنمسا و بترد ميته..

ام عبدالله جن جنونها:طلللللللللللللعي براااااااا يا بنت اللذينه..يالجربه..يالوصخه..يا بنت الحقاره..يا بنت...

شادن:انا اسفه باي باي..

وطلعت شادن برا..

و راحت ام عبدالله مسكت هيا و راحت لها برا..

وصارخت:تعالي ربي بنتج ..حرام عليج..

شادن:خلوها لكم مابيها..

ام عبدالله:و الياااهل اللي في بطنج؟؟..

شادن:مات..بعد اللي سواه الخسيس..مات..و سعود زوجي خلاني..وما يبيني و انا مابي ماريا اللي اهيا هيا..

ام عبدالله:صج ما تخافين ربج..

وفووووووووووو حركت شادن بنظارتها الشمسيه..و سيارتها الأنيقه..

--------------------------------

وبين القضبان..

:خلووووني اطلع..خلوووني اطلع..

يت وحده لساره وقالت:ليش ما تحاولين تسدين حلجج شوي..ولا اسكره بطريقتي الخاصه..

خافت ساره وقالت:لا خلاص بسده..ماني متكلمه..

و اهيا تقول بقلبها(ست اشهر هني..شلون بستحمل..ابيج يايما ابيج..)

----------------------------------------

هزززز هزززز..

عبدالرحمن:منو يدق عليج هزاز..

روان:هذا عبدالله اخوي..

و:الو..هلا عبدالله..

وبعد فتره قالت منصدمه:شنووووو؟؟..يلا كاني يايه..

عبدالرحمن:عسى ما شر..قعدي تو الناس..

روان:حبيبي..شادن كانت بالبيت و انفضح كل شي..و فرح طاحت عليهم و محمد تعب نفسيا..يا ربي عاد انا ما اتحمل الصدمه الصغيره..هالمره شنووو؟؟..

عبدالرحمن بالوقت الضايع:صج انا حبيبج؟؟..

روان بخجل:اوووه..

وبعدها شارت شراره:بتقطني ولا لا؟؟..ترى انا حنه عاااد..

عبدالرحمن:افا عليج لو المريخ اوديج له ..

وبسرعه راحوا بخطوات سريعه للبيت اللي وضح فيه كل كبيره و صغيره..

-----------------------------------------

-يتبع الجزء 20-

شنو بيكون مصير ساره؟؟..

ومصير الورث؟؟..

وشنو اهيا الجذبه اللي صارت؟؟..

ومنو قصدها ام عبدالله عن اللي بيرد لهم؟؟..

ومن وين؟؟..

شنو بيكون مصير كل من عبدالرحمن وروان وبداية حبهم؟؟..

وهل راح يلعب القدر فيهم؟؟..

شنو بيكون مصير هيا البنت الصغيره؟؟..

وشنو بتسوي ام عبدالله عشان تصلح كل شي؟؟..

اسئله كثيره بتكون على الابواب ..

تابعوني:مبارك المحجان..

رمز المتابعه:^_^ ^_^​

باجر الساعه 2 بليل انشالله بيكون البارت قبل الاخير و الاخير و عيدكم مبارك و كل عام و انتوا بألف خير خوااتي

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يعطيج العاافيه قلب
ناااااطرين البااارت

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يعطيييج العاافية خيتوو ,, نوييتنق

 

[MeeMeeYoo_2]

يسلمووووو

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

الله يعافيكم بنات ما قصرتوا و حياكم الله ؛)

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

وييتنق ** ;pP

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

__البـــــــــــــــــــــــــــــــــــــــــــــارت قبـــــــــــــــــــــــــــــــــل الأخيـــــــــــــــــــــــــــــــــــــــــــــــر​

الجزء 20

--------

:يماااااااااااااااااه...

انفجرت الصرخات و الدموع...

في موقف لا يذكر..

:يماااااااااه ليييييش؟؟

محد كان يعرف سبب البكاء!!..

هل كان فرح او حزن؟؟..

او كره و بغض لأم عبدالله على اللي سوته في عيالها؟؟..

:ليش؟؟..شسوينا لج عشان تخشين كل هذا؟؟..

--------------------

ام عبدالله :شقول لكم اللحين؟؟..شقول؟؟..

عبدالله:لا تقولين شي..كل شي عرفناه..

روان:شقالت شادن؟؟..اصلاً وينها اللحين؟؟..

عبدالله:صارخت عليها امي و سبتها سب مو طبيعي و المسكينه خافت و انحاشت برا..

-----------------------------------------------

قبل ساعه من وصول روان..

وصلوا كل من ام عبدالله و عبدالله و فرح و محمد..

بدون ساره اللي كان جزاها المخفر..والسجن..

بعد ما نزلوا متجهين لباب بيتهم..

محمد بحزن:يما..سامحي ساره..مو حلوه جذي..

ودخلوا البيت..

ام عبدالله:انسوا الموضوع ست اشهر بتعلمها كل شي بالسجن..

وبهاللحظه الكل وقف..

اي نعم..

شادن مع بنتها هيا..او بالأصح ماريا..

بالصاله يلاعبونها..وميري وكانتي بالغرفه..وطلعوا يشوفون الموضوع..

لاحظتهم شادن ووقفت بهدوء و قالت ببرودة اعصاب:مساء الخير..

ام عبدالله:ولج ويه تدخلين بيتنا؟؟..

عبدالله:خلاص يما..انتي قلتي لي تبين تعرفين الشي اللي خشيتيه عنا..اهيا اللي بتقوله مو انا..

سكتت ام عبدالله و بين عليها الضيج و التوتر..

عبدالله و نسى يسأل وين روان اللي ما لاحظها اصلاً:حياج يا شادن..قعدي..

شادن و بعد ما قعدوا الكل:انا ما راح اطول بقول كل شي قاله لي بو عبدالعزيز..

ام عبدالله تقاطعها:و انتي شعرفج فيه؟؟..

عبدالله:خل نسمع..و بعدين قولي اللي تبين تقولينه يا يما..

سكتت ام عبدالله..

وكملت شادن:الله يرحمك يا بو عبدالعزيز كنت خوش ريال بس ما كان عندنا الفلوس لعملية مثل جذي..

وقالت:انا بقول لكم شي واحد بس..اللي اهوا اذا صار اللي صار ..يكون لي دور بالموضوع..انا بنت خربانه..دلوعه بين الاهل..سهرات و طلعات و سمرات و حفلات..وطقطقه و وناسه وفله..يعني مثل ما نقول فري قيرلز..تعرفت على ألف صبي قبل و بعد جاسم..اي ..كنت اطلع معاهم بلندن و بكل مكان..وشباب العرب هناك وايد..خصوصا فيني ضعف باللغة الانكليزيه..وطبعا كنت اتواصل مع بوعبدالعزيز حتى ليمه كان بالسجن..و اهوا بنفسه قالي عن مكان وين يقعد جاسم و تعرفت عليه و كان صيده ومثل ما يقولون خروف غبي طاح بالمصيده..وتزوجته عشان نقوي العلاقه..بس الصج..بو عبدالعزيز كان طماع و زوجني مو لسعادتي لا..زوجني عشان ناخذ حلاله من الورث يعني حلالي و حلال جاسم و حلال ماريا ..اللي اهيا بنتي هيا..وكنت ناويه آخذها بس صار اللي صار..وبما ان بو عبدالعزيز مات..فأحب اقول لكم..انه كنت بخونه و باخذ الورث لي انا و حبيبي و زوجي سعود اللي تزوجته بنفس الوقت مع انه حرام و ادري و هذا امر مفروغ منه..بس محد يتدخل بحياتي..وانا حره فيها..يعني كل السالفه لعبه في لعبه..و ادري بكل اللي صار لكم..من هوشات..و مراقبات ..و اللي مات..واللي هددوهم بلندن..و كل شي..انا ادري فيه..وبأيام زمااااان..قبل جم سنه..بعام 2009..والليله السوده اللي مريتوا فيها..

خذت نفس و كملت:كانت روان تطبخ بيض و طماط تحت..وبعدها راحت لفوق و كانت تاكل..ونست الجوله مفتوحه..تتذكرون؟؟..

عبدالله:اي اكيد..بس منو قالج؟؟..

ام عبدالله:اكيد بالجرايد..

شادن:الجريده راح تكتب اللي صار..بس ما راح تكتب ان روان كانت تسوي بيض و طماط و تسوي قصه بالجريده على ما اظن..

وقالت بعدها:كانت مراقبه من ابو جاسم..و على فكره اياً كان ما راح تتفاعل النار و تتآكل و يصير اللي صار..خصوصاً انه الأرضيه بالمطبخ كانت صلبه..

ام عبدالله بهدوء:و ادري انه اهوا اللي حرق البيت لعنة الله عليه..

الكل هني انصدم محد قدر يقاوم بس يبون يعرفون السالفه كامله..

قالت شادن :لا تخافين يا ام عبدالله الكل مات ابو عبدالعزيز و ابو جاسم..

وكملت شادن:و اي ..صح كلامج خالتي..وبعدها صار اللي صار و احترق زوجج اللي اهوا ابوكم..و غيروا الخطه..و تبعوكم ابو جاسم و ابو عبدالعزيز..وكل هذا عشان بس يبون يوصلون للورث..و حجزوا معاكم بنفس الطياره..و نزلوا معاكم طبعاً..و بعد يومين بس..تعافى ابوكم يا عبدالله..ويا فرح و يا محمد..لكن صبروا وشوفوا شصار!!..وصلوا و اقتحموا ابو جاسم و ابو عبدالعزيز الغرفه اللي فيها ام عبدالله و ام جاسم و ابو عبدالله..وهددوهم انه اذا ما قالوا انه ابو عبدالله مات..راح يذبحون عيالكم بالكويت ..وابو عبدالله صار مشلول..ما يقدر يحرك الا ايدينه..لكن ريوله ما يقدر..فماباله و شنو يقدر يسوي؟؟!!..مو بيده شي..وفعلاً مرت شهور و ردوا طبعاً خلال الايام الاولى كل من ابو عبدالعزيز و ابو جاسم للكويت..و تعرفون شسوا فيكم و قهروكم..و تزوج عبدالعزيز غدير..و كل شي معروف..وردوا لكم ام عبدالله و ام جاسم الله يرحمها و يرحم عيالها للكويت..وقالوا لكم انه ابوكم بالمستشفى..خصوصاً خافت ام عبدالله تصدم عيالها و بناتها..و اخيراً صار اللي صار..و مات بوجاسم اعدام..و بو عبدالعزيز من المرض و السرطان..و اللي معاهم يوسف و احمد و خالد كلهم مشتركين بهاذي المهزله ..يعني الأمور كانت متدبره و معروفه..و الجذبه اللي خشتها عنكم ام عبدالله..اهيا..انه بو عبدالله عايش بهاذي الأرض و ما مات و خافت عليكم و جذبت عليكم بعد ما طالت الأيام..و من بين فتره و فتره كان يدق على ام عبدالله و اهيا تدري بكل شي..بس خافت على عيالها و بعدها على الورث ..

فرح بهدوووووء:هذي الجذبه؟؟..

عبدالله بصراخ:اي نعم..هذي اهيا الجذبه الخبيثه اللي خشتها عنا امي..

ام عبدالله محتاره:بس والله..والله هددوني..ما قدرت..و ماتت اختي ام جاسم و شلت السر بظهري..انا قاعد اساعدكم والله ما جذبت..

نرد لحظات للوراء..

دخلوا عبدالله و امه و فرح و محمد..

ولقوا الحسناء شادن تلاعب بنتها هيا..

و ويها معتفس من الجروح اللي صار من جاسم..

---------------------------

عبدالله:بس يما..كل اللي صار منج..

ام عبدالله بصراخ:لا مو مني..فهموووني..خلاص انا كنت اتواصل معاه..وبيرد بقوله يرد..

فرح ما صمدت و طاحت عليهم..

محمد تعب نفسيا..

عبدالله:قلت لكم قلت لكم ما راح تقدرون..

ام عبدالله:حسبي الله و نعم الوكيل..

و يابت ميري ماي و رشت على فرح..

ام عبدالله:فرح فرح قومي..

فرح بتعب:آآآخ..ليش جذي يا يما..ليش جذبتي..

عبدالله بصراخ:حرااام عليج والله حرااام ..

ام عبدالله صارخت:حراااام عليك انت خلاااااص..

شادن برقه:اسفه على اللي صار..بس انا..

عبدالله:انتي شنو؟؟..

شادن:انا بنت ولد ابو عبدالعزيز..يعني ولد ابو عبدالعزيز اللي اسمه انور اهوا ابوي و ابو عبدالعزيز اهوا يدي..

عبدالله:عشااااان جذي تعرفين كل شي..

شادن: لا و بعد كنت ادري انه غدير بتروح للنمسا و بترد ميته..

ام عبدالله جن جنونها:طلللللللللللللعي براااااااا يا بنت اللذينه..يالجربه..يالوصخه..يا بنت الحقاره..يا بنت...

شادن:انا اسفه باي باي..

وطلعت شادن برا..

و راحت ام عبدالله مسكت هيا و راحت لها برا..

وصارخت:تعالي ربي بنتج ..حرام عليج..

شادن:خلوها لكم مابيها..

ام عبدالله:و الياااهل اللي في بطنج؟؟..

شادن:مات..بعد اللي سواه الخسيس..مات..و سعود زوجي خلاني..وما يبيني و انا مابي ماريا اللي اهيا هيا..

ام عبدالله:صج ما تخافين ربج..

وفووووووووووو حركت شادن بنظارتها الشمسيه..و سيارتها الأنيقه..

-------------------------------

كل السالفه سمعتها روان ..

من الألف الى الياء..

روان منصدمه:بس قبل جم سنه..كنتي تقولين دعاء الميت..شدراج اني كنت عند الباب؟؟..

ام عبدالله بهدوء:السبب بسيط حيل واهوا..

لكن انهمرت دموع روان بغزاره و ارتجفت بهول للي سمعته من عبدالله واللي حفظ السالفه من اول مره يسمعها وما قدرت تتحمل و..

روان؟؟..

هل راح تصمد؟؟..

و هل تشوف ابوها؟؟..

وتشوف حبيبها و يتزوجون؟؟..

ام بيكون القدر المرعب من نصيبها؟؟..

-----------------------------------------------------------------------

في قطعه 6

و بالتحديد شارع 10..

بيت بو عبدالعزيز..وانور..و عبدالعزيز..وشادن..

صار البيت ملك لشادن..

و مثل ما نعرف بو عبدالعزيز مات و زوجته من زمان ميته بعد ما زاد عليها السكري وارتفع..

و عبدالعزيز مات بعد مثل ما الكل يعرف اللحين..

قالت شادن بهدوء جدام كبت*(خزانة)* يدها:بس هالأوراق اعطيهم لأم عبدالله و اذا تبيهم تبيهم ولا تشقهم..وبعدها اطلع من الموضوع بالكامل..

وقالت بضمير و احساس يدل على ندمها و حزنها:ولا ابي حب و لا شباب و لا حفلات و لا سهراااات..ولا انت يا سعود..و لا انت يا الورث..و برد باخذ بنتي..و بعيش بهالبيت بروووحي..

اللي ما تعرفونه انه الرحله الجويه رقم 845..الخطوط الجويه التايلنديه اللي طاحت في المحيط الهندي..كانت تحمل انور..و حنان..و بدال لا يردون للكويت و للبيت.. هبطوا للمحيط الهندي..لكنها ارتاحت بسبب قساوة ابوها انور و عاداته السيئه..و امها اللي لاهيه بالماركات و الملابس و الأزياء..ولا تدري عن هوى دارها..

وقالت شادن : اوديه لهم اللحين..خل كل شي يصير حار بحار..و ما اروعج يا ام عبدالله صبرتي على كل شي.. يا ليتج امي والله..

و قالت بعدها بتوبة صادقه:و راح ارد لربي..لله..و بدعي له انه يغفر لي..واول شي بسويه ..بلبس الحجاب..و الملابس المحتشمه..و بتكون بداية حماس..لحياة يديده..و كل شي بالبيت ببيعه خو بقيت بروحي و بقول اني ببيعه و اشتري لي شقه ..لي انا و هيا..هيا احسن من اسم ماريا..

و طلعت برا لكن بدون حجاب..و قررت بعد هالطلعه بداية حياة جديده لها ..و لبنتها المظلومه هيا..

واستمرت لبيت ام عبدالله و عيالها عشان تسلم لهم الأوراق..

------------------------------------------------------

عرفنا السر و الشي اللي خبئته ام عبدالله طوال هالسنين..

لكن؟؟..

هل راح يرد لهم الأبو؟؟..

شنو الموقف اللي بيصير لهم اذا رد؟؟..

ساره شصار لها؟؟..

شنو الأوراق اللي مع شادن و بتعطيها لأم عبدالله؟؟..

منو اللي بنشوفها بالجزء الأخير؟؟..

شصار على روان؟؟..

ماتت؟؟..

غيبوبه؟؟..

ولاشي؟؟..

حبهم؟؟..

عبدالرحمن؟؟..

روان؟؟..

من سيصمد؟؟..

من سيعيش؟؟..

كل شي وضح؟؟..

لكن كل شي تدل على انه ما وضح كل شي ..

اي!!..

هالروايه فيها و فيها..

بينكشف كل شي..

باجر..

يوم السبت..

................​

الخاتمه باجر انشالله

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يعطيج العاافيه
كملييييي وناطرينج

 

[MeeMeeYoo_2]

ناطريييينج

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

الحلـــقه الأخيره




الحياة ليست أخذ و أخذ..

بل الحياة نأخذ منها..

و بعدها تأخذ منا..

---حياكم بالجزء الحاسم---

و النهاية المنتظره..

تقبلوا تحياتي:مبارك ناصر المحجان...

(و ما بعدك يا أيها الورث)...

الجزء الأخير..

------------------------------------------------------

:رواااااااااااااان..لا تخليني..لا تروحين..

:روااان نحتاج لج ..لا تخلينا مثل شهد..

:رواااان انا اختج ردي علي..

:رووواااان ..مالي اخت غيرج..لا تخليني..

:روان..تسمعيني؟؟..

:روان..انا فرح..ممكن تردين علي؟؟..

:روان..روان..روان...

-----

ام عبدالله في ممر مستشفى الهادي:وين فرح؟؟..وينها؟؟..

عبدالله:كانت هني قبل ثواني بسم الله وين راحت؟؟..

محمد :يما ..فرح راحت حق روان داخل..

و فجأه طلعت فرح و اغرورقت عيونها و اختلطت بالدموع..

ام عبدالله تركض:شلووون قدرتي تدخلين؟؟..انزين شلونها؟؟..

فرح و الدموع تتساقط:احس بكون بنتج الوحيده يا يما..

و ضمت فرح امها و اهيا تصيح و تقول بألم:متى تنتهي المشاكل..وين ايام قبل..خالتي ام جاسم..غدير..هديل..جاسم..بدر..شهد..كل هذووول يا يما راحوا..واللحين روان..عشان ابوي اللي طلع مو ميت؟؟..

ام عبدالله و اهيا تضم فرح بحنان و شوق و ألم:لا تقولين جذي..هذا قدر ربج يا فرح..وروان راح ترد لنا..راح ترد و ما راح يصير شي فيها..

محمد:اصلاً روان بتقاوم..و بتتألم..لكن بتصمد..لأنها ناويه تتزوج..

قامت ام عبدالله و قالت بهدوء و محمد وراها:روان!!..بنتي انا؟؟..تتزوج؟؟..

و التفتت على محمد و قالت له و اهيا تمسكه:لو كان صج..انا مستعده اضحي بنفسي..بس ابي اشوف البيت يملا عيال..اشوف عيال عيالي..

محمد:عبدالرحمن..اللي معاها بالشغل بس قالت لي روان انه طلع..

ام عبدالله وقفت:الله و النبي يحييه..لو تبي عشرة من عبدالرحمن اييب لها..تستاهل بنتي..

-----------------

و مرت الأيام و تحققت أشياء كانت اماني..

مرت 8 أيام..

لكن ناخذ كل شي حبه حبه..

ونرد قبل 8 أيام..

يلا يلا عبدالله بسرعه..

عبدالله:يلا ميري شيليها..

ام عبدالله:كانتي قعدي عند هيا..

ولكن بهاللحظه..

وصلت شادن مره ثانيه و قالت:السلام عليكم..

ام عبدالله بعصبيه:وعليكم السلام..وخري عنا بنروح للمستشفى بسرعه..

شادن:انا ما ابي شي بس بعطيكم آخر شي..و اهم الأوراق و ابي بنتي هيا..

راحوا كلهم للسياره..

عبدالله:يما يلا..

ام عبدالله:روووحوووا انا اجيلكم بتاكسي..

الحالة كانت طارئه..و راحوا بسرعه..

عبدالله و فرح و محمد مع روان اللي بين حياتها و مماتها..

ام عبدالله:بسرعه اخذي هيا و علميها على اصول التربيه ..ترى البنت برقبتج ليه يوم الحساب..

شادن بكل ندم:ادري..ما راح أأخرج..بس انا ندمت و بتوب..و ببيع البيت و بسوي كل شي هاليومين..و بسرعه بسرعه..و ببري ذمتي بأوراق يدي..فيهم كل شي تحتاجين له..

و بعد فتره شافت الأوراق و صمدت ..

و خذوا هيا و وصلت شادن ام عبدالله لمستشفى الهادي بعد ما دقت على عبدالله..

------------------

نرد بعد خروج روان و الحمدلله بكامل صحتها..

---------------------

روان بالصاله مع اهلها:يما..طفوا التلفزيون..

فرح:لا بشوف المسلسل..

ام عبدالله قامت و طفته..

و قعدوا كلهم بهدوء..

و قالت روان بحماس و ارتباك:يما في 5 امور اذا حليناها بيصير كل شي تمام..و بنعيش بكل عز..

ام عبدالله:قولي اللي بتقولينه ..كلنا هني و نسمعج..

روان خذت نفس و قالت:يا يما..ساره..ما يصير تكون بالسجن لحد اللحين..حرام والله..

ام عبدالله:انزين كملي..

عبدالله تدخل:صح كلامج روان ..لازم نطلعها..

ام عبدالله تبتسم:لا تخافون..ساره خلال يومين ان شاء الله بتكون عند عايله جديده..

الكل بدى يشوف الثاني و يتسآل منو العايله الجديده هذي؟؟..

ام عبدالله:كل شي بوقته..الشغله الثانيه ؟؟..

روان:ايه..يما..صح جذبتي علينا..لكن كل اللي هددوج ماتوا الله يلعنهم..نبي ابوونا..

فرح:اي اشتقت له..بس اخاف اشوف واحد مات و يطلع مره ثانيه..

محمد:فكرة تخوف..ابوي مات ست سنين و اللحين طلع مو ميت!!..

عبدالله:كلنا مشتاقين له..نبي نشوفه خل يرد..

ام عبدالله بهدوء :هم هالشي مفروغ منه..و بتتفاجئون ..ومثل ما قلت كل شي بوقته..

روان:انزين و الورث التسع ملايين؟؟..شنو بيكون حلهم؟؟..

ام عبدالله بأسلوب مبهر:هم كل شي بوقته..

فرح عصبت و قالت:شنو كل شي بوقته ..قولي لنا شنو بيصير؟؟..

روان:و شغلي يا يما!!..

ام عبدالله استغربت هني و قالت:شفيه؟؟..

روان:بهد شغلي..و بتوظف بأي مكان المهم مابي هالهندسه القثيثه..

ام عبدالله فرحانه:اي يا بنتي..هذي الأخبار اللي تسر..

روان:بس يما..ما جاوبتي على سؤالي قبل 8 ايام!!..

ام عبدالله تضحك:هههههههههههه..كنت ابيج تقولين عن هالشي..

فرح:شنو ؟؟..اي سؤال؟؟..

روان:قلت لها..شلون قلتي دعاء الميت و محد بالغرفه..اكيد كانت تدري من زمان اني برد للغرفه..

فرح:اي سالفه؟؟..متى؟؟..

روان:بسنة 2010 ..قبل جم سنه يعني..

ام عبدالله:تذكرين كنتي تدرسين رياضيات و قلتي يما وين المسطره و قلم الرصاص..و خذيتيهم و تركتي المسطره و نسيتيها..و رحتي للصاله تبين ترسمين المضلعات و الاشكال لواجب الرياضيات..قلت اكيد بتردين عشان المسطره..كنت خايفه حييل..بس تشجعت و كررت الدعاء..لما دخلتي ..وصار اللي صار..

و قالت بعد زفير قوي:و هذا السبب البسيط..اللي ساعدني..

روان تضحك:ههههههههههههههه..و ما كنا ندري انه ابووونا عايش..

------------

وبعد ساعه من السوالف و الضحك..و الوناسه..

قامت ام عبدالله و راحت لغرفتها..

و رجعت معاها 4 أوراق..

عبدالله بعد ما قعدت ام عبدالله:يما..شنو هذي الأوراق؟؟..

ام عبدالله و اهيا تشوف الأوراق:هذي اللي عطتني اياها شادن..و بعدها خذت هيا و راحت..بعد ما قطتني عليكم بمستشفى الهادي..

روان:شنو محتواها؟؟..

ام عبدالله:سالفة بو عبدالعزيز..تعرفونها كلكم..انه قال عقد زواج شريفه زوجة بو جاسم..عنده..ووصلت شادن الأمانه..و قبل 3 أيام دقيت و قعدنا ساعه نسولف انا معاها..تدرون منو طلعت هالشريفه؟؟..

روان و عبدالله و فرح و محمد بنفس الوقت و بحماس:منو منو؟؟..

ام عبدالله تضحك:هذي كانت وحده معاي بالثانويه..و كنا مع بعض..لا وتدرون بعد..

روان و عبدالله و فرح و محمد بحماس:شنو بعد؟؟..

ام عبدالله:كانت مسويه عرس..و عزمتني..كانت ماخذه بو جاسم..رحت من سبع ليه ما اذكر جم..بس طلعت قبل المعرس للأسف..

روان:وخزيااااه..

ام عبدالله تكمل:و بعدها قطعت عني فجأه و مادري شصار معاها..لكن عرفتها و لعب القدر و جمعنا..و كلمتها عن بو جاسم و قلت كل شي بختصار..و قالت ان امنيتها في بنت ..و اكيد بترعى ساره..

روان:والله الصج انا ما ادري عنكم..بس ساره مالي شغل فيها..لكن قعدتها بالسجن..صج مو حلوه بحقها و لو انها باقت الورث منا..

ام عبدالله:عبدالله..ودني المخفر ..

عبدالله:ليش بعد؟؟..

ام عبدالله :ما تبون تطلع؟؟..

روان:امبله..

محمد:اييييييييييييي..تكفين يا يما..

و راحت ام عبدالله و عبدالله و بعد نشبة محمد خذوه معاهم..

-----------------------------

(فقدتك..يا اعز الناااس..فقد الحب و الطيبه..

و انا من لي في هالدنيا..

سواك ان طالت الغيبه..

وانا من لي في هالدنيا..

سواك ان طالت الغيبه..

رحلت و من بقى ويااااي..

يحس بضحكتي و بكاي..

و حتى الجرح في بعدك يغزيني و هلي به..

وانا من لي في هالدنيا سواك ان طالت الغيبه..

تصدق قد ما حنيييت..

اشوووفك في زوايا البيت..

و اسولف معك عن حزني..

و احس ان انتا تدري بي..

و انا من لي في هالدنيا ..

سواك ان طالت الغيبه..

شسوي؟؟..

بالألم و الآآآآه؟؟..

لكن البقى لله..

يصبرني على بعدك..

و اذا حظي و راضي به..

و انا من لي في هالدنيا ..

سواك ان طالت الغيبه..)

فرح:روان قصري على الأغنيه اللي بالتلفزيون..

روان:ذكرتني بأبوي..

فرح:بيرجع ابوووي..

:روان..

دخل سهم و مو اي سهم..

سهم حاد اخترق..

روان و فرح..

كرر:بناتي..

التفتت روان بصمت مريب..

خافت..

فرح ما صدقت..

شنو هالأحساس..

ابوووهم مات..

لكن التفتوا..

و شافوا أغرب شي بيشوفونه بحياتهم..

كرسي قاعد فيه واحد مشلول..

يحرك ايدينه بس..

ملامحه كبرت شوي..

و ظهرت عليه التجاعيد و علامات الشيخوخه اكثر و اكثر..

فرح و روان:وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه..

عوت هالصرخه المدويه..

علت و علت..

الكل برهبه و رعب..

لكن بلا منازع..

الكل ركض بشوق و حنان و حب و تقدير..

الكل راح لأبو عبدالله اللي رد..

و اللي يدل كل شي..

و ام عبدالله ما خلت شي الا و قالته لأبو عبدالله من اصغر الحوادث لأكبرها جدلاً و رعباً و اثارتاً..

--------------------------------------

المخفر..

:يعني خلاص يا خالتي..تطلع البنت؟؟..

ام عبدالله و اهيا واقفه:لا ..انا مابي اطلعها..

محمد:شنو؟؟..يما ما يصير جذي..ليش احنا هني عيل؟؟..

ام عبدالله:ساره..بنفسها اهيا..اللي بتقرر..

------

و بعد لحظات..

:اي اي اييي..اي مكان يا خاله ارحم من السجن..اللي داخل مجرمين و يخرعون..

ام عبدالله :بس مو كثرج..

ساره:اذا طلعت بصير خوش وحده و محترمه و برد لربي..و بسوي كل شي له مصلحه لي و للكل..

ام عبدالله:بعرض عليج عرض..اذا تبينه..اطلعج..اذا ما تبين قعدي هني لما تخلص الست اشهر..ويمكن تصير سنه..و سنتين..و لو طلعتي..مالج مكان عندنا..لأن صج انا وصلت لمرحله تعبت فيها..حتى من حماية عيالي انا..

محمد وعبدالله سكتوا و ما قالوا شي..

و بعد دقايق..بجت ساره..

وقالت بضيج:اي..خلاص..بس ..لو اكون..يعني..

ام عبدالله:ولا نفس..تجين معانا لبيتهم بالقصور..ولا قعدي هني ابرك لج..

ساره:لالالالالا..خلاص..اخواني من ابوي احسن من سفاحين و مجرمين..

و بعد ما صار كل شي بسرعه..

راحوا للقصور و قعدت ساره هناك و بعد ربع ساعه حركوا..

محمد و دموعه..

و عبدالله اللي يسأل امه عن شلون بتكون حياة ساره و من وين لها ملابس و من هالكلام..

قالت ام عبدالله:انا سويت اللي علي يا ولدي..الباجي للمره شريفه..

وقالت بعد اقل من عشر ثواني:رووح للبنك ..عندي شغله لازم اخلصها..

------------------------------------

شادن باعت البيت..و بسرعه لقت له ناس يشترونه..

و بعد الدلال و حكاية كل مره..باعته برخيص..وبسرعه..

و اجرت شقه..

الى ان تلقى مكان تستقر فيه..

اهيا و هيا..و حجابها..

----------------------------------------------------------------

وصلوا ام عبدالله و عبدالله و محمد للبنك..

فتح عبدالله باب السياره ..

جان تقول ام عبدالله:لالا..انتوا قعدوا..دقيقه ماني مطوله على احد..

عبدالله و اهوا يسكر الباب:شووورج و هداية الله..

راحت للبنك و فعلاً مرت دقيقتين بس..

و رجعت لهم حامله ورقه..

ودخلت داخل السياره..

عبدالله:شنو هذي؟؟..

ام عبدالله تبتسم :ليش تسأل؟؟..ليش ما تقراها انت؟؟..

اخذها عبدالله بكل شغف..

و قرى و قرى لما وصل للسطور المهمه حيل..

و قال بصدمه و شاف امه:تبرعتي بكل الورث لليتامى و المساكين و المرضى!!!!!!!!!!!!!!...

ام عبدالله قالت بضمير:اكيد الفلوس مبيوقه..كانت موجودة بولاية كنتاكي الامريكيه..شنو وصلها هناك؟؟..وليش؟؟..اكيد فلوس حرام..ومانبيها..و تبرعنا فيها كصدقه جاريه للسائر المؤمنين و المؤمنات..

لكن ما أثر الكلام و الحديث على عبدالله اللي كتم غيظه و اعصابه داخل نفسه..

ومحمد اللي بدى يلوم امه على اللي سوته..

اللي سوته بساره..مو الورث!!..

----------------------------------

وصلوا للبيت..

طلعت فرح بسرعه و بكل نشاط و حب و فرح و أمل..

وصارخت:ابووووووي..ابوووووووي..ابووووووووي..

ودخلت بسرعه لداخل البيت..

عبدالله:شنو ابووووي؟؟..شسالفه بعد؟؟..

ام عبدالله تبتسم:ما قلت لكم..كل اللي قالته روان راح يصير بوقته..كاهو ابوكم يا ناس..ابوكم داخل..

عبدالله و محمد ما صدقوا..لكن خلى السويج و باب السياره و اهوا و محمد مفتوح..

و ركضوا لداخل..

ضحكت ام عبدالله و سكرت الأبواب و محرك السياره..

وضحكت مره ثانيه وقالت بصوت مسموع:الحمدلله..خل ادخل و اشوف زوجي ..

---------------------------------------

:كللللللللللللللللللللووووووششش..

-ألف الصلااااة و السلااام عليك يا حبيب الله محمد-...

:كلللللللللللللللللللوووشش..

:كلوووووووش..

هاب الساااعه..

عمت الأفراح و عمت الأماني..

و عم السرور عالكل..

ارتبطت روان و تزوجت..

اي نعم..

انخطبت..

و تزوجت..

و كاهوا عبدالرحمن ماشاء الله عليه..

يدخل الصاله..و يشوف الناس..

يشوف قرايبه..

و الكل اللي معاه..

حضرت ساره العرس..مع شريفه..

الكل بدى تدمع عينه..

دموووع الفرح و ممزوجه بالحزن..

(ألف مبروووك..و منك المال..منج العيال..

امج الغاليه..)

-------------------------------------

ردوا للبيت..

و رد النهر لمجراه..

الحياة تعدلت شوي..

ام عبدالله تكلم زوجها بالغرفه..و الساعه 2 بليل بعد ما ردت ام عبدالله من العرس:حبيبي..عندي فكره لك..

ابو عبدالله:فكره؟؟..مثل شنو؟؟..

ام عبدالله و اهيا تمشط شعرها:لازم نسافر..

ابو عبدالله يضحك:ههههههههه..بسم الله الرحمن الرحيم..توني وااااصل..

ام عبدالله:لا..لا يا بو عبدالله مو قصدي سياحه..

سكتت شوي و قالت:علاج لك..

ابو عبدالله و اهوا ينفي الفكره نهائياً:لا لا لا ..لا يا ام عبدالله..تكفين خلينا جذي ..و خل نفرح بروان..و نشوف عيال عيالها بعد..

ام عبدالله بحزن و فرح بعد:امممممم..ان شاء الله..ان شاء الله..

----------------------------------------------------

بعد اسبوع..

كان محمد يزور ساره كل يوم تقريباً بدون لا تدري امه..او احد من العايله..

لكن بعد ما مر اسبوع..

رد البيت مع التاكسي اللي وداه..

وكان كئيب ..خايف..

على اخته..

اللي كانت تقول امه:بس عن الشطانه يا محمد ساره..خو جنكم بعض..توأم توأم حشى..

و ابتسم و قال:طلعوا من البيت..بس وينج يا ساره..وين راحوا؟؟..وين؟؟..

---------------------------

الأجواء تقول لنا..

وللجميع..

((وصلنا للنهايه..))..

و بنهاية كل شي..

و بعد كل اللي صار من الورث..

راح..بارده مبرده..

لليتامى و المساكين و المرضى..

.....

سافرت روان مع عبدالرحمن لأستراليا..

شهر عسلهم اللذيذ..

كان القدر بيلعب عليهم..

لكنهم قاوموا..و استحملوا..

انتهت الكوابيس..وانتهى كل شي..

عبدالله تقدم لوحده و خطبوها له..

--------------

ردوا للحياة..

نسوا بنت اسمها ساره..

و ردت روان ..

و بعد فتره..

ام عبدالله:كللللللللوش..الف الف الف مبرووووك..

اي نعم..

حملت روان..

و تزوج عبدالله..

و كبرت فرح..

وحب محمد..

و تعالج ابو عبدالله..

و ارتاحت ام عبدالله..

و الكل بآمان..

وردت العايله الى ما كان..

و نست ام عبدالله اللي كانت تردد في كل مره عبارة:

(و ما بعدك يا أيها الورث؟؟!!..)..

---------------------------تمت------------------------------

بحمد الله و فضله..

شكر خاص للشخصيات الحقيقيه مره اخرى..

و اتمنى تحوووز الأجزاء كلها على رضى الجميع..

و بأذن الله نلتقي معاكم بأحداث جديده..

لكن بروايه أخرى ..

و شخصيات أخرى..

و ألف شكر لكل من تابع الروايه و تفاعل معاها..




---تمت---​

الناشره اخت مبارك:هند ناصر

 

[MeeMeeYoo_2]

يعطييكم العااافيه

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يعطيكم العاافيه
روعه الصراحه ومشكورين ماقصرتواا .. موفقين ياارب

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يعطيييكم العااافية خيتووو ,, وكل عام وانتي بخييير​