TuTTi^FruTTi
New member
بــيييه ماكملتي 
وايد طوولتي بديت انسى والله لان اقرى 3 روايات طق مخي لوول
ناطرينج حبيبتي نبي بارت ولازم تعوضينا تححطين بارت طوووووووويييييييييييييييييل -_-
وايد طوولتي بديت انسى والله لان اقرى 3 روايات طق مخي لوول
ناطرينج حبيبتي نبي بارت ولازم تعوضينا تححطين بارت طوووووووويييييييييييييييييل -_-
FoOwFoOwa
New member
الله يبارك فييييج
انشالله والله راح انزل .. من عيووووووووووني
فديت عيونج ؛Pp••
بس متى ؟؟••
fatma90
New member
- إنضم
- 22 يناير 2009
- المشاركات
- 597
- مستوى التفاعل
- 0
- النقاط
- 0
بــيييه ماكملتي
وايد طوولتي بديت انسى والله لان اقرى 3 روايات طق مخي لوول
ناطرينج حبيبتي نبي بارت ولازم تعوضينا تححطين بارت طوووووووويييييييييييييييييل -_-
وهذا انا حطيت بارت طوووووووووويل
fatma90
New member
- إنضم
- 22 يناير 2009
- المشاركات
- 597
- مستوى التفاعل
- 0
- النقاط
- 0
(الاحداث باختصار)
(في بيت خالده .. ام جاسم):-بعد خمس ايام...تفكر منيره بكلام روان .. وشلون تتكلم عن احمد بكل خير .. و شلون كانت توصف حبه لمنيره لها.. وشلون حسستها بالامان مع احمد .. و كانت منيره تشوف باحمد الولد الشهم الحنون من كلام اهل الفريج عنه .. خصوصا اهيا فاقده الحنان من واهي عمرها 5 سنوات .. حنان الابو اللي ما يتعوض.. اللي يحسسه عياله بالامان و بالراحه تحت جتفه !! ... قعدت منيره تحوس بغرفتها و افكار تيبها و توديها و تفكر بكلام روان وتفكر ما بين قلبها اللي يقول الولد يحبج و يبيج و لو ما يحبج جان ماسوا كل هذا و اهو معروف عنه ولد ماشي سيده ..وبين عقلها اللي يقول انتي منيره ! امج ربت و تعبت عليج من صغرك و ماخلت عليج قاصر.. و ربتج تربيه ترفع الرااس .. اخرتها تخونينها!! ... .. عاشت منيره هاللحظات بتوتر و قلق..واهي ماسكه الورقه اللي فيها رقم احمد وتطالعها وتقلب فيها وياخذها التفكير يمين ويساااار...وطبعا بهالوقت احمد كان فاقد الامل .. بعد اخر مره من روحة روان .. وان روان قالت حق احمد ان البنت صعبه حييل .. بس ما قالت له ان خذت الرقم.. علشان ما يتعلق ولا يعيش بأمل مخدوع .. وبلحظه ...!! امسكت منيره موبايلها .. ودقت ال 6 ارقام... وصلت السابع ...,,,,,,, لأ لأ انا منيره شتبي الناس تقول عني .. حتن لوادق عليه .. راح اطيح من عينه !!... لا يامنيره لا تتهورين و تندمين ......... ولكن......
احمد: (يتصل بك 6074***) اوو هذا رقم غريب منو داق علي! (واهو توه طالع من الحمام ماخذ شور).... الوووووو؟؟
منيره:...........
احمد: الوووو؟؟؟؟
منيره..............
احمد: خير ماتردون؟؟؟
((واهني منيره اسمعت صوت احمد... سكرت السماعه و خافت ))
احمد: الحمدلله والشكر داقين علشان يصكونه!! والله ناس فاضيه!!
(طبعا لبس ملابسه احمد و قعد عالسرير ينشف شعره ))
ويرن التليفون....( يتصل بك 6074***) ...
احمد: ولييين ماراح نخلص من هالموضوع احناا ....... الوووو نعم؟
منيره:..........الو! (واهي خااااايفه)
احمد: (استوعب ان الصوت صوت بنيه ! لكن استغرب!!) .. هلا؟
منيره..... الوو
احمد: هلا ؟ امري؟
منيره: منو؟
احمد: اختي من بغيتي ؟ انتي داقه بغيتي احد؟
منيره: هاا؟ لا لا مشكور انا يمكن غلطانه
احمد: اهااا .. حياج الله (واهو حاس ان صوتها مو طبييعي!!.. في توتر في ربكه !!)
سكرت منيره التليفون و اهي قاعده بغرفتها خاايفه من اللي سوته ..
منيره: اووووف انا ليش سووويت جذي!!!!!!!! شلي خلااااااني اددددق واغللللط
قعد يفكر احمد... شفيها هالبنت مو طبيعيي.... فجأة استوعب شي...!!
احمد: اووووووخ!! هالصوت ماااار علي .. اعررفه !!! ... هذاا صووت .. صووووت !! صوووت صاحبة السيارة اللي بنجر تاايرها !! اللي صوتها ليلحين مايفارق اذوني!! ااااي امبله منيييييييييره !!!!!
وسيده مسك تليفونه و رد اتصل ..... يرررن يرررن يرررن .... بس ما تشيله .. (ومنيره خايفه من اللي سوته))) ...
احمد: اوو شفيها ما تشيله !! انا ماصدقت حصلتهااا (واهو مستانس ان دقت عليه))
ولكن منيره ماترد عليه ..... بس قالت ان كأنها داقه بالغلط وتعدي السالفه و خلاص .. شوي ولا اااااااااا ؟؟؟
لديك .. 1رسائل مرسله ... افتحت منيره المسج ....
منيره.... ردي علي (طبعا اطلعت عيونها يوم شافت اسمها)
شافت اسمها بالمسج .. وشافت ان خلاص انكشفت .. مامن مفر وخاافت .. ... وااي شسوووي شسوي !!
احمد قاعد على نااار ... ولا يدق عليييها .....
منيره: الو؟
احمد: هلاا... شلونج؟
منيره: هلا.. منو (واهي خايفه وتسوي روحها ماتعرفه)
احمد: يعني ماتعرفيني؟؟ انا احمد يا منيره ...شلونج؟
منيره: وشعرفك ان انا منيره...
احمد: لان قلبي دليلي...وماعندي بنات يدقون علي كلش..وانتي الوحيده اللي طرشتهم يوصلولج رقمي...
منيره: (أنحرجت شوي منيره) نعم !!
احمد: انا ماني مصدق انا بحلم ولابعلم ؟؟؟؟ معقوله؟؟ بعد هالعذاب كله احصل على اللي ابيه؟؟
منيره: احمد .. انا مادري شلون دقيت اصلا.. انا ليلحين مومستوعبه اللي انا سويته
احمد:منيره.. لا تقوليلي هالكلام الحين... المهم انج دقيتي
منيره: بس انا مو نوعي جذي وانا صج خايفه.. خصوصا انك ولد جيرانا و رفيج اخوي..!!
احمد: لاتخافين ولا شي... دام انتي معاي.. تطمني .. انا اخاف ربي قبل كل شي.. وماحب اضر الناس.. وماحب لهم الكلام.. ومثل ما انتي بنت نظيفه ومعروف عنج.. حتى انا ولد نظيف ..وسالفة اخوج حتى انا مضايقني هالموضوع ... بس الظروف اجبرتني اني اتجرأ واعطيج الرقم مو بيدي والله يامنيره..
منيره: مادري احمد... ممكن اسالك سؤال؟
احمد: تفضلي
منيره: انت شتبي فيني؟ لا انا ذاك الجمااال ولا ذاك العز ولا شي .. على قد حالي و مو من البنات اللي الشباب يطمحون يكلمونها .!
احمد: علشان هالاسباب انا اخترتج و دشيتي قلبي ....طيبتج و حنانج و اخلاقج اهو بس اللي يترس عيني ........
منيره: (انحرجت منيره امبييه... و قررت انها تنسحب شوي شوي) ... امي تنادييني بااي بروووح
احمد: ديري بالج على نفسج .. باي ...
سكرته منييييره .. !! و لأول مره قلبها يدق.........باب الحب دق يامنيره .. حست ان احمد انساااان ثاااااني .. انسان خياااال ..حست فيه الاخو الطيب .. الابو الحنون اللي اسمعت فيه و ماشافته ........ شعور غريب حاش منيره ...وراحت منيره تسررح بخيالها............... و بنفس الوقت شعور الوناسه اللي مو شايله احمد.....
----------------------
المكان \((في بيت منى )).. الزمن\ بعد مرور شهرين ...
منى: امشي روان نروح نشتري لج نفنوف المدرسه باقي اسبوعين ونص بس عالدوام
روان: لاااااااا يماااااا واااي ضيقة خللللللق ماابي ادااوم .. اااافففف هالايام وين ما نروح كاتبين اعلان العوده للمداارس !! وييييع ينكدون عالواحد بعطلته !!
منى: عن الرباااده بس عاد صارلج 3 اشهر معطله .. شنو ما شبعتيييييي ؟
روان: لاا مااااشبعت.. من له خلق قعدة الدواماااااات الصبح !! ومجابل طابور الصباح اففففففففف ..
منى: يلا يلا بدلي ونزلي بسرعه خنمر جمعية العديليه منزلين ملابس المدرسه..وعقب نمر المكتبه نشوف شنو تحتاجييينه للدوام
روان: واااااي .. انزين الحييين ابدل (واهي ضايق خلقها بتودع العطله والوناسه و بتدش بجو الدراسه و الامتحانات .. ووقت الجد اللي مافيه لعب !!)
بدلت منى و روان ...واراحو لمحلات ملابس المدارس .. العديليه .... افتروو شرت نفنوفين .. ودشت المكتبه !! شرت اغراضها ... واقفت عند المحاسب ..طبعا الطابور يبيله ساعه ونص على ما يمشي .. زحمممممممممممممة مو طبيعيه خصوصا وقت مدارس .. الكل يبي يشتري حق عياله ... انطرت انطرت عند الطابور ...... طاحت عينها على واحد بأأأأأأخر المكتبه !! لمحت شخص تعرفه !! مع وحده ... اااي اعرررفه !!!!!! لمحت .. حسين ........@@
"أي امبله هذاا حسين ... هذا صديقي وزميلي ايام المعهد ...! معااه وحده !! ياترى منو هالوحده اللي معاااه ؟!! ياي يشتري معاها الاغراض .. اااي اكيييد اخته !! بس شلون ولا مره ياب طاري خواته او حسيت ان عنده خوااات !!! ... خوو انا بعد شكو يسولفلي يقولي عنده خوات !! اهوا اسمرر .. اهيا بيضه مملوحه ... المهم ماهمتها البنت اللي معااه ........ همها .. ((حسين)) ... يا هالصدف اللي اجممعتنا .. اللي كلش ما توقعت اشوه نهاائيااا من بعد المعهد .... واااااي لا شفيه قلبي قام يطقططق بسرعه والارض مو شايلتني !!!! شدعوة روان ثقلي !!وبعدين شنو حسين ؟! حاله حال أي وااااحد يعني ليش معطيته اهميه انا اكبر من الموضوع !! وراحت روانا سرحت بيوم المعهد ويوم كان ينصحها.. ويوم يتحرش فيها و يقولها الناس بيسررحون بعيونج !! هاا؟؟؟؟ ... لا لا اقصد في شعره بعيوونج!! ههههههه .. يحليله ... بس ماتقدر حتن تروح توقف يمه او جدامه ... او تمر صووبه !لانها واقفه بطابور الكاشير .... و ماخذه دوور.. و الاهم من جذي ان امها واقفه معاها..... و فجأة
منى: رواان روااان ...
روان: هاا؟؟ هلا؟؟ هلا يما؟؟
منى: اشفييييج ؟؟؟؟؟؟ بسمالله علييييج؟؟؟ يلا يماا وصل دووووورج حطي اغراضج!
روان:أي أي انشالله ... لا يما مافيني شي ... بس سرحت شوي افكر بالمدرسه...
منى: وقت سرحان الحييييين؟؟؟؟ يلا حطي الاغراض خل نحاسب و نمشي ملينا من الوقفه صارلنا ساعه !
روان: ( بقلبها .. اوووله ساعه وانا دااشه بمود ثااني .. الله .. والله سرحت بعيييد خوووش عالم دشيت فييه)) ... أي يما خو ماورانا شي ليشم ستعيلين
منى: يلا من زين النطره اهني ... يلا يماا ...
الكاشير: مدام 56.755 ...عندكم رقم صندوق؟
منى: لا لا مااكو .. تفضل ..
وروان تفكر... اااااااااااخ الحييين بنمشي ... لااا وحسين اهناك باخر المكتبه ..... حسااااااااااااافه لو اني مطوله بالاغراض شوي و ليلحيني احوووووووووس .. الحين حتى لو اقول حق امي في شي ناقصني بتذبحني على هالطابور اللي راح نوقفه مره ثانيه ..... يلا نرد البيت شسوي يعني امري لله .........
وطلعت روان و امها من الجمعيه ... شرووو عشاا .. و ردو البيت يتعشوون ... عقب ما خلصت من الاكل مااقدررررت تصبر اكثرمن جذي!! .. سييييييييده روان ارفعت السمااعه ... و دقت على عهود...
ام عهود: الوووو؟
روان: قوة خالتي شلونج؟ اانا روان؟
ام عهود : هلا هلا روان .. شخبارج؟ شسويه؟؟؟؟ وينج من زمان ما تمرينا؟؟
روان: والله تماام الحمدلله... شسوي بعد لويه الدوام واشتري اغراض المدرسه ..خالتي عهود موجوده؟؟؟
ام عهود: ااي موجوده... لحظه وحده اناديلج اياها... عهووووووووود! عهووووود؟؟
عهود : (واهي نازله من الدري),,, نعم يماا؟؟؟؟
ام عهود: تعالي روان تبيج عالتليفووون....
عهود: الوووو
روان: الووو عهوودوو شلوووونج .. قولي منو شفت اليوم بالمكتبه!
عهود: وااي بسمالله شفيييج جذي .. شوي شوي .. منوو!؟
روان: حسين !!! .. امبييييه واي قلبي قلبي
عهود: و يعني؟!
روان: هيي هيي اكلمج انا وتقوليلي يعني !! امبييييييه عهوودوو لاتشوفينه يما يما!!
لاا بس باط جبدي معاه بنت بيضه ...مادري منو!
عهود: يعني منو مثلا بيتمشى معاها جدام الله وخلقه اكييييد اخته!! ولا خاف مررته(تبي تطفرررهاااا) .. انزين شافج؟؟
روان: روووحي زييييييين ماكو مرته شكو مداه يتزوج ... أي يمكن عيل اخته... لا اللي باط جبدي ان ماشافني كنت عند الكاشير انا طالعه واهوا توه يحوس بالمكتبه .. يما يماااااا فديييييته وفديت طوله و قررررعته!
عهود: ثقلي ماما ثقلي !! شدعوة دااري عنج اهو !
روان: وااااااي عاد انتي حق الاحبااط .. بروحه لايعه جبدي من اليوم رايحه اشتري ااغراض المدرسه .. ويييع بنرد حق العذااب..
عهود : ااي قطع لاتذكريني انا مارحت بروح بااااااجر...
روان: أي الله يعيييينج عالزحمه عيل... مرريني باجر اول ما تخلصين من زمان مو شايفتج ..
عهود: اوكي اشوف اذا قدرت..
روان: اوكي .. يلا اخليج الحيين .. بااي
عهود: بااي
(في بيت فوزيه)
وفوزيه تزهب السفره للغدا.... وتحط السلطات و اللبن و العصاير ....
طبعا كالعاده نوال اكلها يصعد لها لي شقتها.. ومشاعل مأثر عليها النساة ف ما تقدر تنزل .. ..
فوزيه: (واهي تصوت من الدري) .. احمد ... فهد .. نوااااااف .. يلا ابوكم ياي بالطريج نزلو تحت وقت الغدااا
(نزل نوالف و فهد . ... قعدو تحت بالصاله..)
فوزيه: عيل وين احمد اخوكم ؟؟ ماشوفه نزل معاكم؟
فهد: يما يعني وين بيكون ... بالجحر ماله قاعد كالعاده..
فوزيه: انا مادري شبلاه هالولد شلي صايرله .. متغير صارله فتره .. مايقعد معانا وااايد مانشووفه !! اخاف ان صايرله شي واحنا ماندري ؟ مو تعرفه اخوك مايحب يضايق احد .. يما اقعد معاه شوفه خاف ان محتاج شي؟؟
فهد : يما شفيه يعني؟ لا مافيه الا الخير ... شكله لاهي بالامتحانات
فوزيه: بعد قلبي .. الله يوفقه
(في غرفه احمد)
منيره: احمـــد !!
احمد: يا عيون احمد ... تصدقين توني احس بحلاة اسمي ... قوليه مره ثانيه..
منيره : اووو بسسسس عااد احمد ...(واهي مستحيه)
احمد: الله ... أي والله انا مو بحلم .. صارلي شهر عبالي انا حلمان .. وحتن لو اكون حلمان مابي اصحى من هالحلم ... اخييييييييه...!! يمااا يمااا انتيييي شنوووو !! شسويتي فيني !! لعبتي بقلبي لعب .. هذا وانتي بيتكم الطوفه بالطوفه و مااقدرت علييج..
منيره: ههههههههههه ... سلامة قلبك
احمد: يما فديييتج !! اوخ منوور تدررين امي مناديتني من نص ساع هوانا ليلحين مانزلت لهم ! بس ما انلاام .. لو يدرون انا مشغوووله بشنوووو !!!! اااااخخخخ صج عوووار قلب هالبنت ...... شكله وقت الغدا .. الوقت يمشي بسرررعه معاج جنهم دقيقتين مو نص ساعه..
منيره: ههههههه .. امبيه كلامك شوي شوي علي!! أي روح حق خالتي لاتحصلك زفه منهاا هههههه..
احمد: زفه ! يلا خل ننزف شورانا .. فدوة لج ... و انتي شنو ما تبين تتغدين؟؟
منيره: لا احمد مالي خلق حاسه ان بطني يعورني مالي نفس ...!
احمد: افااا شفييييييج شفيييييج؟؟؟؟؟؟؟؟؟؟؟
منيره: لا مافييني شي .. الظاهر حايشني هوا يوم تسبحت وطلتعت..
احمد: وانا جم مره اقولج دييري باااااالج على نفسج هاااااا؟؟ انزين سمعي قوليلهم يسولج عصير برتقال ... و شوربه .. شربي شي دافي .. وخلج بفراشج .. و لا تشغلين التكيييف!! ترا يويييلج .. سمعتييني !!
منيره: وااي وااي في اومر ثانيه يا العم احمد ..؟؟
احمد : لا ماافي طال عمرج !! بس مثل ما وصيتج .. انا بتغدا بسرعه و بقعد معاهم شووي و برد اتطمن عليييييج!! اووووووكييييي؟؟؟؟ واذا تبين أي شي دزيلي مسج !
منيره: انشالله .. و بالعافيه
احمد : الله يعافييييييج ... يلا ديري بالج على نفسج ! مع السلامه
منيره: الله يسلمك .. مع السلامه
ونزل احمد تحت شاف ابوه وصل ... و فووزيه استلمته !!
فوزيه: احمدووووووو...!!! شنو هذااا بعد؟؟ وينك انت انادي عليك صارلي ساعه!!
احمد: هلا يما كنت اكلم واحد من الربع عن الدراسه وجذي وتوني سكرته!
فوزيه: انا شقصه هالربع اللي قامو وايد يدقدقون هالايام واللي مخلينك ماتشوفنا ولا تقعد معانا ..
احمد: ههههه يمااا حقج علي وهذا راسج ابوسه (ويبوس راسها) .. من لي غيرج يا اغلى ام بالدنيا .. ادري مقصر بحقج بس شسوي انشالله فتره الامتحانات و تعدي..
فوزيه: يلا نشووف.. يلا امش طاح الغدااا .. على ما انجب الاكل و ايبه ..
احمد : انشالله يما .. تبين اساعدج بشي؟؟
فوزيه: لا حبيبي انت اقعد مكانك .. عندي كوماري تزهب لي كل شي...
(في بيت منى ):-
منى: روان ... انا بروح بيت ام عهود ... تيين معاي؟
روان: اااااااااايييييييي ... بيي بييي ...
منى: أي العصر بنروح اذا تزهبي ونطررريني ..
روان: اوووووكييي ... (وراحت روان غرفتها تطلع هدومها .. لان مابقى شي عالعصر ... حبت تكون زاهبه مثل ما وصتها امها ....)
وبعد ساعتين بدلت روان و امها .. و راحو لي بيت ام عهود.... وصلووو سلمت راون على ام عهود و راحت عند روان لي غرفتة عهود ...
روان: (طق طق طق ..) ..
عهود : منووو ؟
روان: انا ليلى فتحي الباب ههههههههههه ...
عهود: روااانووو (وقامت فزت بطلت لها الباب ) اهليييييييييييين .. شالزيارة الحلوة واخيرا ما بغينا نشوووووفج ..
روان: هههههههه .. امي يت عند امج .. قلت ايي معااهاا .. واااي ولهت علييييج حدي...
عهود: وااااي مو كثري انا .. تعالي تعالي قعدي...
روان: ااي ااي لاهيه شاابكه اللي يشوفج 24 ساعه شابكه يقول اسكت عندها بورصه !! عاد انا ماحب الانترنت ولا شي .. بالقصب يالله اطلع مواضيييع ! شلون تتحمليييينه ويع !
عهود: بالعكككككس وناااسه اصلا .. نسولف و اسوي جات مع رفيجاتي .. و ادش اطالع مسرحيات اطالع مسلسلات .. مسلييني حدااااا ..
روان: ههههههههه يحليييلج ... ها شريتي اغراض حق المدرسه ؟
عهود: لا ماشريت تصدقيين احس مالي نفس حتن اشتري... انطر عالاسبوع الياي بروح يمكن تخف الزحمه ..
روان: انا اشوة شريت و خلصت ........ واااااو كان احلا يوم عندي هههههههه
عهود: الحمدلله والشكر اكو احد يروح يشتري حق المدرسه و يكون مستانس ..
روان: لاااااااااا انا مو قصدي عن المدرسه ... قصدي عن اللي شفته بالمكتيه (واهي مستحيييييه)
عهود : عشتو عشتو ... بلا خفه رووووووون !!
روان: لا امبيه مادري اسكت عاد انتي ... طايحتله حب مع ولد خالتها وحاطه دوبيها دوبي انا المسكينه !! الا تعالي شخباره؟؟
عهود: امممم والله تماام فديته ..هذا انا قاعده اشوفه من زواره لي زواره .. وساعات اكلمه مسنجر بس ما احصله وايد.
روان: هههههههههههههههه ليلحينكم تتواعدون بالحووش جنكم هنووود ههههههههه؟؟
عهود: تتطنزيييييييين هااا يلا يلا ... أي ليلحينا .. شسوي بعد تدرين احنا زواتنا الريايل بروح و الحريم بروح ف ما اقدر اشوووووفه الا بالحوش مثل الهنود على قولتج ههههههههه..
روان: يابختج والله .. جان زين عندي واحد يحبني و احبه ......
عهود: امممممممم ... رواان انا بقولج شي بس لاتشيلين بخاطرج لان ابي مصلحتج....
روان: قولي؟ خرعتيني؟؟
عهود: شفتي عنتر زمااانه حسين؟؟
روان: ااااااخ يا قلبي عالاسم ... أي شفيه؟؟
عهود: ترا اهو صارله فتره واايد يسأل عنج !! ويطرش ايميلات كله يسالني عنج..
روان: ( اهني انصدمت روان ) ...........
عهود: و كله يقولي ديري بالج عليها احسج انتي افهم منها اهي توها صغيره ..
روان: اهوا حسين؟؟ قالج جذي عني؟؟ اشلون؟
عهود: ااي حسين بنفسه ... من ايميله..
روان: من وينلج ايميله؟؟ شلون خذيتيه؟؟؟
عهود: اشفيج عهود مو كان معاي بالقروب؟؟ و كل شغلنا مع المجموعه نطرش ايميلات حق بعض؟؟
روان: اااااها أي صح.....!! بس انا سالتج مره عندج شي تتواصلين معاه فيه قلتلي لا؟
عهود: ااي قتلج لا مابي اشغلج فيه .. بس يوم شفته زاد بالايميلات .. قلت خل اقولج
روان: امبيه انا ليلحين مو مستوعبه تكفين شقال بالضبط؟؟؟؟
عهود: كاهي الايميلات موجوده .. الحين اووريج ....
الايميل الاول:
" يوم: السبت 23-7 الساعه: 4.45 العصر...
السلام عليكم .. شلونج عهود عساج مرتاحه؟؟ حبيت ادز ايميل اسال عن اخبارج .. وعن درجاتج شلونها و شلون شهادتج من بعد المعهد؟؟ و صج شخبار رفيجتج روان؟ عساها بخير؟؟ سلملي عليها وايد ... مع السلامه "
الايميل الثاني
"يوم الجمعه 28-7 الساعه 1.13 الظهر....
قوة عهوود شلونج ؟؟.. مبروك على درجتج و نتيجتك واايد حلوة .. و منها للاعلى في دراستج.... وقبل ما امشي .. وصليلي سلامي حق رووونه الله يحفظها لاهلها انشالله ... مع السلامه "
الايميل الثالث
"يوم الاربعا 12-8 الساعه 11.14 مساءا
مساء الخير عهود .. شلونج عساج بخيير... ودي اقول شي بس مادري شلون ابتدي... مادري حسيت ان رفيجتج روان وايد شاغلتني .. ووايد احسها قريبه مني بالفتره اللي طافت.. مادري اذا اقدر احصل ايميلها و اتطمن عليها؟؟ ومشكورة .. مع السلامه .."
الايميل الرابع
"يوم الاربعا 20-8 الساعه 3.56 العصر
قوة عهود ... مادري حسيت من ردج ان ما ودج تعطيني ايميلها.. مادري ليكون خايفه اضرها ولا شي .. لا انا بس ودي اتواصل معاها وودي اتطمن عليها و اعرف اخبارها .. ويليت لو تبلغينها اني ودي اكلمها بالمسنجر .. ويليت اقدر اشيل همها .. انا حسيت انها داشه قلبي هالبنت .... مادري ممكن تساعديني؟؟ ... مشكوره .. مع السلامه .."
الايميل الخامس
"يوم الخميس 28- 8 الساعه 6.49 المغرب
مرحبا عهود .. مشكوره على ردج لي!! بس ابيج تعرفين شغله ..مثل ما اهيا رفيجتج و تخافين عليها معااج حق طبعا... بس هم انا مارا حاضرها و راح احطها بعييووني ... وانا ماحب العب عالبنات و مو نوعي ... ابي اوصل لها باي طرريقه!!!!!! ......."
الايميل الخامس.:
" يوم السبت 8-9 الساعه 10.17 صباحا
صباح الخير... انا قريت ردج ... بس عهود .. عفيه ماكو طريقه اني اوصل للبنت الا منج .. انا ماعرف أي شي عنها ... امانه عهوود .. محتااج اني اتكلم معاها .. هالبنت دشت قلبي.. عهود انا ما العب و لا اخربط .. انا ابيها من صج !!! انا شاريها !! صج ان الايام اللي قضيناها بالمعهد شويها لا تزيد عن الشهر .. بس انا اشوف فيها البنت المؤدبه المحترمه الخجوله ... عهود .. تكفين ساعديني .. عهود انا اترجاااج .. عهوووووود ابيهاااا ...... مع السلامه "
عهود: وهذا اخر ايميل وصلني قبل جم يوم بصراحه مادري شرد عليه ....
روان: (اخنقتها العبره......وتمت ساكته) ..............
عهود: روان شفييج رووون؟؟
روان: هالايميلات صارلها 3 اشهر.. وانتي ساكته (وصوتها مبحوح ودها تبجي)... انتي لي هالدرجه قلبج قاسي؟
عهود: شنو قلبي قااسي... روان .. انا خايفه عليج من هالشباب ولعبهم ..وانتي توج صغيره .. هذول يخرعون مامنهم اامااان..
(وتقاطعها روان)
روان: منو قالج خافي علي ولا انا مخي صغير ما افهم انا ياهل!! حرام علييج اللي تسوينه فيه .. عهود الولد صاااااج بكل كلمه قايلها لج .. انتي ما شفتيه لما يكلمني .. احس اني بأمان احس اني مع شخص اعرفه من زمااااااان .. ماحس اني غريب هوياه .. اشوف فيه ابوي ينصحني... حرام علييج عهود وانا كل مره اسالج عنه وانتي خاشه كل هالمده !!
عهود: وهذا يزاي اني خايفه عليييييج؟؟
روان: مشكورة و ما قصرتي..... عهووود فهمييني ... انتي رفيجتي واحبج .. لازم تحسين فيني ... انا كنت حيل متعلقه فييييه .. و قلبي تقطع اخر مره يوم عطاني رقمه وانا دقرته و رحت .. و بالعطله تحسفت اني سويت جذي... وفقدت الامل فيه ان ماراح احصله .. والحين اهو ياي لي عندج علشان توصليني له .. وتخشين عليي..((وتدمع رووووان... تذكرت ابوها اللي حارمها من حنانه .. تذكرت انها وحيده .. تذكرت ان ماعندها اخت تشيل همها و تفضفض لها.. تذكرت شلون كانت مستانسه يوم كانت بالمعهد مع حسين .... تذكرت الامان اللي عاشته .. و تذكرت يوم شافته بالمكتبه .. ان جدامها و ماقدرت توصله .. وتذكرت شلون خلته ومشت اخر يوم .. و تذكرت .....وتذكرت....وتذكرت.......) و تدمع عينها ..
قامت عهود و لمتها و باستها ...
عهود: انا اسفه !!! والله حقج علي .. ماكنت ادري انه الموضوع وايد راح يضايقج .. مادري كنت حابه اني اساعدج ما قصدت اني اضرج روون انتي رفيجتي حبيبتي .. رفجية دربي.. اختييييي اللي امي ما يابتهاا ..والله احبج رواان .. خلاص عاد ضحكي... (وطلعت من الدرج حلاو وعطتها)
روان: (تضحك روان) ... شايفتني ياهل بتقصين علي بحلاوة !! حتى انا احبج والله عهود.. وقامت لمتهااا ..
عهود: و هذا الايميل بكتبلج اياه بوورقه ...........هاااج
روان: مشكووورة .. احبج والله .. بس شسوي قطع قلبي حسييييين .. وانتي ادرى بالقلب ههههههه..
عهود: هههههههههه ااي يا بو ألب كبير... روووووون يوعانه شرايج نطلب؟؟ ولا شرايج ننزل المطبخ نسوي فناتق على ما يخلصون سوالفهم امي و امج .. الا احنا مسوين شي .. عندنا كيك الفرن خل نسويه !
روان: يلا اوووكي
ونزلت روان و عهود للمطبخ ...
(في بيت خالده)
قاعد جاسم بغرفته ولا يرن تليفونه ..... المتصل 0092202... اووو هذا رقم دولي .! رقم مصر اعتقد .. منو داق علي؟
جاسم : الووووو ؟
محمد(بوجاسم) : هلا جسووم شلونك
جاسم: هلا؟؟ هلا يباا شلووووونك؟
محمد: انا بخيرر...انت وينك بالبيت؟
جاسم: أي بالبيت امر ؟؟
محمد: شوف انا راد الكويت عقب ساعتين .. تعال مرني المطار
جاسم: صج!! انشالله يبااا حااضر...
محمد: أي مو تتأخرر علي انا بسكر خطي هذا اول ما اركب الطياره .. يلا مو تنسى
جاسم: انشالله يبا..
محمد: يلا مع السلامه
جاسم: ترد بالسلامه انشالله ..مع السلامه
نزل جاسم عند امه.... قال بقلبه .. هااا؟؟؟ اقولها عن ابوي؟؟؟ لا اخاف اجرحهاا ... لا لا مابي .. خل اسكت احسنلي ... مو اخاف ابوي ايي البيت اهني وتدري اني انا اللي يايبه من المطار و تزعل علي.... لأ اذا وصل لكل حادث حديث ..وانا مابي اجرحها ولا شي.... بس خل اقول حق اختي منوور ان ابوي يه علشان اذا تبي تشوفه !! و اكلم مهااا اختي .. عاد شدعوة مهووو بتيي عندها .. الله يعينها مع ريلها هالحجر هذااا .. ..... وراح جاسم عند منيره ...
جاسم: (طق طق طق)....... منوووووور؟
منيره: ( تتكلم بالتلفون: شوي شوي وادق اخوي بااي.. وخشت التليفون تحت المخده) ...... هلا جاااسم؟؟
جاسم: شفيج تكلميين منو؟؟
منيره: ها؟ لا ما كلم احد شفيك؟؟
جاسم : عيل ليش تسولفيين؟؟
منيره: ااي كنت قاعده اغني اجرب صووتي ههههههههههههه .. سمعتني؟؟
جاسم : لا عيل اشوة اني ما سمعتج ! سمعي ابوي بيوصل من المطار بعد ساعتين.. تبين تيين معاي تشوفينه؟
منيره: منوو؟
جاسم: ابووي ابووي شفييج ؟
منيره: اهااا .. ابووي!! ليش شيايبه .. اخر مره شفته قبل 9 اسنين واهو كان مار صوب بيتنا معااك بالسياره .. حتن ما دش البيت ولا سال عنا ولا سلم ..
جاسم: هم بيظل ابوج!
منيره: لا لا ماني رايحه مشكور .. انا مشغوله و عندي دراسه .. مستقبلي اهم!
جاسم: (ويطالعها جاسم بنظرات و بنفس الوقت يقول معاها حق ..عقب هالسنين كلها اقولها تعالي شوفي ابوي راد من السفر)...... براحتج .. بس سمعي .. هالكلام بييني و بينج .. لا تقولين حق امي ..
منيره: اوكي .. واساسا اهو مو موضوع مهم اني اسولف فيه مع امي .!
جاسم: (تنرفز جاسم ان تتكلم عن ابوها جذي بس شيرد عليها شيقوله لها؟... حتن لو ابوها بالاسم يظل الابو جدام الناس عالاقل وخلاها وطلع )........... اووووو!! مولازم .. بااي
طلع جاسم من الغرفه .. راح اخذ شور و بدل على مايرد ابوه .....
طلعت موبايلها منيره ودقت ...
احمد:هلا ب قلبيييي
منيره: هلااااا فييييييك
احمد: هلا بدنيتي..... ها وين رحتي؟
منيره: لا بس جسوم دش علي علشان جذي صكيته بسرعه سوري!
احمد: لا عادي تمونين حبيبتي!! .. شيبي منج جاسم!!
منيره: لو اقولك بتضحك !!
احمد: قولي قوولي؟؟
منيره: تدري شيقولي؟؟؟ يقولي ابوي ياي بعد ساعتين بتروحين معاي المطار؟
احمد: ابووووج؟!!!!!!
منيره: هههههههههههههه ... اااي نفس الصدمه اللي انصدمتها !! انا يمكن لو اشوفه ياي مع الناس ماراح اعرفه .. شحقه افشل عمري .. خل اقعد اهني احسن..
احمد: بييييه ابوج !! شياايبه عقب هالسنين ؟!!؟؟وجان رحتي مع اخوج!!
منيره: تصدق مااادري ؟!! بس انا بقاموسي ماعندي شي اسمه ابو.. من وعيت على الدنيا ماشفته !! خلانا ورااح .. الحييين تبيني اروح له ! كلمه بابا اصلا صعب انطقها عقب هالعمر .. احس ماتطلع من لساني ثقيييييييله!!
احمد: (اكسرت خاطره منيره واهي تفضفض) .. حبيبتي انتي... افا عليج مهما يكون يظل ابوج.. الابو اللي يابكم و اكيد يحبكم لو ما الظروف اللي يمر فيها و اكيد ان يمر بظروف علشان جذي ابتعد عنكم فتره... وبعدين شنو .. انا شنو؟؟ مو انا بابا و انا ماما و انا كل حاجه في الدنييياااا؟؟ (واهو يتغشمر)
منيره: ههههه ... أي والله احمد ...... والله عوضتني حنان الابو .. مع ان صارلي شهر من كلمتك .. بس خلاص احس ان كل اللي فاقدته بدنيتي حصلت عليييه .. الله يخليك انشالله ولا يحرمني منك ...
احمد: انشالله... قولي امممين؟؟
منيره: امييينّ...
احمد: انشالله انا وياج يجمعنا ابيت وااحد ذيك الساعه تصيرين حلالي اعرف اشلون اعووضج عن كل شي صج .. واكون يمج وماقصر عليييج باي شي!
منيره: الله يسمع منك (واهي متطمنه من كلامه و مرتااحه حيل )...
وصل جاسم المطااار.....
(في بيت خالده .. ام جاسم):-بعد خمس ايام...تفكر منيره بكلام روان .. وشلون تتكلم عن احمد بكل خير .. و شلون كانت توصف حبه لمنيره لها.. وشلون حسستها بالامان مع احمد .. و كانت منيره تشوف باحمد الولد الشهم الحنون من كلام اهل الفريج عنه .. خصوصا اهيا فاقده الحنان من واهي عمرها 5 سنوات .. حنان الابو اللي ما يتعوض.. اللي يحسسه عياله بالامان و بالراحه تحت جتفه !! ... قعدت منيره تحوس بغرفتها و افكار تيبها و توديها و تفكر بكلام روان وتفكر ما بين قلبها اللي يقول الولد يحبج و يبيج و لو ما يحبج جان ماسوا كل هذا و اهو معروف عنه ولد ماشي سيده ..وبين عقلها اللي يقول انتي منيره ! امج ربت و تعبت عليج من صغرك و ماخلت عليج قاصر.. و ربتج تربيه ترفع الرااس .. اخرتها تخونينها!! ... .. عاشت منيره هاللحظات بتوتر و قلق..واهي ماسكه الورقه اللي فيها رقم احمد وتطالعها وتقلب فيها وياخذها التفكير يمين ويساااار...وطبعا بهالوقت احمد كان فاقد الامل .. بعد اخر مره من روحة روان .. وان روان قالت حق احمد ان البنت صعبه حييل .. بس ما قالت له ان خذت الرقم.. علشان ما يتعلق ولا يعيش بأمل مخدوع .. وبلحظه ...!! امسكت منيره موبايلها .. ودقت ال 6 ارقام... وصلت السابع ...,,,,,,, لأ لأ انا منيره شتبي الناس تقول عني .. حتن لوادق عليه .. راح اطيح من عينه !!... لا يامنيره لا تتهورين و تندمين ......... ولكن......
احمد: (يتصل بك 6074***) اوو هذا رقم غريب منو داق علي! (واهو توه طالع من الحمام ماخذ شور).... الوووووو؟؟
منيره:...........
احمد: الوووو؟؟؟؟
منيره..............
احمد: خير ماتردون؟؟؟
((واهني منيره اسمعت صوت احمد... سكرت السماعه و خافت ))
احمد: الحمدلله والشكر داقين علشان يصكونه!! والله ناس فاضيه!!
(طبعا لبس ملابسه احمد و قعد عالسرير ينشف شعره ))
ويرن التليفون....( يتصل بك 6074***) ...
احمد: ولييين ماراح نخلص من هالموضوع احناا ....... الوووو نعم؟
منيره:..........الو! (واهي خااااايفه)
احمد: (استوعب ان الصوت صوت بنيه ! لكن استغرب!!) .. هلا؟
منيره..... الوو
احمد: هلا ؟ امري؟
منيره: منو؟
احمد: اختي من بغيتي ؟ انتي داقه بغيتي احد؟
منيره: هاا؟ لا لا مشكور انا يمكن غلطانه
احمد: اهااا .. حياج الله (واهو حاس ان صوتها مو طبييعي!!.. في توتر في ربكه !!)
سكرت منيره التليفون و اهي قاعده بغرفتها خاايفه من اللي سوته ..
منيره: اووووف انا ليش سووويت جذي!!!!!!!! شلي خلااااااني اددددق واغللللط
قعد يفكر احمد... شفيها هالبنت مو طبيعيي.... فجأة استوعب شي...!!
احمد: اووووووخ!! هالصوت ماااار علي .. اعررفه !!! ... هذاا صووت .. صووووت !! صوووت صاحبة السيارة اللي بنجر تاايرها !! اللي صوتها ليلحين مايفارق اذوني!! ااااي امبله منيييييييييره !!!!!
وسيده مسك تليفونه و رد اتصل ..... يرررن يرررن يرررن .... بس ما تشيله .. (ومنيره خايفه من اللي سوته))) ...
احمد: اوو شفيها ما تشيله !! انا ماصدقت حصلتهااا (واهو مستانس ان دقت عليه))
ولكن منيره ماترد عليه ..... بس قالت ان كأنها داقه بالغلط وتعدي السالفه و خلاص .. شوي ولا اااااااااا ؟؟؟
لديك .. 1رسائل مرسله ... افتحت منيره المسج ....
منيره.... ردي علي (طبعا اطلعت عيونها يوم شافت اسمها)
شافت اسمها بالمسج .. وشافت ان خلاص انكشفت .. مامن مفر وخاافت .. ... وااي شسوووي شسوي !!
احمد قاعد على نااار ... ولا يدق عليييها .....
منيره: الو؟
احمد: هلاا... شلونج؟
منيره: هلا.. منو (واهي خايفه وتسوي روحها ماتعرفه)
احمد: يعني ماتعرفيني؟؟ انا احمد يا منيره ...شلونج؟
منيره: وشعرفك ان انا منيره...
احمد: لان قلبي دليلي...وماعندي بنات يدقون علي كلش..وانتي الوحيده اللي طرشتهم يوصلولج رقمي...
منيره: (أنحرجت شوي منيره) نعم !!
احمد: انا ماني مصدق انا بحلم ولابعلم ؟؟؟؟ معقوله؟؟ بعد هالعذاب كله احصل على اللي ابيه؟؟
منيره: احمد .. انا مادري شلون دقيت اصلا.. انا ليلحين مومستوعبه اللي انا سويته
احمد:منيره.. لا تقوليلي هالكلام الحين... المهم انج دقيتي
منيره: بس انا مو نوعي جذي وانا صج خايفه.. خصوصا انك ولد جيرانا و رفيج اخوي..!!
احمد: لاتخافين ولا شي... دام انتي معاي.. تطمني .. انا اخاف ربي قبل كل شي.. وماحب اضر الناس.. وماحب لهم الكلام.. ومثل ما انتي بنت نظيفه ومعروف عنج.. حتى انا ولد نظيف ..وسالفة اخوج حتى انا مضايقني هالموضوع ... بس الظروف اجبرتني اني اتجرأ واعطيج الرقم مو بيدي والله يامنيره..
منيره: مادري احمد... ممكن اسالك سؤال؟
احمد: تفضلي
منيره: انت شتبي فيني؟ لا انا ذاك الجمااال ولا ذاك العز ولا شي .. على قد حالي و مو من البنات اللي الشباب يطمحون يكلمونها .!
احمد: علشان هالاسباب انا اخترتج و دشيتي قلبي ....طيبتج و حنانج و اخلاقج اهو بس اللي يترس عيني ........
منيره: (انحرجت منيره امبييه... و قررت انها تنسحب شوي شوي) ... امي تنادييني بااي بروووح
احمد: ديري بالج على نفسج .. باي ...
سكرته منييييره .. !! و لأول مره قلبها يدق.........باب الحب دق يامنيره .. حست ان احمد انساااان ثاااااني .. انسان خياااال ..حست فيه الاخو الطيب .. الابو الحنون اللي اسمعت فيه و ماشافته ........ شعور غريب حاش منيره ...وراحت منيره تسررح بخيالها............... و بنفس الوقت شعور الوناسه اللي مو شايله احمد.....
----------------------
المكان \((في بيت منى )).. الزمن\ بعد مرور شهرين ...
منى: امشي روان نروح نشتري لج نفنوف المدرسه باقي اسبوعين ونص بس عالدوام
روان: لاااااااا يماااااا واااي ضيقة خللللللق ماابي ادااوم .. اااافففف هالايام وين ما نروح كاتبين اعلان العوده للمداارس !! وييييع ينكدون عالواحد بعطلته !!
منى: عن الرباااده بس عاد صارلج 3 اشهر معطله .. شنو ما شبعتيييييي ؟
روان: لاا مااااشبعت.. من له خلق قعدة الدواماااااات الصبح !! ومجابل طابور الصباح اففففففففف ..
منى: يلا يلا بدلي ونزلي بسرعه خنمر جمعية العديليه منزلين ملابس المدرسه..وعقب نمر المكتبه نشوف شنو تحتاجييينه للدوام
روان: واااااي .. انزين الحييين ابدل (واهي ضايق خلقها بتودع العطله والوناسه و بتدش بجو الدراسه و الامتحانات .. ووقت الجد اللي مافيه لعب !!)
بدلت منى و روان ...واراحو لمحلات ملابس المدارس .. العديليه .... افتروو شرت نفنوفين .. ودشت المكتبه !! شرت اغراضها ... واقفت عند المحاسب ..طبعا الطابور يبيله ساعه ونص على ما يمشي .. زحمممممممممممممة مو طبيعيه خصوصا وقت مدارس .. الكل يبي يشتري حق عياله ... انطرت انطرت عند الطابور ...... طاحت عينها على واحد بأأأأأأخر المكتبه !! لمحت شخص تعرفه !! مع وحده ... اااي اعرررفه !!!!!! لمحت .. حسين ........@@
"أي امبله هذاا حسين ... هذا صديقي وزميلي ايام المعهد ...! معااه وحده !! ياترى منو هالوحده اللي معاااه ؟!! ياي يشتري معاها الاغراض .. اااي اكيييد اخته !! بس شلون ولا مره ياب طاري خواته او حسيت ان عنده خوااات !!! ... خوو انا بعد شكو يسولفلي يقولي عنده خوات !! اهوا اسمرر .. اهيا بيضه مملوحه ... المهم ماهمتها البنت اللي معااه ........ همها .. ((حسين)) ... يا هالصدف اللي اجممعتنا .. اللي كلش ما توقعت اشوه نهاائيااا من بعد المعهد .... واااااي لا شفيه قلبي قام يطقططق بسرعه والارض مو شايلتني !!!! شدعوة روان ثقلي !!وبعدين شنو حسين ؟! حاله حال أي وااااحد يعني ليش معطيته اهميه انا اكبر من الموضوع !! وراحت روانا سرحت بيوم المعهد ويوم كان ينصحها.. ويوم يتحرش فيها و يقولها الناس بيسررحون بعيونج !! هاا؟؟؟؟ ... لا لا اقصد في شعره بعيوونج!! ههههههه .. يحليله ... بس ماتقدر حتن تروح توقف يمه او جدامه ... او تمر صووبه !لانها واقفه بطابور الكاشير .... و ماخذه دوور.. و الاهم من جذي ان امها واقفه معاها..... و فجأة
منى: رواان روااان ...
روان: هاا؟؟ هلا؟؟ هلا يما؟؟
منى: اشفييييج ؟؟؟؟؟؟ بسمالله علييييج؟؟؟ يلا يماا وصل دووووورج حطي اغراضج!
روان:أي أي انشالله ... لا يما مافيني شي ... بس سرحت شوي افكر بالمدرسه...
منى: وقت سرحان الحييييين؟؟؟؟ يلا حطي الاغراض خل نحاسب و نمشي ملينا من الوقفه صارلنا ساعه !
روان: ( بقلبها .. اوووله ساعه وانا دااشه بمود ثااني .. الله .. والله سرحت بعيييد خوووش عالم دشيت فييه)) ... أي يما خو ماورانا شي ليشم ستعيلين
منى: يلا من زين النطره اهني ... يلا يماا ...
الكاشير: مدام 56.755 ...عندكم رقم صندوق؟
منى: لا لا مااكو .. تفضل ..
وروان تفكر... اااااااااااخ الحييين بنمشي ... لااا وحسين اهناك باخر المكتبه ..... حسااااااااااااافه لو اني مطوله بالاغراض شوي و ليلحيني احوووووووووس .. الحين حتى لو اقول حق امي في شي ناقصني بتذبحني على هالطابور اللي راح نوقفه مره ثانيه ..... يلا نرد البيت شسوي يعني امري لله .........
وطلعت روان و امها من الجمعيه ... شرووو عشاا .. و ردو البيت يتعشوون ... عقب ما خلصت من الاكل مااقدررررت تصبر اكثرمن جذي!! .. سييييييييده روان ارفعت السمااعه ... و دقت على عهود...
ام عهود: الوووو؟
روان: قوة خالتي شلونج؟ اانا روان؟
ام عهود : هلا هلا روان .. شخبارج؟ شسويه؟؟؟؟ وينج من زمان ما تمرينا؟؟
روان: والله تماام الحمدلله... شسوي بعد لويه الدوام واشتري اغراض المدرسه ..خالتي عهود موجوده؟؟؟
ام عهود: ااي موجوده... لحظه وحده اناديلج اياها... عهووووووووود! عهووووود؟؟
عهود : (واهي نازله من الدري),,, نعم يماا؟؟؟؟
ام عهود: تعالي روان تبيج عالتليفووون....
عهود: الوووو
روان: الووو عهوودوو شلوووونج .. قولي منو شفت اليوم بالمكتبه!
عهود: وااي بسمالله شفيييج جذي .. شوي شوي .. منوو!؟
روان: حسين !!! .. امبييييه واي قلبي قلبي
عهود: و يعني؟!
روان: هيي هيي اكلمج انا وتقوليلي يعني !! امبييييييه عهوودوو لاتشوفينه يما يما!!
لاا بس باط جبدي معاه بنت بيضه ...مادري منو!
عهود: يعني منو مثلا بيتمشى معاها جدام الله وخلقه اكييييد اخته!! ولا خاف مررته(تبي تطفرررهاااا) .. انزين شافج؟؟
روان: روووحي زييييييين ماكو مرته شكو مداه يتزوج ... أي يمكن عيل اخته... لا اللي باط جبدي ان ماشافني كنت عند الكاشير انا طالعه واهوا توه يحوس بالمكتبه .. يما يماااااا فديييييته وفديت طوله و قررررعته!
عهود: ثقلي ماما ثقلي !! شدعوة دااري عنج اهو !
روان: وااااااي عاد انتي حق الاحبااط .. بروحه لايعه جبدي من اليوم رايحه اشتري ااغراض المدرسه .. ويييع بنرد حق العذااب..
عهود : ااي قطع لاتذكريني انا مارحت بروح بااااااجر...
روان: أي الله يعيييينج عالزحمه عيل... مرريني باجر اول ما تخلصين من زمان مو شايفتج ..
عهود: اوكي اشوف اذا قدرت..
روان: اوكي .. يلا اخليج الحيين .. بااي
عهود: بااي
(في بيت فوزيه)
وفوزيه تزهب السفره للغدا.... وتحط السلطات و اللبن و العصاير ....
طبعا كالعاده نوال اكلها يصعد لها لي شقتها.. ومشاعل مأثر عليها النساة ف ما تقدر تنزل .. ..
فوزيه: (واهي تصوت من الدري) .. احمد ... فهد .. نوااااااف .. يلا ابوكم ياي بالطريج نزلو تحت وقت الغدااا
(نزل نوالف و فهد . ... قعدو تحت بالصاله..)
فوزيه: عيل وين احمد اخوكم ؟؟ ماشوفه نزل معاكم؟
فهد: يما يعني وين بيكون ... بالجحر ماله قاعد كالعاده..
فوزيه: انا مادري شبلاه هالولد شلي صايرله .. متغير صارله فتره .. مايقعد معانا وااايد مانشووفه !! اخاف ان صايرله شي واحنا ماندري ؟ مو تعرفه اخوك مايحب يضايق احد .. يما اقعد معاه شوفه خاف ان محتاج شي؟؟
فهد : يما شفيه يعني؟ لا مافيه الا الخير ... شكله لاهي بالامتحانات
فوزيه: بعد قلبي .. الله يوفقه
(في غرفه احمد)
منيره: احمـــد !!
احمد: يا عيون احمد ... تصدقين توني احس بحلاة اسمي ... قوليه مره ثانيه..
منيره : اووو بسسسس عااد احمد ...(واهي مستحيه)
احمد: الله ... أي والله انا مو بحلم .. صارلي شهر عبالي انا حلمان .. وحتن لو اكون حلمان مابي اصحى من هالحلم ... اخييييييييه...!! يمااا يمااا انتيييي شنوووو !! شسويتي فيني !! لعبتي بقلبي لعب .. هذا وانتي بيتكم الطوفه بالطوفه و مااقدرت علييج..
منيره: ههههههههههه ... سلامة قلبك
احمد: يما فديييتج !! اوخ منوور تدررين امي مناديتني من نص ساع هوانا ليلحين مانزلت لهم ! بس ما انلاام .. لو يدرون انا مشغوووله بشنوووو !!!! اااااخخخخ صج عوووار قلب هالبنت ...... شكله وقت الغدا .. الوقت يمشي بسرررعه معاج جنهم دقيقتين مو نص ساعه..
منيره: ههههههه .. امبيه كلامك شوي شوي علي!! أي روح حق خالتي لاتحصلك زفه منهاا هههههه..
احمد: زفه ! يلا خل ننزف شورانا .. فدوة لج ... و انتي شنو ما تبين تتغدين؟؟
منيره: لا احمد مالي خلق حاسه ان بطني يعورني مالي نفس ...!
احمد: افااا شفييييييج شفيييييج؟؟؟؟؟؟؟؟؟؟؟
منيره: لا مافييني شي .. الظاهر حايشني هوا يوم تسبحت وطلتعت..
احمد: وانا جم مره اقولج دييري باااااالج على نفسج هاااااا؟؟ انزين سمعي قوليلهم يسولج عصير برتقال ... و شوربه .. شربي شي دافي .. وخلج بفراشج .. و لا تشغلين التكيييف!! ترا يويييلج .. سمعتييني !!
منيره: وااي وااي في اومر ثانيه يا العم احمد ..؟؟
احمد : لا ماافي طال عمرج !! بس مثل ما وصيتج .. انا بتغدا بسرعه و بقعد معاهم شووي و برد اتطمن عليييييج!! اووووووكييييي؟؟؟؟ واذا تبين أي شي دزيلي مسج !
منيره: انشالله .. و بالعافيه
احمد : الله يعافييييييج ... يلا ديري بالج على نفسج ! مع السلامه
منيره: الله يسلمك .. مع السلامه
ونزل احمد تحت شاف ابوه وصل ... و فووزيه استلمته !!
فوزيه: احمدووووووو...!!! شنو هذااا بعد؟؟ وينك انت انادي عليك صارلي ساعه!!
احمد: هلا يما كنت اكلم واحد من الربع عن الدراسه وجذي وتوني سكرته!
فوزيه: انا شقصه هالربع اللي قامو وايد يدقدقون هالايام واللي مخلينك ماتشوفنا ولا تقعد معانا ..
احمد: ههههه يمااا حقج علي وهذا راسج ابوسه (ويبوس راسها) .. من لي غيرج يا اغلى ام بالدنيا .. ادري مقصر بحقج بس شسوي انشالله فتره الامتحانات و تعدي..
فوزيه: يلا نشووف.. يلا امش طاح الغدااا .. على ما انجب الاكل و ايبه ..
احمد : انشالله يما .. تبين اساعدج بشي؟؟
فوزيه: لا حبيبي انت اقعد مكانك .. عندي كوماري تزهب لي كل شي...
(في بيت منى ):-
منى: روان ... انا بروح بيت ام عهود ... تيين معاي؟
روان: اااااااااايييييييي ... بيي بييي ...
منى: أي العصر بنروح اذا تزهبي ونطررريني ..
روان: اوووووكييي ... (وراحت روان غرفتها تطلع هدومها .. لان مابقى شي عالعصر ... حبت تكون زاهبه مثل ما وصتها امها ....)
وبعد ساعتين بدلت روان و امها .. و راحو لي بيت ام عهود.... وصلووو سلمت راون على ام عهود و راحت عند روان لي غرفتة عهود ...
روان: (طق طق طق ..) ..
عهود : منووو ؟
روان: انا ليلى فتحي الباب ههههههههههه ...
عهود: روااانووو (وقامت فزت بطلت لها الباب ) اهليييييييييييين .. شالزيارة الحلوة واخيرا ما بغينا نشوووووفج ..
روان: هههههههه .. امي يت عند امج .. قلت ايي معااهاا .. واااي ولهت علييييج حدي...
عهود: وااااي مو كثري انا .. تعالي تعالي قعدي...
روان: ااي ااي لاهيه شاابكه اللي يشوفج 24 ساعه شابكه يقول اسكت عندها بورصه !! عاد انا ماحب الانترنت ولا شي .. بالقصب يالله اطلع مواضيييع ! شلون تتحمليييينه ويع !
عهود: بالعكككككس وناااسه اصلا .. نسولف و اسوي جات مع رفيجاتي .. و ادش اطالع مسرحيات اطالع مسلسلات .. مسلييني حدااااا ..
روان: ههههههههه يحليييلج ... ها شريتي اغراض حق المدرسه ؟
عهود: لا ماشريت تصدقيين احس مالي نفس حتن اشتري... انطر عالاسبوع الياي بروح يمكن تخف الزحمه ..
روان: انا اشوة شريت و خلصت ........ واااااو كان احلا يوم عندي هههههههه
عهود: الحمدلله والشكر اكو احد يروح يشتري حق المدرسه و يكون مستانس ..
روان: لاااااااااا انا مو قصدي عن المدرسه ... قصدي عن اللي شفته بالمكتيه (واهي مستحيييييه)
عهود : عشتو عشتو ... بلا خفه رووووووون !!
روان: لا امبيه مادري اسكت عاد انتي ... طايحتله حب مع ولد خالتها وحاطه دوبيها دوبي انا المسكينه !! الا تعالي شخباره؟؟
عهود: امممم والله تماام فديته ..هذا انا قاعده اشوفه من زواره لي زواره .. وساعات اكلمه مسنجر بس ما احصله وايد.
روان: هههههههههههههههه ليلحينكم تتواعدون بالحووش جنكم هنووود ههههههههه؟؟
عهود: تتطنزيييييييين هااا يلا يلا ... أي ليلحينا .. شسوي بعد تدرين احنا زواتنا الريايل بروح و الحريم بروح ف ما اقدر اشوووووفه الا بالحوش مثل الهنود على قولتج ههههههههه..
روان: يابختج والله .. جان زين عندي واحد يحبني و احبه ......
عهود: امممممممم ... رواان انا بقولج شي بس لاتشيلين بخاطرج لان ابي مصلحتج....
روان: قولي؟ خرعتيني؟؟
عهود: شفتي عنتر زمااانه حسين؟؟
روان: ااااااخ يا قلبي عالاسم ... أي شفيه؟؟
عهود: ترا اهو صارله فتره واايد يسأل عنج !! ويطرش ايميلات كله يسالني عنج..
روان: ( اهني انصدمت روان ) ...........
عهود: و كله يقولي ديري بالج عليها احسج انتي افهم منها اهي توها صغيره ..
روان: اهوا حسين؟؟ قالج جذي عني؟؟ اشلون؟
عهود: ااي حسين بنفسه ... من ايميله..
روان: من وينلج ايميله؟؟ شلون خذيتيه؟؟؟
عهود: اشفيج عهود مو كان معاي بالقروب؟؟ و كل شغلنا مع المجموعه نطرش ايميلات حق بعض؟؟
روان: اااااها أي صح.....!! بس انا سالتج مره عندج شي تتواصلين معاه فيه قلتلي لا؟
عهود: ااي قتلج لا مابي اشغلج فيه .. بس يوم شفته زاد بالايميلات .. قلت خل اقولج
روان: امبيه انا ليلحين مو مستوعبه تكفين شقال بالضبط؟؟؟؟
عهود: كاهي الايميلات موجوده .. الحين اووريج ....
الايميل الاول:
" يوم: السبت 23-7 الساعه: 4.45 العصر...
السلام عليكم .. شلونج عهود عساج مرتاحه؟؟ حبيت ادز ايميل اسال عن اخبارج .. وعن درجاتج شلونها و شلون شهادتج من بعد المعهد؟؟ و صج شخبار رفيجتج روان؟ عساها بخير؟؟ سلملي عليها وايد ... مع السلامه "
الايميل الثاني
"يوم الجمعه 28-7 الساعه 1.13 الظهر....
قوة عهوود شلونج ؟؟.. مبروك على درجتج و نتيجتك واايد حلوة .. و منها للاعلى في دراستج.... وقبل ما امشي .. وصليلي سلامي حق رووونه الله يحفظها لاهلها انشالله ... مع السلامه "
الايميل الثالث
"يوم الاربعا 12-8 الساعه 11.14 مساءا
مساء الخير عهود .. شلونج عساج بخيير... ودي اقول شي بس مادري شلون ابتدي... مادري حسيت ان رفيجتج روان وايد شاغلتني .. ووايد احسها قريبه مني بالفتره اللي طافت.. مادري اذا اقدر احصل ايميلها و اتطمن عليها؟؟ ومشكورة .. مع السلامه .."
الايميل الرابع
"يوم الاربعا 20-8 الساعه 3.56 العصر
قوة عهود ... مادري حسيت من ردج ان ما ودج تعطيني ايميلها.. مادري ليكون خايفه اضرها ولا شي .. لا انا بس ودي اتواصل معاها وودي اتطمن عليها و اعرف اخبارها .. ويليت لو تبلغينها اني ودي اكلمها بالمسنجر .. ويليت اقدر اشيل همها .. انا حسيت انها داشه قلبي هالبنت .... مادري ممكن تساعديني؟؟ ... مشكوره .. مع السلامه .."
الايميل الخامس
"يوم الخميس 28- 8 الساعه 6.49 المغرب
مرحبا عهود .. مشكوره على ردج لي!! بس ابيج تعرفين شغله ..مثل ما اهيا رفيجتج و تخافين عليها معااج حق طبعا... بس هم انا مارا حاضرها و راح احطها بعييووني ... وانا ماحب العب عالبنات و مو نوعي ... ابي اوصل لها باي طرريقه!!!!!! ......."
الايميل الخامس.:
" يوم السبت 8-9 الساعه 10.17 صباحا
صباح الخير... انا قريت ردج ... بس عهود .. عفيه ماكو طريقه اني اوصل للبنت الا منج .. انا ماعرف أي شي عنها ... امانه عهوود .. محتااج اني اتكلم معاها .. هالبنت دشت قلبي.. عهود انا ما العب و لا اخربط .. انا ابيها من صج !!! انا شاريها !! صج ان الايام اللي قضيناها بالمعهد شويها لا تزيد عن الشهر .. بس انا اشوف فيها البنت المؤدبه المحترمه الخجوله ... عهود .. تكفين ساعديني .. عهود انا اترجاااج .. عهوووووود ابيهاااا ...... مع السلامه "
عهود: وهذا اخر ايميل وصلني قبل جم يوم بصراحه مادري شرد عليه ....
روان: (اخنقتها العبره......وتمت ساكته) ..............
عهود: روان شفييج رووون؟؟
روان: هالايميلات صارلها 3 اشهر.. وانتي ساكته (وصوتها مبحوح ودها تبجي)... انتي لي هالدرجه قلبج قاسي؟
عهود: شنو قلبي قااسي... روان .. انا خايفه عليج من هالشباب ولعبهم ..وانتي توج صغيره .. هذول يخرعون مامنهم اامااان..
(وتقاطعها روان)
روان: منو قالج خافي علي ولا انا مخي صغير ما افهم انا ياهل!! حرام علييج اللي تسوينه فيه .. عهود الولد صاااااج بكل كلمه قايلها لج .. انتي ما شفتيه لما يكلمني .. احس اني بأمان احس اني مع شخص اعرفه من زمااااااان .. ماحس اني غريب هوياه .. اشوف فيه ابوي ينصحني... حرام علييج عهود وانا كل مره اسالج عنه وانتي خاشه كل هالمده !!
عهود: وهذا يزاي اني خايفه عليييييج؟؟
روان: مشكورة و ما قصرتي..... عهووود فهمييني ... انتي رفيجتي واحبج .. لازم تحسين فيني ... انا كنت حيل متعلقه فييييه .. و قلبي تقطع اخر مره يوم عطاني رقمه وانا دقرته و رحت .. و بالعطله تحسفت اني سويت جذي... وفقدت الامل فيه ان ماراح احصله .. والحين اهو ياي لي عندج علشان توصليني له .. وتخشين عليي..((وتدمع رووووان... تذكرت ابوها اللي حارمها من حنانه .. تذكرت انها وحيده .. تذكرت ان ماعندها اخت تشيل همها و تفضفض لها.. تذكرت شلون كانت مستانسه يوم كانت بالمعهد مع حسين .... تذكرت الامان اللي عاشته .. و تذكرت يوم شافته بالمكتبه .. ان جدامها و ماقدرت توصله .. وتذكرت شلون خلته ومشت اخر يوم .. و تذكرت .....وتذكرت....وتذكرت.......) و تدمع عينها ..
قامت عهود و لمتها و باستها ...
عهود: انا اسفه !!! والله حقج علي .. ماكنت ادري انه الموضوع وايد راح يضايقج .. مادري كنت حابه اني اساعدج ما قصدت اني اضرج روون انتي رفيجتي حبيبتي .. رفجية دربي.. اختييييي اللي امي ما يابتهاا ..والله احبج رواان .. خلاص عاد ضحكي... (وطلعت من الدرج حلاو وعطتها)
روان: (تضحك روان) ... شايفتني ياهل بتقصين علي بحلاوة !! حتى انا احبج والله عهود.. وقامت لمتهااا ..
عهود: و هذا الايميل بكتبلج اياه بوورقه ...........هاااج
روان: مشكووورة .. احبج والله .. بس شسوي قطع قلبي حسييييين .. وانتي ادرى بالقلب ههههههه..
عهود: هههههههههه ااي يا بو ألب كبير... روووووون يوعانه شرايج نطلب؟؟ ولا شرايج ننزل المطبخ نسوي فناتق على ما يخلصون سوالفهم امي و امج .. الا احنا مسوين شي .. عندنا كيك الفرن خل نسويه !
روان: يلا اوووكي
ونزلت روان و عهود للمطبخ ...
(في بيت خالده)
قاعد جاسم بغرفته ولا يرن تليفونه ..... المتصل 0092202... اووو هذا رقم دولي .! رقم مصر اعتقد .. منو داق علي؟
جاسم : الووووو ؟
محمد(بوجاسم) : هلا جسووم شلونك
جاسم: هلا؟؟ هلا يباا شلووووونك؟
محمد: انا بخيرر...انت وينك بالبيت؟
جاسم: أي بالبيت امر ؟؟
محمد: شوف انا راد الكويت عقب ساعتين .. تعال مرني المطار
جاسم: صج!! انشالله يبااا حااضر...
محمد: أي مو تتأخرر علي انا بسكر خطي هذا اول ما اركب الطياره .. يلا مو تنسى
جاسم: انشالله يبا..
محمد: يلا مع السلامه
جاسم: ترد بالسلامه انشالله ..مع السلامه
نزل جاسم عند امه.... قال بقلبه .. هااا؟؟؟ اقولها عن ابوي؟؟؟ لا اخاف اجرحهاا ... لا لا مابي .. خل اسكت احسنلي ... مو اخاف ابوي ايي البيت اهني وتدري اني انا اللي يايبه من المطار و تزعل علي.... لأ اذا وصل لكل حادث حديث ..وانا مابي اجرحها ولا شي.... بس خل اقول حق اختي منوور ان ابوي يه علشان اذا تبي تشوفه !! و اكلم مهااا اختي .. عاد شدعوة مهووو بتيي عندها .. الله يعينها مع ريلها هالحجر هذااا .. ..... وراح جاسم عند منيره ...
جاسم: (طق طق طق)....... منوووووور؟
منيره: ( تتكلم بالتلفون: شوي شوي وادق اخوي بااي.. وخشت التليفون تحت المخده) ...... هلا جاااسم؟؟
جاسم: شفيج تكلميين منو؟؟
منيره: ها؟ لا ما كلم احد شفيك؟؟
جاسم : عيل ليش تسولفيين؟؟
منيره: ااي كنت قاعده اغني اجرب صووتي ههههههههههههه .. سمعتني؟؟
جاسم : لا عيل اشوة اني ما سمعتج ! سمعي ابوي بيوصل من المطار بعد ساعتين.. تبين تيين معاي تشوفينه؟
منيره: منوو؟
جاسم: ابووي ابووي شفييج ؟
منيره: اهااا .. ابووي!! ليش شيايبه .. اخر مره شفته قبل 9 اسنين واهو كان مار صوب بيتنا معااك بالسياره .. حتن ما دش البيت ولا سال عنا ولا سلم ..
جاسم: هم بيظل ابوج!
منيره: لا لا ماني رايحه مشكور .. انا مشغوله و عندي دراسه .. مستقبلي اهم!
جاسم: (ويطالعها جاسم بنظرات و بنفس الوقت يقول معاها حق ..عقب هالسنين كلها اقولها تعالي شوفي ابوي راد من السفر)...... براحتج .. بس سمعي .. هالكلام بييني و بينج .. لا تقولين حق امي ..
منيره: اوكي .. واساسا اهو مو موضوع مهم اني اسولف فيه مع امي .!
جاسم: (تنرفز جاسم ان تتكلم عن ابوها جذي بس شيرد عليها شيقوله لها؟... حتن لو ابوها بالاسم يظل الابو جدام الناس عالاقل وخلاها وطلع )........... اووووو!! مولازم .. بااي
طلع جاسم من الغرفه .. راح اخذ شور و بدل على مايرد ابوه .....
طلعت موبايلها منيره ودقت ...
احمد:هلا ب قلبيييي
منيره: هلااااا فييييييك
احمد: هلا بدنيتي..... ها وين رحتي؟
منيره: لا بس جسوم دش علي علشان جذي صكيته بسرعه سوري!
احمد: لا عادي تمونين حبيبتي!! .. شيبي منج جاسم!!
منيره: لو اقولك بتضحك !!
احمد: قولي قوولي؟؟
منيره: تدري شيقولي؟؟؟ يقولي ابوي ياي بعد ساعتين بتروحين معاي المطار؟
احمد: ابووووج؟!!!!!!
منيره: هههههههههههههه ... اااي نفس الصدمه اللي انصدمتها !! انا يمكن لو اشوفه ياي مع الناس ماراح اعرفه .. شحقه افشل عمري .. خل اقعد اهني احسن..
احمد: بييييه ابوج !! شياايبه عقب هالسنين ؟!!؟؟وجان رحتي مع اخوج!!
منيره: تصدق مااادري ؟!! بس انا بقاموسي ماعندي شي اسمه ابو.. من وعيت على الدنيا ماشفته !! خلانا ورااح .. الحييين تبيني اروح له ! كلمه بابا اصلا صعب انطقها عقب هالعمر .. احس ماتطلع من لساني ثقيييييييله!!
احمد: (اكسرت خاطره منيره واهي تفضفض) .. حبيبتي انتي... افا عليج مهما يكون يظل ابوج.. الابو اللي يابكم و اكيد يحبكم لو ما الظروف اللي يمر فيها و اكيد ان يمر بظروف علشان جذي ابتعد عنكم فتره... وبعدين شنو .. انا شنو؟؟ مو انا بابا و انا ماما و انا كل حاجه في الدنييياااا؟؟ (واهو يتغشمر)
منيره: ههههه ... أي والله احمد ...... والله عوضتني حنان الابو .. مع ان صارلي شهر من كلمتك .. بس خلاص احس ان كل اللي فاقدته بدنيتي حصلت عليييه .. الله يخليك انشالله ولا يحرمني منك ...
احمد: انشالله... قولي امممين؟؟
منيره: امييينّ...
احمد: انشالله انا وياج يجمعنا ابيت وااحد ذيك الساعه تصيرين حلالي اعرف اشلون اعووضج عن كل شي صج .. واكون يمج وماقصر عليييج باي شي!
منيره: الله يسمع منك (واهي متطمنه من كلامه و مرتااحه حيل )...
وصل جاسم المطااار.....
TuTTi^FruTTi
New member
عالمة_جيولوجيا
New member
inspiring-girl
New member
حبيبتي فطووووم .. ثاانكس على البارت .. ناطريين الباجي
بس حبيت اسأل ا>ا القصة خلصت بالصج و لا للحين مستمره ؟!
بس حبيت اسأل ا>ا القصة خلصت بالصج و لا للحين مستمره ؟!
