وصل جاسم المطار.. يطالع شاشه الرحلات .. رحلة القاهر : تأخير 25 دقيقه... ولييين !! هم فيه تأخير ! بروحه انا ياي مبجر !! ااافففف ننطر بعد شنسوي !
.... قعد ينطر .. شاف واحد من ربعه (عمر) ناطر اهله .. .. هم طيارتهم عليها تأخير.. راحو ستاربكس طلبولهم قهوة... وقعدو سوالف ...
عمر: الا انت ناطر منو؟
جاسم: ناطر ابوي!
عمر: ابوك! (واهو مستغرب ان يعرفه من زمان بس كلش ما ياب طاري ابوه بالمره من عرفه عباله ان ابوه متوفي!!)... ابوك عايش؟!
جاسم: نعم ! أي عايش أي عايش يعني بالله مو عايش وانا قاعد انطره اهني ليش؟!(تنرفز شوي)
عمر: بس اسف اسمحلي .. انا من عرفتك وكلش ما يبتلي طاري ابوك ! انا عبالي متوفي.. علشان جذي كلش ما اسالك عنه!
جاسم: (واهو يتنهد) لا لا موجود .. بس اهو عايش برا ..
عمر: اها .. الله يرده بالسلامه انشالله
جاسم : الله يسلمك.. وانت ناطر منو؟
عمر: انا ناطر اهلي توهم رادين من النمسا سياحه...
جاسم : يلا بالسلامه انشالله وعليهم بالعافيه ..
عمر: الله يعافيك.. الا تعال ما دريت عن حمود ال... تراا خطب و ملجته بعد اسبوعين!
جاسم: لاا والله ! يحليييييله ! لا ماقالي الخايس.. والله و كبر و يبي يتزوج .. ايام ماكان يلعب معااناا بالسكه!
عمر: ليش ماقالك مع اهو داق علي بنفسه .. أي والله كبر و كلنا كبرنا معاه
جاسم: ااها الظااهر انا يوم غيرت رقمي اخر مره.. ف يمكن ماحصلني .. خلاص انا اكلمه بعد شوي اباركله ....
(تنبيه....تعلن عن وصول طائرة الرحلة رقم 451 المتجهه من القاهره........)
جاسم: او هذي طيارة الوالد... خل اروح اشووفه الظاهر توهم واصلين .. يلا عمور تامرني بشي..؟
عمر: لا سلامتك حبيبي .. سلملي عالوالد و الحمدلله على سلامته..
جاسم : الله يسلمك .. يلا سلاام
وراح جاسم وقف عند سور القادموون ... يشوف ابووه ..... وصلو ركاب القاهره ... شوي ولا يطلع ابوه .. وجاسم يأشرله اهني اهني..........وصل محمد ... وراح له جاسم.. .. جاسم اول ما شاف ابوه باسه على رااسه و لمه و شال الجنطه منه وراحو السياره ....
جاسم: الحمدلله عالسلامه يبا... تو مانورت الكويت..
محمد: الله يسلمك.. شلونك؟ شلونا خوانك
جاسم: كلهم بخير يبا يسلمون عليك وولهانين عليك ..
محمد: الله يسلمهم ..
جاسم: يبا وين تبيني اوديك؟ تيي بيتنا؟؟
محمد : لاا ودني بيت يدك ..
جاسم : يبا اخواني يبون يشوفونك .. تعال عندنا تعشى عندنا وانا اوديك المكان اللي تبيه
محمد: اللي يبيني يلقاني اهناك .. ودني بيت يدك ابي اروح ارتاح..
جاسم: على هواك يبا ..
وراح محمد بيت اخوانه..
محمد:اقول جاسم .. باجر مرني ورا صلاة المغرب ابيك ضروري..
جاسم: خير يباا شصاير؟
محمد : لا بااجر انشالله تعرف... يلا انا بنزل الحين وانت سلم على اخوانك..
جاسم : انشالله يبا يوصل!!
ومشي جاسم و يفكر .. ابوه شيبي فيه موضوع ضروري؟ّ! .. اول مره يبني بموضوع ... خير اللهم اجعله خير.... يلا شنسوي بعد باجر يبين ياخبر بفلوووس بكره ابلاش .... انا خل اروح دوانيه حمود .. بباركله عالملجه يحلييله والله..!!
(في بيت فوزيه).....
ونواف و احمد وفوزيه قاعدين بالصاله ....
احمد: يما.؟
فوزيه: هلا امي؟
احمد: يما ماودج تصيرين يده؟
فوزيه: امبله شلون ماودي .. مو ناطره مشاعل مرت اخوك تولد .. يحليله بيصير عندنا كتاكيت صغار.. ولهت على صيحة اليهال و شطانتهم من زمااان مو سامعته من ايام نوافوو..
نواف مندمج بالتلفزيون....وينط نواف لما سمع اسمعه
نواف: هااا جني سمعت اسمي!
احمد: لا محد ياب طارريك كمل المبارات لا يحطون قووول بس!...... احم ... يما ماودج تشوفين عياالي ..(واهو يقط نغزات على طاري الزواااج مستعيل على حبيبة القلب)..
فوزيه : امبله .. كلش عاد ولا عيال احمد هذا العزيز الغالي... بس يما تخررج انت اول واشتغل وابشر بالبنت اللي تملي عييينك و قلبك .. خو ما يصير تاخذ البنت وانت ماكونت نفسك ليلحين...
احمد: أي يمااا انشالله مابقالي شي..!
فوزيه: ألا شسالفتك يايب طاري الزواج !! غريبه يعني مو عوايدك ..!!
احمد: ها؟ لا يماا ماكو شي بس جذي اتغشمر معاااااج ..
(في بيت منى),,,
ارجعت روان من بيت عهود واهي تفكر باللي صاار .. و بحسين اللي كانت افقدت الامل فيه .. والحين صار بين ايدها ... ولكن !! كانت حيل مشتاقتله .. وحييل خاايفه !! .. عندي ايميله ! لكن شقوله شسوي شلون !! فشله جنه ..
دشت البيت ... سيده اخذت الابتوب اللي كانت كلش ما تحب تقعد وتجابله الا للضروره فقط .. و للبحوث اللي يطلبون منها للمدرسه ........
دشت المسنجر ..... ما بين تضيفه و ما بين لأ ...!! وتتذكر الكلام اللي مساع (انا ابيها!... انا شاريها,,, انا اخف عليها... انا راح احطها بعيوني... تكفييين عهود )!!.. وحسين اول شخص حسس روان بالامان و بحنان الابو..!! واول شخص اللي نبض قلبها له........ (اضافه جهة اتصال),,
H.A…
[email protected] >> التالي >> انتهاء... (تم اضافة الشخص بنجاح)!
وقعد روان ساعه .. ساعتين .. 3 ساعات تنطره يشبك .... لكن !! ماكو !!
قررت روان انها تدش منتدى او تدش تلعب قييمز على ما يشبك حسين ..
تم تسجيل دخول(عهود)..
ودشت روان عليها سيده ........
روان :. عهووووودووو انا ضفت حسسين
عهود: صج ! يالله زين عالبركه ابردت دودتج !؟
روان: لاااااا بس ليلحين ما شبك .. اهو متى يشبك عهود؟؟
عهود: مادري خو شدراني انا ب بيني و بينه ايميلات مو ضايفته مسنجر.. عاد قعدي نطريه العاشق الولهان ..
روان: اوووووو لا تتطنزيييييين يلاا عااااااد
عهود: ههههههه روون شوفي هالفلم عجيب صارله اسبوعين نازل بالسينما و اهني حاطينه بالموقع ..
روان: يلا خل نشوف بعد شنسوي!!
الساعه 12 ......... تم تسجيل الدخول ( بوعلوه..!) ... بدخله حسين .. روان قلبها يطقطق و يرررقع ...
حسين: السلام ؟
روان: (واهيي مختبص قلبها ويوم شافت الصورة اللي حاطها..صورة حسين!! )هلا.. عليكم السلام..
حيسن: مادري .. بس منو معاي؟
روان: انا؟
حسين: اااي عيل انا؟!!
روان: انت منو ؟
حسين: انت ضايفني وماتدري منو؟
روان: اي اانا ضفتك.. انت مو حسين؟
حسين: اي انا حسين ... وانت منو؟
(بيت فوزيه\ غرفه احمد )
احمد: حبي !
منيره: هلا؟
احمد: شلونج اليوم ما كلمتج واايد ..
منيره: انا تمام انت شلونك .. هههههه بتقنعي ما كلمتني واايد ولهت علي يعني؟
احمد: اوووفففففف .. تدرين عاد ! وانا اكلمج الحين اوله علييج اكثثثثر
منيره : هههههههه .. (واهي مستحيه ماتدري شتقول )
احمد: بس احلا شي تدرين شنو؟؟
منيره: شنو؟
احمد: ان بيتكم يم بيتنا .. كل ما ودي اشوف القمر .. يطلعلي من فوق .. يطل طله .. تدووخني ..!! تسوى الدنيا و مافيها !!
منيره .. بسسسس عااااد احمممممدددددددد (وبدلع)
احمد : ياااااعيوون احمد انتيييي ..!! .. الا اقولج .؟ ابوج وصل؟؟
منيره: ااي وصل اليوم .. ومساع اخوي جاسم يه .. يقول يسلم عليكم ابوي .. قتله ليش ما مرنا .. مادري حسيته توهق !! قالي ووده ايي بس تدرين ما يقدر ايي و امي اهني .. ولا اهوو كان يبي ايي.. وقالي اشرايج باجر نروح له .. ؟!
احمد: اي حبيبتي روحييله .. لازم هذا ابوج !! و شفتي شلون ولهان عليكم و يحبكم .؟ هذا ابوج حياتي .. مهما طال الزمن او قصر.. يحبكم و يبييكم انتو عياله نظر عينه .. روحيله ..
منيره: انشالله حبيبي.. علشانك بروح !
احمد:اخيييييييييييييييييييييييييييييييييييه.. حبيبي !!
منيره: امبيييه ترا بروحها طلعت مادري ماادري.....
احمد: احبهااااااااااااااااااااااااااااااا ياااااااااااا ناااااااااااااااااااااااااااااااااااااااااااااااااااس!
(بيت خالدة..)...باجر ......ويرن تليفون جاسم ...
جاسم: هلا يبااا ..
محمد : هلا جاسم
جاسم: يبا شلونك ..؟
محمد : بخير الحمدلله .. اقول جاسم ابيك تمرني بعد نص ساعه !
جاسم: يبا يصير ايلك بعد ساعتين؟؟ ولا مستعيل؟( يبي يخلي منيره تجهز و ترو ح معاه )
محمد: لا يبا تعالي الحين بسرعه .. ابيك ضروري ....
جاسم: خلاص اننشالله .. الحين امرك .. مع السلامه
جاسم يبي يخلي منيره تروح معاه عقب ماتخلص شغل المطبخ مع امه .. لكن ابوه مستعيل.. ... مو مشكله .. .. ارو ح انا الحين عند ابوي ... و عقب ساعتين امر نوافوو اخوي و منوور و اوديهم له .. نسويله مفااجأة... اكيد ولهان عليهم بس مستحي يقول !! .... وراح جاسم بلغ منيره و نواف يجهزون حالهم .. لان يبي يمرهم عقب ساعتين .................................. وراح جاسم عند ابوه.. وصل جاسم! ..
جاسم: الوو .. يبا انا وصلت .. انا بره .. انت موجود داخل؟
محمد: تعال داخل انا بالدوانيه..
جاسم: انشالله يبا اسكر السياره و انزل.. (ونزل جاسم وراح الدوانيه)... السلام عليكم ..
( الموجودين \ محمد \ و ريال غريب اول مره يشوفه ): عليكم السلام !
الريال: يلا عيل خووش .. انا استاذن الحين و على الاتفاق؟ بعد شهر.؟
محمد: خلاص افا عليك ابشر !!
الريال: يلا عيل .. مع السلامه ,,, (وراح )
جاسم: هلا يبا .. متصل علي تبيني ضروري.. انشالله خير؟؟ منو هذا ؟
محمد : هذا الريال اللي شرا بيتكم ............!
جاسم : أي بيت؟؟؟؟؟!!!!
محمد : بيتكم .. بيتي انا .. اللي انتو ساكنين فيه !
جاسم: البيت اللي انا واخواني قاعدين فيه الحين؟؟؟؟؟؟؟؟؟ (واهو مو مستوعب الكلام)
محمد: .. اكيد يعني ماكو بيت غيره .! يعني هذا اهو ..؟
جاسم: .......................................(اثار الصدمه عليه)
محمد: انا بعت عليه البيت .. و وقعت العقد و يستلمه عقب شهر او شهر ونص..
جاسم : (واهو يحاول يركب الموضوع و يستوعبه)شلووووووووووووون؟؟؟؟!!!!!!!!!!!! .. بيتناااا هذااااااااااا يروح حق غريب بسهوله ؟ !!!!!!! يبا عيل اكيد انت راد من السفر علشان تبيع هالبيت و شاريلنا بيت احلا منه .. و حاب تسوينا مفاجأة لي و لاخواني... يبا وين بيتنا اليديد صاير؟
محمد : أي بيت يديد ! انا وييني علشان اشتري بيت يديد .! مو شايفني امس راجع من السفر ...!؟ انا رديت علشان محتاج فلوس... ورديت و بعت البيت و باخذ هالفلوس ....
جاسم : يبا !!!!! واحنا و اخوااني و امي .. وين نسكن؟؟! نهد بيتنا و نروح وين ؟ نعيش بالشارع ..؟
محمد: يا وليدي انا عبالك ناسيكم .. لا يبا ما نسيتكم افا عليك بس... انا بعت البيت و هاك هالمبلغ .. علشان تدبر فيه بيت لك و لاخوانك و امك .. مهما يكون يعني مانسيتكم من البيعه .. عيالي انتو ..
جاسم: (وجاسم عليه اثار الصدمه .. مو مستوعب من اللي ابوه سواه .. يسافر يسافر يغط .. و يرد لنا ببلوه يديده ؟! ... شسوي؟! شقول حق امي و ين اودي اخواني ...) .. يبا جم المبلغ اللي راح تعطينا اياه .. خل احاول ادبر بيت .. باقرب وقت .. والله يعني علي اللي يايني .....اااااااااااه
محمد : خلاص البيت راح .. و صار مو لكم ... البيت انباع و صار كل شي .... البيت مو بيتكم الحين .. بيت الريال ...هاك هال 30 الف ... تقدرون تشترولكم بيت على قدكم..يكفيكم كلكم .. بلا هالبيت القديم اللي ماله لزمه...
جاسم : ( واهني عصب جاسم... لكن مسك نفسه .. ) يبااااااا !! أي بيت بال 30 !! احنا كبار .. تبي ننححكر كلنا بغرفه وحده .. بعدين وين في بيت ب 30 الف الله يهداك يبا احنا بالكويت مو بمصر !!!!! انت رديت الكويت ... اردى بيت مو اقل من 160 الف... يبا ليش تسوي جذي فينا........ الحين اخواني متشفقين علييك .. ياين يزورونك .. شقولهم الحين ؟ شقول حق امي...
محمد : يبا جاسم .. انت ريال و تعرف تدبر عمرك .. مولازم بيت .. عندك شقه عندك أي شي .. دبر عمرك يبا .. لاني انا بعد يومين مسافر مشغول ..
جاسم: مشكور يبا.............. (واهوا القهر بقلبه و الدمعه بعيونه ... يفكر شيقول حق امه .. شلون يبتدي .. و شبيسوي .. ويدري ا نال 30 ماراح تسويله شي.. واذا بيشتري شقه مو اقل من 90 الف.. شلون يدبرها .. من عقب ماكانو في بيت ملك .. الحين ينحركون ب شقه اجار !! و كل شهر ادفع !! وراي مصاريف اخواني مصاريف اكل مصاريف لبس ... ياللللللللللله!! شالبلوه اللي انحطت عليييك ياجاسم ...كله تيي على راااااسك انت يااا جاااااااااسم !!... عاااد البيت مره واحددددددده ؟؟؟؟؟!!!!!!!!!!! لو سياره لو سياره لو شي ... بيت ! الله يهديك يا بو جاااسم و اللي يعني )
طلع جاسم.... مخنوووووق .. مايدري وين يروح.. مايدري حق منو يفضفض .. م .. وهو طول عمره شايل الهم بروحه.... مايحب يقول حق احد حتى لاقرب الاصدقاء له .. لان هذا ابوه عزوته رااس ماله .. مايحب ان الناس تتشمت فيه .. او تيب طاري ابوه بالشينه .......! صايرلهم ريال البيت و الابو الي غاب عنهم .. والحين ايي اصدمهم بالخبر .. يالله !! سااعدني ... .. وراح جاسم يتفرفر بالسياره .. و الدمعه على عينه ... أي دمعه المقهور ... وين اروح الحين ..... شسووووي!!! ... شوي ولا يرن تليفونه .......... المتصل (منوووره )
جاسم:الو؟؟؟
منيره: هلا جااسم انا بدلت خلصت و نواف هم بدل يلا ناطرينك .. كلنا جاهزين ..
جاسم: ها؟ وين حابين تروحون ؟ انا ودي اطلعكم اليوم (و يحاول يشد من صوته المخنوق علشان ماتحس منيره)
منيره: لا لا مانبي نروح مكان .. بس نبي نروح حق ابوي .. مو تقول ولهان علينا؟ انا بس بروحله بشوفه و عقب برد .. بدرس وراي امتحان..
جاسم:...............(واهو مايدري شيقول)
منيره: الوو؟ الو؟
جاسم: هلا منيره .. لا لا خلاص انا بروح حق واحد من الربع تعبان بالمستشفى.. خلوها باجر ..
منيره: خو جسوم يوم بدلت الحين وخلصت ..اففف انزين .. باي
(صكته منيره واهي حاسه ان اخوها مو طبيعي .. مره يقول بوديكم حق ابوي...ومره يقول ودي اطلعكم.. و بعدين فجأة .. ! وحد من الربع تعبان ؟؟!! شلون صاارت؟! ,,,, مادري احس ان فيه شيه .. بس شنو ماادري!.. )..
