روآيتي الأولى : [ و يبقى خـــآلد ] بقلمي sweet memy

[UNiQe^PRiNceSs]

خالد قاعد ينرفزني
كملي حبيبتي​

 

[~RouNa~]

< الحين لو بـ ترد ميمي

بـ تقول :

خالد مسحور لا تلومونه !

< صح ميمي

 

[zizo0ou]

وعععععععععععع ات تخلييييين خالد يتزوج شهد سوي اي شي انه السحر يخترب او اي شي

نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت

حملـــــة الحنه

 

[sweet_memy]

رونـآ ،

صح ،
خالد مسحور لا تلومونه على الي قاعد يسويه
مايحس بـ تصرفاته ،
يعني اهوا مظلوم مثل ما اسراء مظلومة ..

 

[sweet_memy]

البارت الخامس عشر :


و المغرب في بيت بو عبدالله و تحديدا عند حمام السباحه :


خالد : ها جسوم شقلت ؟ّ!
جاسم : ينيت انت ؟ لا ماني رايح معاك ، بتخطب روح بروحك ، انا مو موافق على هالزواج شلون تبيني اروح معاك
خالد : افاا بو جويس افاا ، الحين انا رفيجك جذي تخليني ولاتساعدني
جاسم : اساعدك على شي غلط ليش !!؟ اساعدك على شي بخرب و يدمر حياتك ! لا يا خالد تبي تخطب روح بروحك ولا شوفلك احد غيري
خالد : ومن لي غيرك يا حبيب قلبي انتا
جاسم : طلع الكلام العسل الحين هاا ، ماني رايح معاك و هذا آخر كلام عندي
خالد : صج انك ما تستاهل كلام حلو ، بروح بروحي و امري لله



بيت بو احمد :

احمد : والله هذي الساعه المباركه ، نورتنا
خالد : ساعتك أبرك .. سكت خالد و حس بشي غريب ( هالصوت هذا مو غريب علي ، انا متاكد اني سامعه من قبل ، بس وين ! )
احمد : اذا علي انا موافق ، بس نشوف راي البنت بالاول
خالد : اي اي من حقكم ، اخذوا راحتكم و عطوني خبرر ، استأذن انا الحين



و بالصاله :

شهد : يمه انا موافقه
ام احمد : يقولج الريال متزوج و يبيج الثانيه تقولين موافقه !!
شهد : يمه انا موافقه اكون الثانيه الرابعه العاشرة ، موافقه ! انا ابي هالريال و مستحيل اتزوج واحد غيره و اذا ما رضيتي بسوي بنفسي شي
ام احمد : يا يمه يا شهد سمعي الكلام ، دامج الثانيه يمكن يحط عليج ثالثه ، شتبين بريال متزوج ؟
شهد : يمه انتي ماراح تفهميني ، انا ابيه و موافقه و راضيه اكون زوجته الثانيه
ام احمد تنهدت : كيفج يا يمه : هذي حياتج و انتي حره فيها
شهد : يعني موافقه يمه ؟؟؟
ام احمد تنهدت: شسوي بعد ، دام انتي موافقه ، .. انا موافقه
فرحت شهد حييييييل ولمت امهاا و باستها على راسها
ام احمد : مبروك يا بنيتي
شهد بـ ابتسامه كبيرة : الله يبارك فييج يمه




وبعد انقطاع مكالمات شهد عن خالد حوالي اسبوعين ،


خالد : قوة شهودتي
شهد : هلا حبيبي
خالد : شدعوة شدعوة ، اسبووعين حارمتني من صوتج ، والله عذاب
شهد : شسوي حبيبي
خالد : بسج تغلي ، شلونج ؟
شهد : الحمدلله
خالد : دوم يارب
شهد : تسلم حياتي ،
خالد : ها حبيبتي ، بشريني ؟ وافقوا الاهل ؟
شهد بكل حيـآ : دام انا موافقه مالي شغل بأهلي
خالد : ادري يا حياتي انج موافقه ، بس اهلج موافقين ولا لا ؟
شهد : دام انا بنتهم اكيييد بوافقوون
خالد بفرررح كبييررر : صج ! وافقوا ؟!
شهد : اي ، وافقوا
خالد : الله يبشرج بالخيرر ، فرحتي قلبي
شهد : ---
خالد : انا واحد مستعيل ، شرايج باجر نملج ؟
شهد بضحكه : خالد شفيييك تو النااس ( تتغلى )
خالد : انا مافيني صبررر كلللش
شهد : خلاص حبيبي دام مافيك صبر الي تشوفه ، باجر




بيت بو عبدالله :

اسراء : خالد ؟ وين كنت !
خالد : كنت طالع
اسراء : خالد شسالفه ، صايرة ما اشوفك هالايام كلش
خالد : حبيبتي مشغول
اسراء : معقوله في شي يشغلك عني ؟
خالد : شسوي يا عمري ،
اسراء : خالد ؟ شرايك نسافر ؟
خالد بصدمه : ها !؟ نسافر ؟
اسراء : اي ، نسافر ، عشان نكون مع بعض ، و نريح اعصابنا و نرتاح و نستانس
خالد : لا لا ما اقدر ، عندي شغل
اسراء : خالد ماصارت شغل ، تقدر تاخذ اجازة اسبوع
خالد : اي بسس .. انتي عندج جامعه
اسراء : عندي اجازة اسبوعين قبل الامتحانات
خالد : لا يا اسراء ما اقدر اهد شغلي
اسراء تنهدت : خلاص مابي شي
خالد : زعلتي حبيبتي ؟
اسراء : --
خالد : يالله عاد ، والله ما اقدر و لو اقدر جان ماقصرت معاج بشي ، صح ؟
اسراء : ---
خالد : شدعوة عاد تكلمي قولي شي ، لاتخليني جذي اكلم روحي جني اهبل
اسراء : ---
قرب منها و قرصها قرصه خفيفه على ايدها
اسراء : أححححححح ، خالد يعورر !
خالد : اخيرا تكلمتي
اسراء : ترا يعور هاا ، جم مرة انا قايلتلك مو زين علي انا حامل لا تسوي فيني جذي
خالد : ان شاء الله ، ان شاء الله يا زوجتي الغاليه
ويقوم من مكانه ،
خالد : قومي نطلع
اسراء : مابي ، مافيني اطلع
خالد : يلا عاااد قومي
اسراء : تعبانه الياهل ذبحني ترفس
خالد : والله انه شيطان لكن نطري ، خـ يطلع بس و انا اعلمج فيه
اسراء: انت شكلك من الحين متحلف فييه ، الله يسترر لما يطلع
خالد : ههه ، و انتي من صجج صدقتي ، انا قاعد على نار و انطر اليوم الي بطلع و يشوف الدنيا ، الله يصبرني 4 شهور بسس
اسراء شافته و ابتسمت ،
اسراء : آآآي
خالد اخترع : هاا شفييج ؟
حطت اسراء ايدها اليسار على ظهرها و اليمين على بطنها : بطني يا خالد بطني
خالد : تعبانه وايد ؟ اوديج المستشفى ؟
هزت راسها يمين و يسار يعني لا : مالي خلق مستشفيات
خالد : لاتخرعيني ، اذا تعبانه قومي اخاف يصير فيج شي
اسراء : ماكو شي يا خالد ماكو شي
خالد : انزين ، ارتاحي انسدحي ،
مسك خالد ايدينها و انسدحت و قعد يمها بالفراش يشوف ويهها و يمسح على شعرها الناعم ويلعب فيه
خالد : تصدقين يا اسراء ؟ .........
......
....
....

خالد : اسورتي ؟
حس خالد بهدوء مو طبيعي ،
قرب خالد اكثرر و شافها لقاها نايمه و ابتسامه صغيره مرسومه على ويهها البريء
خالد : يا بعد عمري والله ، باسها على خدها و غطاها و نزل تحت



وبالصاله :


ام عبدالله : هلا بخالد هلا ،
خالد : هلا فيج يالغاليه
ام عبدالله : يمه وينك ، صارلك اسبوع ما قعدت معانا
خالد : تدرين يمه ، شغل
ام عبدالله : شهالشغل الي مايخلص ، والي ملهيك عنا ، الله يعين مرتك عيل ، الا وينها ما اشوفها معاك ؟
خالد : نايمه
ام عبدالله : اي ، اكيد تعبانه ، الله يصبرها هالـ 4 شهور


و بعد اسبوعين من زواج خالد من شهد ،


شهد : خلودي حبيبي
خالد : عيونه ، آمري
شهد : حبيبي متى بتنشر خبر زواجنا ؟
خالد بقلبه ( مينون انا ) : اي اي ان شـآء الله لما القى الوقت المناسب
شهد : اي متى يعني ؟
خالد : والله ما يندرى ، لاتشغلين نفسج بهالسالفه
( شاف خالد ساعته )
خالد : يلا شهوده ، الساعه 12 الحين ، لازم اروح البيت ، تامرين على شي ؟
شهد : خالد وبعدين ؟! يعني كل يوم جذي تقعد معاي و تروح تنام عندها ؟
خالد : يا حبيبتي انا مابي اسراء تشك فيني
شهد : خالد مثل ما اهيا مرتك انا بعد مرتك !
خالد : ماقلت شي ، بس لازم انام عندها
شهد : وانا ؟
خالد : وقت ثاني ، يالله الحين لازم اروح ، فمان اللله
( وطلع خالد )



شهد : حتى لما تزوجته خلاني و راح عندها ، مايبيها تشك فيه ، لكن انزين يا خالد ، ان ما خليتها تعرف انك متزوج عليها ، ماكون انا شهد ، وبحرق قلبج مثل ما حرقتي قلبي و خذيتي خالد مني ، هييين يا اسراء ،!



بيت بوعبدالله :

اسراء بقلبها و مبين على وييها علامات الحزن و الشوق : وينك يا خالد ، مخليني بروحي ولاتدري عني ، ولا اشوفك الا وقت النوم ،
خالد : السلام عليكم
اسراء ببسمه : و عليكم السلام ، هلا خالد
خالد : شلونج حياتي ؟
اسراء : بخيرر ، خالد وينك ؟ وين تروح يوم كامل ماتييني الا الليل ؟ صاير خفاش
خالد : هههه ، حلوة منج
اسراء : خالد لاتخليني بروحي ، ترا انا محتاجة لك وايد
خالد : حاضر حبيبتي ، حاضر يا حياتي انتي
ابتسمت بويهه
خالد : يلا ، ماراح تنامين ؟
اسراء : بصراحه ماودي انام ، ودي اقعد و اشوفك و أكحل عيني ، عيني الي ماتشوفك الا دقايق باليوم
خالد : يالله و هذي قعده ، و شوفيني لما تشبعين
اسراء : احبك خالد
خالد : و انا اموت فيج
طوط طوط .. طوط طوط ( صوت المسج )
المسج : يهون عليك تخليني و تروح تنام عندها  ؟ وتخليني بروحي ؟ ادري انك ماراح تييني الحين ، بس اول ما تقعد من النوم تعال لي لان ما اقدر على فراقك . ( من شهد ) ( طبعا ماكان مسيف رقمها )
خالد بقلبه : والله و ابتلشت بهالحريم ، وحده اقعد معاها اليوم كله و الثانيه انام عندها الليل ، هذي عيشه بالله ، ( تنهد حييل ) الله يصبرني عليكم
اسراء : خالد ؟ اكلمك ليش ماترد علي ؟
خالد : هههللا حبيبتي ؟
اسراء : بشنو سرحان ؟
خالد : لا لا حبيبتي مو سرحان ، يالله خلينا ننام
اسراء الي كانت حاسه ان خالد فيه شي ، تنهدت بقوة : تصبح على خير
خالد : و انتي من اهله


في شقه خالد و شهد :

شهد : الساعه 10 و خالد ليلحين ما وصل ، وين راح ؟ انا قلتله قبل الدوام ايي عندي ، اتصل عليه اشوفه احسن من ما اقعد على اعصابي
خالد : هلا شهد
شهد : صباح الخير
خالد : صباح النور
شهد : حبيبي وينك ؟
خالد : بالدوام
شهد : حبيبي انا شقايلتلك ؟
خالد : شقلتي ؟ ماقلتي شي
شهد : مداك نسيت ! مو قلت قبل لا تروح الدوام تيي عندي ؟
خالد : يا شهد يا حبيبتي اطلع من الضاحيه و ايي جنوب السرة و اروح الدوام ؟ ما اقدر جذي
شهد : اي ، لو انك نايم عندي ..
خالد : خلاص خلاص ، اطلع من الدوام و ايي عندج ، بس زهبي الغدا
شهد : خالد ، تدري اني ما اعرف اطبخ ، لما ترجع نروح نتغدى برة
خالد يتنهد : ان شاء الله ، تبين شي ؟
شهد : شفيك خالد جنك مالك خلقي ؟
خالد : حبيبتي انا بالدوام الحين ما اقدر آخذ راحتي بالحجي ، لي ييت عندج يصير خير ، يالله اخليج الحين
شهد : اوكي حبيبي ، مع السلامه

و رن فون خالد

خالد : وليييه ، هلا اسراء
اسراء بصوت ناعم و بحيا : شلون الحب ؟
خالد : الحمدلله بخير
اسراء : حبيبي بالدوام ؟
خالد : اي حبيبتي ، بالدوام
اسراء : امم ، انزين حبيبي ، انا بطلع الحين اوكي ؟
خالد : وين ؟ ماعندج جامعه اليوم ؟
اسراء : لا خالد شفيك ، قلتلك اجازة قبل الامتحانات
خالد : اي صح ، نسيت والله ، وين بتروحين ؟
اسراء : بروح السوق
خالد : بروحج ؟
اسراء : لا مع اختي
خالد : ايي ، اوكي روحي بس لا تتأخرين ،
اسراء : اوك
خالد : اي ، ترا اليوم انا بتأخر معزوم ع الغدا يعني تغدي لا تنطريني
اسراء : بعد بتتأخر ، يلا اوكي
خالد : يالله مع السلامه

خالد : اووووف ! بلوة والله كل وحده تبي شي
جاسم : هذا الي يتزوج ثنتين ، يلا تحمل الحين
خالد يتنهد : الله يصبرني بس




و بالسوق :


اسماء : يا حلاة هدوم اليهال ، تشوق
اسراء : يالله شدي حيلج و ييبي واحد
اسماء : لا بس الحمدلله 2 كافي
اسراء : انزين ، يالله جهزي معاي احسن
اسماء : اكيد فيج ولد مو بنت ؟
اسراء : اي ولد وااضح
اسماء : مو اخاف نشتري ازرق و بعدين تطلع بنت
اسراء : بسيطه نبدلهم و ناخذ وردي
اسماء : هههه ، يحليلج اسور ،


و بالشقه :

كانت شهد تتجهز و تلبس و و تحط لها لمسات المكياج على ما يوصل خالد ،
شهد : وينه تأخر ؟ الساعه 2 الحين و اهوة ليلحين ما وصل
ودش خالد
شهد : شلونك حبيبي
خالد و التعب مبين من ويهه : الحمدلله
شهد : شفيك حبيبي ؟ تعبان ؟
خالد : شوي ، الجو برة ما يرحم
شهد : اي والله صدقت ، يالله خالد ترا انا جاهزة
خالد : وين ؟
شهد :\ شفيك حبيبي مو قلنا بنتغدى برة ؟
خالد حط ايده على راسه : اووه نسيت ، اي صح ، .. نطري شوي خليني ارتاح
شهد : اوكي ارتاح


و بالسوق :

اسماء : ها اسور ؟ احس بس الي شرينا كفايه
اسراء: اي بس ، شريت اليوم وايد
اسماء : يالله عاد الحين امشي نتغدى
اسراء : اي والله امشي انا تعبت من المشي ابي اقعد


شهد : ها حبيبي ؟ شلونك الحين ارتحت ؟
خالد : اي ، نطريني اغير ملابسي و نطلع
شهد : اوك

وبعد 10 دقايق ،

خالد : يلا
مسك خالد بـ ايد شهد و طلعوا ،

وبالسيارة :

الجو هادي ما عدا صوت اغنيه عبدالمجيد : فوق هذا الحب احبك و بعد اكثر كثير ، ياللي تدري ان قربك انا احتاجه كثير ، يمكن اكثر من غلى روحي لـ روحي ..

شهد : تحب عبدالمجيد ؟
خالد : اموت على اغانيه
شهد : تحب هالاغنيه ؟
خالد : و اموت عليها
شهد : معنها قديمه
خالد : بس احبها ،
شهد : و هالاغنيه حاطها عشان تحبها و لا اهداء لي ؟
خالد بـ ابتسامه : اهداء لج
شهد بقلبها : مبين انك تعبان يا خالد ، مبين عليك .. يا بعد عمري والله




بالسيارة :

اسماء : تبين تروحين البيت الحين ولا تبين تروحين مكان بعد ؟
اسراء : لا بس البيت ، تعبت من المشي وين اروح بعد
اسماء : حاسه فيج
اسراء شد انتباهها و لفت نظرها الكايين الي مر ، و بقلبها : هذا مو جيب خالد ؟ و منو هالوحده الي يمه ؟ بحركه سريعه فتحت جنتطتها و طلعت فونها و اتصلت على خالد
صوت الفون ،
خالد : اسراء ؟!
شهد : خالد لا ترد عليها ، خلنا مستانسين
خالد : شفيج يا شهد لازم ارد ، هلا حبيبتي
اسراء : حبيبي وينك ؟
خالد : توني طالع من الدوام
اسراء : ووين بتروح ؟
خالد : قلتلج حبيبتي بروح اتغدى عند واحد من الربع عازمني
اسراء : وين عازمك ؟
خالد : بـ بيتهم
اسراء : اهاا ، اوكي حبيبي بس لا تتأخر علي ناطرتك
خالد : حاضر حياتي

شهد بعصبيه : خالد شنو هذا الحين انا قاعده يمك و انت تقولها حبيبتي و حياتي ؟
خالد : يا شهد مثل ما انت مرتي حتى اهيا مرتي
شهد : اي بس ع الاقل ما تقول جدامي ! راع شعوري ع الاقل ( نزلت راسها يعني زعلانه )
خالد تنهد : آسف حياتي آسف ، انا الغلطان و حقج علي
شهد : --
خالد : يالله عاد ، ما احب اشوف هالوي الحلو زعلان
ابتسمت شهد و شافته بحيا : صج حبيبي ؟
خالد : اي حياتي ،



بيت بو عبدالله :


بالصاله الكل متيمع ما عدا اسراء و خالد

ام عبدالله : عبدالله ، تجهز لان بعد جم يوم بنروح الشاليه
عبدالله : ايي صح شخباره الشاليه ؟ خلص ولا بعد ؟
ام عبدالله : لا خلص ، و بنروح ان شاء الله بعد جم يوم
عبدالله : امم، شطاري عليج ؟
ام عبدالله : خالد ياب طاريه و قالي شخباره قلتله شوي و يخلص ، بخاطره يروح
عبدالله : اي والله كلنا بخاطرنا نروح ، نستانس و نرفه عن نفسنا شوي ، بعد العطله بتخلص ولا رحنا ،
ام عبدالله : اي والله صدقت ، يالله عاد تزهب انت و ريم و عيالك

دخلت اسراء و سلمت على الكل :

ام عبدالله : اسراء ؟ عيل وين خالد؟
اسراء : معزوم اليوم ع الغدا( وكملت طريجها و مشت ..)
ام عبدالله : اهاا ، وين يمه ما تبين غدا ؟
اسراء : لا خالتي مشكورة ، تغديت بره يالله خالتي تبين شي ؟ انا رايحه فوق
ام عبدالله : سلامتج يمه ، بس اذا وصل خالد قوليله اني ابيه ضروري
اسراء : ان شاء الله خالتي



و بالمطعم :

كان حاط ايده على الطاوله و مسند راسه عليها ومغمض عيونه من التعب
شهد : خالد ؟ شفيك ؟
خالد بحركه بطيئه رفع راسه و فتح عيونه : مافيني شي
شهد : ليش ما كملت اكلك ؟
خالد : مو مشتهي ، خلصتي شهد ؟
شهد : اي خلصت
خالد : يلا نمشي
شهد : وين خالد تو الناس ، خلنا نروح نتمشى شوي نستانس
خالد : وقت ثاني ، مالي خلق الحين
شهد بزعل شوي : ماكو طلعه كامله
خالد ماحب يزعلها : ماعليه ، وقت ثاني
دفع خالد الحساب و طلعوا


و بالسيارة ،

شهد : بتقعد معاي الحين ولا بتطلع ؟
خالد : بروح البيت
شهد : يعني بتروح عندها
خالد : شهد انتي شفيج ، اسراء ما تدري ان احنا متزوجين ، و اذا تأخرت راح تحس بمكاني ، لازم اروح
شهد : اي قولها و فكنا
خالد : ينيتي انتي ينيتي ؟! اقولها ! هذا الي ناقص بعد
شهد تتنهد : متى نخلص من هالسالفه

ووصلوا الشقه ،

خالد : يلا شهد نزلي انا الحين بروح
شهد : بعد ماراح تنزل !
خالد : انزل شسوي ، يالله تأخرت وايد
شهد : اوكي ، تعال عندي بالليل بنطرك
خالد : يصير خير




بيت بو عبدالله :

اسراء : وينه خالد ؟ تأخر ..
سمعت صوت الباب و لفت ويهها
دش خالد و مبين عليه التعب ،
اسراء اول ما شافته ابتسمت بـ ويهه

اسراء : شلونك حبيبي ؟
خالد : بخير ( و قعد ع السرير و غمض عيونه )
اسراء قربت منه : شفيك حبيبي ؟ عسى ماشر .. تعبان ؟!
خالد : شوي دايخ
حطت اسراء ايدها على يبهته و خده : الحمدلله مافيك الا العافيه
شافها خالد و ابتسم لها و غمض عينه مرة ثانيه ،
اسراء : قوم حبيبي اخذلك شور دافي و انا بجهز لك ملابسك و نام ارتاح ولا تطلع ، اقعد بالبيت اليوم ، مشتاقتلك
خالد : اشتاقتلج العافيه ، حاضر .. حاضر حبيبتي
قام خالد ياخذه شور دافي يزيح التعب عنه ، و بعد ما خلص لقى ملابسه جاهزة و مرتبه بطريقه حلوة و يمهم عطره المفضل ،

اسراء : ها خالد ؟ شلونك الحين ؟
خالد : احسن
اسراء : يالله حبيبي ، ارتاح و نام
حط خالد راسه ع المخده و غمض عينه مده و فتحها
خالد : اسورة حبيبتي
اسراء : عيونها ، آمر حبيبي
خالد : خليج يمي ، لاتروحين
اسراء بصوت ناعم : كاني حبيبي انا يمك وين بروح يعني
خالد : احبج اسراء
اسراء بـ ابتسامه : و انا احبك بعد
قربت منه اكثرر و حطت ايدها على شعره و قعدت تمسح عليه لما نام خالد ،
اسراء : بعد عمري والله ، شكله تعبان و نام بسرعه ، عقب ما تأكدت انه نام غطته عدل و باسته على خده ..


و بالشقه ،

شهد : اي يا خالد ، خليتني بروحي قاعده بين اربع طوف ، مادري شسوي ،
صوت التلفون
شهد : هلا سارة
سارة : هلا بالعروس اليديده ، شلونج ؟
شهد : اي عروس الله يخليج اي عروس
سارة : ليييش بعد ، شفيج ؟
شهد : خالد ،
سارة : شفيه خالد ، ما يقعد معاج ؟
شهد : يقعد معاي اليوم كله و يروح ينام عندها
سارة : شتبين بعد ، قاعده تشوفينه اكثر منها ، طول اليوم عندج
شهد : ما احس اني متزوجه مثل باقي الناس ، ابيه لي بروحي لي و بس !
سارة : انتي الي وافقتي تكونين الزوجه الثانيه ، و المفروض تتحملين ، خصوصا ان جوري ليلحين ماعرفت بـ السالفه
شهد بضحكه خبيثه : بتعرف ، خيرتها بتعرف
سارة : شهود انتي شناويه عليه ؟
شهد : بتشوفين يا سارة شهد شبتسوي ، بحرق قلبها مثل ما حرقت قلبي ، بخليها تندم على اليوم الي تزوجت في خالد و خذته مني !
سارة : حرام عليج يا شهد ، حرام عليج تخربين حياتها
شهد : حرام عليها اهي الي خذت مني خالد ، اكرهج ، اكرهج يا اسراء و كل يوم اكرهج اكثر من اليوم الي قبله ، حياتج خاربه على ايدي ، بس نطري شوي !



بيت بو عبدالله :


بعد ما صحى خالد من النوم ،

اسراء : خالد ؟ يوم ييت ماشفت خالتي ؟
خالد : اي امبلا ، شفتها
اسراء : اي لان قالتلي تبيك
خالد : اي ، قالتلي عن الشاليه ، تجهزي بعد يومين بنروح الشاليه
اسراء : حلو ، احنا محتاجين مثل هالطلعه ، عشان نكون مع بعض
خالد بقلبه : الله يصبرني عليج يا شهد اسبوع ماراح اشوفج
اسراء : خالد ؟ جم يوم بنقعد ؟
خالد : اسبوع
اسراء : جنه وايد ، انا وراي امتحانات
خالد : ماعليه ، اخذي كتبج معاج و درسي هناك ، في احلى من الدراسه ع البحر ؟
اسراء : شوقتني خالد
خالد : اقول اسورة ؟
اسراء : آمر حبيبي
خالد : انتي اليوم كنتي بالسوق صح ؟
اسراء : اي ،
خالد : ها شنو شريتي ؟
اسراء : كملت باجي الاغراض ، و الحمدلله
خالد : ياني متشوق ، متى يطللع هالولد
اسراء : اصبر يا خالد اصبر ، بتشوفه ان شاء الله و بتمل منه بعد
خالد : انا امل من ولدي ؟ مستحيييل
اسراء : ايي بنشووف بعدين
خالد : مافيني صبررر كلش ، شرايج نركب السرير ماله ؟
اسراء بضحكه : خااالد شفييك تو الناس بعد 4 شهورر
خالد : شسوي شسوي ،
اسراء : اصبرر الصبر زيين
خالد يتنهد : يالله نصبر ،


و بعد يومين ،

شهد : خالد يعني شلون ؟ اسبوع ماراح اشوفك ولا اسمع صوتك !
خالد : اشوف اذا كنت اقدر اطلع من الشاليه و امرج ، بس هذا احتمال ضعيف
شهد : اي ، بتكون مستانس طبعا لانك معاها و مخليني بروحي
خالد : يا شهد يا حبيبتي شفيج ، ترا هذي مرتي
شهد : مرتي مرتي مرتي ! ترا دوختني معاها ، حتى انا مرتك مو بس اهيا !
خالد : اووه شهد ، خلاص خلاص ، يلا اخليج اكلمج وقت ثاني
شهد تنهدت : يصير خير ، مع السلامه


خالد تنهد : الله بلاني بهالشهد

وعقب ما وصلوا للشاليه :

ام عبدالله : عبدالله ، خالد ، يالله نزلوا الاغراض
خالد : يمه شدعوة كل هالاغراض ، ترا كلها اسبوع ورادين
ام عبدالله : و اسبوع ما تبي تاكل ما تبي تشرب ماتبي ...
خالد بصوت خافت و بضحكه : يا كلمه ردي مكانج
ضحكت عليه اسراء
خالد : تضحكين ها :\
ام عبدالله : شفييك عليها بعد ، خلها حامل لاتقول لها شي مو زين عليها
خالد : مدلـله
ام عبدالله : يلا من غير هذرة زايده روح شيل مع اخوك
خالد : حاضر ، حاضر يمه
عبدالله : خلووود ، صج انك ما تستحي ، مخليني اشيل بروح تعال شيل معاي
خالد : كاني ياي ياي
ام عبدالله : ريم يمه ، روحي فوق غرفتكم ارتاحي انتي و ولدج
ريم : لا خالتي خلينا نستانس شوي ،
ام عبدالله : لاحقين لاحقين على الوناسه ، روحي ارتاحي الحين
ريم : ان شاء الله خالتي
اسراء بقلبها : الحين دوري
ام عبدالله : يلا اسراء ، حتى انتي جنج تعبانه ، روحي ارتاحي بعد
اسراء : لا مافيني شي ، الحمدلله
ام عبدالله : روحي لايصير بالياهل شي
خالد : يمه شفييج نحشتينا كلنا ماتبينا ولا شسالفه :\
ام عبدالله : هذا يزاي ابي راحتكم ،
خالد : بشييه بشييه ، اي راحه تتكلمين عنها، الحريم يرتاحون و احنا نشيل الاغراض ، عيل شمهنه الخدم ؟
يوسف : بابا ابي اتسبح بالبحر
عبدالله : ان شاء الله حبيبي بس مو الحين
يوسف : بابا ابي الحيين
عبدالله : انطر بعدين العصر
يوسف و الدمعه بطرف عينه : بابااا الحييين
عبدالله : اصبر يا يبه العصرر
بجى يوسف و صعد فوق عند امه
ريم : يوسف حبيبي شفييك تبجي ؟
يوسف : بابا مايرضى اتسبح
ريم : مو الحين حبيبي ، انطر تونا واصلين ، العصر
يوسف : مابي مابي ، الحين
ريم : لاحبيبي بعدين روح مع ابوك و عمك
يوسف بزعل : انزين


صعدت اسراء فوق لقت غرفه مفتوح بابها شوي و مبين منها صورة خالد ، دخلت و عرفت انها غرفته

كان الشاليه ملك خاص ، رووعه بمعني الكلمه ، الاثاث كان حييل راقي و الوانه متناسقه ، و الغرف كبيرة و واسعه ، وبكل غرفه صورة لصاحب الغرفه ،
اسراء : ماشاء الله ، وايد حلوة الغرفه ،
لقت برواز فوق السرير و عليه صورة خالد يوم كان صغير ، و على الدرج صورة خالد بلبس التخرج من الثانويه مع ابوه ، و صورة صغيره كانت حديثه ،
اسراء : يحليييله خالد يوم كان صغير ، يهبل ماشاء الله عليه
قعدت اسراء و فصخت شيلتها و قعدت تتفحص الغرفه ، و فجـأة انفتح الباب
اسراء : بسم الله اخترعت ،
خالد : ههه ، ليش ؟ انا اخرع ؟
اسراء : لا ، بس عبالي احد غريب دخل
دخل خالد و قفل الباب وراه : منو بيدخل مثلا ، هذي غرفتي محد يدخلها الا باذن مني
اسراء : اي ، عرفت من الصور
خالد : شفتييهم ؟
اسراء : و شلون ما اشوف صور حبيبي الي ماليه الغرفه
خالد : ايي ،
أشرت اسراء على صورة خالد يوم كان صغير : خالد ، هذي صورتك ؟
خالد : اي ، هالصورة يوم كان عمري سنه و نص تقريبا ،
اسراء : اتينن الصورة ، كنت حلوو
خالد بغرور شوي: من صغري حلوو ، و ليش الحين يعني مو حلو ؟
اسراء : انت ليلحينك جميل و حلو و بتظل طول عمرك حلو
خالد : تعالي شوفي ، ( أشر على الصورة الي كانت على الدرج ) هني صورتي يوم تخرجت من الثانويه ، هالصورة عزيزة على قلبي ، كانت اخر صورة مع الوالد الله يرحمه
اسراء : الله يرحمه
خالد : كان يقولي ادرس يا خالد وتفوق ، ابي اشوفك مهندس عود و لما تخرجت شافني بلبس التخرج و قالي عقبال ما اشوفك متخرج من الهندسه ، ( تنهد حيل و ضاق خلقه ) الله يرحمك يا يبه ،
اسراء شافت حالة خالد و حست انه متضايق ، لقت صورة ضحكتها شوي : خالد ؟ منو هالشيطان الي حاط على راسه حمامه ؟
خالد : هههه ، هذا انا ، كان عمري تقريبا 9 سنين ، هني كنا رايحين قنص حمام ، عاد انا كنت اركض و اصيدهم و هذي كانت مريضه ماتقدر تطير فخذيتها و حطيتها على راسي ،
اسراء : خالد ولا عمرك كلمتني عن طفولتك ؟
خالد يتثاوب : اذا لقيت وقت فاضي بقولج ، بس خليني انام الحين لاني تعبت من الطريج
اسراء : بتنام و تخليني ؟!
خالد : قعدي رتبي الملابس حطيهم بالكبت ، سوي اي شي على ما اقعد
اسراء تتنهد : انزين ، بس ساعه و بقعدك اوكي ؟
خالد : ساعه :\
اسراء : ايي ساعه ، وايد ساعه بعد ، انا اما اقدر اقعد بدونك راح اشتاقلك بهالساعه
خالد : صج والله بتشتاقينلي ؟
اسراء بصوت ناعم: اكيد يا بعد عمري
خالد : تحبيني ؟
اسراء بدلع و تلعب بشعرها : و شلون ما احبك يا قلبي
خالد : يا حلاتج لما تقولين يا قلبي ،
اسراء ( استحت ) : يالله عيل انا اطلع ، عشان الحب يرتاح و ينام
خالد : قعدي يمي لاتروحين ، ارتااح لما اشوفج
اسراء بحيا : حاضرر ياحبيبي ، بقعد




بيت بوعبدالعزيز :

بوعبدالعزيز و ام عبدالعزيز كانوا الصاله و يطالعون التلفزيون

بوعبدالعزيز : ماشاء الله الحرم متروس
ام عبدالعزيز : اي ماشاء الله
بوعبدالعزيز : شرايج نروح العمره جم يوم ؟
ام عبدالعزيز : و العيال ؟
بوعبدالعزيز : عيالج مو يهال ، كلهم كبار ماشاء الله عليهم و يعتمدون على نفسهم
ام عبدالعزيز : و عزييز ، منو بيطبخ له ؟
بوعبدالعزيز : الخدامه تطبخ ، ولا يروح عند خواته مافيها شي
ام عبدالعزيز : خلاص عيل نروح
بوعبدالعزيز : اشوف عزيز اقوله يحجز لنا
عزيز و اهوة نازل : جني سمعت اسمي
بوعبدالعزيز : تعال ، تعال يابوك
عبدالعزيز : هلا يبه ، آمر
بوعبدالعزيز : مايامر عليك عدو ، انا و امك بنسافر العمره و احجز لنا تذكرتين
عبدالعزيز : بتسافرون ؟!
بوعبدالعزيز : ايي بنسافر ،
عبدالعزيز : يبه خلني ايي معاكم ، اخاف تحتاجون شي هناك و انتوا كبار لازم احد معاكم
بوعبدالعزيز : خوش عيل ، تعال معانا
عبدالعزيز : بس متى بتروحون لان الامتحانات مابقى شي عليها
بوعبدالعزيز : شوف بعد جم يوم
عبدالعزيز : خلاص اشوف و ابلغك


sweet memy​

 

[UNiQe^PRiNceSs]

شهد ملوعه جبدي

الله يهدي خالد

كملي حبيتبي ناطرييين​

 

[zizo0ou]

وععع شهد تلوع الجبد
يسلمو و ناطرين البارت الياي

 

[sweet_memy]

يالبارت السادس عشر :


و بالشاليه :

فاطمه : ها اسراء ، شرايج بالشاليه ؟
اسراء : روعه ماشاء الله ، حيل عجبني
فاطمه : امشي نتمشى بره على ما يخلص الغدا
ام عبدالله : شطلعكم الحين بهالشمس و الحر ، قعدوا و العصر طلعوا
فاطمه : يمه وين الحر و الشمس ، الجو اينن برة
ام عبدالله : قعدي يلا كا خلص الغدا ، اسراء وين خالد ؟
اسراء : نايم
ام عبدالله : روحي قعديه يلا خلص الغدا
اسراء : ان شاء الله خالتي


صعدت اسراء فوق ودخلت الغرفه و قعدت بالسرير يم خالد و حطت ايدها على شعره و قعدت تلعب فيه
اسراء : خالد حبيبي يلا قوم
خالد بنعاس : خليني انااام
اسراء : حبيبي قوم حطوا الغدا
خالد : تو الناس ع الغدا
اسراء : يلا بسك نوم نمت ساعتين ، قوم تغدا معاي
خالد فتح عيونه شوي وتنهد : انزين انزين انتي روحي و انا الحين ايي
اسراء : يلا قوم مو تنام
خالد : انزين
و اول ما طلعت اسراء رد خالد و كمل نومته


و على طاوله الطعام :

ام عبدالله : وينه خالد ؟
اسراء : قعدته و قالي الحين بينزل
ام عبدالله : الحين هذي تصير ساعتين عند خالد
فاطمه : ههه ، يموت على النوم
اسراء : الظاهر كمل نومته ،




في شقه شهد :

شهد : والله اني مشتاقتلك يا خالد ، شلون بتخليني اسبوع على هالحال ،
( تنهدت ) ، بجرب ادق عليه يمكن يرد ،


صوت الفون

خالد كان بعزز نومه ولاسمع صوت الفون

شهد : اي اكييد ماترد ، مستانس الحين معاها ومخليني بروحي ،
دزت مسج : ( شدعوة ما ترد علي ، كل هذا عشان لاتخرب الجو العجيب الي قاعد فيه معاها )

شهد : مايرد مايرد علي ! ياربي شسوي



العصر في بيت بوعبدالعزيز :


عبدالعزيز : يبه ، شفت الحجوزات والي لقيتهم كله بعد جم يوم
بوعبدالعزيز : يعني متى بعد جم يوم ؟
عبدالعزيز : يعني اليوم السبت في يوم الاثنين، يناسبكم ؟
بوعبدالعزيز : الاثنين ، زين زين احجز
عبدالعزيز : ان شاء الله يبه ،
ام عبدالعزيز : مو جنه مبجر ؟
بوعبدالعزيز : لا لا زين
ام عبدالعزيز : على راحتكم


و بـ الشاليه و تحديدآ بالصاله :


خالد الي توة نازل من الغرفه و شكله دايخ

ام عبدالله : صح النوم ، جان ما قمت بعد ؟
خالد : دايخ يا يمه دايخ
ام عبدالله : وتقلد نبرة صوته .. داايخ يا يمه دايخ ، مادري شمسوي دايخ .. شايل صخر
خالد : يمه طريج ساعه من بيتنا لي الشاليه
ام عبدالله : ساعه و دخت عيل لو اقولك ودني امريكا بسيارة شبصير فيك
اسراء و ريم و فاطمه ماتوا من الضحك
خالد : يمه الله يهداج شفيج علينا اليوم ،
ام عبدالله : مافيني شي
قرب خالد يمها و مسك بـ ايدها : عليي مافيج شي
ام عبدالله : و انت ليش قاعد يمي قوم روح عند مرتك ، مخليها بروحها ، قم يلا
خالد قام من مكانه و يشوف امه و يتحلطم بروحه بصوت خافت و قعد يم اسراء و حط ايده ورا ظهرها
خالد : شلون حبيبتي
اسراء بـ ابتسامه : بخير يا قلبي
خالد : حبيبتي انا يوعان و ابي غدا
اسراء : ان شاء الله بييبلك الغدا ، بس قوم غسل و اقعد وجابل طاوله الطعام و بكون كل شي جاهز
خالد : يالله ،
عبدالله : خلود ، انت ويينك ماتغديت معانا مساع
خالد : نايم
عبدالله : ماصارت نوم
خالد : الطريج دوخني و نمت
عبدالله : اي ،
يوسف : يلا بابا بتسبح انت قلت العصر الحين العصر
عبدالله : اصبر يا يبه شوي
يوسف : يلا يلا انا بروح اتسبح و انتا تعال بعدين
عبدالله : يووسف شفييك ، انطر شوي
خالد : خله يروح خو يدل مو اول مرة ايي
عبدالله : لا يبه شعرفه ياهل

ومن غير محد يدري طلع يوسف و لابس شورت السباحه و ماخذ معاه الفوطه ،

اسراء : يالله حبيبي الاكل وصل
خالد : بسم الله
اسراء : اكل حبيبي بالعافيه
خالد : الله يعافيج حبيبتي
(و اهوة ياكل تذكر شهد ) خالد : اسراء نسيت تلفوني فوق روحي ييبيه
اسراء : اوكي
خالد بقلبه لا خالد ، خلك من شهد الحين و اقعد مع اسراء ، ابتعد عن شهد شوي )
اسراء : تفضل خالد
فاطمه : اسراء تعالي معانا بنروح نتمشى
خالد الي ماعطى اسراء فرصه تتكلم : لا ماراح تيي معاكم انا بتمشى معاها
فاطمه : شدعوة خالد ، عندك اياها كل يوم خلنا نتمشى معاها الحين
خالد : مرتي و كيفي ابي اتمشى معاها
اسراء : خلاص خلاص ، الحين مع خالد و بعدين معاكم
خالد : يلا اسراء ، مشينا

قام خالد و مسك بـ ايد اسراء و مشوا مع بعض صوب البحر
اسراء : الجو وايد حلو
خالد : حدده
اسراء و الهوا يهف على ويهها : تصدق يا خالد ، من زمان ما صرنا بروحنا جذي
خالد : ادري حبيبتي ، انا مقصر معاج ، بس شسوي الشغل ما يخلي واحد بحاله ، بس اوعدج اكون معاج و ما اخليج ابد
اسراء : الله يخليك لي
خالد : و يخليج لي .... ، تعالي نقعد على الرمل
اسراء بضحكه : شفييك خالد انا حامل ، اذا قعدت شـ قومني ؟
خالد : اشيلج
اسراء : تشيلني جدام الناس !
خالد : اي عادي ، مو مرتي ؟
اسراء : تطنز ؟
خالد بضحكه : و ليش اتطنزز ، انتي بكامل رشاقتج الحين و اقدر اشيلج
اسراء : ماراح ارد عليك
خالد بضحكه عاليه شوي : يالله قعدي
اسراء : بقعد و بشوف شلون بقوم بعدين
خالد : شلون ولدي ؟
اسراء : يسلم عليك ، تعال قررب حط اذونك على بطني و اسمعه شقول ؟
خالد : انزين ( قرب راسه من بطنها و ظل مده يحاول يسمع شي )
خالد : يقول يبه انا مليت ابي اطلع ابي اشوفك
اسراء : هههه ، سمعته قال جذي ؟
خالد : اي

فجأة سمعوا صوت واحد يصررخ

خالد : اسراء ؟ تسمعين الي انا اسمعه ؟
اسراء : ايي ! اسمع صوت صرااخ ؟ جنه صوت ياهل ؟
خالد : بقوم اشوف منوو
اسراء : خااالد تعال امسكني بقووم
خالد : خلييج مكانج بشوف و اردلج
اسراء : الله يسترر !

قرب خالد من مصدر الصوت و لقى جدامه البحر و يوسف غرقان
خالد : يووووووووووسف !!
يوسف : آآآآآآآآآآآآآآآآه
خالد ركض حييل و طب بحرر و شاف يوسف بعيييييد و حاول يسعفه
اسراء : جنه خالد يقول يوسف ؟! الله يسترر بس ، عسى مافيه شي !
حاول يسبح خالد بسرررعه عشان يوصل لـ يوسف
يوسف : ع ع ععمميي ( يتكلم بصعووبه و ماي البحر يغطي ويهه و ملامحه البريئة ) !
زاد خالد سرعه سباحته و وصل عند يوسف
خالد : يووسف !
يوسف و اهو يطلع الماي الي بحلجه و يبجي : عممي

خذاه و حطاه على جتفه و سبح لين طلع من البحر و شافته اسراء
اسراء : خالد شفييه يوسف ؟
خالد و ملابسه مبلوله كلها ماي و التعب باين عليه : كان غرقان ، و الحمدلله اني لحقت عليه
اسراء : الحمدلله
خالد : يلا يوسف تعال دش داخل ، و تعالي انتي بعد
اسراء : ما اقدر اقوم
خالد : عطيني ايدج
مدت ايدها حق خالد و شدها خالد
اسراء : اححححح
خالد : ها ؟ شفيج
اسراء : الم شوي ، ماعليك يالله امش داخل لا تمرض



و داخل الشاليه :

ريم و التوتر باين عليها : يعني ويين راح الولد ويين
فاطمه : هدي ريم ، وين بروح يعني اكيد قاعد يلعب برة
ريم : و عبدالله وين راح تأخرر
فاطمه : الحين ايي و معاه يوسف لا تخافيين
ودش خالد ومعاه اسراء و يوسف
ريم : يووسف يممه ! وييين رحت حبييبيي ( خذته و لمته حييييل )
خالد : قوليلها السالفه انا بروح اسبح
اسراء : ان شاء الله
ريم : شسالفه ؟!!

وقالتلهم السالفه

ريم و دموعها على خدها و اهيا تمسح على شعر ولدها و تبوسه : حبيبي يوسف انا مو قلتلك لا تروح الا مع ابوك ليش ما تسمع الكلام ؟
يوسف بصوت واطي و الدمعه بطرف عينه : بابا ما ايي معاي كل شوي يقولي بعدين
ريم : بس حبيبي لاتبجي ، ماصار شي

عبدالله : يوسف ! وينك انت صارلي سنه ادورك !!
ريم : اقعد و اقولك كل شي ،،



بيت بو عبدالعزيز :

بوعبدالعزيز : شخبار اسراء ؟ صارلها جم يوم مازارتنا
ام عبدالعزيز : رايحه الشاليه
عبدالعزيز : يا حظها ، يمه من زمان ما رحنا شاليه
ام عبدالعزيز : لاحق على الشاليهات ، وراك عمرة
عبدالعزيز : اللللله ، تلقينها الحين قاعده تتمشى ع البحر و تستنشق هوا نقي و ..
بوعبدالعزيز : عزوووز بس ! شفيك هالايام صايرلي رادو .. ماتسكت
عبدالعزيز بضحكه: ماقلت شي الله يهداك يبه
بوعبدالعزيز : انا طالع ، ماقمت اتحمل كلام ولدج
ام عبدالعزيز : الله معاك يا بوعبدالعزيز
(وعقب ما طلع بو عبدالعزيز)

عبدالعزيز : يممه
ام عبدالعزيز : خير يمه
عبدالعزيز : يمه شفييه ابوي علي
ام عبدالعزيز : والله مادري عنه ، هالايام كله معصب
عبدالعزيز : انزين معصب انا شكو :\ ليش يزفني
ام عبدالعزيز : و انت صاير ماصخ بعد ، و ابوك ما يستحملك



بالبر عند احمد و ربعه :

احمد بصوت عالي و صراخ : حسووون بسسرررعه قبل لا ايوون الشررطه !
حسين بصوت عالي : انزين انزييين !
احمد : يلااا بسررررعه
صقر : احممد يلا حرررك بسرعه
احمد : يالله
صوت الشرطه ...


الشاليه :


عبدالله : خالد يلا وين الاسياخ و اللحم ؟
خالد و اهو ياي من المطبخ :يلا كا جهزتهم
عبدالله : انا بسوي الكباب و انتا العرايس
خالد : يلا

البنات كانوا قاعدين داخل الشاليه و يشوفون الرياييل يشتغلون برة :

فاطمه : ياااني يوعااانه
ام عبدالله : كا اخوانج قاعدين يشوون قومي ساعديهم
فاطمه : لا يمه خليني داخل بالبراد و اشوف تلفزيون و الاكل يوصلني احسن
ام عبدالله : عاايزة ما تسوين شي
خالد بصوت عالي شوي : يمه زهبوا الصمون و السلطه و حطوا البيبسي بالفريزر
ام عبدالله : ان شاء الله يممه ، يلا فطوم قومي سوي السلطه و جهزي الصمون و حطي البيبسي بالفريزر
فاطمه : وييي يمه مالي خلق ، الخدم شمهنتهم؟
ام عبدالله : مابي الخدم يجيسون الاكل يلا قومي
اسراء : خالتي انا بقوم اسوي عنها
ام عبدالله : لا والله ماتقومين ، انتي تعبانه و حامل قعدي ارتاحي ولا تسوين شي ، قومي فطوم شتنطرين بعد !
فاطمه تتنهد: ان شاء الله يمه ان شاء الله كاني قايمه
حست اسراء بـ آلآم و تقلصات في بطنها و تعبت شوي ، حست فيها ام عبدالله
ام عبدالله : يمه اسراء شفيج ؟
اسراء تحاول تبان طبيعيه و تبتسم : لا خالتي مافيني شي
ام عبدالله : يمه مو جنج تعبانه ؟ قومي ارتاحي
اسراء : حركه الياهل زايده هالايام
ريم : الله يعينج ع الترفس عاد


و برة عند الرياييل :

عبدالله : هاك هاك السييخ حطه بالصينيه و دير بالك حاار
خالد : اححححح ، حرقني
عبدالله : اقولك حار ، يلا شصار على العرايس ماخلص ؟
خالد : امبلا خلص بس انطره يصير لين شوي
يوسف : بابا انا يوعان ابي اكل
عبدالله : ان شاء الله حبيبي انطر شوي الحين بندخل الاكل داخل

وداخل :

ام عبدالله : شوفي اسراء انتي الحين بالسادس المفروض ماتتحركين و تحوسين وايد بس قعدي و ارتاحي و اكلي عدل عشان الياهل
اسراء : ان شاء الله خالتي
فاطمه يت من المطبخ و تتحلطم : ايي والله حاله ، ناس كل الشغل عليهم و ناس تقعد و ترتاح و لا تسوي شي
ام عبدالله : شفييج على حريم اخوانج ؟ وحده تجابل ولدها و وحده حامل تبينهم يحوسون بعد ؟ انتي شفايدتج بالله ؟
ريم : اسراء ماعليج منها هذي فطوم جذي اذا عصبت تحط حرتها باي واحد جدامها
اسراء : بس انا مو جدامها انا قاعده ع الطرف
الكل : ههههههه
فاطمه : ياخفه دمج يا اسرااااء ، والله انج عسسل
خالد : يلا يلا خلص العشاا
الكل قام و راح عند طاوله الطعام ما عدا اسراء الي كانت قاعده بالصاله
خالد : حبيبتي يلا عشا
اسراء سكتت ، قرب منها خالد : يلا حبيبتي عشا
اسراء كانت حاطه ايدها على بطنها و ايدها الثانيه على ورا ظهرها : لا خالد ما اشتهي شي
خالد : افاا الحين انا الي مسويه و تقولين ما اشتهي ؟
اسراء : مو مشتهيه والله ، اكل انت عليك بالعافيه
خالد : اسورة شفيج ؟ تعبانه ؟
اسراء هزت راسها يعنيي اي
خالد : تبين اوديج المستشفى ؟
اسراء : لا خالد ،انا بروح فوق ارتاح شوي
خالد :اوكي عيل روحي ارتاحي و اذا تبين شي دقي علي و اييلج
اسراء : اوكي
فاطمه : خووش اكل ، تسسلم ايدكم يا اخواني الاعزاء
ام عبدالله : خالد ، وين اسراء ما تبي عشا ؟
خالد : تقول تعبانه و مو مشتهيه تاكل راحت ترتاح
ام عبدالله : من مساع اقولها انتي تعبانه روحي ارتاحي تقولي مافيني شي ، مبين من ويهها التعب
خالد : بروح اشوفها و ايي
صعد خالد بسرعه و دش الغرفه
استغربت اسراء : خالد !
خالد قرب منها :اسورة قوليلي شفيج
اسراء : مافيني شي خالد
خالد : امي تقول انج من مساع تعبانه .. قومي اوديج المستشفى
اسراء : حبيبي ليش مستشفى ماكو شي
خالد : اذا تبين نرجع الديرة الحين ترا عادي ماعندي مانع
اسراء : ليش نرجع ! خالد انا مافيني شي صدقني
خالد : انزين .. باجر من الصبح نرجع اوديج الطبيب اتطمن عليج و نرجع اوكي ؟
اسراء تتنهد : ان شاء الله
خالد ابتسم لها و قرب منها و باسها على خدها ،
طلع من الغرفه بهدوء و صك الباب و نزل و تعشى مع الاهل ..




بيت ام أحمد :

ام احمد : ميري روحي شوفي من عند الباب
ميري : ان شاء الله ماما
ام احمد : ويه ، من ياينا هالحزة ؟
شهد بضيقه خلق : قوة يمه
ام احمد : يقويج يمه هلا هلا ،
شهد : شلونج
ام احمد : بخير يمه ، شمقعدج من الصبح ؟
شهد تنهدت : ماكو ، قاعده بروحي بالبيت و من الملل قلت اييلج اوسع صدري شوي
ام احمد : هو ؟ عيل وين خالد عنج ؟
شهد تنهدت حيل و غمضت عيونها : طالع الشاليه مع اهله
ام احمد : وييه هالريال ، قلتلج يا يمه شتبين فيه متزوج قلتي لاا ابيه لو متزج 10
شهد بصوت هادي : اي يا يمه ابيه
ام احمد : تبينه عيل تحملي



و بالشاليه :

خالد : صباح الخير حبي
اسراء بنعاس : صباح النور
خالد : شلون الحلوة اليوم ؟
اسراء ابتسمت له : بخير ، تسأل عن الحلو
خالد : الحلو بخير ، ها حبي نمشي ؟
اسراء : تو الناس خالد ، خلني انام شوي
خالد : على ما نوصل ، يلا قومي غيري ملابسج عشان نلحق ع الطبيب
اسراء : يلا الحين بقوم
خالد : يالله انا بنزل تحت خلصي و نزلي


و بالصاله :

خالد : صبحج الله بالخير يمه
ام عبدالله : هلا هلا بوليدي صبحك الله بالنور
خالد : شلونج يالغاليه
ام عبدالله : نحمد الله و نشكره
خالد : وين الريوق ، ترا ميت من اليوع
ام عبدالله : بتتريق بروحك الحين ؟ انطر اختك و اخوك
خالد : لا يمه انا برد الديرة الحين
ام عبدالله : بترد الديرة ؟! ليش شصاير ؟
خالد : بودي اسراء المستشفى و برجع
ام عبدالله : مستشفى ! شفيها اسراء ؟!
خالد : مافيها الا العافيه ، بس بتطمن عليها
ام عبدالله : طمني يمه عليها لا تخليني احاتي
خالد : ان شاء الله
ام عبدالله : عيل اقوم ازهبلك الريوق




يت بو احمد :

تررن تررن صوت التلفون
ام احمد : من داق علينا هالحزة
شهد : مادري والله
ام احمد : شيلي التلفون شوفي منو
شهد : الو
الشرطي : السلام عليكم
شهد : و عليكم السلام ؟ منو معاي ؟
الشرطي : معاج المباحث
شهد و الصدمه باينه على ويهها : مباحث ! خير اخوي شصاير ؟
الشرطي : هذا بيت بو احمد ؟
شهد : اي
الشرطي : ممكن تتفضلون عندنا المخفر ؟
شهد : مخفر ! ليش اخوي شصاير
الشرطي : احمد محجوز عندنا بالمخفر ، متهم بتهمه مخدرات
شهد من الصدمه ما اقدرت تتكلم : ممممخخ ..!
الشرطي : اي نعم و اهوة موجود الحين معانا بالمخفر ياليت بس تيون

ام احمد و الخرعه باينه عليها : شهد يمه شفييج ؟ شصاير ؟
شهد بهدوء : يمه ... يمه المخفر يبونا
ام احمد : المخفر !!! شيبون فينا ؟
شهد : احمد
ام احمد : تكلمي شهد قوليلي شصااايرر !
شهد : يمه احمد بالمخفر
ام احمد : احمد بالمخفر !! شمسوي شصاير !
شهد : امشي يمه و خلينا نعرف السالفه
ام احمد : يلا يلا ..




بالمستشفى :

الدكتور : الجنين حالته وايد سيئه ، يحتاج عنايه و تغذيه جيده
اسراء :--
الدكتور : بعطيج الحين فيتامينات و حبوب ، ابيج تداومين عليها لصحتج و صحه الجنين ، و ابيج تاكلين عدل و تحطين بالج على نفسج ، و الحركه الزايده مو زينه
هزت اسراء راسها يعني اوكي
الدكتور : لان اذا ظليتي جذي لا قدر الله احتمال يموت الجنين و نضطر نسويلج عمليه
خالد : لا ان شاء الله دكتور مافي الا العافيه
الدكتور : ان شاء الله



بيت بو احمد :

ام احمد : شهالبلوة الي طحنا فيها ، بنصير علج بحلوج الناس ، شقولون الناس عني ولدها تاجر مخدرات !
شهد : يمه تكفين بسس انا بروحي صاكه فيني الدنيا
ام احمد : قوليلي شنسوي الحين ،
شهد : نطري لما الله يفرجها
ام احمد : شوفي مابي احد يعرف بالسالفه ، حتى خالد لا تقوليله
شهد : و خالد وينه عشان اقوله يا حسرة ، شايفته انا ولا طايلته
ام احمد : يالله ربي شهالمصيبه



و بالسيارة :

خالد : سمعتي الدكتور شقال ؟
اسراء : سمعته
خالد : تدرين ان صار بالياهل شي
اسراء : خالد حبيبي لا تفاول ولا تخوفني بروحي خايفه ، ماكو الا العافيه ان شاء الله
خالد: ان شاء الله ان شاء الله ، يلا تفضلي قومي وصلنا
اسراء : يلا


فاطمه الي توها قاعده من النوم

فاطمه : صباح الخير خلود
خالد : اي صباح خير ، الا قولي مساء الخير
فاطمه : تو الناس ، الساعه 12 ونص الظهر
خالد : شهالنوم ، من امس 12 لي اليوم 12 ونص ماتيوعين ماتعطشين ... بل !
فاطمه تشهق : قول ماشاء اللله لا يصير فيني شي ! اسور تكفين مسكي ريلج لا يصكني عين
اسراء : هههه ، لا لا تخافين ريلي عينه بارده ، ماراح يصير فيج شي
فاطمه : شوف خلود اذا اليووم ماقدرت انام ترا بيي عندك
خالد : بل ! ( و يشوف اسراء ) اخلي هالحسن و الجمال و اشوفج ! ماعندي سالفه
فاطمه : ماعليه ماعليه ، بطوفها
اسراء والبسمه على شفاتها : خالد بس عاد خلها
خالد : ان شاء الله يا بعد عمري انتي
ام عبدالله و اهي يايه من المطبخ : ها خالد ييت ،
خالد : اي يمه ييت
ام عبدالله : اسراء ؟ شلونج يمه .. طمنيني شقالج الدكتور
اسراء : الحمدلله مافيني شي ..
ام عبدالله : الحمدلله
خالد : اقول يمه ، شـ الغدا اليوم ، ترا ميت من اليوع
فاطمه : و انت كله ميت من اليوع ؟ آفه ما تشبع ؟
خالد : و ويعه ان شاء الله ، ماتستحين تقولين عن اخوج جذي
اسراء : يلا عاد فطوم ترا ما ارضى على ريلي ،
فاطمه : عشتووو ، من متى ماترضين عليه مو قبل جم يوم تذمين فييه ؟
اسراء مصدومه : انا اذم فيه 
خالد : هاااا ، شقايله عني ؟
اسراء : و انت من صجك تجذبني و تصدق اختك ؟
خالد : طبعا اجذبها و اصدقج ، و انا اقدر اجذب قلبي يا قلبي
فاطمه : بسسس واي ما اتحمل كلام حلو جذي ،و شوفها شلون ذابت البنت
خالد : انتي شكو ؟ انتي شكوو رازة ويهج بكل شي !
فاطمه : اففف ، يمه انا رايحه فوق ، اذا حطيتوا الغدا نادوني لاني زهقت من ولدج .. اسراء الله يعينج عليه
خالد : فكه ، اي يمه .. ماقلتيلي شمسويه اليوم ؟
ام عبدالله : مجبوس لحم
خالد : كفو والله يمه ،
عبدالله : ها خلود ، وينك انتا اليوم ماشفتك
خالد : رحت الديرة و توني ياي
عبدالله : و شموديك الديرة من الصبح ؟
خالد : رحت وديتها المستشفى كانت تعبانه شوي
عبدالله : سلامات ماتشوفون شر
خالد : الشر ما اييك
عبدالله : قوم قوم نسبح شوي ، المايه عجيبه الحين
خالد: لالا ! ، يلا عيل انطرني ابدل و اييك
عبدالله : يالله ناطرك
( و راحت اسراء مع خالد الغرفه )
اسراء : تعال حبيبي
خالد : كاني ييت
اسراء : تعال احطلك كريم حمايه لا تصير اسود
خالد : اسود مرة وحده ، الناس يقولون اسمر
اسراء : المهم ، تعال احطلك لان لونك عاجبني و مابيك تتغير
خالد : فديت الي عاجبهم لوني والله ،
حطت اسراء بـ صبعها كريم و وزعته على جسم خالد
اسراء : يلا اشوف ويهك
خالد: كا ويهي
مسحت على ويهه جان يقرب حلجه من صبعها و يعضها
اسراء : أححححححح !
خالد و ميت من الضحك و يسوي روحه بريييء : شفيييج !
اسراء : تستعبط حضرتك ! شـ اللي سويته فيني !
خالد : ماسويت شي حبيبتي شصاير ؟
اسراء : روح روح اسبح رووح ، خلني افتك منك شوي
خالد : افاااا تفتكين مني
اسراء لفت ويهها يعني زعلانه
خالد : وااي حلاة الي يزعلون والله ، قرب منها و طبع بوسه على خدها ،
آسف حبيبتي ماكنت اقصد
اسراء : --
خالد : يلا عاد ترا ما يهون علي اروح و اشوفج زعلانه
اسراء :--
ورن فون خالد
خالد : هلا والله
عبدالله : يالله ماصارت صارلي سنه انطرك تحت
خالد : حبيبتي دقايق و اكون عندج
عبدالله :\ خلصني انزل
خالد :يلا حبيبتي دقايق و اكون جدامج
عبدالله : شفيك ينيت انت ، يلااا
خالد : يالله يا عمري مع السلامه

اسراء ينتتت و احترقت اعصابها ، و صلت الغيره عندها للـ التوب !
اسراء : منو هذي !
خالد بكل برود : و انتي شكو
اسراء بـ طوله بال : خالد منو هذي
خالد : هذي حبيبتي ، تعرفت عليها امس و الحين بروح عندها ، يلا اشوفج بعدين
اسراء : خااااااااااالد !
خالد : خير ؟
اسراء : يعني ما تدري اني اغار !
خالد بغباء و حب ايننها : والله ؟ تغارين ؟ تصدقين توني ادري
اسراء شوي و تبجي من حركات خالد : روووح ، رووح عند حبيبه القلب ناطرتك تحت روح
خالد بضحكه عاليه : و انتي صدقتي بعد ، لو ألف الدنيا كلها ما ألقى مثلج ، يا اسورة ، يا اسورتي الحلوة ، يلا حبي انا بروح عبدالله دوخني ، باي
طلع خالد و ظلت اسراء بروحها و حست ان ردت لها روحها من بعد ما سمعت كلام خالد و تأكدت ان يحبها حيل و لا يفكر بغيرها أبد ..
اسراء : الله يخليك لي و يخليني لك و لا يحرمنا من بعض ان شاء الله ..


بيت ام احمد :

بعد ما حكموا على احمد بـ السجن 15 سنه الكل تغيرت نفسيته و أولهم شهد

شهد : الله يصبرك يا اخوي على هالمصيبه ، الله يصبرك
ام احمد و دموعها تمشي على خدها : الله يصبرني على فراقك يا يمه
شهد : يمه انا تعبت ، بروح البيت تبين شي
ام احمد : وين تروحين و انتي بهالحاله ، و تخليني بروحي بالبيت قعدي ونسيني شوي
شهد تتنهد : وين أونسج يمه ، انا صاكه فيني الدنيا و مالي خلق شي ،
ام احمد : قعدي هني وسعي صدرج و ارتاحي
شهد : وقت ثاني ، خليني اروح الحين و اييج بعدين ، مع السلامه
ام احمد : مع السلامه .. الله يهديك يا احمد و يصلحك يارب


شهد : و صرت وحيده ، اخوي بالسجن و رييلي مايدري عني و لا يسأل ، مابقالي غير امي ، الله يخليج لي يا يمه و يطولي بعمرج ..





و بالبحر :

خالد : قوم عبيد صلختنا الشمس ، صارلنا 3 ساعات نسبح
عبدالله : يلا يلا قوم
طلع خالد و تنشف بالفوطه عدل و لفها على خصره و لبس نظارته الشمسيه ، و راح الشاليه مع عبدالله

وداخل الشاليه :

ام عبدالله : يلا ماصارت بحر ، ماشبعتوا متنقعين صارلكم 3 ساعات
خالد : طافج يمه ، البحر مو طبيعي
عبدالله : اي والله ، يعجبج
ام عبدالله : يالله روحوا سبحوا بحط الغدا
خالد : يلا يلا نطرونا
اسراء : عن اذنكم ، بروح مع خالد
فاطمه : بسسج قعدي معانا شوي تكفين ما مليتي منه 24 ساعه لاصقه فيه !
خالد : اللهم صبرج يا روح ، انتي شكووو !
فاطمه تتنهد :متى اتزوج
خالد : اسورة حبيبتي اقري المعوذات لا يصير فينا شي بس
اسراء: ههه ، يلا حبيبي امش
ريم : عبادي حبيبي ، يلا قوم اسبح لا تصير مريض اسم الله عليك
عبدالله : يلا ريم ، تعالي معاي
فاطمه : واي يمه عيالج بيذبحوني ، شنو هذا يمه متى أتزوج انا ترى قمت أتعذب من كلامهم
ام عبدالله : اوووه سكتي دوختيني ترا ، قومي ساعديني بالمطبخ
فاطمه تتنهد : يالله هذي شغلتي ، يايه يمه يايه
ريم : مسكينه فطوم

بيت بو عبدالعزيز :

عبدالعزيز : يلاا يمه ترا بموت من اليوع و انتي غداج ما خلص
ام عبدالعزيز : يالله يالله كا خلص الغدا
عبدالعزيز : يه يه يه ، شكله شي
ام عبدالعزيز : عليك بالعافيه يمه
عبدالعزيز : يعافيج ، اي تعالي .. ابوي وينه ؟
ام عبدالعزيز : فوق ، قوم ناده ولا بتاكل قبله بعد ؟
عبدالعزيز : انا آكل قبله ، اطلع ما استحي على ويهي و قليل الادب
ام عبدالعزيز : يلا قوم تحرك شوفه
...

عبدالعزيز : يمه ، ابوي قاعد يجهز جنطته حق باجر السفر
ام عبدالعزيز : بيييه ، عاد الحين ؟
بوعبدالعزيز : يلا يينا يينا ، بسم الله
عبدالعزيز : يمه شفيج ماتاكلين
ام عبدالعزيز : ماني مشتهيه ، بقوم اشوف اختك

الشاليه :

بعد ما طلع خالد من الحمام ،

اسراء : يلا حبيبي جهزتلك ملابسك ، البس و انا بنزل تحت
خالد : وين وين ، قعدي معاي اخلص و ننزل مع بعض
اسراء : يلا عيل انطرك
صوت فون اسراء
اسراء : الو
ام عبدالعزيز : هلا يمه ، هلا اسراء
اسراء : هلا فيج يمه
ام عبدالعزيز : شلونج يمه شخبارج ؟
اسراء : الحمدلله ، انتي شلونج و شلون صحتج ؟
ام عبدالعزيز : انا بخير ، وينكم ليلحين بالشاليه ؟
اسراء : اي
ام عبدالعزيز :ها عسى مستانسين ؟
اسراء : اي الحمدلله
ام عبدالعزيز : الحمدلله ، اقول يمه .. انا باجر بسافر مع ابوج و اخوج
اسراء : شنو ! بتسافرون ؟
ام عبدالعزيز : اي ، بنروح العمره جم يوم
اسراء : ايي ، بالسلامه ان شاء الله ، بس متى بالضبط عسان امرج
ام عبدالعزيز : باجر العصر ان شاء الله
اسراء : امم خلاص اشوف انا يمكن باجر الصبح اييلج
ام عبدالعزيز : حياج يمه ، يلا سلمي عليهم كلهم
اسراء : الله يسسلمج

خالد : شلونها عمتي ؟
اسراء : بخير ، تقول بتسافر باجر مع ابوي و عزيز
خالد : وين ؟
اسراء : العمره ، خالد تقدر توديني باجر الصبح عندهم اسلم عليهم ؟
خالد : من عيوني ، و ليش ما اقدر
اسراء ابتسمت : تسسلملي عيونك حبيبي
خالد : يالله قومي ننزل ترا ميت من اليوع
اسراء : ادري حبيبي ادري فيك يوعان ، السباحه تهد الحيل و تيوع

بشقه شهد :

شهد : ماتوقعتك جذي يا خالد ، ما توقعتك انك بتاخذني و تخليني بروحي .. الظاهر السحر مافاد ولا ياب نتيجه ، لكن اوريك يا خالد انتا معاها ، ان ما خرتب حياتكم ما اكون انا شهد ، بس ارجع و اشوف !

الشاليه :

ام عبدالله : اسراء ؟ شلون امج شخبارها ؟
اسراء : توني مكلمتها ، تسلم عليج
ام عبدالله : الله يسسلمها
اسراء : باجر بتسافر مع ابوي و اخوي ، بروحون العمره
ام عبدالله : ماشاء الله ، عمره مقبوله ان شاء الله

خالد و عبدالله قاعدين قعده ارضيه و يلعبون جنجفه و مندمجين باللعبه حدهم

خالد و يقط آخر ورقه عنده : و فزززت علييييك !
عبدالله بضحكه : اخيرا فزت علي
خالد : ويهك بس ، مصخرتك
عبدالله : انطر علي شوي و بكسر راسك
خالد : خير ان شاء الله ،
يوسف : عمي خالد ، اصلا انتا ما تقدر تفوز على بابا ، بابا قوي.. صح بابا ؟
عبدالله بضحكه : صح يبه
خالد : طيييرر زييين انتا و ابوك ، يالله اسراء قومي خليني اكسر راسج هند
اسراء : ويييه مالي خلق
خالد : قولي انج خايفه تخسرين
اسراء بكل ثقه : ماتقدر تفوز علي
خالد : هههههههههههه ضحكتيني والله
فاطمه : خلوود انا بلعب معاك
خالد : يلا يلا تعالي
سرحت اسراء بخالد و استانست حييل يوم شافته يلعب مع اخوانه ، حست بشعور حلو حيل و حست بـ خفه دم خالد و غشمرته ..
و بعد اللعب ،
فاطمه : العن يومك  انتا شنو
خالد : عيل شلون عيل ، ( و بغرور ) انا اخلي بنت تفوز علي
فاطمه : وييه ، اول و آخر مرة تلعب معاي
خالد : هههاااي ، يحصلج اصلا تلعبين معاي
...

الصبح في الشاليه :

اسراء : يلا خالد تاخرنا ترا
خالد : يلا يلا ، وين نظارتي الشمسه ؟
اسراء : بالدرج ، يلا اخذها
خالد : يلا ،


بيت بو عبدالعزيز :

اسماء : يمه ؟ اسراء قالتلج بتيي ؟
ام عبدالعزيز : اي قالتلي بتيي الصبح
اسماء : اي صبح ، اذا الحين 11
ام عبدالعزيز : اي تلقينها على وصول
اسيل : واي مشتاقتلها ، قاطعه هالبنت ما تنشاف
ام عبدالعزيز : كلكم جذي اول ما تزوجتوا
ودخلت عليهم اسراء
اسراء : السلام عليكم
الكل : و عليكم السلام
اسراء : شلونج يمه ؟ شخبارج ؟
ام عبدالعزيز : بخير يمه .. عيل وين خالد ؟
اسراء : الحين بيدخل ، يلا اسوم اسول لبسوا
اسراء : خالد ادخل ،،
خالد : احم احم ، السلام عليكم
الكل : و عليكم السلام
خالد يقرب منها و يبوسها على راسها : شلونج عمتي
ام عبدالعزيز : بخير عساك بخير
اسيل+ اسماء : شلونك خالد
خالد : الحمدلله الله يسسلمكم
.....


sweet memy​

 

[UNiQe^PRiNceSs]

احمد احسن الدور على شهد بعد انشالله

كملي حبيبتي ناطريييييييييين​

 

[zizo0ou]

زيييييين يصير بأحمد دوري سالفه حق شهد او ان خالد يدري انها مسويتله سحر :d
يسلمو على البارت و ناطرين الياي
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت

 

[sweet_memy]

البارت السابع عشر :

وبعد ما قضوا اسبوع بـ الشاليه و الكل استانس و غير جو و ارتاحت نفسيته ردوا للديرة و الشغل و الجامعه ..


بيت بو عبدالله :

اسراء : خالد ؟ شفيك ؟
خالد : هلا هلا !
اسراء : شفيك ؟ جنك سرحان ؟
خالد يتنهد : لا مو سرحان ولا شي ،
قعدت يمه و حطت ايدها على بطنها
شافها خالد و ابتسم : بعد 3 شهور بشوف وليد جدامي ، ماني مصدق
اسراء :لـ ..
قاطعهم صوت فون خالد و كان مسج
[ شدعوة عليك ، ما تسأل عني ولا شي ، ماتقول عندي مرة صارلي اسبوع مادري عنها ]
قرى خالد المسج و حس انه مقصر في حق شهد
خالد : اسورة حبيبتي ، في واحد يبيني الحين ضروري ولازم اروحله ،
اسراء : خالد وين ؟ انت تعبان توك واصل ؟
خالد : لا تخافين مافيني شي ،
اسراء : بتطول ؟
خالد : مادري ، يمكن .. يلا تبين شي ؟
اسراء تتنهد : سلامتك لا تتأخر




شهد : تدري يا خالد ان ماييت ، بتشوف شي عمرك ما شفته .. يخليني و بروح حق وحده ما تستاهل ! تبديها علي ؟ هين هين ،

خالد : الله يعيني عليكم ، ما ادري اقعد مع منو و أخلي منو ، لكن كله مني ، كله مني ومحد بياكلها غيري ،

وبعد ربع ساعه وصل خالد ..


شهد بنبره عصبيه شوي و زعل : الحمدلله على السلامه
خالد : الله يسسلمج
شهد : جان ما ييت بعد ؟
خالد شافها بنظرة و خزها شوي .. : حمدي ربج اقول
شهد : تعاال وين رايح ؟
خالد : تعبان بروح ارتاح
شهد : ليكون يايني عشان ترتاح ؟
خالد : عيل ليش ياي ؟
شهد : لا والله مو موصاحي ! يايني ترتاح عندي ولا تجابلني ؟
خالد : قلتلج تعبان برتاح تفهمين انتي ولا ما تفهمين ؟
دخل الغرفه و قفل الباب وراه ..
شهد : انزين ، اوريك

وبعد ساعتين ، ارتاح خالد و تعدل مزاجه و نفسيته تحسنت ، طلع الصاله و قعد مع شهد و كل شي صار تمام ..
خالد : شهد ييبي فوني نسيته بالغرفه
شهد : اوك
راحت شهد وخذت فون خالد و تعبثت فيه وطلعت رقم جوري و سيفته بفونها
خالد : يالله يا شهد ، ماصارت فون ؟
شهد بـ ابتسامه : تفضل



بيت بو عبدالله :

فاطمه بحيا : انا موافقه
ام عبدالله : مبروووك يمه ، الف الف الف مبروووك
فاطمه : الله يبارك فيج
خالد : و اخيرا بتتزوجين و نفتك منج
فاطمه : اوووه خلود لا تخرب وناستي
خالد : هههه ، مبروك يبه مبروك
اسراء : مبروك حبيبتي ،
فاطمه و الابتسامه مرسومه على ويهها : الله يبارك فيكم
عبدالله : جني سمعت كلمه مبروك ؟
فاطمه : ايي ، انا وافقت :$
عبدالله : لا لا ! الف مبرووك
فاطمه : الله يبارك فيك
ريم : مبرووك فطوومه
فاطمه : الله يبارك فييج
خالد بغباء : متى العرس ؟
فاطمه : وااي عليك يا خالد ، تو الناس ،
خالد : نبي نفرح فيج ، هذا يزاي مالت عليج
ام عبدالله : بنفرح كلنا فيها ، عسى الله يوفقج و يسعدج يارب ...

خالد : اسورة حبيبتي ، امشي معاي فوق
اسراء : ان شاء الله
..

خالد : قومي لبسي بنطلع نتعشى برة
اسراء : الله ، من زمان ما طلعنا
خالد : قومي نستانس
اسراء : يلا انطرني عيل
لبست اسراء بدله راقيه حلوة و حطت مكياج خفيف حيل و لفت شيلتها بطريقه حلوة و لبست ساعتها و دبلتها و خذت جنطتها و آخر شي لبست كعب واطي ، لفت ويهها شافت خالد و كان حييل حلوو ، عجبها شكله وايد ،
اسراء : يلا خالد ؟
خالد : نطري شوي أعدل نسفه الغترة
ابتسمت له اسراء ، كانت تتعذب من نسفه غترته ..
اسراء : ها خلصت ؟
خالد : لاا نطري ، عطيني عطر جيفينشي
اسراء : وااي ، تفضل
تعطر خالد و طلع مع اسراء ..


و بالمطعم :


خالد : تذكرين ؟ يينا هالمطعم أول ما تزوجنا
اسراء : اي ، اذكر
خالد : كنتي تستحيييين ، كل ما اقولج شي ويهج يصير احمررر جنه طماطه
اسرء : بس عااد
خالد : هههه ، ايي شفييج صج ،
اسراء : اي ، يوم ينكت العصير على دشداشتك
خالد : اولللله ! صوااريييخ ، متى انكت العصير على دشداشتي ؟
اسراء : لاااااه ما تذكرر ؟
خالد : هههههه .. اسورة
اسراء : آمر حبيبي
خالد : أحبج ، أموت فيج ، أعشقج ..
اسراء بحيا : و أنا أحبك بعد
خالد : أحبج كثر عدد النجوم الي بالسما ، احبج كثر عدد حبات الرمل الي بالكون ، احبج حب ماكان ولا بعده بكون .. أحبج !
خالد : شويه ان قلت احتاجك ، و شويه ان قلت اشتاقلك ، و شويه ان قلت انا كلي لك و شويه ان قلت اهواك ! لو تجمع حب العالم و احساس و شوق العالم و كلام الحب و اغاني الحب ما تساوي يا عمري غلاك ! اياك تظن اياك تفكر يوم انساك ، او انسى بلحظه هواك حبيبي يا حبيبي ، يا حبيبي يا حبيبي ، يا حبيبي انا !
اياك تظن اياك تفكر يوم انساك ، يا اعز الناس اياك تفكر يوم انساك ، او انسى لحظه هواك ، حبيبي يا حبيبي ، يا حبيبي ، يا حبيبي ، يا حبيبي انا !
اسراء ذابت بمكانها ، استحت حيييل و نزلت راسها ولا تجرأت ترفعه
خالد : فديت الي منزلين راسهم و يستحون ، يا حلاتهم والله ..
مد خالد ايده و رفع راسها شوي شوي و حط عينه بعينها و بصوت واطي
خالد : أحبج
اسراء بحيا: و انا أموت فيك
خالد : اعشقج
اسراء : انا اكثر
خالد : ما اقدر اعيش بدونج
اسراء : ولا انا
خالد : اتنفس هواج
اسراء ماقدرت تتحمل كلام اكثرر و سكتت
خالد : فوق هذا الحب احبك و بعد اكثر كثيير ، يـ الي تدري ان قربك انا احتاجه كثير ، فوق هذا الحب أحبك و بعد أكثر كثيير ، يـ اللي تدري ان قربك انا احتاجه كثير ،
يمكن أكثر من غلا روحي لـ روحي ، و انتا من نساني بالدنيا جروحي ،
نساني نفسي ، و خلاني احبك ،
هو صحيح اني قدرت أوصلك لكن ، ماني عارف وين أبوصل بالمحبه !
فوق هذا الحب أحبك ، فوق هذا الحب أحبك ، و بعد أكثر كثير ،
يـ اللي تدري ان قربك ، يـ اللي تدري ان قربك انا احتاجه كثير !
اسراء : في عز الكلام سكت الكلام !
خالد : خلص كلامج .. شفتي ، لاني احبج اكثررر
اسراء : الله لا يحرمني منك يا خالد
خالد : ولا يحرمني منج يا أغلى انسانه بحياتي
اسراء : الله يخلينا لـ بعض
خالد حب ينرفزها شوي : اسراء ، تخيلي وحده ثانيه تاخذني منج
اسراء بـ انفعال شوي : تحلم !
خالد بضحكه : شوي شوي هدي هدي
اسراء : يحلمون ، يحلمون ، الي فيك يفكرون ، ياخذونك انتا مني ، والله لو يتجننون !
ياخذون بقلبك مكاني ، او ينسونك حناني ، قلهم هذي أماني ولا هم ما يقدرون ..
يحلمون ، يحلمون ، الي فيك يفكرون ، ياخذونك انتا مني ، والله لو يتجننون !
لو يغيرونك علي ، او تجاملهم شويه ، خل بالك انتا ليا غيرك انتا يدورون ،
ما احد يقدر يحبك ، ولا ياخذ مني حبك ، لو يشوفوا شوي قلبك فيه اسمي يلمحون ،
يحلمون ، يحلمون ، الي فيك يفكرون ، ياخذونك انتا مني ، والله لو يتجننون !
يكتبونك ، يرسمونك ، ولا هم يتخيلونك ، لا حشى ما يلمسونك ، فيك لا لا يحاولون ،
لو يمدولك يديهم ، ضحكتك راحت عليهم ، و حتى لو انتا تبيهم ، انتا معهم تحلمون !
يحلمون ، يحلمون ، الي فيك يفكرون ، ياخذونك انتا مني ، والله لو يتجننون !
خالد : الله عليييج ، اللله ، يا بعد عمري انتي والله ! لي هالدرجه تحبيني ؟
اسراء : و اكثر بعد
خالد : يا قلبي يا اسراء
اسراء بحيا : خالد حبيبي
خالد : عيون خالد ،قلب خالد ، روح خالد ، آمري حبيبتي ، تدللي
اسراء : عندي طلب
خالد : بس قول أبغى وانا اقول حاضر ، انتا الوحيد الي كلامك اوامر ، بس قول ابغى و انا اقول حاضر ، انتا الوحيد الي كلامك أوامر ..
وخاطرك عندي ترا مو مثل غيرك ، خاطرك يسوى ترى مليون خاطر !
القوي الله و حبي لك قوي ، شوف ايش اعمل اذا تطلبني شي ،
ينشغل بالي و ادورلك عليه و عيني ما تغمض ولا حتى شوي
وخاطرك عندي ترا مو مثل غيرك ، خاطرك يسوى ترا مليون خاطر !
تهمني ، طبعا حبيبي تهمني ، انتا بس الي بعمري هزني ، انتا من حقك اذا تامر علي ،و انا من حقي ابيك تحبني ، وخاطرك عندي ترا مو مثل غيرك ، خاطرك يسوى ترا مليون خاطر !
اسراء و الحيا ذبحها : تسسلملي يا بعد عمري ،
خالد : شبغيتي حياتي ؟
اسراء : ابي سيارة ، ليش ان سيارتي صارلها سنتين و نزل موديل احلى منها
خالد : سيارة بس ! حاضر و تحت امرج ، باجر نروح و تختارين السيارة الي تبينها ، بعد شتبين ؟
اسراء : ابيك سالم لي
خالد بزعل مصطنع: افااا ، الحين غيرتي اسمي من خالد لي سالم
اسراء بضحكه : ههههه ، ابيك خالد لي ، احسن الحين ؟
خالد بضحكه : اي الحين احسن ،




وبدت شهد بخطتها الجهنميه ، الي فكرت فيها أيام و ساعات و دقايق ، الي بتقدر تفرق بين خالد و اسراء، عشان يصفالها الجو و تحقق حلمها ..

شهد : صارلي فترة طويله متزوجه و ليلحين ما احس اني متزوجه مثل البنات ! لكن الحين ، بصير اسعد انسانه بالدنيا ..


شقه خالد :

سمعت اسراء صوت مسج خذت فونها بسرعه و فتحت المسج
[ انتي اسراء زوجه خالد ؟ ]
استغربت اسراء : رقم غريب ؟ شهالمسج ؟
ردت بسرعه [ اي ، ليش ؟ و منو معاي ؟ ]
شهد: [ معاج فاعله خير .. بغيت اقابلج و اقولج سالفه مهمه ، بس ديري بالج مابي خالد يدري ]
اسراء عقدت حواجبها : [ خير ان شاء الله ]

التفت اسراء و شافت خالد الي كان نايم و حست ان في سالفه

قعدت اسراء على اعصابها تنطر الوقت الموعود ، ولما صار ،،

اسراء : خالد انا بطلع
خالد : بتطلعين ؟ وين ؟
اسراء : عندي مشوار مهم
خالد : وين ؟
اسراء : بشتري جم شغله ، ماراح أتاخر
خالد : امم ، اوك


ووصلت اسراء المكان الموعود و يت لها شهد الي عرفتها
شهد : السلام عليكم
اسراء : و عليكم السلام
شهد : انا شهد ، الي دزيتلج المسجات
اسراء : هللا والله ، خير اختي شصاير ؟ خرعتيني بصراحه ؟!
شهد : بقولج .. ، تعرفين انا منو ؟
اسراء : لا ، من حضرتج ؟
شهد : انا شهد ، زوجه خالد ريلج
اسراء انصدمت حييل وانقبض قلبها و ماقدرت تحرك اي شي من جسمها ، و بصعوبه : شششننو ! شقاعده تقولين انتي ؟!
شهد : انا زوجه خالد ، خالد ريلج
اسراء : شتخربطين انتي ؟! خالد متزوج وحده الي اهي انا ! من وين طلعتي انتي ؟
شهد : انتي الي من وين طلعتي ! انا و خالد نحب بعض صارلنا 4 سنين ، انتي الي مادري من وين طلعتي و انعمت عيونه فيج و خذاج و خلاني ، لكن مانساني و تزوجني عليج ،
اسراء قاعده تحاول تتمالك اعصابها و تهدي نفسها : ينيتي انتي ؟! خالد يحبني و مستحيل يتزوج علي !
شهد : يحبج بـ احلامج ، يا حلوة خالد صارله متزوجني تقريبا 3 شهور ! و اذا مو مصدقتني شوفي هالاوراق
قطت شهد على اسراء ظرف ، فتحت الظرف و ايدها ترجف حيل ، طلعت صور خالد مع شهد ، و صورة عقد الزواج
اسراء انصدمت حيييل و حست بالحرارة في جسمها : ش ش ششننو هذا !
شهد : هذا عقد الزواج
خذته اسراء و تمعنت فيه عدل ، شافت توقيع خالد و انصدمت و غمضت عينها حيل ،
ماقدرت تقول شي ، لسانها عجز عن الكلام ، قامت من مكانها بسرعه و دموع عينها تسيل على خدها الناعم و دقات قلبها تزيد تزيد ، ركبت سيارتها و مشت بسرعه ، ماقامت تشوف شي و تحس مثل الضباب على عيونها ، و الدموع غطت ملاحها البريئه
اختلط صوتها بالدموع : لييش يا خالد ليييش ! غطت حلجها بـ ايدينها و غمضت عيونها حييل و قعدت تتذكر كل ايامها مع خالد ، ايام الفرح و السعاده ، ايام الضحك و الغشمرة ، ايام الكلام الحلو و الرومانسيه .. خااين ، خااااااااااااين ، خالد خاااين !!
ماقدرت تكمل اكثر ..
و وسط الزحمه و السيارات الطايرة
طاااااااااااااااااااخ !


خالد : يوووه شصاير بالشارع هني ،الظاهر حادث الله يكافينا الشرر
بييب بييب طووط طاااخ ،
خالد :الظاهر حادث جايد ، الاوادم كلها رايحه تشوف ،
بييب بييب بييييب

وبعد ربع ساعه مشى الشارع و خفت الزحمه ، مر خالد يم السيارة
خالد : اوووف ! هذي بي ام ؟ تكسرت راحت فيها ! الله يعين الي داخل !
صوت فون خالد ،
خالد : منو هذا رقم غريب ؟ الو ؟
.. : السلام عليكم
خالد : و عليكم السلام
.. : حضرتك خالد ؟
خالد وملامح الدهشه واضحه عليه : اي انا خالد ؟
.. : معاك المستشفى
خالد: خير !
.. : اسراء زوجك مسويه حادث ، ماعليك امر وجودك مهم
خالد انصدم !! : ان شاء الله !!

خالد : اسراء !! الحادث الي مساع اسراء !!
و هذي سيارتها !! الله يسسترر بسس !
و بـ سرعه طار خالد المستشفى و لقى ام عبدالعزيز و خواتها
خالد : عمتي ! شفيها اسراء ؟
ام عبدالعزيز و الدموع ماليه وييها : مادري يايمه مادري
خالد : الله يسترر ...

و بعد نص ساعه ،

الدكتور : منو فيكم خالد ؟
خالد : انا خالد !
الدكتور : ممكن تتفضل معاي شويه
خالد : خير يا دكتور ؟
الدكتور : زوجتك تعرضت لـ حادث قوي جدا و خطير ،و اهيا الحين بـ غرفه العمليات و من الحادث فقدت كميات كبيرة جدا من الدم ، و للاسف فصيلة دمها مو متوفرة عندنا بكميات كبيرة ، محتاجين متبرعين حالا
خالد : انا اتبرع
الدكتور : تفضل نطابق فصيلتك مع فصيلتها
خالد : بسرعه يا دكتور ، انا فصيلتي o تعطي الكل ، و اهيا فصيلتها b
الدكتور : ميخالف ، لازم نتأكد
خالد : يلا يا دكتور بسرعه !
و بعد ما خذوا من خالد الدم ،

الدكتور : الحمدلله ، تقدر تتبرع لها ، محتاجين بعد متبرعين
اسيل : انا دكتور فصيلتي مثل فصيلتها
الدكتور : تفضلي

ظل خالد يدور و يحوس داخل المستشفى ينطر الدكتور يطلع يبشره بخبرر ،
ام عبدالعزيز : خالد يمه اركد شوي ، حركتك الزايده هذي ماراح تنفع ولا تييب نتيجه
خالد : ماعليه يا عمتي ،
اسيل بقلبها : الله يعينه خالد و يصبره ،
و وصلت ام عبدالله و فاطمه و ريم ،
ام عبدالله : خيرر يمه خالد ؟ شصاير خرعتنا ؟
خالد بـ اعصااب : مادري يمه ماادري !
فاطمه : الله يعينك يا خالد و يصبرك ، و يقومها بالسلامه ان شاء الله



شقه شهد :

سارة : شتقولين ! انتي شسويتي !
شهد : عشان يعرفون منو شهد
سارة : ما توقعتج حاقده جذي !
شهد : كل شي يهون عشان خالد
سارة : مافكرتي ان خالد يمكن يطلقج !
شهد : هه ، و ليش يطلقني ان شاء الله
سارة : لانج انتي السبب
شهد : و شدراه اني انا الي قايلتلها
سارة : يا ذكائج ، مو انتي قايلتلها انج انتي شهد
شهد : بالطقاق ، درى ولا ما درى
سارة : الله يسامحج ، الله يسامحج ، صدقيني الله ماراح يخليج و بتنالين عقابج
شهد: خلينا من هالكلام الفاضي ، الحين بدال لا تستانسين معاي تقولين عقاب ومادري شنو
سارة : آسفه يا شهد ، انا اكلمج اكثر من جذي ، مع السلامه


المستشفى :

و عقب ساعتين طلع الدكتور :

خالد و اعصابه متوترة و ايده مشدوده : ها دكتور بشر ؟!
الدكتور : والله يا خالد مادري شقولك
خالد : دكتور لا تخرعني وتوترني ، الي فيني كافيني ، تكفى قولي شفيها
الدكتور : نتيجه للحادث طاحت بغيبوبه و تعرضت لصدمه عصبيه قويه و تعرضت لـ جروح و كدمات في اماكن منتشرة في جسمها و كسر خفيف في ايدها
خالد انصدم و تنهد حيل : لا حول ولا قوة الا بالله ،... انزين و الجنين شلونه ؟
الدكتور : الحمدلله الجنين مافي شي سليم وعايش الحمدلله
خالد تنهد : الحمدلله على كل حال

تضايق خالد حييل و حس ان حياته انتهت ، قعد ع الكرسي و نزل راسه و غمض عينه حييل و الضيقه ملازمته ، قرب منه عبدالعزيز ،

عبدالعزيز : اذكر الله يا خالد ان شاء الله بتقوم بالسلامه
خالد تنهد : لا الله الا الله
عبدالعزيز : قوم روح البيت ريح اعصابك و ارتاح ، قعدتك ما منها فايده هني
خالد : شلون اروح و اخليها !
عبدالعزيز : ماراح تقعد بروحها احنا كلنا معاها ، و بعدين الدكتور قال اهيا طايحه بغيبوبه يعني ماراح تصحى الحين ، قوم يا خالد ريح شكلك وايد تعبان
زفر زفرة قويه : خلني هني مرتاح
عبدالعزيز : على راحتك
اسماء : بس يا يمه لاتبجين ، ان شاء الله بتقوم بالسلامه
ام عبدالعزيز و الدموع مغطيه وييها : انتي سمعتي الدكتور شقال ! يا يمه اختج بغيبوبه و اهي حامل مو زين عليها !
اسيل : ان شاء الله مافيها الا العافيه ، و بتصحى ، ذكري الله
تنهدت حيل : لا اله الا الله ، لا حول ولا قوة الا بالله
ام عبدالله : الله يشافيج يا بنيتي و يقومج بالسلامه
الدكتور : يا جماعه ، ترا قعدتكم هني ما منها فايده ولا راح تييب نتيجه ، افضل انكم تروحون ترتاحون ..
خالد : دكتور ممكن ادش اشوفها ؟
الدكتور : ممكن اخليك تشوفها ، بس ع العموم يعني اهيا ماراح تحس فيك
خالد : عادي ، المهم اشوفها بس
الدكتور : تفضل معاي

دخل خالد الغرفه مع الدكتور و شاف اسراء و تقطع قلبه عليها ، شكلها كان حيييل يكسر الخاطر ، الكدمات و الجروح واضحه على معالم ويهها و ايدينها ، و مركب على جسمها جهاز التنفس و جهاز حساب دقات القلب والمغذي ، و ايدها اليسار المكسورة كان محطوط عليها الجبس و ... !
قرب منها خالد و طبع بوسه على راسها و غمض عينه ،
خالد بضيقه : الله يعينج ، الله يعينج و يشافيج و يقومج بالسلامه يارب
طلع من الغرفه و نزلت من عينه دمعه وحيده مسحها بحركه سريعه بطرف غترته
ام عبدالعزيز تحاول تتمالك اعصابها : يمه خالد قول حق الدكتور بشوفها
خالد هز راسه يمين و يسار : لا عمتي ، لاتشوفينها خليج بمكانج
ام عبدالعزيز : شتقول يا خالد ! هذي بنتي ، بشوفها ودوني حق بنتي بشوفها !
عبدالعزيز : يا يمه هدي اعصابج و قعدي ، ماراح تتحملين تشوفينها ، خليج يمه و نطري لما تتعافى ..
فاطمه : قومي يمه ، قومي نروح البيت لان قعدتنا ما منها فايده ،
ام عبدالله : يلا يمه ، الله يقومها بالسلامه ان شاء الله
فاطمه : خالد
خالد : --
فاطمه : امش معانا البيت و ارتاح ، قعدتك ما منها فايده
خالد : خليني ، روحوا انتوا
فاطمه : يا خالد مو زين تسوي بنفسك جذي ، انتا تعبان روح ارتاح و صل و لاتنسى تدعي ان الله يقومها بالسلامه ،
خالد : خليني يا فاطمه خليني !
فاطمه : عنيد و الي براسك تسويه ، على راحتك

أسيل : يلا يا يمه قومي انتي بعد ، روحي البيت ارتاحي
ام عبدالعزيز : لا ، ما اخلي بنتي بروحها ما اخليها
أسماء : يمه اسراء مو بروحها ، كل الدكاترة معاها ، لاتخافين عليها يا يمه
ام عبدالعزيز : مابي خلوني هني انا مرتاحه
أسيل : قعدتج ماراح تفيدها بشي ، قومي البيت ارتاحي و نامي و باجر تعالي
أسماء : يلا يمه قومي معانا
ام عبدالعزيز بـ يأس قامت معاهم .. و ماظل غير خالد بالمستشفى ،،
خالد : الله يقومج بالسلامه يارب ، ان شاء الله تصيرين مثل أول و احسن !

دخل خالد الغرفه و شاف اسراء مرة ثانيه ، ماصدق عينه
خالد : ماني مصدق ، ماني مصدق ان هذي اسراء ! اسراء يصير فيها جذي ، اسراء الي اشوفها كل يوم جدامي اسولف و العب و اتغشمر معاها أشوفها جذي ! ليييش لييش ! لكن كله مني ، كله مني الي خليتها تطلع بروحها ..
لقى قنفه صغيره انسدح عليها ، مرت عليه نسمه هوا و حس ببرودتها ، غمض عينه وحاول ينام لكن للأسف ما قدر ينام و اسراء بـ هالحال ، طول الليل كان يفكر فيها و يتذكر أيامها ،

صوت الأذآن :الله أكبر الله أكبر ..
خالد رفع ايده و دعى ربه : يارب انك تشفيها و تقومها بـ السلامه !



شقه شهد :

شهد : هذا وينه ، لا دق لا سأل لا مر عندي ، شسالفته ؟ ماكو الا ادق عليه اشوفه ،
( رنه ، رنتين ، ثلاثه .. طوط طوط طوط )
شهد : صكه بويهي ؟ شسالفته ؟


خالد : وقتج ! فاضيلج انا ! استغفر الله ناس فاضيه
ورن فون خالد مرة ثانيه ، المتصل [ جاسم ]
رد عليه خالد بصوت تعبان و اهوة يتنهد : هلا جاسم
جاسم : هلا فيك ، شلونك شخبارك ؟
خالد : خلها على الله ،
جاسم : خالد ؟ شفيك ؟ صوتك مو طبيعي صايرلك شي ؟
وقاله السالفه كلها ..
انصدم جاسم : اووخ ! لا حول ولا قوة الا بالله ! الله يقومها بالسلامه ان شاء الله ،


و بعد اسبوع ،

ظلت اسراء اسبوع بالمستشفى ، ، كان يقعد معاها طول اليوم و يشوفها بهدوء ، لعل و عسى تتحرك او تنطق بكلمه ، و شهد الي كانت منقهره من خالد وماتدري وين ارضه من سماه ،


بيت بو عبدالله :

ام عبدالله : ها يمه وين رايح ؟
خالد : المستشفى
ام عبدالله : يا يمه اقعد بالبيت ، روحتك ما منها فايده
خالد : يمكن تصحى و يرتاح قلبي
تنهدت ام عبدالله : الله يصبرك يا وليدي ..

و بالمستشفى :

دخل خالد الغرفه و انصدم ، لقى الغرفه فاضيه و كل شي فيها مرتب و اسراء مو موجودة ، مانطر ولا دقيقه و بسرعه راح للدكتور

خالد بخوف و دقات قلبه تزيد تزيد : دكتور ! وينها ؟!
الدكتور و الابتسامه مرسومه على شفايفه : الحمدلله ، صحت و نقلناها غرفه يديده
خالد الي ما صدق الكلام الي سمعه : صحت !! وينها يا دكتور ابي اشوفها !
الدكتور : اي تفضل ،
ودخل خالد الغرفه اليديده ، لقى اسراء متمدده على الفراش ، قرب منها لقاها نايمه ، و اللون الاصفر كان لون بشرتها ، و التعب مسيطر عليها ، و ايدها اليسار مجبسه و بطنها كبر عن أول ،

خالد : يا بعد عمري يا اسراء ، قرب منها و مسح على شعرها و طبع بوسه على راسها و خدها ،

بعد ما الكل عرف بـ ان اسراء صحت من الغيبوبه ، الكل زارها لكن للأسف كانت نايمه من التعب ،

ام عبدالعزيز : خالد ، من متى انتا هني ؟
خالد : من الصبح ، و ليلحينها نايمه
ام عبدالعزيز : شكلها وايد تعبانه
تنهد خالد : الحمدلله على كل حال

و بعد دقايق صمت ،

لفت اسراء ويهها يمين و يسار وفتحت عينها شوي شوي، بصوت تعبان ناعم خااافت بالكاد ينسمع
اسراء بحروف متقطعه : ي يم مهه
فزززت ام عبدالعزيز من مكانها : هلا يمه ، هلا حبيبتي
خالد الي ما صدق عينه و قام من مكان و قررب منها حييل و لمس ويهها : الحمدلله على السلامه حبيبتي !
اسراء بـ تعب : الله يسسلمك
ام عبدالعزيز : اسم الله عليج الرحمن الرحيم
ظلت اسراء ساكته و من التعب نست السالفه الي صارت ، فتحت عينها اكثر و حاولت تستكشف المكان
اسراء : انا وين ؟
ام عبدالعزيز : انتي بالمستشفى حبيبتي
اسراء و التعب مسيطر عليها : ولدت ؟
ام عبدالعزيز : لا يمه تو الناس ع الولاده ، .. سويتي حادث و نقلوج هني
حاولت تتذكر اسراء سبب الحادث و الي صارلها لكن ماقدرت من الحاله الي فيها ، ولا خلتها تفكر بشي ،
تحبط خالد حييل ، توقع انها بتقوم و بتصحى و بتصير احسن !
خالد : عمتي شفيها ؟
ام عبدالعزيز : تعبانه بعد عمري ، خلها ترتاح

و مر يوم كامل واسراء تعبانه و الكل حوالينها ،


sweet memy​

 

[sweet.sanfoora]

واااااااااااااي حراام شنو هاذا

يا رب شهد تحترق

 

[قلب نواف]

واو البارت جونان


يسلمؤؤ

ناطرينج بالبارت الجديد

 

[UNiQe^PRiNceSs]

[size="5[color="magenta"]الله ياخذ هالشهد

حارتني [/color]"][/size]​

 

[Bnota_q8ya]

ناطرينج

 

[sweet_memy]

البارت الثامن عشر :


الصبح في بيت بو عبدالله :


طلع خالد من البيت و الفرحه مو شايلته ، ماصدق ان اسراء صحت من الغيبوبه ، طول الطريج و اهو يفكر فيها ،
خالد : و اخيرا بترجعين البيت ، اشتقتلج و ربي اشتقتلج ، ماني قادر اعيش بدونج ، توني ادري اني ما اسوى شي بدونج ،،
و وصل خالد المستشفى و معاه بوكيه ورد كبيييرر ملون بـ الوان حلوة ، كان شكله ولا أحلى ، متناسق حيييل ، يعبر عن ذوق خالد الراقي ،،

خالد : صباح الورد
اسراء بصوت خافت : صباح النور
خالد بـ وله : شلونج حياتي ، شخبارج ؟
هزت اسراء راسها يعني الحمدلله
خالد : مشتاقلج ، مشتاقلج واااايد ، و الله انج غاليه علي ولا اقدر استغني عنج
سكتت اسراء و كان في داخلها كلااام وايد ودها تقوله ، طول الليل مانامت ، كانت تحاول تتذكر سبب الحادث و الطيحه الي سببت بدخولها للمستشفى ، فجأة نزلت منها دموع لاحظها خالد ،
خالد : خير حبيبتي ؟ ليش هالدموع ؟
اسراء و الدموع تنزل بـ بطء على وييها الناعم : لا تقول حبيبتي ، لانك انتا ما تحبني ، ماتحب الا نفسك
انصدم خالد حيييل من كلامها : اسراء ؟ شقاعده تقولين ؟!
اسراء بـ حسرة : ليش سويت جذي يا خالد ليييش ! حرام عليك والله حرام
خالد كان منصدم و مو فاهم شي من الكلام الي تقوله : اسورة حبيبتي شفيج ؟ شقاعده تقولين ؟
اسراء بعصبيه شوي و الدموع بدت تنزل اكثر و اكثر : لا تقولي حبيبتي !!
خالد انفعل معاها : شفيج !! شـ اللي صارلج !!
اسراء : شسويتلك انا يا خالد عشان تتزوج علي ، في مرة قصرت معاك بشي ! قصرت معاك بشي انا يا خالد ؟!!
كان كلام اسراء مثل السجين الي انغرست بقلبه ، انصدم حييييل من كلامها و ماصدق الي سمعه منها : شقاعده تقولين ، انتي حبيبتي و حياتي ، و ام عبالي ان شاء الله
اسراء : خالد بسسك جذب بس كفاايه ، خلاص مابي اسمع كلام اكثرر
خالد : اسراء و بعدين معاج
اسراء و الالم يزييد و الدموع تسسيل ماقدرت تتحمل اكثررر
مر الدكتور يشوف و يجيك على حالتها و شافها و انصدم
الدكتور : خالد؟ شصارلها ؟!
خالد : مادري يا دكتور
اسراء الي تحولت حالتها الى حاله عصبيه حيييل : مابي اشوف احد ، مااااابي ! طلعوا براااااا
طلع خالد بـ أمر من الدكتور و حس ان الدنيا ضاقت عليه ، مايدري شسوي ، مايدري وين يروح ، مايدري شلون عرفت بـ السالفه !

طرت في باله شهد ، بحركه سريعه طلع الفون من جيبه و اتصل عليها ، فررحت شهد حيييل يوم شافت رقمه و ردت عليه بـ وله و شوق ،
شهد : هلا بـ اللي ناسيني
خالد بجد و عصبيه شوي : شهد انتي الي قايله حق اسراء اني متزوج عليها ؟!
شهد انصدمت وماتوقعت خالد سألها هالسؤال : بسم الله الرحمن الرحيم ، الناس يسلمون
خالد : خلصيني انتي الي قايلتلها
شهد : شقلت لها ؟
خالد بعصبيه : شهد لا تطلعيني من طوري و قوليلي انتي ولا لا !!
شهد : و وين بشوفها عشان اقولها ؟!
خالد : يعني مو قايلتلها ! يعني منو بالله الي قايلها ؟!
شهد : و انا شدراني ؟ يمكن رفيجك؟
خالد : و رفيجي شكو يقولها !!
شهد : خالد انا شدراني !!
خالد : يصير خير ، صك الفون بسرعه و اتصل على جاسم

جاسم : هلا خالد
خالد : جسوم انتا الي قايل حق اسراء اني متزوج عليها ؟
جاسم : خالد ؟ صل على النبي زييين ، انا شكو اقولها !
خالد : يا جاسم اسراء عرفت اني متزوج عليها ، و حالتها حاله
جاسم بصدمه : عرفت  و شلون ! و منو الي قالها ؟
خالد : و انا شدراني منو الي قالها ، ماتشوفني قاعد أسألك ؟
جاسم : افاا والله افااا ، ما توقعتها منك ، الحين انا اروح اقولها و اخرب حياة رفيج عمري ؟ وين الثقه يا خالد وينها
تنهد خالد حييل : لاتلومني يا جاسم لا تلومني ، انا بديت اشك بالناس كلهم
جاسم : لا حول ولا قوة الا بالله ،
خالد : الحل يا جاسم الحل !
جاسم : هذا الي كنت خايف منه ، قلتلك يا خالد اكثر من مرة طيعني طيعني لا تتزوج ، ان عرفت زوجتك يمكن يصير فيها شي ، قلت لااا عادي مافيها شي اذا تزوجت و شبصير لو عرفت ؟ شوف الحين شصار ، و اللي ما يسمع الكلام يضيييع
خالد : مو وقته هالكلام يا جاسم مو وقته ، شسوي الحين !
جاسم : قولي شصار بالضبط
و قاله خالد السالفه
جاسم : لا حول ولا قوة الا بالله ، والله مادري شقولك يا خالد ، حاول تبرر موقفك
خالد : شقولها يعني .. اقولها كنت احب وحده غيرج و تطور هالحب و تزوجتها عليج ؟!
جاسم : قولها ، قولها الصج ولا تجذب عليها
خالد : ينيت انا اقولها جذي ! جذي بذبحها بكلامي
جاسم : مادري يا خالد ، الله يعينك
خالد حس ان ماكو حل و تحبط : اوكي اوكي ، اخليك الحين

قعد خالد ع الكرسي و حط راسه على ايدينه و غمض عيونه حيييل
خالد : شتسوي يا خالد شتسوي ، والله اني حطيت نفسي بمشكله ، والله ان صار فيها شي انا السبب ، انا السبب ! ماراح اسامح نفسي ..

و وصلت ام عبدالعزيز و بناتها المستشفى ،شافوا خالد برة و حالته ماتسر ،

ام عبدالعزيز بخوف : خالد ؟ يمه شفيك ؟
خالد : لا عمتي ، سلامتج .. انا رايح البيت تبين شي ؟
ام عبدالعزيز مستغربه من كلامه : خالد ليش بترد البيت ؟
خالد : تعبان شوي و بروح ارتاح ، ان شاء الله بعدين بيي ، تامرين على شي ؟
ام عبدالعزيز : سلامتك يمه ، روح ارتاح

دخلت ام عبدالعزيز الغرفه لقت الدكتور مع اسراء
الدكتور : ماعليه بس ممكن تطلعين شوي على ما اخلص شغلي ..
طلعت ام عبدالعزيز من الغرفه و كانت مخترعه و خايفه على بنتها ،

ام عبدالعزيز : انا حاسه ان في شي ، خالد تعبان و شكله ضايق خلقه و الدكتور عند اسراء ، شسالفه ؟ اخاف بنتي فيها شي !
اسماء : يمه لا تحاتين ماكو الا العافيه ان شاء الله ، تلقين الحين الدكتور قاعد يفصحها و يجيك على حالتها
ام عبدالعزيز : ان شاء الله ماكو الا الخير ،

و بعد ربع ساعه طلع الدكتور

راحت له اسماء : خير يا دكتور ؟


تنهد الدكتور : والله يا اختي انا مستغرب من حالتها ، امس ماكان فيها شي و كنت برخصها ، استغربت الحين من حالتها ، اعصابها كانت وااايد تعبانه و ان ماخاب ظني تعرضت لصدمه عصبيه ، خلتها تفقد اعصابها و تتوتر
اسماء : شلون جذي ! و من وين يتلها هالاعصاب
الدكتور : مادري والله ، بس اكيد من احد الزوار ، يمكن قالها شي خلاها تفقد اعصابها
اسماء : مافي احد زارها غيرنا احنا اهلها !
الدكتور : الله اعلم ، من جذي انا الحين منعت الزيارة عنها و محد يقدر يشوفها و بـ تتم عندنا لين ما تتحسن حالتها ،
اسماء : الله يعين ،
ام عبدالعزيز : ها يمه شقال الدكتور ؟
تنهدت اسماء : يقول يتلها حاله عصبيه و توتر ، و ممنوعة الزيارة لما تتحسن حالتها
ام عبدالعزيز : يمه بنيتي ! شنو عصبيه شهالكلام الفاضي ، بنتي لاهي عصبيه ولا شي ،
اسماء : يمه هذا كلام الدكتور
ام عبدالعزيز : كلامه فاضي ، انا بروح اشوفها
اسيل : شوي شوي يمه ، الدكتور قال ممنوعه الزيارة الحين ، يعني مانقدر نقعد بالمستشفى اكثر من جذي
ام عبدالعزيز : انتوا شقاعدين تقولون ! شنو ممنوعه انا بدش بشوف بنيتي !
اسماء : يا يمه امشي البيت و بعدين يصير خير ،



بيت بو عبدالله :

ام عبدلله : خالد ؟ انتا هني ؟
خالد بضيق : اي
ام عبدالله : شلون اسراء الحين ؟
خالد : يمه انا بروح غرفتي
ام عبدالله : خالد ؟ شفيك يمه ؟
خالد : تعبان و ابي ارتاح ، لحد ايي فوق
ام عبدالله : يمه وليدي اسم الله عليك
و نزلت فاطمه ،
فاطمه : يمه ؟ شفيه خالد ؟ شكله متضايق
ام عبدالله : مادري عنه ، يقول تعبان و يبي يرتاح
فاطمه : كاسر خاطري خالد والله ، من دخلت اسراء المستشفى و اهوة على هالحال ، ضايق خلقه و مايشتهي ياكل ولا يطلع و لا حتى يداوم ، يحبها يحبها يموت فيها
ام عبدالله : اكيد يحبها ، مو زوجته .. ( تنهدت ) الله يقومها بالسلامه ان شاء الله ، و تتحسن حاله وليدي
فاطمه : اي يمه بس .. الي اعرفه ان اسراء صحت من الغيبوبه و حالتها تحسنت واايد ، و خالد تحسنت حالته ليش عيل الحين ضايق خلقه ؟
ام عبدالله : سكتي لا تخرعيني ، مافي شي اسم الله عليه ، بس دايخ و يبي ينام
فاطمه : مايندرى والله


وظلت اسراء وحيده بـ المستشفى ممنوعه عنها الزيارة لمده 5 ايام لما تحسنت كليا و تعافت ، و بهالـ 5 ايام ما مر عليها خالد و لا شافها ، ظل بغرفته لا ياكل ولا يشرب مثل السجين ، الكل يسأل و يبي يشوفه لكن خالد رافض يشوف احد ، و شهد الي كانت ميته تبي تشوف خالد الي صارلها اسبوعين مو شايفته ، ولا تدري عن اخباره و احواله ،،


و بالمستشفى :

ام عبدالعزيز بفرح : قالج الدكتور ؟
اسراء الي كان ضايق خلقها : عن شنو
ام عبدالعزيز : اليوم بتطلعين من المستشفى
اسراء مافرحت الا زادت حزن : يمه انا بقعد بالبيت عندج ،
ام عبدالعزيز : ليش ؟ خالد ميت على شوفتج و يبيج
تضايقت حيييل لما سمعت اسم خالد : يمه احس اني تعبانه و افضل اني اقعد عندج
ام عبدالعزيز : على راحتج يمه ،
اسراء : يمه ، و قولي حق اسماء و اسيل يروحون شقتنا و ياخذون كل اغراضي و ملابسي و اييبونهم غرفتي القديمه
استغربت ام عبدالعزيز : ليش يا يمه ؟ شصاير ؟ ليش كل اغراضج ؟
اسراء بصوت خافت : قلتلج يمه تعبانه و ابي اقعد عندج ، و مرة وحده حق الولاده
ام عبدالعزيز : ان شاء الله يا يمه ،
سكتت اسراء و سرحت و بدت تفكر ، شلون راح تكون حياتها من بعد ما اكتشفت حقيقه خالد، معقوله بترجع البيت و تعيش معاه ولا كأن شي صار !
اسراء بقلبها : مستحيل ارجعلك يا خالد ، خدعتني ، عشت معاك احلى سنين عمري ، ملكتني و خذيت عقلي و قلبي ، عطيتك كل شي ولا قصرت معاك ابد ، صدقت كل كلمه تقولها ، و هذي اخرتها ، تطلع متزوج علي ، شسويتلك انا شسويييت ، لكن بتشوف ، بتشوف اسراء الحين شبتسوي ، اذا انتا عنيد فـ انا اكثر منك عنيده و راسي يابس ..
ام عبدالعزيز : اسراء ؟ اكلمج ليش ماتردين علي ؟
اسراء : هلا يمه ؟
ام عبدالعزيز : وين خالد ؟
اسراء : ها ؟ ممادري
ام عبدالعزيز : غريبه ؟ كل مرة يكون عندج ولا يفارقج ،
اسراء تضايقت و حست بـ الم في قلبها : مادري يا يمه
ام عبدالعزيز : اسراء؟ شسالفتج؟ كله سرحانه صاير شي ؟
اسراء بـ ضيق : لا يا يمه ماكو شي
ام عبدالعزيز : والله مادري عنج ، المهم خالد وينه دقي عليه عشان نطلعين
اسراء : قلتلج يمه ماراح ارجع البيت ، بقعد عندج خالد لييش ؟!!
ام عبدالعزيز : لازم يوقع على اوراق خروجج من المستشفى
تنهدت اسراء : مالي خلق اكلم احد ، عزيز انتا دق
عزيز : حاضر ، ( ودق عليه )
خالد : هلا عزيز
عبدالعزيز : هلا والله خالد ، شلونك
خالد : الحمدلله
عبدالعزيز : خالد وينك ، مخلي مرتك بالمستشفى و طالع
خالد : مشغول شوي
عبدالعزيز : ماتدري ان اسراء بتطلع من المستشفى اليوم ؟
خالد : امبلا ادري
عبدالعزيز : يلا عيل تعال عشان توقع على اوراقها
خالد : يلا شوي و اكون عندكم

عبدالعزيز : شفيج انتي و ريلج ؟ تصرفاتكم غريبه و كلامكم مادري شلون صاير ، تتكلمون بـ برود !
سكتت اسراء ولا علقت على كلام اخوها ،
و لما وصل خالد ،

خالد : السلام عليكم
الكل : و عليكم السلام
خالد :اسراء شلونج
اسراء بـ ضيق و تحاول تحبس دموعها الي بدت تنزل : الحمدلله
الكل لاحظ طريقه الكلام بين خالد و اسراء ، وحس ان في شي صاير بينهم ، مو معقوله تكون هذي اسراء الي تموت على خالد ، و لا هذا خالد الي يعشق التراب الي تمشي عليه اسراء ،
خالد : عن اذنكم بروح اخلص اوراقها ، ( طلع خالد من الغرفه و شكله متضايق و متحبط و حاير ، مايدري شلون راح يعيش مع اسراء عقب ما اكتشفت السر ، خلص كل اوراقها و رجع للغرفه )
خالد : يلا ، خلصت كل شي
ام عبدالعزيز : عساك ع القوة ،
نزلت دمعه من عيون اسراء مسحتها بسرعه وماحبت احد يلاحظها ، نزلت راسها عشان ماتطيح عيونها على خالد
خالد : يلا اسراء
ام عبدالعزيز : يمه خالد ، اسراء بتقعد عندي لما تتحسن حالتها و مرة وحده للولادة
اندهش خالد : على راحتها ، اللي تشوفه ( وطلع بره )
ام عبدالعزيزبنبرة جديه : اسورة انتي متأكده ان مافي شي بينج و بين خالد ؟
اسراء : ...
عبدالعزيز : يمه خليها لا تضغطين عليها ، اهيا الحين تعبانه لي رحنا البيت و ارتاحت سأليها



بيت بو عبدالله :

رد خالد البيت بروحه و الكل كان متوقع ان ترد اسراء معاه ، كان شكله متضايق و صاكه فيه الدنيا ،

ام عبدالله : خالد
خالد : هلا يمه
ام عبدالله : عسى ما شر ؟ شفيك هالايام ؟ كلش مو عاجبني ؟!
خالد : ماكو شي ، سلامتج
ام عبدالله : عيل وين اسراء، ما اشوفها معاك ؟
خالد : راحت عند امها ، تقول بتقعد عندها لي الولادة
ام عبدالله : بييه ! تو الناس على ولادتها ! باقي اكثر من شهر
خالد : كيفها على راحتها
ام عبدالله : بعطف : خالد انتا مو فاضي ، اكيد فيك شي ، شنو هالحزن الي بعيونك و الضيقه الي ملازمتك 24 ساعه ؟ شسالفه ؟!
خالد : قلتلج يمه ماكو شي ، عن اذنج بروح انام

بيت بو عبدالعزيز :

بو عبدالعزيز : تو ما نور البيت
اسراء : منور بـ اهله
بوعبدالعزيز : يلا يبه ، قومي غرفتج و ارتاحي
اسراء : رايحه يبه رايحه ،

وظلت اسراء بغرفتها بروحها تتذكر خالد ، تتذكر ايامها معاه ، وتتذكر يوم قابلت شهد و شافت فضايحه ، نزل من عينها نهر من الدموع
اسراء : والله انك ما تقدر ، هذا تالي تقديرك !

هذا تالي تقدريك تجرحني بتقصيرك
ليت الجرح مو منك ليت الجرح من غيرك
من غيرك يكون اهون يمــكن يوم و يهون
لكن ماني متخيل انك بالظهر تطعن
حبيتك و ذي الغلطه حسافه حبي و احساسي
و عمري ما تخيلت تكون اقسى من القاسي
هذا تالي تقدريك تجرحني بتقصيرك
ليت الجرح مو منك ليت الجرح من غيرك


اسراء : ما حسبت انك بتخون ،


عديييم القلب و الاحسـآااااس ... خــآآآآآين مثل هالناآآس
حسبتك مخلص و واافي ... لقييتك مالك اي اسآآآس
تجرحني و لا تبـآلي ... ولا ترثي بـ حاآآآلي
قلبك مـآعرف غـآآآلي ... و حبك جنه مـآ تندآآآس

اسراء : دام انك فضلت غيري على .. روح الله يهنيك ..

مع السلامه يالي كنت [ حلمي ]
اتمنى ربي يهنيك مع اللي [ هويته ]
ماأقول غير الله .. يصبر .. قلبي[ المسكين ]
مدري شلون .. بعيش .. من دونه ..

وش جاه ؟ محبوبي مشى و خلاني مابين نيراني و بين احزاني
والي يسويه سواته ماهو عاقل يحبني موت و يصاحب ثاني !
..
خلوه على كيفه يدور غيري ، يرتاح و ارتاح انا من تفكيري
مافاد لا حبي ولا تقديري مابيه حتى لو تعاني و جاني !

دخلت ام عبدالعزيز على بنتها و شافت حالتها

ام عبدالعزيز : يمه قوليلي شفيج ، عورتي قلبي من البجي
اسراء و الدموع تنزل من عينها : يمه انا بقولج كل السالفه
( و قالت لها كل السالفه )

انصدمت ام عبدالعزيز حيييييل ولا صدقت ! عجز لسانها عن الكلام ، ماتوقعت سبب حزن اسراء و بجيها المتواصل طول هالايام يكون من هـ السبب !!
ام عبدالعزيز : اسراء انتي من صجج ؟
اسراء و الدمعه نازله من عينها : اي يمه من صجي
ام عبدالعزيز : ماني مصدقه !
اسراء بـ احباط و بجي : صدقي يا يمه صدقي ، هذا الصج ( تنهدت )
قربت ام عبدالعزيز من بنتها و لمتهاا حيييل و مسحت على شعرها
ام عبدالعزيز : ما تستاهلين والله ، ما تستاهلين
اسراء و الدموع مغطيه ملامحها : يمه ، شسوي الحين
تنهدت ام عبدالعزيز : مادري يا يمه ،
اسراء : يمه بطلب الطلاق
ام عبدالعزيز : لا ! طلاق لا !

sweet memy​

 

[~RouNa~]

@@

@@

@@

@@

خووو خالد خـ يسوي شي

مو على اساس اسراء زعلانة يقعد بـ بيتهم و يسكت !

ناطرينج ميمي

 

[yooyoo]

كملي بايز كملي لاتوقفين كلش

 

[UNiQe^PRiNceSs]

الله يستر
@@​

 

[بيـــشو17]

ناطرين امبي حدي خايفه لا ان شاء الله مايطلقها