روآيتي الأولى : [ و يبقى خـــآلد ] بقلمي sweet memy

[sweet_memy]

بنـآت !



ترآ امس انحذف الرد بـ اذن مني لان كان في شوي اخطاء
والحين نزل البارت العاشر من غير اخطاء ،

و الحين بينزل البارت الـ 11



قراءة ممتعه !




sweet memy

 

[sweet_memy]

البارت الحادي عشر :


دلال : منو ؟ ليش مارديتي ؟
اسراء : رقم غريب ، مو لازم ارد
دلال : يمكن احد يبيج ضروري ردي
اسراء : لا ما اراح ارد


احمد : ماترد بعد ! هههه عبالها بخليها ،
و اتصل مره ثانيه ،


اسراء : نفس الرقم مره ثانيه
دلال الي كانت مركزة على الطريج : ايي ردي شوفي منو ؟
اسراء : اوكي
وردت اسراء بصوت ناعم : الو ؟
احمد بصوت رجولي خشن : هلا والله ، هلا بهالصوت
اسراء :\ عفوا منو ؟
احمد : افااا ماعرفتي صوتي ؟
اسراء : انت تبي منو ؟
احمد : ابيج انتي يا بعد عمري
اسراء انصدمت و خافت و بسرعه سكرت الفون وحطته سايلنت
دلال : شفيج ؟ منو ؟
اسراء بخرعه : ها ؟ لا داقين غلط
دلال : اهااا
اسراء انشغل بالها بالتفكير ، صج هالصوت مو غريب علي ، سامعته من قبل بس وين ؟ حاولت تتذكر بس للاسف ماتذكرت ،

وصلت دلال و طفت السياره و اسراء سرحانه
دلال بصوت عالي شوي : اسووور ! يلا قومي !
اسراء : ها ؟ اي اي ان شاء الله بقوم
دلال : شفيج سرحانه ؟ وين رحتي ؟
اسراء : ها ؟ لا مو سرحانه ، بس ..
دلال : اي واضح وايد مو سرحانه ،
اسراء : دلووول خلاص عاد ماكو شي
دلال : انزين انزين ،



و الحال عند خالد ،،


جاسم : ها خالد شلونك اليوم ؟
خالد : الحمدلله
جاسم : الحمدلله
تذكر خالد اسراء ودق عليها ، سحب فونه من جيبه و اتصل عليها مره و ماردت ،
خالد : يمكن عندها محاضره ،

وبعد نص ساعه ،،

اسراء : يالله دلوول قومي نرجع اخاف اتاخر
دلال : يلا يلا قومي ،

ورجعوا للكليه ،،

و بعد ساعتين اتصل خالد على اسراء ونفس الشي ماردت ، عصب خالد عليها
خالد : شفيها هذي ماترد ؟ وين راحت يعني ؟


وبعد ماخلصت اسراء محاضراتها شافت ساعتها و قالت خالد اكيد بيتأخر ، امر اشتريلي عصير و ارجع البيت ، و راحت عند عصير كيفان و كان زحممممه حييل و الناس كلها عليه ، وعقب نص ساعه وصل دورها و طلبت و رجعت البيت متاخر ،،

دخلت البيت و شافت خالد وشكله معصب ،

خالد : ماتقوليلي وينج فيه ؟
اسراء : شفيك خالد توني مخلصه
خالد بصوت عالي شوي : لاااه ؟ عبالج انا غبي ؟ ادري انج اليوم تطلعين مبجر ليش راده متأخر ؟ وين رحتي ؟
اسراء : خالد شفيك معصب هد اعصابك شوي
خالد : تسوين كل هذا و ماتبيني اعصب بعد ؟؟
اسراء : خالد شفيك ؟ شسويت انا ؟
خالد : ليش مارديتي علي ؟ جم مره دقيت عليج ؟
اسراء : دقيت علي ؟!! ماسمعته ؟
خالد : ليش؟ صمخه ؟
اسراء تسمع كلامه و منصدمه حييل من اسلوبه : خالد شفيك ؟ والله ماسمعته !
خالد : شوفي فونج جم مكالمه
فتحت اسراء جنطتها وخذت فونها و لقت 7 مكالمات من خالد
اسراء : اسفه خالد كان سايلنت
خالد : شفتي انج غلطانه ؟
اسراء : شفيك خالد ؟ شنو غلطانه ؟ وليش معصب جذي ؟ هد اعصابك
خالد : فكيني زيييين وخري عني بس وخري
اسراء عيونها طلعت !! و نزلت منها دمعه لاشعوريا ، حست ان خالد متغير عليها ،
اسراء حست بالخوف و بدت تدمع عيونها لا شعوريا ، حست ان خالد تغير عليها ، تصرفاته و اسلوبه متغيره وايد ، حاولت تفهم السبب و تشوف افعالها لقت انها ماسوت شي غلط و خالد الغلطان مو اهيا ،
خالد بصوت عالي شوي : يلا شتنطرين يعني ؟ انا ميت من اليوع
اسراء بهدوء و بصوت واطي : خالد انا شبعانه مابي غدا
خالد : الحين انا صارلي ساعه انطرج و اخر شي تقوليلي شبعانه !! الشره مو عليج ، الشره علي انا الي ناطرج
خلاها خالد و نزل بروحه ، قعدت منصدمه من كلام خالد و من تصرفاته

اسراء : لا ، هذا مو خالد ، مو خالد الي اعرفه ! مستحيل خالد يسوي جذي ، شصاير شسالفه !!
ذرفت دمعه حاره نزلت منها لا شعوريا و طاحت خصلات ناعمه من شعرها على عيونها رفعتها بحركه بطيئه ، خذت ورقه كلينكس و مررتها تحت عيونها ومسحت اثار الدموع

اسراء : معقوله يا خالد ؟ معقوله يكون هذا طبعك ؟ وبين ويهك الحقيقي ؟ لا لا لا ، هذا مو طبع خالد ، انا اعرفه ، بس يمكن عنده مشكله او شي ،،

اقنعت نفسها و غرست فكره انشغال خالد و انه عنده مشكله او شي و حاولت تنسى الي صار و تهدي نفسها و تصير طبيعيه ،،

سمعت رنه تلفونها و بسرعه خذته و فتحت المسج ، لقت المسج من رقم غريب مكتوب فيه : ( احـــبــــج موووووووت )

عقدت حواجبها : شسالفته هذا ؟ يدق و يدز مسجات ؟ هذا من صجه ولا يلعب علي ؟ شسوي الحين ؟ اقول حق خالد ولا لا ؟ لا لا الحين اهوا معصب و حالته حاله ، لي هدا ان شاء الله بفاتحه بالموضوع لان الصراحه الموضوع ما ينسكت عنه !

دخل خالد الغرفه خافت اسراء شوي وبعدين هدت ،

خالد : من كنتي تكلمين قبل شوي ؟
اسراء بثقه : محد
خالد : محد ؟ انا سمعتج تتكلمين ،
اسراء : كنت اكلم روحي
خالد شافها و عفس ويهه و خلاها و راح للفراش و تنهد حيييل وغمض عيونه وعقب دقايق نام ،
تنهدت اسراء ، : الله يصبرني عليك يا خالد ،
حست بالتعب و قطت نفسها على الفراش وغطت بنوم عميق طول لمده 3 ساعات

وبعدها ،،

قعدت من النوم و لقت خالد بالصاله ، كان شكله مرتاح واايد و رايق البال ، حاط ريل على ريل و ايده ورا رقبته و الابتسامه مرتسمه على ويهه ، شافته و حمدت ربها في سرها ،

اسراء : ويي ملجه دلال بعد اقل من اسبوع و انا ليلحين ماشريت ولا شي ، ماكو الا الحين اروح اشتري ،

راحت الصاله وقعدت يم خالد وبهدوء و بطريقه حلوه و بصوت ناعم حيل ،
اسراء : خالد ؟
خالد من غير اهتمام و كان مندمج مع الفلم : ها ؟
اسراء : حبيبي عادي اطلع ؟
خالد بـ لا مبالاه : وين
اسراء : عندي ملجه ولازم اشتري بدله و ..
خالد : روحي
استانست اسراء بس ماحبت عدم اهتمامه و لا مبالاته ،
وبس قامت من مكانها جان يناديها ،
خالد : اسراء ؟
اسراء : نعم حبيبي ؟
خالد : سمعيني ، لي شريت البدله ، قصير مابي ، عاري و ظهرج يبين مابي اوكي ؟
اسراء : ان شاء الله ،

دخلت اسراء الغرفه و لبست ونزلت تحت وشافت فاطمه قاعده بالصاله بروحها ، التفتت عليها فاطمه

فاطمه : هاا اسراء وين رايحه ؟
اسراء : بروح اشتري بدله حق ملجه رفيجتي ، شرايج تيين معاي ؟ مابي اروح بروحي
فاطمه : اوووكي ، نطريني دقايق
اسراء : اوكي يلا انطرج ،


بيت شهد :

شهد : الللله ، مشتاقه اسمع صوت خالد
احمد : اتصلي عليه ، الحين المفروض تكثرين من اتصالاتج عشان تجذبينه
شهد : اي والله صح كلامك ، سحبت فونها و اتصلت على خالد ،


بيت بوعبدالله :

خالد الي كان قاعد بالصاله و يشوف الفلم و مندمج معاه حددده ، رن تلفونه و انزعج شوي و بسرعه رد على الفون من غير مايقرا الاسم ولا يشوف الرقم و بـ برود

خالد : الو
شهد بدا قلبها يدق حييل ، و بصوت انثوي ناعم حييييل : هاي
خالد عقد حواجبه و حاول يستوعب الوضع و يتذكر الصوت : هايات ؟
شهد : ماعرفتني صح ؟
خالد : منو ؟
شهد : انا شهد ،
خالد بصدمه : شهد !!
شهد : اي شهد ، شفيك منصدم حبيبي ؟
خالد تنهد و بحده : اعتقد يا شهد ان كل واحد منا راح بطريج ، و كل منا بدا حياة يديده
شهد : لا يا خالد ، انت غلطان ، انا معاك طريجنا واحد
خالد ضحك ضحكه ساخره : ههه ، انا معاج ؟ يحليلج شهد والله ، وايد مصدقه عمرج ، انا حياتي معاج انتهت ، و اصلا اهيا ما بدت عشان تنتهي ، شهد فهميني انا ما احبج ، انا لعبت عليج و قصيت عليج و كل هذا كان لعب بلعب ، ولا تحسبين اذا قلتلج كلمه حب في يوم من الايام بتكون طالعه من قلبي ، لا ، قلتلج لعب
شهد انصدمت يوم سمعت كلمه ( ما احبج ) : خالد انت تحبني ! وانا متأكده من هالشي ، وانا احبك ، احبك يا خالد ، ليش مو راضي تفهمني ؟ انا احبك والله احبك ،
خالد تنهد : ماكو فايده مو راضيه تفهمين ، ع العموم ما احب اطول معاج يلا مع السلامه
شهد بصوت ممزوج بالدموع : لا يا خالد ، لاتخليني ، انا محتاجتلك حيييل والله ، انا احبك و ابيك ، بليييز اهتم فيني و حبني مثل ما انا احبك
خالد بهدوء : شهد خلاص عاد ، انا الحين متزوج واحب مرتي و مرتي تحبني
شهد بعصبيه شوي : تحبك ؟ من قال انها تحبك ؟ لو صج تحبك جان ماصار بينك وبينها خلافات ومشاكل ، لو صج تحبك جان ماتغيرت عليها هاليومين ، وهذا دليل انها ماتحبك و انت متضايق منها ، خالد لاتتوقع ان في احد يحبك كثري ،
خالد : ترا عطيتج وي وايد عاد ، يلا مع السلامه !


و بالمحل عند فاطمه واسراء ،

فاطمه : واااي امبيه شوفي هذا النفنوف واايد حلو و لونه عجييييب
اسراء : اي وايد حلوو ، بس ..
قاطعتها فاطمه وماخلتها تكمل كلامها :لا بس ولا شي ، وايد حلو اخذيه
اسراء : جنه قصير ؟
فاطمه : شوي ، عادي كلكم بنات
اسراء ضحكت : هههه ، خالد مايعترف بهالسوالف ،
فاطمه : الله يعيينج على خالد عاد ، كل شي مايرضى ، معقد
اسراء : يالله عاد سكتي ترا ما ارضى علييه ،
فاطمه : انزين روحي لبسيه بشوفه عليج
اسراء : يلا ،،

وبعد مالبسته ،

فاطمه : ماشاءالله واايد حلوو عليج ، جنه مسوينه حقج
اسراء استحت شوي : يعني اخذه ؟
فاطمه : اي
اسراء : اخاف خالد مايرضى ؟
فاطمه : وييي شعليج منه ،
اسراء : هههه ، يحليلج فطوم ، يعني ماتعرفين اخوج ؟ تنهدت ، يالله باخذه و بشوف ،
و خذت النفنوف ، الي كان عباره عن نفنوف قصير لونه احمممر لونه غريب و في ورده كبيره من درجات اللون ع الجنب اليمين و شريطه ع الخصر،
فاطمه : يالله خلصتي ؟
اسراء : نطري باخذلي كعب عالي ، اممم شرايج اخذ اي لون ؟
فاطمه : اممم ، اسود
اسراء : دام اسود عيل عندي
فاطمه : اوكي ، بعد شتبين ؟
اسراء : اممم ، بس باجي امر الصالون احجز ، بس مو الحين تو الناس
فاطمه : اوكي ،


و بالسياره :

اسراء : عاد تصدقين فطوم ؟ مادري شنو اسوي بشعري ؟
فاطمه : روحي الصالون و شوفي شنو يديد عندهم
اسراء : وااي بخاطري اقصه
فاطمه : لااا لاتقصينه شعرج ماشاء الله واايد حلوو
اسراء : واي ياليت اقدر اقصه ، خالد مايرضى
فاطمه : والله انتي مسكينه ، خذيتي اخوي المعقد الي كل شي عنده حرام و مايرضى تسوين شي
اسراء : اي والله


بيت بوعبدالله :


فكر خالد بكلام شهد ، معقوله الي قالته شهد يكون صج ؟ اهيا ما تحبني ؟ مستحيل ! صج انها متغيره هاليومين بس مو معنا هذا انها ماتحبني ! اللله يقطع ابليسج يا شهد ، من وين طلعتيلي اليوم ،،

تنهد حيل وحس انه بحاجه لـ زقاره يريح باله فيها ، ولع زقاره و دخن و طلع منه دخان كثييف و امتلت الغرفه كلها باللون الرمادي على الاسود الدخاني ، دشت اسراء البيت و قبل لا تدخل الغرفه شمت ريحه خلتها تكح حيل و عورها صدرها ، دخلت الغرفه لقت خالد يدخن و الغرفه مليانه دخان ،

كحت اسراء حيل و حطت ايدها على حلجها : خالد ليش جذي ؟
خالد شافها بنظره و مارد عليها
اسراء : خالد حبيبي قطها شوف الغرفه شصار فيها ، و بعدين انا حامل مو زين لي ترا
تذكر خالد انها حامل و انكسر خاطره يوم شافها تكح و طفى الزقاره و قطاها ، كحت اسراء كحه قويه و صاحبها ترجيع خفيف ، ركضت بسرعه و راحت للحمام و ارتاحت
شافها خالد و خاف عليها شوي : شفيج ؟
اسراء تنفست بصعوبه و تنهدت حيل و شافته بنظره حيره
خالد : ارتاحي الحين انا بطلع
اسراء رفعت راسها : خالد وين بتروح ؟
خالد : بطلع من الغرفه عشان ترتاحين
اسراء : لا اقعد لاتطلع
شافها شوي و طلع ،


تنهدت حييل : الله يصبرني عليك يا خالد ، مادري شصارلك والله ، مره وحده انقلبت علي ! ان شاء الله فتره و تعدي ،،



بيت شهد :

شهد بـ احباط : احمد ، الظاهر السالفه مطوله ، خالد مو راضي يفهم و يحس اني احبه
احمد : ماعلييج ، صبري جم يوم و شوفي شبصير
شهد : احمدوو خلاص انا مليت من الصبر ، حتى السحر ما نفع معاه غييير بشر هذا !
احمد بضحكه عاليه شوي : هاهاهااااي ، اي نطري شوي ماعليج ، ليلحين ما بين مفعول السحر
زفرت شهد زفه قوووويه : بصبر ، بصبر و بشووف تاليتها مع هالخالد
احمد : الحين خليني اضبط مرته و اشيش خالد عليها بعدين نشوف خالد
شهد : يلا ماشوفك تحركت
احمد : بتشوفين ،

سحب تلفونه من جيبه و اتصل على اسراء ،


بيت بو عبدالله :

عقب ما طلع خالد من الغرفه دخل مره ثانيه يوم تذكر انه نسى فونه بالغرفه
دخل بهدووء و سمع صوت اغنيه صادره من فون اسراء ، خذا فونها و شاف الرقم لقاه رقم غريب ، خلاه و خذا فونه و وقف شوي ، و رن الفون مره ثانيه لكن هالمره كانت نغمه مسج ، حس بفضول غريييب و فتح المسج ،
المسج : ليش ماتردين علي ؟ انا حبيبج مو احد غريب ؟ ولا خايفه من خالد ؟
قرا خالد المسج و انصدم حيييل ! حس بثورة غضب داخله ، بركان بينفجر ! ، ماصدق الي شافه بعيونه ، قرا المسج مره و مرتين و ثلاث، لما استوعب الكلام و فهم ،
خالد بعصبيه : اسراااااء !
صحت اسراء من النوم و بتعب : نعم خالد ؟
خالد بعصبيه حييل : ماتقوليلي منو هذا الي دازلج المسج ؟
اسراء مستغربة و بـ براءه تامه : اي مسج ؟
قط عليها الفون بقوووه و قالها شوفي و انتي تعرفين !!
خذت الفون و قرت المسج و انصدمت و حاولت تبرر موقفها ،
تلعثمت بالكلام شوي : خالد ما اعرف هذا الرقم !
خالد : لا والله ؟ تجذبين بعد ؟ شوفي ، ان ماتكلمتي و قلتي منو ترا ماتلومين الا نفسج !!
اسراء و الدمعه نزلت من عينها : خالد صدقني ما اعرف !!
خالد : و بعدين يعني ! بتتكلمين ولا شلووووون ؟
اسراء بخووف و الدموع تنزل من عينها : خالد صدقني ما اعرفه !
خالد : ماتعرفينه هاا ؟ بشوف الحين شلون ما تعرفينه ؟ سحب خالد الفون من ايدها بسرعه و اتصل على الرقم ،

ضحك احمد ضحكه عاليه و رد : هلا واللله ، هلااا بحبيبتي هلااا بـ اسوورتي
انصدم خالد و حس انه احد طاقه طراق على ويهه يوم سمع صوت رجولي ، و سكر الفون بسرعه و غمض عيونه وفتحها بحركه سريعه و شاف اسراء ، خافت حيييل من خالد خصوصا يوم شافت ملامح العصبيه باينه على ويهه ، و صار قلبها اشبه بـ طبل موسيقي من الخوف ،

خالد و الشرار طالع من عينه : و تقوليلي ما اعرفه بعد !!
اسراء بخوف مو طبيعي و الدمعه تنزل بسيوله على خدها الناعم : خالد صدقني ما اعرفه هذا كل يوم يدق علي و يتحرش فيني ما ادري منو
خالد : لاا والله ؟ يعني هذي السالفه من زماان ، يعني لو انا مو شايف المسج جان خبيتي علي صح ؟؟
سكتت و دفنت راسها بالمخده و رفعته بسرعه : انا من زمان كنت بقولك بس كنت خايفه ، و انت هالايام كله معصب مادري شفيك
خالد : معصب ؟ معصب عليج طبعا ، ومن تصرفاتج الحلوه الي قاعد اشوفها !! الله يقطع الساعه الي تزوجت فيها !!
و طلع من الغرفه و سكر الباب بقوووه ، خافت اسراء حييييل من خالد و انصدمت من الكلام الي قاله !! حست بـ ألم فظيييع وقعدت تبجي بغزااره ،

اسراء : ليش يصير فيني جذي ، لييييش لييييييييييش !! ليش انقلبت حياتي مره وحده ليييش ، ظلت تبجي حييل و حست انها بحاجه تبجي على صدر حنون ، لكن وينه ؟ ويينج يا يممممه وييينج ، ويينج تشوفيني و تشوفين حياتي شقاعده يصير فيها ،، و ظلت تبجيي لما تعبت و نامت من غير ماتحس ، نامت نومه طفل صغيير ، كانت نايمه على طرف السرير و خصل من شعرها الناعم يايه على عينها و آثار دمووع شبه جافه تمشي على خدها الناعم .

اما خالد الي طلع و راح عند رفيج عمره جاسم من بعد ما انقهر و عصب حيييل على اسراء و على احمد ،،

خالد : معقوله يكون كلام شهد صح ؟ اسراء ماتحبني و تخوني ؟ و اني ماراح اشوف السعاده معاها ؟ معقووله ؟! و شهد ؟ شهد تحبني و تبيني ، صج اني تزوجت و خليتها لكن ليلحينها تحبني و تبيني و حبها لي ما مات ، شسوي بس شسويي ، شسوي بحياتي الي انقلبت مره وحده شسوي !!
جاسم : خالد استغفر ربك ، معقوله تشك بمرتك ؟
خالد : جاسم انا كلمته ، تعرف يعني شنو كلمته ؟ و سمعته بأذوني قال اسمها !! شنو يعني هذا ماتقولي شنو يعني ؟؟
جاسم : يمكن واحد يبي يخرب حياتكم ولا شي
خالد : شهالكلام الفاضي يا جاسم ، خلاص انا اقتنعت و عرفت الحين انها ما تحبني و قاعده تلعب علي ،
تنهد جاسم : والله مادري شقولك يا خالد ، بس لا تتسرع و تسوي شي راح تندم عليه بعدين
انشغل خالد بتفكيره وسرح لعالم ثاني ، سرح بكلام شهد و فكر فيه عدل
جاسم : خالد ؟ خااالد ؟ وين رحت ؟
خالد التفت عليه بكل برووود : هلا
جاسم : قوم قوم روحلها و راضها و لاتزعلها مره ثانيه ، وتأسف منها
خالد عصب حييل : الحين اهيا الغلطانه و انا أتأسف لها !! اصلا مالي خلق اروح البيت و اشوفها ،
جاسم انصدم : خلووود انت من صجك تتكلم ! وين خالد الاولي الي ما يرتاح الا لما يشوفها و يسمع صوتها و ... !
تنهد خالد حييييل : قلتلها بلسانك ، اول ، لكن الحين غير كل شي تغير
جاسم : شنو الي تغير بالموضوع بالضبط ؟ فجأه جذي ؟
خالد بصوت عالي شوي : مااادري ، مااااااادري ، ماااااااااااادري شلي صاااار !
تنهد جاسم : الله يهديك بس
وقعد خالد عند جاسم حوالي الـ 3 ساعات ،،
وبعدها راح البيت ، لقى اسراء نايمه ، ما انتبه لها و نام على طوووول ،،



اسراء بخووف و ملامح الرهبه و القلق باينه عليها و دموعها تسيل على ويهها البريء : حراام عليك الي تسويه فيني يا خالد حراااام
خالد : تستاهلين !! هذا يزاج و اقل من يزااج بعد !
اسراء و الدموع تطيح من عينها : حرام عليك والله حرام ! ( و من الدموع ماقامت تشوف شي و طاحت ع الارض مغمى عليها )


فززززت اسراء من نومها و اهيا خااايفه حيييل و حاسه بقشعريره بجسمها ، !!
حطت ايدها على قلبها : الحمدلله كان حلم ، مدت ايدها و فتحت الاباجوره و شافت الساعه 3 الفير ، لقت يمها بطل ماي شربت منه شوي و نزلت راسها ع البطيييء و حطته ع المخده ، لفت ويهها يسار لقت خالد نايم يمها و غاط في نوم عميق ، حست بالخوف منه و غمضت عيونها و بعد دقايق نامت ،،

و في بيت بو عبدالعزيز الصبح ،،

اسماء : خلصت كل شي و جهزت الزينه و كل الاغراض
ام عبدالعزيز : تستاهل نوور
اسماء : اي بعد عمري والله ، كاسره خاطري واااايد
ابتسمت ام عبدالعزيز ،
اسماء : بس الحين لازم ادق أأكد على اسول و اسور
ام عبدالعزيز : لا تدقين ولا شي خواتج يدرون و اكيد بكونون موجودين
اسماء : اممم ، خلاص


و بكليه الهندسه :

دلال : وين اسور اليوم كلش ما شفتها ؟ ماكو الا ادق عليه اشوفها
سحبت فونها من الجنطه و اتصلت عليها ،،
دلال : قووه
اسراء بصوت نعسان : هلا دلال
دلال : اسور ؟ انتي ويينج ؟
اسراء : بالبيت
دلال استغربت : بالبيت ؟! شتسوين بالبيت ؟
اسراء : وااي دلال تعباااانه حدددي و ماني قادره اقوم من الفراش
دلال : ويييي سلااامتج حبيبتي ، شفيج عسى ما شر ؟
اسراء: جسمي كله يعورني و بطني و كل شي
دلال : سلااامتج ماتشوفين شر
اسراء: الله يسلمج من كل شر
دلال : امممم ، فقدتج والله مكانج مبين
اسراء: بعد عمري والله ،
دلال : يلا عيل اخليج ترتاحين ، باي
اسراء : باي
دلال : الله يعيينج يا اسورعلى الي فيج ، كملت طريجها و راحت محاضراتها و عقبها ردت البيت ،


وبعد ساعات ،،

رجع خالد البيت و دخل الغرفه لقى اسراء منسدحه ع الفراش و التعب باين عليها و حاطه ايدها على بطنها و عيونها نص مفتوحه و النوم باين عليها ،،
شافها خالد بنظره غريبه و خلاها و مشا عنها و غير ملابسه و نزل يتغدى ،

و بغرفه الطعام ،،

ام عبدالله : اقول خالد ؟
خالد : هلا يمه ؟
ام عبدالله : وين اسراء ؟ صارلها جم يوم ما تتغدى معانا ؟ شفيها ؟
خالد تلعثم و مايدري شقول ، و بعد ثواني : تعبانه و ماتشتهي تاكل شي
ام عبدالله : مو زين عليها ، اهيا حامل و لازم تاكل عدل
سكت خالد و كمل غداه و ما اهتم كلش ،
حست ام عبدالله بشي ثاني تماما و ان صاير خلاف بين خالد و اسراء ، و ما حبت عدم اهتمامه بـ خصوص اسراء ،،


بغرفه اسراء :

اسراء : ويي اليوم اسماء مسويه حفله حق نور ، شلون بروح و انا تعبانه ؟ ان شاء الله اصير احسن و اقدر اروح ،
غمضت عيونها و حطت ايدها على عيونها و حست براااحه ، اخترعت يوم سمعت صوت الباب فتحت عيونها بسرعه و شافت خالد و غمضت عيونها بسرعه ،

اسراء بقلبها : شفيه خالد ؟ ليش تغير علي ؟ ماكان جذي ، لا يهتم ولا يسال ولا شي ! شلي صار بالضبط ؟ تنهدت حيييل و زفرت زفره قويه ،

اسراء: خالد ؟
خالد من غير نفس : خير ؟
انقهرت من اسلوبه : ترا بعدين بطلع
خالد من غير تفكيير : لا طبعا
اسراء استغربت : ليش ؟
خالد : عقاب حقج ماكو طلعه نهائيا
اسراء انصدمت !! : ليش خالد شسويت انا ؟!!
خالد : كل الي سويتيه و تقولين شسويت ؟!
اسراء: خالد انا ما سويت شي ..
قطع خالد كلامها و بصوت عالي : لااا كلللش ما سويتي شي ، سكتي يلا ولا كلمه الي اقوله يتنفذ ، ماكو طلعه يعني ماكو طلعه ّ و يلا بلا كلام زايد انا بنام مالي خلقج
نزلت دمعه لا ايراديه منها و ظلت منصدمه من كلام خالد !!

غط خالد في نوم عميييق و قعدت اسراء بروحها و حست نفسها سجينه بين 4 طوف ، ماتقدر تسوي شي ولا تحل هالمشكله الي طاحت فيها ، حاولت تفكر بحل يبرر موقفها لكن ما قدرت ،،

بيت شهد :

شهد بضحكه عاليه : ههههههه ، تعجبني احمدووو
احمد : شعبااالج
شهد : احس خالد الي معصب عليها وبدا يشك فيها و يكرهها
احمد : هذا المطلوووب طبعا
شهد : ارتاح قلبي شوي ، وااي احس اني بحاجه اني اكلمه
احمد : الحين احد يدق ؟ نطري العصر بعدين دقي
شهد : صح صح كلامك ، ننطر شورانا ،
ابتسمت ابتسانه خبيثه و نطرت ساعتين ، و بعدها ،،


شهد : الحين اقدر ادق ! ، ماترددت و سحبت فونها و اتصلت على خالد

سكوت حاااد في غرفه خالد ، اسراء سرحانه و تفكر بخالد الي فجأه تغير و خالد حاس بالملل و وده يطلع اي مكان عشان يبتعد عنها، وسمع صوت فونه ، سحب فونه من جيبه و شاف الرقم وعرف ان رقم شهد بس الثاني ، و رد عليها ،

خالد : الو ؟
شهد بحيا شوي : هلا بالصوت والله
التفت خالد وشاف اسراء لكن ما اهتم : هلا هلا
شهد انصدمت من طريقه خالد و حست بفررررح : شلوونك حبيبي ؟
خالد : الحمدلله ،
شهد : شخبارك ؟
خالد : بخيير ،
شهد : خالد ، انا دريت بسالفه اسراء و عرفت انها تكلم واحد من وراك
خالد : شنوو !؟
شهد : شفيك منصدم ؟! انا الاخبار توصلني بسرعه ، ولا تنسى ان الكويت صغيره و الخبر ينتشر بسرعه البرق ،
تنهد خالد : و المطلوب ؟
شهد : شفت انها ما تحبك ؟ مادري ليش متمسك فيها ، تخونك و تحبها ! شتبي فيها ؟ طلقها و افتك منها
خالد : شهالكلام !!
شهد : خالد هذا الصج ، انت ليش مو راضي تفهم و تستوعب الوضع ؟! كل يوم تزيد المشاكل بينك و بينها ، خالد تذكر كلامي ، اسراء ما تحبك ، ماتحبك !!
خالد : خلاص خلاص بس !!
بعّد الفون و سكره و قطاه بعيد عنه ، شاف اسراء بنظره احتقار و ردت عليه بنظره حيره و استغراب ، ولع زقاره و دخن و طلع بره

اسراء : شفيه خالد ؟! ومنو الي دق عليه ؟ وليش صارت حالته جذي ؟ يت عينها على فون خالد الي كان ع الارض ، خذته و شافت آخر مكالمه كانت من رقم غريب ، فكرت تتصل لكن خافت ، و خافت يكون لها عقاب من خالد على فعلتها ،، حطت الفون مكانه و ظلت ساكته ،،

بيت بو عبدالعزيز :

صوت الاغاني كان مالي المكان ، الكل فرحان و مستانس ، العدد كامل ماكان ناقص الا وجود آخر العنقود اسراء ،

ام عبدالعزيز : اسور وينها ؟ ليش ليلحين ما وصلت ؟
اسماء : والله مادري عنها ؟
ام عبدالعزيز : اتصلي عليها شوفيها اخاف صار فيها شي ؟
اسماء : لاا اسم الله عليها مافيها الا العافيه ان شاء الله ، لا تخافين انتي بس ،
رفعت السماعه و اتصلت عليها ،

اغنيه حلوه من اغاني عبدالمجيد صدرت من فون اسراء ، فرحت شوي لان رن فونها و حست ان في احد يهتم فيها و متصل عليها ، ردت من غير ما تشوف الاسم ،

اسراء بلهفه : الو ؟
اسماء : هلا اسور
اسراء : هلا اسماء
اسماء : اسور ويينج ؟ ماصارت ليلحين ما ييتيي ؟
بدت ملامح الحزن تبان عليها و ماعرفت شتقول ، وسكتت
اسماء : اسوورر ويينج معاي ؟
اسراء : اي اي معاج ،
اسماء : وينج ؟
اسراء : اسوم ما اقدر ايي ،
اسماء : ليييش ؟؟
اسراء : تعبانه وما اقدر اطلع من البيت
اسماء : يلا عاد عن العياره ، مافيج شي قومي
تنهدت اسراء: ما اقدر صدقيني ، خالد مايرضى اطلع و انا تعبانه
اسماء : واااي شدعوه يعني لي هالدرجه تعبانه ؟
اسراء عصبت شوي : خلاص اسوووم ما اقدر ايي وخلاص !
حست اسماء ان اسراء فيها شي : انزين انزين ،،


تنهد حيييل و نزلت منها دمعه حاره: يعني لي متى بقعد هني ؟ لي متى انا محبوسه بسجن خالد ؟ لي متى بكون ضعيفه جدام خالد و اخليه يسوي فيني الي يبي ؟ وين شخصيتي ؟ ويني ؟ لكن اراويك يا خالد ، ان ماعاندتك ما اكون انا اسراء ،،


بيت بو عبدالعزيز :

ام عبدالعزيز : هاا وينها ؟
اسماء : ماراح تيي ، خالد مانعها من الطلعه لانها تعبانه
ام عبدالعزيز : يمممه بنتي !! شفيها تعبانه ؟!
اسماء : مادري عنها ، بس حسيت ان فيها شي
ام عبدالعزيز : اسوم لاتخرعيني وقوليلي شفيها اختج ؟؟
اسماء : مادري مادري يمه ، مافيها شي لاتحاتين ،
ماتطمن قلب ام عبدالعزيز و حس ان جوري فيها شي ،،


بيت بو عبدالله :

طبعا كانت قاعده بروحها بالغرفه و ماتدري شتسوي ، حبت تطلع و تستانس بس حكم القوي على الضعيف ، طرت بـ بالها سالفه العناد و حبت تطلع من غير ماتقول لـ خالد ،

اسراء : دام خالد طالع انا بطلع بعد ، مو على كيفه يحبسني هني بروحي ومايخليني اطلع ، اروح اكمل شغلي وايد احسن ، طلعت عباتها من الكبت و لبستها و لفت شيلتها و خلت ويهها طبيعي من غير ماتحط شي من مساحيق التجميل ، لبست نظارتها الشمسيه و نزلت من غير ما احد يشوفها ، ركبت السياره و راحت للصالون ، وعقب دقايق وصلت للصالون و حجزت لـ ملجه رفيجه عمرها ، شافت قصه عجبتها حيييل ، كانت قصيره شويه بس روووعه ، حبتها حيييل و قصت شعرها مثلها ، شافت نفسها و عجبها اللوك اليديد ، لفت شيلتها و رجعت البيت ، خافت شوي يوم شافت سياره خالد موجوده ، فتحت باب الغرفه بهدوء ،

خالد بعصبيه شوي : ماتقوليلي وينج فيه ؟!
اسراء : كنت طالعه
خالد : و انا مو قايلج ماكو طلعه ؟ بـ اذن من منو طلعتي ؟؟
اسراء بقوة : بـ اذن من نفسي
خالد :يا سلام ! و من متى تاخذين اذن من نفسج و تطلعين ؟!
اسراء بجرأه : ولي متى باخذ اذن منك و بطلع ؟! اذا بطلع بطلع بكيفي و انت مالك شغل فيني !
عصب خالد حييييل و ما عجبه اسلوبها : عدلي اسلووبج احسن لج ! وتكلمي عدل ، مو ياهل انا عندج عشان تكلميني جذي فاهمه !! وبعدين انا الي اقول تطلعين ولا ما تطلعين مو انتي الي تقررين !

تنهدت حيييل و قعدت ع السرير من غير ما تغير ملابسها و تفصخ شيلتها ،

خالد : غيري ملابسج شتنطرين بعد ؟ ولا ناويه تطلعين طلعه ثانيه من غير اذني بعد ؟!
شافته بطرف عينها و استغفرت ربها و فصخت عباتها و شيلتها و فلت شعرها وتذكرت انها قصته و خافت من خالد شوي ،

شافها خالد و عيونه طارت !!! خالد : شنو هذاا !!!
اسراء بخوف شوي لكن حاولت تصير قويه شوي و تسوي نفسها ماتدري عن شي : شنو ؟
خالد : ليش قاصه شعرج !!؟
اسراء وبكل جرأه : مزاج
خالد : لا والله !؟ مزاج ؟!
اسراء بثقه : اي ، مزاج
خالد بصوت عالي : ترا مصخت عاد ، عنادج وايد زاد عن حده ! شنو انا طوفه هبيطه عندج ماتاخذين رايي بشي !؟ قوليلي طوفه انا !!!


تـَـَـوَصّينيَ عـلىٌ .. شـَـَعُريَ ؟
وٌدايـَـَمِ تَحگُي وتَردّدَ ‘ ..
إبدَ مَابيَ تقَصَّينَه َ!!!
أَبيَهَ يـَطولَ ويَغمَرنيَ
وأنـٌا أحـًبّگ گٌثرَ حِبَّه ..!!
وگـَثرَررَرَ مٌـ أعتز فَيِ قـَربگَ ،

ولَگنِ گَل ماَ تطـَريَ :
عـَلىَ أنفَاآآآسيَ..‘خَـَـَيانـُاتگَ ..
ب أروُوُوحٌ هنآگ وآَقصّـَـَه ،
وأجييَيگ آقوووَل أبَيَ رااَايگَ؟! ~


،..وَوَوَتـَسگَتَ إنَتَ وَلا گنَّگـَ. زعَلـِتٌ، ونـَاظرَي ع‘ـَفته ..!

وأَنا فـَيَ داَخليَ أسسَسَگٌتِ .. \

مـَدامَگـَ هَاويٍ شـَـَـَعريِ ..|

حبَيبي ليهَ ما صـَنتهَ ؟!

تعَاآآل..~ إحـَـَـسَبِ ..-{ خ‘ـَيانَاتگَ ،..

و تـَـَعرفٌ ليـَه أنَا خ‘ـَنته..!

اسراء بصوت عالي شوي : خالد خلاص بس عاد !! الي سويته فيني كافي !! نزلت دمعه حاره من عيونها ، وبصوت واطي شوي : خالد انت شفيك علي ؟ شسويت انا عشان تسوي فيني جذي !! ليش اسلوبك تغير ؟ ليش ما قمت تهتم فيني ؟!ليش ما قمت تحب تشوفني و لاتطل بويهي ؟! ليش قمت تزفني و تتجاهلني ليش ليش ؟ سويت فيني كل شي و انا ساكته ماقلت شي ، لي متى يعني لي متى !! خالد ، ترا انا بشر !! بني آدم مو جماد ما يحس ، يا خالد انت قسيت علي وااايد و انا خلاص ، ماعاد فيني صبر ، خالد اذا مو عشاني عشان الياهل الي ببطني ، ودمعت عينها ،،

حس خالد بالذنب شوي و تحرك قلبه ، حس انه غلطان و قسى عليها وايد ،

بدا يسأل نفسه و مالقى لـ تساؤلاته اجوبه ، انا ليش سويت جذي ؟ معقوله انا خالد ؟ معقوله انا خالد الي كنت احبها و اتمنى شوفتها بكل دقيقه و ثانيه ؟ معقوله ؟ معقوووله !! لا انا تغيرت ، انا مو خالد الاولي ، بس ليش ! شـ السبب !!

امتلى ويهها بالدموع و حست بالتعب و طاحت مغمى عليها ع الارض و انتبه لها خالد

خالد بصوت عالي : اسرااااااااااااااء!!!
اسراء ما حست بالدنيا ، ركض خالد فيها ع المستشفى و كان خاايف حيييل ،
خالد : اذا صار فيها شي انا السبب ، انا السبب !!

قعد على اعصابه ينطر الدكتور يبشره بخبر ، لام نفسه حيييل على الي سواه فيها وقرر يغير طريقه تعامله معاها ، و بعد نص ساعه طلع الدكتور ، فزز خالد من مكانه و قام للدكتور يسأله عن حال زوجته المسكينه ،

الدكتور : الواضح انها كانت تعاني من ظروف و اثرت في نفسيتها ، وسببت لها حاله عصبيه و اغماء، وانا شايف انها حامل و الي قاعد يصير فيها خطر عليها و ع الجنين طبعا ،
خالد خاف شوي : انزين دكتور يصير اشوفها ؟
الدكتور : شوي بس خلها ترتاح لانها بحاجه لراحه وبعدين تقدر تشوفها على راحتك
خالد : مشكور دكتور
الدكتور : ولو ،

قعد خالد من بعد ما طفت النار الي بقلبه شوي و بعد نص ساعه تقريبا دخل الغرفه عند اسراء ، شافها نايمه ع الفراش و خصل من شعرها يايه على عينها ، وويهها اصفر باهت وشكلها مهمووومه و ودها تطلع الهموم الي بقلبها ،، قعد خالد يمها و مد ايده و مسح على شعرها و باسها على خدها و مسك ايدها وحس براحه تامه ، ظل يشوفها و يتأمل ملامحها ليما حس بحركه خفيفه منها ، فتحت عينها بـ بطء كبيييير و اول شي يت عينها عليه خالد ،

شافته بنظره خوف و غمضت عيونها حيييل ، استغرب خالد و حاول يهديها
خالد بـ لين و بهدووء : الحمدلله على السلامه
فتحت عيونها بالبطييء و شافته و تأكدت ان ماراح يسوي فيها شي ، وماردت عليه ، خذت تتلفت حوالينها و تستوعب المكان
اسراء بحيره : انا وين ؟
خالد : انتي بالمستشفى حبيبتي
انصدمت يوم قال حبيبتي ، وقالت في قلبها : اللله ، من زمان ما سمعت هالكلمه ، نزلت منها دمعه وسالت على خدها بسرعه كبيره ، اسراء : ابي امييي
خالد ما حب يقول حق احد عن سالفه اسراء و حب يكتم الموضوع ،
خالد : شفيج حبيبتي ؟ شكلج خايفه ؟
اسراء : خالد ابي امي ، نادلي امي ، ابيها ولهت عليها وايد ، و بدت الدموع تكثر و تتحولت لـ بجي ،
خالد : حبيبتي انا اسف ، اسف على كل الي سويته ، و اعترف اني غلطان ، اسراء انا ما ابي احد يعرف بالموضوع ، و مابي احد يعرف انج هني بالمستشفى !
مد ايده و مسح دموعها الي ملت ويهها و غطت جمالها ، حست بشعوور غريييب و حست ان خالد تغير و صار خالد الاولي الي تعرفه ،
اسراء بـ ذهول و حيره : خالد
ابتسم لها خالد و قرب منها و طبع بوسه على خدها : عيون خالد
غمضت عيونها بالبطيء و استسلمت للنوم
خاف خالد عليها : حبيبتي شفيج ؟
هزت اسراء راسها يمين و يسار يعني مافيني شي و ارتاح قلب خالد
غلبها النوم و نامت ، ظل خالد معاها يتأمل ملامحها و يفكر شلون كان يقسى عليها و يعاملها ، لا شعوريا نطق بـ سامحيني سامحيني والله ما تستاهلين . انا آسف آسف .. يت عينه على بطنها و ابتسم و تذكر ان بعد 7 شهور بيطلع ولده ،


sweet memy​

 

[كاسبرينوو]

امبيييييييييييه
امبيييييييييييييييييييييه
امبيييييييييييييييييييييييييييييييه
الله يسسسسسسسسسسسسسسستر
اهم شي احمد وشهد
كل شي كوم واهما كوم ثاني
الحمدالله والشكر
بانتظارج حبيبتي
بس انشالله البارت الياي يكون حلو وما في اشياء جذي

 

[UNiQe^PRiNceSs]

وااااااي الله يستر عليهم من هذيلا !!!

كملي حبيبتي

 

[~RouNa~]

@@

@@

@@

شهدوو من صجها :|

احمدوو من صجه :|

ويعا تويعهم

خالد لا يتغير على اسراء

حرام ما تستاهل

خنت حيلي

 

[dlo3t^baba]

امبييييييييييه لا البارت عوار قلب وهذول ريا وسكينه الله لا يوفقهم ن شاء لله مادري شنو بيستفيدون اذا سوو كل هذا
يسلموو ناطرينج ^_^

 

[zizo0ou]

بلييييييييييييز كمليها
سوي اي شي بشهد و احمد او ان السحر ما يمشي وياه او اي شي
يسلمو ناطرين البارت الياي
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه

 

[sweet_memy]

البارت الثاني عشر:


بيت بو عبدالعزيز :


وبعد ما خلصت الحفله و الكل طلع مستانس و فرحان واكثر وحده استانست نور بس حست بشي ناقص ، وجود خالتها اسراء كان ناقص ، اما ام عبدالعزيز فكـآنت حاسه ان بنتها فيها شي ،،

لاحظ عبدالعزيز التغير الي صار فيها : يمه ؟
ام عبدالعزيز ( تنهدت ) : هلا يمه ؟
عبدالعزيز : شفيج يمه ؟
ام عبدالعزيز : لا يمه مافيني شي
عبدالعزيز قرب منها و حط ايده على ظهرها : افااا يمه تخشين علي ؟
ام عبدالعزيز : اختك مادري شفيها احس ان فيها شي ، قلبي يقول ان فيها شي
عبدالعزيز : اي صح ، اهيا وينها ؟ ليش مايت اليوم ؟
ام عبدالعزيز : تقول تعبانه ، والله حاسه ان فيها شي
عبدالعزيز : انزين دقي عليها و تطمني عليها
ام عبدالعزيز : اي والله صح كلامك ، دق عليها و عطني اكلمها ،
رفع السماعه و اتصل على فونها ، ( رنه ، رنتين ، ... المشترك لا يرد !)
عبدالعزيز : يمه ما ترد !؟
ام عبدالعزيز : يممه بنتي ! قلتلك انا حاسه ان فيها شي
عبدالعزيز : يمه لاتخافين ، مافيها الا العافيه ، يمكن فونها مو يمها ولا ما سمعته
سكتت ام عبدالعزيز و عقب دقيقتين ، : اتصل على خالد
عبدالعزيز : ان شاء الله ،


و بالمستشفى :

كان الهدوووء طاغي ع المكان ، ماكو الا صوت عقارب الساعه الي تتحرك بالبطييء ، رن فون خالد و رد بسرعه عشان لا يزعج اسراء ،

خالد : الو
عبدالعزيز : قووه خالد
خالد : هلا هلا عزيز يقويك
عبدالعزيز : شلونك شالاخبار ؟
خالد : والله تمام الحمدلله ، و انت شلونك ؟
عبدالعزيز : الحمدلله بخير ، الا خالد ماتدري وين اسور ؟ ندق عليها ماترد ؟
خالد تلعثم و مايدري شقول ، سكت شوي وفكر بجم كلمه يقولهم ، : اي تعبانه شوي و نايمه ،
عبدالعزيز : خير عسى ماشر ؟
خالد : ماشر بس تدري حامل ، و التعب زايد عليها هاليومين
عبدالعزيز : اممم ، سلم عليها
خالد : الله يسلمك
عبدالعزيز : يالله فمان الله
خالد : حياك

تنهد خالد و ارتاح يوم لقى جم كلمه وقالهم له ، خذا شهيق و طلع زفير قوي حييييل وحس بالتعب و حس انه بحاجه لمده كافيه من النوم ، حاول ينام على الكرسي لكن ما عرف و ظل لما غلبه النوم و نام لكن بصعوبه ،،



و الصبح في بيت بوعبدالله :

الكل متيمع ع الريوق ما عدا خالد و اسراء ،

ام عبدالله : وين خالد ؟ ليش ليلحين ما نزل ؟
فاطمه : تلقينه نايم ولا قاعد مع اسراء و مو مخليها تنزل
عبدالله : والله انا ما شفت مثل خالد ، لي هالدرجه يحب زوجته ؟!
ام عبدالله : هههه ، الله يتمم عليهم ويسعدهم
ريم بتعب : عبدالله
عبدالله : هلا ريم ؟
حطت ريم ايدها على بطنها و تغيرت ملامح ويهها شوي : احس اني تعبانه
ام عبدالله : وييي تو الناس ع الولاده ليلحينج بالثامن
عبدالله : تبين تروحين المستشفى ؟
ام عبدالله : لا مستشفى ولا شي ، كله تعب بسيط و بروح ان شاء الله
ام عبدالله : فطوم يمه روحي نادي اخوج يلا ترى بنشيل الريوق و اهوا ليلحين ما نزل
فاطمه : انزيين يمه نطريني بس لما اخلص ريوق
عبدالله : يا الانانيه
ابتسمت فاطمه ابتسامه كبيره و كملت ريوقها ،،

بالمستشفى :

صحى خالد من نومه ، نومه كان متقطع و ماحس بالراحه فيه ، و كل شوي يطل على اسراء و يشوفها اذا كانت محتاجه شي ،،

قام خالد من مكانه و راح تكرمون الحمام و غسل و وقف يم الدريشه يشوف السيارات و الناس ، سمع همس و صوت خفيييف لف ويهه على طووول و عرف انه هذا صوت حبيبته ،

خالد بـ ابتسامه عذبه : صباح الخير
اسراء بصوت نااااعم حييل و عيونها شبه مفتوحه : صباح النور
قرب خالد منها و مسك ايدها : شلون الحلوة اليوم ؟
خذت شهيق خفيف و طلعت زفير قوي نوعا ما : الحمدلله
دام السكوت بينهم لمده طويله شوي ،
اسراء : خالد انا متى بطلع من هني ؟
خالد : اكيد اليوم ، انتي مافيج الا العافيه
اسراء : خالد ، الدكتور شنو قال عني ؟
تلعثم خالد : ماكو ، تعب من الحمال وبس
سكتت يوم سمعت صوت الباب ،
خالد : هذا اكيد الدكتور ، لبسي شيلتج
لفت شيلتها و دخل الدكتور
الدكتور : الحمدلله على السلامه
اسراء : الله يسلمك
الدكتور : لا الحمدلله يبين ان اليوم احسن من امس
ابتسمت له
خالد : دكتور متى تقدر تطلع ؟
الدكتور : والله تقدر الحين اذا تبي ، بس ابيك توقع على جم ورقه
خالد : حاضر



بيت بو عبدالله :

ام عبدالله الي كانت بالمطبخ و تنادي بنتها : فاااطمه فطووووم
فاطمه : هلاااا يمه
ام عبدالله : يالله يا يمه روحي نادي اخوج
تنهدت فاطمه : ان شاء الله ان شاء الله بروووح ، افففف شهالاخو الي ما يعرف وقت الريوق و ينزل بروحه ، و صعدت و اهيا تتحلطم لما وصلت لشقه خالد و طقت الباب و نطرت شوي ومالقت رد ، ما استحت و فتحت الباب ودخلت الصاله و نادت بصوت عالي شوي : خااالد ؟ خااالد ؟ وينك ؟ ومالقت اي اجابه ،
فاطمه : وينه هذا ؟ اسرااااء ؟
قربت من غرفتهم و سكتت لعل و عسى تسمع صوت احد منهم لكن ما سمعت شي ، و طقت الباب و دخلت و مالقت احد بالغرفه !
فاطمه : وين راحوا ؟ طالعين من الصبح ؟!

نزلت فاطمه و راحت للمطبخ وبصوت عالي شوي ،

فاطمه : يمااا خالد مو موجود ،
ام عبدالله : موموجود ؟
فاطمه : اي يمه مو موجود
ام عبدالله : معقوله طالع ؟
فاطمه : يمكن طالع


وبالسيارة :

دقايق صمت مرت بين خالد و اسراء ، كان مبين على اسراء ملامح التعب و ملامح النوم مبينه على خالد ، كسر خالد الصمت الي بينهم ،

خالد : اسراء
تنهدت اسراء شوي و ببرود : هلا خالد
خالد : للمرة الثانيه اقولج آسف ، آسف على كل الي سويته معاج ، صدقيني مادري شصار فيني !! انا نفسي مو ماعرف شلي صار ! وليش تغيرت عليج ، كانت حاله لا ايراديه وماحسيت فيها ، سامحيني ..
لفت ويهها و شافته : مسامحتك ، مسامحتك يا خالد ، يا خالد انتا حياتي ، انتا روحي و دنيتي و كل شي ، اذا ما اسامحك اسامح منو ؟
حس خالد براحه كبيييرة : يا بعد قلبي والله ( وابتسم ) ، انزين حبيبتي ما ابي احد يعرف انج كنتي بالمستشفى ،
اسراء : لاتخااف ، ماراح اقول حق احد

ودخلوا البيت :

فاطمه : خالد ؟! انت طالع و احنا صارلنا ساعه ندورك ؟
خالد : تدوروني ليش ؟
فاطمه : لا بس كنا نبيك تتريق
خالد : ايي ، انزين الحين بتريق
اسراء : خالد انا بروح فوق
خالد : يالله انا معاج بعد
انرسم على وي فاطمه علامه استفهام كبيرة ومافهمت شسالفه ،،

اول مادشت الغرفه قطت نفسها على الفراش وغمضت عيونها و خذت شهيق و طلعت زفير قوييي ،،


بيت شهد :

شهد : احبه ، احبه ، والله احبه
احمد : حبيييه انا شكووو
شهد : ليش اهوا مايحبني ؟
احمد : افففف ، ترا انا لاعت جبدي من سالفه خالد هذي ، خلاااص فكيني منه
شهد : تصدق اشتقت له ؟
احمد : انزين
شهد : بشوفه اليوم
احمد : وشلون بتشوفينه يا حلوة
شهد بـ ابتسامه : بطريقتي الخاصه بشوفه اليوم
احمد : نشوف ،،

قامت شهد من مكانها و خذت فونها و اتصلت على خالد من رقمها الثاني ، الي ماكان خالد مسيفه عنده ،


ورن فون خالد ، شاف الرقم و راح غرفه الملابس يكلمها من غير ما تحس اسراء
خالد : الو
شهد وتتصنع التعب : قوة
خالد : الله يقويج
شهد : شلونك حبيبي ؟
خالد : الحمدلله ،
شهد : شدعوة ، ماتسأل عني وعن احوالي ؟
تنهد خالد : شلونج ؟
شهد : خالد انا تعبانه ، تعبااانه حييل
خالد بـ اهتمام شوي : شفيج ؟ عسى ما شر ؟
شهد : انا تعبانه ، قلبي يعورني ، احب واحد بس اهوا ما يحبني ، قولي يا خالد شسوي ؟
خالد : يا شهد .. (وبتردد ) انا احبج !!
شهد ماصدقت عمرها وحبت تتأكد : خ خااللد انتا شنو ؟
خالد : انا احبج ، من قال انا ما احبج ؟
شهد : تصرفاتك يا خالد ، تصرفاتك و افعالك و كلامك تقول انك ما تحبني ،
خالد : لا انتي غلطانه ، يمكن اول كنت ما احبج ، لكن الحين قمت اميل لج
شهد ماشالت نفسها من الوناسه : وااي يا خالد يا كثر ما انا مشتاقتلك
خالد : وانا بعد ، مشتاقلج
شهد حست انها بحلم : صججج يا خالد !! مشتاقلي ؟
خالد : اي شفيج ؟ ليش مو مصدقه ؟
شهد : مادري يا خالد ، انت عندك اسراء شلون تشتاقلي ؟
خالد : عادي ، شفيها يعني ؟
شهد حست ان خالد تغير 180 درجه : خالد انت حاس باللي قاعد تقوله ؟
خالد : اي ليش ؟
شهد : اوكي ، حبيبي ابي اشوفك اليوم ؟
خالد : لا اليوم ما اقدر، خليها وقت ثاني
شهد : توك تقول انك مشتاقلي ، والحين تقول ماتقدر ؟
خالد : خليها باجر ، ولا تزعلين
شهد بفرح كبييير : صااار
خالد : يلا شهودة اخليج الحين لازم اروح
شهد : وين بتروح مامليت منك
خالد : يبوني الاهل
شهد : خلاص اوكي ،

سكرت شهد التلفون واهيا مو مصدقه نفسها

شهد بصوت عالي : يحبنيييييييييييي !!! خالد يحبنييييي !!! هياااااااا
احمد : شهود ، لاتستانسين وايد ، ثقلي شوي
شهد : احمد قالي احبج !! سمعتها !
احمد من غير اهتمام : لعب
شهد : لا مو لعب ، خالد من صجه كان يتكلم ، متى يصير باجر و اشوفه متى بس !!


بيت بوعبدالله :

طلع خالد من غرفه الملابس وشاف اسراء ،

خالد : يالله حبيبتي ننزل ؟
اسراء : خالد مالي خلق انزل
خالد : ماتبين تتريقين ؟
اسراء : اي مابي ، ما اشتهي شي
خالد : يالله عاد ترى انتي من زمان ما كليتي معانا كله بروحج ،
تنهدت شوي : انزين باخذلي شور و انزل
خالد : اوكي لاتتاخرين ،،


بيت شهد :

شهد والابتسامه شاقه حلجها : سااااروو اقولج سمعته بأذوني قالي احبج
ساره : اي هذا مفعول السحر
شهد بفرررح : اييي ، وباجر بشووفه بعد
ساره : اووه اووه تطور ،
شهد : وااي ماتتصورين شكثر مشتاقتله ، اعد الدقايق واحسب متى يصير باجر
ساره : عاد ما اوصيج ، لي شفتيه باجر صيري ثقيله شوي مو تتدلعين ، ترى خالد على اي شي يعصب ، مو بعيده يشوفج تتدلعين و يخليج ويروح
شهد : هههه ، ما يقدر ،
ساره : وليش ما يقدر ؟
شهد و بكل غرور : لان خلاص ، قام يحبني


بيت بوعبدالله :

عقب ما خلصت وخذت لها شور دافي وارتاحت لبست ونزلت ، تريقت مع خالد و قعدت مع خالتها و فاطمه وريم

فاطمه : اسراء اي شهر وصلتي ؟
اسراء : الثالث
ريم : وييه بعدج ، جدامج درب طوييل
اسراء : يالله نصبر بعد شنسوي
فاطمه : يالله نبي ياهل صغير يدوخنا
ريم : هههه ، ماباقي شي و اولد و تسمعين صراخه وماراح يخليج تنامين
فاطمه : فديت اليهال والله عسل عسل ،،

مر خالد صوب الحريم :

خالد : اسراء .. تعالي شوي ابيج
اسراء : ان شاء الله ،

وراحت لـ خالد ،

اسراء : هلا خالد ؟
خالد : قومي لبسي بنطلع
اسراء : الحين !
خالد : اي الحين ، ليش ؟
اسراء : لا بس .. وين بتروح ؟
خالد : انتي قومي لبسي بطلع معاج
اسراء : اوكي !

راحت فوق ولحقها خالد ، طلعت لها عبايه حلوة كشخه جان خالد يدخلها الكبت ،
استغربت اسراء : ليش ؟
خالد : لاتلبسلين عبايه
اسراء استغربت منه وحست انه فيه شي : ان شاء الله ،
طلعت لها بدله حيييل حلوة و حطت لها مكياج نااعم يبرز جمالها ، لبست دبلتها والساعه وخذت جنطتها ولفت شيلتها بطريقه حلوة واخر شي لبست كعب واطي شوي ، نطرت خالد لما خلص وتجهز و نزلت معاه ، مسك ايدها و راحوا للسياره ،،

حست بـ الامــآن مع خالد ،، و حست بطعم أيام اول ما تزوجت

خالد : وين ودج تروحين حبيبتي ؟
اسراء : اي مكان ، المهم اكون معاك
خالد : نتمشى ؟
اسراء ابتسمت : نتمشى
اخذ خالد اسراء و راحوا يتمشون ع البحر ، كان الجو حيل حلو ، و بعدها دخلوا مجمعات و تسوقوا وبعدها راحوا احلى مطعم قعدته رومانسيه كلاسيكيه ، الجو هااادي حييل و خالد يدقق بملامح اسراء و يبتسم
خالد : اسورتي
اسراء : هلا خالد
خالد : قولي ان شاء الله
اسراء : ان شاء الله
خالد : نكون انا معاج مع بعض على طووول و مانفترق ابد
اسراء استغربت : خالد شهالكلام ، اكيد احنا بنكون مع بعض
خالد : شفيج حبيبتي ماكان قصدي شي ،
طار فكرها شوي وسرحت بكلامه ورجعت لوعيها ،




وثاني يوم الصبح ،،

شهد : ماني مصدقه نفسي !! اليوم بشوف خالد ! خالد اليوم بشوفني واااي امبييييه
احمد : الله يكملج بعقلج ، انا مادري شلي عاجبج فيه ؟
شهد عيونها طلعت : كله على بعضه حبوب و حلو و ينحب و يدخل القلب بسرعه ، بدق عليه اخاف نسى ان اليوم بشوفني
احمد : ثقلي ثقلي يا بنت ، خليه اهوة الي يتنزل لج و يدق عليج و يقولج اني بشوفج مو انتي الي تدقين ،
شهد بضحكه : صح كلامك ،،



بيت بو عبدالله :

صحى خالد من النوم و قام من الفراش شوي شوي بعد ما تطمن ان اسراء نايمه و ماتحس بشي ، تسلل شوي شوي و راح لغرفه الملابس و اتصل على شهد ،

شهد بفررررح : احمد هذا خالد !!
احمد : موقلتلج بدق عليج ؟
شهد بفرح : الو
خالد : صباح الخير
شهد : صباح النور حبيبي
خالد : شلونج ؟
شهد : بخييير دام سمعت صوتك ، و انت شلونك ؟
خالد : بخير ، اقول شهوده ؟
شهد : هلا حبيبي
خالد : مو تنسين ، ترا اليوم لازم اشوفج
شهد شوي و تطيح من الفرح و بحيا : اي حبيبي ، ان شاء الله
خالد : اختاري المكان الي يعجبج و قوليلي
شهد : اوكي
خالد حس بحركه اسراء و تلعثم بالكلام : يلا شهد ما اطول عليج ، اشوفج بعدين
شهد بدلع شوي : لاا حبيبي تو الناس ، شدعوة مليت مني ؟!
خالد : لا يا حبيبتي ما مليت منج ، بس بروح الاهل يبوني
تنهدت شهد : اوكي حبي ،
خالد : يلا حبي باي


طلع خالد بسرعه من غرفه الملابس و راح عند اسراء ، فتحت عيونها لقت خالد جدامها و يبتسم ،ابتسمت له ابتسامه حلوة

خالد : صباح الورد و الجوري
اسراء بصوت ناعم وابتسامة : صباح النور حبيبي
خالد : شلونج ؟
اسراء بنعاس : الحمدلله
تطمن قلب خالد و حمد ربه انها ما سمعت الكلام الي دار بينهم ،،


والعصر :

قامت بسرعه و لبست بدله خفيفه و راحت للصالون ، لان اليوم عرس رفيجه عمرها دلال ، سوت لها الكوافيره تسريحه ولا أحلى ، كانت عباره عن بف كبير شوي من جدام و تكسير عريض و حركات ، و زينته بـ اكسسوارات ناعمه ، طلعت من الصالون بعد ماصارلها ساعه و نص تقريبا و حست اها متأخره شوي ، بدت بسرعه تحط لها مكياج السهره ، بدت بـ العيون و رسمتها أحلى رسم ، كانت عباره عن 3 الوان دامجتهم ببعض و صاروا لوحه فنيه ، اما شفايفها فـ لونتهم بـ اللون الاحمر الجريء ، و بلاشر احمر واضح على خدودها ، طلعت روعه بمعنى الكلمه ،

دخل عليها خالدالغرفه و شافها و تصنم بمكانه ،!
خالد همس بقلبه : ملاك مو بشررر ! ماشاء الله
لفت ويهها و شافته و ابتسمت له ،
خالد : قمر قمر و ربي قمر ، واايد حلو شكلج
اسراء : عيونك الحلوة حبيبي
خالد : ترا ماراح اخليج تطلعين جذي
انصدمت اسراء :\ يعني شنو ؟ ماراح اروح ؟
خالد ابتسم : لا ماقلت جذي ، بس لما تطلعين غطي ويهج ، اخاف انا على هالجمال ، اخاف احد يحسدج ولا شي
اسراء : ان شاء الله
نغمه مسج صدرت من فون خالد ، اول ما سمع خالد المسج بسرعه طلع بره الغرفه و فتح المسج و ابتسم

المسج : هاي حبيبي ، انا الحين بـ 360 mall ،
ابتسم خالد و اتصل عليها بعد ما تأكد من المكان و ان اسراء ما تسمع شي ،
خالد : قوة حبيبتي
شهد : يقويك ، هلا حبيبي
خالد : وينج انتي الحين ؟
شهد : عند السينما
خالد : خلاص انا دقايق و اكون عندج
شهد : اوكي حبيبي ناطرتك

دخل خالد الغرفه و اهوة حيييل مستانس و الفرحه باينه عليه ، فتح الكبت و اهوة يغني طلعله بلوزة لاكوست لونها ازرق مائي و بنطرون جينز و خذا بوكه و فونه

اسراء : خالد بتطلع ؟
خالد بربكه شوي : اي بطلع
اسراء : وين بتروح ؟
خالد : عندي شغل شوي
اسراء : بتتأخر ؟ انا ابيك توديني العرس وتييبني ؟
خالد وجنه ماله خلق : متى بتروحين ؟
اسراء : بعد ساعة و نص تقريبا
خالد :\ خلاص اوكي لي بغيتي تروحين دقي علي و ايي
وطلع بره الغرفه

اسراء : شفيه خالد ؟ شكله مستعيل ،


طلع خالد و الفرحه غامرته و بدا يلعب لعبه الخيانه وينسى زوجته الغاليه اسراء ، و يبدي حياة يديده مع شهد ،


360 mall :

شهد الي كانت تنطر خالد و تحلم احلامها الورديه و بدت تحس ان احلامها قاعده تتحقق ! سرحت حييل و ماوعت الا و خالد جدامها ،

خالد : مساء الخير حبي
شهد شهقت حيييل وماصدقت عيونها : خالد !!
خالد بضحكه عفويه : اي خالد ، خرعتج ؟
شهد عقب ما تطمن قلبها و بربكه شوي : لااا لاا عادي ، مساء النور
خالد : شلونج ؟
شهد : بخير ، بخير دام انتي جدامي بخير
سكت خالد و تم يطالعها مده، نفس الشي مع شهد ، نظرة اعجاب تحولت لي حب وعشق ، ظلوا على هالحاله مده وبعدها انكسر الحاجز وبدا كلام الحب ،
خالد : حلويتي يا شهد
شهد بحيا ممزوج بصوت ناعم : عيونك الي صارت احلى ، و صرت تشوفني احلى من قبل
خالد : ويني عنج انا من زمااان
شهد بدلع شوي : اي لو انت مو لاقيها جان انا وياك الحين في بيت واحد
خالد : بس شهد ترا ما ارضى ، مهما كان هذي زوجتي
شهد غرورقت عيونها و نزلت دمعه وحيده من عينها ، لمحها خالد و ابتسم لها و مد ايده و مسح دمعتها ، حست شهد بشعور حيييل حلووو و ابتسمت ،
خالد : احبج شهوده
شهد بحيا : و انا اموت فيك يا بعد عمري ،
شهد : خالد ..
قطع كلامها صوت فون خالد ،
خالد : دقيقه بس ارد ع الفون ، طلع الفون من جيبه ، المتصل " حبيبة قلبي "
خالد : هلا حبيبتي
اسراء : يلا خالد تعال ودني
خالد يشوف ساعته : اوكي اوكي يلا ياي
بينت ملامح الاستغراب على شهد قبل لا ينطق خالد بكلمه ،
خالد تنهد : شهوده انا بروح الحين ، اشوفج وقت ثاني
شهد مصدومه : خالد وين بتروح ؟!
خالد : اسراء عندها عرس و انا لازم اوديها ، يلا حبي اشوفج وقت ثاني و ابتسم لها وراح على طول ،
شهد زادت صدمتها و طلعت عيونها : امبيييه مو من صجه هذا ! جذي يخليني و يروح !

وبعد دقايق وصل

دخل و لقى اسراء جدامه و ركبوا السياره ، وطول الوقت خالد كان ساكت و يفكر
استغربت اسراء من سكوته الحاد ، من ركبوا السيارة ولا نطق بكلمه

اسراء : خالد ؟ شفيك ؟
خالد تنهد و بكل بررود : مافيني شي
اسراء : شكلك سرحان ؟ شتفكر فيه ؟
خالد ابتسم : لا حبيبتي ولا شي
وظل جو السياره هاادي لما وصلت اسراء ، كان العرس بفندق ريجينسي بقاعه شروق الكويت
خالد : ما اوصيج ، قعدي بمكانج لاتتحركين ، وولا ترقصين اوكي ؟
اسراء بـ ابتسامه : و شلون برقص و انا حامل ؟
خالد : والله مادري عنج .. يلا انا بروح تبين شي ؟
اسراء : سلامتك

بيت بو احمد :

شهد : يخليني و يروح عشانها هاا ؟ ما مداني استانست شوي الا و دقت مرته اففففففففف
ساره : اكيد بخليج و بروح ، اصلا تصرف طبيعي و صح 100 % ، دقت عليه مرته اكيد بروح لها
شهد : ساروو انتي بتيننيني ؟ شلون يخليني و يرووح ؟ انزين ودعني ع الاقل !! مو سيده يلا انا ماشي ويرووح !
ساره : ، انتي حمدي ربج طلع وياج
تنهدت شهد وسكتت ،


فندق ريجينسي :


كانت الاجواء حلوة ، الاغاني و الفررح ريحه المكان و الكل مستانس بزواج العروسه دلال من ولد خالتها فيصل ، و الصاله كانت مليانه حيييل بالناس ، دخلت العروسه بـ ابتسامه مرسومه على شفايفها و بربكه خفيفه و خوف ، و خواتها كانوا حوالينها و يهدون من خوفها و يطمنونها ، كانت فرحانه واايد لانها بتاخذ ولد خالتها و تعيش معاه حياة حلوة ، مشت بخطوات رقيقه لين وصلت للكوشه و قعدت ، تغيرت الاغنيه و قاموا الناس يرقصون ، اسراء كانت حيل مستانسه ، ودعت لها بالسعاده ،

اما بعرس الرياييل فكاان الوضع غييير ، كل الرياييل مستانسين و يغنون مع الفرقه و الطيران و الطبول ، و السيوف ترقص معاهم و الابتسامه طاغيه عليهم ، وبعد مده طلع المعرس من عرس الرياييل و توجه لـ فندق ريجينسي ، و الكل عرف بدخله المعرس و تجهز لها ، وعقب دقايق دخل المعرس ، كان شكله روووعه و تكاانه حييل ، دخل بـ ابتسامه عريضه على ويهه و مشى بكل فخر لين وصل للكوشه ، و اول ما وصل قرب من العروسه دلال وطبع بوسه على راسها و مسك ايدها ، كانت ليله ولا أحلى بالنسبه للعروسيين ،،

و الساعه 1 اتصلت على خالد
خالد : هلا
اسراء : يلا خالد تعال اخذني
خالد : يلا دقايق و اكون عندج ،
وبعد دقايق و صل خالد و خذا اسراء و ردوا للبيت ، كانت مستاانسه حيييل و بنفس الوقت تعبانه شوي من الحمال ، و حست انها تحركت وايد و بدت تحس بالالم ،،
حس خالد بالنعاس و قام يتثاوب ،
خالد : سكري الليتات و يلا نامي انا بناام
اسراء : انزين انزين دقيقه اغير ملابسي
خالد : يلا بسرعه


الصبح في بيت بو احمد


شهد : تدري شكثرر اكره اسراء ؟
احمد : اكيد بتكرهينها خذت منج عين السيح خالد
شهد : ان ماخليتها تتعذب و تصير مينونه ما اكون انا شهد
احمد : كفووو كفووو شهوود تعجبيني ،


بيت بو عبدالله :

خالد الي كان توة قاعد من النوم و اسراء نايمه من التعب ، قام خالد و خذاله شورر دافي و قعد يشوف تلفزيون على ما تقعد اسراء من النوم ، مل من القعده بروحه و حب يقعدها ، قرب يمها و ابتسم لها ،
خالد : اسورتي حبيبتي يلا قومي
اسراء بنعاس حييل و بصوت نااااعم : خالد بنام خلني شوي
خالد : قومي يلاا مليييت انا بروحي ، قومي بنطلع نتريق بره
اسراء لفت الصوب الثاني : شوي شوي و اقوم
تنهد خالد و تحبط ، حس بالملل يمشي داخل جسمه ، وطرت في باله شهد ، تنحنح و نزل تحت شوي عند حمام السباحه
خالد : انا ليش ما ادق على شهد ؟ بدل الملل الي عايش فيه ، ما تردد ابد و اتصل عليها ،
شهد شافت رقم خالد و قالت بترد عليه بس بزعل نتيجه تصرفه الي امس ،
شهد : الو
خالد بـ ابتسامه و صوت حلو : صباح الورد
شهد بزعل مصطنع : هلا
خالد : شهوود ! شفيييج ليش صوتج جذي ؟؟؟
شهد : مافيني شي
خالد : لا لا ماايصييير اكيد فيج شي ! صوتج يقول
شهد : اي يا خالد فيني
خالد : شفيج ؟ في احد مضايقج ؟ مكدرج ؟ شصاايرر ؟
حبت شهد اهتمامه فيها : انت يا خالد
انصدم خالد : انااا !
شهد : اي ، انت
خالد عقد حواجبه و ظل يفكرر: و شسويت انا ؟
شهد : جذي تخليني امس بروحي و تروح عني من غير ماتودعني ، لا و ياليت على وحده تسوى
خالد : كنت مستعيل ، ماعليه ماعليه اعوضها ، انا اسف و حقج علي
شهد : دام بتعوضها عيل نطلع اليوم ، وتكون فاضي بس حقي
خالد : على امرج ، جم شهوووده انا عندي
شهد بـ ابتسامه غروور : تسلملي حبيبي


و بالغرفه :

اول ما نزل خالد صحت اسراء من النوم ، خذت لها شور دافي و طلعت ما لقت خالد ؟
اسراء : وين خالد ؟ كان يشوف تلفزيون وين خلاني و راح ؟ ماكو الا ادق عليه ، خذت الفون بسرعه و دقت على خالد ، و انصدمت !
اسراء : waiting ؟!
من متى خالد يحطني ع waiting حتى لو كان عنده مكالمه مهمه حيييل يكلمني !!
شغلت بالها سالفه الانتظار هذي وبدت تفكر ، منو ممكن يكون هذا الشخص الي يكلمه خالد ؟ قطت الفون ع السرير و قعدت على التسريحه و سرحت شعرها الحريرر بطريقه حلوة و خطت عيونها بـ آيلاينر اسود و كثفت رموشها أكثررر بماسكارا سوده عطتها لمسه ساحره ، لبست بدله حلوة ولفت شيلتها بطريقه حلوة و خذت الفون مرة ثانيه و اتصلت على خالد و نفس الحاله waiting
ينننت و عصبت ، صارله نص ساعه تقريبا يكلم منو و مخليني انتظاار ! تنهدت حييييل
اسراء : يقعدني من النوم و يقولي بنتريق بره و مادري وين يروح ! و ياليت يرد علي


خالد : ههههههههه ، اي والله
شهد : حبيبي شرايك نطلع الحين ، احسن من العصر
خالد : الحين ؟! اممم يلا عيل
شهد : يلا حبيبي ، عيل اخليك بروح اتجهز
خالد : اوكي حبي ، يالله مع السلامه
شهد : مع السلامه

ارتاح خالد و رجع الغرفه و اهو يغني و مستانس ، تعرف على حب يديد و بدا يعيش معاه لحظات حلوة ، وحط اسراء ع الهامش ،

اسراء بعصبيه شوي : خالد ؟ كنت قاعد تكلم منو ؟
خالد : واحد من الربع
اسراء : واحد من الربع ساعه و حاطني انتظار ؟
خالد : دقيتي علي ؟ ما طلعلي ؟
اسراء تنهدت : انزين يلا انا جاهزة
خالد : وين ؟ بتطلعين ؟
اسراء : خالد شفيك ؟ مو انت قعدتني و قلتلي قومي بنتريق بره ؟
خالد تذكر : ايييه ، امبلا ، بسس ..
اسراء قامت تحس بالاستغراب شوي شوي ورفعت حاجب واحد : بس شنو ؟
خالد : نسيت اليوم انا مواعد واحد من الربع و لازم اطلع معاه ،
انصدمت اسراء و عيونها طلعت : خالد من صجك ! الحين البس و تزرعني و تقولي سوري مواعد واحد من الربع! عصبت حييييل و غيرت ملابسها و قعدت ع السرير
خالد عصب شوي : يعني شلون الواحد ما ينسى ؟ يلا انا طالع تبين شي ؟
اسراء : --
خالد : باي !


اسراء : من صجه هذا ؟ يخليني بهالحاله و يطلع ؟( تنهدت حييل وعصبت على خالد )


و بالسيارة :

خالد : اي والله انا الغلطان ، قلت لها قومي بنطلع بره و خليتها المسكينه تجهز و طلعت بعذر اني مواعد واحد ، بس يالله كل شي يهون عشان شهودة ، مشى على انغام عبدالمجيد لين وصل للمكان الموعود ،


بيت بو عبدالعزيز :

اسيل : اقول يمه ؟ شخبار اسور من زمان عنها
تنهدت ام عبدالعزيز : والله علمي علمج
اسيل : اي يمه مايصير جذي ، اختنا ما نشوفها كللش ؟
ام عبدالعزيز : شسوي بعد ، الحين بتصل عليها بسأل عن احوالها
اسيل : امم ، يلا عيل اخليج ، مع السلامه
ام عبدالعزيز : الله يسلمج يمه

ام عبدالعزيز تنهدت حيل : بشوف هالبنت الي ما تسأل ، و اتصلت على اسراء

بيت بو عبدالله :

هدت عصبيه اسراء شوي و حست بالملل يذبحها ، سمعت صوت الفون ابتسمت و ردت بسرعه

اسراء بحيا : هلا يمه حبيبتي
ام عبدالعزيز : هلا فيج ، عاش من سمع صوتج
اسراء : عاشت ايامج يمه ، شلونج يمه شخبارج ؟
ام عبدالعزيز : انا بخير ، انتي الي شلونج ؟ شدعوة ما تسألين ولا تمرين ؟ ولا تزوجتي و نسيتي ان عندج اهل ؟
اسراء : لا يمه بس .. ( مالقت كلام تقوله و سكتت ) آسفه يمه ، ان شاء الله اليوم بزوركم
ام عبدالعزيز : اي ، شلونج بعد و شلون خالد ؟
اسراء تنهدت : الحمدلله ،
ام عبدالعزيز : شلون الحمال وياج ؟
اسراء : والله تعب ، الله يعيني
ام عبدالعزيز : اي شهر وصلتي الحين ؟ اخاف تولدين و انا ما ادري عنج
ضحكت من قلبها ضحكه صغيره : وصلت الرابع و اليوم عندي مراجعه بشوف اذا بنت ولا ولد
ام عبدالعزيز : اي ، عيل وين خالد ؟
تغير صوت اسراء شوي : طالع ، مواعد واحد من الربع
ام عبدالعزيز حست بشي : و ليش تتكلمين جذي ؟ مسويلج شي ؟ مضايقج بشي ؟
اسراء : لايمه ، بس قهرني قالي قومي لبسي و تجهزي بنطلع و يوم تجهز خلاني و طلع ، مادري شفيه احسه متغير شوي هالايام
ام عبدالعزيز : يمكن عنده مشكله ولا شي ؟
اسراء بضيق : مادري يمه ، و الحين قاعده بروحي انطره
ام عبدالعزيز : وين بروح اكيد بييلج و براضيج و يطلعج
اسراء : اقول يمه ؟ الحين بييلج والله ذبحني الملل ،
ام عبدالعزيز : حياج يمه ،
اسراء : يلا عيل ، خليني اروح اغير ملابسي و اييلج
ام عبدالعزيز : يلا مع السلامه
اسراء : الله يسلمج ،

قامت اسراء غيرت ملابسها و اتصلت على خالد

خالد : هلا اسراء
اسراء : خالد ترا انا بروح عند امي شوي
خالد : اوكي بس لا تتاخرين
اسراء من غير نفس : ان شاء الله
ما اهتم خالد و سكر الفون ،

خالد الي كان مع شهد يتمشون من عقب ما تريقوا مع بعض و استانسوا ،
شهد : اي يا خالد ، جذي اقدر استانس معاك
خالد : ان شاء الله بتستانسين طول عمرج معاي
شهد بحده شوي : و شلون بستانس معاك و انت عايش معاها ؟
خالد فهم شنو قصدها : مهما كان هذي مرتي
سكتت شهد و حست بضيق بسبه الكلمتين الي قالهم خالد ،



sweet memy​

 

[» miss♥f6oum «]

ابااارت يهبل والله ينن


بس خاالد واااااااااي ماال أحكه رآآشدي اخليه السحر يفج منه من قوته وييع ماال طق طق سنة بسااعه
وهذي شهد انشاءالله تسوي حاادث وتفكنه وتموت الله ياخذهاا

بعد عمري اسرااء والله ماتستاهل

وفديتج sweet memy ع الباارت ولاتطولين علينه بالبارت الياي

 

[بقايا همس]

يسلمووووووووووووووووووووووووووووووو عالبارت الحلوووو ناطرينج
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه

 

[بقايا همس]

نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه

 

[zizo0ou]

وعععععع شهد اهي و اخوها السخببف
سلمو على البارت و ناطرين الياي

 

[zizo0ou]

وعععععع شهد اهي و اخوها السخببف
سلمو على البارت و ناطرين الياي

 

[UNiQe^PRiNceSs]

امبيه حراااام
كملي ناطريين​

 

[sweet_memy]

البارت الثالث عشر :


بيت بو عبدالعزيز :


ام عبدالعزيز : ما بغينا نشوفج !
تنهدت اسراء : ان شاء الله من اليوم بتشوفيني و بتسمعين صوتي كل يوم
ام عبدالعزيز : الله يسمع منج يا بنيتي ، الا قوليلي شسالفه خالد ؟
تنهدت اسراء و بضيق : مادري يا يمه .. احسه متغير هالايام ، تصرفاته غير ، طبعه غير ، مو خالد الاولي الي اعرفه
ام عبدالعزيز : اخاف انتي مسويه شي ؟ مضايقته ولا شي
اسراء : يا يمه تعرفين بنتج ، لا ضايقته ولا شي
ام عبدالعزيز : ديري بالج على ريلج و حفظي حياتج ،
اسراء حست بالخوف : يمه شقصدج ؟ بكلامج هذا تخرعيني
ام عبدالعزيز قربت منها و مسحت على شعرها : لا حبيبتي ما اخرعج ولا شي ( و ابتسمت )
تنهدت حييل و كان مبين على ويهها انها متضايقه شوي من خالد ، و بصوت اقرب للهمس ، الله يصبرني عليك يا خالد ،
انفتح الباب و دخل منه عبدالعزيز ،
عبدالعزيز و مبين عليه الفرح : اوووه القمر عندنا اليوم ،
اسراء : ايي و ان شاء الله بتشوفني كل يوم عندكم
عبدالعزيز حب ينرفزها شوي : ليش شنو تطلقتي من خالد ؟
اسراء : وييي اسم الله علي فال الله ولا فالك ،
ام عبدالعزيز : شهالكلام عزووز
عبدالعزيز : ولييه الواحد ما يتغشمر معاكم انتوا ،
اسراء : اقعد تكفى ونسني ، اشتقت حق غشمرتك
عبدالعزيز بضحكه : بس غشمرتي ما اشتاقتلج
اسراء تحاول تتمالك اعصابها : اقول قوم قوم روح دارك ، مابيك ولا ابي غشمرتك
عبدالعزيز : هههه محصله انتي اصلا ،،
اسراء : واااي عزييز ، صايره استثقل دمك
عبدالعزيز حب ينرفزها : افااا الحين انا قمتي تستثقلين دمي ؟ يعني دمج الخفيف الحين
غمضت اسراء عيونها لانها ما تقدر تتحمل ملاقه اكثر ،
ام عبدالعزيز : روح روح يمه الله يستر عليك اختك مو ناقصه سوالفك




الحال عند خالد و شهد ،



كانت مستانسه و الفرحه مو شايلتها ، لما قطع عليها خالد جوها ،

خالد و اهو قايم : يالله شهد ، انا بمشي الحين
شهد : على وين حبيبي ؟ تو الناس ماشبعت منك
خالد : مابقى شي ع الغدا ،
شهد بزعل مصطنع : لاااه بتروح و تخليني ، انت قلتلي انك بتعوضني بس ما شفت تعويييض
خالد : الله و اكبر ! كل هذا و مو تعويض ، ( بضحكه ) انت ما ينفع معاج شي
شهد : اييي ما تسكتني بجم ساعه ، انا ابي اقعد معاك يومي كله
خالد ابتسم و قعد مكانه : حاضر ، حاضر يا اغلى انسانه بقلبي ، بقعد ولاني رايح
استحت شهد شوي و ابتسمت ابتسامه كبيرة ،
سرح خالد بعالم افكاره و بدا يخطط و يفكر ، شافته شهد وحست انه قاعد يفكر فيها ،



بيت بو عبدالعزيز ،


اسراء بزعل : شفتي يمه ؟ ولا حتى دق علي و سأل عني !
ام عبدالعزيز : اكيد مشغول ولا شي ، انتي لا تحاتين
اسراء: يمه شلون ما احاتي ، ( تنهدت )
ام عبدالعزيز : صبري يا يمه
ورن فون اسراء ، [ الحب خالد و حبي خالد .. ]
اسراء بفرررح : يمه دق !!
ام عبدالعزيز : قلتلج اكيييد بدق ،
اسراء بلهفه : هلا خالد
خالد ببرود : هلا اسراء ،
اسراء : ها حبيبي وصلت البيت ؟
خالد : اسراء انا داق عشان اقولج اني بتغدى بره
انصدمت اسراء ! وتغيرت نبره صوتها ، سكتت شوي : اوكي
خالد : يلا مع السلامه !
لاحظت ام عبدالعزيز ملامح بنتها شلون تغيرت ، و سألتها ،،
ام عبدالعزيز : شفيه خالد ؟!
اسراء بضيق : بيتغدى بره ، شفتي يا يمه ، شفتي شلون خالد متغير علي و لا يهتم ولا يسأل ! ( تنهدت حييل ) ،

قعدت اسراء عند امها لين العصر و عقب طلعت و راحت للمستشفى لان كان عندها موعد ، حست اسراء بمكان خالد ، الي كان كل مرة يحرص و يروح معاها مواعيدها و يستفسر عن حاله الجنين ، اما الحين ، فـ اسراء مو هامته و قاعد مع شهد ،
الدكتور : ماودج تعرفين شنو جنس الجنين ؟
اسراء ابتسمت : اكيد ودي اعرف
الدكتور : الواضح ان ولد
فرحت اسراء يوم عرفت ان ولد ، و استانست لان خالد كان يتمنى ولد ، و بعد ما عرفت ردت البيت و كانت تعبانه من السيارة و الحر ، غيرت ملابسها و لبست ملابس خفيفه و قطت نفسها على الفراش ، سرحت حييل و ماحست بخالد الي دخل و قعد يمها ،

خالد : شلونج ؟
صحت اسراء و ببرود كبيير : الحمدلله
خالد : اشتقتلج والله ،
اسراء من غير ما تهتم : مشكور
خالد استغرب : و شفيج تقولينها جذي ؟
شافته و سكتت
خالد بقلبه : هذي شكلها ليلحين زعلانه ، ولييه شسوي الحين عشان اراضيها
خالد :اسورة حبيبتي شرايج نطلع ؟
اسراء : مالي خلق ، تعبانه
خالد : سلامتج من التعب ، اي صح اليوم موعدج ؟ قومي اوديج
اسراء : رحت ما انطرك لما تخلص ريوق و غدا و عشا مع رفيجك و تيي توديني
خالد قرب منها و بـ ابتسامه : آسف حبيبتي ، اوعدج مرة ثانيه ما اطلع مع احد الا انتي ، جم اسراء عندي انا
اسراء : انزين
خالد : شقالج الدكتور ؟
اسراء : يهمك تعرف ؟
خالد : و شلون ما يهمني ؟
اسراء : ماقال شي يديد
خالد قرب منها اكثر و رفع راسها الي كانت منزلته و تكلم خالد و حط عينه بعينها : شلون ماقال شي ، اكيد قال بس انتي ما تبين تقوليلي ،
حست بالراحه لما شافت عينه و ما استحملت و نزل من عينها دموع و بجت
خالد بخوف شوي : حبيبتي شفيج ؟ صايرلج شي ؟
خنقتها العبره و سكتت شوي ، يا خالد انا منصدمه منك ، احسك تغيرت ! مو خالد الاولي الي اعرفه ، الي يحبني ، الي يتمنى بكل دقيقه شوفتي ، الي ما يقدر يستغني عن صوتي .. اشوف جدامي خالد ثاني ، يطلع من البيت من الصبح و مايسأل ولا يتصل ، ولا اهمه بشي !
خالد : اسورة حبيبتي قلتلج اسف ، طلعت مع رفيجي و خذتنا السوالف و كاني ييت
اسراء: يعني رفيجك الحين اهم مني ؟ ما طريت على بالك كلش ؟ ماتقول ادق اسأل عنها
خالد بدا يتضايق : اووه خلاص عاد ، قلتلج نسيت الواحد ما ينسى ؟
اسراء : اكيد ينسى ، بس ما ينسى اغلى شي عنده !!!
لفت ويهها الصوب الثاني و غمضت عيونها حييل ،
تنهد خالد ، و حب يخليها لما ترتاح و يكلمها ، نزل تحت يقعد مع اهله الي من زمان مو قاعد معاهم ،،


وبغرفه فاطمه :

كانت مندمجه بالكتاب الي بين ايدها فجأة سمعت صوت فونها و خذته لقته رقم غريب ، ياها فضول غريب و ردت عليه ،

فاطمه : الو ؟
.. بـ ابتسامه : يعني تردين على ارقام غريبه !
فاطمه بصدمه و عرفت الصوت بسسرعه : محمد !!
محمد : اي محمد ،
فاطمه الي حست بخوف : آسفه يا محمد ، ما اقدر اكلمك اكثر من جذي ، مع الس..
قطع كلامها : فاطمه تكفين سمعيني ، سمعيني بس ولو لآخر مرة لي النهايه بعدين سوي الي تبينه ،
فاطمه : شسمع ؟ محمد ارجوك انا مالي خلق مشاكل
محمد بحده : سمعيني شوي ، فاطمه تدرين اني انا احبج و انتي تحبيني ، و من بدايه علاقتنا كان جدامنا هدف واحد ، هدفنا كان الزواج و انا نعيش في بيت واحد يجمعنا و نييب عيال ، فاطمه انا بخطبج !
فاطمه انصدمت في البدايه : محمد اذا عندك كلام تعال قوله حق اهلي
محمد بنبرة جديه : و انا موافق
فاطمه حست ان محمد يتكلم من صجه : اوكي محمد قلت الي عندك ؟
تنهد محمد : اي ،
فاطمه : ممكن انهي المكالمه ؟
محمد : على راحتج ، مع السلامه

بيت بوعبدالله :

نزل خالد بعد ماخله اسراء ترتاح، وحب يقعد مع امه ،
خالد: شلونج يالغاليه؟
ام عبدالله: بخير ياوليدي دام شفتك جدامي
خالد قرب منها شوي: اقول يمه؟
ام عبدالله: قول يمه؟
خالد:شخبار الشاليه؟
ام عبدالله:باقيله شوي تعديلات ، بخاطرك تروح؟
خالد: يعني قلت نروح كلنا نستانس و نغير جو
ام عبدالله: اي ان شاء الله
ريم الي كانت قاعده وتحس بالالم في بطنها و قاعده تنطر عبدالله ، لاحظتها ام عبدالله و سألتها،
ام عبدالله : ريم ؟ شفيج ؟
ريم بتعب واضح: مادري خالتي ، احس بالم مو طبيعي ببطني
ام عبدالله:ريم قومي المستشفى شكلج وايد تعبانه
ريم : كاني ناطره عبدالله ،سكتت شوي و فجأه صرخت حيل !!
ام عبدالله : ريم ! قومي يمه المستسفى !و دش عبدالله و شاف ريم بهالحاله و خاف عليها حيل و بسرعه خذاها و وداها المستشفى ، و سييده دخلت غرفه الولادة و عبدالله و ام عبدالله قاعدين بره ينطروون الدكتور يبشرهم ،


بيت بو عبدالله :

ماكان بالبيت الا خالد و اسراء و فاطمه ، دخل خالد على فاطمه و قالها ان ريم بالمستشفى و بسرعه لبست و راحت لها ، اما اسراء الي كانت بالغرفه و ماتدري ، دخل عليها خالد الدار شافها منسدحه ع الفراش و حس انها هدت شوي ،
خالد من غير ما يشوفها : ترا ريم بالمستشفى و دخلوها غرفه الولاده
صحت شوي : ولادة !؟ بس اهيا توها داشه التاسع !!
خالد : تعبت و ولدوها ، عادي
اسراء : الله يعينها ان شاء الله ، خالد قوم ودني لها
خالد حب يعاندها و ينرفزها شوي : ماني موديج
اسراء : ليش يعني ؟
خالد : بس ، مزاج
اسراء : خالد تكفى ودني ما اقدر اسوق سياره الحين
خالد بضحكه : و انا بعد مالي خلق اسوق سياره
اسراء : يلاا عااااد خالد قوم ودني
خالد : مو مشتهي اروح مستشفى
اسراء : ياربييي لا تنزل اقعد بالسيارة
خالد : و يرضيج تخلين زوجج العزيز بروحه بالسياره بالحرر ؟
اسراء : مو اذا زوجي العزيز مايبي ينزل انا شنو اسوي ؟
خالد : انزين بوديج ، بس بشرط
اسراء : شنو ؟
خالد : تقوليلي شنو قالج اليوم الدكتور ؟
تنهدت :انت امش ودني و بالسيارة اقولك
خالد : وعد ؟
اسراء : وعد
خالد : يالله عيل خلصي و نزلي تحت و انا انطرج ،


وبالسيارة :

سكوت حاد بينهم كل واحد يفكر بصوب ، خالد الي يفكر بـ اسراء و شهد و اسراء الي تفكر بخالد و تصرفاته ،،
خالد لف ويهه و شاف اسراء الي كانت ساكته و سرحانه ، حست اسراء بخالد و شافته
خالد : يعني ماراح تقولين ؟
اسراء : حاضر بقول يا بو وليد
خالد فررررح حييل يوم قالت بو وليد و ابتسم لها ،
اسراء : قالي الدكتور ان حالتي زينه و حاله الجنين بخير ، بس لازم أكثر من الاكل عشان الجنين ينمو عدل ،
خالد ينطرها تكمل : اي ؟ وبعد ؟
اسراء بضحكه : بس
خالد : بس !!
اسراء : و قالي جنس الجنين
خالد : تكفين تكلمي ، لاتكلميني بالقطارة ، بنت ولا ولد ؟
اسراء : اهوه يا بنت يا ولد
خالد الي قاعد على ناارر: اكييد يعني اذا مو بنت ولد ، لعبتي باعصابي قوليلي
اسراء ابتسمت و حطت ايدها على بطنها و رفعت راسها و شافته بـ ابتسامه عذبه : ولد
خالد الي ماصدق عمره و الفرحه ما شالته : صججج ! ولد !
اسراء بفرح : اي صج
خالد : الحمدلله يا رب !! اخيرا بصير بو وليييد !!
شافته اسراء و فرحت و انرسم على ويهها ابتسامه فرح ،

و بالمستشفى :

طلع الدكتور و ويهه يبشر بالخير ، ركض عبدالله بسرعه و راح عنده ،
عبدالله : ها دكتور بشرر ؟
الدكتور : مبروك ، يالك ولد
عبدالله فرررح حيييل : الحمدلله يا رب ! شلونها الحين ؟
الدكتور : الحمدلله ، ولادتها كانت سهله الحمدلله ،
عبدالله : الحمدلله ، مشكور دكتور
الدكتور : ولو ، استأذن الحين ،
ام عبدالله : مبروك ياوليدي مبروك
عبدالله و الفررحه مو شايلته : الله يبارك فيج يمه
فاطمه : ع البركه عبدالله
عبدالله : الله يبارك فيج
و وصل خالد و اسراء ، و شاف الكل فرحان و مستانس
ام عبدالله : بارك حق اخوك ، ياله ولد
خالد : لاه لاااه ، مبروووك عبيد
عبدالله : يبارك فيك ، الفال لك
خالد شاف اسراء و ضحك : ان شاء الله ،
اسراء : مبروك ماياك
عبدالله : الله يبارك فيج ،
و بعد شوي دخلوا كلهم على ريم و شافوها و تطمنوا عليها و تحمدوا لها بالسلامه ،


بيت بو عبدالله :

ام عبدالله و عبدالله كانوا قاعدين بالمستشفى عند ريم ، اما خالد و اسراء و فاطمه فردوا البيت ، و بعد ما رجعوا كلهم راحوا غرفهم ، وبغرفه اسراء و خالد ،
اسراء : كاسرة خاطري ريم ، احسها تعبانه من الولاده
خالد : لازم بعد والده
اسراء بخوف : تدري يا خالد ؟
خالد و اهو يغير ملابسه : شنو ؟
اسراء : انا خايفه من الولاده ، اخاف يصير فيني شي او اموت
خالد عصب شوي و قرب منها : اسم الله عليج حبيبتي ، شهالكلام ؟
بلعت ريجها و تنهدت : اي يا خالد ، صج
خالد : ان شاء الله ولادتج تكون سهله و ترتاحين ، يالله شدي حيلج ماباقي شي ، كلها اقل من 5 شهور ان شاء الله و اشوف ولييد جدامي
ابتسمت و حطت ايدها على بطنها ،
ابتسم خالد لها و اختفت هالابسامه فجأة يوم تذكر شهد و حس ان وده يكلمها ، شي يجذبه حييل لها ،

خالد : حبيبتي انا بروح شوي تحت
اسراء : اوكي
نزل خالد و خذا معاه فونه و راح عند حمام السباحه و عقب ما تطمن من الوضع اتصل عليها ،
شهد : الو
خالد : هلا بهالصوت الي وحشني
شهد بحيا : هلا فيك حبيبي ..
.....

بغرفه فاطمه :

قعدت بسريرها و كل الليتات مسكرة و ياي ضوء خفيف من الابجورة معطي غرفتها لون هادي، سرحت بكلام محمد ،
فاطمه : محمد يحبني و انا ما انكر حبي له ، و من اول علاقتنا كان جدامنا هدف الزواج ، وكنا مخططين نتزوج عقب ما اخلص دراستي ، يعني اذا تقدم لي بوافق ؟! ولا ارفض ؟! تنهدت حيل و حطت راسها ع المخده و غمضت عيونها ، و بعد دقايق من التفكير نامت ،،


بغرفه اسراء :

قعدت بالسرير و غمضت عينها ، فتحت عينها فجأة و لفت يسار ما لقت خالد ،
اسراء : خالد ليلحين تحت ؟ رفعت الفون و دقت عليه لقته كـ العاده waiting ( عقب ما حست بتعب و برغبه كبيرة للنوم قامت و خذت بجامة خالد و حطتها بالصاله و لقت جدامها ورقه صغيره كتبت عليها كلام و لصقتها على الباب و دخلت الغرفه و نامت على طول ) ،


خالد الي بدا يتثاوب : شهودة حبيبي انا دخت بروح انام ، وراي دوام
شهد : خلاص حياتي روح نام ، نوم العوافي ان شاء الله
خالد : يعافيج ربي ، يلا تصبحين على خيرر
شهد : و انت من اهل الخير حبيبي،،

صعد خالد شوي شوي و وصل عند باب الغرفه حط ايده على مسكه الباب ، ولقى ورقه لفتت نظره خذاها و قرا المكتوب فيها : لاتدخل الغرفه انا نايمه و تعبانه ، دامك تأخرت نام بالصاله ، تلقى بجامتك يم التلفزيون .. تصبح على خير ، اسراء

خالد استغرب : يه ! من صجها هذي ؟ تنهد حيل ، يلا بعد شنسوي ، الصاله الصاله ، غير ملابسه و نام على الارض بعد محاولات و كان طول الليل يتقلب و ماحس بالراحه كللش ،



و الصبح ،،

صحى خالد من النوم بسرعه و حاول يفتح الباب لقاه مقفول ،
خالد : ليلنحها هذي قافله الباب ؟ من صجها زعلت .. طق الباب طقتين ،
خالد : اسراء فتحي الباب ، يلا بروح الدوام
اسراء الي كانت قاعده مبجر و لابسه ، خلت خالد ينطر شوي عند الباب لما لبست شيلتها و خذت جنطتها ، فتحت الباب
خالد : صباح الخير
اسراء و شكلها مستعيله : صباح النور ، (قالت هالكلمتين و طلعت بره الغرفه)
خالد : شدعوة ؟ ماتبين تشوفيني كللش ؟
اسراء : بغيت شي ؟
خالد :\ شفيج ؟
اسراء : سلامتك ، عن اذنك بروح مابي اتاخر
خالد : اوقفي !
غمضت عيونها و تنهدت : نعم ؟
خالد : لما اكلمج شوفيني مو تمشين !
تنهدت : ان شاء الله ، ممكن اروح لاني تاخرت ؟
خالد من غير نفس : روحي
وطلعت اسراء بسرعه ، تضايقت حييل من كلامه
خالد : استغفر الله ، صاير ما ارتااح كلللش لما اقعد بالبيت ، وكل ما اشوفها اتناجر معاها و تعكرر مزاجي ، وينج يا شهد ، والله انج تريحين اعصابي



بكليه الهندسه :

وصلت اسراء للكفتيريا من بعد ما خلصت محاضرتها الاولى ،

سندت راسها على ايدها الي كانت حاطتها ع الطاوله و غمضت عينها
دلال : اسور شفيج ؟
رفعت راسها شوي و فتحت عينها و تنهدت : متضايقه يا دلال ، متضايقه
دلال : ماعاش من يضايقج ، شصاايرر ؟
تنهدت : خالد
دلال : وشفيه خالد ؟
اسراء : متغير علي ! مو خالد الاولي الي اعرفه ، دلال انا قمت اشك بخالد
دلال ضحكت حييل : تشكين فييه ؟
اسراء : اي ، سالفه الـ waiting هذي شاغله بالي وايد ، كل ما ادق عليه يحطني انتظاار ، اموت و اعرف يكلم منو
دلال : يمكن واحد من ربعه
اسراء : واحد من ربعه 24 ساعه ؟ و يحطني انتظار ! لو مهما كان الشخص الي يكلمه انا اولى بـ اني اكلمه صح ولا لا ؟
دلال : اي والله صدقتي ، بس اسور لاتشكين بخالد ، شيلي هالفكره من مخج
اسراء : مادري شسوي والله ،
دلال : و ليش ما تكلمينه ؟
اسراء : وانا اشوفه عشان اكلمه ، كله طالع و ما ايي الا تالي الليل و لما ادق عليه يحطني ع الـ waiting
دلال : الله يعيينج
تضايقت اكثرر و قامت من مكانها
اسراء : تبين شي دلال ؟ انا بروح
دلال : وين رايحه ؟ عندج شي ؟
اسراء : اي عندي يالله اخليج




وبعد ما وصل خالد الدوام ، و قال حق جاسم كل شي عن شهد

جاسم عصب شوي : انت من صجك يا خالد !
خالد : اي من صجي
جاسم : و مرتك ؟
خالد : مرتي ، وماقلت شي ، و شفيها يعني لو سويتلي صداقه مع غيرها ؟
جاسم : شفيها !!! لااا انت ينييت
خالد : اي ياجاسم ، انا ينيت يوم عرفت شهد ، احبها يا جاسم احبها
جاسم : لااا انت صج تغيرت ، صح كلام مرتك ما غلطت بشي !
خالد : حتى انت صرت بصفها ، يبا انا ما احس اني غلطان و اللي اسويه صح
جاسم : بس بس اسكت ، رفعت ضغطي بكلامك هذا ..
سكت جاسم يوم سمع فون خالد يرن
خالد : شاف الرقم و فررررح حيل ،
خالد : هلا والله
شهد : هلا فيك حبيبي
خالد : شلونج يا قلبي
شهد : بخير حياتي ، و انت شلونك ؟
خالد : انا بخير دام سمعت هالصوت ..
....
جاسم الي انصدم من الي قاعد يصير جدامه ، و حس ان خالد مخدووع و في خطرر من هالمشكله الي طلعتله فجأة ، تضايق حييل ودعا لرفيجه ان الله يهديه و يفكه من شهد ،



و بـ جامعه الكويت ،

طلعت اسراء من المحاضرة و صدع راسها من كلام الدكتور ، دخلت و طلعت من غير ما تستفيد شي ، كان بالها مشغول بالتفكييير ، حبت تتصل عليه و تطمن قلبها ، ترددت بالبدايه لكن اصرت و اتصلت : يرجى الانتظار ، المشترك لديه مكالمه اخرى .. !!
لي متى يعني يا خالد ، لي متى ؟ معقوله شكي و ظني بمحله ؟ مادري يا خالد ليش احس انك تخوني ، تخوني و تلعب على الحبلين ، خذت شهيق خفيف و طلعت زفير قويي حييل ، رجعت البيت و اهي متضايقه حيل ، متضايقه و راسها بينفجر من التفكير ،،

انسدحت ع السرير و طلعت زفير قوي و حاولت تريح اعصابها و نفسيتهاا ، انفتح الباب و لفت ويهها بسسرعه و شافت خالد ، عدلت نفسها
خالد : السلام عليكم
اسراء بـ وله : وعليكم السلام ،( سكتت شوي) ، شلونك خالد ؟
خالد و اهو داش غرفة الملابس : بخير
وبعد ماغير ملابسه ،
خالد : يالله امشي نتغدى ،
اسراء : ان شاء الله ، ( قامت من الفراش بسرعه و قربت منه و مسكت بـ ايده و شافها بنظره استغراب و حست انه مايبي يمسكها ، تضايقت حيل و بين على ويهها علامات الحزن و الضيق )


فاطمه الي كانت تنطرهم تحت على طاوله الطعام ، ماكان موجود بالبيت الا خالد و اسراء و فاطمه ،

فاطمه : اخيرا ييتوا ؟
خالد : يلا كانا يينا ،
سحبت اسراء الكرسي بهدوء و قعدت يم خالد و من عيونها باين الحزن و الضيق ، حست فاطمه ان اسراء مو طبيعيه و شايله بقلبها همووم ،
فاطمه : اسراء ؟ شفيج حبيبتي ؟
اسراء ابتسمت : مافيني شي ،
فاطمه : مو علي ترااا ، مبين من عيونج ، تعبانه ؟
اسراء ابتسمت غصبن عنها : شوي
فاطمه : سلاامتج يا بعد عمري ، بعدوينج ان شاء الله
خالد : فطوم سكتي شوي خليني آكل بهدوء
فاطمه : اكل بهدوووء ، كاني بسكت
شافت اسراء الاكل و ماقدرت تاكل شي ، بالها مشغول بالتفكير و تحس ان راسها بينفجررر و الغيرة ذبحتها .. اموت و اعرف يا خالد منو الي تسولف معاه اكثر وقتك بالفون .. ليتني اعرف بسس عشان ارتااح !
اسراء : الحمدلله ، ( رجعت الكرسي مكانه و راحت فوق )
فاطمه و علامات الاستغراب مبينه على ويهها : خالد ؟ شفيها اسراء ؟
خالد بكل برود و اهو يكمل اكله : مافيها شي
فاطمه : كل هذا و مافيها شي ؟ خالد صاير بينكم شي ؟
خالد : موصاير شي ،
فاطمه : وشفيك تكلمني بكل برود ؟ ولا كأن اسراء مرتك و هامتك !
خالد : ولييييه ، شرايج تسكتين و تخليني بحالي ؟
سكتت فاطمه و خلته بحاله من بعد ما حست انه متغير ،
و بعد ما خلص غدا راح فوق ،

دخل خالد الغرفه و شاف اسراء وحس انها متضايقه ،
خالد : شفيج ؟
سكتت و تنهدت حييل : خالد ، ابي اسالك و جاوبني بصراحه
خالد : سألي ،
اسراء : شسالفه هالـ waiting الي هاب فيه هالايام ؟
خالد : عندي مكالمات مهمه
اسراء : مهمه 24 ساعه ؟ وانا مو مهمه بالنسبه لك ؟!
خالد ببرود : انتي مهمه ، بس انا عندي شغل
اسراء : شهالشغل الي من الصبح لي تالي الليل ، ماشاء الله
خالد : اووهوو ، صدقتي صدقتي ما صدقتي كييفج !
حاولت تكتم ضيقها : خالد شفييك ؟ ليش تكلمني جذي ؟
خالد : شتبيني اقولج اذا انتي مو راضيه تصدقيني ؟
اسراء : لان كلامك مو مقنع ! اقنعني و انا اصدق ، بس لا تجذب علي ! ( و قعدت ع السرير ) ، خالد ، انا احبك ، احبك و اموت فيك و ما اتصور اني اعيش من دونك ، و انت قاعد تبتعد عني ! احسس ، احسس ( و بدت الدموع تنزل من عينها )
خالد من غير نفس و بعصبيه شوي : لاتحسبين ان بدموعج هذي بتكسرين خاطري ، ولا بكلمتين من كلامج بعد ،( اتجه صوب الباب ) انا طالع ولا تتصلين علي و ادوخيني سامعه !!
ماصدقت الكلام الي سمعته من خالد !!، معقوله هذا خالد ! معقوله هذا خالد الي يحبني !! بجت اكثر و اكثر لين حست بألم في عيونها و نامت من غير ما تحس ،

وبالمستشفى :

عبدالله : ريم حبيبتي الدكتور يقول ان الحين تقدرين تطلعين من المستشفى
ريم : الحمدلله ، يالله عيل
ام عبدالله : بعد عمري والله ، احسج تضايقتي من قعدتج بالمستشفى
ريم : اي يا خالتي وايد
عبدالله : يالله الحين اخلص اوراقج و نطلع
ريم : خالتي وين ولدي ، ماشفته اليوم
ام عبدالله : بتشوفينه و بتملين منه بعد
ريم ابتسمت ،
عقب ما خلص عبدالله من كل شي ،
عبدالله : يالله ، قوموا طلعوا
ام عبدالله : يالله يمه ريم شوي شوي
...


وخالد الي طلع بالسيارة ومايدري وين يروح ، مالقى الا رفيج عمره جاسم وراح عنده
جاسم و اهو مستغرب : خالد !
خالد و بنبرة ضيق : اي خالد ، شفيك منصدم ؟
جاسم : لاا بسس ، شمطلعك هالحزة ؟
خالد : بقولك، بس خلني ادخل بالاول
جاسم : اي تفضل حياك
خالد تنهد : الله يحييك
جاسم : قولي شفيك ، مبين عليك انك متضايق ؟
خالد تنهد حيييل: اي ياجاسم متضايق ،
جاسم : خير عسى ما شرر ؟
وقاله كل السالفه ..
جاسم : والله يا خالد بصراحه مو بس اهيا الي متضايقه منك ، حتى انا متضايق منك ، عيل بالله عليك ، ريال متزوج و مستانس بحياتك تقوم و تسويلك صداقه على قولتك مع وحده ثانيه ! مايصير يا اخي ، استوعب الي قاعد يصييرر
خالد : يا جاسم مافيها شي لو سويتلي صداقه مع غيري ، وبعدين انا مو اول ولا اخر واحد يسوي جذي عدل ولا مو عدل ؟
جاسم بعصبيه شوي و انفعل : خالد انت حاس باللي قاعد تسويه ؟! شسوت فيك شهد هذي ! ان ماخاب ظني سحرتك ! ، وين الي قبل 24 ساعه مع زوجته ما يخليها ، و نسى شهد و الي ياب شهد ، شصارلك الحين ؟! شلون جذي فجأة حبيتها !
خالد : انا ما نسيتها ، طول الوقت كانت على بالي و افكر فيها ، كل مافي الموضوع الحين اني حبيتها اكثر من قبل
جاسم تنهد حييل : و بعدين افرض زوجتك عرفت بالسالفه ؟ ما فكرت شنو راح يصير لها ؟ مافكرت بمشاعرها ؟ قاهرني يا خالد قاهرني ، والله انك ..
خالد : الحين انا يايلك ابيك عون تصيرلي فرعون !
جاسم : مو شسوي فيك يا خالد ، انت مو راضي تقتنع بكلامي و الي براسك تسويه ، عنيييد
خالد زفررر زفرة قويه حيل و ظل ساكت
جاسم : قوم روح البيت ، و اقعد مع زوجتك و راضها ، و قولها جم كلمه حلوة ولا طلعها ونسها شوي ، و خلك من هالشهد الي مادري من وين طلعت لنا
خالد : والله مادري شسوي يا جسوم مادري ، ماني قادر انسى شهد و اخليها لحظه وحده ، احبها يا اخي احبها !!
جاسم : رديناااا ! شوف خالد اذا بتكلمني عن شهد لاتكلمني ، لاني ماني مستعد اسمع كلمه وحده عنها ،
خالد : مشكور ، مشكور يا رفيج العمر ، ايي منك اكثرر
جاسم : يا خالد انا ابي مصلحتك ، طيعني الي انت قاعد تسويه غلط
خالد تنهد : ماعليه ، ع العموم انا طالع الحين ماقصرت
جاسم بضيق : حياك الله


بيت بو عبدالله :

ام عبدالله بضحكه: تو ما نور البييت
ريم : منور بـ اهله
ام عبدالله : يلا يمه روحي الحين ارتاحي انتي و ولدج
ريم : ان شاء الله خالتي
ام عبدالله : روح عبدالله معاها لا تخليها بروحها
عبدالله : ان شاء الله يمه ، يلا ريم حبيبتي
ام عبدالله : الله يدوم هالسعاده بينكم يا رب
ودخل خالد البيت و مبين عليه الضيقه و التعب
خالد : السلام عليكم
ام عبدالله : و عليكم السلام
خالد قرب من امه و باسها على راسها : شلونج يالغاليه ؟
ام عبدالله : بخير يمه ، منين ياي هالحزة ؟
خالد تعلثم شوي : كنت عند واحد من الربع عنده مشكله
ام عبدالله : امممم ،
خالد : عن اذنج يمه ، بروح غرفتي تبين شي ؟
ام عبدالله : اي ابي شي
خالد : خير يمه آمري ،
ام عبدالله : شكلك متضايق شصاير ؟
خالد بقلبه ( مشكله عيني تفضحني ) : لا مماكو شي ، بس قاعد افكر برفيجي و بمشكلته
ام عبدالله : الله يفرجها ان شاء الله
خالد تنهد : آمين ، الله يسمع منج ، يلا يمه انا رايح تبين شي ؟
ام عبدالله : سلامتك يمه
خالد : الله يسلمج

صعد خالد فوق و دخل الغرفه و الضيقه باينه عليه ، لقى اسراء قاعده ماسكه كتاب و مبين عليها انها مندمجه حيل ،

خالد : السلام عليكم
اسراء حست بدخلته بس ما حبت ترد عليه : --
خالد : ترا رد السلام واجب
شافته بنظره و لفت راسها
سمع خالد صوت مسج طلع من فونه و بحركه سريعه طلع فونه من جيبه و فتح المسج و قراه ، ابتسم و ضحك ضحكه خفيفه سمعتها اسراء ، طنشت ولا كأن سمعت شي ، ركزت انتباهها بكلام الكتاب و حاولت تتجاهل خالد و ضحكاته ، ماحست فيه يوم رن فونه و قام لمكان بعيد عن الغرفه الي قاعده فيها اسراء
خالد : هلا بعمري ، هلا بحياتي والله
شهد بحيا : هلا فيك قلبي ، شلونك حبيبي ؟
خالد : لوني مثل لونج
شهد ببسمه : دوم يا قلبي
....




و بغرفه اسراء:

اسراء: هذا وين راح ؟ قام من غير ما احس فيه ؟ ايي اكييد الحين عنده مكالمه على قولته مهمه ، ياربي انا ليش شكاكه جذي ، معقوله خالد يخوني او يكلم غيري ؟ لااا خالد يحبني و مستحيل يسوي هالشي و انا واثقه فييه ، اعوذ بالله منك يا ابليس ، انا الازم اغير طريقة تعاملي مع خالد و اصدق كل كلمه يقولها ،

صوت الفون ،
اسراء : هلاا والله دلال
دلال : هلا فييج ، شلونج ؟
اسراء : بخير الحمدلله ، انتي شلونج شخبارج ؟
دلال : انا بخير الحمدلله ، ها شتسوين ؟
اسراء : ماكو والله ، قاعده اقرا كتاب و بعد شوي ان شاء الله بروح عند امي
دلال : ايي سلمي عليها ،
اسراء : يوصل ان شاء الله
دلال: عندي لج خبرر حلو
اسراء : قوليلي فرحي قلبي
دلال : رفيجتج بتصير ام
اسراء بضحكه كبيرة : صججج ! حااامل دلووول
دلال: ايي حامل
اسراء : مبرووووووك حبيبتي ، الف الف مبروووك
دلال : الله يبارك فيج
سمعت صوت ياي عرفت انه خالد بيدخل الغرفه ،
اسراء : دلال حبيبتي اخليج الحين ، بعدين اكلمج
دلال : على راحتج
اسراء : مع السلامه
دلال : الله يسسلمج

دخل خالد الغرفه و شاف اسراء مزاجها متعدل و لا كأن صاير شي
خالد : من كنتي تكلمين ؟
اسراء : رفيجتي
خالد : انزين ، انا بطلع الحين تبين شي ؟
اسراء : سلامتك ، حتى انا بطلع الحين
خالد : وين ؟ ماقلتيلي ؟
اسراء : بروح عند امي
خالد : ايي ، خلاص روحي بس لا تتأخرين ، مابي ايي البيت ما القاج
اسراء : ان شاء الله حبيبي ، يلا بقوم البس


بيت بو عبدالعزيز :

اسماء و اسيل كانوا متيمعين عند امهم و عيالهم يلعبون مع بعض و الكل مستانس و فرحان ،
ام عبدالعزيز : ترا دوخوني عيالكم من الصراخ ، سكتوهم
اسيل بضحكه : يمه هذا لعبهم جذي ،
اسماء : نور محمد ، يمه روحي نزلوا السرداب تحت لعبوا
نور : انزين
اسماء : واي هالايام احس بألم في بطني
اسيل بضحكه : اخاف حامل
اسماء : لا لا تفاولين مو حامل ،
اسيل : هههه ، و ليش ما تبين تحملين ؟ بعدج صغيره و عيالج شويه
اسماء : لا بس الحمدلله ، 2 كافي
نزل عبدالعزيز من غرفته ،،
عبدالعزيز : السلام عليكم
الكل : و عليكم السلام
عبدالعزيز : شلونكم يا خواتي العزيزات
اسيل : بخير يا اخوي العزيز ، و انت شمسوي
عبدالعزيز : انا بريييء مو مسوي شي
اسماء : ويييه عاد وصل عزيز و بدت ملاقته
عبدالعزيز : الا اختكم الثالثه وينها ، ما تبين
اسيل : اي والله ما تبين ، خبري فيها من زمااان
ام عبدالعزيز : مرتني قبل جم يوم ، قالتلي بتشوفيني كل يوم عندج ، و ماشفت شي
و وصلت اسراء ،
ببتسامه و صوت حلو : السلام عليكم
عبدالعزيز : بللل عمرج طويييل
اسيل: هههه اسم الله عليها ،
اسراء و اهيا تبوس راس امها : قوة يمه شلونج ؟
ام عبدالعزيز فرحت : بخير الحمدلله ، الله يسلمج
اسراء : شلونج اسيل ؟ شلونج اسماء ؟
اسيل : تماام والله ، نسأل عنج
اسراء : انا بخيررر دام شفتكم
اسماء : شلونج شخبارج ، شـ الدنيا فيج ؟
اسراء : والله بخييرر ، الا يمه ؟ وين ابوي ما اشوفه معاكم ؟
ام عبدالعزيز : ابوج عنده شغل ، بخلص و يرجع البيت
اسراء : امممم ،
ام عبدالعزيز : ها شلونج مع خالد ؟ ليلحين ؟
هزت راسها يمين و يسار و ابتسمت : لا يمه ، الحمدلله كل شي تحسن
ام عبدالعزيز : الحمدلله



sweet memy​

 

[yooyoo]

كملي حبيبتي كملي عجيبه الروايه تينن

 

[sweet_memy]

البارت الرابع عشر :


بيت بو مشاري :


قرب محمد من غرفه لولوة و طق الباب
لولوة : منو ؟
محمد : محمد
لولوة : تفضل
محمد : شلون لولو ؟
لولوة : الحمدلله
محمد سكت شوي : لولوة انا بكلمج بموضوع
لولوة خير ؟
محمد : ان شاء الله خير ، .. فاطمه
لولوة : شفيها ؟
محمد : ابي اخطبها !
لولوة استغربت : شنو !
محمد : اي ، بخطبها .. شفيج مستغربه ؟
لولوة : لا بسس الي اعرفه انه اهيا الحين ما تفكر فيك و خلتك و مابينك و بينها شي ، صح ؟
محمد : احنا ابتعدنا عن بعض من عقب السالفه الي صارت ، بس انا احبها ، و اهيا تحبني و انا متاكد من هالشي ،
لولوة تنهدت : اي اهيا تحبك ، كنت اذكر هالشي ، بس ما تتوقع ان مشاعرها تغيرت عقب السالفه ؟
محمد : لولو يعني شنو ؟ لا تخرعيني ؟
لولوة : مادري ، بس ... احساس
محمد : انا كلمتها ، و قلتلها اني بخطبها
لولوة بلهفه : و شقالت ؟
محمد : قالتلي اذا تبيني قول لـ أهلي
لولوة : خلاص عيل ، روح و اخطبها
محمد : اي بسس انا خايف انها ما توافق
لولوة : لاا ليش ما توافق ، انت تحبها و اهيا تحبك و اكيد بتوافق
محمد تنهد : والله مادري
لولوة : توكل على الله ، واخطبها و ان شاء الله توافق
محمد : انزين ما تقدرين بطريقتج الخاصه تسحبين الكلام منها و تعرفين اذا اهيا ممكن توافق ولا لا ؟
لولوة : اممم بحاول ، بحاول عشانك
محمد : كفو اختي والله ،
لولوة : خلاص ، باجر لي شفتها بقولها ان شاء الله



بيت بو عبدالعزيز :


بوعبدالعزيز : وينج يا يبه ما تيين ما تزورينا ، ما اشوفج كللش
اسراء : اسفه يبه ، بتشوفني كل يوم ان شاء الله
اسيل : اقول اسراء ؟ ماسويتي سونار ؟ ماقالولج اذا بنت ولا ولد ؟
اسراء : امبلا سويت ، و قالولي ولد
عبدالعزيز : مبروووك ام عزيز
اسراء :\ منو ام عزيز ؟
عبدالعزيز : انتيي ، ولا ماتبين تسمين ولدج على اسمي
اسراء : ماني مينونه عشان اسمي ولدي على اسمك ، اخاف يكبر و يصير مثلك ملييق
عبدالعزيز : افااا الحين انا صرت مليق ، صج انج ..
اسراء : خالد يبي وليد ، و وليد يعني وليد
ام عبدالعزيز : مبرووك يمه ، يا فرحه خالد
اسراء : الله يبارك فيج ، ما شفتيه يوم درى طار من الفرح
اسماء : يالله عاد الحين شدي حيلج و افتري اشتري اغراض للياهل
اسراء : ايي ، طبعا ابيكم معاي
اسيل : ان شاء الله ،


و بالمطعم عند خالد و شهد ،

شهد : خالد تحبني ؟
خالد : شلون ما احبج يا بعد عمري انتي ، اكيد احبج
شهد : انزين شنو نهايه علاقتنا ؟ ما فكرت ؟ احنا صارلنا تقريبا شهر و احنا على هالحال ، كل يوم طلعات و اكلمك و تكلمني ، لي متى ؟
خالد فهم قصدها و حاول يغير الموضوع
ماحبت شهد اسلوبه و سكوته و تغييره للموضوع ، كانت تتمنى تسمع شي يفرحها ،
خالد : شهد يلا انا بروح الحين ،
شهد :وين حبيبي ؟ تو الناس ؟
خالد : الحين اكيد اسراء تنطرني ، يلا تصبحين على خير
شهد : اسراء بعدد ! يا خالد دامك تحبني شتبي فيها ؟ طلقها و افتك منها !!
خالد بعصبيه : و بعدين معاج انتي ؟؟ ماتنعطين ويه ! يلا مع السلامه
تكلم بنبرة عصبيه شوي و انفعال و خلاها و راح البيت
شهد : لا خالد مو من صجك ! ليلحينك تحبها ؟! يعني تطلع و تكلمني و تحبني و تحبها ! لا مايصير مايصيرر !!


بيت بو عبدالله :

اسراء : شفيه حبيبي تأخر؟ الساعه 11 الحين و اهوا ليلحين ما وصل ، اروح اقعد بالصاله انطر احسن من ما اقعد بروحي هني ،

و بالصاله : ،

اسراء : قوة خالتي
ام عبدالله : هلا اسراء هلا يمه
اسراء : شلونج ؟
ام عبدالله : الحمدلله ، انتي شلونج شخبارج ؟
اسراء : الحمدلله
ام عبدالله : وين خالد عنج ؟
اسراء بضيق : خالد طالع ، وانا قلت انزل انطره تحت احسن
ام عبدالله : ايي ،

ودش خالد ،

خالد : السسلام عليكم
الكل : و عليكم السلام
خالد : شلونج يمه
ام عبدالله : بخير
خالد : اسراء ؟ شـ منزلج تحت هالحزة ؟
اسراء و بكل براءة : انطرك
ام عبدالله حست ان في شي بين خالد و اسراء ، حبت تكلم خالد وماتبي اسراء تسمع ، لمحت لـ خالد و خالد فهمها ،
خالد : اسراء ، سويلي قهوة
اسراء : ان شاء الله ، تبين شي خالتي ؟
ام عبدالله : سلامتج يمه
لف خالد ويهه و شاف اسراء و تأكد انها راحت ، خالد : خير يمه ؟
ام عبدالله : خالد انتا مو حاس بشي ؟
خالد مافهم : مثل شنو ؟
ام عبدالله : مو حاس انك متغير على مرتك ؟
خالد : --
ام عبدالله : وين خالد الي يحب مرته و لاصق فيها 24 ساعه ولا يخليها بروحها ، وين خالد الي مايرضى يخلي زوجته تقعد مع احد غيره ، وين خالد الي 24 ساعه طالع مع زوجته ، وين خالد الي بكل وقت و كل دقيقه يسمعها كلام حلو .. وينه !
خالد : اووللله ! كل هذا فيني ؟
ام عبدالله : و اكثر ، يا خالد انا شايفه بعيون اسراء الحزن ، وشايفه انك متغير وايد ، شسالفتك ؟ صاير شي ؟ في احد مسويتلك شي ؟
خالد تنهد : يمه ماكو شي ،
ام عبدالله : اي ماكو شي! ، انت مو شايف حالتها شلون صايرة ؟ مو شايف اهمالك لها ؟ حتى الغدا ما تنزلون تاكلون مع بعض ، اسمعني يا خالد ، انت لازم تتغير ، تتغير و تصير خالد ولدي الي اعرفه ، و تغير طريقتك و تهتم بزوجتك
خالد تنهد : ان شاء الله يمه
اسراء : تفضل خالد
خذا خالد القهوة و رشف رشفتين و قام
خالد : يالله اسراء امشي ، تبين شي يمه؟
ام عبدالله : سلامتك
خالد : تصبحين على خير
ام عبدالله : و انتا من اهله يمه

و بغرفه خالد و اسراء ،

اسراء : شلونك خالد ؟
خالد و اهو يدخل غرفه الملابس : الحمدلله
اسراء : تأخرت حبيبي ،
خالد : اي خذتنا السوالف ، انتي متى ييتي ؟
اسراء : 9
خالد : اممم
و قعد يم اسراء بالفراش
تنهد حييل و غمض عينه و فتحها ، مسك بـايدين اسراء و حس بشعور حلو
خالد بقلبه : مقصر في حقج يا اسراء ، مقصرر ادري
اسراء استغرب منه: شفيك حبيبي ؟ سرحان بمنو
خالد : منو بكون غيرج يا حبيبتي انتي
ابتسمت ابتسامه حلوة و غمز لها خالد
خالد : يالله نامي الحين عشان باجر الصبح بنطلع
اسراء : من الصبح ؟
خالد :اي ، بنتريق برة و نشتري اغراض حق البيبي ، ولا نسيتي انج حامل ؟
اسراء : لا ما نسيت بسس تو الناس على الاغراض ؟
خالد : لا مو تو الناس ، انا بجهز غرفته من الحين
اسراء : ههه على راحتك حبيبي ، ان شاء الله
حست ان خالد يحبها ، و رجع خالد الاولي الي تعرفه ،
اسراء بقلبها : يتغير يتغير و يرجعلي حبيبي مثل ماكان ، احبك يا خالد


بيت بو عبدالعزيز :


عبدالعزيز: صبحك الله بالخير يبه
بوعبدالعزيز : صبحك الله بالنور
عبدالعزيز : عيل وين امي ؟
بوعبدالعزيز : بالمطبخ تسوي الريوق
عبدالعزيز : عمررررج طوييل يمممه
ام عبدالعزيز : ويي عزوز مالي خلق ملاقتك من الصبح ، بدال لا تقولي صبحج الله بالخير
عبدالعزيز : ماقلت شي يمه شفييج ، ها ولا تزعلين صبحج الله بالخيرر و هذي بوسه بعد شتبين ؟ جم ام عندي انا وحده و الله يخليها لي و يطولي بعمرها
ام عبدالعزيز : اي ماعلينا ، يلا تريق
عبدالعزيز : ان شاء الله يا احلى و اغلى و اجمل و اطيب و ( قاطعه بو عبدالعزيز)
بوعبدالعزيز : عزووز ! وبعدين معاك
حس عبدالعزيز انه مصخها : آسف يبه
بوعبدالعزيز : صاير ماصخ ماتنعطى ويه
عبدالعزيز بصوت واطي : ماصخ زيده ملح
ولانه قاعد قريب من ابو سمع بوعبدالعزيز
بوعبدالعزيز : قم قم ،ولا اشوفك قاعد معاي مرة ثانيه
عبدالعزيز و يحاول يكتم ضحكته : آسف يبه ، ( قام و باس راس ابوه )
بوعبدالعزيز : وخر مابي بوستك يالماصخ .. شفيه ولدج صاير مليق جذي ، هذا الي اقول عنه ريال و بصير دكتور طلع خرطي
ام عبدالعزيز : تدري فيه هذا طبعه من زمان
بوعبدالعزيز : الله يكمله بعقله و يهديه و يصير ريال



و بالمطعم عند اسراء و خالد ،

اسراء : تصدق يا خالد ؟ احس اني مرتاحه معاك
خالد : دوم يا رب تكونين مرتاحه
اسراء : من زمان ما طلعنا مع بعض
خالد بـ تردد : اسراء ، انا مقصر معاج وايد ، مو شويه ، في الايام الاخيرة واي اهملتج انا اسف حبيبتي ، و اوعدج ما
اعيدها مرة ثانيه
ابتسمت له و قالت في قلبها : اتمنى هالشي والله
خالد : اكلي تراج مو عاجبتني ، وايد ضاعفه المفروض تمتنين و تصيرين دبل قبل
اسراء : دبل :| حرام عليك تبيني اصير دبه ؟
خالد بضحكه عاليه شويه : كل ما متنتي حلويتي يا اسورتي ، يا الورد كله انتي
استحت و احمرت خدودها و ابتسمت
خالد تنهد و بضحك : يا حلاتج
استحت و حطت ايدها على بطنها ،
خالد : شفيج حبيبتي ؟
اسراء : احس الياهل قاعد يتحرك
خالد : اورييه هالمدلع هذا 24 ساعه لاصق فيج و يروح الجامعه معاج و ياكل و يشرب و قاعد مرتاح و يرفس وحاط ريل على ريله و يدخن زقاير
اسراء : ههههه ، لا حبيبي ولدي ماراح يدخن مثل بعض الناس
خالد : خلااص محنا مدخنين
اسراء : نشوف



بيت بو احمد :


شهد تهزز ريلها بقووة : وينه هذا اليوم ما دق علي ، يعني معقوله زعلان من امس ؟ بدق و اشوفه
خذت شهد فونها واتصلت على خالد
خالد سمع فونه و طلع فونه من جيبه و لقى رقم شهد و تغيرت تعابير ويهه
اسراء : شفيك خالد ؟
خالد : لا ولا شي
اسراء : ليش مارديت ؟
خالد : مابي اخرب قعدتنا الحلوة
اسراء بقلبها : اكيد يا خالد ماتبي تخرب قعدتنا ؟ ولا ماتبي ترد عليها جدامي ؟ تنهدت ، شفيني انا بسس خالد مايجذب و انا واثقه فيه
خالد : اسراء ؟ وين رحتي ؟
اسراء : معاك حبيبي
ابتسم خالد


شهد : و مارد بعد ، اي اكيد زعلان ، ولا السعلوة قاعده يمه و ماقدر يرد علي ، ياربي شسوي انا الحين
ورن فون شهد وردت بسرعه و بلهفه كبيرة من غير ما تشوف الرقم
شهد : الو ؟
سارة : قوة شهود
شهد بـاحباط : هلا سارة
سارة : شلونج
شهد : مو بخير ،
سارة : شفييج شهوود ؟ صاير شي ؟
شهد : اي ، في غيره هالخالد
سارة وليييه شمسوي بعد
شهد : مو راضي يرد علي
سارة : اي خليه بحاله
شهد : ياربي على هالبنت الي ما تفهم ، شنو اخليه بحاله ؟ عقب كل الي سويته و بنيته اخليه بحاله ؟ فهميني يا سارة خالد لازم يتزوجني ، و اليوم قبل باجر ، فهمتي ؟
سارة : الحمدلله و الشكر لك يارب ، و الحمدلله على نعمه العقل
شهد :روحي زين
سارة : يا شهد ، خلي الريال بحاله مستانس بحياته ليش تبين تغيرينه ؟
شهد : و حياتي يا سارة ! حياتي ماتحلى الا مع خالد
سارة : يعني ماكو بالبلد الا هالولد ؟
شهد : اي ماكو الا خالد و ابيه و بيتزوجني و بتشوفين
سارة تنهدت : انزين
شهد : خليني شوي افكر ، انا مضطرة اسكره الحين ، تبين شي ؟
سارة : سلامتج

شهد: شتسوين يا شهد شتسويين


و بالافينيوز :

اسراء : شرايك خالد منو احلى ؟ هالسرير ولا هالسرير ؟
خالد : اممم لا هذا احلى ( و يأشر الي على اليمين ) احسه اكبر
اسراء : اي صح ، خلاص عيل ناخذه
خالد : انزين خلصتي من الاثاث ؟ تعالي شوفي الملابس
اسراء : ان شاء الله ، يا حلاة هدوم البناات و اللون الوردي
خالد : ههه ، بس بيطلع ولد مو بنت ، الازرق احلى
اسراء : ازرق ازرق ، يالله اختار معاي
و طلعت اسراء وخالد المسكين شايل كل الاغراض بيدينه
خالد : عاد شيلي معاي جم جيس مو مخليتني شايل مليون جيس بروحي
اسراء : لا حبيبي انا حامل اخاف يصير في الياهل شي ، مو هذا كلامك ؟
خالد : اي هذا كلامي ، بس مافيها شي لو ساعدتيني شوي
اسراء : لا لا ماكو مساعده ، انا زين مني شايله ولدك ببطني
خالد : وليييه ، انزين اخذي المفتاح من المخبه و شغلي السيارة
اسراء : انزين يلا ( خذت المفتاح و شغلت الكايين و خالد المسكين ورا ينطر )
خالد : ان شاء الله تفتحين الدبه
اسراء : ويي نسيت ، ايي ان شاء الله حبيبي
خالد : انتي ماتصلحيين ، ماتقولين ريلي حبيبي شايل اغراض افتحله الدبه ، مو اخليه ينطررر
اسراء : خالد مادري نسييت
خالد : اييييه ماعلينا
اسراء :خالد بس ردني البيت ، مابي اروح مكان
خالد : ليش تو الناس ، بنتغدنا برة
اسراء : لا بس خالد احس انس تعبت و بطني يعورني
خالد : تبين اوديج المستشفى ؟
اسراء : لا ماله داعي ، بس ابي اروح ارتاح و انام
خالد : يلا عيل ، البيت



بكليه التربيه :


فاطمه : شفيها السيارة ما تشتغل ؟ ولييه مو وقته والله شسوي الحين ؟ .. ماكو الا خالد ادق عليه و يوديني البيت
ورن فون خالد ،
خالد بقلبه : هذي اكيد شهد ، ماني راد عليها
فاطمه : شفيه خالد ما يرررد علي ؟ خلاشوف اسراء
رن فون اسراء
اسراء : هلا فطووم
فاطمه : شلونج ؟
اسراء : الحمدلله بخير
فاطمه : اسور وين خالد ؟
لفت على خالد : خالد يمي ، خير بغيتيه ؟
فاطمه : اي ، سيارتي مادري شفيها مو راضيه تشتغل و انا بالجامعه قوليله يمرني ياخذني
اسراء : وييي ، اي ان شاء الله نمرج الحين
فاطمه : ايي تكفين بسرعه
اسراء : ان شاء الله

اسراء : خالد ، فاطمه تقول سيارتها اختربت و اهيا بالجامعه الحين روح اخذها
خالد : اختربت ؟ شلون ؟
اسراء : مادري ، يالله روح اخذها مسكينه قاعده بالشمس
خالد : اوكي ، بس خـ تقعد بالكفتيريا على ما اوصل



بكليه التربيه :

اذا بقعد برة بالحر بموت ، اقوم اقعد بالكفتيريا احسن

وبالكفتيريا :

قعدت فاطمه بروحها و طلعت فونها و قدت تقرا مسجاتها
لولوة : قوة فطووم
فاطمه : هلاا لولوو
لولوة : شلونج ؟
فاطمه : تمام ، أسألج عنج ؟
لولوة : بخيرر الحمدلله
لولوة بـ تردد : اقول فاطمه
فاطمه : هلا لولو ؟
لولوة : انتي تحبين محمد ؟
فاطمه انصدمت وماتدري شترد عليها : لولوة احنا ما خلصنا من هالسالفه ؟
لولوة : فاطمه جاوبيني ، تحبينه ولا لا
فاطمه : انا ما اكرهه ، ( تنهدت ) و انتي تدرين بهالشي
لولوة : وشنو كان هدفكم اول ما تعرفتوا على بعض ؟ و شنو نهايه علاقتكم ؟
فاطمه : لولوة ليش قاعده تسأليني ، انتي تعرفين كل شي !
لولوة : يا فاطمه محمد يحبج و يبي يخطبج !
فاطمه : يخطبني !!
لولوة : اي ، يخطبج ، فاطمه الي اعرفه انكم تحبون بعض من زمان صح؟
فاطمه غمضت عينها : اي
لولوة : يعني اذا خطبج بتوافقين ؟
فاطمه سكتت شوي : مادري يا لولوة
لولوة : شلون ماتدرين يا فاطمه ؟
فاطمه : مادري يا لولو خليني افكر
ورن فون فاطمه
فاطمه : هلا خالد
خالد : يلا انا وصلت
فاطمه : يلا الحين يايه
فاطمه : يلا لولوة ، اخليج الحين سيارتي خربانه و اخوي بوصلني
لولوة : اوكي ، مع السلامه



و بالسيارة :

خالد : فطووم ، شفيها سيارتج ؟
فاطمه : ...
خالد : فطوم ؟
فاطمه : هلا خالد ؟ كلمتني ؟
خالد : اي كلمتج ، شفيج ؟
فاطمه : ها ؟ لا مافيني شي ، شبغيت ؟
خالد : اقولج شفيها سيارتج ؟
فاطمه : مادري مو راضيه تشتغل



بيت بو عبدالعزيز ،

الكل متيمع ع الغدا ،
اسيل : السلام عليكم
ام عبدالعزيز مستغربه : وعليكم السلام
اسيل : شفييج يمه جنج مخترعه !
ام عبدالعزيز : اي والله يا بنيتي مخترعه ، استغربت من ييتج هالحزة
اسيل : فهد بالدوام و بيتأخر لي العصر قلت ايي اقعد عندج
ام عبدالعزيز : ايي ، حياج الله
اسيل : الله يحيييج يمه
عبدالعزيز : ييبي قطوتج عندي
اسيل : قطوة :\ بنتي الحين صارت قطوة ؟
عبدالعزيز : شوفيها عدل و بتقولين قطوة
اسيل : يا عزووز ملاقتك مالي خلقها الحين
بوعبدالعزيز : عزيز قوم لا بالعقال الحين على ظهرك
عبدالعزيز : عقال مرة وحده ، افاا يبا ما توقعتها منك
بوعبدالعزيز : بترفع ضغطي انتا ولا شنو ، اسكت شوي ابلع لسااانك !!
عبدالعزيز : خلاص يبه آسف آسف والله


وعقب الغدا :

اسيل : عزييز خلاص واي صاير ماتنبلع كلللش !
عبدالعزيز : اكل انا ما انبلع ؟ مو كافيج الاكل الي توج كليتيه تبين تاكليني انا بعد ؟
اسيل تتنهد : استغفر الله ياربي ، يماا دوريله مرة زوجيه يمكن يصير ريال
ام عبدالعزيز : وييه خليه حبيبي توة صغير شيبي بالزواج الحين ؟
عبدالعزيز و بضحكه و يحاول يتدلع : اي والله شبي بالزواج ، تو الناس . . آآخ يا يمه محد فاهمني بهالبيت غيرج عسى الله يخليج لي و يطولي بعمرج
اسيل تشوف اخوها و محترره منه
عبدالعزيز : اقول روحي شوفي قطوتج جنها قاعده تبجي
اسيل : بعد عمري والله جنويه ، اي قاعده تبجي شبعت نوم
عبدالعزيز : غير ياهل وبعد شبعت نوم تبجي بدال لا تضحك ، و الله يهال آخر زمن
أسيل : عزوووز بتسكت ولا شلووون ؟ ترا لوعت جبدي
عبدالعزيز : تصدقين ؟ انا بروح غرفتي وايد احسن
اسيل : اي والله وايد احسن ، تفكني و تفتك مني


بيت بوعبدالله :

الغرفه فاضيه ومافيها غير خالد الي قاعد و يفكر

خالد بقلبه : يوم واحد ماكلمتها حسيت اني مخنوق ، ما اقدر على فراقج ياشهد ما اقدرر ، شسويتي فيني !
اسراء : حبيبي
خالد : هلا حبيبتي ؟
اسراء : سرحان ؟
خالد : لا بس افكر شوي
اسراء : تفكر بشنو ؟
خالد : الشغل
اسراء : ويه يا خالد العمر يخلص و الشغل ما يخلص ، لا تفكر ولا تشغل بالك
خالد بقلبه : شلون ما افكر ولا اشغل بالي ، انا هني قاعد أتعذب بالبطيء
اسراء : خالد اكلمك ؟ ليش ماترد ؟
خالد : ها ! ، هلا حبيبتي شقلتي ؟
تنرفزت شوي : مبين انك سرحان ، اخليك !
خالد : شسويتي فيني يا شهد ، انا ماراح ارتاح الا اذا تزوجتها !


خالد : انا بطلع الحين تبين شي ؟
اسراء : وين ؟
خالد : الدوانيه
اسراء : سلامتك ، بس لا تتأخر
خالد : ان شاء الله حبي ، فمان الله
تنهدت : مع السلامه ... ، ايييه يا خالد ، مادري بشنو تفكر و مادري شنو الي قاعد يدور ببالك ، الله يصبرني بسس

و بالداونيه :

خالد : اقول جسوم
جاسم : هلا
خالد : باخذ رايك بموضوع
جاسم : تفضل ، قوول ، غرررد
خالد : انا قررت اتزوج
ومن الصدمه وقف جاسم من بعد ماكان قاعد و مرتاح :شتقوول ! بتتزوج !!
خالد : اي ، بتزوج شفيها ؟
جاسم : شفيها !!! قول شنو مافيها ، يا خالد انت ينيت ولا استخفيت ؟
خالد : ليش شمسوي انا شي حرام ؟ ببوق ولا بذبح ؟
جاسم : اي بتذبح و تخرب حياتك بـ ايديك
خالد : خلاص خلاص مابي رايك
جاسم : اسمعني يا خالد ، اذا تزوجت تحمل مشاكلك بروحك ، تحمل الي بييك
خالد : شبصير يعني ؟ انا بتزوج بالسرر و محد بعرف الا انا و انت
جاسم : و مافكرت بزوجتك ؟ مافكرت اذا عرفت شبصير لها ؟
خالد : شبصير يعني ؟ و شلون بتعرف اصلا !!
جاسم : يا خالد الكويت صغيره و الخبر ينتشر بسرعه
خالد : ماراح تعرف ولا تخاف كل شي بكون بالسرر و انا قررت و الي براسي اسويه
جاسم تنهد : عنيد و راسك يابس ، سوها و شوف تاليتها


بيت بو احمد :

شهد : وينه هذا مايحس ما يوله علي ، شسوي بعمري انا ، انا هني ميته و اهوة ولا ع البال ، لا يرد على مسجات و لا مكالمات
تنهد حييل ، و رن فونها ، المتصل [ الحب ] ..

شهد انصدمت : الو
خالد : هلا بهالصوت والله
شهد ماصدقت الي سمعته : انتا خالد !!؟
خالد : هه ، اي انا خالد من بكون يعني ؟
شهد شوي و تبجي : وينك حبيبي يوم كامل ما تتصل وماترد وينك ؟
خالد : مشغول يا حياتي
شهد : مابي شي يشغللك عني
خالد : ان شااء الله ماراح يشغلني شي عنج يا حياتي انتي
شهد : ولهت علييك واااايد
خالد : انا اكثر يا حياتي، بلاج ماتدرين بالحاله الي يتني يوم فقدتج و بالوحده و الخنقه و ضيقه الخلق ، الدنيا بدونج ماتسوى شي ، احبج شهودة احبج
شهد ماتت من الحيا : هالكلام من قلبك ؟
خالد : لا من حلجي ، اي من قلبي
شهد : هههه ، حلوة منك
خالد متردد شوي :شهد انا .. (سكت لمده ثواني ) انا بخطبج !!
شهد الي ماتت من الصدمه : !!! شششششنو! شقلت ؟
خالد : انا .. بخطبج
شهد حست ان الحلم بصير صج : خالد انت تتكلم جد ؟! ولا قاعد تلعب باعصابي
خالد : و ليش العب باعصابج ؟ اعصابج لعبه الله يهداج ؟ اكيد اتكلم جد
شهد : ماتدري يا خالد من متى و انا انطر هالكلام يطلع منك
خالد : يعني انتي موافقه ؟
شهد : و شلون ما اوافق يابعد عمرري .. طوط طوط طوط
شهد : ويييع يلعن ابو الفوون ، خلصت بطاريته و خررب علي وناستي

خالد : شفيها سكرته بويهي ؟ هههه من الفرحه يمكن
و دز خالد حق شهد مسج : [ يمكن من الوناسه سكرتيه ، يلا حبيبتي تصبحين على خير .. احبج ]

علي : يلا خلوود طاح العشا ، بسك مسجات و مغازل
خالد : هههه ، يالله ياي ياي


بيت بو عبدالله :

عبدالله : وين ناصر نايم ؟
ريم : اي نايم ، توة رضع و نام
عبدالله : و يسافي وينه ؟
ريم : نايم بعد
عبدالله : بروح اشوفه و ايي ، ( راح عبدالله عند يوسف و شافه و غطاه عدل و مسح على شعره و طلع بهدوء )

ريم : ها شفته ؟
عبدالله : اي ، نايم مبجر اليوم ، توها 10
ريم : بعد عمري تعب من اللعب ، و مجابل اخوه
عبدالله : عسى ، ان شاء الله دوم ، اقول ريم ؟ تعشيتي ؟
ريم : لا مو مشتهيه
عبدالله : انا بنزل اتعشى
ريم : اوكي


بالدوانيه :

خالد : يلا شباب اكرمكم الله ، تبون شي انا ماشي
الكل : سلامتك


بيت بو عبدالله :


اسراء : باجر عندي محاضرة مبجر ، مادري انام و لا انطر خالد ، خل انام احسن خالد شكله مطول بالدوانيه و ماراح ايي هالحزة


و بالصاله :

خالد : السلام عليكم
الكل : و عليكم السلام
ام عبدالله : خالد متعشي ؟
خالد : اي يمه الحمدلله
ام عبدالله : اي بالعافيه
خالد : الله يعافيج ، يمه اسراء ما نزلت ؟
ام عبدالله : لا مانزلت
خالد : امم ، يلا عيل ، تصبحون على خير


و بالشقه :

خالد دش الشقه شاف كل الليتات مسكره و الهدوء طاغي ع المكان
خالد : اكيد نايمه
مشى بهدوء ليما وصل للغرفه و دش بهدوء
حست اسراء بخالد معنه حركته كانت خفيفه حيل
و فتحت الابجورة
خالد : قاعده ؟
اسراء : اي ، توني بنام جان تيي
خالد : اممم ، تعشيتي ؟
اسراء : لا
خالد : ليش ؟
اسراء : مالي نفس اكل شي
خالد : الدكتور شقايل ؟
اسراء : والله مالي نفس شي
خالد : كيفج ،
اسراء : يلا خالد انا بنام ، تصبح على خير
خالد : و انتي من اهله




و الصبح في الدوام


جاسم : خالد ، ليلحينك مصمم على الزواج ؟
خالد : اي ، و اليوم ان شاء الله بخطبها
جاسم يهز راسه يمين و يسار و يتنهد بقوة : والله مادري شقولك يا خالد
خالد : لاتقولي شي ، بس قول كلمه مبروك
جاسم : ---




بيت بو احمد :

شهد : مماني مصدقه ماني مصدقه ! خالد بخطبني
سمعت صوت الباب
شهد : تفضل
احمد : قوة
شهد : يا هلا والله بأخوي الغالي
احمد : من وين نازل عليج الكلام الحلو ؟ و شهالمزاج العالي ؟
شهد : و شلون ما تبي يكون مزاجي عالي و خالد بخطبني
احمد الي منصدم : شششنو ؟! بخطبج ؟
شهد بحياا : ايي
احمد : والله و قدرتي تسوينها يا شهود
شهد : افاا عليك ، قلتلك انا شهد و اييبه يعني اييبه و بصير لي
احمد : مبروووك شهوود منه المال و منج العيال




بيت بو عبدالله ع الغدا :

خالد : الحمدلله
اسراء : الحمدلله ، تسسلم إيدج خالتي
ام عبدالله : الله يسلمج ، بالعافيه
اسراء : الله يعافيج
خالد : اسراء تعالي معاي فوق
اسراء : ان شاء الله خالد

مسك خالد بـ ايد اسراء و راح معاها فوق
قعد معاهاع السرير
خالد : اسراء
اسراء : هلا حبيبي ؟
خالد متردد تحبيني ؟
اسراء : شهالسؤال خالد ؟ اكيد احبك ، مو انتا ريلي و ابو عيالي ان شاء الله ؟
خالد يبلع ريجه : ان شاء الله ، اسراء ، اذا سويت شي مايعجبج او يجرحج بتسامحيني ؟
اسراء : خالد ! شهالكلام الي تقوله ؟ خالد انتا مسوي شي غلط ؟
خالد خايف و حاس بـ الذنب : لااا بسسس .. أسأل يعني ، ابي اعرف شكثر تحبيني
اسراء الي كانت حاسه بشي ثاني تماما : يا خالد انتا ريلي و مستحيل اكرهك ، انا احبك و تأكد من هالشي ، حبك بقلبي مزروع ولا راح يذبل مهما كان
خالد بقلبه : والله انج كاسرة خاطري ، بس شسوي ( تنهد حييل )
اسراء : خالد شفيك ؟ ترا صاير مو طبيعي ؟
خالد : سلامتج حبيبتي ، ماكو شي
اسراء بقلبها : مادري ليش يا خالد احسس انك مسوي شي و تبيني اسامحك




بيت بو مشاري :


محمد : ها لولو ؟ سألتيها ؟
لولوة : اي سألتها
محمد بلهفه : وشقالت ؟
لولوة : قالت خليني افكر
محمد : تفكر ! تفكر بشنو؟!
لولوة : يا محمد هذا زواج مو لعبه ، شي طبيعي انها تفكر
محمد : اي بسسس اهيا تحبني ومن زمان احنا مقررين نتزوج
لولوة : والله مادري يا محمد ، عطها مهله تفكر ، و اكليد بعدين تقولي اذا موافقه ولا لا
محمد تنهد : يارب توافق
لولوة بضحكه : تحبها ؟
محمد : اموت على التراب الي تمشي عليه
لولوة : ياعيني ع الحب




sweet memy​

 

[بيـــشو17]

up

up

upنبي بااااارت ويسلمووو

 

[~RouNa~]

خاااااااااااااااااااااالد

@@

من صجه !!!

ويع ماحبه !

ناطرينج ميمي

 

[MeeMeeYoo_2]

واااي شهد اكررررررررررررهج


يعطيج العافيه