روآيتي الأولى : [ و يبقى خـــآلد ] بقلمي sweet memy

[dlo3t^baba]

حسبي الله عليكم خلوووووهم بحالهم
شنو لا يرحمون ولا يخلون رحمه الله تنزل
thaaaaaaanx alot ^_^

 

[zizo0ou]

وعععع احمد و شهد صج يقثووون
يسلمو على البارت و ناطرين الياي
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه

 

[كاسبرينوو]

يعطيج العافيه
وييييع احمد وشهد ما يخلون احد مرتاح قطيييعه
انشالله ما يقدرون يخربون على خالد واسراء
ناطرينج حبيبتي

 

[sweet.sanfoora]

خلي شهد و أحمد يموتون !! بلز @@ حادث سيارة تصير القصة بيرفكت صدقيني

 

[Q8SeaGull]

يعطيج العافية

شهد شتبي خلاص الرياال ما يبييج خلييه بحااله غصب يحبج :\

ناطرين البارت الياي

 

[sweet_memy]

البارت التاسع :


جاسم : خالد شفيك ؟ منو هذي ؟
خالد حاول يتمالك نفسه : مادري
استغرب جاسم ، تضايق خالد و عصب و طلع من جيبه زقاره و بدا يدخن ،
جاسم : خالد و بعدين ، لي متى يعني ؟ كل ماتضايقت بديت تدخن !
خالد : قولي يا جاسم شسوي !
جاسم : بس عاد قطها و استغفر ربك
خالد غمض عيونه و فتحها بالبطيء ، وطفى الزقاره وحط فونه سايلنت و كمل شغله ،



عند شهد :

شهد : ليش يا خالد تسوي فيني جذي ليش ! حرام عليك والله ، لكن الظاهر الطيب ما ينفع وياك ! نهايه حياتك على ايدي !

كليه الهندسه :

اسراء: ياربي شيبي هذا لاحقني و يشوفني بنظرات غريبه !
دلال : شفيج اسور ؟
اسراء : لا ماكو شي
دلال : لا في شي ، قولي شدعوه عاد ، ترا اسرارج كلها عندي
تنهدت اسراء: ماكو شي صدقيني ، دقيقه بكلم خالد
دلال : اوكي
طلعت اسراء فونها من جنطتها و اتصلت على خالد ( رنه – رنتين – 3 – 4 .... المشترك لا يرد ! )
اسراء : مايرد ! شفيه حبيبي مايرد علي ؟
دلال : يمكن مشغول ؟
اسراء : يمكن ،
دلال :انزين .. يلا اخليج ، الحين عندي محاضره
اسراء : اوكي ، انا شكلي برجع البيت و بكشت بالمحاضره الي بعد ساعتين ونص
دلال : ههه ، كيفج
اسراء : والله شكلي بسويها و بروح اكمل نومتي
دلال : روحي كملي نومتج و بعدين تعالي
اسراء : ههه ، لا ان نمت ماراح ارد مره ثانيه ، يلا روحي محاضرتج و انا برجع البيت



و بالدوام عند خالد :

خالد : اخيرا خلصت شغلي
جاسم : ههه
خالد : بشوف حبيبتي ، تصدق اشتقت لها ؟ بكلمها يمكن ارتاح شوي
جاسم : ياعيني ع الحب
ابتسم خالد ابتسامه صغيره ، و طلع فونه من جيبه ،
خالد : 1 missed call [ حبيبه قلبي ] ، بعد عمري دقت علي و كنت حاطه سايلنت ، يلا بدق عليها ،

و بالسياره عند اسراء ،
صوت راشد الماجد [ الحب خالد و حبي خالد و باقي للي احبه ... ]
اسراء : اوه خالد ! ، الو
خالد : هلا بحياتي ، هلا بقلبي ،
اسراء بحيا : هلا فيك حبيبي
خالد : حياتي مارديت عليج فوني كان سايلنت
اسراء : امم ، خرعتني قلت اخاف صار فيك شي اسم الله عليك
خالد : بعد عمري والله ، شبغيتي ؟
اسراء : ها ؟ لا بس .. كنت بسمع صوتك
خالد : فديتج والله ، حبي وينج ؟
اسراء : راده البيت
خالد : خلصتي محاضراتج !!
اسراء: لا ماخلصت ، بس بكشت بوحده
خالد : نعم ؟ ردي ردي
اسراء : خالد مالي خلق انطر ساعتين و نص برجع البيت بنام
خالد : روحي اي مكان و لما تبدي المحاضره ردي
اسراء : خالد مالي خلق ، كفايه اني قاعده من الصبح و رايحه و الدكتور مو ياي
خالد : اي لازم هالدكاتره ، انزين ، ماتكشتين بالمحاضره وتروحين اوكي ؟
تنهدت اسراء : ان شاء الله
خالد : شفيج ؟
اسراء: ولا شي
خالد : انزين ، يلا اخليج
اسراء: اوكي


جاسم : شفييه روميوو يا عيني علييك ، طلعت رومانسي والله
خالد : تعلم تعلم
جاسم : لا يبه خلني بعيد عن الرومانسيه
خالد : مو كفوو انتاا


اسراء : بالله الحين وين اروح ؟ كله مني ليش اقول حق خالد اني بروح البيت ؟ ماكو الا اروح حق امي ، بعد عمري فاقدتها والله ،،
و عقب 10 دقايق وصلت ،
دخلت اسراء البيت لقته هدوووء ماكو صوت ، قربت من المطبخ سمعت صوت امها ،
اسراء: قوه يمه
ام عبدالعزيز : اسور !
اسراء: شلونج يمه ؟
ام عبدالعزيز : الحمدلله بخير ، من وين طلعتي ؟
اسراء: عندي بريك و فاضيه ماعندي شغل قلت اروح البيت انام ، دقيت على خالد قلتله بروح البيت و بكشت بالمحاضره جان يقولي لاا ماتكشتين روحي اي مكان بعدين ردي ، قلت ايي عندج
ام عبدالعزيز : وليش مداومه عيل دام مالج خلق تحضرين ؟
اسراء : يمه مليت
ام عبدالعزيز : دلع بناات ، شلونج مع خالد ؟
اسراء: الحمدلله بخير
ام عبدالعزيز : الله يتمم عليكم ان شاء الله
اسراء : امييين
ام عبدالعزيز : دام انج فاضيه تعالي وياي المطبخ ساعديني
اسراء : يمه ما اعرف اسوي شي
ام عبدالعزيز : انا بفهم انتي شتسوين الغدا كل يوم حق خالد ؟
اسراء : الله يخلي خالتي ، ماتخليني ادش المطبخ اهيا الي تطبخ
ام عبدالعزيز : تعالي تعلمي
اسراء : ان شاء الله يمه ، شطابخه اليوم ؟
ام عبدالعزيز : مطبق زبيدي
اسراء: و تبيني ادش المطبخ ؟ يمه انا وراي محاضره مابي اروح ريحتي طباخ و زفر
ام عبدالعزيز : هههه ، عيل طلعي
اسراء: اي بطلع شدخلني وياج المطبخ حق الزفر

صوت فون اسراء [ الحب خالد و حبي خالد و باقي للي احبه .. ]
اسراء: هلا خالد
خالد : هلا ، وينج ؟
اسراء: عند امي
خالد : امم ، و بعدين وين بتروحين ؟
اسراء: الجامعه
خالد : عفيه ،
اسراء بدلع شوي وتسوي روحها زعلانه : مو ياهل انا تقولي جذي
خالد : لان مصلحتج تهمني
اسراء :صج ؟
خالد : لا اتغشمر معاج تصدقين ؟
اسراء : ههه ، لا اصدق
خالد : يلا لا تتاخرين اوك ؟
اسراء : اوك


عند شهد :

شسوي يا ربي شسوي ، لازم يحس فيني و يتحرك ، ماكو الا ساره ، اهيا الوحيده الي تقدر تساعدني ، رفعت السماعه و اتصلت على ساره
شهد : قوه سارون
ساره : هلا شهود
شهد : ساروون طلبتج ، تعالي بيتنا الحين ، ابيج ضروووري
ساره : خير شصاير بعد ؟
شهد : تعالي و بتعرفين
ساره : امم اوكي اوكي ، مسافه الطريج و اكون عندج ،

وعقب ربع ساعه وصلت ساره ، و قالت لها شهد كل شي
شهد : ها ، شتنصحيني اسوي ؟
ساره : اممم والله مادري ، يا شهد والله انا اقول خليه يرتاح بحياته ، و انسيه ، لان مهما تسوين ماراح يكون لج !
عصبت شهد : ساره !! انا يايبتج تساعديني تقوليلي خليه ؟ طبعا لا ! مستحيل اخليه
ساره : مادري يا شهد مادري
سكتت شهد و عقب سكوت دام 5 دقايق ابتسمت ابتسامه خبيثه : ماكو الا حل واحد !
ساره حست ان شهد ناويه على شر : شنو ؟
شهد : خالد ماراح يفيده الا السحر !
ساره انصدمت : استغفر الله ! ماتوقعتها منج والله !
شهد و الدمعه نزلت من عينها : شسوي يا ساره ، حسي فيني ، حرام عليه انا احبه و اهو يخليني ،
ساره : خلاص شهد فمهي عاد ، اهوا تزوج وخلاج يعني ما يبيج ، و لو شتسوين ماراح يكون لج ، خصوصا انه يحب زوجته وايد
شهد : السحر يخليه يكرهها وايد ،
ساره : حرام عليج تهدمين حياته
شهد : و حرام عليه خليني و يتزوج غيري
ساره : اوووه شهد كيفج ، الي بتسوينه سويه انا مالي شغل ، بس حطي في بالج ، تحملي الي بييج بعدين !
خافت شهد شوي و لكن ما ترددت و عجبتها الفكره ،،


بيت بو عبدالعزيز :

اسراء : يلا يمه لازم اروح الحين
ام عبدالعزيز : يلا يمه روحي لا تتأخرين ، و مرينا مو تقاطعين
اسراء: ان شاء الله يمه ، يلا مع السلامه
ام عبدالعزيز : الله يسلمج ، حافظج اللله يا بنيتي ،


الساعه 1ونص في بيت بو عبدالله :

خالد الي كان توه واصل البيت ، راح شقته و دخل الغرفه غير ملابسه و انسدح ع الفراش ، ودشت اسراء ،
اسراء: السلام عليكم
فز خالد : و عليكم السلام
اسراء: ياي قبلي اليوم
خالد : اي ، رحتي الجامعه ولا لا ؟
اسراء : اي رحت
خالد : اوكي يلا غيري ملابسج ترا ميت من اليوع
اسراء: ان شاء الله دقايق ،
غيرت اسراء ملابسها و نزلت تحت مع خالد حق الغدا ، وعقب الغدا ،،

خالد : يلا امشي القفص الذهبي
اسراء استغربت : ان شاء الله
فاطمه : خالد خلها بسولف معاها شوي
خالد : سوري ، ابيها
فاطمه : خلوود بلييييز
خالد رفع حاجب واحد : منو خلوود ؟
فاطمه : وي سوري سوري ، خالد
خالد : عبالي بعد ،
ابتسمت اسراء ابتسامه صغيره و قالت : خالد حبيبي خلني شوي معاها بعدين اروح فوق
خالد : لا حبي انا ابيج ، من الصبح و انا انطرج و الحين تاخذج فطوم بارده مبرده ؟
اسراء : خلودي حبيبي بس اليوم
خالد : آآخ يا قلبي ،، انزين حبي 10 دقايق بس ، (و صعد خالد فوق )
فاطمه : الله يعينج على خالد
اسراء ابتسمت
فاطمه : مامليتي من خالد ؟ مجابلته 24 ساعه ، ؟
اسراء: ماكو احد يمل من حبيبه
فاطمه : هههه
وبعد سوالف دامت ثلث ساعه ، رن فون اسراء [ الحب خالد و حبي خالد وباقي .. ]
اسراء : شوفي دق تأخرت
فاطمه ضحكت ضحكه عاليه شوي : امبيييه خالد مو طبيعي ، روحي لا يسوي فيج شي
اسراء : يلا خليني اروح لا يسويلي سالفه

و بسرعه صعدت اسراء فوق ودشت الغرفه

خالد : انا قلت 10 دقايق صح ؟
اسراء : صح
خالد : شلون صاروا ثلث ساعه ؟
اسراء: خالد حبيبي خذتنا السوالف و طولت شوي ، عادي مافيها شي
خالد : اخر مره
اسراء: ان شاء الله حبيبي ،
قعدت اسراء ع الكرسي و قعد خالد يمها ،
اسراء: خالد ؟
خالد : آمري
اسراء: شرايك بشعري ؟
خالد : واايد حلوو
اسراء: مايضايقك اذا قلتلك بقصه ؟
خالد : ياويييلج ان قصيتيه
اسراء : لييش خالد ؟
خالد : عاجبني شعرج روعه ، وانا ما احب الشعر القصير
اسراء: خالد تغيير مليت منه
خالد : اي بس انا ما مليت
تنهدت اسراء،
تنهد خالد : انا اقول القعده مع فطوم تخرب
اسراء: حرام عليك والله مالها شغل
خالد : انزين انزين ، انا تعبان ابي انام
اسراء: سلامتك ، نوم العوافي


في بيت شهد :

شهد كانت قاعده بالصاله تشوف التلفزيون و حاسه بالملل ، و بالها مشغول بالتفكير ، مر احمد على الصاله و نادته ،
شهد : احمد !
احمد : هلا ؟
شهد : تعال شوي
احمد : خير ؟
شهد : انا قررت شي و ابي اخذ رايك
احمد : لاتقوليلي السالفه فيها خالد ؟
شهد : و اكو سالفه غيره ؟
تنهد احمد : قلتلج تبيني اذبحه حقج قلتي لا
شهد : اسم الله عليه ، شوف احمد ، انا قررت اسويله سحر ، اخليه يحبني و يهتم فيني
عجبت احمد الفكره : حلووو ،
تشجعت شهد و ضحكت : شرايك ؟
احمد : عجيبه فكرتج
شهد : انزين ماتعرف احد يسوي سحر ؟
احمد : اممم ، لا ما اعرف ، بس بسأل
ابتسمت و تطمنت شهد ،،


و بـ الليل في بيت بو عبدالله :


خالد كان يتكلم بـ الفون مع جاسم و اسراء ماسكه كتاب و تقرا ، فجأه حست بـ ألم في بطنها ،
غمضت عينها و حطت ايدها على بطنها ، شافها خالد و لمح لها ( يعني شفيج ) لمحتله و قالتله ولا شي ، و تحملت الالم ،، و لما خلص خالد من الفون ،
خالد : شفيج ؟
اسراء: مافيني شي
خالد : اكيد ؟
اسراء: اي اكيد حبيبي ،


و الصبح في بيت بو عبدالله :

قعد خالد من النوم قبل اسراء و حب يصحيها ، و بحركه خفيفه حط ايده على جتفها،
خالد : يلا اسور قومي
اسراء بصوت واطي حيل و نعسان : خلني خالد بعدين
خالد : شنو بعدين يلا عشان لا تتأخرين
اسراء تنهدت : انزين


بكليه التربيه :

مشت فاطمه بخطوات بطيئه شوي ، لفت ويهها يمين لقت لولوه ، رفيجتها الي تخلت عنها من يوم صارت لها سالفه مع اخوها محمد ،

لولوه : شلونج فاطمه ؟
فاطمه : الحمدلله بخير
لولوه : شدعوه فطوم ؟ كل هذا عشان سالفه ؟
فاطمه : الي صار مو شويه ، و ماتدرين شصار فيني يومها
لولوه : انزين انا مالي ذنب ! ليش تصدين عني و ماتبين تكلميني ؟
سكتت فاطمه شوي و بعدين شافت لولوه و لمتها حيييل
فاطمه : انا اسفه
لولوه ابتسمت : عادي حبيبتي ، ماصار شي ،،
لولوه تشجعت و قالت : فاطمه ، ترا محمد يحبج ، و يسال عنج وايد
فاطمه : خلاص يا لولوه ، قوليله علاقتنا انتهت و الي سويته اهو الصح
لولوه تنهدت : على راحتج ،،


بكليه الهندسه :

اسراء :دلال امشي الكفتيريا
دلال : ليش مو عندج محاضره ؟
اسراء حست بألم شوي و عفست ويهها ، لاحظت دلال التغير المفاجأ الي صار بـ اسراء،
دلال : شفيج اسراء؟
اسراء: لا ماكو شي ، لاتخافين
دلال : شلون ما اخاف ، ويهج اعتفس مره وحده ،
اسراء: لا ماكو شي ،
دلال : اكيد ماكو شي ؟
اسراء حاولت تتحمل الالم : اي ماكو شي لاتخافين ، انزين اخليج الحين ، عندي محاضره ،
دلال : اوكي ،،
و مشت اسراء و كانت متحمله الالم الي بـ بطنها ، حست باللوعه و التعب و دشت المحاضره و تحملت قرقه الدكتور و طلعت من غير ما تستفيد شي ، ورجعت البيت لقت سياره خالد موجوده ، ارتاحت و دخلت داخل ، و على طول راحت غرفتها ،،

اسراء و التعب باين عليها: السلام عليكم
خالد عقد حواجبه : و عليكم السلام ، شفيج حبيبتي ؟
اسراء: حسيت اني تعبانه و رديت
خالد : شفيج حياتي ؟ تعبانه من شنو ؟
اسراء : مادري خالد ، حسيت بتعب و لوعه و الم في بطني ، قلت ارجع انام
خالد : قومي المستشفى
اسراء بخوف : لا لا ماله داعي المستشفى ، كله الم خفيف
خالد : قومي المستشفى
اسراء: خالد صدقني ماكو شي
خالد: لاتعاندين و قومي
تنهد ت اسراء و سمعت الكلام : ان شاء الله ،


و عند الدكتور :

على كلامك يا استاز خالد ضروري نعمل لها تحليل دم ، و اول ما سمعت اسراء كلمه تحليل دم حست بـ قشعريره و انتفض جسمها كله ،
خالد : ان شاء الله ، بتسوي تحليل
اسراء بصوت واطي ما يسمعه الدكتور : خالد انت شقاعد تقول ، ماراح اسوي التحليل
خالد رد عليها بصوت واطي : لازم تسوين تحليل علشان اتطمن عليج
اسراء بخوف : انا اخاف من التحليل
خالد : ياربي حتى من التحليل تخافين ؟ يلا قومي بسرعه
اسراء : انزين خالد ، تعال معاي
خالد : و من قال اني بخليج بروحج ، اكيد بيي معاج يا قلبي انتي ، يلا حبي عشان اتطمن عليج ،،
راحت اسراء و بخوف كبييير و خالد كان ماسكها ، و يخفف من الخوف الي فيها ، و سوت التحليل و كانت حييل خايفه و مغمضه عيونها ، و حست بدوره و دوخه من عمليه سحب الدم،
الدكتور : اصبري شويه ، وتطلع نتيجه التحليل
خالد : نصبر يلا
اسراء كانت قاعده يم خالد و حست بدوخه اكثر و ويهها بدا ينقلب لـ اللون الاصفر ،
خالد كان قاعد على نار ينطر نتيجه التحليل ، و عقب ربع ساعه ،،
الدكتور : مبروك ، المدام حامل ،
خالد بفرح : حامل !!
الدكتور : ايوه حامل
خالد استانس حييييييييييييييل و ابتسم ابتسامه عريضه ،
خالد : مبروك حبيبتي ، انتي حامل !
اسراء بتعب : الله يبارك فيك
خالد : يلا عااد ضحكي ، و استانسي مثل ما انا مستانس
ابتسمت اسراء ابتسامه صغيره ،

و بالسيااره :

خالد بفرح كبييييرررو بـ ابتسامه عريضه : طاااااير من الفرحه طااير ، قلبي على نااار ناااطر ..
اسراء: خالد ؟
خالد : عيون خالد ، قلب خالد ، آمري حبيبتي
اسراء بحيا : انت مستانس عشان انا حامل ؟
خالد : الا مستانس و طاير من الفرحه بعد
اسراء: دوم ان شاء الله
اسراء : خالد حبيبي ؟
خالد : عيونه
اسراء: تتمنى الي بـ بطني يكون بنت ولا ولد ؟
خالد : انا ما اعترض على حكمه رب العالمين بس اتمنى ولد
اسراء : عيل ان شاء الله يكون ولد
خالد : آمييييين ، شوفي حبيبتي ، من اليوم مابيج تعبين نفسج ، ولا تسوين شي يتعبج ، صعده بالدري ماكو ، الاصنصير تحت امرج ، اي شي تبينه قوليلي و انا حاضر ،
اسراء : يا بعد عمري والله ، ان شاء الله قلبي ،


بيت بو عبدالله :

دخل خالد و كان ماسك ايد اسراء و الفرحه باينه عليه ، و شاف امه جدامه ،

خالد : يمه يمه باركيلي
ام عبدالله : الف مبرووك ، بس على شنو ؟
خالد : يمه اسراء حامل !!
ام عبدالله : مبرووووك يمه مبرووووك ، مبروك اسراء
ابتسمت اسراء و نزلت راسها من الحيا : الله يبارك فيج خالتي
ام عبدالله : البيت بينترس يهال ، ريم حامل و انتي حامل ، بتفرحوني الله يفرحكم
ابتسم خالد و خذا اسراء و راحوا فوق ،


خالد : شوي شوي على راحتج ،
اسراء: شدعوه خالد ترا توني حامل
خالد : مابيج تتعبين يا بعد عمري انتي



بيت شهد :

دش احمد البيت و كان مستانس و صرخ بـ بصوت عالي شوي ، شهاااااااااد

شهد : خير خير ؟ شفيك ؟
احمد : عندي لج خبر بمليون دينار
استانست شهد : شنووو ؟
احمد : لقيتلج واحد يسوي سحر ، و يقولج مضمووون 100 %
شهد بفرح : صج والله !!
احمد : اي صج !
شهد : واااي ماني مصدقه ، خلاص بعدين نروح انا معاك

سرحت شهد بخيالها ، و غرقت في عالم الاحلام ، و شافت نفسها لابسه نفنوف ابيض كبيييير و معاها زين المعاريس خالد ،
شهد : الله يا خالد ، الي ابيه بصييير ،!!



بيت بو عبدالله :

اسراء كانت مجابله خالد وتسولف معاه ، لما حست بالملل

اسراء: خالد ، ابي انزل تحت
خالد : وين تحت ؟ شتسوين ؟
اسراء: ابي اقعد مع خالتي و فطوم
خالد : وليش تقعدين معاهم ، قعدي معاي انا
اسراء: خالد حبيبي يلا ، عشان الي بـ بطني بليييز
خالد : آآخ والله ما اقدر اردلج طلب ، اوكي حياتي ، بس على شرط ، انا بنزل معاج
اسراء: اوكي ،

ونزل خالد مع اسراء تحت بالاصنصير ،

ام عبدالله : هلا هلا والله بـ الام الصغيره
خالد : ام مره وحده ؟ ترا توها حامل
ام عبدالله : خلاص ولا تزعل ، العروس الصغيره
ابتسم خالد و ابتسمت اسراء،
فاطمه : مبروك حبيبتي ، و ان شاء الله تطلع بنت وحلوه مثلي
خالد : ان شاء الله يطلع ولد حلو مثلي ومايطلع على عمته الخبله
فاطمه : الحين انا صرت خبله ؟
خالد : من زماااان توج تدرين ؟
ضحكت اسراءعلى خالد و فاطمه ،
ام عبدالله : بس عاد بس ، ياحبكم حق الهواش انتوا الاثنين



العصر في بيت شهد :

احمد : يلاا شهوود ترا تأخرنا
شهد : انزيين انزيين يلا كاني يايه
و راحوا احمد و شهد مع بعض و بعد دقايق وصلوا للمكان المطلوب ! كان مكان صغير ظلمه حييل شكله غريب ، خافت شهد بـ البدايه و لكن تجرأت و دشت عشان توصل للي تبيه ،،

دشت شهد مع احمد عند المشعوذ

المشعوذ: خير شبغيتي ؟
شهد بخوف : ابي اسوي سحر لـ واحد تخلى عني
المشعوذ : عندج شي من أثره ؟
شهد بخوف : يعني شنو ؟
المشعوذ: اي شي يخصه ، شعر، ملابسه ، دم ، اي شي
شهد استغربت : لا ماعندي
المشعوذ بعصبيه : عيل ليش يايتني و انتي ماعندج شي من اثره !!
شهد سكتت و تكلم احمد : يصير باجر نيي و معانا شي من اثره ؟
المشعوذ: اي يصير ،
احمد : خلاص عيل ، باجر ان شاء اللله
المشعوذ: تعال في نفس الوقت مو تتأخر ، انا مو فاضي لك انت و اختك !
احمد : ان شاء الله


و بالسياره :

شهد : بالله شلون بييبله شي من خالد ؟ ياربي شهالمهمه الصعبه
احمد : سكتي شوي خليني افكر
شهد : يلا كاني بسكت ،
احمد : شلون يا احمد شلووون ، عطيني وقت افكر
شهد : عندك من اليوم لي باجر الصبح ، مابي اتاخر
احمد : انزين انزين ،،


بيت بو عبدالله :

كان الكل متيمع بالصاله و السوالف و الضحك تدور بيناتهم ،،

ورن فون اسراء، تحركت شوي شوي و قامت من مكانها و راحت مكان بعيد عنهم شوي ،
اسراء : هلا دلال
دلال : شلونج ؟
اسراء : الحمدلله تمام وانتي شلونج ؟
دلال :الحمدلله بخير ، حبيت اتطمن عليج ، مساع كنتي تعبانه خير شصاير ؟
اسراء: رديت البيت و رحت المستشفى مع خالد ، و قالولي حامل
دلال : لااااه ! مبروووك ، الف مبروووك حبيبتي
اسراء : الله يبارك فيج
دلال : فرحتيني والله
اسراء : دووم ان شاء الله ،
دلال : شعليج بتصيرين ام عن قريب
اسراء : ههه ، لا وين تو الناس
دلال : هههه ،
.....

و عقب المكالمه ردت اسراء لـ مكانها :

خالد : من كنتي تكلمين ؟
اسراء ابتسمت : رفيجتي
خالد : امم ، اوكي .. ( و قام من مكانه و عدل ملابسه ) انا الحين بطلع
اسراءعقدت حواجبها و بـ براءه : خالد وين بتروح ؟
خالد شافها و ظل ساكت و عقب شوي : بطلع عندي شغل
اسراء : بتتأخر ؟
خالد : مادري ، ( خلاها و راح فوق ، دخل الغرفه بهدوء و سكر الباب ، فتح الكبت و طلع له دشداشه و جماغ احمر و لبس ساعته و رش عطر رجالي قوي و خذا نظارته الشمسيه و حطاها بجيبه ، و نزل تحت )

لمحت اسراء خالد و اهوا نازل ، شافت شكله تصنمت بمكانها ، لف خالد ويهه و شافها و لبس نظارته الشمسيه و ابتسم لها ابتسامه عريضه ، شافته و ذابت من ابتسامته الحلوه و قالت في سرها : اجمل ما خلق ربي !


بيت بو عبدالعزيز :

ام عبدالعزيز : مادري شخبار اسماء و بنتها .
بوعبدالعزيز تنهد : الله يعينها
ام عبدالعزيز رفعت السماعه و اتصلت على اسماء ،
ام عبدالعزيز : الو
اسماء بصوت تعبان : هلا يمه
ام عبدالعزيز : هلا اسماء ، شلونج ؟
اسماء تنهدت : الحمدلله ، وانتي يمه شلونج ؟ شلون ابوي ؟
ام عبدالعزيز : الحمدلله كلنا بخير ، شلون نور ؟ شخبارها ؟
اسماء : تعبت والله وياها يا يمه ، ماتاكل ولا تشرب شي ومالها خلق شي كلش ، مادري شسوي .
ام عبدالعزيز : لا حول ولا قوه الا بالله ،
اسماء : الحمدلله على كل حال


بيت شهد :

الغرفه كانت هاديه و كل من شهد و احمد سرحان بتفكيره ،

شهد بـ يأس : احمد انا مليت مادري شلون آخذ شي من أثره
احمد : و انا قفلت بعد ، مادري شلون
شهد : احمد تكفى ، عشاني ، فكر عدل ، ترا مستقبلي و حياتي بضيعون و السبه مالقيت حل
احمد تنهد : شتبين يعني شسوي ؟ ادخل بيتهم مثلا ؟
شهد سكتت و بخيبه امل : مادري


بيت بو عبدالله و تحديدا بغرفه اسراء:

جو رومانسي ، لون الظلام مكتسح المكان و ضوء خافت ياي من الاباجوره معطي لون مشمشي على برتقالي فاتح ، و ليت الممر معطي لون حلو بعد ، كانت اسراء قاعده بروحها ، خذت خصله من شعرها و مررت صبعها فيها ، هفت عليها هفه خفيفه و طارت ، تذكرت خالد ،
اسراء : وينه خالد ؟ تأخر .. الظاهر كل يوم بسويلي جذي يطلع و يخليني بروحي ،
تنهدت حيل و حست بالوحده ، تذكرت انها حامل و في شخص يديد ينمو بأحشائها ، حطت ايدها على بطنها و ابتسمت ،
اسراء: باجر بتلهيني و تنسيني خالد ، و ظلت تفكر بالشخص اليديد الي بيدخل حياتها بعد اشهر معدوده ،
و بهدوووء و بـ خطوات بطيئه دخل خالد من غير ماتحس فيه ، قعد يمها و شافها سرحانه،
خالد بصوت عالي شوي : سرحانه بمنو الحلوه ؟
اسراء اخترعت و انتفض كل جسمها : بسم الله الرحمن الرحيم ! خرعتني !! من وين طلعت !
خالد بضحكه : ههههه ، بعد من وين ؟
تنهدت اسراء و حطت ايدها على قلبها
خالد : بيييه شدعوه ، ترا ماسويت شي
اسراء حبت تغير الموضوع : خالد وين كنت ؟
خالد شافها و عقد حواجبه : بالدوانيه
اسراء: خالد ماصارت دوانيه ، انت تروح و تخليني بروحي ؟ يهون عليك اقعد بروحي
خالد : خلاص باجر ماراح اروح بقعد عندج 24 ساعه ماراح اتحرك
اسراء استحت : صج والله
خالد : اي صج
ابتسمت اسراء ، قام خالد و غير ملابسه و قعد بالفراش يم اسراء ،
اسراء: خالد ؟
خالد بنعاس : هلا
اسراء: خالد لاتقول بتنام و تخليني ؟
خالد : اي ، حدي تعبان و دايخ و ابي انام ، تصبحين على خير
اسراء: طالع ! هذا يزاي الي قاعده انطرك و اخر شي تيي و تنام و تخليني ؟
خالد : اي شسوي يعني ؟ والله العظيم دايخ ، يلا نامي و باجر يصير خير
تنهدت اسراء و نامت و اهيا معصبه شوي على خالد ،




كليه الهندسه :

دلال بـ ابتسامه: اهلا بـ الام الصغيره
اسراء : ويي ، تو الناس انا توني صغيره لاتقوليلي ام
دلال : ههههه ، قوليلي شنو شعورج و انتي حامل ؟
اسراء: مادري ، مستانسه
دلال : تقلد نبره صوتها ، مادري .. مستانسه !
اسراءهزت راسها : اي
دلال : و خالد ؟ مستانس ؟
اسراء : خالد طاير من الوناسه ،
دلال :الله يدوم الوناسه ان شاء الله ،
اسراء: انزين يلا بلا قرقه و حجي فاضي ، امشي ورانا محاضره ،
دلال : يلا ،

بيت بو عبدالعزيز :


ام عبدالله : هلا هلا يووسف
ابتسم يوسف ابتسامه صغيره و ركض حييل لما وصل عند يدته و قعد بحضنها
ام عبدالله : شلون الروضه ؟
يوسف : زينه
عبدالله : يوسف اقعد تحت العب لاتيي فوق انا تعبان بنام
ام عبدالله : خير عبدالله شفيك ؟
عبدالله : لا بس صداع و ابي ارتاح
ام عبدالله : ايي ، سلامتك ، لاتحاتي يوسف عندي
وظل يوسف مع يدته يسولف و يضحك و يلعب ،
ودخلت فاطمه ،

فاطمه و التعب باين عليها : السلام عليكم ،
ام عبدالله : وعليكم السلام
فاطمه : شلونج يمه ؟
ام عبدالله : بخير يمه ، شفيج ؟
فاطمه : وااي يمه حررر ، جو الكويت ما يرحم
ام عبدلله : اي والله صدقتي ،
فاطمه : انا بروح ارتاح فوق شوي ، لي حطيتوا الغدا نادوني ميته من اليوع
ام عبدالله : وييه شفيكم كلكم دايخين ؟ ، يلا يلا روحي ارتاحي و بعدين اناديج


كليه الهندسه :


دلال : يلا اسور انا خلصت ماعندي شي بروح البيت
اسراء: وااي حظج انا بعدي ماخلصت ،
دلال : الله يعينج ، يلا مع السلامه
اسراء: الله يسلمج
سمعت صوت راشد الماجد و عرفت ان خالد المتصل ،

اسراء: الو
خالد : هلا ، شلونج ؟
اسراء: تمام ،
خالد : ترا انا اليوم بتأخر شوي
اسراء: انا بعد بتأخر ، احتمال ارجع البيت على الساعه 3
خالد : اممم ، انا ان شاء الله على الساعه 2ونص اكون بالبيت
اسراء: امم ، اوكي
خالد : يلا عيل باي
اسراء : باي


بيت بو عبدالعزيز :


عبدالعزيز : تسلم ايدج يمه على هالطبخه الحلوه
ام عبدالعزيز : بالعافيه
عبدالعزيز : الله يعافيج

وعقب الغدا ،

بوعبدالعزيز : شخبار اسراء؟ من زمان ماشفتها ؟
ام عبدالعزيز : قبل جم يوم كانت عندي ،
بوعبدالعزيز : اممم


بيت بوعبدالله :

ام عبدالله : الساعه 3 ليلحين ما وصل خالد ولا اسراء ؟ اخاف صار فيهم شي ؟ رفعت السماعه و اتصلت على خالد ،
خالد : الو ؟
ام عبدالله : هلا خالد ، وينك يمه ؟
خالد : يمه انا بالدوام
ام عبدالله : متى بتوصل ؟ قاعدين ننطرك ع الغدا
خالد : لا يمه تغدوا مالكم شغل فيني انا بتأخر اليوم
ام عبدالله : انزين و اسراء؟
خالد : حتى اسراء بتتأخر اليوم ، تغدوا يمه
ام عبدالله : كيفك ،

sweet memy​

 

[كاسبرينوو]

الله يسسسسسسسسسسسسسسستر
ويع ويع ويع شهد واحمد يااااااااي ارف
ويتنج حبيبتي

 

[UNiQe^PRiNceSs]

وع شهد وع
مادري شبتهبب كملي حبيبتي​

 

[dlo3t^baba]

سحر مره وحده :-o
الله لا يوفقج يا شهد
يسلموو عالبارت ^_^

 

[MeeMeeYoo_2]

واااااي شهد

تقهرررررررررررر


يعطيج العافيه

 

[بيـــشو17]

ان شاء الله ينقلب السحر عليهم ويتفرقون احمد وشهد يااارب:rgewrg::rgewrg:

الله يثبت حمل اسراء ويخليهم حق بعض:eh_s(21):

مشكوره يالغاليه وناطرين البارت:balo:

 

[zizo0ou]

يسلمو على البارت
ناطرين الياي و
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه

 

[sweet.sanfoora]

اي شي سحححر حلاته الساحر يسحرها عشان تكع فلوووس

 

[كاسبرينوو]

ناطرينج

 

[MeeMeeYoo_2]

واي شهد شهد شهد ;@

تقققققققققث ;@

يعطيج العافيه

 

[UNiQe^PRiNceSs]

امبيييه حرام عليهم

كملي ناطريين​

 

[قلب نواف]

كملي ناطرررررين

 

[sweet.sanfoora]

لااااااااااااااااااا مابي شنو هاذا

 

[بيـــشو17]

نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه





نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه




نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت نبي بارت نبي بارت نبي بارت نبي بارت
نبي بارت نبي بارت نبي بارت
نبي بارت نبي بارت
نبي بارت
حملـــــــة حنــــــه

 

[sweet_memy]

البارت العاشر :


ام عبدالله :يوسف يمه روح ناد امك و ابوك و عمتك
يوسف : ان شاء الله

و نزلت فاطمه و ريم و عبدالله و تغدوا و عقب الغدا كلهم راحوا غرفهم ،،

وعقب ما راحوا الكل دخل خالد البيت وماكان له خلق شي ، دخل و راح غرفته و حط راسه و نام على طوول ، بعده بربع ساعه وصلت اسراء ، وصلت و كان التعب من الجو واضح عليها ، وراحت غرفتها و شافت خالد نايم
اسراء : خالد نايم ، انا اقعد شسوي بعد ؟ انام احسن لي ،
غيرت ملابسها و لبست ملابس خفيفه و قطت نفسها على الفراش و عقب دقايق نامت ،


وعقب 3 ساعات ،،

صحى خالد من النوم و كان مرتاح ، خذاله شور سريع و لبس بنطرون جينز و بلوزة من ماركه ارماني و كاب ارماني ، وقف جدام السرير و شاف اسراء نايمه ،
خالد : ماصارت نوم ؟ يعني اذا كانت نايمه عقبي المفروض شبعتي نوم الحين ؟
خلاها تنام زياده نص ساعه و قعد يشوف تلفزيون ، و عقب نص ساعه ، قرب منها و قعدها من النوم
خالد : اسراء ؟ اسراااء ؟ يلا قومي ماصارت نوم ؟
اسراء بنعااس و تعب : خالد خلني شوي ابي اناام
خالد : يلا عاد انا مليت قاعد بروحي قومي قعدي معاي بسج نوم
اسراء : خالد تعبانه خلني اناام ، ( حطت على ويهها المخده و غمضت عيونها حييل )
خالد : متى رديتي ؟
اسراء: 3وربع .. تكفى خالد روح عني خلني انام
تنهد خالد : انزين ، انا بروح مشوار قريب بيي بلقاج قاعده
اسراء: انزين ( وكملت نومتها )


نزل خالد تحت و قعد مع امه شوي ،

ام عبدالله : خالد وين رايح ؟
خالد : عندي شغل شوي وراجع
ام عبدالله : تغديت ؟
خالد : يلا يمه ماتغديت ، مو مشتهي
ام عبدالله : مو زين يمه تغدا قبل لا تطلع
خالد : لا يمه مشكوره ، يلا عشان لا أتاخر ،

لبس خالد نظارته الشمسيه و طلع ،و اول ماركب البورش رن فونه رنه مسج
فتح خالد المسج ، المسج : [ الروح حنت لك و العين مشتاقه ، والي يحبه القلب مو هين فراقه من : معجبه ]
استغرب خالد ؟! : منو داز هالمسج ؟ اخاف بالغلط ؟
ما اهتم خالد وشغل اغنيه و علَ الصوت و مشى
و عقب 5 دقايق مسج ثاني و من نفس الرقم
المسج : [ احببببك ، احبك انت في بالي تعبتني او غيرت احوالي اقرب منك تبعدني وانت تدري انك غالي مدري ودك تعذبني ولا تبقى حبيبي ، من : معجبه ]
خالد عصب : منو هالمينونه الي قاعده تدز هالمسجات ؟
انشغل بال خالد بالتفكير ، و انصدم يوم سمع الفون يرن ، قرا الرقم ولقاه نفس الرقم الي دز المسج !
خالد بصوت رجولي : الو ؟
الطرف الثاني : اللله ، فقدت هالصوت والله ، من زمان ما سمعته
خالد استغربت : !!! منو انتي ؟
الطرف الثاني : منو انا ؟ من صجك تتكلم ؟ ماتدري منو انا ؟
خالد ين و استخف : خلصيني تكلمي قوليلي منو انتي و شتبين ؟
الطرف الثاني : آسفه ، ماراح اقولك منو انا ، فكر عدل و بتعرف منو انا ! ( وسكرت الفون )
انصدم خالد من الي صار !! وقعد يفكر ، منو ممكن تكون هالبنت ؟
خالد : استغفر الله ، نسيت وين بروح ؟ الله يقطع ابليسج يارب !
ونسى خالد وين كان بروح و رجع البيت مره ثانيه


خالد استغرب و عيونه طلعت : اسوورة! ليلحين نايمه !!
اسراء بصوت نعسان : اي
خالد : يلاا عااد انا رحت و ييت وانتي ليلحينج نايمه ، قومي ترا مليت من القعده بروحي
اسراء بتعب : خالد تعبانه ما اقدر اقوم
قرب خالد و قعد يمها : شفيج ؟ تعبانه من شنو ؟
اسراء: بطني يعورني و احس بـ لوعه و جني برجع
خالد : سلامتج حبيبتي ، تبين اوديج المستشفى ؟
اسراء: لا مابي المستشفى ، خلني نايمه احسن
خالد : اي بس حبيبتي مايصير جذي انا ابي اقعد معاج ، اليوم كله ماقعدت معاج !
اسراء تنهدت: انزين ، كاني بقوم
خالد : شوي شوي بالعدال



بيت شهد :

شهد : هذا من صجه ولا شنو ؟ يستغبى ولا شنو بالضبط ؟ شلون نسى صوتي ! معقوله هذي ثالث مره ادق عليه و مايعرف صوتي !! حسافه بس حسافه على السنين الي ضيعتها معاك يا خالد ،
احمد : لقيتلج حل شلون تاخذين شي من خالد
شهد مو مصدقه نفسها : صججج والله ! شنوو قوول ؟
احمد : ...... ، ( و قالها السالفه )
شهد : خوش شي ، ومتى التنفيذ ؟
احمد : بعد جم يوم
شهد : وليش مو باجر يعني . ترا مافيني صبر
احمد : باجر بسافر عندي بضاعه لازم اييبها ، و عقبها ان شاء الله يصير خير
تنهدت شهد : انزين ، بصبر جم يوم ،،


المستشفى :

نواف كان ياي من غرفه الدكتور و الفرحه باينه على ويهه : اسمااء ، نور ان شاء الله بتطلع من المستشفى باجر
اسماء بفرح : صج والله ، الحمدلله يا رب
نواف : الحمدلله ، ( و لف ويهه و شاف نور ) نور حبيبتي ، باجر بتطلعين من المستشفى و تستانسين
نور ماكان لها خلق شي ، سمعت الخبر و نزلت دمعه من عينها ،
اسماء : يمه حبيبتي بسج لاتبجين ، قطعتي قلبي والله ،
مدت اسماء ايدها و مسحت دمعه نازله من عيون طفله بريئه ، ومسحت على شعرها ،،
نواف : يلا بس نوور انتي شاطره ماتبجين ، لما تطلعين من المستشفى بسويلج حفله كبيره ، و بنييبلج هدايا و كيكه حلوه و كل اليهال بيون عندج
فرحت نور شوي و ابتسمت يوم سمعت كلام ابوها ،،


بيت بوعبدالله :

ارتاحت اسراء من بعد ماحست بلوعه و الم في بطنها ،
اسراء: خالد تغديت ؟
خالد : لا
اسراء: اكيد يوعان ، تبي اسويلك شي ؟
خالد : لا لاتعبين عمرج ، قومي لبسي بنطلع ناكل بره
اسراء: يلا اوكي

غيرت ملابسها و لبست تنوره سوده غامجه حيل مع قميص مخطط ابيض بـ رمادي و فوقه جاكيت احمر ، وحطت لها مكياج خفيف ، خطت عينها بـ آيلاينر اسود و حطت شدو خفيف رمادي دمجته مع الاسود الدخاني و حددت شفايفها بلون احمر وحطت حمره لونها احمر مثل لون الجاكيت و آخر شي بودره خفيفه بـ اللون الاحمر و لمسه الماسكارا السوده الغامجه ، و لبست خاتمها الالماس ، و اخيرا لفت شيلتها

اسراء : يلا خالد خلصت
خالد دقق على ويهها و شافها بنظره غريبه : مكياجج اوفر ترا
اسراء: خالد مافي شي خفيف
خالد : وحمرتج غامجه
سكتت اسراء
خالد : مسحيها
تنهدت اسراء و خذت ورقه كلينكس و مسحت الحمره
تنهد خالد : يلا امشي ، ( ونزل معاها تحت و ركبوا السياره )

خالد : وين تبين تتعشين ؟
اسراء ومالها خلق شي : اي مكان
خالد لف ويهه و شافها وحس ان فيها شي : شفيج ؟
اسراء : مافيني شي
ما اهتم خالد و سكت شوي .. شرايج نروح فندق نتعشى ؟
اسراء نزلت راسها و زعلت شوي وماكان لها خلق شي : كيفك
خالد حس ان فيها شي ، و عرف انها متضايقه من سالفه المكياج ،،
تنهد خالد : اسراء حبيبتي ، لاتزعلين ، يمكن ضايقتج يوم قلتلج مسحي الحمره ، بس صدقيني هذا من مصلحتج !
سمعت اسراء كلام خالد و نزلت راسها و ظلت ساكته ، وكمل خالد كلامه ،،
خالد : اسراء انا احبج ، و من كثر حبي لج اغار عليج ، ومابي اي احد يشوفج ويطمع فيج ، انتي لي ، لي بروحي و ما احب احد ياخذج مني ولا يضايقج بشي ، و اذا قلتلج خففي من مكياجج ولا مسحي حمرتج هذا من حقي ، لاني احبج و اغار عليج ، عدل ولا مو عدل ؟
اقتنعت اسراء بكلام خالد شوي و رفعت راسها و بصوت ناعم : خالد ؟
خالد بـ لين : عيونه
بحيا كبيييرر و بصوت ناعم حيل : احبك
ابتسم خالد : وانا احبج اكثر


و بالمطعم ،

جو رومانسي ورعه كان الجو عند اسراء وخالد ، الموسيقى هاديه كانت ماليه المكان ، و لغه العيون كانت متبادله بيناتهم ، نظرات حب من خالد موجهه لـ اسراء و نظرات حب ممزوجه بحيا من اسراء موجهه لـ خالد ،
ابتسم خالد ابتسامه صغيره و قال : تصدقين ؟
اسراء: امم شنو ؟
خالد : اني احبج ؟؟
اسراء : هههه ، اي اصدق
ظلت عين خالد على اسراء و اسراء نزلت راسها و حاولت تتجاهل نظرات خالد ، وبعد دقايق رفعت راسها لقت عيونه عليها ، استحت و انصبغ ويهها بـ اللون الاحمر ،،
اسراء : خالد ؟
خالد : آمري
اسراء: انت مو يوعان ؟ يلا اطلب
خالد : بس شبعت ، شفت ملاك جدامي و نساني الدنيا و مافيها ، و نساني اليوع وكل شي
اسراء: خالد بس عاد ترا والله استحي
خالد : فديتج والله



الساعه 9 الصبح في بيت شهد :

كان احمد مشغول و موفاضي لاحد ، كان ماسك الفون و يتكلم ،

احمد : يلا ابراهيموو خلصت كل شي ؟
ابراهيم: اي ، بس ناقص وجودك
احمد : صار ، مسافه الطريج و اكون عندك ،

سمعت شهد صوت اخوها احمد و دخلت الدار عليه ،

شهد : احمد وين رايح ؟
احمد : مسافر
شهد : والخطه ؟؟
احمد : شفيج انتي ؟ مو قلتلج انا اليوم بسافر ؟ ولما ارجع من السفر يصير خير ، مداج نسيتي؟
شهد تذكرت : اييي ، تروح و ترد بالسلامه
احمد : الله يسلمج ، تبين شي ؟
شهد : ابي سلامتك
احمد : الله يسلمج ، يلا انا ماشي ،،

تنهدت شهد : حافظك الله ،،
و بعد دقايق ،،

شهد : يصير خير يا خالد ، بتشوف شبسوي فيك ، ان ما خليتك تصير مثل المينون و تدورني دواره ، ما اكون انا شهد ،،

سحبت تلفونها من جيبها و طلعت مسج و دزته لـ خالد ،،


بيت بو عبدالله :

كانت اسرء قاعده ع الكرسي و تعدل شعرها و تحط لها مكياج خفيف صباحي ناعم ، وخالد نايم بالفراش ، سمعت صوت نغمه مسج صادره من فون خالد

اسراء بصوت ناعم : خالد حبيبي قوم ، صارت 9 ونص وانت ليلحين نايم
خالد بصوت نعسان حييل : خليني انام
اسراء : قوم في احد يبيك ضروري دزلك مسج
خالد سمع كلمه مسج فززز من مكانه
خالد : مسج !!
اسراء استغربت : اي مسج ؟ ليش ؟
خالد : لا لا ولا شي ، وين فوني ؟
اسراء : يمك بالدرج
خالد فتح الدرج و خذا الفون بسرررعه و فتح المسج وكان طبعا من رقم غريب و اهوا رقم شهد الثاني ، المسج [ ادري انك تحبني و تموت فيني بس خايف تقول .. من معجبه ! ]
خالد قرا المسج و عصب حييييل و عقد حواجبه وقط الفون ع السرير ، استغربت اسراء من تصرف خالد ، و قامت من الكرسي و قعدت يم خالد وسألته : خالد شفيك ؟
خالد بعصبيه : مافيني شي ،
اسراء بهدوء : خالد شلون مافيك شي ؟ شوف ملامح ويهك شلون تغيرت ؟
خالد حاول يمسك اعصابه : قلتلج مافيني شي
اسراء قربت منه اكثر و حطت ايدها على شعره و قعدت تمسحت عليه بهدوء ، حس خالد بشعور غريب ،
اسراء: حبيبي مايصير مافيك شي ، اكيد في شي بس انت ماتبي تقولي ، ماعليه حبيبي يمكن اذا قلتلي هالشي بضايقني ،، ظلت ايدها على شعر خالد و تمسح عليه و قربت اكثر و طبعت بوسه على خده واستحت حييل و قامت بسرعه من مكانها ، خالد الي حس بشعور غريب و هداا واايد و انطفت النار الي بداخله و راحت العصبيه ، و تحولت حق راحه بال ،
خالد قال في قلبه : سحر وربي سحر مو بنت ! الله يخليج لي يا رب
اسراء: خالد حبيبي ؟ وين رحت ؟؟
خالد صحى : هاا ! ( ابتسم ) ، معاج
اسراء: يلا خالد قوم ننزل عشان نتريق
خالد : لاااااا
استغربت اسراء: ليش لاا ؟
خالد : قعدي معاي لاتنزلين ، انا مابي اتريق ابي اقعد معاج ومابيج تتحركين
اسراء :\ ، ( حطت ايدها على بطنها و مثلت دور اليوعانه الي تبي تاكل ) خالد انا يوعانه واايد و لازم اكل ، و نسيت اني حامل ؟ لازم اكل عدل
خالد : لا مانسيت ، بس انا ابيج تقعدين معاي وماتنزلين ولا تتحركين ، يلا جدامي قعدي هني
اسراء :خاالد من صجك ؟ تبي تحبسني ؟ ماتبيني اروح مكان ؟
خالد : اي ، اخاف عليج ، اخاف احد يسوي فيج شي
اسراء: بذمتك منو بسوي فيني شي ؟ خالد يلا عاد امش ننزل نتريق
خالد : مابي ! غصب ؟
اسراء : انزين لاتنزل ، انا بنزل
خالد : انا قلت لا يعني لا
تنهدت اسراء: حاضر ماراح انزل بقعد عندك
ابتسم خالد و كان كل هذا تمثيل عشان يبيها تدلعه و تقعد معاه ،،

وبعد ساعه ،،

اسراء حست بالملل ، كانت قاعده بمكان واحد و ماتتحرك و خالد حاط عينه عليها و يلعب بشعرها و بأضافرها ،
اسراء : خالد حبيبي ؟
خالد : هلا ؟
اسراء : ممكن اطلع ؟
خالد : لا طبعا
اسراء : اي ليش عاد ؟ حرام عليك
خالد : بس ، انا ابيج تكونين هني ماتطلعين
تنهدت و سكتت و حاولت تسوي اي شي عشان تطلع من السجن الي حابسها فيه خالد، وفجاه سمعت صوت عبدالمجيد صادر من فونها ، فرحت حيييل وتحركت شوي
خالد : وين وين ؟
اسراء : باخذ فوني
خالد : لا ماتاخذينه ، خلينه يرن لما يمل
اسراء حست انها صبرت على خالد وايد و عاندته و بحركه خفيفه وسريعه قامت و خذت فونها وردت ،
اسراء : الو ؟
ام عبدالعزيز : شلونج يمه ؟
اسراء : هلا يمه هلا حبيبتي
ام عبدالعزيز : شلونج يمه شخبارج ؟
اسراء : الحمدلله يمه انا بخير ، انتي شلونج شخبارج ؟
ام عبدالعزيز : الحمدلله بخيير ، وينج يمه ماتبينين ؟
تنهدت و شافت خالد : شسوي يمه ،
ام عبدالعزيز : يلا عاد اليوم ابي اشوفج تعالي عندنا ، خواتج بيون اليوم
فرحت اسراء : صجج والله ؟
ام عبدالعزيز : اي ، و نور طلعوها من المستشفى بعد ، و بتيي ان شاء الله
اسراء بفرح كبييرر: ان شاء الله يمه بيي
ام عبدالعزيز: خلاص عيل نشوفج بعدين
اسراء : ان شاء الله يمه
ام عبدالعزيز : يلا يمه مع السلامه
اسراء : الله يسلمج يمه

وعقب ما سكرت الفون ،

اسراء بـ ابتسامه عريضه : خالد بطلع بعدين بروح عند امي
خالد شافها و ظل ساكت ، و بعدين قال : لا
عصبت اسراء شوي : خالد ! شنو كله لا لا ؟ حرام عليك من زمان ما شفت امي ولا ابوي ، و لا ادري عن اخبارهم ولا يدرون عن اخباري ، تدري ان امي ليلحين ماتدري اني حامل ؟
تنهد خالد : انزين انزين كليتيني! ، روحي بس لاتتاخرين
اسراء : ماراح اتاخر


بيت بو محمد :

اسماء : يلا نوري حبيبتي بنطلع
نور : ماما وين بنلوح ؟
اسماء : بنروح عند ماماعوده و باباعود
نور : خالتي جولي هناك ؟
اسماء : والله ما ادري عنها خالتج ، من تزوجت ماشفتها الا مرتين يمكن ،
نور : ابي خالتي جولي
اسماء : ان شاء الله ، بس قومي معاي يلا عشان تلبسين و نروح بسرعه ،،


بيت فهد :

اسيل : واي واي جنوووويه بسج بجي خلاص صدعتي راسي
فهد : بنتج هذي فيها شي ، مادري شصاير لها بس تبجي
اسيل : والله مادري شفيها ، يلا فهد بلبسها و بروح عند امي
فهد : اوكي ، انا بروح الدوانيه و يمكن اتاخر
اسيل : اوكي ،


بيت بوعبدالعزيز :

ام عبدالعزيز و بوعبدالعزيز كانوا قاعدين بالصاله و معاهم عبدالعزيز ،

بوعبدالعزيز : والله البيت صخه و يبيله حركه ، يهال و شطانه ،
ام عبدالعزيز : هههه ، لاتحاتي ، الحين بتييلك جنوويه و بتبجي و يصير في البيت صوت
بوعبدالعزيز : يحليلها هالنمله هذي ،
ام عبدالعزيز : يلا ان شاء الله عبدالعزيز يتزوج و يترس لنا البيت يهال
عبدالعزيز : لا يمه وين تو الناس ، انا ما افكر بالزواج الحين ، الزم ما علي دراستي ، و الزواج لاحق عليه ،
( و دخلت اسماء مع نور و محمد )


بيت بو عبدالله تحديدا غرفه اسراء :


اسراء : يلا خالد انا بطلع الحين
خالد لف ويهه و شافها ، خالد : لبسي عبايه وطلعي
اسراء تنهدت : خالد انا رايحه بيت اهلي مو سوق
خالد : ميخالف ، عشاني
تنهدت اسراء : ان شاء الله
خالد : لا تتاخرين
اسراء : ان شاء الله ماراح اتاخر



بيت بو عبدالعزيز :

بعد ما وصلت اسماء و اسيل تيمعوا كلهم بالحديقه ، كان الجو واايد حلوو ، و الكل مستانس بـ الجو الحلو و اليهال لاهين بالالعاب ماعدا نور الي كانت قاعده على الكرسي و ماتقدر تتحرك ، بس تأثير الجو و السوالف خلاها تستانس ، ووصلت اسراء ،

اسراء : السلام عليكم
الكل : و عليكم السلام
بوعبدالعزيز : اووه من وين طالعه اليوم ؟؟
اسراء بحيا : شسوي يبه صدقني ما عندي وقت
ام عبدالعزيز : معذوره معذوره ، توج عروس
اسماء : شلونج اسور شخبارج ؟ شدعوه ماتبينين ؟
اسراء : شسوي والله ماعندي وقت ، خالد ماخذ كل وقتي ، و الدراسه بعد
اسيل : بعد ماعندج ياهل الي ماخذ كل وقتج ؟
ابتسمت اسراء و حطت ايدها على بطنها : انا حامل
الكل استانس يوم سمع الخبر و اكثر واحد استانس بوعبدالعزيز لان يحب اليهال وايد ، و خصوصا ان بييله حفيد من اغلى بناته " اسراء " ،،
و عقب 3 ساعات رجعت اسراء البيت ،


بيت بوعبدالله :

دخلت اسراء الشقه و كانت هاديه، دخلت شوي شوي الغرفه لقت هدوء و انصدمت يوم لقت الغرفه مرتبه و خالد مو موجود ،!

اسراء : وين راح خالد ؟ سيارته موجوده ؟
سمعت صوت ماي ياي من بعييد و عرفت ان خالد قاعد ياخذله شور و ارتاح قلبها ،، غيرت ملابسها و انسدحت على الفراش و عقب دقايق طلع خالد ، كان شكله روووعه لاف الفوطه على جسمه و ريحه الشور جل الرجالي معطره جسمه ، و قطرات ماي تنزل منه ، شافته بنظره حلوه و ابتسمت له ،
ابتسم لها ابتسامه عجيبه و راح غرفه الملابس و لبس ملابس للنوم و قعد يمها بالفراش و حط ايده ورا ظهرها و لمها ،
خالد : فقدتج وربي ، اول مره تطلعين بروحج وتخليني
استحت اسراء حييل و دفنت راسها بصدره ، وعقب ثواني رفعت راسها ، وقالت بصوت انثوي ناعم : وانا بعد حبيبي ، فقدتك


و الصبح في بيت شهد :


دخل احمد غرفه شهد بقوووه و ملامح الفرح باينه عليه
احمد : شهوووود
شهد بصوت نعسان حييل و مالها خلق تنهدت وقالت : هاااا
احمد : ويعاااا ، قولي نعم
شهد استوعبت و فززت من مكانها : احمممد ! وصلت ! الحمدلله على السلامه
احمد بـ ابتسامه: الله يسلمج
شهد : هاا شتبي مقعدني من الصبح وانا المفروض انام اليوم ؟
احمد : قومي معاي يلا نكمل الخطه
شهد : اووووه ، واي مالي خلق اقوم الحين
احمد : يلا يلا بسرعه ولا بروح
شهد : لااا يلا يلا كاني دقايق و عندك



بيت بو عبدالله :

البيت كان فاضي ، ماكان في احد غير ام عبدالله و الخدامه ، الكل مشغول بدوامه و شغله ،، سمعت الخدامه صوت الجرس بره و طلعت تشوف منو ، و فتحت الباب :

احمد الي كان متنكر بـ لبس هندي يشتغل بمصبغه ، و بلهجه هنديه : السلام عليكم
ميري : وعليكم السلام ، شنو يبي ؟
احمد : انا مال مصبغه ، بابا خالد يقول في فوق ملابس مال اهوا جيبي
ميري : اوكي دقيقه ،
و راحت ميري المسكينه و دخلت غرفه خالد و فتحت الكبت لقت جدامها دشداشه سحبتها و حطتها في جيس و ركضت للريال ،
و عقب دقايق ،،
ميري : تفزل ( تفضل )
احمد : مشكور واجد ،،

استانس احمد حيييل و نجحت خطته و قدر ياخذ شي من اثر خالد ، ركب السياره و طااار بسرعه عند المشعوذ ، و عطاه الاثر و رجع البيت ومعاه السحر المطلوب ، فرحت شهد حيييل و نطرت متى يصير الصبح علشان يتحقق الي تبيه ، و طلعت في ساعه متاخره من الليل مع احمد و راحوا لـ بيت بو عبدالله و كتت السحر عند باب سياره خالد ، و ضحكت ضحكه خبيثه و غمضت عينها و بدت بـ احلامها الورديه ،،

بيت بوعبدالله :

قعد خالد الصبح مبجر و قعدت معاه اسراء و لبست و قعدت تحط لها لمسات مكياج خفيف ،
خالد : اسراء وين دشداشتي البيضه ؟
اسراء : اول ما تفتح الكبت تلقاها
خالد : ماكو شي ؟
اسراء استغربت : انا حاطتها بنفسي ،
خالد : وينها ماكو شي ؟
اسراء قامت من مكانها و شافت و صج مالقت شي ! ، اسراء : مادري خالد ، بس انا متأكده اني حطيتها اول وحده
تنهد خالد : اوكي مو مشكله ، بلبس غيرها ،،
ولبس خالد غيرها و تعطر و لبس ساعته و خذا بوكه و نظارته الشمسيه و نزل تحت بسرعه ، و اكل ريوق سريع و طلع ، ومشى لما وصل للبورش كايين و حط ريله على حبيبات بودره وماحس فيها ولا انتبه لها ، وركب الكايين و راح الدوام ،


بيت شهد :

شهد بضحكه قويه شوي : و اخيييرا يا خالد بيتحقق الي ببالي ، و اخيرا بتصير لي !
و سرحت شوي ، مسكينه والله يا اسراء ، اقولج سوووري ، سوري سوري لاني باخذ خالد منج و بتعيشين بتعاسه و بتنتهي حياتج ،


كليه الهندسه :

دلال بفرح كبيير و الضحكه شاقه الحلج : شلووونج ؟
اسراء شافت دلال فرحانه و ابتسمت : الحمدلله بخيير ، وانتي شلونج ؟
دلال : الحمدلله بخييير
اسراء : شكلج مستانسه ؟ هاا قوليلي شصاير ؟
دلال ابتسمت : قوليلي مبرووك
فرحت اسراء و ابتسمت : الف مبروووك ، بس على شنو ؟
دلال بحيا : انخطبت !
اسراء : صجج !! مبرووووك حياتي الف الف مبرووك
دلال : الله يبارك فيج
اسراء : ما الومج عيل ، ان شاء الله دووم مستانسه
دلال : اجمعيين ، شوفي اسراء ، ترا الملجه بعد اسبوعين ، وابيج تكونين موجوده مو تقوليلي حامل و ما اقدر ترا ما راح اقبل اعذارج
اسراء: افا عليج ، اكيد بكون موجوده و ماراح اطوف مناسبه حلوه مثل هذي ، اتني ماقصرتي معاي و ان شاء الله ماراح اقصر معاج بشي ،،
دلال : تسلمين حبيبتي ،

بيت شهد :

احمد : الخطوه الاولى و خلصنا منها ، الحين الخطوة الثانيه ، دور اسراء الحين ان ماخليت خالد يشك فيها ما اكون انا احمد !
شهد غمزت له و قالت : تعجبني والله ،



و بالدوآم عند خالد ،


كانت السوالف تدور بين خالد و جاسم ، فجاه نزل خالد راسه و حطاه ع المكتب ، استغرب جاسم و ماتردد ابد و سأل خالد عن السبب ،

جاسم : خالد ؟ عسى ماشر شفيك ؟
خالد : مادري ، احس بصداع غريب
جاسم : سلامتك ماتشوف شر
خالد : الله يسلمك
جاسم : تبي تروح المستشفى ؟
خالد : شدعوه ، كلها صداع عادي شوي و يروح ، لا تحاتي



بيت بو عبدالله :

وصلت اسراء البيت على الساعه وحده الظهر و راحت غرفتها ، خذت لها شور دافي عقب الجو الحار و ارتاحت ، انتعش جسمها و قعدت تنطر خالد ، وعقب دقايق وصل خالد ، دخل و شكله كان تعبان ، و اول مادخل تنهد حيل ، استغربت اسراء من تصرفه ،

قامت من مكانها و قربت من خالد و ابتسمت : شلونك حبيبي ؟
خالد يحاول يبان انه طبيعي : هلا حبيبتي ، الحمدلله بخير
غير خالد ملابسه و انسدح على الفراش وغمض عيونه حيل وخذا شهيق و زفير قوي ، خافت عليه و حست انه فيه شي و قعدت يمه
اسراء : خالد حبيبي شفيك ؟ عسى ماشر ؟
خالد فتح عيونه و شافها حس براحه شوي : مافيني شي حبيبتي
مدت ايدها و حطتها على خده و يبهته و تطمنت : الحمدلله مافيك حراره
حس خالد بالراحه يوم حطت ايدها الناعمه على ويهه وابتسم ، و غمض عينه مره ثانيه
اسراء : خالد تعبان ؟ تبي تنام ؟
خالد بتعب : اي تعبان ، و راسي مصدع
اسراء : سلامتك حبيبي ، تبي اييبلك بندول ؟
خالد : لا مابي شي ،
قعدت يمه خالد و قرت عليه آيات من القرآن و غطته و قامت و خلته يرتاح ، حس فيها يوم قامت و فتح عيونه و ناداها بصوت واطي : اسراء
لفت اسراء ويهها وشافته : عيونها ، آمر حبيبي ؟
خالد : ليش قمتي ؟ تعالي قعدي يمي لاتروحين
اسراء : اي بس .. انت تعبان
خالد : وجودج يمي راحه
ابتسمت له و قعدت يمه لما نام ، و عقب ما تأكدت انه نام مسحت على شعره و قربت منه وطبعت بوسه على خده ،

شغلت نفسها بالدراسه الصامته لان خالد نايم و ماحبت تزعجه ، ومرت 3 ساعات وبعدها صحى خالد من النوم ،

حست اسراء بخالد و فزز قلبها و قامت تطمن عليه ،

اسراء : ها حبيبي خالد ؟ شلونك الحين ؟
خالد بنعاس : احسن
اسراء ابتسمت و استانست : الحمدلله
دخل خالد الحمام و انتوا بكرامه و خذاله شور دافي يصحيه و يشيل النعاس الي فيه ، طلع وكانت ريحه الشور جل تفووح منه ، شافته و حبت شكله ، طلع خالد و لقى كل شي مجهز له ، ملابسه و عطره ، لبس و رش جم رشه على ملابسه

اسراء : خالد تبي احطلك الغدا ؟
سكت خالد و فكر .. اممم لا
اسراء : اي بس انت ما تغديت ، لازم تتغدى
خالد : مابي غدا مو مشتهي ، ( خذا شهيق خفيييف و طلع زفير قوي حييل ) ، احس اني مخنوق ، بطلع شوي
استغربت من تصرفاته و سكتت وشافته و اهوا يطلع و يسكر الباب بقوه شوي ،،

اسراء منصدمه و مستغربه من تصرفاته : شفيه خالد ؟!( تنهدت )

نزل خالد بخطوات سريعه وشغل الكايين و حط سي دي اغاني لمطربه المفضل عبدالمجيد طبعا و مشى على صوته ، حس بخنقه و ضيق و كح كحه قويه شوي ، فتح الدرج وطلع قوطي الزقاير و ولع زقاره و دخن ،
خالد : شفيني انا ؟ ليش احس بخنقه ، بضيق ، احس انه فيني شي متغير ، ووقف جدام الاشاره و شاف اللون احمر ونزل راسه على السكان مده ، و ما انتبه لـ اللون الاخضر و سمع صوت هرن قوي ياي من السياره الي وراه و انتبه للاشاره و مشى ، ما حس بنفسه الا اهو جدام بحر كبيير ، سفط سيارته و نزل قعد على صخره كبيره ، و طاار عقله و راح لمكان بعييييد ، قام يفكر بـ اشياء مو موجوده بالدنيا ، افكار و اشياء غريبه ، فجاه اخترع و انتفض جسمه يوم سمع رنه تلفونه ، سحب الفون من جيبه و شاف المتصل : [ حبيبه قلبي ] ، حطاه سايلنت و مارد عليها ، ودقت مره ثانيه و ثالثه ... ولا رد ،


اسراء : وين راح . وليش مايرد علي ؟ اخاف صار فيه شي ؟ الله يستتررر بس
كان الخوف و التوتر باين عليها ، حاولت تهدي نفسها بس ماقدرت ، سمعت صوت الباب و فرحت وراحت تفتحه لكن ما دامت سعادتها يوم شافت فاطمه الي كانت يايه للغرفه مو خالد ،

فاطمه بفرح : شلوونج اسراء
اسراء تحاول تبادلها بنفس الشعور : الحمدلله ، بخير
فاطمه : وينج اليوم مانزلتي ع الغدا لا انتي ولا خالد ؟ ماتبونا ولا شنو بالضبط هااا ؟
اسراء : لا والله بس انا كنت شبعانه و خالد كان دايخ و مانزلنا
فاطمه : ايييي ، عيل وين خالد ؟
اسراء بانت عليها ملامح الخوف و الحزن : طلع قبل شوي
فاطمه : وي وي ، وليش زعلانه جذي ؟
اسراء حاوت تبان بطبيعتها ، و تلعثمت شوي بالكلام : لا لا ما فيني شي !
فاطمه : اي اي عليييينا مافيج شي ؟ اصلا من عيونج مبين ، قوليلي شمسويلج خالد ؟
تنهدت اسراء و انصدمت يوم قالت مبين من عيونج : ماكو شي ،
فاطمه : اوكي اوكي ، شرايج نطلع مع بعض ؟ انا فاضيه وماعندي شي ، وانتي شكلج متضايقه و تبين تغيرين جو ،
اسراء : لا لا فطوم خليني مافيني اطلع
فاطمه : ليش ؟ قومي غيري جو ، ولا خالد مايرضى تطلعين ؟
اسراء تنهدت : مادري
فاطمه بجد شوي : اسراء انتي مو طبيعيه ، شفيج ؟
اسراء اصطنعت الابتسامه : لا مافيني شي ، لاتخافين
فاطمه جذبت على نفسها و صدقت : اوكي حبيبتي ( وخلتها و طلعت )

قعدت اسراء بروحها و كتمت الحزن و الضيقه الي فيها و قعدت تفكر بخالد ، وليش مارد عليها و وين راح و اهوا تعبان ؟

تنهدت حيل و حطت ايدها على بطنها وحست بـ الم خفيف و بلوعه و بسرعه راحت الحمام و ارتاحت ، طلعت واهيا تزفر بقووه ولقت خالد جدامها ، استانست حيييل و ارتسمت الابتسامه على ويهها البريء،

اسراء بفرح كبييير و نستكل آلآمها: خالد !
خالد من غير نفس وماكان له خلق لف ويهه و شافها : نعم ؟
اسراء استغربت شوي : خالد وين كنت ؟ وليش مارديت علي ؟ خفت عليك !
تنهد خالد : ياهل انا علشان تخافين علي ؟؟
انصدمت من اسلوبه و سكتت شوي : اي خالد بس .. انا من حقي اني اخاف عليك ، خصوصا انك كنت تعبان و طلعت ومادري وين رحت ، خفت يصير فيك شي
خالد مشى عنهاا و قالها : مافيني شي لاتخافين علي ماله داعي ،

بحركه سريعه غير ملابسه وراح للفراش ،

خالد : سكري الليت بنام ومابي ازعاج
اسراء : خالد بتنام ؟! انت ماصارلك 4 ساعات من قاعد من النوم
خالد بصوت عالي شوي : دايخ شلون يعني ما انام ؟!
اسراء انصدمت وطلعت عيونها : ان شاء الله ،
سكرت الليتات و طلعت من الغرفه و راحت الصاله ، وبدت تفكر ، شفيه خالد علي ؟ ليش تغير اسلوبه ؟ شصاير فيه ؟ لكن للاسف مالقت جواب على تساؤلاتها ،

سمعت صوت تلفونها و ردت واهي مالها خلق ،

اسراء : الو
اسماء : هلا اسور ، شلونج ؟
اسراء فرحت يوم سمعت صوت اختها : الحمدلله بخير ، وانتي شلونج ؟
اسماء : تماام والله الحمدلله ،
سكتت اسراء ،
اسماء : اسور ؟ شفيج ؟ احسج متضايقه
اسراء : لا مافيني شي ( حبت تغير السالفه ) شلون نور ؟ شخبارها ؟
اسماء : الحمدلله بخييير ، واااي حدها مشتاقتلج تبي تقعد معاج ،
اسراء : بعد عمري والله انا بعد والله مشتاقتلها وااايد ، من زمان ماقعدت معاها ولا طلعت معاها ،
اسماء : ايي ، عاد دامج يبتي طاريها ، عقب باجر بنسوي لها حفله مال سلامتها
اسراء : تستاهل والله حبيبتي ، ان شاء الله بكون موجوده
اسماء : اسوور شفيج ؟ صوتج مو طبيعي صايرلج شي ؟
اسراء : لا اسوم صدقيني ماكو شي ، بس حاسه اني تعبانه بطني يعورني شوي
اسماء : ايي ماعليه مال الحمال ، انتي باول الشهور لازم يعورج شوي ،
تنهدت اسراء : اي
اسماء : الله يعينج ، باقيلج درب على ماتولدين
اسراء : اي والله الله يعيني ، انا الحين و مليت شلون بصبر 8 شهور مادري
اسماء : ههههه ، يلا يلا اخليج بشوف محمد شيبيي
اسراء : اوكي

حست اسراء بالنوم و راحت غيرت ملابسها و قعدت بالفراش و شافت خالد وكان في سااابع نومه ، حاولت تنام لكن ماقدرت من كحه خالد القويه ،

تنهدت اسراء : واااي كحته تعور القلب ، اكيد مدخن مساع مايتوب
حطت مخده على اذونها و حاولت تنام و قدرت لكن بصعوووبه ،


الساعه 9 بكليه الهندسه :

اسراء : واي دلول تعباانه ابي ارجع البيت
دلال : يالله عن الدلع عاد ،
اسراء : دلول من صجي بطني يعورني
دلال : اي عادي انتي الحين حامل ، المفروض تتعودين على هالشي
اسراء : احس قمته ، جو الكليه مقموت ، شرايج نطلع ؟
دلال : وين بتروحين ؟
اسراء : اي مكان ، ابي اتمشى
دلال : ههه ، الجامعه شكبرها تمشي على كيفج
اسراء : انا قصدي اطلع من الجامعه بكبرها
دلال : امم ، والله فكره يعني ، بس للاسف ان عندي محاضره بعد ساعه ونص
اسراء : انا بعد ، شرايج نروح مشوار قريب ؟
دلال : واااي مصممه الا تطلع ، وين بتروحين ؟
اسراء : مادري
دلال : شرايج نروح الافنيوز ؟ الحين فاضي مافي احد
اسراء : لا ماني رايحه سوق ، اخاف اطول و تروح علي المحاضره
دلال : عيل وين بتروحين ؟
اسراء: البحر
دلال : يلا امشي


بيت شهد :

احمد : دورج يا اسراء ، ان ماقلبت خالد عليج ما اكون انا احمد !
سحب فونه من الطاوله و اتصل على اسراء ،

اسراء: دقيقه دلول بشوف منو داق علي
دلال : يلاا بسرعه
اسراء دققت بالرقم ، حطته سايلنت





sweet memy​