روآيتي آلآولى :- كــســرنـــي آلــخــوف , حيــآكم =)

[دنيا الجروح]

شكلها تينن حدي راح اقراها
بس حسافة ماعرف اقرا رواية مو مخلصة :eh_s(2):
اول ما تخلص بقراها
بقى وايد ولا شوي؟ تشوقت
لول يعطيج العافية حبيبتي و نااطرتج تخلصينها :*

 

[فتاة الكئابه]

الباررت روووووووعه
مشكوره و ماكو توقعات
حدي متشوقه للبارت الياي
بليز لا تطولين
ناطرينج

 

[حبكـ ملكني]

امـبــييـــه مو صج حدي متششــوقــه اعرف بتزوجوون ولالأ
ومريم مسكينه شرااح يصيــر فيها اذا عرفت انه فهد بيتزووج هند

نبي بااارت بليـزززززز

 

[Đ₥яŋỳ♣7βҜ]

ربـع سآعـه و آلـبـآرت عـنـدكم ​

 

[Đ₥яŋỳ♣7βҜ]

دنيآ آلجروح .. حبيبتي هآلآسبوعين آنشآلله بنخلصهـآ
لأن آلمدآرس قربـت ؛*
نورتي آلروآيـه !​

 

[яεdbύłłάωγά]

وصل البارت :eh_s(22):
*بيت ام خالد ..
الساعه 11 بليل
ام خالد : الو السلام عليكم
ام ضاري : اهليييين
ام خالد : ام ضاري ؟
ام ضاري : إيه
ام خالد : انا ام خالد
ام ضاري : هلااا و غلا هلا بج حبيبتي
ام خالد : شلونج شخبارج عساج طيبه
ام ضاري : بخير يا قلبي انتي علومج ؟ احوالج ؟
ام خالد : بخير ولله الحمد .. مابي اطول عليج حبيبتي بس حبيت اقولج ان احنا موافقين و ربي يوفقهم بـس للاسف أبو خالد قالي مايتزوجون الا بشرط ! و ان ما توفر ماكو زواج
ام ضاري : خير انشالله .. قولي شنهو الشرط ؟
ام خالد : والله تعرفين غلا منى عند ابوهـا .. و يبيلهـا الراحه , فـ قال تسكن اهي و ولدج بشقه بروح ! بعيد عن المشاكل و يقدرون ياخذون راحتهم اكثر
ام ضاري تضايقت : بس حنا البدو عيالنا ما يفارقونـا ! و تراها معززه مكرمه عندنا و بيتنا كبير !
ام خالد : والله هاذا شرط ابوها و ادري ماامنكم قصور ! و المفروض نرد عليكم بعد جم يوم بس ابو خالد قال الحين دقي عليهم و قوليلهم الشرط يمكن ما يوافقون لاسمح الله !
ام ضاري بتردد : والله مدري يام خالد .. تراج عزيزه و غاليه , بس خليني افكر
ام خالد : حق وواجب يا قلبي
ام ضاري : تسلمين
ام خالد : يله الحين اخليج .. تصبحين على خير
ام ضاري : وانتي من اهله
( طووط طووط طوووط طووووووط )
ام ضاري " رضينا بالبين والبيت مارضا فينا !! انا زين خطبت لج حظريه وهالمره يسكن بشقه بروحه ؟ مارضاها "
*,,

شيخه تبجي : شسوي مناوي مو راضيه اتخيل نفسي الا لعبدالله
منى : بس يا حبيبتي اهو بيخطب مريم !! بياخذ اختتتتتتتج !!!
شيخه تزيد بجي : بس انا .. ( تشهق ) انا احببببببببببه
منى : اليوم ما قعدتي مع شاهين ؟ ما تقربتي منه ؟ ما دخل قلبج ؟
شيخه تهز راسها بمعني ( لأ )
منى تنهدت : و بعدين معاج شيوخ ؟ مريم اذا سمعتج بتقعد تلوم بروحها و تتحسر
شيخه تبجي : قولييييييييلي شسوي
منى : مـا أدري .. بس حاولي تنسينه لهي روحج بأي شي
شيخه تمسك تلفونها و تدق ..
منى : انتي تدقين على منو ؟ ( تطالع الساعه ) شايفه الساعه جم ؟ 12 الا ربع !!! صاحيه ؟
شيخه : راح اموت اذا ما دقيت
منى تزفها : قاعد يرن ؟؟؟
شيخه : إي
منى : والله العظيم انج خبله تدرين الحين بيدقرج و بيجرحج ؟ يعني لو منثبره ابرك و بعدين عييييب شيقول عنج ؟ داقه عليه ابهالليل اتبجبجين !!!!!
شيخه : الوو
عبدالله بصوت نعسان : هممممم
شيخه : عبدالله قاعد ؟
عبدالله : لا نايم .. منو ؟
شيخه : انا شيخه
عبدالله : هلا .... هلا شيوخه
شيخه بصوت مبحوح : الله .. مشتاقه لهالكلمه
عبدالله فتح نص عين : شيخه ؟ اشفيج ! ليش جذيه صوتج !
شيخه تبجي : عبدالله انا محتاجتلك ( تشهق ) حيل محتاجتلك ..
عبدالله عدل قعدته : شيوخ بابا احد مضايقج ؟؟ اشفيج ؟
شيخه تبجي : ليش ما تحس عبدالله ؟ انا احبببك والله العظيم ما ابي غيرك ( تشهق) ليـ.. ليش ماتحبني .. تعبت وانا اكااابر اكااااااااابر و اسوي روحي ماهتم لك وولا احبك بس تعبت .. دقيت عليك لاني ضعفت !!! مو قادره اتحمل العذاب !
عبدالله انصدم : شيوخ ؟
شيخه تبجي : خـ..خلني أكمـل .. انا صارلي سنتين مخدوعه فيك عبالي تحبني .. واااااااايد انصدمت .. ( تبجي بصوت عالي ) انصدمت عبدالله انصدمــــــت
عبدالله : بس انا كنت اقط نغزات قويه ! معقوله ما فهمتيها ؟
شيخه تبجي : لااااااااا مافهمتها لأني احبك انته .. ماحب غيرك .. قلبي محفور باسم عبدالله وبس
عبدالله : هدي باباتي مسحي دموعج
شيخه تبجي : ماقدر اعيش بدونك .. ( تصرخ ) يـااااااااااااااااااخي حس
عبدالله يعلي صوته : مسحي دموعج عشان اعرف احاجيج !!!
ِشيخه تشاهق : خـ... خلاص ... مـسح.. مسحتهم
عبدالله : شوفي شيوخه .. انا بصراحه وايد اعزج و استانس معاج و احب قعدتج و سوالفج و مابي اجذب عليج ! كنت افقدج مرات لما ماتشبكين مسن ! تعودت على خبالج و سوالفج و ضحكتج .. بس ما احبج !!!
شيخه قاطعته : خلاص عبدالله انا الحين اخليك .. كنت متضايقه و ماحسيت بنفسي على طول دقيت عليك
عبدالله : لأ ..
شيخه : شنو لأ !
عبدالله : ماتسدينه الا لما اكمل
شيخه ساكته : ......
عبدالله : انا اعزج اي .. احترمج اي .. احب قعدتج اي .. استانس عليج اي .. احبج اي .... بس ((( حب اخوه )))
انتي حسبت سارو و عواش و حصه !
شيخه : أهـا اوك ..
عبدالله : لا تصيرين جذيه ! قوليلي فضفضيلي !! لا تخشين شي بقلبج !!
شيخه : كل الي بقلبي قلته لك
عبدالله : أكيد ؟ يعني الحين مرتاحه ؟
شيخه : إي
عبدالله : مو شايله شي بعد بقلبج ؟
شيخه : لأ
عبدالله : حلفي
شيخه : والله
عبدالله : و فدييييتها والله اخيتي المطيعه ​

​

شيخه ابتسمت : اوكيك عبدالله انا الحين اخليك كوز بنام و سوري قطعت نومتك و قعدتك !
عبدالله : نوم العوافي لا عادي .. وعاش من سمع صوتج
شيخه : عاشت ايامك .. بـاي
عبدالله : بـاي ..
شيخه تنهدت : اااااااااااااااخ
منى : ها شقالج ؟
شيخه : ماكو .. قالي انتي حب اخوه وانا اعزج بس ما احبج
منى : شفتي ؟ لو مو داقه ابرك
شيخه : لا بالعكس .. ارتحت لما سمعت صوته
منى : امممم اوكي بس لا تعيدينها عشان ما تطيحين من عينه
شيخه : أوك
منى : يله حبيبتي انا الحين بنام وهم انتي نامي .. تبين شي ؟
شيخه : سلامت عمرج
( راحت )
((يتبع))​

 

[яεdbύłłάωγά]

منى دشت غرفتها ..
" اخيه يا ضاري .. ماني مصدقه ماني مصدقه .. بس السؤال الي اموت و اعرف جوابه , ليش تركني سنه كامله و بعدها خطبني ! و لمن شفته بفرايديز كان شكله يكسر الخاطر و باين يحبني ! بس ليييش !! اخاف سامع شي عني ! "
( انا ما كنت احسب ان القلوب الساهيه تشتاق ولا كنت احسبك في يوم تجي و تحرك اشواقي )
منى : منو داق هالحزه ! الله يستر ..
( عافك الخاطر يتصل بك )
منى : اممممممممممممممممممبيه هاذا ضااااااااااااااااااااااااااااااااااري !!! أرد ولا لا ! خل ارد اخاف فيه شي !
منى : الـو ؟
ضاري : هلا و غلا .. عاش من سمع هالصوت !!!
منى : ضـاري ؟
ضاري : يا عيون ضاري .. قلبه .. روحه .. عقله .. كللللللـه فداااج
منى : فيك شي ؟
ضاري : إي
منى : أشفيييييك !
ضاري : فيني شوق .. فيني وله .. فيني حب
منى : لا صج ضاري فيك شي !
ضاري : كان فيني .. بس من سمعت هالصوت راح كل شي !
منى : إنزين ؟ بسم الله الرحمن الرحيم ليش هالحزه داق ؟
ضاري : لا كنت ابيج تجين باجر الافنيو بشوفج
منى : من صجك ؟
ضاري : إي والله بكلمج بموضوع بنتناقش !!!
منى : أوك الساعه جم ؟
ضاري : امممم كيفج على هواج
منى : اوك اشوف ..
ضاري : مناوي
منى : هلا ؟
ضاري : انتي مصدقه ؟
منى : لأ هههه
ضاري : ولا انـاااااااااا
منى ضحكت : روح نام و باجر اشوفك
ضاري : اوك تصبحين على خير و انتي بعد نامي
منى : وانت من اهله .. إنشالله -.-
ضاري : امممووواااحح .. مع السلامه
منى : بحفظ الرحمن
( طووط طووووووووط طوووط )
منى لمت التلفون " واااااااااي ماني مصدقه "
حطت راسها و نامت ..
مريم : امممبيه انزين ليش ما يرد علي ؟
حور : يمكن ملتهي مع بنات عمه
مريم : لا لا .. فهود اعرفه العاده يرد !
حور : واي مريوم لا تكبرين الموضوع !
مريم : صارله يومين مايرد علي !!!! وماله حس كلش
حور : إنشالله مافيه الا الخير !
مريم : اشهالصوت ؟
حور : تلفون البيت يرن !
مريم : بسم الله منو داق هالحزه !!!! ( يركضون تحت )
مريم : الـووو ؟
صوت ازعاج و اغاني و شباب : مرحبـا
مريم انصدمت : هلا !
...: وين حـور الـ*** ؟
مريم عصبت : شنوو !!! منو انت و شعرفك بأختي ؟ وما اسمحلك تتكلم ابهالاسلوب القذر !
...: هدي هدي .. انا شدراني ! رقمها انتشر و يقولون انها خوش قـ*** ! عادي تييلي ؟ بس ليله ! و بالمبلغ الي تبيه !
مريم عصبت : شوف قسما بالله ان دقيت مره ثانيه ماتلوم الا نفسك ! مفهوووم ؟؟ و لعلمك انا ابوي يشتغل بالداخليه ! يعني بتأشيره نوديك ورا الشمس !
...: واي واي يمممماااا خففففففت
( سدته )
حور خافت : منو ؟
مريم : واحد جلب داق يقول وين حور الـ*** ؟ ابيها تييلي بس ليله و بالمبلغ الي تبيه
حور تبجي : شعرررررررفه برقم بيتنا ؟؟
مريم : يقول رقمها منشور !
حور تطق راسها : يا قرادة حظج يا حووووووور
( ترن ترن ترن )
مريم شالته بسرعه عشان اهلها ما ينزلون ..
مريم : الوو !
عبدالرحمن : سمعيني هي قولي حق اختج القـ*** انا نشرت رقمها عند ربعي ! تعرفين بعد عطله و ظيقت خلق و مدحتلهم اياها ! خل اتييلهم ولا تسوي دور الشريفه !! لا ورب الكعبه الصور عند باب بيتكم ! حدها 3 ايام ! ان ما يت ! صورها بتنتشر للكويت كلها و بكتب فضيحه حور بنت نواف الـ*** ! و احط رقمها و رقم بيتكم و عنوان بيتكم يا حلوه ! وصليلها هالحجي ! ولا تقولين لي داخليه ما داخليه !!! مو انا الي اخاف من هالسوالف .. سلام يا الـ*** يا اخت الـ****
( طوط طوووط طوووط )
مريم طقت ايدها بحراره : خسيس ..
حور تبجي : شصااااااااااااار
( ترن ترن ترن )
مريم : اووووف بشلع الواير موناقصين مصاايب ( شلعته )
حور تبجي : شقالج
مريم : امشي فوقج افهمج ..

اليوم الثانـي ..
ام ضاري : ضروووووي ضويري
ضاري : هلا يمااااه هلا
ام ضاري : ماقلتلك بالي صار ؟
ضاري : بخصوص ؟
ام ضاري : ام خالد و بنتها
ضاري فز : شنوو شصاير
ام ضاري : أبد .. يقولون ما يتم الزواج الا يوم تاخذها بشقه بروح
ضاري : أيه ؟
ام ضاري : شنو ايه ! قلتلهم افكر ..
ضاري : و شنو رسيتي عليه يالغاليه ؟
ام ضاري : لا ! انا ابيك عندي !!! ولدي قدام عيني !
ضاري : يمما الله يهداج ! تراني كبير !!! و كل يوم نجيج البيت !
ام ضاري : لآ يعني لا
ضاري : يما انا ماصدقت انهم يوافقون ( يبوس ايدها ) تكفين ارضي ( يبوس راسها )
ام ضاري : خلاص خلااااااص افكر
ضاري يبوس راسها : ناطررررج لا تخذليني
من جانب اخر ..
فهد معصب : ما يمدي شي يما شلون كل شي يصير بسرعه بسرعه !
ام فهد : قلتلك اليوم ملجتك على هند
فهد : يا سلام ؟ الحين انا ماخذها غصب و تتحكمون بالمده !!
ام فهد : اليووم يعني اليوم .. غير هالحجي ماعندي !!!
فهد : اففففففففففففففففف .. ( طلع )

احرموني منك احرموني .. عنك ياحب ابعدوني
مادرو اني بدونك .. دنيا ظلمه في عيوني
وانتي عمري و الغرام .. كيف انا بعدك انام ؟
اظلمو صدق المشاعر .. نفترق والله حرام
منى : هئئئئئئ حلفي !!!!
مريم : والله العظيم
منى : جلب !!!
مريم : لازم نكلم حصوص تكلم عبدالعزيز
منى : اي اي يوقفه عند حده !!
مريم : ويت ادق عليها
حصه : الووو
مريم : حصوص
حصه : هلا ؟
مريم : لحقيييي
حصه : شنو شصاير ؟
مريم : ( قالتلها السالفه كلها )
حصه : حسبي الله عليه .. ماعليكم اليوم اكلم عبدالعزيز يشوفله صرفه
مريم : اي تكفين !! امي ولا ابوي ان درو تدرين شيسوون ! ابوي ابهالسوالف ما يغشمر !!
حصه : انشالله ولا يهمممـج ..
يوسف : اقول حسون
حسن : ها ولك شتريد عيني احجي
يوسف : خخخخ ابي مره كلمت الحب بتلفونك مو ؟
حسن : اي
يوسف : وقلتلك سجل المكالمه عشان ادزها لفوني !
حسن : اييييييييييي اي
يوسف : و سجلتها مو ؟
حسن : اي سجلتها وحتى قلتلك دز الصوت لك و قلتلي مره ثانيه لان فونك حمني بياخذه جم يوم !
يوسف : ايووووووووااااااه .. عندك الصوت ؟
حسن : والله مادري يمكن ماسحه !
يوسف : عطني فونك اشوف
حسن : هاك ( يحذفه )
يوسف كان يجرب صوت صوت .. ومن بينهم :
عواش : هلا حبيبي
يوسف : شدعوا يبه تتغلين ؟
( سكر الصوت )
يوسف يصرخ : لقييييييييييييييييييييييييييييييييييييييته ( يلم رفيجه )
حسن : شناوي عليه يا هيه ؟
يوسف : كل شي بوقته حلو
حسن : الله يستر منك ..
( يتبع)
​

 

[яεdbύłłάωγά]

• الساعـه 6
  ( ترن ترن ترن )
  منى : الووو ؟
  ...: انتي حور بنت الـ*** ؟
  منى : احترم نفسك يا قليل الادب !!!!
  ...: شو مالو الحلو زعلان ومعصب !!! تعاليلي الشقه ! حولي شارع
  قاطعته منى : جب ولا كلمه و مو انا و اختي عندنا هالسوالف فاهم ؟
  ( ام خالد دشت )
  ام خالد : مناوي منو تحاجين ؟
  منى سكرته بسرعه : لا يمما بس ياهل اذتني كل شوي ادق !
  ام خالد : هههههه اي حتى انا امس ياهل ذابحني يدق يهذي اغوووو و اغووو و يسده
  منى : هههههه
  ام خالد : اليوم بتطلعون ؟
  منى : اي بنروح الافنيو
  ام خالد : منو ومنو ومنو ؟
  منى : انا و عواش و مريوم
  ام خالد : هـَوْ ! بسيارة منو ؟
  منى : بسيارة حور ! انا اعرف اسوق ولا نسيتي ؟
  ام خالد : لا مانسيت بس انصدمت يله حبيبتي ديربالج على عواش و مريوم
  منى : اوكيك
  ام خالد : متى بتروحون ؟
  منى : الساعه 7 و شي بعد اذان العشى
  ام خالد : اوك بحفظ الرحمن
  خالد : ليش ماتروحون 360 ؟ منزلين عمروسلمى 2 !
  منى : لا نجوفه بشرق ! سينمت شرق احلى !
  خالد : والله ماعندكم سالفه .. يله انا ببدل لان 8 ونص حمود بيمرني بنطلع
  ام خالد : اوكي سلم لي عليه
  خالد : يوووصل يالغاليه
  علي : اوووف اخذني معاك ظيقة خلق
  خالد : اذلف زين ( صعد )
  ام خالد : ولا يهمك حبيبي انا باخذك معاي ايكيا
  علي : يا بعد رااااااااااااااسـي
  منى : عفيا ما تملون من ايكيا ​
• غرفة خالد ..
  خالد " اوووف جم مسكول !!! 11 ! شصاير ؟ "
  دق على الرقم ..
  خالد : الووو ؟
  يوسف : هلا
  خالد : منو معاي ؟
  يوسف : انت خالد الـ*** ؟
  خالد : اي
  يوسف : هلا والله بولد خالت حبيبتي !
  خالد : شنو !!
  يوسف : مو بنت خالتك عواش ؟
  خالد معصب : وانت شعرفك بعايشه !!!!
  يوسف : حبيبتي ! بس انت الي بقتها مني !
  خالد يصرخ : جذاااااااب ! عايشه اشرف من الشرف !!
  يوسف : لحظه اسمعك .. ((( سمعه المكالمه و هي كانت :
  عواش : هلا حبيبي
  يوسف : شدعوا يبه تتغلين
  عواش : ههههه لا بس كنت مع امي نخطب حق حمود
  يوسف : يحليله بيتزوج ؟
  عواش : اي حياتي
  يوسف : يله عقبالي انا وياج
  عواش : امييييييييييييييييييييييييييين
  يوسف : اوف اووووف لهلدرجه تحبيني
  عواش : فوق هذا الحب احبك وبعد اكثر كثير
  يوسف : يلي تدري ان قربك انا احتاجه كثير
  عواش : يمكن اكثر من غلا روحي لروحي
  يوسف : وانت من نساني في هالدنيا جروحي
  عواش : احب هالاغنيه تدري ليش ؟
  يوسف : ليش ؟
  عواش : اول ماعرفتك كنت اسمعها
  يوسف : يبووووي يا انتي
  عواش : ليش شفيني
  يوسف : معذبتني
  عواش بدلع : سلااامتك من العذاب ياروح عواش
  يوسف : حبي حبي انا الحين بسده لان وصلناا
  عواش : ليش وين انت ؟
  يوسف : بمرينا
  عواش : اها اوك هاف فن حياتي ولاتغاااازل اذبحك ان راحت عيونك مني ولا مني !
  يوسف : وانا اقدر اغازل دام انتي بقلبي ؟ اذا عندي القمر مالي ومال النجوم ؟ اساسا كل ما ابي اشوف غيرج القاج جدامي ! عيوني ما تشوف غيرج يا بعد عيوني انتي
  عواش : اييييي عيااااارتك .. يمما منك باالحجي محد يسبقك
  يوسف : هههههههههههههه .. يله حبيبي باي
  عواش : باي )))
  يوسف : سمعت ؟
  خالد مسكر سنونه و يتكلم بقهر : وليش مسمعني ؟
  يوسف : لا بس حبيت اقولك ان حبيبتك المصونه عايشه ! تجذب عليك ! اهي مو قالتلك انها مو مرتبطه وكلش محد دش بحياتها ؟ جذاااابـه ! اهي تجذب عليك بـأتفهه الاسباب !! ماتبيها تجذب عليك باشياء اكبر ؟ ترا الماضي عمره ما يفرق حبيبين يدد ! فـ لاتصدقها اذا قالت اخاف اخسرك و صدقني بتقول هالكلمه لاني اعرفها اكثر من روحي ! سنتين مو شويه
  خالد منقهر : خلاص .. قلت الي تبيه ؟
  يوسف : أي .. و ابيك تسالها اذا مجذبني (( تعرفين يوسف الفـ*** )) ؟
  خالد : لعلمك .. هاذا مو سبب يخليني اترك عايشه حبيبت قلبي و روحي و خطيبتي !! فـ العب غيرها ! Game over حبيبي !
  يوسف : ههههههههههههه اوك .. ماشي يا خالد بتشوف الايام تثبت لك كلامي .. يله جاو
  ( طوووط طوووط ططووووط )
  خالد " حسابج عندي يا عواش والله لا اوريج "​
• 
  الافنيوز ..
  منى : الوو ؟
  ضاري : هلااا
  منى : وينك انت ؟
  ضاري : بستاربكس ! ماتشوفيني ؟
  منى : ويت ماوصلت عنده انا فوق .. عيل انطرني دقايق و ادق عليك
  ضاري : اوك
  منى : بـاي
  عواش : هـا شصار ؟
  منى : بستاربكس
  مريم : طبعا عواش انا وياج نذلف لما مناوي تروح مو ؟
  عواش : لا شرايج ؟ بنقعد فوق راسهم وانا اغني لهم وانتي تعزفين عشان يدشون بالجو عرفتي ؟
  مريم : يا ملقج
  منى : اووووووف مو وقتكم انا متوتره وانتو تتهاوشون
  عواش : شدراني عنها !امبي مريوم ! خو اكيد انا وياج بنذلف ! نتسوق أو نروح أي مطعم !
  مريم : زين زين ماتسوى علي الكلمه !​
• بــعــد دقــايـــق ..
  منى دزتله مسج ( وينك ؟ شنو لابس ؟ )
  ضاري ( تيشيرت بولو ابيض )
  منى ( قاعد اخر شي ؟ )
  ضاري ( أي )
  منى ( اوك كاني يايه )​
• 
  مــنــى راحـــت ســـتـــاربــكـــس
  و مــريـــم و عــايــشـــه راحـــو مــحــل gap
  و بــعـــدهـــا مـــاك ..​
• //
  ..​
• 
  فهد طلع برا ..
  لحقه سعود ,
  سعود : من صجك انت ؟ خبل ؟ اليوم ملجتك عالبنيه و طالع لي برا
  فهد : بدخن !
  سعود : ما تدخن !
  فهد : راد عليك يعني !!! ( طلع الزقاره )
  سعود : استغفرالله .. كل هاذا عشان بنيه !
  فهد مدمع : قبل لا تتحجى عن هالبنيه اعرف اهي منو !!!
  سعود : يبا عادي !! شوفني انا ! رفضوني بدون سبب ! و هالانسانه ليلحين خاطري فيها !!
  فهد : لحظه ..
  ( اتصل على مريم )
  ترن .... ترن ..... ترن
  مريم : الووو
  فهد : مريم
  مريم : هلا حبيبي اشفيك ليش جذيه خوفتني عليك !!!
  فهد : اممممم اقدر اشوفج ؟
  مريم : ايييي !! الحين ؟
  فهد : اي !
  مريم : اوك انا الحين بالافنيو !
  فهد : يايلج
  ( طوووط طووط طوووط )
  سعود : خبل انت خبل ؟؟؟
  فهد : اي خبل !!!!!!
  سعود : بعد شوي بتدخل على البنت !!!!! و انت هاد البيت و رايح الافنيو تشوف مريم !!!
  فهد : والله عاد كيفي !!!!
  ( ركب السياره و حرّك )
  سعود : الخبل شبيسوي !! خل الحقه ما اخليه ..
  ( ركب سيارته و لحقه )​
• خلص البارت
  قراءه ممتعه :*
  عطوني توقعاتكم شراح يصير بين منى & ضـاري
  و مـريـم & فــهــد ..
  و سالفة حور بتعدي على خير ولا لا ؟
  و خالد شبيسوي لـ عواش ؟
  هـل عبدالله بيقول لـ مريم عن الي صـار بينه و بين شيخـه ؟ ​

 

[Đ₥яŋỳ♣7βҜ]

قوآج آلله ردبولآويه :*
ترآ وآلله تعبنآ على مآ نزلنـآه
لآتحرمونـآ من ردودكم ​

 

[Ghalawii]

Thx 7yaaaaaatii yslmoo el paaart raww3aaa ummmm inshallah t3adi salfat 7oooor 3la khaair
Maryooom allah y3lan shnu raa7 y9eeer feeeha etha drat 3n fahad
3bdallah mleeeeeeeq
Muna mskeena tkhale9 mn salfat el 7thar ou el badou t6la3 lha salfat el bait
Ou yooousif nthel waaaaai3
Sorry l2ani 6walt ou bs

 

[حبكـ ملكني]

يعــطـــيييــكــم الـــعــــاافــــيــــــه***
يالله عطوونــا بارت حدي مــتــحــمــســـه...ابي اعرف شبيصير ع مرييووم وحوور تعدي ســالفــتــهـــا عـلـى خــير ولا يصييـر شي,,,

 

[Dlol elhbla]

منى و ضآري : اممم سالفه الشقه بروحهم اعتقد بتعدي ؛)
مريم و فهد : اتوقع بيقول لهآ , و تنهآر :'( و اهيه بعد رآح تقوله انه رآح تنخطب حق عبدلله ;*
حور : الله يسستر بس , احس راح يدرون اهلهآ و بيطونهآ و يسون فيهآ شي : (
خالد و عوآش : رااح يتزوجهآ بسسرعه عشآن يعذبهآ و يطقهآ < حرآآم
عبدالله : ما اتوقع بيقول لمريم !



ثيينكس حبي ع البآآرت . . ويتنق ع نآآر ؛) *​

 

[حبكـ ملكني]

بليـــــز ياقلــبـــي نبــي بــارت وبسألج سواال جم بارت الروايه....
نبي بااارت وتخلصينها قبل لا تبدأ المداارس.....:yaaaaaarb:​

 

[فتاة الكئابه]

حبيبتي البارت رووعه ناطرينج بليز لا تطولين عشان المدارس بليز خلصي الروايه قبل ماتبدي المدارس
متى البارت؟!

 

[Đ₥яŋỳ♣7βҜ]

ثينكيو عآلردود
و آليوم آنشآلله بآرتين ,
برب بكتب آلبآرت 1
و آلبآرت 2 بليل بإذن آلله :*​

 

[Ghalawii]

Wain el part 6wltay ;'(

 

[عمري فـداك]

بالانتظاااااااااااااااااار

 

[яεdbύłłάωγά]

بنات دمرني حبك لابها اخترب بنص ألبارت ودوه يسون له فورمات وانشالله بإجر يوصل أسفين على التأخير :*

 

[Dlol elhbla]

wirting​

 

[Ghalawii]

Waiting