ام خالد : هَوْ ! اشفيج ؟؟؟؟؟
منى ترقع : لالالا بس اعرف وحده بنفس العايله
ام خالد : شرايج فيها عاد ؟
منى : لا خوش عايله يممه ! محترمين و سيدا و ملتزمين بعاداتهم وتقاليدهم !
ام خالد : بس بدو !
منى : وشنو يعني ؟ كلنا عيال 9 ! وكلنا مصيرنـا التراب ! ياما حضر تزوجو بدو وعاشو احلى حياه !و لعلمج فـي بدو احسن من الي منا و فينـا !!
ام خالد : بسم الله شوي شوي كليتيني ! وابوج تهقين يوافق ؟
منى : هَوْ !؟ ابوي شكو ! انا الي بتزوج ولا ابوي !
ام خالد : عدل كلامج .. واااي منج راعية اسلوب .. المهم ترا بتيي اليوم تشوفج ! و الولد بيقعد بالديوانيه عند اخوانج و ابوج
منى : اوكييييك ( راحت فوق تركض )
سعود : وصية عممممتك يالخبل
فهد : ومريم ؟
سعود : بسالك سؤال و احلفك بالله .. منو اهم ؟ مريم ولا وصية عمممتك ؟
فهد : ...............
سعود : جاوبني ليش ساكت !!!!
فهد : وصية عمتي
سعود : منو اهم مريم ولا رضا امك و ربك ؟
فهد : رضى امي و ربي
سعود : خلاص عيل توكل على الله
فهد : و مرررررررررريم ؟؟؟؟؟ ( ييصررخ )
سعود يصرخ : مريم تتوكل الله يوووفقهـاااااااا
فهد يبجي : ياسعود احبهـا
سعود يحط ايده على جتف رفيجه : ماعليه .. خيره لك !
فهد يمسح دموعه : يعني اتوكل على الله ؟
سعود : إي وانا اخوك .. صج حبيبتك مهمه بالنسبه لك بس امك و ربك و وصية عمتك رحمة الله عليهـا اهمم
فهد : إنشالله
عواش : وااااااااااااااي مشتاقتله مريوم
مريم : منو ؟
عواش : اخوج الملعون
مريم : هههههههه منخمد
عواش : يالله وناسه باجر الزواره
مريم : تكشخي هـااا
عواش : افا عليج من غير ماتقولين
مريم : عواش بسالج سؤال !
عواش : هلا ؟
مريم : امممم بصراحه ماشتقتي ليوسف ؟
عواش : لا .. كلش لا
مريم : تصدقين ؟ قلبي ناغزني احسه بيسوي شي ! لاني حلمت فيه
عواش : ويييي لا انشالله
مريم : لااااااااااااااااا مو هالنفنوف !
حصه : إمبلااااااا هالنفنوووووف مخلي جسمها حلووو
منى : وااااااااااااي شلبس ؟
حور : لبسي الي قالتلج عليه حصووه يهبل
منى : اوكييييك والميك اب شرايكم فيه ؟
حور : يهببببببببببببببببببل جنج باربي
حصه : تف تف تف تف ربي يحفظج
شيخه : و شعرج ليلحين ما سويتيه ؟
منى : بسويه ويفي
حور : لا لالالا يالخبله !!!! اهم بدو عندهم الشعر الطويل و الطايح احلى !
منى : ايوووواااه صح !
بعد 36 دقيقه طلعت لهم منى ..
منى : هـا شرايكمممممممممم ؟
حور صفرت : رووووووعـه الله يحفظج
حصه : اتهبلييييييييييين
مريم : زووووووووووغه
شيخه : شكلها الام بتهون وتتزوجج ههههههههه
منى تدور و تصرخ : وااااااااااااااي مو مصدقه مو مصدققققققققه
مريم : قلنا لج الولد يحبج و بيخطببببببج
( دقت عواش )
عواش تصرخ : صججججججججج الي سمعته
منى تصرخ :أيييييييييييييييييييي صج
عواش :قولولولولولووووووووووووووووووووووووووش
منى : يا حياااااااااااااااااااااااتي عقبااااااااااااالج
عواش : بسم الله الرحمن الرحيم ترا توها خطبه رسميه حتى ما وافقتو
منى : جببببببببببببببي زين انا مستاااااااااااانسه
عواش : عسى دوووووووووم .. ودي اييلج بس ماقدر حمود طالع مع روان و ولدهم
منى : ماله داعي يا قلبي اتصالج كافي
عواش : يله اخلييييج تتكشخين .. بيباي
منى : بايات
خنقولكم شكل منى ..
بالنسبه للنفنوف , نفنوف بيج قصير فوق الركبه كوكتيل .. و تحت الصدر في حزام بني
و صوب الصدر في شك بني .. من ورا الظهر كله طالع
شكلها كان كيووووووووووووت
و الميك اب .. شدو سموكي بني مع اسود و مسكرا و عدسات عسليه
و الحمرا ورديه , و بلاشر وردي خفيييييف ..
شعرها مسويته استريت و ماشالله طوووويل لي نص الظهر
و قبل فتره قاصلتها قذله تحت الحاجب
حاطه شعرها على جنب ..
و بالوسط من ورا مسويته بف خفيف و مثبتته بـ ماشه شوارفسكي
حور : ترا وترتيني معاج !!!
منى : خلااص اخر مره ! بس امانتن شكلي حلو ؟
الكل : اييييي
منى : انززين ويت بشوف الكيك و هالسوالف ..
فهد : يمه
ام فهد ماترد ..
فهد يمسك ايدها : يمه
ام فهد : همممممم
فهد : يمه انا اسف
ام فهد : توك حسيت ؟ طالع من العصر و رادلي الساعه 7 تتاسف !
فهد : انا موافق
ام فهد استانست : صج ؟؟؟؟
فهد : اي والله
ام فهد : عفيا على وليدي .. اي يمه ريحتني و ريحت عمتك بالقبر الله يرحمها
فهد : الله يرحمها
ام فهد : بعد جم شهر انشالله تخطبهـا
فهد بغصه : أوك ..
ترن ترن ترن ترن
ترن ترن ترن ترن
منى فزت : أكيد إهي أكيد إهي
حور : وشنو يعني ؟
منى : واااااااااي خايفه
حور : استغفرالله اليوم يا ذابح يا مذبوح
مريم : انتي اشفيج مناوي حبيبتي ؟ اقري المعوذات وترا اقصاها خطبه
منى : ادري انها خطبه بس كل شي صار بسرعه بسرعه ومادري مو متصوره ان ضاري اهو الي خاطبني !!!
شيخه : سمي باسم الله و انشالله ماكو شي
حصه : هالله هالله بالتوصيات
منى تعدل شعرهـا : انا حلوه ؟ :$
حور : هههههههه خبله !
ام ضاري تبوس ام خالد : عاش من شافج
ام خالد : عاشت ايامج حبيبتي
ام ضاري : اي شلونج و شخبارج ؟
ام خالد : والله الحمدلله ماشي الحال .. حياج ( تاشر لها ع صالة الاستقبال )
ام ضاري قعدت : ماشالله تبارك الرحمن خوش بيت
ام خالد ضحكت : ايه بيت العمر
ام ضاري : عسى الله يتمم عليكم
ام خالد : تسلمين
( و قعدو يسولفون و تسال ام خالد عن ضاري )
ضاري : انقبلت بالداخليه
ابو خالد ابتسم : الله يووفقك
ضاري : تسلم
ابو خالد : اذا الله تمم عليكم انت و منى و تزوجتو .. وين بتسكنها ؟
ضاري : ببيتنا ! و إن بغت بشقه لحالها ترا عادي
ابو خالد : بيتكم كبير ؟
ضاري : اي 4 ادوار
ابو خالد : ماشالله ..
ام ضاري : الا وين العروسه ؟
ام خالد : اناديها لج لحظه .. ( تصعد فوق )
منى : يمه شكلي حلو ؟
ام خالد : حلااااتج والله
منى : يمه قدمتيلها شي ؟
ام خالد : اي مكسرات و جاي و قهوه
منى : والكيك ؟
ام خالد : لا الحين تروحين المطبخ و تسلمين عليها و تقصين لهااا
منى : اوكيه .. ( تطالع البنات ) دعواتكم ..
( نزلت )
ام ضاري : يا هلاااااا حي الله عروستنا
منى مستحيه : الله يحييج ..
( نزلت الكيك )
تسلم عليها برقه ..
ام ضاري ماشالت عيونها : ماشالله تبارك الرحمن ماشالله ماشالله الله يحفظج
منى منزله راسها ...
ام ضاري : اي ارفعي راسج نبي نشوف الجمال
منى رفعت راسها بخجل : تسلمين
ام ضاري : شلونج ؟
منى : الحمدلله خالتي انتي شلونج ؟
ام ضاري : بخير جعلج بخير ..
( تمو يسولفون مع بعض شوي)
ام ضاري : يله انا اترخص
ام خالد : وين تو الناس ؟
ام ضاري : والله عندي اشغال ..
ام خالد : عزيزه و غاليه
( يتبع)
