رمضان والحموله

[قصة وفاء]

بنات أنا ساكنه بيت قريب من حمولتي
واجيهم العصر اساعدهم بالفطور عشان ماعندي خدامه
وناويه اذا جتني خدامه اجيهم على الفطور ومعاي كم صنف
معان زوجي يبينا أفطر بروحنا حلاة رمضان الجمعه والوناسه
وصدقوني بنات مصير كل وحده تكثر مسؤليتها واطفالها
وتفطر بيتها
لازم ننسى اللي فات ونعيش رمضااااان*

 

[بوغاتي88]

4- في حمووووووله عسل × عسل ما يبون شي وسوالفهم حلوه وقعدتهمم ماتنمل لين تفتحين عيونج على اخر الليل
من طيبهم تتفنيين في اطباقج لي نزلتيها لهم لانه الطيب فيهم ينفع

انا حمولتي جذي عسى الله لايغير علينا وكل شي على الطباخ يعني ماله داعي نتعب

 

[بنت الفوزان]

انا شقتي بروح اروح مره بالاسبوع وموشرط يكون معاي شي

 

[لاتنسى الحب]

انا ساكنه عند حمولتي وماعندي مطبخ فأنزل كل يوم من الظهر اسوي كذا طبق واتفطر معاهم واقعد معاهم الى العشا واصعد غرفتي
وبس ومايشوفوني الى يوم الثاني

 

[ماحب اتدلع]

اصلا وناسة الفطور معاهم يسلون الله لا يغير علينا وامل افطر لحالي ماكأنة رمضان بس مو يوميا افطر معاهم مرة بالاسبوع بس لأني مو عايشة معاهم

 

[((الجوري))]

اب اب

 

[أسم والسلام]

أنا بديره ثانيه وأفطر معاهم مره وحده بالشهر كله وأودي معاي حلا


الفطور مع أهلي أكيد أحلى ولامع ريلي بروحنا

ومابي أهذر زياده
وكل عام وأنتم بخير

 

[ملكة الغيد]

سبحان الله وبحمده سبحان الله العظيم​

 

[**وقفة فرس**]

رمضان غير سفرتنا وقعدتنا يالحريم مع بعضنا بروح والرياجيل بالدوانية...أحب هالنظام أريح وأرتب...وقبل الأذان بدقايق أنزل وهالشي حسب ظروفي إذا تعبانة أو مزاجي مش رايق :0bee2e8d89:ما أغصب نفسي على النزلة..وموحلوة ماأسوي شي لازم أسوي اللي الله يقدرني عليه سواء دور خالتي بالفطور ولا مو دورها لو ماعون سلطة يعني ما آكل وامش إيدي بالطوفه:botetoo::eshrab:موسنع صراحة..الناس موملزومة اتحمل دلعنا اللي كااااااان عند أهلنا واصلي المغرب وأقعد نص ساعة أو ساعة وتالي أصعد

 

[ام فتوته]

انا غير بس موجوده خالتي وحماي وولده وبنته
وانا الي اطبخ بشقتي وانزله لهم ونتفطرجميع
فشيله بعد اخلي خالتي تطبخ,,,,,,,,سنعه

 

[رآآحٺ آيآمڪْـ]

آول مآآتزووج آقولج يآقلبى ُ ،

 

[كويتية كيووت]

بصراحه بنات لمن قريت ردودكم حسيت اني صج عايشه مع ناس هيلق

طبعا بالعافيه عليكم وربي يهنيكم


حمولتي علبالهم الجنه ماخذينها من مكتب خدم .. انا رمضان الي طاف كنت توني عروس شهرين وطبيت معاهم المطبخ طبعا طلعوا روحي من الساعه 1 الظهر لازم اشتغل يطبخوون بكميه كبيره

المهم كان كل يوم لهم نظام قاموا يخورونها مره انزل اساعد حمواتي مره نزلي امبجر وحطي الاساسيات وخلي مرت حماج تكمل بعدج الخفايف

ومره يوم كامل انا اطبخ فيه وحمواتي شالوا ايدهم من الشغل كله

وبما ان اغلب يومي عندهم فقالوا لي ولمرت حماي ناخذ سحورنا من عندهم يعني من الي بقى من الفطور




عذبوني وايد انا في بيت اهلي ما كنت جذي اكرف طبعا كنت معززه يالله الحمدالله على كل حال .. المهم ليما مصخوها وصارت مشاكل


وباجي رمضان قضيته بشقتي اريح وايد

بس لمن اذكر رمضان الي طاف يضيق خلقي

ان شالله رمضان هالسنه يكون راحه لي ولكم

امبيه صراحه شككتيني اني انا راده ع الموضوع
حالتج بالضبط نفس حالتي وحسيت بضييقه رمضان اللي طاف
وماحسيت بطمعه وحتى ختمتي كانت صعبه علي والسبه الكراف
والقعده بدري وانا مو شبعانه نووم على اني ماعرف بشغل المطبخ
والسبه متعوده هالخدم والحشم وهالرمضان ارتحت اول اسبوع
لاني ماخذه صيفي وامتحانات اول اسبوع ،وربي خالتي ماصبرت
توني باجر اول امتحان لي قالت شوفي تخلصين يوم الاحد على
طول تدخلين المطبخ شخباري هالوقت فيه ناس جذيه وربي انا حريم
اخواني مانخليهم حتى ينجبون وعندنا طباخه والخدامه الثانيه تساعدها
احنا مو ماخذين بنات الناس خدم دامها مومقصره بحقوق زوجها خلاص بيض الله
وجها بس صراحه في ناس للحين عقد عايشين على عصر اول مو راضين يتطورون

 

[همسةغلا111]

- في حموله يقطون نغزات والاكل معاهم ياللله ينزل من الريج فعدم النزول لهم افضل
هذي حمولتي عينهم فيك تكلين كثير والى لا عشان اذعزمتهم اليوم الثاني ياكلون مثل:bbbiu: اكلي ناس متخلفه وابشركم افطر بشقتي انا وزوجي وبس:eh_s(7):

 

[seedo]

انا اول سنه زواج كنت اتفطر معاهم بس ريلي تضايق لان امه تقعد تحن عليه أكل أكل ذوق هذا وماكليت من هذا بس تاكل طباخ مرتك انا اطبخ حق منو وتقعد تبجي عاد ريلي تضايق يقول انا صايم وبتفطر من غير حنه ومناحه نتفطر بشقتنا ومتى ما بغيتي تنزلين نزلي بعد الفطور ومرات اطرش لهم نقصه من فطوري *

هههههههههههههههه تبجي عاد؟ والله حرام عورت قلبي افطروا وياها واهي صاجه تطبخ لمنو

 

[علياء الحسن]

:krkrkr: هههههههههههههههههههههههههههه تخيلي المنظر بس استغفر الله ​

انا نظام حمولتي غير مايحبون طبخ الخدم كلش ملش الطبخ متوزع بيننا
خالتي وحماتي ماسكين الطبخات الرئيسية غالبا مثل العيش والمرق والتشريب (حق عمي مايحب الا طبخ خالتي) ومرت حمااي المشروبات من قهوة وشاي وشربات عليهاوقيمات وماشابه ..وانا ومرت حمااي الثانية علينا السلطات والطبخات الجديدة على قولة خالتي ..
والحلو مرت حمااي الثانية تتفنن فيه ..بس مو ثابته فيه تغيير كل وحدة ممكن تغير تخصصها

وننزل تحت من قبل الفطور بساعه نجهز حق السفرة وعقب الفطور نساعد شوي بالترتيب ونصعد وعقب صلاة التراويح ننزل مرة ثانية حق القهوة .​

صراحه ربي يجمكم ولا يفرقكم يارب هذولا الحريم السنعات :eh_s(17):

 

[مزاجي راقي]

انا انزل كل يوم على الفطور والسحور ..


ونزل قبل الفطور بنص ساعه أساعدهم بالنجب و بترتيب السفره


وخالتي ما تقصر سفرتنا دايما عامره وخداماتها شاطرين معلمتهم على ادينها ماشاء الله عليها


بس أنا احب اسوي اي شي انزله معاي يا على الفطور او بعد الفطور ..


وحمواتي وحريم حمواني نفس الشي


معن مثل ما قلت خالتي ما تقصر ..


واذا احد سوى شي لو بسيط لو حتى نجب بس وياها قالت فلانه يمال العافيه تعبناج اليوم معانا


عسى الله يديم علينا هالجمعه ويعود علينا الرمضان كل سنه بصحه وعافيه ..


مصيرنا نتفرق وكل واحد بيطلع في بيت ... خل الناس تذكرنا بالخير

 

[حلوه بس بلووه]

اب لعيونكم

 

[هيبة ملك]

زوجي يتيم وأحنا فبيت بروحنا

لكن مرات نروح لأخوه الكبير

 

[PuPa^^SWeeT]

انا مو ساكنة عندهم بس افطر وياهم مرتين بالاسبوع

 

[!! روآض !!]

هلله هلله بالحموله

هم الاساس

فديتهم

وحبيت اوجه نصيحه للي يتقبلونها

اي شئ تسوينه لحمولتج ..ربي بيجازيج نفسها سواء خير او شر

وشكرا