رمضان والحموله

[العفاسيه وبس]

انا حمولتي صراحه ما ادري جدامي شي ووراي شي ثاني وضعهم محير بس وانه ساكنه في شقه بروحي ويا عيالي الحمدالله والله اني اعين واعاون اممممممممم نسيت اقولكم عندهم خدامه بعد وافطر عندهم الحمد لله

 

[عيني عليه]

انزييين في احد نفسي؟؟

مو ساكنه عندهم وكل يوووم رسمي اشيييل قشي وارووح افطر عندهم ... ولازم بيدي طبق والا اثنييين ...

 

[زوجة عزيز]

انا ساكنه معاهم وبس انا وابوه والخدامه وزوجي بالبيت وطبعا ما اطلع اقعد بغرفتي اف ملل

 

[STILL G L A M ~]

انا ساكنه معاهم وكل يوم اطبخ

لاني استحي انزل بدون شي جني يايه اكل واروح ف لازم اطبخ وبعد الفطور على طول اصعد فوق اريح اتسبح واكشخ مرات انزل ومرات لا ماانزل اكشخ لريلي فديتتتته ومرات انام لووووول يعني حسب المزاج ومرات بعد الفطور اكشخ واروح لاهلي

 

[ضحكه طفل]

طموووووشه


اااااإاإاب

 

[-_-NONO-_-]

مساء الخير اول شي كل عام وانتم بخير
انا ساكنه عند اهل زوجي وحريم اخوانه الثلاث فكنا نقسم الاكل كل يوم وحده تسوي طبق او طبقين وننزل قبل الاذان بساعه عشان نجهز الفطور وبعد كذا تصعد كل وحده لشقتها مع صلاه العشاء والسحور كل يوم على وحده "مع العلم انا الموظفة الوحيدة بينهن"بس السنه هذي اتوقع غيييييرلان صار فيه مشاكل فراح افطر بشقتي مع العلم انا موظفه واداوم فترتين
الصبح من الساعه عشر الى وحد الظهر وبالليل من الساعه تسعة الى الساعه اثنى عشر فالله يعيني.....

صدقيني حبيبتي اهل الزوج ماينفع فيهم حتى لو تولعين اصابعك العشر شمع ...........

 

[ياعيون مغليك]

هههههههههه
صراحه خوووش موضووع بس من القهر قااعده اضحك
انا لي سنتين متزوجه وكل رمضان انزل من بعد صلاة العصر انقع الدجاج واقص البصل < ماكانت عندهم خدامه
وانجب الفطور وازينه واغسل بسرعه بسرعه واسوي الشاي والقهوه بعدين اصعد اتروش واتعطر وانزل شهر كاااامل ومرت حماي تنزل مثل الضيف اتفطر وتغسل بشقتها
واااخر شي مرت فلان اللي هي انا علا طووول تعبانه وريحتها زفر ومرت فلان اللي هي الثانيه هي الحبيبه الغاليه

فناويه هرمضاان اسوي نفسها بالضبط
مرتااحه ومريحه راسي مدام لو اوصل للسما المدح بيصير لبنت عمهم*

 

[عبث طفله]

انا انزل قبل الفطور بعشر دقايق واخذ معاي جم طبق ..

وارد اصلي بشقتي واقعد اريح وارد مرات انزل عندهم ورى التراويح .. واقعد لي اخر الليل ..

ومرات لا اتفطر واقعد اصلي عندهم المغرب واتقهوى .. واذا اذن العشا طلعت لشقتي ..


على حسب المزاااااج

 

[امرأه من الزهره]

انا ببيت بروحي وزوجي يفطر يوميامع ابوه واخوانه كل يوم على بيت ويجيني الدور يومين برمضان والرز والشوربه على خالتي لاني بشقه وانا الباقي من معجنات وحلويات وقهوه بس اكثر لانهم كثيرين مره لدرجة اخلص وانا متكسره مع انو عندي خدامه بس ماتطبخ واذا ماعندي فطور اسوي شي لي ولعيالي واقعد بروحي اهلي بديره ثانيه

 

[-_-NONO-_-]

بصراحه اهل الزوج ماينعطون وجه بعد تجربتي 14سنه مافاد فيهم التعب والحشيمه الاحسن الخصوصيه لك ولعيالك وزوجك

 

[rtoj]

بصراحه بنات لمن قريت ردودكم حسيت اني صج عايشه مع ناس هيلق

طبعا بالعافيه عليكم وربي يهنيكم


حمولتي علبالهم الجنه ماخذينها من مكتب خدم .. انا رمضان الي طاف كنت توني عروس شهرين وطبيت معاهم المطبخ طبعا طلعوا روحي من الساعه 1 الظهر لازم اشتغل يطبخوون بكميه كبيره

المهم كان كل يوم لهم نظام قاموا يخورونها مره انزل اساعد حمواتي مره نزلي امبجر وحطي الاساسيات وخلي مرت حماج تكمل بعدج الخفايف

ومره يوم كامل انا اطبخ فيه وحمواتي شالوا ايدهم من الشغل كله

وبما ان اغلب يومي عندهم فقالوا لي ولمرت حماي ناخذ سحورنا من عندهم يعني من الي بقى من الفطور




عذبوني وايد انا في بيت اهلي ما كنت جذي اكرف طبعا كنت معززه يالله الحمدالله على كل حال .. المهم ليما مصخوها وصارت مشاكل


وباجي رمضان قضيته بشقتي اريح وايد

بس لمن اذكر رمضان الي طاف يضيق خلقي

ان شالله رمضان هالسنه يكون راحه لي ولكم

 

[شموسة كيوت]

اول رمضاااان لي وماعرف شنو بيصير ربي يستر!!

 

[نــعــوومــه]

^ ^ ^


^ ^ ^


^ ^ ^


^ ^ ^


الله يستر هههههههههههههههههههههههههههههههه

حسستوني إنه معركه وحرب مورمضان الله يعين يارب ,,

بس صج اللي ايده بالماي مومثل اللي ايده بالنار ​

 

[روزماري]

آتفطر معـآهم ودآيم معـآهم مو بس برمضآن الله لا يغير علينآ
ممو لآزم آطبخ وآنآ مآ آطبخ ككلللش
اللهم آسوي حلويآت وكيك << تخصصي

 

[Jamoo]

اول مره راح اجرب رمضان عندهم

الله يستر

 

[ريتااجي]

مو ساكنة عندهم ومن خذيت ولدهم مافطرت عندهم ولامرة ​

 

[بنت التمايمة]

الحموله موضوع متشعب

اولا على حسب الحموله

3- في حموله يقطون نغزات والاكل معاهم ياللله ينزل من الريج فعدم النزول لهم افضل

حمولتي من هالنوع انا بشقه لحالي هم فوق بنفس العمارة لازم اطلع ومعاي شي حتى لو مو حلو طعمه عادي يقطونه بالزباله بس اهم شي اسوى طبق لدرجة حماي وصل لكلام لزوجي انه ام زوجي تقول عني اجيهم علشان اكل وامشي لا وعندها اربع بنات وتبيني اغسل المواعين معهم عقب الفطور
غير كده احس ما اخد راحتى بالاكل سفره واحده وافطر وانا لابسه نقابي لانه اخوان زوجي معانا جالسين

بس هالسنه قلت مابطلع بفطر ببيتي

مره دقوا على زوجي الساعه 3 الفجر برمضان وقالوا جيب مرتك تساعدنا عندنا بكره عزيمه​

 

[ام الحوراء زينب]

الحمدلله عايشين ابيت ابوي هههههههه
ريلي عنده حموله لوووول
نظامنا بالبيت وقت الفطور كلنا نصلي ونتيمع عالسفره اخوي المومتزوج واختي وريلها وعيالها وانا وريلي واخوي وزوجته وبنته
وامي وابوي
الطبخ كله على امي بس مرات اشرف على الاكل او اساعد امي بأي شي اسويه طبعا من الزهقه مرات اتعلم اخربط واسوي شوربات
اختي تصعد عندنا من العصر
مرت اخوي وقت الاذان تتفطر قبلنا اختلاف بوقت الفطور
وبعدين كل واحد ينتشررررررررررررررر ومرات نتيمع عالسحور
او قبل الفطور العصر نروح نفتر بالجمعيات

 

[((الجوري))]

بنات انااالود ودي اتفطر كل يوم عند اهلي احس الفطور احلا عندهم

 

[BeNt PaRiS]

مادري هذا اول رمضان عند حمولتي