فازلين
New member
- إنضم
- 29 يونيو 2009
- المشاركات
- 342
- مستوى التفاعل
- 0
- النقاط
- 0
السلام عليكم
من نص ساعه تقريبا دقت رفيجتي .. وأهي اعز رفيجه عندي مثل الاخت وأهلي يعرفون أهلها
المهم .. الو شلونج , وشخبارج وتبادلنا السلامات ,, قلت والله يافلانه بدق عليج بس سبحان الله انتي دقيتي
قالت بس انا مو داقه عشان اسلم عليج
قلت اجل على شنو ؟
قالت داقه اتهاوش
قمت اضحك قلت بعددددددد؟ ليش بالله على شنو تهاوشين
قالت انتي عندج إيميل ثاني ؟ قلت لاء بس اهو واحد وانتي تعرفينه
قالت انا صدت زوجي يكلم وحده بالمسنجر ولما شفت الكلام كله غزل وحب .. تهاوشت معاه وقلت منو هذي ؟ قال هذي رفيجتج اللي اهي انا
انا من الصدمه مادري اضحك ولا ابجي لأن تهمه راكبتني وانا مادري شالطبخه
قعد يدور براسي اكثر من سؤال .. ليش شكت فيني , وليش اهي رفيجتي وتضن جذي , وليش عشرة العمر اللي بيناا .. ووليش صدقت هالكلام فيني !!
كنت بالمطبخ , شفت الكلام صار جد قلت لها يافلانه لحظه , بروح الغرفه اكلمج
وقعدت تقولي هذا انتي جذي وتسوين فيني اعز رفيجه وتكلمين زوجي من وراي .. وانا خبر خير ومادري عن اللي بينكم
انا ماتوقعتج جذي , طحتي من عيني وحسافه
وانا بهالحظات لساني ينربط اذا كنت مظلومه .. الكلام يدور براسي وماقدر اجمعه
قلت لها .. الله يستر عليج انتي وزوجج روحي شوفي منو يكلم ولا تدقين علي دام هذا ضنّج فيني
وكنت بسكر التلفون , بس تمّت تستطرد بالظلم والإتهامات علي
قالت لحظه بسكرّ ماعندي رصيد راح اعبي وادق عليج
بعدها 10 دقايق .. دقّت
رديت .. هلا ؟ وبنبرة ثانيه ماعمر سمعتها
قالت هلا فيج ..
وين فلانه عطيني بكلمّها ؟ ( تقصّد أختي )
قلت لها شتبين بإختي .. خلينا بموضوعنا , روحي حلفي زوجج على القرآن إن البنت اللي كان يكلمها انا واذا حلف انا راضيه اكون مظلومه تدرين ليش؟ لأن حوبتي ماراح تعداه ..وعلى فكرة ترا زوجج رايح فيها بس ماقلت لج
قالت مابي اكلمج عطيني فلالالانه
رحت ناديت أختي
كلمتها ....
وانا طلعت من الغرفه
قمت ابجي
رديت دشيت الغرفه ولا الاقي اختي تضحك معاها تقولها .. حرااااااااااام عليج ليش سويتي فيها جذي ؟
طلع الموضوع كله مقلب !!!
عاد قالت لها عطيني أياها بكلمهاا .. أختي قالت لالا أهي راحت الصاله ابوي يبيها
وأنا كنت عنّدها , بس اختي ماكانت تبيني اكلمها مباشره جذي بعد المقلب
ورفيجتي كانت فعلاً متهاوشه مع زوجها وشايفته مع بنات وقاطها عند أهلها .. قالت حق اختي انا بدق اشاورها بس جا ببالي هالمقلب اسويه فيها
طبعاً خواتي كلهم درو بالموضوع كانو عنّدنا ملتمين
ويدرون بصداقتنّا .. وانصدمو قالو شفتي الرفاجه شنو تسوي ؟ ومن هالكلام
تضايقو من ضيقتي
دشّت أختي الثانيه قالت حق أختي اللي تكلمها عطيني عطيني التلفون كانت تبي تزفّها للحين مادرت أنه مقلب
جان أختي تقولها لالالا مقلب تضحك عليها
أختي هدّت , وخذت التلفون وقامت تقولها مايصير تسوين جذي والمقالب ماتكون بهالطريقه وتنصحها على زوجها وطولّت معاها حيّل
أنا بهالفتره هديت .. وحمدت ربي إن الموضوع جا على مقلب , ماكنت أبي النظره بيننا تغير
.
.
.
الموضوع مو هني
الموضوع خواتي قالو هذا مو مقلب .. هذي السالفه صج بس شافت موقفج قوي وقالت مقلب
قلت لهم لالا .. اهي من أول ماقالت داقه عشان أتهاوش حسيت بنبرتها ضحك
وكانت تهاوش وحسيت انها مبتسمه مو معصبّه , وهالتعابير تبين حتى من ورا السماعه
خواتي قالو لاتبررين لها .. ولاتحطين لها أعذار
تعلمي , ومن يوم ورايح تعاملي معاها برسميه لاتدقين ولا تطرشين مسجات ولا تسوين لها شي
رفيجتي زوجها فعلاً فلتان , ومرات توصل معاهم للطلاق بس الأمور تهدا , وانا ماعمر قلت لها زوجج فلتنان لأن مابي تصير مشاكل بينهم .. لأن مرات لما أزورها وأكون طالعه بروح لأهلي يصدفني طالعه من بيته ويقعد يسلم علي .. طيب ليش يسلم علي !!!
ومو سلام عادي لا يقعد يقولي انا اغار منج لأنج مقاسمتني بالغلا ومادري شنو
انا أتنرفز بس أعدي الوضّع وحيل رسميه أقول اي هلا هلا ابو فلان وامشي
مادري محتاره اذا كان الموقف اللي سوته صج ولا بس مقلب فيني
مرات اقول لو صج ليش تشك فيني وانا وياها سنين وتعرف أخلاقي .. ومرات اقول مقلب وتبي تشوف ردة فعلي لكن خواتي يردوني عن وضع إي مبرر لها
شنو رايكم أنتو؟
من نص ساعه تقريبا دقت رفيجتي .. وأهي اعز رفيجه عندي مثل الاخت وأهلي يعرفون أهلها
المهم .. الو شلونج , وشخبارج وتبادلنا السلامات ,, قلت والله يافلانه بدق عليج بس سبحان الله انتي دقيتي
قالت بس انا مو داقه عشان اسلم عليج
قلت اجل على شنو ؟
قالت داقه اتهاوش
قمت اضحك قلت بعددددددد؟ ليش بالله على شنو تهاوشين
قالت انتي عندج إيميل ثاني ؟ قلت لاء بس اهو واحد وانتي تعرفينه
قالت انا صدت زوجي يكلم وحده بالمسنجر ولما شفت الكلام كله غزل وحب .. تهاوشت معاه وقلت منو هذي ؟ قال هذي رفيجتج اللي اهي انا
انا من الصدمه مادري اضحك ولا ابجي لأن تهمه راكبتني وانا مادري شالطبخه
قعد يدور براسي اكثر من سؤال .. ليش شكت فيني , وليش اهي رفيجتي وتضن جذي , وليش عشرة العمر اللي بيناا .. ووليش صدقت هالكلام فيني !!
كنت بالمطبخ , شفت الكلام صار جد قلت لها يافلانه لحظه , بروح الغرفه اكلمج
وقعدت تقولي هذا انتي جذي وتسوين فيني اعز رفيجه وتكلمين زوجي من وراي .. وانا خبر خير ومادري عن اللي بينكم
انا ماتوقعتج جذي , طحتي من عيني وحسافه
وانا بهالحظات لساني ينربط اذا كنت مظلومه .. الكلام يدور براسي وماقدر اجمعه
قلت لها .. الله يستر عليج انتي وزوجج روحي شوفي منو يكلم ولا تدقين علي دام هذا ضنّج فيني
وكنت بسكر التلفون , بس تمّت تستطرد بالظلم والإتهامات علي
قالت لحظه بسكرّ ماعندي رصيد راح اعبي وادق عليج
بعدها 10 دقايق .. دقّت
رديت .. هلا ؟ وبنبرة ثانيه ماعمر سمعتها
قالت هلا فيج ..
وين فلانه عطيني بكلمّها ؟ ( تقصّد أختي )
قلت لها شتبين بإختي .. خلينا بموضوعنا , روحي حلفي زوجج على القرآن إن البنت اللي كان يكلمها انا واذا حلف انا راضيه اكون مظلومه تدرين ليش؟ لأن حوبتي ماراح تعداه ..وعلى فكرة ترا زوجج رايح فيها بس ماقلت لج
قالت مابي اكلمج عطيني فلالالانه
رحت ناديت أختي
كلمتها ....
وانا طلعت من الغرفه
قمت ابجي
رديت دشيت الغرفه ولا الاقي اختي تضحك معاها تقولها .. حرااااااااااام عليج ليش سويتي فيها جذي ؟
طلع الموضوع كله مقلب !!!
عاد قالت لها عطيني أياها بكلمهاا .. أختي قالت لالا أهي راحت الصاله ابوي يبيها
وأنا كنت عنّدها , بس اختي ماكانت تبيني اكلمها مباشره جذي بعد المقلب
ورفيجتي كانت فعلاً متهاوشه مع زوجها وشايفته مع بنات وقاطها عند أهلها .. قالت حق اختي انا بدق اشاورها بس جا ببالي هالمقلب اسويه فيها
طبعاً خواتي كلهم درو بالموضوع كانو عنّدنا ملتمين
ويدرون بصداقتنّا .. وانصدمو قالو شفتي الرفاجه شنو تسوي ؟ ومن هالكلام
تضايقو من ضيقتي
دشّت أختي الثانيه قالت حق أختي اللي تكلمها عطيني عطيني التلفون كانت تبي تزفّها للحين مادرت أنه مقلب
جان أختي تقولها لالالا مقلب تضحك عليها
أختي هدّت , وخذت التلفون وقامت تقولها مايصير تسوين جذي والمقالب ماتكون بهالطريقه وتنصحها على زوجها وطولّت معاها حيّل
أنا بهالفتره هديت .. وحمدت ربي إن الموضوع جا على مقلب , ماكنت أبي النظره بيننا تغير
.
.
.
الموضوع مو هني
الموضوع خواتي قالو هذا مو مقلب .. هذي السالفه صج بس شافت موقفج قوي وقالت مقلب
قلت لهم لالا .. اهي من أول ماقالت داقه عشان أتهاوش حسيت بنبرتها ضحك
وكانت تهاوش وحسيت انها مبتسمه مو معصبّه , وهالتعابير تبين حتى من ورا السماعه
خواتي قالو لاتبررين لها .. ولاتحطين لها أعذار
تعلمي , ومن يوم ورايح تعاملي معاها برسميه لاتدقين ولا تطرشين مسجات ولا تسوين لها شي
رفيجتي زوجها فعلاً فلتان , ومرات توصل معاهم للطلاق بس الأمور تهدا , وانا ماعمر قلت لها زوجج فلتنان لأن مابي تصير مشاكل بينهم .. لأن مرات لما أزورها وأكون طالعه بروح لأهلي يصدفني طالعه من بيته ويقعد يسلم علي .. طيب ليش يسلم علي !!!
ومو سلام عادي لا يقعد يقولي انا اغار منج لأنج مقاسمتني بالغلا ومادري شنو
انا أتنرفز بس أعدي الوضّع وحيل رسميه أقول اي هلا هلا ابو فلان وامشي
مادري محتاره اذا كان الموقف اللي سوته صج ولا بس مقلب فيني
مرات اقول لو صج ليش تشك فيني وانا وياها سنين وتعرف أخلاقي .. ومرات اقول مقلب وتبي تشوف ردة فعلي لكن خواتي يردوني عن وضع إي مبرر لها
شنو رايكم أنتو؟
