رفيجتي وزوجها وانا !!!

[[[ عيون جابر ]]]

أمبي مو خوش مقلب يظيق الخلق
انا اقول وخري عنها بعد

 

[Miss.6Mo7]

شـ هالمقلب !

 

[في بحرهم عذبوني]

يا حياااااتي مو خوش مقلب كلش
زعلي عليها شوي بس خل تحس لان حرام لو انتي ما خذتها جذ و انتهت العلاقه حرام ما يسوى

 

[Dr.SoS]

السلام عليكم...يا اختي هذي رفيجتج و عمر على قولتج...و انت تقولين انها تمر بظروف صعبه مع زوجها الله يهديه يعني اهي بحاجتج...و انا مو معاها بهالمقلب, حده ماصخ و ماله معنى و سخيف و لو انا اعصب بوقتها بعدين خلاص لا تخلين الشيطان يدخل بينكم و يفرقكم بسبة مقلب ماصخ اكيد اهي ما تقصده....تعوذي من ابليس و خواتج الله يهديهم ليش يشيشونج, انا اشوف ان ماله داعي...على اي حال في النهايه هذي رفيجتج و انت اخبر فيها...واذا كانت فعلا مثل ما يقولون خواتج فانت اكيد عارفه و حاسه...انا اقول لا تخلين ابليس يدخل لج بمداخل انت بغنى عنها.

 

[غروور-2009]

لا السالفه جد مومقلب بس خافت من اهلج وخواتج لا يمصخرونها وخافت على زوجها بعد غيرت السالفه

 

[b0shb0sh]

لا تخلين كلمه توديج وتييبج وانتي ادرا وحده برفيجتج
اذا مقلب بتحسين انه مقلب وكان مجرد ضحك مو اكثر
واذا تبي تشوف احساسج شنو هم بتعرفين بصراحه احسه مقلب مو اكثر
شكو يعني تشك فيج انتي بذات اذا ريلها كان يحاجي؟؟؟؟؟؟

 

[كويتيه مذهله 87]

والله ما ادري شقوولج

شنو بقلبج انتي رااضيه عليها ولا لأ؟

 

[Ba$ko0oTa]

الصرااااحه مقلب بااايخ
ومالا داعي تسوي جذي حتى لووو
في ناس ما تحمل هالسوالف
ما عليه صديقتي على عيني وراسي
بس اذا اهي تعرفني عدل وشنو اللي يضايقني وينرفزني ما تسويه
حقريها شوي حسيسيها انها بيختها معااج شوي
عشاان لا تعيده

 

[حقوقيه زوغه]

السالفه فيها ان ..يمكن اهيا تغار منج على ريلها او شي جذي..

خلج وياها رسميه لابعد الحدود ..


والمقلب اللي سوته حده .. " بااايخ "

 

[yassoo]

حبيبتي انتي شوفي شنز اللي يريحج وسويه
وبصراحة حتى لو فرضنا انه مقلب
مقلب حده بايخ

 

[عاشقة الكاكاو]

مقلبهاا مو حلوووو كلش

لو انا اخلي علاقتي معاها حيل رسميه اصلن حتى لو انا شاكه برفيجتي ما اتبع هالطريقه

 

[Mi$$ RoRo]

آمبيه شالمقلب :eh_s(1):

رفيقتج دمهاااااا ثقيـلل مع إحترامي

 

[فازلين]

أهلين بناات
مشكورين كلكم على الردود , أفدتوني جزاكم الله خير
مثل ماتوقعّت مو مقلب !! أهي شاكه فيني بس تراجعت بعدين
واللي حز بخاطري شلون تشك فيني وأنا رفيجتها , كأن كل هالسنين مو كفيله ببناء ثقه بيني وبينّها
سبحان الله كلن يرا الناس بعين طبعه , كانت قبل دايم تحب تلفت إنتباه نظر الرياييل المتزوجين وكانت تفّرح لي شافت غيض الزوجه وكنت أقولها شتبين فيهم وكانت تقول أحساس حلوو
وعبالها إني أنا نفسها ونفس تفكيرها
اللي بيني وبينها أنكسر ماراح يتصّلح , فكّرت إني أكلم أمها بس تراجعت قلت أخاف الأم بعد تقلب
حسبنا الله ونعم الوكيل كنت قبل متفائله إن لي الحين في صداقات مثل الأخوه وأكثر
بس بعد اللي صار أبد ماافي إي ثقه بـ بقاء الصداقات بهالزمن

 

[*FaRaWlA*]

حبيبتي المسمامح كريم

وانتي ادرى فيها

على قولتج عشرة سنين

يعني راح تعرفين اسلوبها و طريقتها

والله يخليكم لبعض

 

[فازلين]

حبيبتي المسمامح كريم

وانتي ادرى فيها

على قولتج عشرة سنين

يعني راح تعرفين اسلوبها و طريقتها

والله يخليكم لبعض

إي مشكله عارفها اسلوبها
وعارفه إنها شاكه فيني وهذا اللي مضايقني
قطت كل الايام الحلوه والثقه اللي بينا ورا ظهرها وجرحتني
الله يسامحها

 

[bride collection]

انا اعتقد انه ماكان مقلب
وهي سكرته منج اول مره قعدت تفكر اشلون ترقع السالفه لانها عرفت ان زوجها مجذب عليها
اختي صدقيني داام رفيجتج عايشه على طول بمشاكل مع زوجها و هالمشاكل طالتج صدقيني وخري عنها واشتري سمعتج وراحت بالج

 

[SaD FaCe]

مو خوش مقلب ...!!

البنات ما قصرو

والله يسخرلها ريلها

 

[البنفسج]

انا اعتقد انه ماكان مقلب
وهي سكرته منج اول مره قعدت تفكر اشلون ترقع السالفه لانها عرفت ان زوجها مجذب عليها
اختي صدقيني داام رفيجتج عايشه على طول بمشاكل مع زوجها و هالمشاكل طالتج صدقيني وخري عنها واشتري سمعتج وراحت بالج

..

نفس كلامي ..

والباب اللي يجي منه ريح سده وستريح .. شكو تتهاوش معاه وتشك فيه وتدخلج بالسالفه ؟.. صراحه ماعندها سالفه وشكلها

جاده مو مقلب .. مقلب وهي فبيت هلها ؟.. لهالدرجه رايقه تسوي مقالب ؟..

وعلى قولتج دامه راعية هالحركات الله يستر عليها .. الله جازاها ..​

 

[النوري]

مليقه رفيجتج حدها ..

بس يمكن .. حالفلها فلانه .._ إنتي _ عشان يسكتها .. <<< أمحق تسكيته .. خخخخخخ

والله ما أدري

بس لو منح .. أعاملها برسميه .. شهر عالأقل. . وما أدق ..

ولا قالتلي شفيج أضحك بوجها .. و أقولها توج تحسين ..هههههه .. هذا مقلب.

صج جاهل ..

 

[@ربانة العود@]

والله مادري صرراااحه مو خوش مقلب ,,

خليج هالفترة رسميه معاها خل تحس ان الموقف اللي حطتج فيه مو هين !!

وان شاء الله البنات ماراح بقصرون معاج

نفس الكلام
هذا مقلب :eh_s(14):