رفيجتي صارلها اسبوع من اعرست وعرفت بالصدقه شي عن زوجها....؟

[đeɱɛɼɑ™]

لاااااااااااااا تقولين
باجر صار ما صار بيحطونهآ برآسج !
وبعدين رفيجتج الثآنية شعرفهآ انه مطرش حق طليقته مسجات واغاني رومانسية وحآلة
يعني طليقته قاعده تقول وتسولف بهالشي :eh_s(10): ؟! ..
يمكن تجذب من القهر والحرة ..ويمكن لا ! .. كل الاحتمالات واردة
عشآن جذي روحي بعيد وتعالي سالمة : )

 

[kookiz]

حبيبتي خلج عالسكووت وايد افضل

 

[مخدوشة الوريد]

الله يعينها من جد .. بس راي من راي البنات لاتقولين لهآآآ سكتي ..

 

[ذكرى الفراق]

رد : رفيجتي صارلها اسبوع من اعرست وعرفت بالصدقه شي عن زوجها....؟

لا يبا لا تقولين ولا لج شغل بالسالفة ......وخليها تعيش حياتها وهي بيدها الاختيار تقعد معاه ولا لا ..

 

[Ameeraaaaaa]

حبيبيتي مثل ما قالوا الخوات
مالج شغل
وبعدين رفيجتج خلص تزوجته وصار اللي صار ما ينفع الحين تقولين لها ,, استري علي ما سمعتي
والله يصلح لهم امورهم .
ترا السكوت فعلا من ذهب
وعلي قولة امي الله يحفظها :
تقول البطن تاكل اشكال الوان الحلووو والمالح الحامض والمر لكن ساعات البطن ما تتحمل كلمة !!!!

 

[بنت عطا]

انا اقول مالج شغل باجر كل شي ينقلب على راسج

واذا رفيجتج جيده تنسيه اهله

 

[Om 3zo0oz_2011]

السالفه موداشه مخي

اشدراكم بكل شي يصير لها ومنو عرف بسالفه المسجات لووووووول
اذا هي الزوجه ماتدري شي وانتوا تدرون
ماشالله

 

[@الليدي لين@]

احنا ماندري رفيجتج صاجه والا لا ومانبي نحط بذمتنا



فانتي اللي عليج انج مااتقولين ولا اتخربين عليها ,, ماتدرين باجر يقولون خربتي بيتها والا شي

 

[LuLiTa]

سكتي و لا تتكلمين ,,, انتي ما تدرين اذا هالكلااام صج و لا لأ ,,يمكن اللي قالت لج هالكلام وحدة محترة و مطلعة الحجي عشاان تخرب البيوووت و تبيج انتي اتكونين مرساال الخراااب عشااان العيبة يطلع منج و اتصيرين بويه المدفع ,,,

و اشك انه كلام البنت صج ,,لانه الرياييل شورهم بإيدهم ,, و لو كان يبي طليقته جااان رد لها من زمااان على ذمته ,,

 

[Miss independent]

يجوز رفيجتج هاذي ناويه نيه شافتج رفيجتها وتدري بتوصلين الحجي عشان توسوس الزوجه وتحط الحجي براس الريال يرد المطلقه
حبيبتي سكتي وماتوقع الريال يبي المطلقه لأنه شدعوة يقدر مايطلقها
الحين يطلقها خايف من امه ليش ماخاف منها ليما فكر يرد القديمه
هذا كيد الحريم
ان كيدهن عظيم
ويمكن الريال بعد مادرى عن المطلقه والحين مستانس بشهر العسل
الله يهنيهم ويتمم عليهم

 

[lovely jojo]

اذا تطور الموضوع علميها

 

[PiNk^MoOoN]

لا تقولين لها حرااااام
خليها تستانس توها متزوجة ...
و الله يهديه لها و يسخرلها اياه ان شاء الله

 

[ام المزيووون]

حرااااام لا تقولين لها يمكن ربي يهديه على ايدها0000

 

[( المـلاك )]

حبيبتي انا اقول رفيجتج يمكن صاجه و يمكن لا تبي تخرب بيتها عشان بنت خالتها .. مايندرى كل شي جايز ..

بس من رايي لا تيبين لها طاري عن الموضوع كلش ..

 

[موج-البحر]

مادري اشوف ان السالفة بين نارين اذا سكتي ممكن يخون رفيجتج اللي اهيا زوجته مع الوقت او انه يتزوج عليها واهيا مالها ذنب

واذا تكلمتي خربتي عليها وناستها بزواجها

بس شوفي انتي نصحي رفيجتج بطريقة ثانية من غير ماتقوليلها السالفة قولي مثلا اهتمي بريلج وداريه ولا تضايقينه

يمكن مع الوقت يحب رفيجتج وينسى الاولى

الله لايجيب ضيقة بينهم ويفرحهم ويهديه لها ويهديها له امـــــــــيــــــــــن يــــا رب الــعالـــمين

 

[طويت صفحة الماضي]

لاحول لله اقول اسكتي احسن يمكن ربي يهدي وينسى طليقته امسيكينه هذا بعد بداية المشوار يعينها ربي

 

[قطيووه^_^]

لا تقولين لها
يمكن الكلام يطلع جذب
ماتدرين

 

[*سوسو ستار*]

حبيبتي مابي احط بذمتي بس اهي تقول لج جذي عشان توصلين لها الحجي وتخربين عليها فرحتها

لو يبيها جان ردها ويااااااااامااااااااااا ويااااااااااااااماااااااااااااااااااااا في حريم مايبلعونهم الخالات ويبونهم

ويتطلقون اليوم قبل باجر والرجال مجلب فيها ولا طلقها ولا شي بالعكس يحط لها بيت بعيد عن امه

عشان ماتناشبها

لاتنقلين ولاااااااااااشي جنج ماتدرين وبعد ياليت تبينين حق رفيجتج هذي انج ماتتواصلين وياها حيل عن رفيجتج العروس لان بتنشب لج طووووووول العمر لازم تعرف اخبارهم عشان تنقلها لطليقته

وعموما الله يرزق طليقته ويرزق رفيجتج بعد مالها ذنب

انا معاهاا يمكن اهي متعاطفه مع بنت خالتها اللي هي طليقته وتحاول تسوي شي يرجع علاقتها معاه لو اهوا يحبها جان ماطلقها ولاباعها لو شنو يصير .. والله يوفق رفيجتج ويسخرلها ريلها ولايشوف غيرها ويسعدها بحياتها يآآآآرب

 

[زهره الجلنار]

نصيحه لاتقولين حق رفيجتج لا تخربين عليها حياتها ماتدرين البنت اللي قالتلج صاجه ولا تجذب

 

[صباح الليل]

حبيبتي يمكن رفيجة محتره وجذابه تبي تخرب حياة رفيجتج
وتتطلق عشان ينجبر اهو يرد بنت خالتها
ويمكن العكس بنت خالتها اللي اهي طليقته يمكن اهي اللي تتحرش فيه وتدز له مسجات
ديري بالج تقولين حق العروس شي وتخربين حياتها وانتي ماتدرين الكلام اللي انقال صج او جذب
وانا حاسه انه جذب والا شكو رفيجتج اتدق وتقولج هالسوالف الا انها تبيج توصلينها للعروس