رفيجتي صارلها اسبوع من اعرست وعرفت بالصدقه شي عن زوجها....؟

[ليتني مـآ كبرت]

لا تقوليلها .. يمكن مرتاحة بحياتها معاه

يمكن رفيجتج العروس تدري عن خرابيط زوجها و راضية فيه بعيوبه

يمكن و يمكن ويمكن ...

ادري ان أنتي نيتج نظيفة و ودج تنبهينها بس المتزوجين

ماودج احد يدخل بينهم كيفهم ..

ذنبه على جنبه ادعي له بالهداية

 

[pure-poison]

رد : رفيجتي صارلها اسبوع من اعرست وعرفت بالصدقه شي عن زوجها....؟

احس ان رفيجتج تجذب وتدري فيج انج بتوصلين الكلام للعروس وتبي تقهرها
لاتقولين للعروس شي لو شنو ماصار ورفيجتج هذيج محتره والا جان يت العرس بس الظاهر مقهورين ويبون يخربون على العروس فرحتها
لو الريال يبي طليقته صج جان ردلها مو يتزوج

 

[ياشوقي للجوري]

رد : رفيجتي صارلها اسبوع من اعرست وعرفت بالصدقه شي عن زوجها....؟

لا حرام لا تقولين لها
تصدمينها خليها بعدين تعرف بروحها
والا ان شاءالله تقدر تنسيه زوجتة الاولي
وتعيش مرتاحة يااارب

 

[جوزائيه مغروره]

يمكن هذيج تجذب ومن الحره تقول جذي

 

[ام كوشه منكووشه]

رد : رفيجتي صارلها اسبوع من اعرست وعرفت بالصدقه شي عن زوجها....؟

ماادري ليش احس طريقتة كلام رفيجتج جنه متفقه مع طليقته انهم يخربون عليه
لا تستعليين سكتي حرام تخربين فرحة رفيجتج ويمكن مع الايام قلبه يتعلق برفيجتج ويحبها

 

[نيولوفر]

نصيحتي انج ما تعلمينها

 

[مهستره بس أخلاق]

والله أختي مابي أزيد على ردود الأخوات
واهم صاادقات السكوت أفضل
فديتك

 

[عجهرس]

نصيحة اخت سوي نفسج ماسمعتي شي

 

[*بسبوسه*]

لا تعلمينها وخلي السفينه تجري بمجراها

لو هو رجال ماطلق مرته الاولى وسمع كلامم امه..
والرجل اللي يستسهل كلمة الطلاق مره يستسهلها مرات

فلا تعلمين رفيجتج خليها يمكن ربي يهدي زوجها

وانتي بعد ماتدرين شنو المشاكل اللي صايره بين المره الاولى والرجال ومالج الا الظاهر وحجي الناس لكن دام وصلت لي الطلاق اكيد السالفه جايده
والمره الاولى لو خايفه على بيتها جان صبرت على ام زوجها وتحملت دام زوجها يحبها

 

[درة أهل الطولات]

اولا مو شرط كلام رفيجتج صح
وبعدين مو كل مطلق يكون سكان امه
ومافي ريال يتزوج غصب
باجر يتعود عليهااا ويحبهااا مع الايااام
انتي لا تقولين لهاا
لان مو متأكدة

 

[وردة-الكويت]

رايي من راي البنات سكتي جنج ماسمعتي شي ابد

 

[رفاعيه]

مشكورين على ردوكم يا بنوتات الله يسعد كل وحده ردت علي ويوفقها يااااارب دنيا واخره :yaaaaaarb:

اللي تقول انها تجذب لا والله البنت اعرفها ما تجذب وحتى احلفت بالكلام اللي تقوله لي بالتلفون

وهمن تقول ترى حيل مغازلجي اكثر هوشاتها معاه لما تلاقي مسجات من بنات بجهازه ويحلف ان تاب ويرد حق عمايله

رياييل بعد اللي حارني رفيجتي العروس والله ذهبه قمة بالاخلاق والطيبه ومحترمه ما تستاهل واحد مثله

بس شوركم وهداية الله شسوي بعد الله يوفهم ويهديه ويارب يتوب من عمايله

يمكن رفيجتج باخلاقها تكسبه

 

[miss alreem]

لا اختي سوي عمرج ما سمعتي شي وخلي الامر عادي مالج شغل باحد

 

[lady-me]

هممممم انا اقولج عنج انتي لا اتعلمينها
ما تقدرين اتعبينها او اتغثينها بحجي مو متأكده منه يعني هذيج ما تدرين صج ولا لا..
يمكن الطليقه تبي زوجها ايردلها عشان جذي قالتلج <<< تمووت بسوالف الحريم >__<

ادعي لرفيجتج بالتوفيق و لا اتقولين لها اي شي ^^

 

[يآحبي آفهم]

اححح ياشين هالحركات الحين شذنب البنت الله يعينها وانتي اسكي احسن للبنت ان شاءالله تقدر تكسب قلبه

 

[iron women]

رايي من راي الخوات لاتقولين صدقيني باجر تنحط براسج السالفة وايقولون هاذي غيرانة وبتخرب

موكل شي ينعرف ينقال ساعات الواحد يضطر يسكت بهالمواقف وماتدرين يمكن الله يعطيها على قد نيتها

وايحبها واينجذب لشخصيتها وينسي الاوليه الله قادر على كل شي

 

[نـــور]

قولي حق امها وامها تتصرف

الله يستر عليها

 

[Om Khaloody]

رد : رد: رفيجتي صارلها اسبوع من اعرست وعرفت بالصدقه شي عن زوجها....؟

اتوقع البنت تجذب تبي الكلام يوصل يمكن محتره حييل ومقهوره ولاتوصلين هذا الكلام وتهدمين بيت رفيجتج وحتى لو صج ماتقول واذا ماكانت تبي تسكت وخلاص ليش تقولج واله يتمم على رفيجتج الثانيه يارب

صح كلاااااامج ,, الله يوفق رفيجتج العرووس ويسخر لها زوجهاااا ,, الحسد ومايسوي مايخلون احد متهني بحيااته هالكلام والله اتوقع انه موصحيح ,, انزين طليقته لهدرجة خفيفه يعني ؟؟!! ,, دز لها مسج وارسل لها اغنيه انشررررت الخبر القريب والبعيد يدري عن هالشيء ,, حبيبتي معاالييج هذيلا محترين من رفيجتج ويبون يخربون بيتها ,, صديقتج الله يهنيهااا وراح ينسى طليقته ان شاء الله ,, واذا على قولتكم طليقته ملكه جماااال يعني ماراح تقعد ان شاء الله يجونهااا خطاب واايد وتتزوج وترووح ,, والله يهني رفيجتج العروس ويبعد عنها الحسااد ويوفقها ياررب ويسخر لها زوجهاا ويخليه يمووت فيها ان شاء الله

 

[متواضعة]

سكتي احسن ولا تتدخلين

مردها بتدري خليها بوناستها

ويمكن يطلع الريال عادل

الله يسر لهم ياربي

 

[ســتارز]

لاتعلمينها خليها تعيش سعادتها بوقتها

السؤال اشلون زوجوا بنتهم بدون ما يسألون عنه طيب لو طلع مدمن مخدرات والا سكير والا بخيل شيكون ردة فعلهم

هالشي بذمة اهلها اللي وافقوا على طول