ردي لـ مشكلة كرآميـل اللي انا فيـهـآ :)

[eng_7]

بنات والله مهما كانت المشكله الي معروضه (بسيطه ) بعيون البعض ماله داعي الكلام الجارح ميخالف ترا الي بنص المشكله مو نفس الي برا وساعات الانسان يكون متضايق ومايدري وين يروح ف حرام تكسرون باي عضوه تكتب مشكلتها يعني صراحه استحي اكسر بوحده حتى لو ماعرفها وفي بنات اهني مشالله يقطون الكلمه شكبرها ويستهزءون
والاخت اللي قالت الكلمه الحلوه بلاش اي والله بلاش وذا مو قادره اتقولين كلمه حلوه خلاص حاولي تمسكين اصابعج وماتردين علموضوع بس ارد واقول مهما كان المووضوع حرام لحد يكسر بحد واي قلوبكم صخر يللي تكسرون بالناس احس قلبي مايطاوعني

 

[أعذب إحساس]

الله يجعلها اخر المصايب يارب ..
خلاص خذيتي درس وانقرصتي انا قريت القصتين الغلط كله على اخت كراميل ..
وانتي بعد الغلط راكبك من راسك لرجووولك وش لون تصاحبين بنت صغيره . وتسوين لها شغلاتها من ورا أهلها تحملي النتايج ..

 

[صآعده تحت}..]

الله يهدي النفوس :eh_s(4):


ويالله ان شاء الله يومين ونسمع انكم تصالحتو

وبلا حركات نص كم

اي شي مايرضى ربي ابتعدو عنه و خش السوالف ومن ورا اهلكم


@@


بس صاحبه الموضوع مالج حق كتبتي السالفه ونك كراميل

لانها بكليتنا يعني ممكن اي احد يعرفها باي وقت

يوو تصير مشهوره حديث الموسم


وعاد نعرف اختها لو حاطه بالتفاصيل لموضوع بدون ذكر نك كراميل افضل


يلا سوي هالحركه بالمشكله الجايه >> طسي بس تفاولين عالناس بمشاكل جديده

ههههههههههه :eh_s(17):

 

[franshiska]

كراميل حبيبتي من غير زعل
اختج العوبه يبيلها تكفخ لين تقول بس
صج صج تبط الجبد

واختج الثانية ماله داعي تدق على بنت الناس تشرشحها
كان ممكن تمنعكم عنها بدون ما تتصل عليها

وبغض النظر عن الشي اللي كانت جوجو تساعد العوبه فيه
اختج اللي كان المفروض تتسنع وتعلمونه الادب لان اذا منعتوها عن جوجو ففي الف غيرها ممكن يساعدونها
وباجر تدخل الكليه وتختلط بأشكال والوان معقوله اختج بتسفل في بنات الناس وتخلي اختج اللي اهيا ساس البلا ؟
حبيبتي اختج يبيلها ناس تحتويها وتعلمها من اول ويديد
على شان تفهم انها اهي الوحيده اللي مسؤوله عن اي شي يصير لها ولا تقط بلاها على بنات الناس


وانتي يا جوجو راجعي نفسج وفكري بالشي اللي اختها ما ترضى تسويلها اياه وانتي سمحتي حق نفسج تسوينه
هل هالشي يغضب الله ؟؟ لانج جذي تحملتي اثما ..
انزين اذا هالشي اهلها مو راضين عليه اشلون سمحتي حق نفسج تسوينه لها ؟؟
يعني اختها اللي اهي اختها ما سوته لها انتي اشلون تسوينه ؟؟
ومدامج تدرين ان اهلها ما يعجبهم هالشي ورحتي من وراهم وسويتيه عيل تحملي اللي اييج

فألحين الغلط راكب العوبه + جوجو على انها ساعدت البنت على شي اهلها ما يرضون فيه

 

[LuLiTa]

انا قريت الموضوعين ,,,


و بصراحه كراميل ترا اختج الصغيرة اهي السوسة ,,, مو بس زلقت وايد بينج و بين رفيجتج ,,, وبعد دخلت اختج العودة بـ الموضوع ,,,شكو اختج العودة اتزف رفيجتج و تاركة ساس البلا ؟ اذا اختج سوت شي غلط اتقط بلاها على عيال الناس !! و مو بس عيال الناس حتى عليج انتي !!

بصراحه اختج الصغيرة يبيلها طق و تربية من يد و يديد ,, اليوم سوت مشكلة بينج و بين بنت الناس و اتروح من ورا اهلج اتسوي الشغلات اللي ما يرضونها و جدامهم تستشرف ,, باجر الله اعلم شنو سواد الويه اللي بتييبله لج و لأهلج,,

و هم جوجو انتي عليج الغلط ,, انا للحين ما ادري شنو هـ الشي اللي كنتي اتسوينه للاخت الصغيرة ,, بس اذا كان غيراخلاقي فـ لازم اتعلمين اختها على طول و ما اطاوعينها ,, و اذا كان شي عادي فـ لازم من اول ما صارت السالفة اتقولينه عشان ما اتخلين مجال حق احد يطاول عليج و يتهمج بشي مالج دخل فيه ,,,, و دام انه اختها ما ترضى فـ المفروض و الصح انج ما اطاوعينها ,,, كراميل سكوتج عن حركات اختج مرة و مرتين و ثلاث خلاها تتمادى و ما اتحشمج و لا اتعرف حدودها ,,,



الغلط اكبر شي >>> الاخت الصغيرة ! و شوي على كراميل + جوجو

 

[حبيب قلب زوجها]

مااحب هلا المشاكل والظلم فيها شششششششششششششين وربي ذكرت سالفة
المهم اخذيها مني نصيحة الدنيا ماتسوى شي ابدابد وربي ماتسوى تو من ثلاث اسابيع عمي متوفي حسيت الدنا قصيرة وتافها بس وكلي امرك لرب العالمين وعليك بالاستغفار وربي يصلح بينكم

 

[سآق نملة]

الله يصلح ما بينكم ويهدي القلووووب ياااااااا رب :*

 

[uniqueah]

الله يصلح بينكم ان شاء الله ويخليكم حق بعض

 

[أحبه موت]

الله يهديكم وايد كبرتوا الموضوع وخليتوا يتشعب كان المفروض ينحل الموضوع بيناتكم انتوا الثلاثه
ليش اختج الكبيره تدخلت بالموضوع ودقت على رفيجتج وسفلت فيها الموضوع مايستاهل كل هالبلبله

واسمحيلي اختج الصغيره اهي اساس المشكله كلها واحسها مهما سويتلها مايبين بعينها
الله يهديها ان شاءالله حق نفسها وانتي خلج جافه معاها شوي عشان اتعرف غلطتها واتعرف الي سوته مو شوية
ونصيحه مني مهما كنتي كلوز مع خواتج لا تعرفينهم على رفيجاتهم اوكي يكون بينهم سلام وشغلات رسمية حيل بس سوالف واشياء خاصه مالا داعي

وان شاءالله كل شي ينحل وترجع الامور الى مجاريها​

 

[أحترت أعبر]

ربي يبعد عنكم كل سوء سواء سوء الظنون او سوء الناس ....
مشكلتكم هاذي تنحل بقعده بينكم يكون كل وحده تسمع للثانيه (هذا لو انتوا ثنتينكم عندكم استعداد) بس لو ما في النيه قعده ...فالله يوفقكم ثنتينكم ...بس نصيحه من اخت في الله لا تعرفج ولا تعرف كراميل حتى لو مالكم نيه تكلمون بعض (ومحد يدري بكره شيصير) خلو الوجه للوجه ابيض ولا له داعي للقيل والقال ...
ربي يسعد قلبج ويهدى بالج يارب

 

[بدلية]

تدرون ليش اغلبكم قاط البلا على الاخت الصغيرة وانها اهي السوسة والعوبة ومادري شقلتوا؟؟؟


باختصار شديد لانها الطرف الوحيد بالقصة الي مابرر موقفه


مانقدر نحكم الا لما تذكرون السالفة كاملة

موتذكرون تفاصيل باردة وتتركون الاساس مبهم!!!<<اصلح اكون ابلة

والله يصلح فيما بينكم

 

[لابسة نظارة!]

اممم .. انا اشوف اختج يا كراميل هي الغلطانة وهي سوسة الموضوع! :bbbiu:

واضح ان الاثنين متضرر من الاخت وانت ما انكرتي كلامها يا كراميل .. وما كان له داعي اختج الكبيرة تدق وتكبر الموضوع اكثر .. كان تفاهمتي معاها على الموضوع وعرفتي السالفة منها بعد ما تهدين

الحيين مو مهم لا رايي ولا رأي باقي العضوات .. المهم ان الامور تنصلح بينكم وتعود مثل ما كنتو واحسن :eh_s(7):

واختج لا عاد تدخليها بينكم خلاص ولا بين صاحباتج الباقيات!



​

 

[وردة-الكويت]

اهبال وخبال

 

[Stylista_Q8]

مافهمت شي

 

[" ام حمود "]

الله يهديكم يارب ، بالاخير انتوا خوآت

 

[*ريما*]

مافهمت
بس المسامح كريم
والدنيا ماتسوى الزعل

 

[! GaLaXy !]

انتوا فاهمين هالقسم غلط .. حبيباتي هذا قسم لمناقشة المشاكل الاجتماعية الهادفة والي نطلع من وراها بفايدة

مو قالتلي وقلتلها ... سوري مع احترامي لكم

 

[حوريه عسل]

هههههههههههههههههههههههههه
انا حاولت افهم الموضوع بس استوعبت ان السالفه فيها فلانه كشتت فلانه راحت فلانه مادري شسوت لوول

انسو الموضوع والحياة سعيده خخخخخخخ