ردي لـ مشكلة كرآميـل اللي انا فيـهـآ :)

[malte]

ياحليلكم
بس أهم شي تصفى قلوبكم موشرط ترد علاقتكم مع بعض مثل قبل :eh_s(7):


وسالفتكم هذي موغريبه
عشان جذي انا مااحب خواتي يرافجون رفيجاتي
مادري جذي ماارتاح رفيجتي شي واختي شي ثاني وكلهم غاليات:eh_s(22):
وكل وحده لها رفيجاتها
ولاتنام بين لقبور ولاتشوف منامات وحشه
وماعليه كل غلطه بتعلومه

 

[m&ms2]

اعتقد اخت كارمييل الصغيره اهي الغلطانه بالموضوع واذا كانت رفيجتي مسويتلها شي الله مايرضى فيه بتكون اي غلطانه لانها ماعلمتج بالواقع !!!!

كراميل مسكي اختج قوليلها احنا خوات فيهميها هالشي اختج الغلط الاساسي بالموضوع اهي الي سوت هالبلبه و4 ساعات نطره مو شويه وبالنسبه حق رفيجتج والله زين ناطرين 4 ساعات

 

[caramil]

لوووووووووووووووووول
يمه فديت آخر وحده ردت

 

[Sn0o0pY_JoJo]

مشكورين علىى ردودكم .. الزينه و الشينـه ..

كـرآميـل تخيلي و انا اقراا رد ام & امز 2 جان اقول يمه فدوه ..!!

انزل حدر و الا إنتي كاتبه يمه فديت اخر رد لووول

ياللهـ ما عليـه نعيش و نشووف و كل طقه بـ تعلومه على قولتكم ..!!

 

[منار البربرية]

الله يعينكم يا كرهي سوالف البنات طيب مشاكلكم حلوها بيناتكم يستحسن ؟؟
لووول
ولا يعني قصه بقصه
اقول صلو على النبي والدنيا ما تسوى ​

انتي تشتكين من اختها الصغيره
واهي تشتكي من اختها الصغيره بعد
الله يعينكم على هالنوعية من البشر​

وبالنهاية ترى محد خالي من مشاكل بس ماله داعي الحقد والسوالف هذي
وحده ما تبيني بالسلامه ما تشوف شر شفيكم بنات
خليكم زي الرجاله محنا وصلنا المجلس
الله يهدي الاخت الصغيره احس تعامل معاها عسر سوري بس الحق ينقال
​

 

[BaiTotia]

الواضح أساس المشكلة -مع إحترامي لج كراميل- إهيا أختج الصغيرة

وبعدها صاحبة الموضوع جوجو لأن مساعدتها وأصلا المفروض لما تبدي تحش بأختها تجعمينها ماتخلينها تكمل

وتفهمينها اللي تسويه عيب

ودام الشغلة اللي تسوينها كراميل مو راضيه فيها شلون تسوينه لها؟؟؟؟؟؟؟؟؟؟؟؟؟؟ وشنو أهوا أصلا؟؟؟؟؟؟؟؟

 

[om al ghaleen]

الله يصلح بينكم

 

[FeShinGoOo]

انا مادري شسالفه ومادري انتي شنو الي كنتي تسوينه حق اختها بس اتوقع هاذا السبب اللي خلاج غلطانه بعيونهم ..

على العموم الدنيا ليلحين بخير وترى هالسوالف ماتعتبر مشكله بالعكس تعتبر مصلحه لكم ودرس

الحين كل واحد طلعت حقيقته وطلع الويه الصجي من تحت القناع وهاذا مكسب لج ولغيرج

انج تعرفين قاعده تتعاملين مع منو ومع اي فئه ..

 

[dark cherry]

ضايعه بالطوشه انا <<

ودام السالفه مو قويه واايد وتقدرون تتسامحون من بعض تسامحو مالداعي تدخلون احد بينكم
والمسااااااااااااامح كريم ياما تهاوشت ويا رفيجاتي وتسامحنا وتاسفنا !!

الصداقه حلوه )

 

[هنووفوو]

بنات الي ما عجبهم الموضوع ترا مافيها شي
كل وحده كتبت السالفه عشان نحكم منو الغلطان وعشان كل وحده تعرف غلطتها
وبالاخير يطيح الحطب ويتراضون
السوسه اختج كراميل
بس لتزم تقعدين انتي وسنوبي جوجو واختج السوسه وخم بعد اختج الي زفت سنوبي
عشان تعرفون ليش اختج سوت جذي وزلقت وايرات بينكم
وعطوها محاظره طويلعه عريضه عن الاخوه والصداقه لةوووول
االله يخليكم لبعض

 

[طرف دمعه]

الله يخليكم لبعض ويهديكم
ويبعد عنكم كل شخص يحاول يفرقكم

 

[♥MaSteRiyA♥]

حبيبتي بنت الهدى..

مو كل الناس مثلج..

ونصيحه للبنات ..لحياتهم..
" اذا كان في شخص بضيقه او بمشكله ولجأ لكم لا تستصغرونه او تستهزوؤن فيه..لأن بيي اليوم والله يخلي
حاجتج عند ناس ماتسوى بيزه..لأنج زدتي همه هم.. ترا الكلمه الحلوه ببلاش..والله ببلاش
ليش مستخسرين كلمة " الله يهدي الجميع".." الله يعينكم .." الله يكون بعونكم"..!!
مو بالضروره تعلقين على الموضوع..​

وترا كلنا بنروح وماراح يبقى الا بصمتنا بكل مكان طفنا عليه ..
خلي الناس يذكرونج بالخير...لا تخلين احد يدعي عليج..والله ماتترقعين بحياتج..​

ويمكن عدد كبير شايف ان المشكله صغيره..بس اللي ايده بالنار !
والله يبعد عنكم المشاكل..اللهم آمين​

كراميلااا..

آنا ما فهمت شالسالفة.. وان شالله تردون حق بعض و يطيح الحطب... بس من وصلت عند ردج هذا..
ما قريت اللي عقب..​

الصراحة اللي قلتيه عين العقل والله ووااااااااايد أثر فيني..
ومرات يصير سوء تفاهم.. وتدخل أطراف بالمشكلة وانتي أصلا ما تدرين
انهم دشوا بالموضوع.. وتنصدمين عقب
واللي يصدمج أكثر أهو الرد اللي تسمعينه واللي ما كنتي حاسبتله حساب..​

الواحد يقدر يطلع من الموضوع.. و ما يشب نار ببيت الناس بأنها تقول : لا تدخلوني بمشاكلكم العائلية...
بس اللي انقال.. مو جذي..
اللي انقال......................................

ما أقول الا حسبي الله ونعم الوكيل

ومثل ما تفضلتي.. بيي يوم.. بيي يوم..​

حسبي الله و نعم الوكيل​

 

[blondeya-pretty]

كاراميل بصراحه اختج الغلطاانة @@ !!
و ان شاء الله كلكم تتراضون
وسنوبي حطيتلج رد بذاك الموضوع بس مارديتي علي :d

 

[memechii]

امبي سالفه تعقد شوي
بس الغلطانه اخت كرميل و انشاللله تتسامحون
صاحبه الموضوع اسلوبها عجيب لوول

 

[دعابة الشـتاء]

اغرب موضوع قريته.....
ومع هاذا اكيد في اشياء ما انذكرت خلف الكواليس
لذلك لا تعليق عالموضوع

تقبلي مروري المداعب

 

[amOora19]

يآحلو مشكلتكم .. } لووووٍوٍوٍل

ي ليت كل آلمشآكل هيك ..

 

[المكسيكيه]

 

[الإسراء]

الله يصلح فيما بينكم .. ويجمعكم مرة ثانية ..

 

[شندوخه]

واااي كراميل اختج عوبه اسمحيلي
وبعدين مانقدر نحكم عالموضوع عدل لان ماندري شنو الشي اللي تسويه رفيجتج لاختج وانتي ماتدرين ؟
وليش اختج الكبيره عصبت واتصلت على رفيجتج وغسلت شراعها بهالطريقه !!

الله يصلح احوالكم ان شاءالله ومردكم بتكبرون وتنسوووووووووووووووووووووون

 

[Sn0o0pY_JoJo]

فديتكم على رذوذكم و دعواتكم لنا حبايبي .. صج ما قصرتوا ؛*