رجعتلكم من جديد بصور صالاتي اليديده

[طفلهــ]

الله ماشاء الله روووعه بعد مايحتاج لها كلام

 

[ناتشوو]

مــا شــاء الله تبـارك الرحمن
مـــنزل مبارك ​

واااايد اعجبتني عطيتيني تصور عن صاله اهلي
ولا صالتي لا حجت البقر <<< تنطر دورها بالاسكان ​

المهم انا دورت ما لقيت الصندوق بصالتج ؟؟
مادري انا دايماً اشوف صندوق بالصاله
تحطين فيه طقم استاكاناتج المفارش الغاليه
القلاصات صحون الكيك العود والمباخر ..​

انا عمتي شاريه اثنين واحد منهم خاشه فيه التحف الصغيره
والشعمدانات لان اسم عليهم عيالها ما يخلون شي صاحي ...​

الثريات حلوه وايد تمنيت ان لونهم مو اسود فقط ..​

المريا الي من ميداس مووو طبيعه ماشاء الله ..​

حلوة فكرة الصندوق
خاصة للي صالة المعيشة هي نفسها الاستقبال
فتنحط فيها الشغلات القابلة للكسر وماتكون اثاث يومي
خاصة زينة الطاولة

 

[~*~الملكة~*~]

ماشاءالله تبارك الرحمن

وايد حلوين

 

[Beautiful soul]

حلووو ما شاء الله تررررتيب بس ناقص قطع زل تحطينهم لان الارضيه تحسين شي ناقص

وما شاء الله الستاير كلهم حلوووين

تتهنين حبيبتي *:

 

[كلآم نواعم]

تبارك الله
ماشاء الله الله يهنيج فيهم روعه

 

[شمع تحترق]

حبيبتي جنه المكان يبي تكسرينه بزرع كبار بالزوايا

و انتي براحتج

و عليج بالعافيه

 

[bubble.gum]

ماشالله الوانج جريئة بس على شي مرتب ...

بغيت اسالج عن الطوفة ورق جدران ولا صبغ ؟!!
انا ابي الذهبي عاجبني ..

 

[روووعة القلوب]

ماشاءالله روووووعه تتهنين فيهاا

 

[فاقده ابوهاااا]

ماشالله الوانج جريئة بس على شي مرتب ...

بغيت اسالج عن الطوفة ورق جدران ولا صبغ ؟!!
انا ابي الذهبي عاجبني ..

انا بس كرهت ورق الجدران
هذا صبغ حبيبتي

 

[رحيق]

الله يعطيج العافيه حبيبتي

ومنزل مبارك وتتهنين فيه ان شاء الله وربي يرزقج خيرة ويكفيج شرة

ما ادري انتي كنتي حاطه صور بيتج من قبل اذكرج عندج صاله اعتقد غرفه المعيشه الي فيها ويل بيبر المشجر اسود وابيض ما ادري عاد انتي ولا غيرج

لان جني شايفه الكنسول المرايا

بس اذا تبين الصراحه اذا انتي ذوقج في المودرن وايد احلى ما شاء الله
لا تزعلين مني أنا عندي خبره في الديكور لاني فرشت بيتي الحمدالله ووايد كنت ابحث في النت والمجلات ومواقع المصممين آنا اميل الى الكلاسيك وخاصه صالات الاستقبال

صراحه متردده اكمل عذريني أخاف تزعلين من رأيي
أشوف ان الذهبي موضته راحت الطاولات والخشب الي في القنفات لو كان بني يكون وايد احلى وأرقى

وحتى اللوحات المعلقه في الطوفه لو بني وايد احلى

اذا تبين تتأكدين من كلامي فري على محلات الاثاث رومانتك وذي كاسل وهابيتات والبيت الأمريكي كل الخشب المستخدم لونه بني او درجات البني

أثاثهم كلاسيك وايد حلو وراقي اخذي أفكار منهم في الاكسسوارات واللوحات وحتى قطع الزل

أنصحج تشترين الحرير البلجيكي وايد راقي واذا تبين شيء اعمر الايراني اهبل ويمشي مع الاثاث الكلاسيكي

الاكسسوارات روحي هوم سنتر حلوة اكسسوارتهم أو ميداس وحطي زرع في الصالات روحي الحديقه الملكيه احلى زرع صناعي في الكويت اهبل روعه جنه طبيعي ما يفرق وعنهم الأصايص مالت الزرع

وانا حبيبتي تحت أمرج في أي مساعده

 

[فاقده ابوهاااا]

الله يعطيج العافيه حبيبتي

ومنزل مبارك وتتهنين فيه ان شاء الله وربي يرزقج خيرة ويكفيج شرة

ما ادري انتي كنتي حاطه صور بيتج من قبل اذكرج عندج صاله اعتقد غرفه المعيشه الي فيها ويل بيبر المشجر اسود وابيض ما ادري عاد انتي ولا غيرج

لان جني شايفه الكنسول المرايا

بس اذا تبين الصراحه اذا انتي ذوقج في المودرن وايد احلى ما شاء الله
لا تزعلين مني أنا عندي خبره في الديكور لاني فرشت بيتي الحمدالله ووايد كنت ابحث في النت والمجلات ومواقع المصممين آنا اميل الى الكلاسيك وخاصه صالات الاستقبال

صراحه متردده اكمل عذريني أخاف تزعلين من رأيي
أشوف ان الذهبي موضته راحت الطاولات والخشب الي في القنفات لو كان بني يكون وايد احلى وأرقى

وحتى اللوحات المعلقه في الطوفه لو بني وايد احلى

اذا تبين تتأكدين من كلامي فري على محلات الاثاث رومانتك وذي كاسل وهابيتات والبيت الأمريكي كل الخشب المستخدم لونه بني او درجات البني

أثاثهم كلاسيك وايد حلو وراقي اخذي أفكار منهم في الاكسسوارات واللوحات وحتى قطع الزل

أنصحج تشترين الحرير البلجيكي وايد راقي واذا تبين شيء اعمر الايراني اهبل ويمشي مع الاثاث الكلاسيكي

الاكسسوارات روحي هوم سنتر حلوة اكسسوارتهم أو ميداس وحطي زرع في الصالات روحي الحديقه الملكيه احلى زرع صناعي في الكويت اهبل روعه جنه طبيعي ما يفرق وعنهم الأصايص مالت الزرع

وانا حبيبتي تحت أمرج في أي مساعده

يس يس هذي انا

وليش ازعل حبيبتي انا من البدايه قلت اني ميييييح بالكلاسيك لانه مو شخصيتي ولا ذوقي انا من عرفت الاثاث كله مودرن سواء بغرف النوم او عيالي او الصاله
وهذي اول مره اسوي الكلاسيك وزين مني طلع بهالصوره لاني ما احب الكلاسيك والانسان اذا ما حب شي ما راح يبدع فيه بس اهو نوع من التغيير

وللعلم الذهبي لي يومج طاقي وماراحت موضته شوفي بمجلات الديكورات مو عند هبيتات وذه كاسل هذيله يمشون على الذوق العام

 

[ناتشوو]

انا احس
صالات البيت الرئيسية مالوت الاستقبال
لازم
كلاسيك وتقليدي
ولا اشرايكم؟

 

[نياره]

ماشاء الله يهبل تتهنون فيه يارب

 

[المـــــها]

ما شاء الله
عندج سنتربوينت يجنن للتحف

 

[حبيh]

:eh_s(17)::eh_s(17):يصراحه عجبتني القنفات الكنبات الحمرا مرا ناااايس كمان عجبتني الطاوله الذهبيه معطيه البيت فخامه وشو كمان اممممم عموما صالتك روعه تتهني فيها :eh_s(17)::eh_s(17):

 

[غيرهم]

ذووووووووووووق

 

[أم علي الرفاعي]

ماشالله تبارك الرحمن

الله يهنيج ان شالله
على هالذوق ...


وماشالله البنات ماقصروا بالأفكار

 

[لمعه اللماس]

ماشاءالله تجنن

 

[بكيزة هانم]

ماشاء الله ذوقج حلو .... ومو ناقص الا السجاد وعندج السجاد الحرير الوانه فاقعه وقوية وتناسب الاطقم اللي حاطتها وافضل تختارين السجاد كله بالوان مشتركة تقريبا الذهبي ويكون منقش على خفيف بالاحمر والوردي والاسود ..موفقه

 

[norema-sarto]

حبيبتي

أنا طلعت معاااااااااي بس 3 صور:eh_s(10):

واللي شفتهم ...شي عجيييييييييييييب:eh_s(15):

عسى الله يهنيييييييييييج فيهم وفي بيتج:yaaaaaarb:


وإذا على طااااري التحف والكاماليات

تلقينهم في كل مكان.. ما راح تتعبين

سنتر بوينت / سوق الإيرانيين / الضجيج...

حاضرين للطيبين :eh_s(8):​