رجعتلكم من جديد بصور صالاتي اليديده

[رووح ابووها]

عجبني تزييينج للطاوله
ماشاءالله حدج ذوق

 

[فاقده ابوهاااا]

مشالله عجيب
ابي من وين شاريه الاثاث الوردي والاحمر بليز
وترى ذوقج مووو صججج

الورديه تفصال من محل عبدالله التركي الي بالضجيج والحمره تفصال بمحل هم بالضجيج بس مو متذكره اسمه

 

[فاقده ابوهاااا]

كل شغلج حلو وكلآآسيك حيل .. القعده الورديه كانت عاجبتني مووت بس خوآتي مآ ايدووني وخذيت موديل غيرهآ
عليج بالف عآفيه ..


بس عندي تعليق وآحد .. بالصوره هذي مافي اي تنآسق بين الستآره والطآوله .. اقترح تشيلين الطآوله وتسوين ركن صغيرون مغربي وتحطينها فيه .. بخصوص سوآلف المغربي في محل بالضجيج مختص بالسوآلف هذي ..
وفي بتروفآليو صحون وآطبآق واكسسوآرات مغربيه ..

والستآره اذا حآبه تحطين شي قبآلها تقدرين تفصلين كرسي بف الي من غير ظهر .. او تآخذين جآهز من سنتر بوينت يكون غنفه ومفتووحه مثل الصندوق من غير ظهر بس يدآت وتطلعين منهآ خآمات جذي عالارض مقطوطه وتلآقين الوآن شكثر و آسعآرها بالـ 70 تقريبآ

بالعكس
بس لان بالصوره مو طالعه الالوان واضحه النقشه الحمره بالستاره والزيتي نفس الوان الطاوله بس لاني عندي وايد شغلات حرام اوزعهم فحاولت احط الطاوله من غير مرايتها
وبالنسبه للكرسي البف مكانه راح يكون غلط بين القعدتين مافي مساحه ونهائيا مو راكب بهالمكان
بس فكرتج حلوه اسويها بمكان ثاني

 

[سويت فانيلا]

مشالله حبوبه الصاله كامله والكامل الله وموذوق اجانب كلش ووايد فخمه

 

[meen_ana]

ماشالله احس مو ناقصج الا الزل لاتحطين تحف يصير اوفر

 

[FJ style]

واااو ماشاءالله عليج بالعافية اييييينن الشغل
حلاته حبيبتي صالات الاستقبال تكون كلاسيك

كله اينن
ياليت لو مصورة شغلاتج المودرن اللي قبل ياني فضول ودي اشوفهم


وااااي متى تطلع بيوتنا بصباح الاحمد مليناااااا

 

[بنت العقربيه]

روعه الله يهنيك يارب وعلى البركة ان شاءلله

فية فخامة ورقي


عموما كل بيوت الخليجيين يحبون هالاثاث تميز وابداع

ماشاءالله لاقوة الا بالله

مشكورة والله يعطيك العافية على الصور

 

[جنيه زرقه]

ماشاااااااااء الله تجنن ,,, تتهنين فيها يالغلااااا ,,,

 

[softlady]

عليج بمليون عافيه يارب

 

[honey lust]

ماشاء الله وااايد الوان جرئيه

انا اشوف ان الصالات فاضيه يبيلها تنترس بشغلات و جنه يبيلهم طقمين بعد لووول احب الصالات المتروسه

تتهنوووون فيهم

 

[nono78]

عليكم بالعافيه روعه

 

[دآنة آلرشآيده]

ذوق حلوه عليج بالف عافيه
تهنين قلبي ​

 

[نور خانوم]

ماشاءالله صالتج حلوه ورااقيه حيل وفعلا يبيلها اشوي اضافات نهائيا اهم شي خلصتي الاساسيات والحين تركبين عالمزاج

والله يهينج يارب وتكملينه

 

[M!Ss.Dudi]

ماشاء الله تبارك الله .. تتهني خيتو
حبيت الطاوله

 

[حظ من عنده انا]

ماشاء الله تبارك الرحمن

ذوووق ذووق ذووق

عسساه منزل مبارك

 

[كويتية222]

تتهنين يارب

شوفي احس الاطقم صغيرة والصالة فيها مساحات كبيرة فاضية

شلون تتغلبين على هالشي قطع سجاد مو سجادة عودة لا قطع وحاولي تكون راقية وفيها نقشات ناعمة ومذهبة

اشتري اضاءات طويلة وعودة يكوت شكلها متناسق مع الوان الكنب

طقم الكنب الاحمر يبيله طقم ثاني وياه يكون متناسق بالالوان مع الاحمر حتى لو تفصلينه بس لا يكون احمر لا اختاري شي متناسق وياه

طقم الكنب الوردي صغير يبيله اضافة كراسي بلون متناسق مع الاحمر كرسين فقط

واقتراح الاخت للفازات العودة حلوووو لكن اختاري الفازات الرشيقة مو المتبتبة علشان ما تسبب فوضى

 

[كتكوته نورة]

بالعكس ما شالله حلووو ذوقج

 

[غنج اهلها]

تتهنين فيها يارب

 

[Om_Ksha]

بس ناقص الزل .. بالضجيج اشكال والوان .. في محل بمجمع الرحاب عنده زل حلو بعد .. بس الافضل الضجيج كل شي عندهم .. تصدقين على انه الالوان مرقعه بس ماشالله عجبني الاثاث البيج بالوردي عجبني عليج بالعااااافيه ويبيله مفارش للطاولات ,,

.. انا عندي هالصاله احلى من صالتج القديمه اللي ابيض باسود نقش ملكي كان حيل لويه وماكو شي يخفف الحده ,,

 

[بنت النوخذا]

تبارك الرحمن ما شاء الله​

ربي يهنيج في بيتكم وما شاء الله انتي مزجتي بين لونين قويين
الوردي و الاحمر ...... لكن للامانه طالعين حلوين و مرتبين للغايه​

:eh_s(7):
بس انا بتكلم او كانت هذي صالتي شنو اسوي
كل الي سويتي رووووعه ما ينقص اكسسوارات​

ينقصج اضــائه كافيه بالزوايه
و الزرع حتي يضفي للمكان حياة و اكسجين ​

ولو كنت مكانج جان حطيت هذا النوع من الثريات خاصه انه عندج
المكان المستطيل جاهزكنت احط ثريا مستطيله علشان تنور المكان اكثر ​

لكن انصحج بالوقت الحالي
بس يبيلج اضائه و قطع سجاد بس يكون ساده
حتي ما يزحم المكان في الاوان اكثر
و انصحج بهذي الابجوره ( شمعدان تكون ارضيه بحاول ادور لج صورتها )​

و شويه زرع طبيعي بس ما يكون شجر
حتي يعطي روح الخضار و الحياة للمكان ​

و عليج بالف الف الف عافيه
تتهنين يارب ​