ربيان مشوي << من تأليفي :) لايطوفكم مع الصورة اللي تشوووووق

[ساره ستايل]

بنات اليوم شفت الشغالات ينظفون الربيان ويزهبونه حق غدا باجر
المهم ..
انا كنت صايمة وقاعده اجهز لي الفطور ..
وشكل الربيان شهاني وانا حدي يوعانه
وخصوصا ان الحلوة بتشرف .. ف الشهيه مفتوحه عالآآآآخر:eh_s(1):

قلت بشوي لي جم وحده عن خاطري ..
وبدا التأليف :eh_s(20): ..
ولله الحمد ان تأليفي كل مرة يضبط
والكل يقول ان نفسي حلو بالاكل حمدالله
وهالمرة بفضل الله الطبق طلع روووووووووعه
جنه طبق من اطباق فنادق 5 نجوم :eh_s(9):

المقادير :
10 ربيانات حجم وسط (بدون تقشير )
ملح
فلفل اخضر بارد(الكميه على حسب الرغبه)
(للقلي : زيت زيتون - زبده - عصير ليمون - فلفل اسود )


الصلصه:
5 ملاعق مايونيز لايت ماركة كنور
حبة وحده جبن كيري
ملعقة وسط معبوج احمر
ملعقتان كبيرتان كتشب هاينز
(يخلطون جيدا بالخلاط الكهربائي)


الطريقة :
- تدهنين مقلى تيفال بشوية زيت زيتون
وخليه يسخن اشوي
حطي ذرة ملح عالربيان
وعقبها حطيه بالمقلى
ورشي عليه عصير ليمون (رش مو صب) وذرة فلفل اسود
وقطي معاهم نتفة زبدة والفلفل الاخضر البارد بعد ما تقطعينه قطع مربعه صغيره
وخلي الربيان يتحمر تحمير خفيف مو احمر غامج أو بني لأن راح يكون طعمه موشي ابهالحاله
وقلبيه على الوجه الثاني
وبس تشوفينه بدا يتعكف :eh_s(6): شيليه لأن هذا معناته انه استوى
شيليه وصفيه ابصحن
وصبي فوقه الصلصه الي ذكرتها فوق
الصلصه راح تزيد معاج .. ف خليها حق التغمس احلى .. يمي يميييي:eh_s(22):

وهذي صورته

اللي تجربها امانه خل تدش وتقولي رايها
وبعد لو تصورها احسن عشان نشوف تطبيقها للطريقه :eh_s(8):

بلعافيه​

​

 

[زين البدر]

تسلم الايادي


شكله يشوق مع اني مااكل بحري


بس عادي نسويه من غير قشوره ؟؟


يعني انظفه واسوي طريقتج يصير ولا لا؟

 

[ساره ستايل]

زين البدر: من صجج ماتاكلين سي فووود؟
انا ادماني السي فوود

لا حبيبتي لازم بقشوره
لأن اذا بدون اقشور راح يتحرق

انتي طبعا نظفيه اول شي
نقعيه ابماي جم مرة
وشخلي منه الماي
واذا شفتي راس الربيان لونه اسود .. قطعي الراس افضل

وطبعا لازم اتشقين ظهر الربيان عشان اتطلعين منه الخيط الاسود اذا كان واضح
انا ماشلته لأنه ما كان امبين لأن الربيان حجمه ماكان كبير ذاك الزود

 

[دانتيل]

واااااااااااااااااااااااااااااااااااااااااااااااااااو شكله حده يشووووووووووووووووووق انا غرااااااااااااااااااااامي الربيان لا و مشوي بعد ... مو زين يشوف ريلي الصوره جان كل يوم نسويه.......... بس صراحه شكله يشوق و من المقادير يبين انه رووووووعه... صج شغل فنادق لا مو خمس نجوم بعد الا 7 نجوم ماشاء الله عليج.
بس بسألج سؤال ماله شغل شنو نوع كامريتج

 

[ساره ستايل]

دانتيل : لووووووووووووووول السؤال الاخير عجيب
كامرتي ياقلبي من تلفوني نوكيا n73
والصورة امعدلتها ببرنامج acdc pro manager

ومشكورة عالكلام العسل ياعسوله
عاد تدرين لو اني حاطه الربيان ابماعون ابيض جان طلع شكله احلى واحلى
بس وقتها تدرين بعد صايمة ويوعانه .. ما افكر بتناسق الالوان

واذا جربتي الطبق صوريه وقوليلنا عن تجربتج
ترا صج صج روووووووووووووعه

 

[الفنانه79]

تسلم ايدج

ياااااااااارب:eh_s(17):


هذا انتقااااااااااااااااااااااااااام

لا

لا


انتحااااااااااااااااااااااار

انزين يصير اشيل راس الربيان لا مااحب شواربه

وبسويها ان شاء الله حق زوجي بس اخاف!!!!!! (مثل ماقتلج )
هههههههههههههههههههههه

 

[أم حمود2]

خوش طبق شكله يهبل بس أنا مو متعوده آكله من غير تنظيف شلون ينوكل ومصارينة فيه ! ويعطيج العافية

 

[*عالم الطبخ*]

ســارة استايل

تسلم ايدج حـبيبتي

وشكله حدده يشوق ولــذيذ

يعطيج العافية

 

[ضحـاوي]

تسلم ايدج ساره ستايل

خوووووووش ابتكار

 

[brettey]

شكله يشوق اذا جربته بقولج

 

[جارة القمر]

ساره ستايل

تقبل الله حبيبتي

وعليييييييييييييييج بالعافييييييييييييييييه




وأنا ما أحب الس فود نهائيا

وعليج بالعافييييه

 

[ساره ستايل]

فنانه : عادي قصي راسه .. أو بمعنى ثاني (اعدام) عشان ماتخافين منه
عاد تصدقين ولدي خلودي لما شاف الصورة باللاب توب جان يقول (ويييع زهيوي)
لوووووول
الف شكر علمرور :eh_s(17):

ام حمود : الف شكر عالمرور .. بس اهو حجمه مو كبير عشان تكون فيه مصارين
لأن انا قلت ابمشاركه لي فوق ان الخط الاسود اللي بالظهر مو مبين يعني ماكو مصارين
واذا فيه مصارين اتبين لازم ينشق الظهر وانطلع منه مصارينه
وعليه على مصارينها هالنتفه

عالم الطبخ - ضحاوي - جارة القمر - بريتي :
الف شكر عالمرور :eh_s(17):
وبانتظار تجاربكم ((بس جاره ماراح اتجرب لأنها ماتحب السي فوود ))

 

[أنسام الربيع]

واااااااااااو شكلة عجيب
مشكلة احنا يا الحريم لما النفسية تلعب فينا نسوي الهوايل
انا حاسة فيج لانها شرفت وما عندي غير رايحة ورادة على الجمعية اشتر كاكاو تويكس
ليش ما ادري ومعاهم بفك
وشريت علبتين ربيان بالبقصمات
بس طريقتج ان شاء الله اجربها
مشكورة وايد

 

[GAP]

السلام

سارونه الحمدالله عالسلامه
وتسلم ايدج شكله مشهي... بجرب اسويه قريب وبقولج النتيجه

 

[ضحكة الدنيا]

شكله عجيييب تسلم ايدج حبوبه
ويعطيج العافيه

 

[زين البدر]

زين البدر: من صجج ماتاكلين سي فووود؟
انا ادماني السي فوود

لا حبيبتي لازم بقشوره
لأن اذا بدون اقشور راح يتحرق

انتي طبعا نظفيه اول شي
نقعيه ابماي جم مرة
وشخلي منه الماي
واذا شفتي راس الربيان لونه اسود .. قطعي الراس افضل

وطبعا لازم اتشقين ظهر الربيان عشان اتطلعين منه الخيط الاسود اذا كان واضح
انا ماشلته لأنه ما كان امبين لأن الربيان حجمه ماكان كبير ذاك الزود

:eh_s(3): واااااااااااي مالج امل اني اكل بحري


انا بس اشم ريحته تقلب جبدي

اطبخه بس ما اكله كلش ملش

 

[دنادش]

يسلموو الايادي يا الغلا

بصراحه شكله يشوووق

عيالي يموتون على شي اسمه ربيان بجرب اسويه لهم

 

[^^دموع الكويت^^]

ماشاءالله تبارك الرحمن
شكله حده لذيذ
تسلم ايدج يعطيج العافية​

 

[نملة حوله]

يعطيج العافية حبيبتي
بس ترى الربيانهم شي فيه انه يتنظف عدل .. حتى الربيان اللي حده صغير لازم فيه خيط اسود .. انا غرامي الربيان بس اذا شفت نقطه سوده مااكله
بس شكله طبقج حلو انشالله نشربه بس من غير قشور

 

[جارة القمر]

سارونه


بسويه بإذن الله حق ريلي