رابطة أمهات رابعة وخامسة....تعالو نآزر بعض بهالفترة لي نهاية الامتحانات

[raw]

السلام عليكم
انا بنتي برابعه والله يصلحها كو راضيه تفهم شنو يعني امتحانات نهاية الفترة
والله انا ما الومها لا زالت طفلة
ما عندهم احساس بالمسئوليه او بأهمية الشغله

الله المستعان
انا بديت حفظتها القرآن لان هالاسبوع التسميع
وبديت احفظها كلمات الاملاء الانجليزي كل يوم خمس كلمات
وباجر بحفظها الاحاديث

اما الاجتماعيات والتربية الوطنية ما أدري وين الله قاطني ما ادري شدرس وشخلي

وبالنسبة لجداول الامتحانات كلمنطقة تعليميه غير عن الثانيه

 

[أمواج البحر]

أنا ولديبصف رابع مدرسته بالروضه وعطوه الجدول يوم الخميس وهو كالتالي
15\1 علوم
18\1 انجليزي ورقه أولى
19\1 = ورقه ثانيه
20\1 رياضيات
21\1 تربيه وطنيه
22\1 تربيه إسلاميه
25\1 لغة عربيه ورقه أولى
26\1 == ورقه ثانيه
27\1 أجتماعيات
الأمتحانات من الساعه 8 إلي الساعه 9
الجول موقع من مديرة منطقه العاصمه التعليميه
وابشركم يمنع منع باتا الحل بقلم الرصاص لازم ناشف وممنوع الكريكتر ...شتبون بعد أكثر من جذيه تعقيد:0bee2e8d89:

مثل جدول ولدي ... الله يعينا و يوفقهم يااااااااااااااااااارب

 

[وحش الريم]

واناااااا بعد نفس الجدول...........وكلللللللش مو قادر يدرس......
لا ورقم جلوس........بعد.........لا حول ولا قوة الاااااا بالله

 

[الدلال]

ترى ما يلاامون خصوصا راابعه , هذي اول سنه تصير عندهم امتحانات فتره

انا بس بعرف لما يروحون الثانوي شنو راح يعطوونهم؟؟ وشلوون امتحاناتهم راح تصير؟؟؟؟؟؟؟

 

[نووووونا]

بنات منو بالاحمدى عطوه الجدول

ولدى كان غايب الخميس واليوم ماعطوه الجدول ,,ماادرى يتخيبل على !!:0bee2e8d89:

عفيه ايللى عندها تحطه احنا باجر قران تسميع والخكيس رياضيات ,,

هذا ايللى اعرفه ,,

 

[رافعة الجامة]

بنات الحين صف خامسه كل المواد أدرسه كل الكتاب يعني كل الكورس داخل معاه بالامتحان انا ولدي بمدرسة عمرو بن العاص بالروضه والصراحه السنه مارحت كلش لأن بس يتحلطمون لوعو جبدي السنين اللي فاتت السنه مارحت الله يوفق عيالكم علموني شنو ادرسه

 

[raw]

رافعه الجامه
تدرسين ولدج الكتاب من الجلده لين الجلده
يعني كل اللي اخذاه من اول السنه حتى الان

 

[الدلال]

رابعه وخامسه يدرسوون الكتاب كاامل

الله المستعان

 

[نووووونا]

اليوم عطونا الجدول


والخميس رياضيات ,, وساعه من 8 الى 9

 

[السنعة2]

الله يوفق عيالنا

 

[kbssma]

ادعوا ان الله يوفق عيالنا وينجحهم قولوا امين

 

[مــسـك]

​

بنات أنا قلت لكم عن الجدول قبل كم يوم ألحين غيروه وصار يبدأبتاريخ 15-1
15-1>>>>>>>>>>>>>>اجتماعيات
18-1>>>>>>>>>>>>>>انجليزي الورقه الاولى
19-1>>>>>>>>>>>>>>انجليزي الورقه الثانيه
20-1>>>>>>>>>>>>>>تربيه اسلاميه
21-1>>>>>>>>>>>>>>عربي الورقه الاولى
22-1>>>>>>>>>>>>>>عربي الورقه الثانيه
25-1>>>>>>>>>>>>>>رياضيات
26-1>>>>>>>>>>>>>>تربيه وطنيه
27-1>>>>>>>>>>>>>>علوم
طبعا هذا جدول خامسه والله يستر بعد مايغيرونه

هلا اختي

ليش جدول ولدي غير عن الجدول اللى عندج

مو امتحانات من الوزاره وهم خامس

15\1 رياضيات

18\1 تربيه اسلاميه

19\1 العلوم

20\1 عربي ورقه اولى
21\1 عربي ثانيه

22\1 الاجتماعيات

25\1 انجليزي اولى
26\1 انجليزي ثانيه

27\1 تربيه وطنيه

نفس الجول اللى في خامس ولا غير ياامهات

 

[أم عبووووود]

هلا اختي

ليش جدول ولدي غير عن الجدول اللى عندج

مو امتحانات من الوزاره وهم خامس

15\1 رياضيات

18\1 تربيه اسلاميه

19\1 العلوم

20\1 عربي ورقه اولى
21\1 عربي ثانيه

22\1 الاجتماعيات

25\1 انجليزي اولى
26\1 انجليزي ثانيه

27\1 تربيه وطنيه

نفس الجول اللى في خامس ولا غير ياامهات

حبيبتي الجداول كل منطقة تعليمية غير عن الثانية

يعني شوفي انتي تبع اي منطقة والاخت اللي حاطة الجدول تبع اي منطقة

الله يوفق عيالي وعيالكم يارب

 

[um fawaz]

هااااا .....
امهات رابعه ابتدائي .. اشلونكم مع العلوم؟؟؟ وين واصلين بالتدريس ؟؟؟؟.. طمنوني
الله يكون بالعون ..

 

[سبائك]

يالله بنات شدو الحيل ماااااااااابقى شي الله المستعان

هالورقه عطتها ابلة ولدي الاجتماعيات الله يجزاها الخير يارب حاطه فيها النقاط المهمه الي لازم نركز عليها بالدراسه

صورتها لكم بالموبايل وان شاءالله تكون واضحه عندكم

 

[*الحالمه*]

الله يعين قلوب هالطلبه و الطالبات .. جد الوضع بيكون غريب عليهم

 

[مــسـك]

ام عبووووود

الله يعطيج العافيه

 

[أم عبووووود]

ام عبووووود

الله يعطيج العافيه

الله يعافيج حبيبتي

 

[اسوووره]

بنات اشلونكم حبايبي ؟

والله انا نفسي مو عارفه ادرسه والله و جدول الامتحانات نفس الجداول اتوقع ولدي برابعه ...

لا وسالفة القلم الحبر هذي يديده صراحه يعني جان علموهم على الحبر من اول السنه دام جذي مساكين كاني قاعده اسويله امتحانات و اقوله حل بالجاف مسكين كاسر خاطري

بنات المرشد ثم المرشد ثم المرشد واااااااااااااااااااااااااااايد تمام والله يساعد اشوي لانهم حاطين فيه نماذج امتحانات و الاشياء المهمه ...

 

[سبائك]

بنات هذي ادعيه تعينكم وتعين عيالكم ان شاءالله



قبل المذاكره:

اللهم اني اسألك فهم النبيين وحفظ المرسلين,والملائكه المقربين, واللهم اجعل السنتنا عامره بذكرك, وقلوبنا بخشيتك, واسرارنا بطاعتك, انك على كل شي قدير, حسبنا الله ونعم الوكيل


بعد المذاكره

اللهم اني استودعتك ما قرأت وما حفظت وما تعلّمت , فردّه عند حاجتي اليه, انك على كل شي قدير, حسبنا الله ونعم الوكيل


يوم الامتحان

اللهم اني توكلت عليك وسلمت امري اليك, لا ملجأ ولا منجا منك الا اليك.



دخول القاعه

رب ادخلني مدخل صدق واخرجني مخرج صدق , واجعل لي من لدنك سلطانا نصيرا


قبل البدء بالحل

رب اشرح لي صدري, ويسر لي امري واحلل عقدة من لساني يفقه قولي, بسم الله الفتاح , اللهم لا سهل الا ما جعلته سهلا, وانت تجعل الحزن متى شئت سهلا, يا ارحم الراحميـــــــــــــــــــن



اثناء الامتحان

لا اله الا انت سبحانك اني كنت من الظالمين, يا حي يا قيوم برحمتك استغيث, رب ان مسّني الضرّ انك ارحم الراحميــــــــــــن


عند النسيان

اللهم يا جامع الناس ليوم لا ريب فيه اجمع علي ضالتي



بعد الانتهاء

الحمد لله اللذي هدانا لهذا وما كنّا لنهتدي لولا ان هدانا الله