رابطة أمهات رابعة وخامسة....تعالو نآزر بعض بهالفترة لي نهاية الامتحانات

[math2020]

ما ادري اشناطرين ما ايوزعون جدول الامتحانات ؟؟؟؟؟؟؟؟؟؟؟؟؟؟؟؟؟؟؟؟؟؟

 

[الدلال]

انزين اذا عطووه اغيبه خلااص؟؟ ولا بعد يسوون لنا سالفه؟؟ اهو كل يوم رايح راد من غير سنع ومخلصين المنهج

والله ابتلشنا بهالامتحانات

 

[غيمه صافيه]

انا للحين ماعطوا ولدي جدول الامتحانات؟؟ اهو برابعه؟؟ والامتحانات موحده بكل المناطق التعليميه؟؟ انا ولدي بالعاصمه

أنا ولديبصف رابع مدرسته بالروضه وعطوه الجدول يوم الخميس وهو كالتالي
15\1 علوم
18\1 انجليزي ورقه أولى
19\1 = ورقه ثانيه
20\1 رياضيات
21\1 تربيه وطنيه
22\1 تربيه إسلاميه
25\1 لغة عربيه ورقه أولى
26\1 == ورقه ثانيه
27\1 أجتماعيات
الأمتحانات من الساعه 8 إلي الساعه 9
الجول موقع من مديرة منطقه العاصمه التعليميه
وابشركم يمنع منع باتا الحل بقلم الرصاص لازم ناشف وممنوع الكريكتر ...شتبون بعد أكثر من جذيه تعقيد:0bee2e8d89:

 

[شباصه ريش]

جدول امتحانات خامس
يوم الخميس 15-1 رياضيات
يوم الاحد 18-1 تربيه اسلاميه
يوم الاثنين 19-1 علوم
يوم الثلاثاء 20-1 اللغه العربيه ( الورقه الاولى )
يوم الاربعاء 21-1 اللغه العربيه ( الورقه الثانيه )
يوم الخميس 22-1 الاجتماعيات
يوم الاحد 25-1 الانجليزي ( ورقه اولى )
يوم الاثين 26-1 الانجليزي ( ورقه ثانيه )
يوم الثلاثاء 27-1 التربيه الوطنيه


والله يسهلها على عيالنا
اللهم آمييييييييييي

 

[F.A]

جدول ولدى برااااااابعه
أول شى عطوه جدول يبدى من 18
بعدينن غيروا رايهم

 

[F.A]

الله يوفقهم ويبجحهم ويرسخ كل المعلومات بمخهم
اللهم أأأأأأأأأأأأمين

 

[الدلال]

انزين شنو يعني ورقه اولى وورقه ثاانيه؟؟

يعني بالعربي والانجليزي شنو راح يعطوونهم بالورقه الاولى؟؟ علشان اعرف ادرسه؟؟

ياربي احس جني ضاايعه ماني عارفه شساالفه

 

[um fawaz]

[quotانزين شنو يعني ورقه اولى وورقه ثاانيه؟؟

يعني بالعربي والانجليزي شنو راح يعطوونهم بالورقه الاولى؟؟ علشان اعرف ادرسه؟؟

ياربي احس جني ضاايعه ماني عارفه شساالفهe][/quote]انا بعد نفسج الدلال ماني عارفه يعني شنو جان زين اللي يعرف يفيدنا !!!!

 

[سبائك]

الدلال انا العربي بكبره ما اعرف شلون ادرسه اضيييييييع فيه لا ورقة اولى ولا ورقة ثانيه

شباصه ريش تهقين هالجدول معمم على كلللللل خامسه؟؟

 

[الدلال]

سيائك وانا بعد مثلج, ماني عارفه اصلا شنو ادرسه , ولدي مايدري وين الله قاطه بالعربي

 

[F.A]

الورقه الاولى بالانجليزى يعنى كلمات ووخط وترقيم وقطعه وعليها أسئله
والورقه الثانية الدروس والقواعد
والعربى الورقة الاولى خط وتعبير واملاء
الورقة الثانية الدروس والقواعد

 

[الذاهبه]

جدول خامسه بكل المناطق نفس الشىء؟ نفس المحافظات؟

 

[سبائك]

بنات وصل جدول ولدي والله المستعاااااااااان:eh_s(1):

 

[سبائك]

الظاهر كل مدرسة او كل منطقة تعليمية غير عن الثانيه الجداول تختلف

 

[جنتي^و^ناري]

ياربي رعب رعب مو امتحانات

حاسه ان انا اللي وراي امتحان ماني قادره أخلص معاها ماده كامله

 

[شهد_77]

انا ولدي عطوه جدول رابعه اهو بمحافظة الفروانية
الخميس 15/1 عربي الورقه الاولى
الاحد 18/1 عربي الورقه الثانية
الاثنين 19/1 تربيه وطنيه
الثلاثاء 20/1 اجتماعيات
الاربعاء 21/1 رياضيات
الخميس 22/1 دين
الاحد 25/1 انجليزي ورقه اولى
الاثنين 26/1 انجليزي ورقه ثانيه
الثلاثاء 27/1 علوم
المصيبه العوده يابنات مو الامتحانات المصيبه العوده ان التحفه اللي عندي مايدري وين كتبه ملوت التربيه الوطنيه وبلادي الكويت تخيلو اهو يقول عند الابله والابله تقول مو عندي ابي انتحر من القهر

 

[الدلال]

وييييييييه الله يعييييينج والله, رووحي لحقي واشتري له من مخزن المدرسه

وانا بعد ولدي عطوووه الجدول اليووم,, والجدول موحد على حسب المنطقه التعليميه

 

[كويتيه ذربه]

:0bee2e8d89:انا نفس مشكلتج مو راضي يفهم شنو امتحان

أنا ولدي برابع مطلع عيني رافع شعار لا للدراسة معور قلبي
:krkrkr:
ما أدري شنو أسوي معاه لكن ببتدي معاه بالسهل والله يعينا

 

[كاشونه]

العربي ورقه اولي يعني تعبير واملاء وورقة ثانيه الدروس المقررة
الانجليزي الله اعلم انا ضايعه فيه الله يعينه علي الامتحانات

 

[*ستايل*]

انا خاااايفه حدى على بناتي من الامتحانااااااات الله يستر
واليوم وصلتنا الجدوال حق رابعه وخامسه​