رئيسااات الاقسام ..مساعده لو سمحتو بليييييييز.

[أبلة مس]

يعطيج العافية أبلة مس
اعتقد اني عرفتج لمن سألتيني من أي منطقة و طلعتي وياي صح ؟

اسمحيلي ... ما فهمت

عموما .. حياااااج .. و إذا أعرفج أو تعرفيني هذا ما يغير شي .. :tek:

ممكن تقولين من أي منطقة مرة ثانية :dddds: <<<<< حدهـــا الذاكرة ميــــــــح
​

 

[أبلة مس]

ابله مس بدعتي يعطيج العافيه حبيبتي 000ويعطيكم العافي بنات كلكم 000صاجين اهم شي الخطط الشهريه والاسبوعيههه 0000والله يعين

الله يعافيج حبيبتي .... ما سويت شي

 

[أبلة مس]

أبلة مس أي لوف يو....


كملي لا يوقف

I love u 2 :tek:

و أنا بكمل إن شاءالله بس لازم أحول ملفاتي من وورد 2007 لوورد 2003 عشان يشتغل اهني

و انتظروني
​

 

[أبلة مس]

يعطيج الف الف عافية ياقلبي والله ييسرلج امورج مثل ما يسرتي لنا


طيب ممكن نعرف شنو الخانات اللي نحطها بالجدول غير ماتم انجازه؟؟؟
لان خبرج احنا حدنا عليمية وما الله رزقنا برئيسات اقسام حبوبات يساعدونا بهالسوالف انا رئيسة قسمي كله تقوللي باجر اعلمج واوريج السجلات لين خلصت السنه:0bee2e8d89: حسبى الله ونعم الوكيل ,,,

ابلة مس انا وياج نقدر نفيد بعض حيل..بس مو الحين بعدين...لاني انا متوسط بعد.. بس بالفروانية

ا

لله يعافيج مس انجلش ..

أنا بانزل النماذج اهنيه و إن شاءالله الكل يستفيد
​

 

[haytotaa]

السلام عليكم ممكن تفيدوني بالخطه السنويه والفصليه لقسم التربيه الإسلاميه للمرحلة الابتدائية لأني رئيسة قسم جديدة ولكم منى جزيل الشكر والامتنان

 

[أبلة مس]

اعذرووووووني والله حاولت أنزلهم الملفات اهنيه ما قدرت :0bee2e8d89:


.. عموما أي وحدة محتاجة فورما معينة تطرش لي ايميلها عالخاص و أنا عيوني لكم .. ​

 

[الفنانه79]

ميييييييييييييييييييييييييس

نبي بعد معلومات حلوه مثلج

جيكي على الخاص

 

[لمسة فن انثى]

ابله ابله ابله ابله ابله ابله مس..........حنت طالبات اي الله يعافيج كلشي يفيدنا دزيه جيكي على الخاص ومشكوووووره وتلقينها بميزان حسناتج ان شاء الله

 

[حبشوش]

اختي لا اتعبين نفسج واتسوين سجلات انطري لين اتداومين ويجتمع فيكم التوجيه ويقولولج على الطلبات لان كل توحيه يختلف عن الثاني وكل منطقة تختلف عن المنطقة الثانية في عدد سجلاتها خصوصا احنا الواد العملية ما يخلصون من الطلبات واكثر السجلات سجلاتهم على الفاضي الله يعين

 

[لمسة فن انثى]

حبشوش حبيبتي بس يعني انعرف شوي لان رئيسات الاقسام اللي مرينا عليهم احنا عارفين سجلاتهم وبنفس المنطقه التعليميه يعني ماراح يتغير شي بس نبي نعرف شكل الفورمات

 

[مبدعة]

السجلات تعتمد على التوجيه شنو يبي بالضبط

شنو تخصصج؟

 

[عباير]

ابله مس


مشكوووووووووووووووووووووره ما اتخيلين شلون استفدنا منج وانتي ما تدرين


الله يوفقج وييسر امورج مثل ما يسرتي امورنا يا الغلا

 

[حوريه خليجيه]

ابله مس طرشي لي بعد
رفيقتي ما اتعرف شي برئاسه القسم((رياضيات))

 

[كيتي]

شـــــــــــــــــــــــــــــــــــــــــــــكر خـــــــــــــــــــــــــــــــــــــــــــاصــــــــــــــــــــــــــــــــــ


لابله مس


بصراحه انتى انسانه كريمه و ما شفت وحده متعاونه مثلج بهالتفاني

عسى الله يوفقج و يعز شانج يارب

 

[هوى الدار]

مشكووووووووووره ابله مس ويعطيج العافيه وان شاءالله نتبادل ونستفيد

 

[كيتي]

هوى الدار يالله نبي منج بعد ....


وراح ندعيلج و بقوة

 

[هوى الدار]

هذا ممكن يكون نموذج الخطه العامه او الفصليه وممكن تسوين منه التقرير الختامي اخر السنه مع صور انجازات القسم

• الأعداد لتوزيع المادة على المعلمات مع مراعاة الخبرات الفنية.
• إعداد السجلات الخاصة بالإشراف الفني.
• وضع خطط العمل للفترات الدراسية الثلاث و العام الدراسي.
• الاطلاع على الكتب المدرسية وتوزيع المنهج المقرر على اشهر العام الدراسي حسب خطة التوجيه الفني وتوزيعه على المعلمات.
• إعداد ومتابعة اختبارات المسح للصف الاول الثاني و الثالث و عمل الإحصائيات وتحليل النتائج وإرسالها للتوجيه الفني.
• الزيارات الأسبوعية للمعلمات.
• وضع جدول مبرمج للدروس الميدانية ومناقشتها في الاجتماعات الفنية.
• وضع خطط علاجية لمتابعة التلاميذ الضعاف.
• وضع خطة لمتابعة التلاميذ الفائقين.
• متابعة الأعمال التحريرية.
• متابعة ما قطع من المنهج.
• متابعة وتدقيق الاختبارات التحريرية و الإشراف على تصويرها.
• إعداد الإحصائيات الخاصة بنسب النجاح و تحليل النتائج للفترات الدراسية الثلاث و الفصل الدراسي الأول.
• الإشراف ومتابعة أوراق العمل الخاصة بكل معلمة.
• الإشراف على البرامج الإذاعية للقسم.
• إعداد خطط لرفع الكفاءة المهنية للمعلمات بعمل ورش ودروس ريادية و ميدانية و تبادل زيارات بين المعلمات ويدرج جدول لهذه الخطط.
• عقد اجتماعات أسبوعية لمناقشة الأمور الفنية و الإدارية مع مراعاة ما يصدر من التوجيه الفني اجتماعا" وتم مناقشة الأمور التالية وحثهن على:-
• الإطلاع على الكتب المقررة وتوفير الوسائل و التقنيات اللازمة والاهتمام بها و الإبداع فيها.
• الاهتمام بإعداد الدروس و صياغة الأهداف السلوكية وتوضيح بنود إعداد الدرس مع الاهتمام بكتابة بند التقويم.
• نقل توجيهات السيد الموجه الأول التي تم ذكره في الاجتماع الأول للتوجيه الفني الاهتمام بسجل المتابعة اليومية واصطحابه في كل حصة.
• الاهتمام بالبرامج الإذاعية.
• الاهتمام بالفصول وتعليق اللوحات الجدرانية.
• مناقشة الدروس الميدانية وإعطاء الزميلات التوجيهات الفنية بالنسبة لتدريس كل وحدة.
• الاهتمام بالتصحيح و الدقة عند التصحيح.
• الاهتمام بأوراق العمل وإطلاعي عليها.
• حث المعلمات على تبادل الزيارات فيما بينهن و تسجيل الزيارة في نموذج خاص.
• الاهتمام بالتلاميذ الضعاف و الفائقين و عرض الخطط الموضوعة من قبلي عليهن.
• مناقشة الزميلات في توجيهات الموجه الفني وإطلاعهن على سجل التوجيه.
• حث الزميلات على الاستعارة من المكتبة المدرسية لإثراء الثقافة العلمية لديهن.
• مناقشة طريقة تقويم التلاميذ و الاتفاق على أن تعد كل زميلة اختبارا" لكل فترة دراسية مناقشة لائحة النظام المدرسي و الهدف الشامل للتربية.
• حث المعلمات على التقيد باللوائح المدرسية و المواظبة على الحضور و عدم التأخير و الحد من الاستئذان.
• مناقشة الأمور الإدارية و التوجيهات الصادرة من السيدة مديرة المدرسة.

 

[غلاوي]

يعطيج العافية ماقصرتي

 

[حـراير]

الله يوفقج يا حور
والف مبروك

انتي ممكن تاخذين فكره مبدأية
بس طبعا لا تبدين في اي شيء قبل اجتماع التوجيه

وانصحج ان تسوين السجلات على طريقة الجيوب ( اذا تبين مطبعه اانا اتعامل مع واحد بحولي ممكن ادليج عليه راح يساعدج وايد حق التغليف وحتى في الطباعه اذا كنتي ما تعرفين )
وانتبيهي لا تحطين السنه الدراسية على الغلاف
عشان على الاقل تستخدمينها اكثر من سنه

الله يعينج على هالمسؤلية

 

[جــــوري]

- اختى { هوى الدار } مشكورة على الخطه الفصلية اللي قدمتيها لنا ، استفدت منها حيل ، بس ممكن

توضحينها لنا عن الخطه الاسبوعيه شلون صايره .


- اختي { حراير } يعطيك العافيه بس شلون السجلات عن طريق الجيوب ، ولو سمحت أبي عنوان المطبعه

اللي بحولي أو رقم تليفونها