رئيسااات الاقسام ..مساعده لو سمحتو بليييييييز.

[كيتي]

جزاكم الله خير فعلا استفدنا بليز ثبتوا الموضوع ...


ولا يوقف

 

[أبلة مس]

هوى الدار ...

ما قصرتي حبيبتي .. و إن شاءالله ربي يوفقنا في عملنا ..

جوري ..

حبيبتي يعطيج العافية و عساج عالقوة .. بس إحنا الإنجليزي عندنا فورما معينة للزيارات من التوجيه .. و أكيد انتوا العربي نفس الشي .. الله يعين الكل على هالمسئولية ..

كيتي .. بصراحة وااايد استفدنا .. و أنا ناوية أسوي وسيلة ودي أشارككم فيها .. تعلقينها عندج بالقسم و تساعدج واايد بتنظيم الوقت .. أصورها لكم و أنزلها إن شاءالله ..

موفقين جميعا .. و شكر خـــــــــــاص لصاحبة هالموضوع :tek:


​

 

[حـراير]

- اختى { هوى الدار } مشكورة على الخطه الفصلية اللي قدمتيها لنا ، استفدت منها حيل ، بس ممكن

توضحينها لنا عن الخطه الاسبوعيه شلون صايره .


- اختي { حراير } يعطيك العافيه بس شلون السجلات عن طريق الجيوب ، ولو سمحت أبي عنوان المطبعه

اللي بحولي أو رقم تليفونها

مطبعة الابداع اللي بحولي ممتازه
وبالنسبة للجيوب ، انا اشتري ملفات عاديه من المكتبه اللي فيها جيوب شفافه بس لازم تكون من النوع الزين ،واعطيها للمطبعه عشان يحطها في السجل
ملاحظه / استخدم ملفات الجيوب لبعض السجلات مثل سجل الخطه وسجل جدول الزيارات سجل الملاحظات..
طبعا في بعض السجلات ما ينفع استعمل معاها الجيوب مثل سجل متابعة المعلمات ما ينفع جيوب لازم عادي


حياج الله

 

[عباير]

ماشاء الله ما قصرتوا ابلاتنا


هوى الدار ماشاء الله تبارك الرحمن
انتي باي منطقه يختي عساج بالاحمدي خل اجي عندج
احب الناس الشغيله التعامل معاها حلو
مو الي تهبط فيج جننونا

 

[*أم*خالد*]

يزاج الله خير

 

[الكرملين]

طيب اخت هوى الدار بغيت اسال لوسمحتي


انتي اي مرحله


عندي استفسار عن مناهج المتوسط لانها راح تتغير

 

[هوى الدار]

ماشاء الله ما قصرتوا ابلاتنا


هوى الدار ماشاء الله تبارك الرحمن
انتي باي منطقه يختي عساج بالاحمدي خل اجي عندج
احب الناس الشغيله التعامل معاها حلو
مو الي تهبط فيج جننونا

الله يسلمج اختي عباير

انا بمبارك الكبير واتشرف تجين عندي لو اني بالاحمدي

وبالفعل الشغله اهم شي تعامل واخلاق ومن ثم الشغل

ويسلمو:tek:

 

[هوى الدار]

طيب اخت هوى الدار بغيت اسال لوسمحتي


انتي اي مرحله


عندي استفسار عن مناهج المتوسط لانها راح تتغير

حبيبتي انا ابتدائي

 

[جــــوري]

أخواتي العزيزات أبي أسألكم سؤال رئيسة القسم لها تقرير كفاءه ؟؟؟منو يحطه ؟؟ ممكن تنزل عن الإمتياز ؟؟

 

[الفنانه79]

امممممممممم انزين هوى الدار

ابي اسألج اذا دخلت على معلمه مثلا وماكنت تستخدم الوسيله التعليمه او اي سلبيه اخرى فوضيه او اي شي ثاااااني

وذكرتها في التقرير <<<<<< ولما قرت التقرير مارضت اتووووقع ؟؟؟؟ شنو اسوي ؟؟ شنو الاجراء اللي المفرووض اخذه معاها ؟؟

 

[الفنانه79]

أخواتي العزيزات أبي أسألكم سؤال رئيسة القسم لها تقرير كفاءه ؟؟؟منو يحطه ؟؟ ممكن تنزل عن الإمتياز ؟؟

هلا جوري

اي طبعا رئيسة القسم لها تقويم كفاءه تحطه الناظره والموجهه وليش ماتنزل عن الامتياز ؟؟

ممكن انها تنزل عن الامتياز اذا كانت امقصره في عملها وفي قسمها وماتدري عنه والقسم مو نشيط ومافي منها متابعه لمعلماتها وكثرة المشاكل وغيرها اكييييييييييييد بتأثر على تقويم كفاءة رئيسة القسم ​

 

[هوى الدار]

جوري طبعا لها تقرير كفاءه ويحطه الموجه والمديره

واذا كانت غير كفؤ او كثيره الغياب ممكن تنزل عن الامتياز حالها حال غيرها

 

[هوى الدار]

الفنانه كتبي على التقرير المعلمه رفضت التوقيع ورجعي للناظره والموجه بعدين بهالامر

ممكن المعلمه ترفض التوقيع لاحساسها بالظلم
اذا هذا السبب ممكن كاول مره تقولين لها راح اتغاضى عن هالامر وبحضرلج مره ثانيه
اذا حضرتي مره ثانيه وكررت الاغلاط ورفضت التوقيع كتبي على الورقه المعلمه رفضت التوقيع وبيني هالشي للناظره والموجه

 

[عسله*]

اي سؤال انا حاضره

 

[أبلة مس]

ماشاءالله عليكم بنات .. أثريتم الموضوع بصراحة .. :klhfl:

الله يوفقكم جميعا إن شاءالله ..

شاطرة .. شنو سؤالج حبيبتي؟؟ .. آنا متوسط ​

 

[الفنانه79]

انزين بنااااااااااااااااات الدروس النموذجيه الخارجيه او زيارة مراسم او تبادل زيارات هذي تعتبر من التنمية المهنيه صح ؟؟؟

والنشاط اللي يسويه القسم اي شي من برامج مسابقات ينحط في سجل انجازات القسم صح ؟؟؟


واب مطبعه اتسويلي فايلات اتغلفهم لي بجلد او مخمل ويييييييييييييييييييييين ؟؟؟​

 

[مس انجلش]

ياسلام عليكم:ggdw: ماشاءالله,,كل شي موجود هني وانا اللي كنت احاتي شبسوي اول سنه

:tek: لكل اللي شاركوا بمعلوماتهم وما بخلوا علينا,,ياعل ربي يسهل دروبكم

وشكر خاص حق ابلة مس على الايميل اللي جاني... كثر الله من امثالج وجزاج الله خير..ناطرين منج المزيد

 

[james546613]

مس ابلة وووواييييييد فدتيني تلاقين اجرة باذن الله عند رب العالمين

 

[هوى الدار]

انزين بنااااااااااااااااات الدروس النموذجيه الخارجيه او زيارة مراسم او تبادل زيارات هذي تعتبر من التنمية المهنيه صح ؟؟؟


صح


والنشاط اللي يسويه القسم اي شي من برامج مسابقات ينحط في سجل انجازات القسم صح ؟؟؟


صح
واب مطبعه اتسويلي فايلات اتغلفهم لي بجلد او مخمل ويييييييييييييييييييييين ؟؟؟

عندج مكتبه الابداع بحولي او مجمع بدر بالفحيحيل​

 

[لمسة فن انثى]

هووووووووب انا رديت بعد طول غياب سببه خدامتي انحاااااااااااااااااااااااااااااشت حسبي الله عليها خلتني اصير خدامه وام وزوجه وووووو...؟؟؟؟؟ ماعليييييه كله باجره التجمع صار وايد حلو بس ياابله مس ماوصلني شي على الاميل بس ماتقصرين عمري جربي مره ثانيه
ويعطيكم الف عافيه بنات كللللللكم ويله لايوقف