ذُڪرى تَـمحْـي النسيآن ~~ !

[Ruwaishdawya]

waiting you 7abebte ;$

خلصت حبيبتي:d

 

[dwaiiny]

هلو !!
البارت يشوق:*
فطيم الخايسه خل تاكلها الحين
واحمد وجيهان يونسون
بانتزارج :*

 

[A7BEE5 TOOFE]

ـآحم ـإحـم ببدأ تععليقْ ؛$
ععم رآيـةة حقققيئر ؛@
وڤآطمةة وٰآخييراً انگششفت =d
پِـسس ححْدهإ چريئةة تححچـت چدإمً آلگل
ي ححلـوٰ چسسٌـؤمِ ي رپ يتـژوٰجـچ رإيـةة ؛$
وٰححمـد يگسسر آلخخاطر آهـو ؤ رآششُد =(
يععَطيـچـج ـآلععإڤيئيـةة ععّ إلپـآرت ؛**

 

[Ruwaishdawya]

هلو !!
البارت يشوق:*
فطيم الخايسه خل تاكلها الحين
واحمد وجيهان يونسون
بانتزارج :*

أهلين

تسلمين حياتي ، إي بس تكسر الخاطر :eh_s(11):

إي حدهم

إي خلج منتزرة نزل بارت :eh_s(22):​

 

[Ruwaishdawya]

ـآحم ـإحـم ببدأ تععليقْ ؛$
ععم رآيـةة حقققيئر ؛@
وڤآطمةة وٰآخييراً انگششفت =d
پِـسس ححْدهإ چريئةة تححچـت چدإمً آلگل
ي ححلـوٰ چسسٌـؤمِ ي رپ يتـژوٰجـچ رإيـةة ؛$
وٰححمـد يگسسر آلخخاطر آهـو ؤ رآششُد =(
يععَطيـچـج ـآلععإڤيئيـةة ععّ إلپـآرت ؛**

لوووول حده ، إي انكشفت بس رآية :eh_s(2):

تحجوا الثلاثة حمد ورآية وفاطمة بزواية الكلام كان بينهم أهما بس وكان لازم تعترف لنها السبب مو رآية

ما أقدر أقولج شنو رآح يصير تابعي :eh_s(7):​

 

[Ruwaishdawya]

البارت السادس عشر
​

الساعة 6 الصبح أم أحمد كانت تريق اليهال رآية نزلت وهي متكدرة من سالفة أمس ، كانت كاشخة لأنها بس تخلص محاضرتها بتطلع مع كادي ، كانت متوبكة السالفة إب بالها السالفة مالت بدر شفيكم نسيتوها ، لبس رآية كان عبارة عن نفنوف فلو لونه رمادي غامج جمه دانتيل ، وصوب الخصر ربطة فيونكة ناعمه تحتها تشييره من نفس الخامة ، بعدين ياي قصات تور ، لبست معاه جيجي هيلاهوب دانتيل أسود والشوز مالها كان عالي لونه أسود ينربط ، ولبست قلادة ذهبية متشابكة طالع شكلها ستايل مع البدلة ولبست سوارة شانيل سودة وعليها علامة شانيل ذهبية ، نزلت قذلتها وسوتها ستريت وباجي شعرها سوته ويفي ، مكياجها ما كان وايد غمجت حواجبها ودرجت الرمادي على عيونها بلشر وردي مخملي مع قلوس وردي فاتح إلي ما قدر يتخيل شكل لبسها كان جذي بالضبط

نكمل رآية نزلت وأهيا متكدرة من سالفة أمس عقب ما رآجعت نفسها كذا مرة أهني نشدتها أمها وقالت

أم أحمد: يما ريون علامج ويهج مو زين فيج شيء


رآية: لا يما أبد مافيني شيء

أم أحمد: أكيد

رآية : أكيدين

أم أحمد ومسكت مطارة الحليب مالتها وقالت: يما خن أصب لج حليبة

رآية: لا مابي مو مشتهية

أم أحمد: ليش يما

رآية: مادري مو مشتهية


أم أحمد: كيفج ما طيعين الكلام

رآية : يما لا تزعلين ، يلا شباب مشينا

عبود: يلا

حمود : إنزين صبر نطروا

رآية : لا لا ما راح أنطر بسرعة تلت جنطتها الشانيل ونظارتها وطلعت
حمود وعبود طردي ورآها عشان يلحقونها
وصلتهم مدرستهم ، ووصلت الكافتريا ثمان ضبط

رآية بنفس مكانها الي كل يوم تقعد فيه الدكتور وراها وأهيا ليلحين ما تلاحظها ، ويهها باين عليه علامات الكدر والنكد
يت شوق إلي قالت لها فاطمة السالفة و قالت لها شوق أنها كانت تدري بس سكتت وما علمت عنها ، شوق عاتبت فاطمة وآىيد على إلي سوته لكن فاطمة طلبت منها أنها ما تزيدها كافي إلي أهيا فيه ، شوق تفهمت الوضع ويت وآسطة خير بين رآية وفاطمة


شوق عقب ما سلمت ع راية: أهلا أهلا ريون شلونج ؟؟

رآية: أهلين !! بنشكر الله ، انتي شلونج ؟؟

شوق: بخير دام هالويه بخير

رآية حتى وأهيا متكدرة ما تعامل الناس بنرفزة تعودت أنها تعاملهم مثل ما تحب أنهم يعاملونها ، قالت رآية : حبيبتي أنتي تسلمين

شوق:يا رووحي أنتي

رآية: بعد عمري والله

شوق : ريون أنا يايتج بخصوص موضوع حساس وبليز طلبتج لا تحمقين علي تراني واسطة خير

رآية : إي مو خليني أعرف الموضوع إلي ياية عشانه

شوق:يا طويلة العمر الموضوع وما فيه ، سالفتج انتي وفاطمة يعني والله انتوا رفيجات من عمر والسالفة ما تسوى تعوذي من ابليس وسامحيها إعتبريها أختج وغلطت

رآية : يعني أنتي شايفه السالفة ما تسوى ، أختي اذا كان غلطها يمس شرفي جان ذبحتها وأهيا حية

شوق انسطلت بمكانها ما تدري شتقول لأنه رآية سكتتها جنها ما قدرت تقول شيء

رآية استرسلت وقالت : على العموم اذا كنتي ياية تبيني أرد علاقتي بفاطمة فأنتي حتما غلطانة ، شلون أقدر أأمن لها بعد إلي صار ، سمحيلي ما أقدر أفيدج بشيء آسفة

شوق: إنزين لا تظلمين البنية يمكن في سبب خلاها تسوي هالشيء

رآية : ماكو سبب يخليها تخرب سمعتي ، يعني أنتي متوقعة أنها لو قايلتلي عن سالفة حمد وأعوذ بالله من كلمة لو ، كانت متوقعتني بسفهها كنت رآح أساعدها لكن أهيا كانت أنانية خل تشوف أنانيتها وين ودتها

شوق: الله يهديكم وعلى كل حال ترى البنت ندمانة

رآية: ما ينفع الندم الحين

شوق:صاجة يلا مع السلامة ريون

رآية: حافظج الله ، مع السلامة

شوق انكسر خاطرها على هالرفيجات إلي تفرقوا وما تدري شتقول حق فاطمة إلي ماتت من البجي إحتارت وآيد وقالت لها ، فاطمة زادت ضيقتها أكثر هاذي رآية رفيجة عمرها
________________________________________________________________________
بجانب آخر من بيت ابتهال أم الدعل ، قاعدة بنص وجلسة حش مع بناتها الثنتين منى ورزان ، جيهان ما عجبها الوضع أول مرة جنها استغربت من روحها أهيا متعودة قبل على هالشيء ، لكن من يوم حبت أحمد تغير حالها

ابتهال فارشة سماطها وتحتها قشور الحب إلي من اليوم تاكل فيه

ابتهال: عمى بعينها هاذي رآية مصيبة حظها هالكبر ، ألحين ولد عم يخطبها تقوم ترفض ،صج بطرانة

رزان: إي قطيعة مالت علي وعلى حظي ، هاذي الحظوظ

ابتهال: خلي الحظ مصيبة زينها هذا الزين قطع مادري شتسوي هوو تستبح بحليب بيضاء وناعمة جنها زبدة مصييبة

منى: يماا منها هاذي وحدة عن عشر عوبة ماخذة حقها ثالث ومثلث مو أنا فقيرة الله
ابتهال: إي حبيبتي منو أمها أمها نادية ، عيل ما تعرفينها هاذي أم الطبوب والسحوره ، تلقينها سحرت ريلها وكوشت على الاولي والتالي

منى: لا يما هو لا خالتي نادية غير بعدين مينونة أهيا عشان تيتم عيالها وحفيدتها

ابتهال:مدمغة بلاج ما تدرين اهيا كان قصدها تموته ما تموت ولدها لكن على قولتهم طاحت بشر أعمالها وماتوا ولدها وريلها

رزان: إي عز الله باين عليها ، تصدقون أحس رآيووه مسوية تجميل عيل أكو خشم جذي وكل بصوب وشفايفها الله ياخذها

ابتهال: إي مصيبة شكلها طاقة لها تذكرة كويت لبنان كويت

وتعالت أصواتهم بالضحك

رزان: يا ليت منووه أخيتي تتزوج ونفرح فيها يا رب

منى : لا إن شاء الله أنا مالي ريل عقبه

ابتهال(بطنازة والحب تارس حلجها) : هو ليش بتعيشين على ذكراه

منى : لا يما هذا اسمه وفاء

ابتهال: طيري زين أي وفاء يعني فرضا أنتي الميتة بداله ، توقعينه كان بيقعد أرمل أكييد بيتزوج وبيعش حياته ، فكري يا يما وخلي الخرابيط هاذي عنج


رزان: والله عاد ذاكـ اليوم وحدة من البنات شافت صورتها عندي بالبي بي أم وانعجبت فيها ، أهيا أخوها يدور له ع المرة أهوا مطلق عمره 30 سنة بس مزيون ، عاد قلت آخذ راي منى

منى(حاجبها ارتفع ودمعتها نزلت ولبست عابتها ومشت وقالت ): يلا أنا ماشية تامرون على شيء

ابتهال: ويي شعندها حياة الفهد ، لا بس صكي الباب وراج


منى طول الطريج وأهيا تحس بغصة وصلت بيت أم أحمد سلمت عليها وقعدت شوي تالي دشت غرفتها ورآحت بطلت صندوق كله صورها وصور للمرحوم ، في صور للمرحوم كان ماسك بنته ، أهني يوم شافت هالصورة حظنتها ورآحت تبجي بجي ، منى القوية الي ما يهزها شيء تبجي ، لفت الصورة ولا مكتوب عليها :
ذكرى يوم السبت التاريخ 6/9/2011
بنتي نودي شلتها جان ترجع علي ، أنا وأمها قاعدين سوا نطالع التلفزيون
وناسة صرت بو نادية

هني أصرت زيادة أنها ما تتزوج غيره ولفت الصور صورة صورة ، ومع كل صورة تنزل دمعة سكرت الصندوق وردت بيتهم وحطت رآسها ونامت
___________________________________________________________________

بهالحزة كانت رآية ويا كادي مطلعتها عشان توكلها بمطعم السوليدر

قبلها تغافلت رآية كادي ودزت مسج على رقم بدر من تليفون كادي وكان المسج يقول :
سمعي أنا الحين بمطعم السوليدر لا تتأخرين ناطرتج

ومسحت المسج بعدها
نزلوا المطعم وكان هناك بدر

رآية: كانت ساكته وكانت مسكرة عيونها بنظارة شمسية كانت تبي كادي تتكلم عشان بدر يلاحظها كانت قاعدة مجابلة بدر أما رآية معطته ظهرها


كادي(بنبرة اليهال): يلا طلبي شتنطرين منو عازم الثاني أنا ولا انتي

رآية تهز لها رآسها يعني بطلب

أهني بدر عرفها و بغا يموت ليش أنه شافها وعجبته وآيد

رآية قامت وقالت حق كادي بإذنها بروح الحمام

أهني بدر قام من مكانه وقعد بمكان رآية وقال : هلووو

كادي بطلت عيونها لنه الصوت نفسه أهو إلي سمعته من قبل وقالت: شتبي

بدر: شتبي ها !! ، الحين انا أدورج بالسماء ألقاج بالأرض

كادي : تلفت أسمع انا معاي رفيجتي الله يخليكـ وخر عني مابيها تآخذ عني فكرة غلط

بدر: حتى أنا ما رآح أرضا لج الغلط يا بنت الناس فهميني أنا من أول ما سمعت صوتج صرت واحد ثاني ، يا إمرأة عيار كانوا يسموني مالي أنا والحب

كادي : إستحت وضحكت

بدر: يا حلوج وأنتي تضحكين شفتي وآيد أحلى

كادي : خلصني شتبي ألحين

بدر : بدينا شغل تصريف ، أنا أبيج فهمي مو قصدي شيء مو زين أبي عنوانج بخطبج

كادي : بهالسرعة مو قبل ما أعرفكـ

بدر: يا بنت حيرتيني تليفون ما تبين تكلميني ، خطبة ما تبيني أخطبج ، إي شسووووي عشان تعرفيني

كادي نقدت على روحها: إنزين إسمع روح ألحين وبعدين أكلمك

بدر: ماشي

رآية ما كانت بالحمام كانت طل عليهم من ممر الحمام ، وطلعت بالوقت المناسب

كادي ارتبكت ..،


رآية : شفيج (بصوت واطي) وكانت حاطة اكلينكس على حلجها ما تبي بدر يميزها

كادي: لا ماكو إلا عافية

رآية: إي يلا خن نطلب

طلبوا و كانت عين كادي طول الوقت على بدر ، رآية ما رآحت الحمام قالت بس جذي عشان طل عليهم ويخلا لهم الجو

بدر قعد بمكان رآية وقال: أنا آسف أدري سببت لج إحراج ، قاعد أشوفهم يخزونج والسبة أنا

كادي : خلصني قول إلي عندك

بدر: أبي تكونين لي بس والله مابي غير هالشيء

كادي: ما أقدر اسمح لي


بدر: ليش ؟؟

كادي :جذي ما أقدر أخون ثقة اهلي فيني

بدر: أنا آسف اختي آسف لأني طقيت الباب حسب الاصول

كادي: لأ عادي

بدر :دفع الحساب على طاولته ورآح

رآية طلعت من الحمام قعدوا شوي وطلعوا ، بدر ما رآح كان ناطرهم بسيارته بيشوف وين بيتج يا كادي
لحق سيارة رآية الي كانت كادي معاها كانت تشوفه من المنظرة بس كادي ما لاحظت ، وصلتها بيتها أهني استانس بدر ليش أنه دل بيتها وقرر يفاتح أمه بموضوعها
_______________________________________________________________________

رآية أول ما وصلت بيتهم كان جاسم بويهها

جاسم: الله فرصة سعيدة

رآية: تبتسم من الحيا وما ردت

جاسم: أنا أسعد والله

رآية : ضحكت

جاسم: الله يديم هالضحكة

رآية كانت بتدخل بيتهم بس مو قادرة لنه جاسم جبال ويهها يعني اذا راحت هالصوب راح واذا راحت هني يا آخر شيء كسرت خاطره وقرص خدها وخلاها دش

رآية من داخلها مستانسة حذفت كعبها عند الباب وصعدت فوق ركض من الفرحة وصلت دارها عشان تريح دق عليها حمد

حمد بجدية: رآية ممكن أشوفج اليوم

رآية: ليش ؟؟؟

حمد: بكلمج بموضوع فاضية؟؟

رآية: إي بس وين ومتى؟؟

حمد: سينابون السالمية الساعة 6 ضروري

رآية: على خير
_____________________________________________________________________

جاسم دق على صاحبه رآشد

جاسم: أنت وينكـ ؟؟

رآشد: والله حايس بهالمعرض

جاسم: يا خوي أنت مادري شلي حادكـ صاير لي عيوز سنعة

رآشد: شسوي بعد ؟؟ لجل عين تكرم ألف عين

جاسم: حبيبي والله أدري عيني

رآشد: من زينها ترسها غمص

جاسم: واآآآي آمبييييييهـ سم الله عليج

رآشد: ها احترس !!!

جاسم: أووكي ، يعني اليوم ما رآح تيي الديوانية

رآشد: إي

جاسم: عيل رآحت فيها قرعة عزوز بياكل طق اليوم

رآشد: الرحمة مسكين ترى ماله شغل

جاسم: مادري أحس قرعته تجذب حق الطق

رآشد(بضحكة): ليش ؟

جاسم: تلمع و جنها صحراء ، أصلا جنها كرة بولينغ

رآشد (فصل ضحك) : يلا مع السلامة

جاسم: يا روحي يا دكتور دير بالك على عمرك

رآشد: إن شاء الله لا توصين حريص

جاسم: هاا الحذر الحذر

رآشد: ههههه يلا عاد اذلف (سد الخط)
_________________________________________________________________
بزواية من مطعم سينابون حمد ورآية كانوا ------------------------------------------------------------------------------------

شلي رآح يدور بين رآية وحمد؟؟
الدكتور شراح يشوف ؟؟
توقعون رآية شلي راح يصير لها
تابعوا البارت ال 17

همسة شعرية:

كل البشر ما فيهم إنسان (كامل) ..،

الكل منا عنده أخطاء وذنوب / ..!!

وأكبر خطا في الناس "سوء" التعامل ..

وأكبر ذنوب الناس تذنب ولا<توب>

الهمسة عن رآية

حبيت أحيطكم علما وأقولكم أني كتبت قصيدة بعنوان ذكرى تمحي النسيان واحتمال تنزل بالجريدة ادعولي :*

 

[A7BEE5 TOOFE]

ڤـآطمةة مومن صجهـآ تبـي اترد لرايةة حدهـإ ثقـةة :|
آلله يسستـر حممد ششنـوٰ يبـي يقققؤل لـ رايـةة :/
چسسـؤم وٰالله ـإنـيّ حپيتـهةة ؛Pp
ؤگـآدي إن شاءالله إتححَب بـْدر =D
ويتژؤجـوٰن ويععيششؤن فـي سسبآت ونبـآت ويخلففـوٰ صپيـإن وبنـأت > دخخْلـت چـوٰؤ =Pp
منـى والله ڤيههإ الخخيير :$
يععطيچ آلعاڤيـةة ععَ الپـآرت ؛*

 

[Ruwaishdawya]

ڤـآطمةة مومن صجهـآ تبـي اترد لرايةة حدهـإ ثقـةة :|
آلله يسستـر حممد ششنـوٰ يبـي يقققؤل لـ رايـةة :/
چسسـؤم وٰالله ـإنـيّ حپيتـهةة ؛Pp
ؤگـآدي إن شاءالله إتححَب بـْدر =D
ويتژؤجـوٰن ويععيششؤن فـي سسبآت ونبـآت ويخلففـوٰ صپيـإن وبنـأت > دخخْلـت چـوٰؤ =Pp
منـى والله ڤيههإ الخخيير :$
يععطيچ آلعاڤيـةة ععَ الپـآرت ؛*

إي والله أم الثقة :rerrerek:

اممم ما أقدر اقولج شيء بس خلج متابعة :eh_s(10):

إي جاسم حبيب الملآآآآآين العموم حبه

إن شاء الله تابعي ، إي عادي حياج دشي جو

الله يعافيج :eh_s(22):​

 

[روحين في رـوح]

حلوووووووووووووووة
راية 3 يحبنها ههههههـ جسووم وراشد وحمد ... يارب تكون من نصيب جسووووم
يلا ناطريننننننننج يالحووووب
.......................
تحياتي احارة:
بنت فلسطين

 

[Ruwaishdawya]

حلوووووووووووووووة
راية 3 يحبنها ههههههـ جسووم وراشد وحمد ... يارب تكون من نصيب جسووووم
يلا ناطريننننننننج يالحووووب
.......................
تحياتي احارة:
بنت فلسطين

حلت دنياج حبيبيتي :eh_s(22):

اممم تابعي ما أقدر أقول شي ء

إي نطروني شوي :eh_s(17):

تسلم لي تحياتج يا بنت فلسطين الحرة :eh_s(22):​

 

[A7BEE5 TOOFE]

متـئ آلبـإرت ححَبـؤپـةة ،؟!'

 

[♥«Sαяσσŋαн»™♥]

متى البارت تنزلين البارت

 

[Ruwaishdawya]

متـئ آلبـإرت ححَبـؤپـةة ،؟!'

ألحين إن شاء اله :eh_s(22):

 

[Ruwaishdawya]

متى البارت تنزلين البارت

متى البارت تنزلين البارت شلون صارت هاذي الله يطولي عمرج

ألحين بإذن الله :eh_s(22):​

 

[غــلآهاا غير]

السلام عليكم شخبارج حبيبتي روووووآآآآييييتج روووووعه ماشاءالله والباااارت حييييل حلووووو تسسلم ايدج يأقلبي وناطـرينج بالبارت الجآي غلآلآي ;***

 

[روحين في رـوح]

الحين ياي وناسة
ترا صرت اعرف احكي متلكووووم تعلمت بسرعة
يلا ناطرج
نحياتي الحارة
بنت فلسطين

 

[غــلآهاا غير]

أب أب أب أب أب أب أب أب أب أب أب أب أب أب أب أب أب

 

[Ruwaishdawya]

السلام عليكم شخبارج حبيبتي روووووآآآآييييتج روووووعه ماشاءالله والباااارت حييييل حلووووو تسسلم ايدج يأقلبي وناطـرينج بالبارت الجآي غلآلآي ;***

وعليكم السلام ..، الحمدالله بخير دامج بخير ، تسلمين والله تعليقج نجمة نورت سماي :eh_s(22):

من ذوقج تسلمين إن شاء الله خلج متابعة :eh_s(17):​

 

[Ruwaishdawya]

أب أب أب أب أب أب أب أب أب أب أب أب أب أب أب أب أب

مشكورة على الرفع :eh_s(22):

 

[Ruwaishdawya]

بنات انا آسفة وأكرر أسفي اليوم ما أقدر أحط البارت ال 17

سمحولي والله ، أنا مو عادتي أتأخر بتنزيل البارتات ، باجر رآح أنزله وتسلمون على متابعتكم

آسفة مرة ثانية :$​