ذُڪرى تَـمحْـي النسيآن ~~ !

[dwaiiny]

ونآآآآسه البارتت عجيب والاحداث تشوق
يعطيج العافيه :**



بانتظار البارت ونبيه يكون طوييييل :$

 

[Ruwaishdawya]

لوووول جاسم يونس عبيط ؛$

- رزان ما طلعت لنا بهالبارت بس شكلها بالبارت الياي مسوية مصيبة ^o)

يعطيج العافية ^^

اي و البارت عجيب

ثانكس أقين ...

ويتنق :/

إي فعلا جاسم شخصيته حلوة

إي ناطرتج بالبارت الياي

الله يعافيج و تسلمين من ذوقج إنتي العجيبة :eh_s(7):

كوني بإنتظاري :*​

 

[Ruwaishdawya]

ونآآآآسه البارتت عجيب والاحداث تشوق
يعطيج العافيه :**



بانتظار البارت ونبيه يكون طوييييل :$

حبيبتي أنتي تسلمين وكرمالج بنزل 3 بارتات اليوم خلج زاهبة
​

 

[Ruwaishdawya]

البارت الثامن ​

إلي حصل مع شوق خلاها تنصدم أصلا انقهرت لما قالت لها جيهان عن فاطمة وأنها تكلم ولد عم رآية طبعا جيهآن تمون على شوق عشان جذي دزتها أختها السوسة رزان وقالت لها روحي قولي لها أن فاطمة تكلم حمد أكيد محتارين شلون قالت لها او شلي ياب الطاري
اهما البنات رفيجات فاطمة ورآية كانوا متيمعين بالسكوير أهني يت جيهان سلمت عليهم جيهان خذتها السوالف مع شوق وخذتهم السوالف

بوسط سوالفهم جيهان طالعت شوق بعينها وخزت فاطمة وقالت : شوقي ..، تعرفين هاذي ؟؟

شوق: منو فاطمة إي هذه رفيجتي

جيهان: اهيا حيل كلوز ويا رآية عاد قطيعة أمبيه نظامها زبالة من تحت لي تحت

شوق (مستغربة): ليش ؟؟؟؟؟

جيهان: والله لو أقولج أمبيه تنصدمين بعدين مثلج عارفة الستر زين

شوق (حمقت): جيهانو قولي الي عندج خلصيني

جيهان: هو شفيج كليتيني ، شفتي هذه اللي اسمها فاطمة تكلم حمد ولد عم رآية على أنها رآية نفسها

شوق (عفست ويهها ولاعت جبدها) وقالت: شلون تسوي جذي وييع عليها للهدرجة رخيصة

جيهان: قتلج من تحت لي تحت ما صدقتيني

شوق: إي حدها ، والمشكلة أنها ذيج المرة زعلت علي ليش أني غلطت على رآية الي قاهرني أنها دافع عنها من وراها وبنفس الوقت تطعنها بظهرها ، الا قوليلي انتي شدرآج عنها

جيهان (مزهبة الجذبة): ويي أهي قالت لي ، أصلا انا ما أرتاح لها هذا غير أني جاكتها قبل هالمرة

شوق(انقهرت على رآية): عمى بعينها هالفاطمة سودت ويوهنا

جيهان (عقب ما أدت مهمتها): إي ما علينا منها ، تمشين نتغدى برا

شوق: سوري جوجو خليها بعدين ، الحين مالي نفس آكل سدت نفسي الله يسد نفسها إن شاء الله

جيهان : حياتي أنتي يلا على هوآج أشوفج بعدين

شوق: حبيبتي الله معاج

شوق تضايقت على رآية خصوصا أنها ردت علاقتها معاها مثل ما كانت عشان جذي ما بغت تنتكس وترد حالتها ، شوق تحاتي رآية وبنفس الوقت تحاتي فاطمة اثنيناتهم رفيجاتها وشوق من داخلها تلوم فاطمة على اللي سوته جنها تقول ليش يا فاطمة إنتي اللي ما تطلع منج العيبة فشلتي نفسج واحرجتينا معاج الله يعين ، وكانت خايفة من ردت فعل رآية وهي أساسا مترددة ما تدري تقول حق رآية عن سالفة فاطمة ولا تخش عنها وقتها كانت محتارة حييل

وسط دوانية عزيز تسمروا الربع الكل يسولف واللي داش بحماس ، اللي طايحله سوني واللي متيمعين طايحين له هند

بوسط كل هاللوية كان جاسم يبي يضغط راشد قام علم رفيجه فواز السالفة واتفقوا على حركة يضغطونها فيها فواز حط سويجه على الطاولة الي مجابلته وقال أنا ماشي وقام يتكسر واهو يمشي أهني قام فواز الاهبل وخذا السويج ولحق فواز وقال اختي سويجج أختي، أهني العموم فصل ضحك معنهم ما يدرون منو يقصد بس ضحكوا لنا أشكالهم تضحك ، رآشد غطى ويهه بالمخدة الي يمه من الفشلة هذا طبعا عقب ما مات ضحك ،

عبد الرحمن اللي هد التليفون الي بإيده وقال : شصاير شصاير شنو !!!

جاسم: لا ما صار الا الخير ، أقول كلمها كلمها بس

عبد الرحمن : أفاا

جاسم : شكلها يديدة لا يكون بس نرمين الي قلت لي عنها

عبدالرحمن : لا بيه خبرك عتيج هذه صارت من الماضي ، الحين لجين

جاسم : الله أكبر عليك لجين ها، هاذي شصلها بعد


عبد الرحمن : لبنانية ، بس مووت كيكة قذيفة أرض جو

جاسم: ياخي متى تعدل ؟ بسك يا أخي خاف الله بنفسك ، ما تشبع سوالف خربطة

عبد الرحمن (بصراحة): لأ

جاسم: والله حرام يا اخي عييب هذيل بنات ناس

عبد الرحمن : طير زين بنات ناس ويكلمون حلوة هاذي

جاسم: ليش أنها مدمغة عبالك أنك بتتزوجها

عبدالرحمن : شيلوا فوزية الدريع عني ولي يعافيكم

جاسم: ظريف جدا ، أهنيكـ على مستواك الواطي -.-

عبد الرحمن : تسلم حبيب والله

جاسم(لايعة جبده منه) : جب

جاسم يطالع ساعته ولا 3 جان يشتط قام و رفس رآشد وقاله : رشود ، امش امش الشركة الشركة ويأشر بإيده الثنتين على الباب

رآشد: يا ابني اهدى على روحكـ مو زين عليك جم مرة أقولك لا تنطلق ، كل خوفي من انطلاقك هاذا

جاسم (اشتط أكثر): قمممممم زين يقولي اهدى طالع ساعتك

رآشد(اب برود): بيييييه عاد مالي خلق ، يلا مشينا

جاسم (بأعلى صوته): فمان الله يا الخمة

والمشكلة أنهم يضحكون وردوا بصوت واحد : فمان الكريم

راحوا الشركة و هناك كلم رآشد أبوه عن جاسم واوفق أنه يعينه مدير إدارة

جاسم من الوناسة هز هز وقال حق صاحبه : تصدق أحس مو لايق علي اخذ منصب

رآشد: من زمان انا قايلك تلوع جبدي لا شفتك جد

جاسم: يهز أكثر

رآشد : بسك هز جنك جنس متوحم

جاسم : كل تبن تبيني أعلمك منو الجنس

رآشد: اضبط حالك بس أقول وتسنع

جاسم : تآمر يا الوحش

رآشد : يا أخي أنا ابتلشت فيك ريوق وبلعتك وشغل وشغلتك والحين بعشيك ..، أنتا نشبة بس تستاهل

جاسم: حبيب يا بو عبد اللطيف ويقولها بصوت عالي : يا عمممري عليك وين بتعشيني


رآشد: قصر حسك فشلتني أنا دكتور محترم ، بعشيك بسبونز


جاسم: يهز

رآشد: مو أقولك متوحم

جاسم : (يضحك) ويقول أنت ما تعرف تاكل تبن
--------------------------------------------------------------------------------------------------------------------

بزواية من بيت رآية كانت قاعدة تتجهز عشان تروح المزرعة ، التوأم لابسين ثقيل عن البرد ونودي ملبسينها جاكيت
رآية بصدفة كانت بالصالة

وسمعت أمها تكلم الياهل وتقول : اليوم سلومي ياي

عبود: أنزين ماما و جسوم قالي بيعلمني شلون أطير النباطة أهوا بيي ولا لأ؟

رآية كانت تعدل ترجيتها جبال المنظرة لما سمعت اسمه ابتسمت

ام أحمد : الله يغربل سوالفك يا جويسم هو نباطة تطير ، إي أمي راح ايي اليوم أهوا اصلا داق علي موصيني أسويله لازانيا ومحاشي
رآية : ابتسمت أكثر

أم أحمد: يما ريون خلصتي عشان ابيج تنادين راجو يشيل الاغراض وقوليله يحط الاكل جدام

رآية : إيه حق جاسم

أم أحمد : ويي يستاهل وليدي أصلا كله له

رآية (بحيا): إي يستاهل الطيب

وصلوا المزرعة و ...........................................................................................

شلي بيصير !
توقعون شوق رآح تقول حق رآية ؟؟
رزان شخاشة لرآية ؟؟؟
كل هذا بنعرفه بالبارت التاسع تابعوني بس أخلص أنزل البارت التاسع
​

 

[Ruwaishdawya]

البارت التاسع ​

وصلوا المزرعة كان لبس رآية لايق على المكان الي أهيا فيه لبست vist أسود
مع بلوزة هاي نيك رمادية ولفت على رقبتها سكارف لونه أبيض من فوق وأسود من تحت ربطته على رقبتها وكانت لابسة جينز أزرق لونه حلو ، ولمت شعرها كبة ونزلت قذلتها كان شكلها ذرب وألوان لبسها حلوة صايرة تدرجات ودامجتهم صح ، ما كانت مبالغة بالاكسسورات لبست تراجي فضية مدورة صغيرة و ساعة فضية و ما بالغت بعد بالمكياج كانت حاطة ماسكرا وكحل من داخل وقلوس وردي فاتح ، أما جوتيها كان تومس أسود
نكمل رآية قعدت يم أمها وأول مرة تيي بدون فاطمة هذا لنها ردت رآية اللي نعرفها ، كان جاسم قاعد يلاعب اليهال ويقنعهم أن الديج يقدر يقحص

أم أحمد : جاسم يما حرام عليك هبلت بعيالي

جاسم: لا خالتي صج اهوا يقحص

أم أحمد: هووو ،، جسوم حتى أنا بتضحك علي

جاسم (يضحك ): لا خالتي محشومة

رآية ودها تخبي لهفتها جنه بقلبه وآآآآآيد كلام للجاسم

رآية رآحت تسوي لها نسكفيه من الماكينة مالت القهوة

أم أحمد : يما ريون سوي حق جاسم معاج

رآية مثل أي بنت قعدت تبين دور السنع وأن أنا راعية بيت واسكت امس طابخة ذبيحة ومن هالحجي

رآية : جاسم ما تبي كيك ؟؟

جاسم ( لف على رآية وتنح شوي ) وقال: أي كيك ؟؟

رآية (انحرجت ليش أنه قاعد يتنح فيها ) وقالت: كيك أمي

جاسم: أي وأنتي الي بتيبنه

رآية : إيه

جاسم: إي ما أقول لأ

رآية (مستانسة ومنحرجة بنفس الوقت) : رآية تقص الكيكة عدل ما تبيها تخترب وتزيد الصوص عليها وتمسح بقايا الصوص على الصحن

رآية بحيا وصلت صوب جاسم وحطت الصحن على الطاولة الي جباله

رآية ردت مكانها كانت خايفة أن ملامحها تفضحها

أم أحمد : يما جسوم ذوق وعطني رآيك فيها ترى كله لك اليوم الي سويته

جاسم : خالتي أنا خن آكلها بالأول بسم الله توني ما حطيتها بحلجي

أم أحمد: عمى جويسم أقول أكل مدام النفس عليك طيبة بس

جاسم : أووه ..،، خالتي سلامات عسى ما زعلتي بس ؟؟

أم أحمد: لأ ويي جوكينق ما تعرف الجوكينق شلون صاير

جاسم : اقعااد جوكينق إي الحين أذوق وأعطيج رآيي

أم احمد : إيي ذوق

جاسم (عقب ما ذاق الكيكة) : عجييييييبة والله ، نآآآآآر ، تسلم إيدج وإيد الي قاصتها

رآية إهني راحت ملح ذابت بمكانها من الحيآ خدودها وردت وحالتها حالة

أم أحمد : وييي عوافي يما

بوسط حديثهم دشوا خوات أبليس جيهان ورزان مسوين الشعر ويفي ولابسين تريننقات جوسي وردية وهانتر بوتس أحمر مع جنطة حمرة ولا فين سكراف أحمر شكلهم صاير جنه باسكن روبنز ناقصهم صوص فراولة ، وطبعا الميك اب حدث ولا حرج عرس مو مزرعة حاطين الاي لاينر و كحل أزرق من داخل وبلشر وحمرة حمراء كانت معاهم الدعلة منى
عقب ما سلموا على الموجودين قامت منى تسوي الخمبقة الي متعودة عليها تمدح رآية جدامهم ومن وراهم تسفل فيها يعني أنا الجنة الزينة ،
المهم خوات ابليس دبوا يم رآية

رزان: ها ريون شصار على اللي اللي

رآية قالت لها الي صار

رزان (تسوي روحها مستانسة): يآآآآآي ونااسة يلا عاد شدي حيلج عندي لج خطة جهنمية منها راح نعرفه أكثر ونخليج تتقربين منه

رآية : استانست وايد وقالت لها بلييز قولي لي ؟؟

رزان: شوي أقولج

قضت رآية وقت حلو واستانست مع خوات ابليس الي كانوا يتظاهرون بهالشخصية الطيبة

صارت الساعة 12 ، جاسم يطقطق بالاي باد بروحه برى

السحيلة رزان طل على الدريشة وتقول: وناسة جاسم برى هذه فرصتج ريون ، سمعي الحين بدلي وطلعي برا قولي جاسم أنت هني أمبيه الكل نايم وأنا ما يالي ضايق خلقي ، قلت خن أمشي وقوليله أنا خايفة أمشي برحي تيي معاي

رآية: أخاف ما يرضى

رزان واثقة من اللي قالته وردت على رآية : مالج شغل وسوي الي قتلج عليه والاهم من هذا أنج تسألينه عن اهتماماته وشنو يحب ما يحب ضروري تركزين على هالاشياء

رآية : أوكي

رآية بدلت ملابسها ولبست بلوفر و بنطرون كاروهات مال البجامة عشان يصير شكلها أنها كانت تحاول تنام ولمت شعرها كبة مسي ونزلت قذلتها كان شكلها كيوت جنها يابانية

طلعت برا وتلفت جان طيح عينها على جاسم اللي لاهي بالآي باد

رآية قالت : جاسم أنت هني ؟؟

جاسم : إي ، إنتي شمقعدج ؟؟

رآية : حاولت أنام ما يالي نوم وتدري الكل نايم فضاق خلقي قلت خن أمشي لي شوي ، جاسم ممكن تيي معاي أخاف أمشي بروحي

جاسم (ظل يطالعها وبطفاقة قط الآي باد جنه مو مصدق )

مشوا ووصلوا لي الجهة الثانية

رآية حست أنه لازم تتكلم وبهالجو الحلو يلوق الكلام

رآية : جاسم تحب البرد ؟؟

جاسم: لأ موو واايد ، أصلا أنا جني شايب

رآية : تضحك ليش عاد ؟؟

جاسم : سكتي يا معودة ذيج السنة رحنا مع الربع سويسرا عاد كان ثلج ما يغشمر وبرد الله وكيلج الجو سحتني ، أنا فضحتهم قمت أتمشى بكمبلي

رآية (تضحك): أمبييه أتخيل شكلك

جاسم: من صجج المشكلة أن الكمبل كاروهات جنه مال حارس عمارة

رآية تخز بنطرون بجامتها وتقول : أحم أحم

جاسم: أووه آسف آسف العتب على النظر ، جان قلتي لي أعطيج كمبلي تخيطينه تسوينه نفنوف

رآية: مليييييق

جاسم: تبيني أهد عليج جلابتي الحين

رآية : الله جلاب

جاسم: شنو عسى ما شر تذكرتي الاهل

رآية بضحكة : جب إنزين ، لأ أنا أحبهم من زمان بس أبوي المرحوم و أحمد المرحوم ما يرضون أدخلهم البيت

جاسم: نفسي أنا أحبهم ، (تضايق): الله يرحمهم

رآية (حست من ويهه أنه تضايق) وقالت:جاسم عطني كمبلك

جاسم: شنو استبردتي

رآية: لا عندي عرس وبخيطه نفنوف

جاسم: (فصل ضحك)

رآية: جاسم خنروح هناك

جاسم: لا بس خلاص الحلوة ما تمشي بالليل

رآية (منحرجة): ليش ؟؟

جاسم: عشان ما أهد عليها جلب

رآية : إي قصدك إنت ، لا عادي أنتا أليف ما تعض

جاسم : أيا الردية صج مو كفو إمشي داخل إمشي

رآية : تضحك ما وعت إلا أهيا جدام الجبرة

رآية : يلا باي

جاسم : هوهو هوهو

رآية: إي الجلاب ينابحون

جاسم: جبي يا العوبة

رآية تطلعله لسانها ودش داخل

رآية كانت فرحانة داشة بتبشر خوات ابليس

لكن ما صار هالشيء راية كانت ياية صوب غرفتهم وبالصدفة سمعتهم يقولون

جيهان: إنتي هبلة قوطي من صجج مخليتها معاه أنتي ما سمعتيها شقالت اليوم عن الي صار معاها

رزان: مشكلتج غبائج أنا شقلت لج مو قلت لج أبي رآية تصير جسر بيني وبين جاسم وتالي أقطها مثل ما أقط هالكلينكس بالزبالة

جيهان: إنزين شيضمن لج إنها تقولج كل شيء

رزان: اللي يضمن لي أنها مصدقة أني بساعدها ، عشان جذي تقولي كل شيء بإختصار رآية صيدة ولا تحاتين رآية بالمخباة

جيهان: والله ما يندرى

رزان: جبي ولا تفاولين

جيهان: ووييه هاذي جنها طولت أمشي برى خننطرها

رزان : ويت بس أمسح مكياجي

رآية جنه أحد كات عليها عصير بارد وجاي حار وبعدين رد كب عليها ماي بارد انصدمت وبسرعة بدون فرصة للتفكير راحت عند باب الجبرة جنها توها داشة

ما طولوا خوات ابليس يووا وسألوها شلي دار بينها وبين جاسم

رآية (كان اب بالها شيء عشان جذي ما قالت شيء ) : ما قالي شيء طول ما أحنا نمشي أنا الي أتكلم وأهوا ساكت ومرة وحدة رن تلفونه وقعد يكلم صاحبه جني مو موجودة

رزان: يعني ما عرفتي شيء عنه

رآية: لأ كلش

رزان: جنه ما سوينا شيء يلا بسيطة نعوضها

خوات ابليس قعدوا يسولفون عن بنت خالتهم كادي الي أهيا كبر رزان ورآية عمرها 18 سنة بيضاء شعرها أحمر تصرفاتها جنها ياهل عيونها مدورة واذا تكلمت تحرك دور عدسة عينها وايد خشمها سلة سيف شفايفها عنونين جنها بيبي ، أهيا كلش مو نفسهم طيبة وحبوبة وعسل يعني طريقتها حيل حلوة
قعدوا يسولفون لها عنها وأنها شكثر قريبة لهم وقالوا لها أنها باجر بتيي المزرعة ، وقالت لها رزان عن حبيبها بدر وأنها تحبه ومن هالحجي
رآية حطت هالشيء اب بالها جنه عندها هالشيء
______________________________________________________________________
فاطمة على التليفون مع حمد ليلحين وكلام حب وغزل وكله على آفا رآية ، المشكلة أنه فاطمة وعدته بالزواج
الوقت الي كانت فاطمة تعيش بأحلامها الوردية فيه كانت شوق تحاتي رآية هالمسيجينة وقررت أنها ما تعلمها عشان ما يصير مشاكل وكانت خايفة لا دشش روحها بالسالفة بس كانت تقول أنه عيب سمعة البنت وجذي لكن ما قدرت تسوي شيء
دكتور رآشد قاعد بغرفته يتذكر ويه رآية ويغمض عينه ويبتسم ويرد يبطلها جنه تخيلها ، ما يدري شيسوي وده يعترف لها بحبه لكن الخوف من ردة فعلها كانت أهيا السبب
______________________________________________________________________

يا ترى شبتسوي رآية !!!
منو كادي هذي وشعلاقتها باللي رآح تسويه رآية؟؟
ودكتورنا شبيسوي !!!؟؟
كل هذا اب بارت العاشر
تابعوني :* ​

 

[Ruwaishdawya]

البارت العاشر ​

الساعة عشر الصبح بالخيمة الي جبال ال جبرة كانوا متيمعين خوات ابليس السحيلات ورآية، رآية كان لابسة ترينينق جوسي لونه بينك فاتح وشعرها لمته كبه و نزلت قذلتها وما حطت ولا نتفة مكياج بيوهها كان شكلها يشرح الصدر ، أما السحيلات rugbyمصرين على الأوفر ، لابسين تريننقات هولستر وجواتي تومس

لونهم أزرق ومن جدام أخضر عشان محد يقولي أسوي دعاية حق جواتي تومس أنا أحبهم ، لبسهم كان ذرب بس حيل خربوها بالميك اب يعني على الصبح حالته ان كثرتي قلوس وكحلة ، لكن علم العقيدي أكل الزبدي ماكو فايدة حاطين فل ميك اب ،

نكمل كانوا السحيلات يكلمون رآية عن كادي قبل ما اتيي ، رزان رآحت الحمام عشان تضبط روحها لنا جاسم بيي وقامت أختها لحقتها ، كان تليفون رزان محطوط على الغنفة اللي يم رآية ما كان أحد بالخيمة غيرها انتهزت الفرصة وبطلت تليفونها ودشت على الأسماء ودورت رقم بدر ، اللي يونس إنها لقت الرقم وقدرت تسجله على تليفونها بس ليش وشحقة كل هذا بتعرفونه الحين،رآية بسرعة سكرت تليفون رزان وأشوا أنه ماكان للتليفونها باس جان توهقت رآية معاه ،

يووا خوات ابليس وقعدوا يم رآية شوي يا جاسم وقال

جاسم: قوة بنيات ..، (يطالع رآية)قوة عوبة شلونج اليوم ؟؟

رزان (بدلعها المصطنع البايخ): زينيين إنتاا شلونك؟؟؟

رآية(منحرجة): تمام

جاسم حقر رزان ورد على رآية: عسى ، انزين إن شاء الله تقولين شلونك أنا ليش محد يسألني عني للهدرجة محد يحبني ؟؟ (قالها وهو مشتط مثل عادته)


رآية:تبتسم منحرجة وما ردت

تليقفت رزان : عيارتكـ وجمبزتكـ أنا توني سألتك شلونك!! وسفهتني

جاسم: سمحيلي ما سمعتج عدل

رزان (ويهها انقص للمرة الثانية ليش أن جاسم ما رد عليها): إي ما قتلي شلونكـ ؟؟

جاسم(تنهد جنه لايعة جبده وقال): طييب الحمد الله

رزان(افتشلت) وردت: دوم

جاسم لابس بنطرون هولستر رمادي مع بلوفر كحلي شكله ذرب وشعره معفس شوي لنا توا يقعد من النوم شكله طالع يونس ، جاسم شاف أنه المكان كله بنات قام وطلع

رآية راحت تشوف أخوانها التوأم اذا قاموا أو لا والمكان خلا حق خوات ابليس ،

رزان: أمبييييه جوجو مستحيل هذا يحقرني أهوا من صجه شكله ما عرف منو رزان

جيهان: يبا لا تفرضين نفسج غصب عليه يمكن أنتي مو نوعه !!؟؟

رزان (تقولها بنقدة): نعم !! جوجو أنتي أكثر وحدة عارفة أنه أختج بس تمشي بمكان الشباب نمل وراها من جمالها وهاذا يحقرني ويع عليه ما راح أخليه لين أييب رآسه وتشوفين

جيهان: كيفج أنا قتلج !! وبعدين بدر مو ساد عينج

رزان : إي ساد عيني بس أنا بعلم جاسم درس أنه يحترمني وما يتجاهلني أنا رزان مو حيا الله

جيهان: على هوآج مثل ما تحبين

رزان (بغرور): تسلمين

______________________________________________________________
شوي يت أم أحمد وحطت الريوق وبعدها يت ابتهال أم منى ومنى وكادي
امممم جنه الأحداث بدت تصير دسمة البارت 11 رآح أحطه لكم بعدين
توقعوا اللي بيصير ؟؟
رآية يما منج شبتسوين ؟؟؟ ​

 

[روحين في رـوح]

االرواية حلوووووووة عجبتني
بس البارت العاشر الخط كبيييير كتتتتتتيير
انتظرج اخخخي وهدول بنات ابلس لازم ينحطلهم حد
وراية قوية بتعلمهم حدهم وينن
وفاطمة ماعجبتني
بس الله يستر
ناطريينج اخخخختي يلااااا

 

[G!rla q8ya]

و الله جسوم يونس

وراية زين صادت خطة هالثنتين قطيعة تقطعهم

و يا ويها رزانو تقول الشباب مثل النمل يلحقونها
ذكرتني بتشبيه الزبالة عليها وايد حشرات :d

يعطيج الف عافية رويشداوية البارتات صاروا يشوقون اكثر

و البارت ال١٠ صج ما فهمت فيه كل شي لان الخط كبير


ثانكس حبي و ناطرتج *

 

[Ruwaishdawya]

االرواية حلوووووووة عجبتني
بس البارت العاشر الخط كبيييير كتتتتتتيير
انتظرج اخخخي وهدول بنات ابلس لازم ينحطلهم حد
وراية قوية بتعلمهم حدهم وينن
وفاطمة ماعجبتني
بس الله يستر
ناطريينج اخخخختي يلااااا

تسلمين ، و اذا على البارت العاشر آسفين عورنا عينج

إي عدل كلامج لازم ينحط لهم حد ننطر رآية شبتسوي ..،،

إن شاء الله شوي أنزل كذا بارت

 

[Ruwaishdawya]

و الله جسوم يونس

وراية زين صادت خطة هالثنتين قطيعة تقطعهم

و يا ويها رزانو تقول الشباب مثل النمل يلحقونها
ذكرتني بتشبيه الزبالة عليها وايد حشرات :d

يعطيج الف عافية رويشداوية البارتات صاروا يشوقون اكثر

و البارت ال10 صج ما فهمت فيه كل شي لان الخط كبير


ثانكس حبي و ناطرتج *

إي جاسم شخصيته حلوة ..،،

إي بنشوف خطة رآية المضادة

ههههههه حلوة سالفة الزبالة..،،

الله يعافيج وأنا مو رويشداوية أنا بنت عمتها : شيخة رويشداوية بس نزلت البارت الاول والثاني

الباجي كله أنا الحين صارت متابعة حالها حالكم

آسفين على الخط عورنا عيونكم السموحة ، ومشكورة على متابعتج المتواصلة:eh_s(7):

لا عادي ما سويت شيء

 

[Ruwaishdawya]

بنات أنا شوي على الساعة 11 أو 12

ببدا أنزل بارتات وآسفة عشان البارت العاشر خطه كان كبير :*

 

[روحين في رـوح]

عادي حوووب نسختو وحطيتو ع الورود وقرأتها ما يهمك علينا بس انتي نزلي البارت يلا ننتظرج
تأخرتي وايد وجسوووووم فديتو يارب يحب راية

 

[dwaiiny]

امبيه رزان مال بالتومس على عينها
زين ان جاسم مو بالعها مالت عليها بنت ابليس
والحمدلله ان الله كشفهم عند رآيه ! وعرفت نظامهم
وان شاء الله تسوي شيء يبرد القلب
وفي شي محيرني ليش رايه اخذت رقم بدرر -.-؟

بانتظار البارت حبيبتي :*

 

[G!rla q8ya]

إي جاسم شخصيته حلوة ..،،

إي بنشوف خطة رآية المضادة

ههههههه حلوة سالفة الزبالة..،،

الله يعافيج وأنا مو رويشداوية أنا بنت عمتها : شيخة رويشداوية بس نزلت البارت الاول والثاني

الباجي كله أنا الحين صارت متابعة حالها حالكم

آسفين على الخط عورنا عيونكم السموحة ، ومشكورة على متابعتج المتواصلة:eh_s(7):

لا عادي ما سويت شيء

لوووووووول

عادي انتي و شيوخ واحد << طيحت الميانة

و تشرفنا

عادي حياتي ur welcome

 

[Ruwaishdawya]

البارت الحادي عشر

لمن وصلوا ابتهال ومنى وكادي سلموا على الموجودين وتالي قعدوا على زواية ، يوا السحيلات عند كادي وخذوها لي عند رآية عالاساس يعرفونها عليها وخذتهم السوالف بعدها رآحوا السحيلات الجبرة أمهم وصتهم يودون الأغراض بعد تأف أف قاموا ، رآية كانت قاعدة مع كادي، كادي انعجبت برآية بحكم جمالها ورقتها ،

كادي : أنتي وين تدرسين بأي كلية ؟؟

رآية: كلية الهندسة

كادي: صج ..، الله عاد بنات عمي يدرسون فيها

رآية : جد !؟

كادي: إي

فضت الخيمة والحريم دشوا داخل الجبرة ومعاهم السحيلات ، ما بقى غير رآية ومنى وكادي بالخيمة

رآية استلطفت كادي وحستها وايد ياهل ، وأنها حرام تكون قريبة من هالسحيلات ، كادي ما كانت تحب منى لنا لها مشاكل قديمة معاها وكادي ليلحينها ماخذة موقف منها
هني منى قطت عباتها و بركت على الغنفة وحطت إيدها على خدها وقالت : رآية ..!! غريبة اليوم كاشخة شعندج (وتغمز لها) كان قصدها تحرج رآية بس خبرها عتيج رآية تبدلت ما عادت أهيا نفسها مثل أول

رآية: وين كاشخة ..، (وتشيل عينها من على منى) وقالت: كله تريننق

منى(بنذالة): وويع ياشينج قطيعة نفسج شينة ، عمى ما ينداسلج على طرف

رآية (عيونها صارت حادة وملامحها الجميلة صارت قاسية ) وقالت بكل جرأة: كلامج يعكس النقص الي تعانين منه

منى(بنرفزة):شتقصدين؟؟

رآية(بعد ما ابتسمت ابتسامة باردة) :أظن قصدي واضح ما يحتاج تفسير

منى (بعصبية): لا أبيج تفسرين لي عاد @@

هني كادي فولت ما قدرت تستحمل وقاحة منى القثيثة حيل ولنها حبت رآية وحست باللي ياها من منى و تدخلت كادي بدون سابق إنذار وعلت صوتها عليها وقالت: قصدها أنج ما عندج ثقة بنفسج فهمتي ولا تبيني أفسر لج حاضرة بالشوفة ما عندي مانع @@

منى : وأنتي شكو ؟؟ شدخلج أصلا

رآية: ما تنلام فيج صراحة ، لانه كلامج يعل الجبد وما ينبغى

منى: ألحين أنا أعل الجبد ، بسيطة يا رآية ماشي الكلام إلي قلتيه كله يوصل عند خالتي ، وأنتي أصلا بربس بازع و طايحة بجبد عمرج ، قطيعة الله لا يبلاني بس عندي بنت

رآية (بنبرة أول مرة منى تسمعها وكانت منبطة جبدها لنه منى تمادت بحقها وايد يعني شنو أكبر من أنها توصل لي كرامتها ): أولا أنا قلت كلامج يعل الجبد مو أنتي نفسج و هذا لنه ما عندج شخصية تقطين الحجي وتمشين جنج ما تقدرين دافعين عن نفسج لانه ما عندج حجة ، تروحين تمسكنين عند أمي وأمي تصدقج وتجذبني أنا ، سمعي يا منى سكوت بعد اليوم ما رآح أسكت وأن تحجيتي علي بكلمة برد عليج بعشر وعلت صوتها عليها: سآآآآآمعة ؟؟؟؟؟؟

منى انصدمت من اللي يا لها من رآية وخافت حيل للدرجة أنها طالعت بعيونها وما ردت وقامت من المكان بكبره أصلا ما تجرأت تقول حق أحد .. يعني بالذمة شتقولهم رآية مصخرتني ،دشت منى داخل وعلامات الاضطراب باينة بويهها

منى من داخلها مستغربة من طريقة تصرف رآية حتى كانت تقول بنفسها أنها مستقوية عليها وأنه كادي مقوية باسها عليها

كادي أول ما ذلفت منى لفت على رآية وقالت لها بنبرة اليهال مالتها : الله زين سويتي فيها تستاهل أحسن !!

رآية: شفتيها شلون طلعت خايفة جنها زهيوي خايف لا يرشونه فليت( وتضحك رآية)

كادي : إي والله يبتيها زهيوي وعنده هذيل الشوارب مادري قرون

رآية: أنتي منو مخرب معلوماتج حبيبتي الزهيوي عنده قرون استشعار مو شوارب

كادي : وإذا أهو أملط ما عنده ؟؟

رآية: أكييد داق الشنب

كادي: (فصلت ضحك)
_________________________________________________________________________
بنفس هالحزة كان دكتورنا بالبيت يريح عشان وراه دوام الساعة 3 وكانوا متيمعين على الغداء

أم راشد(أنعام إلي تكلمت عنها قبل) كانت يم رآشد قاعده توكل رآشد جنه ياهل عمره سنتين ما بقى سلطة ما حطتها بحلجه ، ما بقى معكرونية ما وكلته

رآشد (جنه منزعج): يما أعرف آكل والله ، تركيني عنج وأكلي يما أهم شيء أنتي

أنعام: وي إنجعم زين ، إنت ما تشوف روحك صاير يلد على عظم

رآشد: بأحلامي أصير عظم ، بعدين يما أنتي ارتاحي أنا آكل والله أعرف

أنعام عقب ما قطت العيش بحلجه : مالك شغل أنا راحتي أني أريحك

رآشد وده يتكلم بس قاعد يآكل واللقمة عودة فصاير ويهه يكسر الخاطر وده يتكلم بس مو قادر
جنه بيبجي

عقب ما بلع راشد اللقمة شرب ماي وقال بعدها (بنبرة تكسر الخاطر): يما حرام عليج بغيت أغص ، بعدين يما حبيبتي أنتي احترم اهتمامج فيني بس إهدي علي

أنعام(جنها تشره): أنا أبخص تعلمني بعد ،طول هالسنين اللي فاتوا منو يوكلك غيري والحين ياي تعلمني شغلي يا رويشد

رآشد : لأا بس..

رآشد كان توه بيكمل كلامه بس ما قدر لنه أمه كانت تمسح حلجه بالكلينكس

رآشد: يمآ شوي شوي تكفى حلجي أبيه لا تشقينه

بو رآشد (عبد اللطيف): إي من قدك يا رشود ، اليوم كله لك الاهتمام

رآشد: إي إهتمام الا قول تعذيب أسرى

أنعام: هو وليدي خلني أدللله من لي غيره أطالع الله وأطالعه..، رويشد الله يسامحك تعذيب ها

رآشد (يبوس رآس أمه): لا والله إلا الزين كله يا أم رشود ، بس يما أنتي ما تدرين يعني فشلة لو ربعي يدرون أنج توكليني خلي ربعي على صوب جاسم المصيبة لو يدري تدرين شيسوي ، يوزع السالفة بوسترات

أنعام: هوو شعليك منهم أنت عليك من أمك ، مالك شغل فيهم

رآشد: أنعم الله عليج على هالاكل الطيب

أنعام: عافية

رآشد: يبا لا بغيت تروح خل دربنا واحد نروح بسيارتي مع بعض

عبد اللطيف : بارك الله فيك يا بوك

رآشد صعد غرفته وبطل دفتر أشاعره ، رآشد كان شاعر من زمان بس محد يدري عنه غير جاسم حتى أهله ما يدرون قبل كان يكتب عن العزة و الرفعة وعن الآمال والطموح من شاف رآية قام يكتب غزل و عتاب وحب

بطل الدفتر بس قبل لا يبطله غمض عينه وشاف راية ، إي نعم صورة رآية انطبعت براسه ، ومرة وحدة بطلها وبلش يكتب وخلص على الساعة 3 والوقت كان حده حده ، بسرعة بدل ملابسة ونزل تحت عشان يوصل ابوه

رآح مع أبوه الشركة وهناك كان جاسم الاهبل ناطرهم

جاسم قالها بصوت عالي : يا عممممممممــــــــــــــــــــــري عليكـ يا دكتور

رآشد صكه كوع على بطنه وقاله: اتكن العقل أبوي هني

جاسم: آسف حبيبتي

رآشد: اضبط حالك بس أقول

جاسم: يعني على الساعة 8 يناسبك

رآشد: يخرب بيت ظرفك اللي مادري متى بخلص منه

جاسم : ولا راح تخلص منه

رآشد: جب واذلف مكتبك

جاسم: حاضر يا نائب المدير

رآشد: توكل يا مدير الادارة

جاسم : منوو ؟؟ إي انا صح ..، أنا ماشي يا نائب المدير

رآشد: قلنا اذلف يا مدير الادارة

جاسم خلص شغل مبجر و ينن رآشد كل شوي داش عليه ما خلاه بحاله ، وكل مرة لا حجه مرة يبطل كبت الملفات ويقول أبي ملف رمادي ويقعد يحوس بالكبت ويقول لا ما لقيته ويطلع ، مرة يقول أبي دباسة وبس يعطيها إياه رآشد يقوول شكو أصلا ما كنت أبيها بس قلت اسمها جذي لنها جدامي أعوذ بالله منك يا ابليس و يدش مرة ثانية ويقول كنت أبي لازق صمغ لا مو لازق كنت أبي لازق عندك؟؟ رآشد : إي هاك فكني فارج جاسم : لأ أنا أبي هذا اللازق الشفاف هذا لونه اصفر حيل بس أتذكر أيي وبالمرة الاخيرة تنرفز رآشد ليش انه عنده شغل ما قدر يستحمل ملاقة جاسم ورآشد معضل شوي من فوق فثبت جاسم على الكرسي ولفه بلازق

رآشد: مو تبي اللازق كاهو ياك اللازق @!

جاسم: ههممننن ( مو قادر يتكلم ملزق حلجه)

رآشد: أذية لوع جبدي ما خلاني أشتغل ، خن أصورك وأدزها حق فواز عشان أعلمك شلون تضغطني على سالفة السويج

جاسم: يحرك رآسه يعني لأ و رد يقول كلامه المو مفهوم (هممنننممنه)

رآشد ميت من الضحك ودز صورته حق ربعه اللي حطها فيس بوك واللي بي بي ام
خلاه مربوط لين خلص شغل ، بس خلص شغل فجه اول ما فجه هفه طراق أول شيء وانطلق بعدها
جاسم مشتط: أنت غبي أنت ما تفكر بالله مت اختنقت والله ما عندك إحساس ، أنا باط جبدي شكو دز صورتي وانت متيبني

رآشد: يبا خلاص بعوضك

جاسم (يستهبل): يكون بعلمك ترى أقدر أسجل قضية ضدك بالمخفر

رآشد:إي تكفى قول لهم تحرش

جاسم : كل تبن بروحي مو طايق أشوف ويهك

رآشد: استح على ويهك شنو مو طايق تشوف ويهي طليقتك أنا

جاسم: إي وحامل بعد

رآشد يتل جاسم من قميصه ويقول له: هاااا !! احترس الا الغلط

جاسم: هد قميصي لا الحين الايمك براشدي عسم يعلمك احترس شلون

رآشد: أنا أخاف أعطس طير حبيبي أنت أنا أدزك بصبعي تموت

جاسم: يا عمي امش امش ناقصك تقول اصك بوكس أوديك القدس تيب لي حلاو بدنارين ونص

رآشد: أوووله شخباري من وين طلعتها هذه ، انت بس قلتها حسيت غبار وفانوس و علاء الدين وجذي سوالف

جاسم: من صجك يا معود إمش أنا صرت قديم خوفك أقعد شوي وأقلب سندباد

رآشد (فصل ضحك)

ورآحوا تعشوا بشيك شاك
_________________________________________________________________________
اليوم الثاني

رآية نايمة مع كادي بغرفة وحدة بالجبرة أم السحيلات ناموا بالصالة ، رآية قامت الفير والكل نايم بطلت تليفون كادي ودشت على الأسماء ومسحت رقم رزان وسجلت رقم بدر بتليفون كادي و بدلت الاسم وحطته رزان عشان إذا دقت على رزان يكلمها بدر و بحكم أن رآية تدري أن كادي غير عن السحيلات مؤدبة وخلوقة كانت متأملة أن بدر يحب كادي وبجذي تكون فادت كادي وحرتج يا رزان بدون ما يدرون الثنتين أن رآية سبب كل هذا ..،

المهم الصبح قعدوا يمعون أغراضهم لنهم بيمشون خلاص ، عقب ما لموا أغراضهم دشوا السيارة كانت أم أحمد و عيالها ورآية وكادي بسيارة والباجي توزعوا على السياير ، وكانوا ، يبون يتلاقون اب بيت العم ناصر، أم أحمد تعبت من الطريج حطت رآسها ونامت هني قالت كادي

كادي : أمبيه أنا ما أقدر أقعد اب بيت عمج ، أمي ما ترضى بخليها تمرني

المشكلة اني أدق عليها ما ترد ماكو الا أدق على رزان تكلم خالتي ابتهال أو منى يقطوني بيتنا

رآية استانست لانه اللي اسم رزان مسجلته برقم بدر واللي تبيه بيصير ،
نتكلم عن بدر قبل ماندش بالعميق بدر إنسان صايع مغازلجي دلوع أمه وأبوه عايد كورسات بالجامعة لين قايل بس ، شغلته يلعب على البنات أهو ما يحب رزان بس يلعب عليها رزان تحبه معنها تكلم غيره بس أهو الوحيد الي تحبه نتكلم عن شكله طويل مجسم شوي من فوق حنطاوي شعره أدعم لبيس وكشيخ يعرف يلبس ملامحه حلوة عيونه مدورة رموشه جنهم لعبه خشمه طويل وايد حلجه صغير وبنص لحية كله يخففها صاحبه عبد الرحمن الي تحجيت عنه نفس طقته بعد

نرد على اللي كنا فيه كادي قاعد دق على رزان اللي أهو بدر

كادي(بدون مقدمات دشت وبصوتها الي جنه صوت ياهل): رزان سمعي أمي مو راضية أقعد هناك كلمي خالتي ابتهال ختقطني

بدر(من سمع صوتها حذف باكيت الزقاير الي بيده وقال): أبووووي أنتي أصير لج ابتهال

كادي : آسفة داقة غلط وسدته

رآية تأشر لها يعني شفيج

كادي: أمبيه كنت بدق على رزان جان بالغلط أدق على واحد

رآية (تطمنها): عادي يبا لا تشغلين بالج كله رقم غلط
____________________________________________

عقب ما سمع بدر صوتها تحطم وصمم الا يوصلها وعجبته لنه ما لقته ويه
ووصلوا بيت العم ناصر و................................................................................................

لي رجعة اب بارت ال 12 تابعوني
شلي راح يصير ؟؟
الأحداث قاعد تصير حماسية تابعوني ​

 

[Ruwaishdawya]

عادي حوووب نسختو وحطيتو ع الورود وقرأتها ما يهمك علينا بس انتي نزلي البارت يلا ننتظرج
تأخرتي وايد وجسوووووم فديتو يارب يحب راية

حبيبتي والله تسلمين وكاهو البارت نزل :eh_s(22):

 

[Ruwaishdawya]

امبيه رزان مال بالتومس على عينها
زين ان جاسم مو بالعها مالت عليها بنت ابليس
والحمدلله ان الله كشفهم عند رآيه ! وعرفت نظامهم
وان شاء الله تسوي شيء يبرد القلب
وفي شي محيرني ليش رايه اخذت رقم بدرر -.-؟

بانتظار البارت حبيبتي :*

اي والله يبليلها والله

اي دعلة ما تنبلع

إيس البارت هذا يبرد القلب اقريه

اقري وبتعرفين ليش خذت الرقم

أسعدني مرورج :eh_s(7):

 

[Ruwaishdawya]

لوووووووول

عادي انتي و شيوخ واحد << طيحت الميانة

و تشرفنا

عادي حياتي ur welcome

أنا شيوخ مو رويشداوية , وعادي حياج كل يوم طيحيها :eh_s(22):

لا مو واحد أنا وحدة تشلعت أصابعي كل يوم أنزل بارت بس همن رويشداوية فيها الخير

الشرف لي بمعرفتج :eh_s(17):

 

[G!rla q8ya]

أنا شيوخ مو رويشداوية , وعادي حياج كل يوم طيحيها :eh_s(22):

لا مو واحد أنا وحدة تشلعت أصابعي كل يوم أنزل بارت بس همن رويشداوية فيها الخير

الشرف لي بمعرفتج :eh_s(17):

لوووول / الله الله ع الملاقة


إنزين شسمه خلي الرواية عن جسوم و رشود <<أوت اهوا بكيفج

عليهم عبط مو طبيعي

ثانكس حبيبتي :eh_s(22):

 

[Ruwaishdawya]

لوووول / الله الله ع الملاقة


إنزين شسمه خلي الرواية عن جسوم و رشود <<أوت اهوا بكيفج

عليهم عبط مو طبيعي

ثانكس حبيبتي :eh_s(22):

أي طوفي :eh_s(22):

حسستيني أهما اللي يكتبون والله أنا الي أكتب

لا عادي حياج