ذُڪرى تَـمحْـي النسيآن ~~ !

[Ruwaishdawya]

شكلي انا قاعدة انزل بارتات حق G!rla q8ya بس وينكم وين ردودكم !!!!

ع العموم انا بنزل بارت الحين خليكم جاهزين حق الي متابعينا ،،

 

[Ruwaishdawya]

البارت الثالث​

عقب ما طلع الدكتور راشد من مكتب الدكتور حسام قرر أنه يروح يعطي محاضرته وبطريجه بسيارته قعد يفكر وكا ن يقول بنفسه :أنا شلي جرى علي من صجي انثولت فيها للهدرجة عجبتني ،انزين الحين شلون مو حل هذا كل ما أبي أشوفها يا أقعد بالكافتيريا يا أروح عند الدكتور حسام ..!! المشكلة مو جذي المشكلة أنها ما تدري عن هوى داري مو حالة هذه ويطق على السكان بقوووة ..،، ومنو هذا الي أسمه حمد لا يكون تحبه والله أموووت تنهد وخذا نسم طوويل وقال بعدها :الله يستر وما يكون الدكتور حسام حس بشيء بعد أنا غلطان شكو أسأله عنها أهوا بروحه فضيحة يا الله ان شاء الله تكون من نصيبي ..،،


وبوسط كل هالمحتاة دق عليه رفيجه جاسم ولد عم راية ، كان قريب منه واايد للدرجة أن يعرف عنه كل شيء نتكلم عن جاسم أبيضاني عيونه مكحلة من الله ورموشه كثيفه شعره أسود وخشمه طوويل وحلجه صغير بنص ويه سكسوكة ملامحه واايد حلوة طالع على أمه عكس أخوانه كانوا طالعين على ابوهم أهوا وسيم و طويل أطباعه فصلة و أسلوبه وايد حلو بالكلام وايد يشد طريقته غير جذي أنه وايد حنّان دايم يحن على أمه وأبوه اذا بغى شي ووايد متولع بالسيارات تأثر بموتة المرحوم واآآآااايد كان أكثر من أخو بالنسبة له كان يحسب له حساب وموتة أثرت فيه بس قدر يتجاوزها كان قريب من أحمد حييل وكان يغليه وتقريبا كل سوالفه عنده

دق على دكتور راشد الي كان ثاني أقرب شخص له من عقب احمد

وقاله بنبرة طنازة:قوة دكتوور وينكـ مو ناوي تمر الدوانية مستنينك على نار الشوق يا عمري انتا

ملاحظة:راشد مايدر انه راية تصير حق جاسم أصلا ما يعرف شيء عنها وما كان يعرف أحد من اخوان جاسم عشان جذي ما عرف منو حمد
راشد بضحكة: أقول تعدّل ..بعد ويني عندي محاذرات حياآآآاتي

جاسم: وويع رشود ما أتخيل لأ الا هالشيء

راشد: بطها ضحكة

جاسم:انزين متى تعدي يا الوحش

راشد (بتملل):بس اخلص دوام

جاسم(حمق):يعني متى@@@

راشد:الساعة 5

جاسم:8 أحسن لييش 5

راشد: شسوي بعد عندي شغل بشركة الوالد

جاسم (بتحلطم):يا دي الشركة

راشد: شنسوي شغل عبالك الناس كلها بطالية مثلكـ

جاسم: اي بطالي قدمت أوراقي وناطر يوظفوني ، أنت نحييس كلم أبوك عني خليشغلني

راشد:إن شاء الله ارقد وامان ياك تستاهل الطيب

جاسم :تسلم يا بعدهم على راسي بو عبد اللطيف

راشد:حبيب، انزين سكره سكره وصلت أنا ..،،

جاسم(مندقر): أخص ..،، أسكره توك تستاهل الطيب وحبيب

راشد(بضحكة): فمان الله ويسكره

بنفس الوقت الي سكر فيه دكتورنا جهازه وراح يعطي محاضرته كانت فطوم تنتطر راية على ما تخلص من الكلاس شافتها شوق وييت صوبها

شوق(بابتسامة): سامحيني فطومة والله ماكان قصدي أضايقج وسوري على الي حصل بالمطعم

فطومة(بحيا):لا عادي ولا يهمج ما صار الا الخير

شوق:يعني مو زعلانة مني ؟؟

فاطمة(تحرك راسها يعني لأ): لا مو زعلانة منج

شوق: حبيبتيييييي (سلمت عليها وحضنتها)

فاطمة(تبتسم ): رآآأية درت عن شيء

شوق : لا تحاتين والله ما راح أقولها شيء يضايقها كلش ولا زعلج ما اقدر عليه

فاطمة (خدودها وردت): تسلمين

شوق: يلا نشوفج بعدين اترخص الحين

فاطمة:الله حافظج حبيبتي

شوق: حبيبتي..مع السلامة

فاطمة:الله يسلمج

بعد وقت قصير من طلعت شوق ييت رآية
رآية تغمز حق فطوم: هاا شآلو
فطوم:شالوو
-------------------------------------------------------------------------------------------------------------------
بالسيارة رقعت فطوم باب سيارة رآية

رآية: عماا فطيييييييم

فاطمة (تخزهأ) : -.- شنووو ريوون شسويت كله باب فدوة لي سآآح

رآية: لا تدلعين جبح يا كرهي

فاطمة : انزين -.- ، انتي شفيج اليوم مو على بعضج في شيء بالج

راية:ايه والله

فاطمة:قوليلي

راية: ما ودي أتعبج معاي فطوم

فطوم بخزة -.-: خلصيني قولي حسستيني أمس أعرفج

راية: شوفي فطوم باجر عندنا عزيمة ومضطرة أروح عمي ملزم علي فشلة أطنش مثل كل مرة وانتي عارفتني ما أحب أطب مكان الا أنتي فيه أخاف فاطمة أحسني ارتبك واايد وأسوي شغلات غريبة

فاطمة (بضحكة): اي صح نسيت انج تعانين من أمراض عقلية

راية بخزة -.-: مالت عليج أقولج ما أقدر أطلع من دونج .., كبة عليج

فاطمة: وآآآآي حبيبتيييي أدري ما تقدرين على فرقاي ولو لحظة :$

راية (بضحكة): أي عاد لا تصدقين واايد هاا ، انزين الحين شسوي حتى ملابس ما شريت

فاطمة: مالت، انزين شوفي نروح السوق الحين على طريجنا ونشتري لج

راية (مغلدمة): السوق عاد تدرين اني ما أحبه

فاطمة: احنا داشين نشتري مو نتمشى ..:/

راية: اي بس ما أحب ، شوفي من الحين أقولج مابي نفنوف مقصقص ومحزحز وقصير

فاطمة(مو عاجبها): شهالالفاظ محزحز ومقصقص ناقصج تقولين مزلط

راية : جبييي

فاطمة: انزين خلصنا بس نوصل نشوف

وصلوا السوق وبعد محاولات وااايد وقايست اكثر من بدلة لقت البدلة الي ترضي راية بس همن راية عندها مشاكل دايما بدلة راية كانت لونها بيبي بينك و ضيجة شوي من صوب الخصر يعني مخصر جسمها ومن ورا فيونكة ناعمة ومن صوب جتوفها شوي كانت مكشوفة ورقبتها بعد بس كانت راقية راية مجابلة المنظرة ويمها فطوم قاعد تقايس البدلة

رآأأية: ووؤؤؤؤيييــــــــع طــــآآآآع شلون صايرة علي شكلي غلط ضيجة وويع

فاطمة:وووين ضيجة انتي وين تشوفين بس من صوب الخصر إنزين أهدي شوي

رآآاية: لأ ووويـــــــع مـــــأبي البسها قصيرة وتطلع جتوفي

فاطمة: يا ربــــــي علـــــيج رآآآيــــــة عزيمـة ترى

رآآآية: أدري بس مو جنها...

فاطمة قاطعتها: لا جنها ولا ما جنها بتاخذينها وغصبن عليج بعد ، خذت معاها كعب وردي فاتح مسكر من جدام شكله واايد ناعم وشرت لها طقم لولو تراجي مدورة الماس وياي عليها اللولو من فوق القلب نفس الشيء بس ياي سيدة ومرصع بالالماس واللولو من فوق ياي عليه شكلها يشوّق ، أما فطوم ما كانت تبي تشتري شيء يلفت كانت تبي تطّلع رآية شرت نفنوف ابيض دانتيل من تحت النفنوف ومن فوقه لبست معاه ربطة مشيرة ناعمة و كعب مشيّر وتراجيها مدورة ذهبية

صآر يوم العزيمة البيت كله مختّب التوام مغترين وأم أحمد كاشخة بالدراعة نودي الصغيرة ملبسينها نفنوف وردي ينن عليها ..،،

ام أحمد طق الباب رايووه بعدج ما خلصتي يلا تأخرنا

رايه: كاا يماا ويت دقايق بس أخلص

فطوم كانت عند راية من الظهر تكشخها وتحط لها ميكب

رآية: طالع نفسها بالمنظرة وتلف على فطوم وتقولها : أمبيييييه فشلهـ ان شاء الله ما أروح جذي وواي احس لأ مو أنا

فاطمة: جــــــب ، بتروحين يعني بتروحين خلصينا حطي جاكيتج عليج ويلا خن نلحق أمج
شكل راية كان يلفت حييل أنيقة شكلها أول ما نزلت أم أحمد تلولش الله الله شهالزين شهالحلاوة يما بناتي الله يحفظكم
_______________________________________________________________________
ووصلوا بيت العم ناصر و.........................................................................................

(تابعووني بارت باجر نآآآر كله أحداث)
وأبي أشوف ردوووودكم الحلوة

 

[G!rla q8ya]

البارت زوووغة

يعطيج العافية

و اعتقد جاسم عازم راشد <<يمكن

ثانكس أقين

 

[Ruwaishdawya]

البارت زوووغة

يعطيج العافية

و اعتقد جاسم عازم راشد <<يمكن

ثانكس أقين :d

تسلمين والله يعافيج ..،،
لا تنبأين :dخليــــج متــــابعـتـــنـــي ..،،
بنزل الباآارتـــ الحيـــن ..،،

 

[Ruwaishdawya]

تكملة البارت الثالث
​

وصلوا بيت العم ناصر ، نتكلم عنه اكثر الحجي ناصر عمر 45 إنسان عصامي بنى نفسه بنفسه وقدر يوصل حق الي أهوا فيه الحين ، أهوا الي أسس مكتب الاستثمارات الي عنده تعب وايد عشان يوصل الي اهو فيه الحين ، طبعه حازم وقيادي جاف بطبعه مع الناس حنون مع عياله وان كان ساعات يقسي عليهم بس لمصلحتهم طيب وتأثر بموتة أخوه براك (أبو راية) وااآآآيد وكان باين عليه لكن بعدها بفترة حس انه موتة براك راح تكون سبب سعادته لانه راح يستفيد من الورث وبحكم شغله في قطاع الاستثمارات والعقارات وعقود البيع والشراء قدر يتوبك حيلة من خلالها يوصل حق الي يبيه لكنها فشلت المحامي كشفها وقدر يبرهن عدم صحتها وتوزع الورث بس راية تنازلت عن حصتها حق أمها وقالت تبي أملاك المرحوم وقف خيري لكن عمها ما وافق واكتفى أنه يسوي 2 ماي سبيل واحد حق أحمد وواحد حق براكـ

بعد سالفة توزيع الورث حقد العم ناصر وخطط حق حيلة يديدة يقدر يحفظ فيها الباجي من حلآل المرحوم وبنفس الوقت يكون له كامل التصرف فيها راح نتكلم عنها بس يصير وقتها ،نتكلم عن شكله اهوا حنطاوي ملامحه حادة وتوحي على الشدة والخشونة :عيونه مدورة رموشه كثيفه حواجبه مقوسه حادة بس كانت شوي كثيفة خشمه طويل بنص ويهه شاربه الي خالط سواده الشيب وشعره خفيف
​

عياله 4 أحمد عمره 24 يدرس برا وهذه آخر سنه له وآآايد مآخذ من أبوه الا أنه كان يفرق عنه بخاصيه وحدة الا وهي خوفه من الله وحنيته نتكلم عنه طبعه جد وآاايد وكلامه جدا عقلاني أسلوبه حلو ويعرف يتكلم ومتى لازم يسكت ملامحه تقريبا يشبهه ابوه بشبابه بس اهوا احلى حنطاوي طويل شعره أسود ملآمحه حادة بس وسيم ويهه مدور ودايم يخفف لحيته وشاربه عادي لبسه دايم رياضي ما يعترف بالقمصان كله تي شيرتات وبالمناسبات يغتَر اهو بعده يدرس بأمريكا بس هاذي آخر سنة له ،

بعده جاسم عمره 23 خريج كلية ادارية وقاعد بطالي أظن تكلمنا عنه بالبارت الي فوق ،
وراه حمد 18 سنة يدرس بكلية الهندسة ،

آخرهم سالم هذا اهوا قبل كان اسمه فهد بس غيروا اسمه لان امه نوت تسميه على اسم يده سالم وسموه بهالاسم بس غيروا متأخر ووايد يعني لما صار عمره 3 سنين عقب ما الكل تعود يناديه فهد أهوا بعمر التوأم 8 سنين وصديقهم الصدوق سالم أصغر واحد بالبيت الكل يحبه ووايد وأبوهـ يغليه حييييل للدرجة ما تخيلونها يعني ابوه الحازم الجاد ووايد مع سالم غيير ومعاملته خاصة واللي يبيه ييصير ملامحه نسخة جاسم شعره أسود يتكتكت ابيضاني ويهه بسرعه يحمر على اي انفعال وحلجه صغير،

نرد على الي كنا فيه راية دشت البيت اهيا وفاطمة وكانت أم أحمد قبلهم منى و امها (ابتهال) كانوا معزومين ببيت العم ناصر:نتكلم عن ابتهال ، أرملة مات ريلها واهيا بعمر ال 30 بناتها 3 منى 26 سنة ، رزان 18 جيهان 19 ،نتكلم عن أطباعها: ابتهال كانت عقرب رمل نوعها من تحت لي تحت تحب الحجي وتموت عل تنقل السوالف بإختصار بخور السوق فضيحة قناة العربية لسانها متبري منها تربط عصاعص ونمامة من عزيمة لي عزيمة ومن حفلة لي حفلة ومن يمعة ريوق لي يمعه عشا واذا ما عزموها عزمتهم ويمعتهم وحطت جايهها وقروضاتها وبلشت حش كانت مريضة تحجى بأعراض العالم وتطعن بشرفهم تتكلم بالفاضي وبالمليان ما عندها إحساس ونظامها حسد وغيرة هاذي تزوجت وهذيج طلقت يعني انسانة حجّاية و يا كثرهم الحجايين ، نتكلم عن شكلها صج انها بال 44 لكنها مملوحة سمراء خمرية بشرتها صافية خدودها ملساء شفايفها بارزة مو متينة مليانة عيونها واسعة ومسحوبة من الطرف شوي كانت بنتها منى تشاببها وايد ، راية وام احمد وفطوم سلموا على المعازيم وقعدوا طبعاا كان العم متواجد وجاسم الي راية تحس أنه تميل له ما كانت تدري ليش بس كانت معجبة فيه واايد

منى (بنبرة عالية بتسمّع فيها الكل): تو مانور المكان أسفرت وأنورت واستهلت وامطرت

أم أحمد:النور نوركم ونور الحاضرين شرواكم الطيب

منى:تسلمين يا خالتي والله ما أحد مثلج

ابتهال(أم منى) قالتها وهي داشة عرض بالسالفة: ولا مثل بنيتها رآاية سم الله عليها

منى(بنفاق قالتها عشان تجمّل عند الناس):إييه رآية منو مثلها بعد عمري شآيلة البيت على راسها تصدقون اهيا الي تشتري ماجلة البيت

العم ناصر: ماشاء الله عليها سنعة ، مريحة أمها بارك الله فيج يبا

رآية بحيا :تسلم عمي

فاطمة تنغز راية بخفة : ريووون شعندها منى مدحتج عندهم هذا وانتي تقولين ما تحبج

رآية : الله يسلمج هذه أداوت التشيحط عندها تبي توريهم انها تحبني وبالنفس الوقت تبي تحسس امي انها تغليني

فاطمة: قطيعة ..أخاف صج بس شوفي شلون تطالعج أشكره حاقدة عليج

راية: من صجج يا معودة زين ما تهفني باكبر ما عندها

فاطمة (بضحكة):انزين جب جب بس سكتي لا يعلى صوتنا
​

راية : انزين

بعد فترة قصيرة وصل جاسم ومعاه أخوه حمد ، سلموا على الموجدين وقعدوا جبال راية ورفيجتها حمد كان جبال فاطمة وجاسم كان مجابل راية

فاطمة استانست كان عبالها ان حمد قاعد يطالعها بس حمد ماكان يطالعها كان يطالع رآاية وكان مستانس عباله أنه قاعدة تطالعه وهي كانت عينها حق جاسم بس جاسم كان برى لعبة العيون هاذي


بعدها شرفوا الخوات الثنتين جيهان ورزان بنات ابتهال الي أهما خوات منى نتكلم عنهم جيهان 19 سنة رزان 18 جيهان شكلها أصغر من رزان سمراء خمرية عيونها متوسطة طويلة شعرها دايما ويفي لونه أدعم خشمها متوسط حلجها صغير وايد طريقة جسمها ناعمة يعني أنعم من رزان ، أختها رزان كانت أحلى من جيهان شعرها أسود ليلي خشمها سلة سيف عيونها واسع مسحوبين من الطرف رموشها كثاف سوود وايد شكلها أكبر من عمرها جسمها مقسم خصرها وايد مبين شكلها بس مليانة من الارداف شوي شفايفها بارزة و بشرتها سمراء خمرية وملاحظين أنهم ماخذين من بوهة منى و أمهم ابتهال ، ستايلهم تقريبا نفس ستايل كيم كارديشيان من حيث اللبس والميك اب ، أطباعهم ماشاء الله ما طلعوا على غريب نفس طبايع أمهم بس الفرق أنه أهما من تحت لي تحت ، سوالفهم سوالف خرابيط وشباب ما شباب بس محد يدري عنهم غير الله يعني مو فاضحين روحهم حتى أقرب الناس لهم كادي 18 سنة ما تدري عن هالاشياء اهما أسلوبهم واايد يشد وطريقتهم حلوة يعرفون يسولفون عشان جذي الناس ينغشون فيهم و ما يعرفون شنو معدنهم ، رزان الصغيرة كانت وايد امشية جيهان على كلامها لنه جيهان مدمغة شوي اي شوي الا واايد ، من خلال سياق الرواية بتعرفون شخصيتهم اكثر

رزان وجيهان سلموا على الموجودين و لمن وصلوا صوب جاسم ، هني رزان عطت أختها كوع وفهمت أنه تنتبه له بعدها راحوا الحمام عشان يتضبطون

بس رزان كان عبارة عن توب بيج كت وتنورة هاي وست سودة مطلعه جسمها ليدي وايد وكانت لابسه تراجي مدورة الماس من داخلها ذهبي شوي كعبها مشبك من جدام وعالي وايد لونه اسود وشعرها كانت رافعته لي فوق نفس طريقة عنقوص كيم كاريديشان نيي حق لبس جيهان ، عبارة عن بنطرون هاي ويست أسود قصته تبرز طولها وقميص أبيض غولته مّدوره ولابسة فوقه جاكيت شولدرز لونه أسود و لبست قلادة طويلة لونها فضي وقلادة ثانية فوقها لونها ذهبي وطلع شكلها راقي وآيد أما الشوز الي كانت لابسته كان تقريبا نفس شوز رزان الا أنه يختلف شوي ، شعرها ويفي مثل العادة بس شايلته من صوب اب ماشة بس شكلها حلو لنها فضية وماشية مع قلايدها تكلمنا عن أشكالهم نرد على الي كنا فيه

الخوات بالحمام جيهان تعدل كحلتها و رزان تعدل شعرها رزان وهي تعدل شعرها : شفتي هذاكـ الي مساع نغزتج عشانه

جيهان: التفتت على أختها اي شفيه

رزان: تصدقين ذاكـ اليوم صادفنه بالمطعم أنا ومنى عاد كان ويا ربعه تخيلي شاف منى وسلم عليه من بعيد وأنا ولاجني قاعدة ما عبرني

جيهان: انزين يمكن ما لاحظ

رزان: أي أقولج مريت يمه يوم بغينا نطلع من المطعم تخيلي سكب ولا جنه حتى

جيهان(بصدمة):أهم شيء

رزان: من صجج بس وحياتج مراح أطوفه له راح أخرفنه أعلمه منو أنا عيل أمر يمه ما يلتفت لي

جيهان: عشتوا يا أنتي ، عاد مادري الحين !

رزان: تشوفين باجر اذا ما خرفنته ..،

جيهان : نشووف

رزان: لا تحديني على الطيش بس أقول يبا اعتبريه تحدي

جيهان (مفتخرة بأختها): صار اوك

رزان (بإنزعاج): قوومي امشي خنروح لهم بعد لا يقولون هذيل شعندهم بطوا

وردوا صالة الاستقبال

رزان بنبرتها العالية ومدت هالجملة على أساس أنها متفاجأة : أمبيييييييييييه هآآأأااذي رآآاية يا حلوها صايرة تينن

رآآية بحيا: تسلمين

رزان: يا حلوج جم عمرج !؟؟

رآآاية: 18

رزان (بنبرتها العالية للمرة الثانية): أمبيــــــــــــييــــيييييييييييييييييييييييييييييه كبريييييييي مو بآآآآآين وسحبتها ضحكة ههآآآآهههههههه

رآآاية تساسر رفيجتها : والله شذمنبي اذا اهيا شكلها كبر يدتي

فاطمة تبلع ضحكتها : جبيي عيييب
​

الخوات شوي شوي سحبوا نفسهم وقعدوا بالصالة الي تطل على صالة الاستقبال الي يمها المطبخ التحضيري وقعدوا يترقبون الوضع بسكات أقصد بتعليقات

حمد قعد يطالع برآآاية وفاطمة كانت عينها عليه فعبالها انه يطالعها بحكم أنه مجابلها نفس الشيء حمد كان يظن ان رآية عينها له بس راية عينها حق جاسم الي عينه ما كانت حق أحد بالمكان ..،


رزان (بذكائها الخبيث قدرت تفهم الوضع خصوصا أنها معلّمة بسوالف الحب على قولتها)

أم أحمد "نادية": يما فاطمة راية ساعدوني ، ريون روحي يبي صحون حق الكيكة وشوك صغار وأنتي يما فاطمة يبي استكانات وطريجهم واحد فطبيعي راحوا مع بعض بس فاطمة تأخرت شوي وسبقتها رآية أهني استغلت الوضع رزان عشان ترتب حق خطتها الدنيئة نادت فاطمة وشالت الاستكانت منها

وقالت لها :عنــــج عنــــج شـــوي شـــوي !!،

فاطمة بصوت واطي:لا عادي أقدر أشيل

رزان: لا وين أنا خفت عليج لا تعرجبين أصلا..!،إنزين خليهم الحين على صوب لاحقين عليهم ، أول شيء إسمج

فاطمة بصوت خفيف:فاطمة

رزان:والنعم والله ، أييه سمعي فطومة مابيج تفهميني غلط بس جنه نظرات هذا الي اسمه حمد فيها شيء لج شنو اهوا يحبج شي!!

فاطمة:مادري والله أنتي نبهتيني

رزان(بطنازة): أنــا نبهتج هذا حجي عاد بتقنعيني انج مو حآآسة يعني وآااضح الغبي يفهم

فاطمة(تتغيبى):يعني شقصدج ما فهمت!

رزان:قصدي انه أهوا يحبج صدقيني

فاطمة:مادري والله

فاطمة ابتسمت ومن الوناسة نست لا تشيل الاستكانات انحرجت ليش انها وصلت مكانها بتقعد خلاص

هني قالت لها أم أحمد ووويـــــــن الــي وصيــــتج عليه !!

فاطمة:ها إييييه كا كا دقايق

وردت خذتهم وحطتهم على الطاولة

رزان تهمس حق أختها من ورا فاطمة ما عليج صدقيني هذه تحبه

جيهان(بحسرة):ويي حياتي مسيجينة نظامها حب واخلاص إنزين أهوا يحبها

رزان:أخذيها مني نقدي ما يدري عن أهل أم الي خلفوها

ردت جيهان: هوووو عيل ليش تقولين لها يخزج عشمتيها بجيلا ونخي طآح حظج !!

رزان: الي محيرني غبائج الا ما أنولد منه اثنين جوجو ركزي أنا سويت هالجذبة بس عشان العب على الوتر الحساس

جيهان : أيّ وتر وأيّ ناي وأيّ هبّان

رزان: مصيرج بتعرفين الحين لو سمحتي جبي شوي وخليني أبطل صندوق الأسرار

جيهان:هو أي صندوق أخاف بس كنز الجزيرة -.-

رزان: لا ويي العن هآذي رآية أم العقد بعرف عنها جبي شوي جوجو

جيهان: وييي خلآآأأص انطميت

رزان: حلاتج وأنتي منطمة تهبلين

جيهان: صج مو كثرج وأنتي تخزينهم -.-

رزان: جــــــــــب
​

راية تخز جاسم بنظرة إعجاب جنه تشوفه شيء حيييل عود مشاعرها متضاربة ما تدري شنو اهوا بالضبط بس كانت تدري أنها مستانسة

رآية تنغز أختها بكوعها:ههههي جوجو شؤفي هاذي شلون تخزه ! أمبيه حرام أخاف تحبه حسافة لنه ما راح يصير الي تبيه

جيهان (منكسر خاطرها):إي والله شقت قلبي

رزان:سم الله عليج متى ينشق قلبج على هالسوالف خابرتج تضحكين على هالسوالف سكتي وأنا بقولج شبسوي..،،

مرت ســـــاعة بســــلام ! لكن مقابل هالساعة صآآر شيء أكبر من جذي

_________________________________________________________________________________________

يا ترى شلي راح يصير شلي يدور براسج يا رزان من وين طلعتي لنا يارزان مو وقتج يا رزاااااان !!!

(تابعووووني)

الي متابعني يرد عشان أنزل البارت قاعد أشوف ماكو إقبال على الرواية بس مشاهدات والردود ماكو غير قيرل كويتيه أتمنى اشوف ردودكم بأقرب وقت ممكن
​

 

[Ruwaishdawya]

البارت الرابع ​

عقب هالساعة الي مرت بسلام أم أحمد نادتهم على العشا: أم أحمد يا بنات عشا
راحوا فاطمة وراية ياكلون لكن شحيت ومحيت رفضوا ياكلون وقالوا أنهم مسووين دايت وما كان هدفهم انهم ما ياكلون أقصد هدفها الي أهيا رزان كان هدفها أنها تنتهز الفرصة وتشوف كل اللي قاعد يصير
فاطمة خلصت قبل رآية لنا راية قاعد تحوس مع أخوانها توكل هذا و تمسح حلج هذا يعني الوضع أسوأ من كارثة تسونامي
فاطمة توها طالعة من المغاسل وعلى صوب خوات ابليس قاعدين
ما علينا هني حمد أشر حق فاطمة من بعيد ومحد انتبه له لنهم مشغولين طبعا تلبية نداء المعدة أهم وكلمها بزاوية من الصالة الي كانوا قاعدين فيها الخوات الصالة الصغيرة الي تطل على صالة استقبال
هني جيهان عطت أختها رزان كوع على بطنها وقالت لها:شوفي شوفي زوز شقاعد يسوي وتقولين لي ما يحبها وما يخزها يخز رآية شوفي قاعد يكلمها
رزان (متأكدة من كلامها): مــســـتحيل تحليلي من 100 تحليلج من 10 وبعدين سكتي خلينا نسمع
المهم حمد قال حق فاطمة أول شيء ما ابيج تفهميني غلط
هني فاطمة دق قلبها بقووة وحست أنه في كلام حلو حقها بعد هالجملة لكن تجري الرياح بما لا تشتهي فاطمة
قال لها والتفت:شوفي أنا أحب رآيةمن زمآآن وآآيد واليوم حسيت أني مو قادر أخش الي بقلبي والمشكلة ما أقدر أصارحها يعني ما أدري اهيا اذا شافتني بمكان عام ما تخزني جذي ، يعني مادري تقدرين تكلمينها عني لانج رفيجتها وتعطينها رقمي
فاطمة ويهها برد يعني باينة الغصة بلامحها: إن شاء الله أحاول
حمد (بفرحة):إي لو سمحتي ، ومشكورة ما راح أنساها لج

فاطمة لفت ويهها جنها ما تبي دمعتها تبين مشت صوب الغنفة إلي كانوا خوات ابليس قاعدين فيها أهني قامت رزان ومن الورقة الي بيد فاطمة قدرت تفهم الموضوع معنها ما سمعت كل اللي دار بينهم عدل بس قدرت تسمع جم كلمة لانه صوتهم ماكان وآضح وايد
المهم راحت رزان لفاطمة وقالت:يا أمبييييهـ منووو تبجي فطوومة وويع شلون ما يلوق عليج، تكفى إنتي مال تبجين شفيج قوليلي أنا حسبة أختج العودة قولي لي ما أعظ أنا

فاطمة(تنهد بقوة وتمسع دموعها): لا ماكو شيء

رزان:شنووووو!؟؟؟ ماكو شيء قوليلي يمكن أقدر أساعدج والله مو هاين علي أخليج تروحين جذي ودمعتج اب عينج

فاطمة(ارتاحت لها) وقالت:أول شيء أوعديني ما يطلع برا لاني أنا انحديت أقولج

رزان(بشهههقة قوية):ههههييئه عييب علي شلون أقول,, رقد وآمني ما يطلع برا ولج مني وعد ما أعلم احد بس قولي لي خرعتيني

فاطمة: سمعي شفتي حمد كلامج عدل أنا أحبه صارلي سنتين وكنت عبالي إنه معجب فيني صج اني ما كنت أشوفه واايد بس دش
قلبي ، والمشكلة انه ما يحبني مثل ما قلتي لي اهوا يحب رآية ومساع طلب مني أني أقنعها عشان تاخذ رقمه

رزان: وآآآآي أمبيييه ترا واضحة يعني أهوا يقولج جذي يبي يحرج أشكره،ولو ما يحبج جان ما يا قالج جان راح قال حق رآية نفسها صح !!
فاطمة:اهوا يقول مستحي منها لنها تعامله جنه غريب

رزان:بذمتج مصدقة هالخرابيط الي قالها تلقينه قاعد يستفزج بيشوفج تغارين عليه ولا لأ وبعدين الي يحب ما يستحي يروح يواجه ويصارح حبه حق غيره

فاطمة(مصدقة كلامها): إييه بس الحين اهوا عطاني رقمه وقالي كلمي رآية ..،

رزان:اهوا عطاج رقمه انزين اهوا قالج انه تعامله على انه غريب جدام الناس .., بس لقيتها شوفي ليش ما تكلمينه على أنج رآية وتشرطين عليه اذا شافج اقصد شاف رآية جدام الناس ما يكلمها ولا جنه يعرفها أصلا، حتى اذا صادفها بروحها ما يكلمها على بو أنها تستحي وايد منها

فاطمة(بتردد):لا أنا ما اقدر أسوي جذي حق رآية أنا رفيجتها صارلي وايد معاها ولا تقولين سنة ولا سنتين أنا عمر معاها
رزان:إي بس من حقج تعبرين عن مشاعرج وكلش عاد حسستيني رآية تدري عنه ما تعبره أصلا

فاطمة: ما أدري بقوله ما قدرت أعطيها الرقم وخلاص

رزان (مشتطة): إي كففووو وقعدي على حالج كتمي الي بقلبج أكثر لا تقولينه اصلا ، يا غبية انتي اذا كلمتيه كلميه عن رفيجة رآية الي أهيا أنتي وسولفي له عن أطباعج و صدقيني رآح يحبج لان راح يتعلق فيج انتي ويقول عن رآية أنها معقدة ومو طبيعية وانها لا يمكن تحبه ويعتقد أن علاقته مع رآية علاقة عابرة أو مجرد صداقة أو احتياج ، يعني لا تشغلين بالج

أهني نادت رآية رفيجتها من بعيد وقالت: يلا فطوم تعالي إحنا بالسيارة

ارتبكت أهني خزتها رزان قالت لها لا تحسسينها بأي شيء جنه ما صآر شيء
وهاج هذا رقمي دقي علي اذا حسيتي اب اي خوف أو تردد من هالخطوة وأنا بساعدج صدقيني
ركبت فاطمة السيارة وكانت طول الوقت سرحانة تخز الجام الي يمها ، كانوا حاطين أغنية
true friends

رآآآية تقول حق راجو: بلييز راجو طوّل على هالاغنية وتطالع فاطمة

رآآية كانت دايما تغني هالاغنية ويا فاطمة لكن أول مرة ترددها رآية بروحها ، فاطمة تبتسم حق رآية وعقلها شارد جنها تقول لأ رآية مو وقته تبينين لي أنج أحسن مني وأنج تغليني عكسي أنا الي راح أضرج

راية تحضن رفيجتها وفاطمة اكتفت بس تحط ايدها عليها

أم أحمد (منزعجة): هووو شهالهبلة الي تعويي ووواه وآآآه ، راجو بابا سكرها عورت رآسي

رآية : يما شنوو تعوي هههههه ذيبة أهيا ، يما خليها أنا و فطوم نحب هالاغنية من أيام أولى ثانوي كله نهديها حق بعض

أم أحمد: وأنا صاجة عند ربي هوو ذبحتني تعوي ، الله يخليكم حق بعض يارب ولا يفرقكم بس سكروها سندرت راسي

رآية : آمممممييين ، ان شاء الله سكرها يا راجو

وصلوا بيت فاطمة وقطوها فاطمة وسلمت رآية على فاطمة وهي نازلة كان ويهها بآين عليه علامات الضيقة دخلت بيتهم سلمت امها

كانت قاعدة تطالع التلفزيون وأخوها حمود بو 2 سنتين الي تموت عليه ما عبرته ولا جنه شافته صعدت فوق وبطريجها أمها نادتها

أم فاطمة (دلال): فطومة يما تعالي قعدي معانا

فاطمة: لأ يما والله حدي تعبانة سمحيلي

أم فاطمة(دلال): أي على هوآآاج يما شوفي أبوج دق ولا لا صارله شهرين ما اتصل

فاطمة: أشوفه ان شاء الله باجر (أبو فاطمة طيّار ورجل أعمال بنفس الوقت فطبيعة شغله سفر بسفر يعني يا يكون مسافر عنده ارتباطات او مسافر عنده رحلة )

صعدت دارها وبطلت الباب وقعدت على سريرها ودقت على رزان

رزان: أهلا هلا فطومة ، ها بشري شصار معاج !!

فاطمة:رزان سمحيلي مو قادرة أسوي الي قلتي لي عليه ما أقدر أضر سمعة رآية

رزان: أي سمعة الي بتضرينها فيها لا أنتي دازتله صورها ولا انتي بتخلينها تطلع معاه

فاطمة: ادري ..,, بس مالي حق أتكلم بلسانها وأكلمه عني وأخليه يحبني

رزان:الولد ولد عمها ويصير لها مستحيل يضرها فكري شوي @@

فاطمة:انزين توقعين شبييكون موقف رآية لا درت ؟؟

رزان:شنو بيكون يعني !! وبعدين شلون بتدر وانتي اصلا شارطة عليه وقايلة له لا تكلمني ويه بويه
فاطمة: أيييه بس همن

رزان: لا بس ولا شيء وتوكلي على الله ودقي وبعدين راية بتستانس لا عرفت شيء طبيعي وبعدين أهيا ما تعز عليج شيء باين عليها تحبج وجذي سوالف

فاطمة: يعني جذي قولتج! أدق وما علي شر

رزان: يا معودة ماكو الا الخير وخلي عنج هالكلام الفارغ و بعدين أخذيها فرصة قولي مشاعرج طلعي الي بقلبج كله لا تخشين ترا مو زين عليج بتتعبين بعدين !

فاطمة: خلاص عيل صار بس أخلص منه اتصل عليج عشان أبشرج

رزان:إيي حبيبتي أنطرج

جيهان (كانت قاعدة على طرف سرير رزان) أما رزان كانت قاعدة على التسريحة وتطالع المنظرة وطبعا المكالمة كانت سبيكر يعني جيهان سمعت كل شيء

جيهان أول ما انسد التليفون شهقت شهقة الي من قوتها طاح المشط الي بيد رزان منها

رزان:عممممممممممى بعييينج ان شاء الله خرعتيني

جيهان:لا مو عن بس حماس ، يخرب بيتج إنتي شناوية تسوين

رزان (بدبلوماسية): كل خيير يا جوجو ،، كل خير !!

جيهان:إنزين إلي محيرني شدراج أنها تحبها وجذي ؟؟

رزان:لفت عليها أنا قتلج من قبل وبرد أقولها غباآآآآآآآآآئج الي ما انولد منه اثنين

جيهان:آفففااا..، ليش؟؟؟

رزان:حبيبة قلبي أنتي يوم كنا قاعدين معاها ما سمعتيها قالت أنها معاها عمر

جيهان:إيي صح ، بس يمكن جذي تقولج يعني أنا الصديقة الطيبة

رزان:يا الله للمرة الثالثة غبائج اللي ما انولد منه اثنين حبيبتي انتي ما تسمعين اختي منى شتقول بزوارتنا لما تتشكى عند امي تقعد تقول لها عن راية وعن رفيجتها وانه راية معقدة وجذي

جيهان : أخخصصص يا الزهايمر الي عندي

رزان: لا مو زهايمر صدقيني هذا غبائج

جيهان:تعالي صج شلون لا بغيتي تعرفين عنها اكثر

رزان:رابع مرة غبائج حبيبتي احنا ليش اختنا كانت جنتهم مو عشان نسحب حجي من منااوو

جيهان:اييييييييييييييييييييهههههه

جيهان نقزت مرة وحدة:إنزين شعلاقة هذا بجاسم اللي تبين تخرفنينه

رزان:حبيبتي أنا شلون اقدر اوصل له أبي أوصل له من راية وراية مستحيل تشك خيط بابر ة بدون شور رفيجتها السخيفة فعشان جذي أنا بفرقهم وبخلي راية جسر بيني وبين جاسم وآخر شيء أهدم هالجسر

جيهانبصدمة):هـــــــــــــــتـــــــــــــــــلــــــــــــــر يـــــــــــــــا جمــــــــــــــــاعــــــة

رزان:تضحك

جيهان:يعني انتي بتخلين راية تحب جاسم

رزان: لا مو جذي أهيا تحبه بوهمها انه اهوا يحبها ومنها اوصل له

جيهان:انزين شلون ومتى ؟؟؟؟

رزان:عاد شلون وما لون هذا خليه بوقته وانتي حسج عينج هالكلام الي دار بيني وبينج يطلع حق أحد

جيهان:أهبى اقول حق احد انتي من صجج انا بير اب سر

رزان:حتى مثلج غبي مقلوب نفس مخج

جيهان(بخبال):ماذا سوف نفعل الليلة يا برين

رزان(بطنازة): أسيطر على العالم معآاج اغسل إيدي ، انتي زين أسيطر معاج على ربع جنوب غرب الصومال

جيهان(تضحك):إنزين ها نطالع الفلم

رزان:لا طالعي بروحج أنا برضع مع الحب بدور


جيهان:إنزين لا تنسين صاحبتنا هذه تقعد تفضحنا تروح تعلم رآية اذا ما رديتي

رزان: إي صح تسويها، لا بس تخسي ما عليج أنا لها ما راح أطول


بجانب آخر من غرفة فطوم كانت قاعدة على الغنفة و.......................................................................
​

 

[G!rla q8ya]

اي والله هاذي من وين طلعت لنا :*

بس تربط عصاعص ~،~

- ويعطيج العافية

<< لووول شكله ماكو غيري


بناااااااااااااااات وينكم


وثانكس أقين ^^


<<< التعليق ع تكملة البارت الثالث

 

[G!rla q8ya]

اي شي هالنسرة ان شاءالله مو جي

رزان صكت على أمها لوووول

يعطيج العافية و المشكلة ان فاطمة ماشية وراها

 

[Ruwaishdawya]

اي والله هاذي من وين طلعت لنا :*

بس تربط عصاعص ~،~

- ويعطيج العافية

<< لووول شكله ماكو غيري


بناااااااااااااااات وينكم


وثانكس أقين ^^


<<< التعليق ع تكملة البارت الثالث

حبيبتي تسلمين أشكرج على تفاعلج مشكورة..،،

اي يعني مادري ليش ما يردون بس يعطيهم العافية على المتابعة :eh_s(17):

العفو :eh_s(22):

 

[Ruwaishdawya]

اي شي هالنسرة ان شاءالله مو جي

رزان صكت على أمها لوووول

يعطيج العافية و المشكلة ان فاطمة ماشية وراها

اي والله نسرة ..،

اي طالعة عليها..،

الله يعافيج اي فاطمة على نياتها

ومشكورة على تفاعلج على تفاعلج الحلو هذا بنزل بارت عشانج ..!

 

[G!rla q8ya]

اي والله نسرة ..،

اي طالعة عليها..،

الله يعافيج اي فاطمة على نياتها

ومشكورة على تفاعلج على تفاعلج الحلو هذا بنزل بارت عشانج ..!

آلعفو غلآي :eh_s(17):

تسلمين :eh_s(22)::eh_s(15):
:eh_s(9): gø HêåD

 

[Ruwaishdawya]

آلعفو غلآي :eh_s(17):

تسلمين :eh_s(22)::eh_s(15):
:eh_s(9): gø HêåD

يا روحي عليييج...،،

الله يسلمج!!

كاا الحين البارتــــ بينــــزل :eh_s(22):

 

[Ruwaishdawya]

تكملة البارت الرابع​

بجانب آخر من غرفة فطوم كانت قاعدة على الغنفة وبيدها التليفون تأكد من الأرقام اذا كانوا صح أو غلط لنها كانت خايفة يطلع غلط ولأنها خايفة أصلا لا دق
مسكت السماعة وهدّت نفسها وتذكرت كلام رزان تشجعت ودقت

حمد:آلو

فاطمة (بنبرة راية):آلوو

حمد(بنبرة فيه فرحة):رآآآآية

فاطمة تقلد بنبرة راية المقلدة:إيه قبل كل شيء حمد أنا وافقت أكلمك بس على شرط ما أبي أتواجه معاكـ ويه بويه ولا أبيك تحاجيني لما تشوفني

حمد:بسم الله من أولها شروط تعجيزية

فاطمة بنبرة رآآآية:اعتبرها مثل ما تعتبر بس هذا شرطي واذا تبيني أكلمكـ وافق عليه

حمد: مآآشي..،

فاطمة:كلمني عنك

حمد:أنا اليوم مابي أتكلم انا اليوم أبي أسمع صوتج أبيج إنتي الي تكلمين

فاطمة (جنه ويهها قلب):شتحب تعرف عني

حمد:كل شيء

فاطمة: إييي أحب الأكل وأموت باليهال ، أحب رفيجتي وأغلى إنسانة ع قلبي فطوم فوق ما أوصفها ما أقدر أوفيها حقها صراحة يعني فوق جمالها طيبة قلبها وحنيتها تحسها شيء مو موجودالحين أصلا يمكن ماكو أحد جذي الحين

حمد:غلطتي مو أهيا الي ماكو أحد نفسها الحين ، أنتي الي ما لج شبيه لا بشكلج ولا بطبعج إنتي غيير ..،

فاطمة (تبولع اب ريجها من الحرة):لا مو جذي فهمتني غلط يعني تخليك تحبها غصب

حمد: اممم ما أظن عندها الي عندج

فاطمة: رقعتها بضحكة مصطنعة

حمد: يا حلوو هالصوت

فاطمة بغصة: حمد أدق عليك باجر نفس هالحزة

حمد:تو الناس ما شبعت منج على العموم ناطرج باجر

فاطمة:مع السلامة

حمد: ديري بالج على نفسج

فاطمة:إن شاء الله

وسدت الخط بوسط اندماج الخوات بالفلم دق فون رزان وعكر اندماجهم

رزان بنبرة تتصنع فيها الاهتمام:ها بشري شصار!!

فاطمة(مغلدمة):مادري كل ما أحاول أكلمه عني يرد على راية جنه ماكو غيرها جنها ملكة الكمال

رزان:إيي أنا أدري على شنو، بعدين بسم الله توكم نطري شوي شوي بيعرف عنج أكثر وبعدين أنتي تحيلقي عنده شوي

جيهان انتبهت على أختها وقطت طاسة البوب كورن إلي بيدها ونطت بحضن أختها (من زود الطفاقة)

فاطمة:يعني بس أحسه ما يحبني

رزان: أنتي جربي وشوفي

فاطمة:أوكي باي أزعجتج معاي أدري

رزان: ووويه جبي عن الملاقة شنو إزعاج ، استحي ع ويهج أنا بمكانة أختج

فاطمة:تسلمين، يلا مع السلامة

رزان:مع السلامة

جيهان بلقافة:هاا شصار معاها؟؟

رزان:إلي أبيه صار

جيهان:أدري

رزان:إنزين ليش تسألين عيل..!!!

جيهان: ما فهمتيني مو جذي قصدي ، قصدي أقولج شلون بتخلينها تجرب بالله ما لقاها ويه

رزان:مستحيل ما يلقيها ويه وبعدين هاذي ما راح تقول شيء قوي للهدرجة حدها ان كثرت شلونكـ ! اعرف طقتها

جيهان:إنزين عادي اكيد بيرد عليها

رزان:غبائج الي ما راح ينولد منه اثنين، يا عمري إنتي إهوا عباله أنها أهيا السبب إلي خلاه أهوا وراية مع بعض ، ورايه مو حقه اهي اللي قاعد تكلمه اهيا الي تكلمه فطبيعي راح يصدق هالشيء وبيعطيها ريج حلو

جيهان: ودج امبيييييه صيدات

رزان:جبي جبي ماكو صيدة غيرج انطمي وخلينا نطالع الفلم

جيهان: آآآآحححمممم

فاطمة محتاسة ما تدري شتسوي وكانت تطري على بالها راية

لكن انانيتها نستها هالشيء قالت خني افيد نفسي راية مو فايدتني

وشفيها يعني انا تحملتها واايد ويا اليوم الي ترد لي الجميل فيه وتخليني آخذ اسمها واتحجى بلسانها واخليه يحبني ويكرهها كانت تظن انها صح ليلتها ما اهتمت براية وحطت راسها ع المخدة ونامت


بديتوا تكرهون فاطمة أنا بعت مثلكم تابعوني الاحداث كل ما لها وتوضح ..,

شبيصير فيج يا رآآآية ..،،،

وشسويتي يا فـــــــــــــــــــــاطــــــــــــــــمـــــــة ؟؟؟؟؟؟؟

 

[G!rla q8ya]

@@..!

اي شي تغيرت فاطمة ١٨٠ درجة ؟~

اوكي حبيه بس مو تنتحلين شخصية راية ؛$

بس كله من هالسوسة :*

ثانكس ع البارت ^^

 

[Ruwaishdawya]

@@..!

اي شي تغيرت فاطمة 180 درجة ؟~

اوكي حبيه بس مو تنتحلين شخصية راية ؛$

بس كله من هالسوسة :*

ثانكس ع البارت ^^

اي الحب انظلم ويا الناس ماكو وفا وماكو إحساس <<شكو مادري

اي صاجة فاطمة غلطانة ، إي والله سوسة ومشكورة أقين على تفاعلج الاكثر من رائع

تابعينا بآجر ..،، :* :eh_s(22):

 

[G!rla q8ya]

up up up

up up

up up up

up up

up up up

up up

 

[Ruwaishdawya]

up up up

up up

up up up

up up

up up up

up up

تسلمين ع الآآب :eh_s(22):​

​

 

[اميرة al-koon]

امبيه لأ حرأأأم عليها فآطمة ليش جذي
ويععع الله ياخذج منى انتي ورقية و سبيجة اللي معاااج
تكفين كملي الله يخليج
وخلي جسوم الدُب يحب رأية
مسكين رويشد مايدري ان جسوم تحبة راية :eh_s(15):
فديتج رحت بخرايطها يوم شفت الروايةة :eh_s(22):

 

[Ruwaishdawya]

امبيه لأ حرأأأم عليها فآطمة ليش جذي
ويععع الله ياخذج منى انتي ورقية و سبيجة اللي معاااج
تكفين كملي الله يخليج
وخلي جسوم الدُب يحب رأية
مسكين رويشد مايدري ان جسوم تحبة راية :eh_s(15):
فديتج رحت بخرايطها يوم شفت الروايةة :eh_s(22):

إيي حركـــتـــها كــــلـــش موو شيء...،،

اي عاد منى حطي حيلج فيها..،،

من خلال سياق الرواية بتعرفين الأحداث ما أقدر أقولج بيصير ولا ما يصير

حبيبتي أنتي مشكورة على مشاركتج الذوق وتابعينا :eh_s(17):

 

[Ruwaishdawya]

ها آنزل بارتـــ ولا لأ ..,,

اذا شفت ردود بنزل بارتين