البارت 20
فاطمة إلي كانت بلندن متضايقة ومهمومة إهيا صح مسافرة وبعيد عن رآية بس جنه الشيء إلي انحاشت منها لحقها شنو أسوء من أنها تكون قاعد تلوم نفسها 24 ساعة و محد حآس فيها ، فاطمة وسط تأنيبها لنفسها بطلت تليفونها وقعدت تفر الصور على أمل أنها تلقى شيء يسليها ، لكنها ما لقت هالشيء لقيت الشيء إلي يبجيها ، صورة هدية رآية لها بعيد ميلادها فاطمة ارتعشت شفايفها ودمعت عينها ولفت الصورة لكن إلي وراها زادتها كانت صورة لها أهيا ورآية حاضنين بعض بيوم التخرج بالثانوية إهني ما قدرت تقاوم وحذفت التليفون وظلت تبجي ، قعدت تتذكر سوالف رآية وشلون كانت تعزها فاطمة كانت عادتها أختها ، شيء مو هين عليها أنهم يفترقون أصلا ما كانت تفكر أنها بيوم من الأيام رآح تبتعد عنها ، كانت دايما رآية تقولها رآح أبجي بعرسج ، لكن ما تقدر تسوي شيء بعد إلي رآح رآح
فاطمة حزتها كانت مخنوقة دفنت رآسها بالمخدة ودموعها تنهمر وتغرق وييها
_________________________________________________________________________
رآية إلي كانت بالكافتريا الساعة 9 الصبح ووراها دكتورنا ، رآية لبسها ماكان متكلف وآيد كثر ما أهو شكله مطلعها ستايل وكيوت جذي شكلها طالع ياهل ، لبست بالطو أصفر مع قميص أبيض تحته تنورة سودة بليسيه وحطت عليه حزام على فيونكة ذهبية لبست تحت التنورة جيجي أسود وسوت حركة حلوة لبست شغلة نفس طريقة الدلاغ لونه رمادي وجوتيها كان لونه أسود ينربط ، الاكسسوارات كانت عبارة عن قلادة خرز ملونة ويا جنطة ستايلها غريب ، ما كانت مبالغة بالميك اب خطت كحلتها واكتفت بالبلشر الوردي الفاتح ، وحطت قلوس وردي على شفايفها ، كانت منزلة قذلتها وشعرها كان تكسير وحطت ربطة سودة ، شكلها كان يونس كان لبسها نفس جذي
رآية كانت قاعدة بروحها متمللة جنها ماعندها شيء و من زود الفراغة تقلب تلفونها على الطاولة وترده ، رآشد إلي كان مترقب الوضع قال بدال ما أهيا قاعدة بروحها خن أسليها وأحاجيها ما يندرى يمكن تحبني
رآشد سوا نفسه أنه قايم من مكانه وأنه ما كان منتبه وجنه شايفها بالصدفة
رآشد: فرصة سعيدة آنسة رآية ؟؟ أخبارج
رآية: أنا أسعد !! الحمدالله بخير
رآشد: دوم إن شاء الله
رآية : شكرا
رآشد: يعني مو ناوية تقولين لي تفضل ؟؟
رآية: تفضل اقعد حياكـ
رآشد: الله يحيج (وقعد) ، رآية عقب ما شفتي إنجازات هالشباب نتمنى أنج تشاركينا بالمعرض الياي يعني مافي أي مشاكل حتى أنج تلقين كلمة
رآية:مادري صرآحة ما أوعدكـ
رآشد: ليش ؟؟
رآية: يعني أنا ما عندي استعداد أصعد على منصة ولا مسرح وأقعد أتكلم جدام الاوادم
رآشد:اسمح لي أقولج أنتي مو عارفة قدر نفسج
رآية:شلي خلاكـ تاخذ هالانطباع عني
رآشد: لانه عندج مهارة التحدث أشوفج متحدثة ماشاء الله عليج يعني وآيد ناس يفتقدونها
رآية: شكرا على المجاملة
رآشد: عاد ما لقيتي إلا أنا أجامل ، من صجي والله يعني صح أنا دكتور بس ما في أحد لفت نظري أسلوبه بالكلام غيرج
رآية(حست أن الكلام بدا يطلع عن الرسميات وقالت ): تسلم أحرجتني صرآحة ، دكتور أعتقد أحنا بمكان عام وأنا بنية مثلكـ عارف يعني حجي الناس ما يخلص عشان جذي راجيتك وبدون أي مشاكل ان حضرتك تقوم أنا أدري أنه قصدكـ زين ، لكن ظن الناس يروح بعيد مع فائق إحترامي للشخصكـ الكريم
رآشد (ويهه برد وحس أنه أندقر ):لا عادي مافي أي إشكال ، يلا أنا ماشي
رآشد بطل باب سيارته بعنف جنه يبي يفرغ الشحنة إلي فيه بس مو عارف شلون
دق على جاسم و كلاه بلسانه ما عطاه فرصة يتكلم
رآشد (بصرآخ): جاسم ألحين أشوفك تسمع @@@
جاسم: شنو منو ؟؟
رآشد: ألحييييين @@@@@
جاسم: يا حبيبي يا العصبي أنا بالداوم ألحين
رآشد: مال شغل هد إلي بأيدكـ وتعال
جاسم: انزين وين أشوفكـ؟؟
رآشد: بالديوانية لا تبطي @@
جاسم: حاضر
_________________________________________________________________________
بزاوية من دوانية عزيز وعقب ما قال رآشد السالفة حق جاسم
جاسم ماسك بلوزته: أشق هدومي أشق هدوووومي @@@
رآشد: لا تكفى مانبي نشوف المفاتن
جاسم: كل هووووااااا
رآشد: شنو شفيكـ إهدى حبيبي جسوم لا تنطلق
جاسم : ويقولي لا تنطلق أنت مو ويه حشيمة
رآشد:آفاااا وأنا إلي خابرك تعزني ألحين صرت مو ويه حشيمة
جاسم: أي معزة أنت خليت فيها شيء
رآشد: أووه مرة وحدة
جاسم: إيه عيل هذا حجي تكفى ، يا رآشد يا بعد زلفي البنية ما قالت شيء غلط يعني أنت مصختها وأنا أخوكـ قلنا لك كلمها بس مو تقزرها يعني احفظ ماي ويهك شوي
رآشد:هاه جسوم أشوف حجيك تغير
جاسم: معلوم يتغير !! يعني احسبها بنية ما تعرفك وحسب كلامك أنها حتى أسمك ما تعرفه زين أنها تناديك دكتور ، ما أتخيل شكلك وأنت طاق ويهك شلالة وقاعد جبالها ، ويكون مادحها الحين أنتي متحدثة محد لفت نظري أسلوبه بالكلام غيرج ، ترى ما تعرف تسولف على فكرة محد قالكـ؟؟
رآشد(مغلدم): جسوم طبيت فيني طب ناقصك طفاحية وخلاص بعد
جاسم: احترم نفسك وامسح الدبق إلي قلته ، تدري شلي شالع مرارتي أنك ماكل تبن وقاعد تستظرف
رآشد: جاسم مو وقته تطنز علي بعدين أنا مفتشل ليش أنها دقرتني أخاف أروح أكلمها مرة ثانية
جاسم:بهالحالة أنصحك تغني رحت فيها
رآشد: إي استبل علي بعد بعد
جاسم: أدري عنك غير شيء أنت ترى شكو تتليقف وتسوي شيء من وراي
رآشد: أنا أبيك تساعدني مو أنت صديقي
جاسم: قرادة وانا أخوك ، ماكو غير أنك تدق الثقل عليها و ما تعبرها عرفت شقولك هاه أصلا ولا جنه
رآشد: بس أنا أحبها
جاسم: حبك خنزير حول إن شاء الله
رآشد: أووخ ليش ليش ؟؟
جاسم: حريتني ألحين أنا شاد حيلي صآير اخصائية اجتماعية ناقصني حجاب وبروش
رآشد:هههههههه أتخيلك جسوم شنب ولابس حجاب
جاسم: قاموس السخافة ، أنا ما عندي سالفة أني يايك لا ومطلعني من داومي أنا انتفضت قلت ألحين مبيوق بيتكم ، خدامتكم انحاشت آخرتها دقرتك
رآشد: والله جاسم أنا ما عندي أحد غيرك آخذ شوره ، شنو تشور علي هالمرة ؟؟
جاسم: اسححححححب عليها ولك مو تعدل يه أهيا تييك تقولك بخطبك يصير
رآشد: يعني ؟؟
جاسم: إيه ع شون عيل
رآشد: امش امش بغديك
جاسم: ويين ؟
رآشد:تاكو بيل
جاسم: يا الله (ويطق قرعة عزيز بحكم أنه دش جو )
جاسم: فمان الله يا الخمة
أهما: فمان الكريم
_________________________________________________________________________
رآية إلي خلصت محاضرتها وسيدة وصلت أخوانها البيت وعقب الغداء كان لها حديث خاص ويا منى كان سببه أنها كانت تشيش أمها عليها وتقول لها أنها من مآشت كادي خربت وان كادي ما ايي وراها خير ومن هالحجي
عقب ما سمعت رآية من أمها محاضرة طويلة عريضة عن كيفية اختيار الاصدقاء وانها لازم ما تماشي أي أحد ,وأنها دير بالها من بنات الحرام ، وأنه بعض البنات ما فيهم خير يخربون البنية وينسونها أهيا شنو كانت وأن البنية نفس الورقة البيضاء اذا حاشتها نقطة حبر تنقط ومحد يبيها ، رآية ما لقت تفسير حق إلي قالته أمها غير شيء واحد أن منى الدعله لها إيد بالموضوع
رآية توجهت صوب منى وعقب ما خلت الصالة وما ظل غيرها أهيا وياها
رآية بنبرة حادة: سمعي يا إلي من زود ما أقدر مواقفج وياي ما أحب أييب اسمج على لساني ، يعني متخيلة معاي لما أنبهج أنج ما تيين صوبي و طيعين الكلام بس إلي يبط الجبد لما تتغافليني وتروحين تشيشين أي علي
مني تتمسكن: ما فهمت ؟؟ إنتي عن شنو تتكلمين
رآية: حرآآآم مسكينة ما سويتي شيء ،شوفي سوالفج هالكريهة مو غريبة علي مارة علي وعارفتهم يعني لا تنكرين كافي مبين عليج
منى: رآية ممكن أفهم شقاعد تقولين ؟؟!!
رآية: إلي أقوله أنج تبعدين عني لانه مو بصالحج كلش أفصل عليج وأبهذلج تبهذل مو تقولين لي أمي ، مثل ما أنتي شغلج من تحت لي تحت ، حتى أنا أبدع مثلج وأظن أنتي فاهمتني
منى: لا ما فهمتج وضحي !!
رآية: قصدي أني أقدر عليج و أقدر أطييحج من عين أمي ، يعني ماله داعي تييبين الحجي حق نفسج لانه عيب يعني
منى:تخسيين
رآية: تخسين أنتي على روحج هالحجي مو علي سامعة ، وبعدين يعني أقدر أقولها أشياء وآيد ييعني بنتج ما تهتمين فيها وما تدرين عنها يعني أقدر أحشي رآسها مثل ما تسوين
منى: رآية لو سمحتي أنا وحدة كافة خيري شري عنج رجاء مابي مشاكل
رآية: نتحجى بالعقل ما دامج ما تبين المشاكل بعدي عني وبطلي حركاتج البايخة
منى: حاضر بس هذا اللي تبينه
رآية: إيه
منى نزلت دمعتها لنها كانت تقارن معاملة رآية لها قبل وألحين ولاحظت الفرق الشاسع صعدت فوق وأهيا حازة بخاطرها سالفة رآية وقررت أنها ما تقول حق خالتها عشان ما تزيد كره رآية لها ، رآية ما أبدت اهتمام لنها عارفة شخصية منى وأنها بسرعة تقلب ومالها صاحب ومن هالحجي
_________________________________________________________________________
وسط مطعم تاكو بيل وعقب ما خلصوا رآشد وجاسم عشاهم
جاسم: رآشد أمس عزمت أحد
رآشد منصدم لانه عارف صاحبه ما يعزم ينعزم : من صجك اخاف أهو عزمك بس أوهمك وقالك ترى عزمتني
جاسم: شكو -.-
رآشد: عيل أكيد أبوك إلي دفع
جاسم: هم بعد لا ، أمس عزمت الحب أويلي لا تشوفني زين ما ذبت ، رآشد يوم شفتها جبالي خست بهدومي أحس مادري شلون قدرت أتحجى جني أتغصب الكلام
رآشد: أوووووه جسوم مو هين
جاسم: اسكت انت ما سمعت إلي يفرح
رآشد: قووول ؟؟
جاسم: طلبت إيدها
رآشد: وحش وحش
جاسم: شعبالكـ ؟
رآشد: وأهيا وافقت عادي يعني ما حسيتها لايعة جبدها بترجع
جاسم: لا شقالولك إنت
رآشد:ههههههه اخلص قول وافقت ولا لا
جاسم يهز: وافقت
رآشد: يا ابني اهدى ناس قاعدين ، فيفي عبده بالعدال على جتوفج أنا خايف تعطيني وحدة ولا جتفك طآيح يمك
جاسم: يا ظريف موت أحسن ، امش قم زين
رآشد: تو الناس خنقعد
جاسم: امش امش وراكـ دوام
رآشد: وأنت
جاسم: خلص داومي بعد شنو طلابة أهيا ، يلا امش
رآشد: مشينا
_________________________________________________________________________
رآية قاعدة على الغنفة تطالع التلفزيون ، أم أحمد جبال التلفزيون وجويهتها المخدرة يمها ، نودي كانت فيها طاقة أنها تلعب بس كانوا مسكبينها ، أنطق الباب
رآية(فزت من مكانها جنها حاسة أنه جاسم): أقوم أبطل
أم أحمد: أنتي مادري شفيج على الباب
رآية: ههههه يما بلييييز خن أبطل
أم أحمد: بطلي
رآية بطلت ولا جاسم بويهها
رآية ما كانت كاشخة كانت بجامة البيت بس همن تينن بعين جاسم
جاسم يعطيها الحلو إلي تعنى عشانه وقال: شلونج؟؟
رآية وهي تشيل الماعون: بخير
جاسم: عسى الله لا يغير عليج شنو بتخليني برا
رآية(بحيا): لا تفضل دش حياك
جاسم سلم على نادية وقعد يلاعب نودي
أم أحمد حلفت على جاسم أنه يقعد عندهم ورآحت تسوي له عشا
رآية إلي استحت ليش انه ماكو غيرها أهوا وإياه بالصالة بإستثناء العلة نودي
رآية إلي كانت تاكل الحلو إلي يابه جاسم
جاسم: ويع وربي ويع طاع شكلج
رآية (شوي وتبجي ليش أنه جاسم قالها جذي وقالت بحيا )ليش ؟
جاسم: قططططي الحلو والله مو لايق أنتي الحلا كله وتاكلين حلو يعني آسف اعفيني بس ما يصير
رآية اهني ويههاحمَر
جاسم قرب يم الغنفة إلي يمها وقال: شلونج البارح
رآية:ما قدرت أنام بس أتفزز
هني جاسم قال لها هالقصيدة:قالت ما نمت البارحة؟وقلت أدري كنتي في قلبي ووسط بالي تمرين هذا اتصال الروح للروح يسري كل ما غفيتي قلت أحبك تفزين
رآية: ويهها حمَر جنها ما تدري شتقول
جاسم عقب ما تنهد: تدرين شنو إلي يحرني أنج جدامي بس مو معاي
رآية: شلون ؟
جاسم: الحيا إلي فيج هذا بيب لي شلل أطفال
رآية: هههههههه
جاسم: أموووت يا الضحكة ، تبيني أستهبل حاضر بس أسمع صوتج
رآية: لا تقول عن نفسك جذي
جاسم يهف نفسه طراق:لأ لأ ما اتفقنا جذي
رآية: اخترعت شنووو؟؟
جاسم: بالهداوة يا رآية يا عشقي انتي والله ما أتحمل
رآية: تبتسم
أم أحمد كانت قاعدة تحط العشا هني رآية قالت له عن أذنك أنا بروح أساعد امي
جاسم: ما تروحين
رآية: ليش
جاسم: خلي عيوني تشبع شوفتج بعدي ما قلت إلي أبيه كافي أنج يمي وأوله عليج
رآية: سكتت وييها حمًر غمازتها بينوا
رآحت تساعد أمها وخلته من الحيا جنها استحت
جاسم: وين رحتي وهذا أنا قايلج خلج
أم أحمد: هوو شفيك يما جاسم؟
جاسم: لا لا لانه أنا بقولها ىسالفة صارت لي بالداوم
أم أحمد: قولها
جاسم: لا خلاص نسيتها
أم أحمد: جسسوم ويهد
وتعشوا مع بعض وقضوا وقت وايد حلو
_________________________________________________________________________
بالوقت إلي كان فيه جاسم مستانس وفرحان كان رفيجه رآشد منهار لانه قال حق رفيجه فواز عن سالفة تولعه براية ، فواز قاله أنه يتركها وأنا رآح يلقى غيرها
رآشد إلي كان متكدر ووسط زحمة أحزانه كان يسمع أغنية قالوا ترى "المقطع":
قالوا بتلقى غيرها واتركـ هواها اليوم
قلت العفو يا حاسدين ما أبدل قمر بنجوم
قالوا لغيركـ حبها قلت الجواب مفهوم
دام انها متهنيه .. وشلون اصير محروم
بقضي الليالي انتظر .. صابر على المقسوم
متعلق بطرف الأمل .. يمكن يجيني نوم
قالوا ترى مالك امل .. في حبها لو يوم
ابعد وجنب دربها .. وهذا هو المقسوم
كان متحطم حس صج أن يمكن ما يوصل لها مشاعره متضاربة بطل دفتر قصيده وقعد يكتب
________________________________________________________________________
فاطمة إلي قامت من النوم على --------------------------------------------------------------------------------
شلي رآح يصير ؟
جاسم رآح يتزوج رآية؟؟
ورآشد؟؟
انزين فاطمة ؟؟
شصار على كادي ؟؟
كل هاذا بالبارت21
الهمسة الشعرية :
قلت العفو يا حاسدين ما أبدل قمر بنجوم
قالوا لغيركـ حبها قلت الجواب مفهوم
دام انها متهنيه .. وشلون اصير محروم
بقضي الليالي انتظر .. صابر على المقسوم
متعلق بطرف الأمل .. يمكن يجيني نوم
قالوا ترى مالك امل .. في حبها لو يوم
ابعد وجنب دربها .. وهذا هو المقسوم
الهمسة عن رآشد :"(
