ذلتني عيـــونها ..(( قصــه حب كويتيه))

[نوؤشاآ]

دانهبعد ماتأكدت ان بدر طلع..ومهو راد قبل المغرب...
روان:حبيبي تبيني؟
دانه: شلون ما ابييييييييييج
روان:مادري...مادري شفيك اليوم
دانه: لا مافيني شياحسن من كل يوم...قربي بسقربي....

====================================

مناير وبدر كاانوابهوم سنتررر...
مناير: حبيبي هاذي احلى..

بدر: على راحتج( اختارت ابجورهغرفة النوم)

مناير: بدر بغيت اكلمك عن دانه اختك

بدر: شفيهادانه

مناير: انت مو مهتم فيها

بدر: انا مو مهتم؟؟.دانه اقربلي منالكل

مناير: بس انت تدري اهي وين تروح ومع منو ترووح

بدر: شقصدج؟؟؟؟؟؟؟؟ دانه امسويه شي؟

مناير: لا حبيبي مو قصدي انها امسويه شي..بسوحده بعمرها لازم تشد عليها شوي

بدر: انتي تتكلمين عن منو؟دانه؟ يبه دااانهغير

مناير: شلون غيررر

بدر: مادري..ما احسها مثل البنات..ماظنتي احديقدر يقص عليها

مناير: حبيبي احنا زمنا غيررر فتحعيونكزين...

بدر: مو فاهمج

مناير: قصدي....خلاص ولا شي

بدر: انتيشقاعده تخربطييين

مناير: لا ولاشي...بس ياليت تهتم فيها اكثر

بدر: دانه حاطها بعيوووني...

في جانب آآخر من هوم سنتر
ام جراح: يمه شوفيشحلوه ...خوش ملاس

مها: يلا يمه مليت صارلنا ساعه نحوس بينالصحووون

ام جراح: صبر يمه...قلاصاتي نصهم امكسرين...خلينا ناخذ درزنينقلاصات من هذيل

مها: على راحتج يمه بس خلصيييني زهقت

ام جراح: يلايلا بس كافي...امشي نحاسب...

مها: شوفي يمه القلاصات هذيل بسرعه يتكسروناخذي هذيل

ام جراح: على شوورج

مها( تأشر علىالقلاصات)........

وطاحت عينها بعين بدر..واهي رافعه ايدها..

..شفتهاالعليا ابتعدت عن شفتها السفلى......





حست ان الارض ماتقدر تشيلها....وبثقل مو طبيعي.....فجأه حست الصوره مو واضحه....بدر & مناير..
بدر مع وحده غيري!!....يبتسم ويختار معاها الكوشيات( المخاد) لسرير الزوجيه......والكفر(اللحاف)...

 

[نوؤشاآ]

مناير:لاللالا حبيبي ماكو احلى من الاحمر
بدر(شايل الكوشيه بيده...ويهفها فيها...ويضحك...)
مناير: بدر وبعدين ويااك؟
بدر: بس بس آآسف...( ويضحك بصوت عااالي)..
مناير: بدر شوف..شوف هناك..
بدر: شنو !!
مناير( تأشر على أسرة الاطفال): شوف شحلاتهم..
بدر إلتفت يطالع....
ابتسم..
وتجمدت ابتسامته فجأه..
مها!!!..
سرررح فيهاا...
كانت واقفه تطالعه..
مناير مسكت ايد بدر....: حبيبي تبي الازرق ولا الوردي؟؟؟
بدر كان سااارح مو معاها..
مناير: انا ابي بنت...( واخيرا" لاحظت ان بدر سرح فجأه ..)
مناير: حبيبي
بدر: ها..هلا ..هلا مناير..ماسمعت شقلتي
مناير: حبيبي شفيك؟؟؟؟سرحت فجأه
جراح: مناير..امشي امشي خلينا نطلع...
مها نزلت راسهاا تحاول تبين انها مو مهتمه و تتصرف بلا مبالاه......لكن قلبها يتقطع من الداخل...يتــــــــــــقطع...حست بخناجر تقطع قلبها...وحرقه مو طبيعيه تخنقهاا...بلعت ريجهاا...وحاولت تسيطر على روحها...

هاذا إنتــه؟..!!
اللي عشقته؟؟
وهاذي آنا؟..
هي خيانه؟؟
ولا ظلمته؟


هاذا إنتــه؟

صدق إني ماعرفتك!..
هذا دمعي..ولا دمعك؟
..يوم شفتك..
ولا جرحي ولا جرحك؟
مو إنت آانا
وآنا انته؟
احساسي هاذا
مافهمتـــــــه!!!


هاذا قلبي ..ماعاد قلبي....!!
اشفيـــــه قلبي؟؟!!!.
ماعاد ينبــــض...!!


انتهينا..انتهينا؟؟..
هاذا إنته..اللي هويته
طاح كل اللي بنيته؟
هاذي روحي...يلي فيني؟..
محتويني
محتويني
محتويني
محتويتي


ليه صوتك؟؟
ماعاد صوتك؟؟
ليه صديت
ماحكيت
مانطقت!!
ولا شفقت؟
ولا لخاطرها
انسرقت..
مرتبك..!!
ضاع في عينك
كل صمت

هاذا انته..؟
منته انته..
منته ذاك اللي عشقته
وينه ذاك اللي سرقته


*



وينه.. يناديني ..واجيه
يزعلني يراضيني
وارتجيــه..
يبتديني
وانتهيه..
كنا واحد
مانباااعد
مانباعد
مانباعد
صرت واحد..ما اعرفك؟؟؟؟!!
منهو انته؟؟؟..
اعترفلك..
ماعرفتك!!
صَدَق إني ماعرفتك....!!!!..
هاذي عينك
ماهي عينك
ولا قلبك
ماهو قلبك
ولا روحك
وين روحك؟
خلها تجيني واجيها..
خلها تصحي نبض قلبك
اعترفلك
ان قلبي
في يوم كان
كان طفلك
اعترفلك
كنت انته
وكنت انا
كنت مثلي
وكنت مثلك
ليه صرنا محنا احنا !
منهو احنا؟
منهي آنا؟
هي خيانه؟
ولا ظلمته؟؟؟

خلني ألملم بسمتي
وارسم نهاية قصتي
اخطي في البعد
خطوتي
تكفه رجيتك تناديني
لا تخليني اروح
قول انك عاشق تبيني
خلها ترجع لي الروح

تكفه كّذب اللي شفته
قول اني مافهمته
قول انك منته انته

واللي عشقته محتريني
هو يبيني هو يبيني
هو سنينه هي سنيني
هو حبيبي عشقي ****ي
يبتديني ينتهيني
قول إنك تظلميني
وهاذي ماهي اللي ابيها
انتي إللي
مرتجيها
إنتي حلمي اللي حلمته
واصدق.. إنك منته إنتـــه!!
وافهم إنــي مافهمته!!
واضحك..واقول إني ظلمته!!!
هذا حبي إللي عشقــــته!!


بدر نظراته مو ثاابته...مو قادر يحط عينه بعينهاا..طافت جدامه بخطوات ثابته..

الله واكبر..يوم مرت ولا كني حواليها..
تساويني بخلق الله بنظراتها و تقهرني

يمكن اانا بحلم البارحه ليلحين طاريها
ويمكن هي مرت صح...بس ماشافتني!!

افا ياكيف نسيت السالفه اللي كنت ابحكيها
قفلت الموضوع بكلمه مدري من وين اهي جتني!!

بكــى والله انا قلبي..وقال "مشتـــــاق انا احكيها"..
ذميته وقلت اسكت..هي اصلا" ماعرفتني..!!..

اسكت بس خلني اشوف وش صار وش فيها..؟
والله عن جد من صدقها هي نستني؟؟؟؟

 

[نوؤشاآ]

هي كلها شهرين عشت مع طيفها ولياليها
وهي نست كل مامضى وابد هي ماذكرتني؟؟

ايه والله ..نست عشقها..حبها...جنونها..وماضيها!!
لا ابد ماعبرتني..عدّت صوبي و طافتني...

مخنووق مجروح..متلعثم..... بتاليهاا..
حسبي الله عليها حتى مع نفسي لعثمتني

قالت : وش حصل فيك يوم مرت سهيت فيهاا
قلت: ابد ..شفت الماضي بعيوني..ولياليه اللي نستني...!!


ام جراح: يمه مها..شفيج امشي تأخرنا..ألحين ابوج يرد البيت ومايلقااني..منوو ينجب له الغدا بالله عليج..

مناير: بدر حبيبي بعدنا ماخلصنا...ليش مستعيل ع الرده..ورآك شي؟

بدر: بعدين....وقت ثاني ..امشي خلينا نروووح..امشي مناير امشي
مناير: على راحتــك..
================================================== ===========

مها سفطت جدام بيتهم....طول الطريج هاديه...وامهااا تسولف بروحهااا..
فيصل: خالتي...خالتي ام جراح
ام جراح: هلاااا..هلا بفيصل ولدي
[ شكله امهتمل...الغتره شرمبه ( جريمبــا)..دشداشه امعفسه...وريحته زفررررر..وماسك بيده جيس...]
فيصل: خااااااالتي الله يالبحر اليوم..الواحد وده ينام فيه..صيده ورا صيده
ام جراح(تضحك): وشطلع معاااااااك
مها( سارحه)..
فيصل: خووش ***دي خالتي...بس لحد يشووفه...ممنوع صيد ال***دي ...صايده بالخشاشي
ام جراح: حرام عليك ياريال توك راد من لندن وشهادتك كبر راسك..لي متى بحرررر
فيصل: خالتي شتبيني اسوي ..ناطر الوظيفه
ام جراح: تزوج يمه كمل نص دينك ( قالتها على نياتها ماكانت قاصده شي)
فيصل: على ايييييدج خالتي شوفيلي مره
ام جراح: هو..شفيها ايدك امشلعه؟
فيصل: من الميااادير خالتي...يلا خالتي شوفيلي مره
ام جراح: والله انت مايبيلك مره..تبي ازوجك ***ديه؟؟
فيصل:خخخخ تنكتين خالتي..لا خالتي..انا ابي صبووره ( ينغز مها)..
ام جراح: الله يخس ابليييسك يافصيل..
( مها رفعت راسها انتبهت للنغزه...ونزلت من السياره)
ام جراح: عطني الجيس اهوو...الله يخليك حق اميمتك(امك)
فيصل: تسلميين خالتي..يلا اشوفج على خيرر..
ركب سيااااااارته و دااااااااااااااااااس

بالنزهــــــه...
فيصل شات الباب و دخل البيت...يصرخ......: يماااااااااااااااااااا..يمااااااااااااااااااا ااااا اااا..يما وينج يماااااااااااااااااااااااااااااااااااا
فوزيه( ام فيصل): هوو شفيك علااامك رافع حسك...قصر صووووتك و ثول...
فيصل:يماااااااااااااااااا عطيني عطيني( يقصد المجله اللي بيدهاا)
فوزيه: هوو شفيييك ينيت
فيصل: عطيني يمه عطيني( وياخذها من ايدها و يحذفها وراه...ويقعد امجابلها و يتربع ويمسك ايد امه): يما انا ريال؟

ام فيصل: وي اسمالله عليك وليدي( تحط ايدها على راسه) لا منت امسخن..شفيك فصيل شقارصك؟؟؟

فيصل( متربع و يقرب منها اكثر): قوليلي انا ريال؟؟؟؟؟

ام فيصل: حسب معلوماتي..انت ريال..

فيصل: ايييييييييييي كاج قلتيها..انا ريال....دارس بره...وشهادتي كبـــر راسي..زوجيني يمه

ام فيصل( تحط ايدها على حلجها):بتتزوج؟؟؟؟....خلاص من باجر اشوفلك مره

فيصل: يمه انا لقيت و شفت وخلصت انتي بس روحي وخطبيها و قوليلي جم تبي مهر والعرس بااجر

ام فيصل: فصيل و ثووول انت شفييييك اعقل ززين يمه اعقل..اي اركد الركاده زينه..






فيصل: يماااا( ويخز امه)

ام فيصل: لا تصرررررررررخ اذووني انشقت

فيصل: اتكوكس؟ ( اتدحرج؟)

ام فيصل: يمه....يمه( حاطه ايدها على قلبها)..ين الصبي ين...

فيصل: قوليلي اتكوكس و لا اناقز

ام فيصل: فصيل قم..قم عن ويهي يلا اذلف

فيصل: ابي مهاااااااااااا يمه مها وحده بنت ناس و حلوه وابيها

ام فيصل: غبره غبره غبره...منو مها هاذي..من بنته

فيصل: شوفي يمه انا ولدج متربي....(يمسك ايد امه ويطق ايده بيأيد امه حيل)..على هالأيد تربيت صح يمه صح؟

ام فيصل: اييييي هالأيد اهي نفسها اللي بتسوطرك ان ماقمت ذلفت عن ويهي

فيصل: يمه اناااا واحد ما ألف و ادور..رحت ازور رفيجي و شفت اخت مرته وخوش بنت ..وانا بغيتها بالحلال

ام فيصل: اصبر علي خلني اتنفس شوي...

فيصل: تخطبينها اليوم

ام فيصل: انت ينيييييت..أصبر علي شووي

فيصل: ام بدر بعد شهر ولا شهرين بتصير يده وانتي خلج زين

ام فيصل: لا حبيبي لا...خلنا نخلص من بدر..وتالي اخطبك

فيصل: حجي حريم؟

ام فيصل: فصيلللللل وثول قم عن ويهي قم....صج انك فصخت الحيا موووليه

فيصل: ايي زين بنطر اسبوع انا...وبروح اجهز نفسي

ام فيصل: الحمدلله والشكر لك..ين الصبي ين...


==================================================

بدر بغرفته....مايدري يفكر بشنوووو...بحبه اللي طافت يمه ولا عبرته...ولا بدانه اللي انشغل باله عليها من وصته مناير عليهااا...

قرر يروح لدانه في غرفتها........دخل عليها لقاها سكرت الابتوب ...
بدر( رفع حاجب): شكنتي تسوين
دانه: ها...علق..اي..يبيله فورمات...كل شوي يعلق علي
بدر: اهاا...زين عيل...بقعد معاج انا..

دانه تحركت بخفه و قعدت على سي دي فلم اباااحي طبعا"..عشان مايشوفه بدر....
بدر: وهاذااا انا وقعدت...
دانه: ها..ليش بدر فيك شي
بدر: لا ابد...فتحي الابتوب بشبك شوي
دانه( تطق على رااسها): امعلللق بدير..أمعلللق ذبحني....( وتشيل الابتوب و تحطه بعيد شوي...)..شرايك نطلع؟
بدر: لا دانه..انا ودي اشبك...عطيني الابتوب...
دانه: انت شفييييييك ماتستوعب قلتلك امعلق بس خلاص..
بدر:عطيني تليفونج بغيت ويفات
دانه: ويفااات حدها امغبره..آخر ويف نزلته من سنه..تصدق بدر؟
بدر: شنو اهواا...؟؟ اي ويف؟
دانه:ها....رويشد....رويشد
بدر: الله.احب رويشد..عطيني اسمع
دانه: ها؟؟؟...بطل بلوتوثك انا ادزلك
بدر:لالا بغيت اسمع واللي يعجبني ادزه لي
دانه: يلا كا اسمع..." لاتجيني تعتذر...خلاص الوقت مر..حبك في قلبي اندثر..لاتحسبه باقي..وخذ مني العبر..وفر كلامك واختصرر..."
بدر: عطينياه دانه
دانه: انت شفيييييييك..تبيني ادزها؟..يلا بطل بلوتوثك
بدر( قام وقف بياخذ منها تليفونهاااا)..
دانه( قامت وقفت سحبت الابتوب و التليفوون ودخلت الحمام..وركض بدر وراها): طلعي يالجلبه..طلعي خليني اشووووف شحاطه بلابتوبج و جهازج...طلعي لاتخليني اييب السبير واطلعج مسحوبه مثل الصخووول


دانه: استح على ويهك..انااا بالحمام ..وخر عن الباب لا اعلم ابوووووي

بدر: لا...صبري يالجلبه صبري...
دانه حست انه راح يسويهاا...وقفت متسنده عالباب...شسوي؟؟؟..وين احطهم؟؟؟....
بدر راح يدور مفتاح السبير بينالمفاااتيح.....



دانه ماكان بيدها تسوي شي...رحت فيهاااااااا..رحتفيها خلاااااااااااص...



بدر...دخل المفتاح....وكان يحاول يبطله..بسدانه ماسكه الباب من داخل....



وفتح الباب............



لقى دانه حاطه جهازها ..ولابتوبهاا بالحنفيه....وفاتحه الماي....والابتوب غرقااان...والجهازز رااح فيهاا....
مسكها بدر من شعرهااا..وسحبها بره الحمام....حطها على الفرااش....وبده يطقها...مارحمهااا...

ام بدر: يممممممه بدر..شفيك...ليش تطق اختك.....بو بدر...بو بدر تعال شوف عيالك يتذابحوووون

بدر: يمه طلعي بره..طلعي خليني اربي بنتج...طلعي

ام بدر: بتذبحهااااا..وخر عنهااا بدر....ألعن ابليس...وخر يابدر ماتت البنت...(تحاول تدخل بينهم بس مهما يكون مره بسنها مستحيل تقدر على شاب كبر بدر...دانه كانت بين ايده..حيه...بس ميته...ماتحس بجسمها من الطق....)

بدر سحبها من شعرهااااا: قوليلي..قوليلي شكنتي حاطه بجهازج ولابتوبج

دانه( مو قادره تتكلم): والله...واللله...والله...( ماخلاها تكمل كلامها...طراق..وراه بوكس..وانواع التشوت....مو غريبه على لاعب.....انهد حيلهاا...)

ام بدر: بعد يومين عرسك يابدر....شلون تبيها تقابل النااس واهي جذي...خاف ربك.....

بدر: عرسي ولا عزاي..هالبنت اليوم بربيها....( مسك شعرها حيل)..باجر لي طلعت من هالبيت..شراح تسوين؟؟..قوليلي( يشد شعرها ويضغط على اسنانه حيل)..قوليلي..تحجي...شبتسووووين يالتعبانه

دانه: بدر.......بدر....
بدر: سمعي زين..انا بهدج الحين عشان كلام الناس عقب باجر..ولا انتي ماهميتيني...وتربيتج على ايدي يالجلبه...

هد اخته...وطلع بره الغرفه...

==============================================


طافـ يومين ع اللي صااار...يومين دانه حابسه روحها بالغرفه....

الأربعا....العصر....

روان: خالتي دانه خطها مفصول ويومين ادق ع البيت تصرفوني...شصاير؟ اقدر اعرف شصاير

ام بدر(تعفس ملامحها..من زمان وانا مو مرتاحتلها هالبنت..لا شكلها ولااا اسلوبها و لاطريقتها بالكلام يطمنون قلبي....سرحت ام بدر عافسه ويهها....روان كانت لابسه تنوره قصيره حيييييييييل جينزز و بدي حفر اصفر...وشعرها كيرلي ....ولابسه كعب عالي.....): دانه مو بالبيت الحين...

روان: الساعه 4 العصر..وين بتكون فيه يعني
ام بدر: راحت طلعت..بس ترد اخليها تكلمج...

دانه كانت قاعده بغرفتهااا اثار الكدمات باينه حييل على جسمهااا ....ساكنه بدون اي حركه....

روان( حاسه ان ام بدر تجذب عليها وان دانه بالبيت): خالتي...دانه فيها شي؟..قوليلي..ترا انا رفيجتها ...وقاعده احاتيها...قولييلي تكفين

ام بدر: لا مافيها شي..راحت الصالون باجر عرس اخوها اكيد مو فاضيتلج يعني





دانه: لا انا هني...
روان: دانه....!

تركض روان و تلم دااانه حييييييل
روان: حياتي..منو سوه فيج جذي؟..تكلمي شصايرر...
دانه: يمه وين بدر
ام بدر(مو قادره ترفع راسهااا): تسألين عنه بعد؟
دانه:امشي روان غرفتي( لامتها حييل ....وخذتها معاها الغرفه...ماتيوز هالبنت..)

ام بدر: يالله اناا شمسويه بدنيتي ..عيالي ربيتهم كلهم نفس التربييه هاذي النزغه من عليه طالعه.....بس لا ايي بدر و يلقى بنت ابليس عندنا بالبيت....يالله يارب....

====================================

مناير: يمه شوي شوي علي تدرين انه يعوووور
ام فيصل: انتي عروس يمه تحملي ( كانت تجهز نفسها للعرس..حمام مغربي وملكي وسوالف حريم)*
مناير: بدر قاعد يدق !!
ام فيصل: لا تردين عليه مافي عروس تكلم ريلها قبل العرس بيوم
مناير: اخاف يحاتي
ام فيصل: لا يحاتي ولا شي يدري فيج مشغوووله....

========================================
خالد: الحين شلون شبتسوي..راح يأمرون بالقبض عليك...هاذا غير منع السفر اللي بيحوووشك
بدر: تكفه فكني من هالسالفه ..شقول للأهل...شقول للناس....باجر عرسي ياريال
خالد: مابيدك غير تأجله
بدر: أأجله؟ انت ينيت....مستحيل ...ما اقدر..انا ماقدرت امنعه...تبيني اقدر أأجله
خالد: اسمعني زين ...تزوج..توكل على الله...وبعدها يحلها ألف حلال
بدر: الجلب هاذا شرده الكويت؟؟؟
خالد: صادوه بالمطار...ولما ضغطوا عليه بلغ علينا
بدر: الخسيس...
===========================================

تسفط سيااااره في فريج بيت شووووق... وينزل منها وااحد مستعيل....ويوقف جدام البيت اللي ساكن فيه نووواف..
ويطلع نواف مستعيل
نواف: خير؟؟؟..خير محمد خرعتني داق علي وانا نايم نومة العصر.....شصاير تحجي
محمد: نوووواف الدفعه اللي راح تتجنس بعد شهر انت من ضمنهم
نواف: شنوووو؟؟؟ اتجنس؟؟؟؟؟؟انت من صجك قاعد تتحجى؟؟
محمد: راح تترك عنك الفرقه ..خلاص بتصير كويتي حالك من حالنا..ومعااشك يتدووبل...وحياتك كلها بتتغيرررر
نواف: الله يبشرك بالخير ياويه الخير....والله اني أيست من هالموضوع..بس الحمدلله يارب..الحمدلله
محمد: شوووف نوواف...دام انك بعد شهر راح تتجنس على ايدي وظيفتك
نواف: ماتقصر ياريال والله اني عاجز عن شكرك
محمد: انا اخوك ياريال
==============================================

مناير مو قادره تغمض عيووونها...
الساعه 11 بليل..
باجر....
باجر كل شي بيتغير...
باجر تكون انته لي..وآنا لك
==================================================
مها...باجر حبيبي بياخذ غيري...وينام ليلته يمها...ويمكن بأحظانها..او اهي بأحظانه..

احس الكون تمليــــه الغرآبــه..
والزوايـــا موحشــه..
وبموجـــة كآبــــــــــه..

وإني في قبــــــر..
لحـــافي ترآآبـــــه..
ملامح صـــدمه..
وانـــاظر سرآآبــه..

اسأله....واسأله..
وانتظر إجـــابه..
وش خطاي وبأيش اذنبت؟؟؟
بأيش اذنبت.....
وش خطآي..وبأيش اذنبت؟؟؟

سحبت فونها..فتحت فولدر فيه كل مسجات بدر....في مسج كانت تحب تقراه دايما"....يحسسها بالأمان..

لاتخآآآف..
انا معك...للآخر المطــــآف..


*

 

[نوؤشاآ]

ان شاااءالله اكمل اذا قعدت من النوووم اعتقد هذاا كاافي الي نزلته اليووم وتعبببت واتمنئ منكم ردووود حلوووه

 

[G!rla q8ya]

تسلم ايدج حبيبتي تعبنــــآااج معـــــآااانآااا >>>

مهــــآاا تتزوج فيصل

آآآآآآ .....


شوق تتطلق وعقب مــــــآاا يتجنس نوآاااف يتزوجهـــــآاا


و يمكن دآاانة تقول حق هـــــآالروآن يهدووون بعض


..،،‘‘**>>

 

[نوؤشاآ]

تسلم ايدج حبيبتي تعبنــــآااج معـــــآااانآااا >>>

مهــــآاا تتزوج فيصل

آآآآآآ .....


شوق تتطلق وعقب مــــــآاا يتجنس نوآاااف يتزوجهـــــآاا


و يمكن دآاانة تقول حق هـــــآالروآن يهدووون بعض


..،،‘‘**>>

لاا عاادي تعبكم رااحه حبيبتي وانشاءالله بكملهاا الحيين ،،

 

[نوؤشاآ]

===========================================

بدر مو قادر ينـــام...
يالله انك تعدي باجر على خيــرـرـرـر..

============================================


مها قعدت الساعه 11 ...
فتحت عيووونها...
وإبتسمت...اليوم عرس حبييبي...
تضحككككك...ودمعه تنزل على خدها.....
وتسكت فجأه..
=============================================

الساعه 5 المغرب..
نوره كانت هاديه حيل بالصالون...راضيه بأي شي..ماكانت تحن مثل قبل وتتليقف ...صار كل مافيها باهت ...وإبتسامتها بالحســرـرـره...

الكوافيره ترش السبريه...تعلن انتهااء تضبيط تسريحة مناير......
فوزيه: الفال لج يانوره يرزقج بولد الحلال وافرح فيكم كلكم
نوره: الفال حق فيصل..انا تو الناس علي
فوزيه:على طاري فيصل....انشالله بخطبله بعد عرس مناير
مناير: تخطبين له ..منو هالبنت؟؟..وليش ماقلتولي...؟؟..صايرين تسون شغلات ما ادري عنهاااا من وراي
فوزيه: والله انا نفسج ..وخبري من خبرج...قالي زوجيني و شايف له مره بنت ناس...نخلص من عرسج ونسأل عنها وانشالله الله يكتب إللي فيه الخيررر..

مناير( تعفس ملامحها): وليش ماقلتيلي
فوزيه: كاني الحين قاعده اقولج..اهو فاتحني بالمووضوع قبل يومين واحنا متى فضينا يمه؟
مناير: زين زين....( تكلم الكوافيره)..متى نركب اكسسوار الشعر؟
الكوافيره: خلينا نحط الميك أب قبل...ناطرين عبير تيي وساعه بالكثير واحنا خالصين ..( المقصوده ..خبيرة التجميل:عبير الياسين)
مناير( تتأفأف): ماشي ماشي..

==========================================
في صاالـــون آآخـر....
الكوافيره: ما اقدر احط الكحل..تكفين قاعده تخربين مكياجج
مها( تبجي بهدوء): حطي..حطي مالج شغل فيني
الكوافيره: لو سمحتي...المكياج ماراح يثبت بهالطريقه..راح يخترب كله..ياليت لو ترتاحين شوي بعدين نكمل
مها: خلاص انا مرتاحه كملي
..تبدا الكوافيره تحط الميك أب لمها...على ملامح..تعبانه..بكل ماتحمله هالكلمه من معنى..شقيانه...


======================================

الساعه 8 ليلا"..
مها دخلت الشيراتون...
مها: لو سمحت ...قــاعة الزمـــرده..
ويأشر لها الرسبشن على مكان القاعه..وتمشي بخطواات ثااابته...

شافت لوحــه كبيره وسط الفندق...بجانب عدد كبير من اللوحات فيها اسامي المعاريس لهاليله...في قاعات الشيراتون المختلفه..
( حـفـل زفـاف بــدر الــعاصــي...قاعــة الزمـــرده)

حست بدوخه..تجاهلت هالشعور...ودخلت القاعه بخطوات ثابته..

خطوه..بعدها خطوه..
لين صارت وسط القاعه..

كانت العيون كلها عليـــها..يمكن لأنها الغريبه الوحيده في العرس..ويمكن لأن وضعها ماكان طبيعي..ويمكن لجمالها اللي يســـحر...
ام بدر: ياهلا...
مها: مبروك زواج بدر..
ام بدر ( تأشر على فوزيه): هاذي ام العروس
فوزيه: ياهلا..(وتسلم..)
مها: مبروك..

كانوا مصفوفين بشكل مرتب يستقبلون الحضوور..وكانت مها غريبه عليهم..بس رحبوا فيها...بطريقه جافه...مستغربين من تكون!..وبنفس الوقت مايقدرون يسألونها انتي من بنته ؟.ومن حضرتج؟..

دخلت مها...بنفنوف.اسود...عاري الصدر و الظهر.....طويل...وفيه ذيل...وفتحه كبيره لي آآخر فخوذها من فوق..فتحت الصدر كانت طويله...من بين النهدين..لي بطنها...كان النفنوف روعه...قطت عليه مبلغ كبير...بس كان اسود...يعبر عن الحاله اللي تمر فيها مها...مكياجها كاان اسوود ..وشفايفها زهري فاااااتح حيل...عيونها كانت ذبلانه..بس فيها لمعه مو طبيعيه...شعرهاا كان مرتفع كله فووق..كانت فعلا تمثل الانوثه الساحره....ماسكه جنطه صغيره بيدها فيها كريستال اسود..بدون خيط..كانت ناعمه حيل.....حواجبها جاينيز تبي تغير من شخصيتها هالمره..وتظهر نوع من الشر..بس اللي بداخلها شي ثااني..كله براءه..وطفوله..خطوات ثابته..خطوات واثقه...ونظرااات ثابته...


اختارت كرسي جدام...وقعدت...

حطت ريل على ريل..وبان ساقها كلللله...لأن الفتحه كان مبالغ فيها نوعا" ما...الكل كان يلتفت ويطالعها..هل لجرأتها..ام لأنها غريبه عليهم..ام لجمالها..هاذا اللي ماقدرت تفهمه مها ...

ام بدر: صارت الساعه 9 ونص...يلا لازم تدخل العروس
فوزيه: خليج انتي هني...

بعد دقايق...سكروا الأضاءه..وصارت الصاله ظلمــه..بس اضاءه خفيفه كانت مسلطه على باب دخول العروس للصــــاله..

بده قلب مها يدق بقوه.....وجنها اهي العروس..مو مناير..

 

[نوؤشاآ]

بده قلب مها يدق بقوه.....وجنها اهي العروس..مو مناير..

اسفرت...دخلت مناير على زفــة ( اسفرت)..بصوت راشد الـــماجد..

وبعد الزفه كان في قصيــده للعروسين..إلقاء خالد المريخي..
مها كانت تسمع كل حرف بكل هدوء لين وصلت لي بيت يقول فيــــه:::
مبــروك لك يابدر هاذي البشاير
عروسك مناير ملآك يسحر البشر

والغريب انها مناير واسمها مناير....
كل من شاف عيونها ذاب و انبهـر..

بدت تعض شفايفها بقوه....تكتم اللي فيها..عشان تحاول تتحكم بدموعها وماتنزل وتخرب كل شي...
لين حست بطعم غريب على لسانها...
بدت الاضواء تشتعل مره ثانيه...
حطت مها ايدها على شفايفهااا ...
طعم غريب تستطعمه...
واكتشفت اخيرا"...انها قست على نفسها دون ماتشعر..وجرحت شفايفهاا بقوه..ونزف دم بده يتسرب للسانها...وتستطعمه.. ....بس جرح قلبها كان اقوى حزتها..

قعدت العروس و حطوا اغنيه شيله...قاموا البنات رقصوووا....

قامت مهاا بخطووواتها الثابته....وقفت وسط الصاله....نزلت لي الأرض...وفصخت كعبهاا ...

ورفعت ذيل نفنوفهااا...وبدت ترقص...
كانت تهز جتوفها...وتتمايل بكل رقه ...وقربت من مناير...رقصت جدامها..

ودم ينزف من شفايفهاا....حست فيه بااارد ينزف....
بس كانت تدووور...وترقص......ولما خلصت الاغنيه....قعدت على الأرض...وعينها بعيوون مناير...

مناير عفست ملامحها...منو هاذي؟؟.
قربت فوزيه من مها اللي كانت قاعده وسط الصاله ع الارض...وجزء كبير من تسريحتها اخترب..ونازله خصلات على رقبتهاا..
ودم نازل لي تحت شفايفها بشووي....وكان جزء كبير من جسمها بااين...بما ان الفتحه اللي بنفنوفها كبيره حييل..


فوزيه: ...عسى ماشر..تحسين انج تعبانه؟

مها( كانت حاسه بدوخه مو قادره توقف على حيييلها...رفعت راسهاا حطت عينها بعين فووزيه...وبعدها مدت ايدها لها عشان ترفعها من الأرض....)
فوزيه: قومي يمه قومي..اسمالله عليج
قامت مهااا وبإيدها كعبهاا...اشرت حق فووزيه..
فوزيه: هلا؟..وين رايحه
مها كانت تأشر على مناير...

وهدت ايد فوزيه..وتقدمت بكل هدوء ...و صعدت فوق الكوشه...قربت من مناير...وباست خدهااا...ودمرتها بالدم اللي على شفاتها...
مناير رفعت راسها مستغربه..
مها: مبروك ..


ونظرتها تقول لمناير:::
[روحي وأخذيـــه..
واهنيـــال قلبـــج فيــه..
احظنيــه..
نسيـــه
حبي وطـــاريه..]

مناير ( ماكان عندها اي رد بدت تطالعها بكل هدوء )..

نزلت مها..وقعدت..
بس هالمره يم دانــه..
اللي كانت لابسه نفنوف اصفر قصير...
والمكياج كان اووفر ..عشان يغطي الكدمات
دانه: فيج شي (( ماكانت عارفه منو هالبنت اللي يمها))
مها( هزت راسها :لأ)
=========================================

 

[نوؤشاآ]

شوق كانت داخل الشاور بوووكس تاخذ شااور بعد يوم حاافل بعدة مشااوير اهيا وريلها..تغدوا برااا و تسوقوا وقعدوا عند امه وبنهاية اليوم تعشوووا بجيليز ..
خمس دقايق و لفت روحها بفوطه بيضه..وشعرهااا بفوطه صغيره..

فواز كان قاعد ع السرير وحاط الابتوب جدامه ....: نعيما"
شوق: انت وبعدين معااك..قلنا محامي...ارحم عيووونك حبيبي
فواز( يبتسم): طول اليوم مجابلج يالظالمه طمع طمع
شوق: وانا يحق لي اطمع فيك مو رريلي حبيبي
فواز : كلي لــج
شوق: يلا سكر الابتوب
فواز:دقايق قاعد اسيف شغلي (save)
شوق:لالا الحين سكره ترا قمت اغار منه
فواز: كا الحين بسكره ثواني...


وتقوم شوووق و تسكر الابتوب و تقعد عليه...وافتلتت الفوطه..
فواز ( يضحك): يالبايخه
شوق: انا بايخه...؟
فواز: احلى بايخه
شوق: فواز احبك
فواز: وانا امووت فييييييج
شوق: فواز انا لما خطبتني ماكنت حاطه فبالي اني راح احبك بس الحين والله احبك
فواز: وانا ماكنت اعرف عنج شي..واللي عرفته الحين..اني لو اتم طول عمري ادور..ماراح احصل وحده مثلج
شوق: تحبني؟( بدلع)
فواز: لا ماحبج ( بعبط)<<يحليله المثقف يعرف يعبط
شوق: فواااز ماتحبنييي؟
فواز:لالالا اصلا" ما ابلعج آآنا
شوق: قد هالكلمه؟
فواز: قدهاا( ويضحك بصوت عالي حاس ان شووق ناويه على شي)..
كان متربع جدامها ..دزته لي وره ونامت فووقه وانواع البوكسات...
طاحت فوطة شعرها...وكان مبلل ماي...
فواز: شووق احبج
شوق: اوش لا تتكلم
فواز: والله احبج
شوق: قلتلك اوش
فواز حظنها حييييييييييييييييييييييل..حس انه اسعد انسان بهالوجوود...

=================================================
ام بدر تقرب من فوزيه: يلا بيدخلون الرياااييل..
شوي...وقاموا الحريم وتستروا اللي يايه بعبايه لبست عبايتها..واللي لفت الشيله على راسها...تقريبا" صاروا 3 ارباع القاعه اسود بأسود.....

قربت فوزيه من مناير و غطتها برداء ابيض خفيف...
مها لبست العبايه اخر وحده..حتى انهم اعتقدوا انها ماراح تلبسهاا...قطت الشيله على رااسها..وكانت هاديه حييييييييل...

ألف صلي وسلم عليك ياحبيب الله محمد كلولولولولوولوش...

دخــلـ بــدر ..مبتسم..مثل اول يوم شافته مها..التعب اللي كان امسيطر على ملامحه زاال...وباين عليه مرتاح آآخر راحه...لاف البشت عليه...وابتسامته احلى مافيييييه....كان لما يبتسم مها تحس الدنيا كلهااا غيرررر...يتغير ويهه 180 درجه لماا يبتسم بـــدر..كان دايما يقول لها احب عيونج ..واهي تقوله تكفه ابتسم.....
حست بقلبها بيطلع بره صدرها هالمره...وبضغط مو طبيعي بلباسها الداخلي...حست فجأه انها مضغوطه ..ودايخه....الميك أب كان كله مخترب طبعااا..كان تمسح ويهها بدون لا تبالي...بشكل الميك أب....بس تمت عيونها اهي عيونها..اللي ذلته..وذلت ألف غيره...
كانت نظراتها ثااابته...صامده....مستسلمه...
ودخلوا معااه مجموعه من الريااايييل..واخيرا" طاحت عينها بعين فيصل...اهو ماعرفهاا..بس اهيا عرفته اكيد....رآعي الصبوره..


ذاكرتها كانت عااطله حزتهاا..بس بصعوبه استرجعت الموقف

[[[[ويقرب فيصل ويحط الصبوره بويه مها....
فيصل: بذمتكم شباب ماتشبهها؟

يوسف و عبدالعزيز بطوها ضحكــــ
مها: عن الغلط و وخر يلا مناك
فيصل: نفس الحلج...كا شووفوا ( ويحرك حلج الصبوووره)
مها: بتووخر ولا شلون
فيصل: وي حمقت صبورتي ..حمقت
مها: اذلف زززين...قذر قطيعه...وخر ذبحتنا ريحتك
فيصل يحط الصبوره على الارض..ويرفع تي شيرته و يشم نفسه.:: مافيني ريحه....بس شوي زفر بيدي...
ويمش ايده بملابس مها
مها: يااااقذرررر...( بصوت عاااااااااالي)]]]]]


فيصل شاااب بشوووش نكته يضحك و يرفع عقاله فووووق..ويقرب يم واحد من الشباب و يتكلم معاه..ويضحكوون..كانت فيه طاقه مو طبيعيه يتنقل بالقاعه بشكل عجيب...يروح يبوس راااس امه...ويقرب يم اخته يصور معاها..ويكلم بدر....وبعدين نسف الغتره و وقف عشان صوره تجمع اهل المعرس و العروووس...

مهااا للمره الألف تبتعد شفتها العليا عن السفلى..تعجب واستغرااب..
فيصل شيسوي هني؟؟؟!!!!!
بس كل تركيزها كان على بدر.
اللي صعد الكوشه و باس راس منايرررر..وقتها مها ماكانت قادره تتمالك اعصاابها..
مسكت ايدها حيل و ضغطت عليها بأضاافرها...كانت تقمت حرتها بكل الطرق.....
بعدها طلعوا الرياااييل ..وتم بدر بروحه مع مناير..

شوي...ويحطون اغنيــــة..
(( والله و تحقق منـــايا ..شوفوا حبيبي معـــايا..))
وينقلون الدبل..من اليمين إلى اليساار..
وبعدها ياابوا العصيرر..
بدر كاان يبتسم ..راضي بالواقع ..بدا ينجذب لمناير..لأنها كبيره وراكزه وبعيده كل البعد عن الاحلام..بنت واقعيه بكل ماتحمله هالكلمه من معنى...عكس مهاا كانت حساسه شفافه رومانسيه مسيطره عليها الاحلام...وعمري ماراح اكون مع مها الا بالاحلام..ومناير الواقع اللي بتقبله واعيشه غصبن علي

بعدها حطوا [ لــمني في مـــحجــر عيونــك حبيبي وخلـــني...]..
قامت مناير وساعدوها الحريم عشان تنزل من الكوشــه..
ولما نزلت....وقفت وسط الصالـــه..وبدت تتمايـــل..بس بثقل...
مها وقتها ابتسمت نص ابتسامه..مستهزءه او يمكن الغيره ذبحتها...

وقتها بس عرفت....انها خلاص..لازم تنسى هالريال...وتمحيه من قلبها ...بدر ماضي..والماضي مستحيل يرجع..على كثر ماتمنيت ان الخبر مو صحيح وبدر لي آنا...لي آخر لحظه.....لكن والحين..وبعد ماشفته بعيوني معاها...مات آآخر امـــل...بس جانب آخر من عقلها يقووول..يطلقها..و قالت لهالجانب..اوووووووش..
وشالته من مخها نهائيا...خلاص الريال مايبيني..وكاهو متهني...والله يهنيه..

توها بدت تشعر بألم في شفاتها...لكنها تسلحت بجرأتها ...وتقدمت بخطواتها....
وقفت جدام بدر.....: مبروك بدر
بدر كان يصور ما انتبه لها..وعادت كلامها
مها: مبروك بدر
بدر: ها ..هلا..الله يبارك فيج...صوره بعد مع دانه ( ويأشر للمصوره ويبتسم)
!!!!!!!!!!!!!!!!!!!!!!

مها انسكبت دمووعها بكل هدوء..وبدت تتلفت يمين ويساار..يا ناس هاذا بدر؟؟...هاذا بدر؟؟؟...اللي جدامي و واقف الحين..بدر!!!!..كلموني ردوا علي...تزاحمت الدموع بعيوونهاا..وبدااا جفنها ينصبغ بلون الدم...
وكانت مو قادره تتنفس...حاسه بضيقه مو طبيعيه تشق صدرها شققققق

هاذا انته.؟
اللي عشقته..
وش جرالك..
منته انته؟..
وينك انته؟؟..
وكل اللي قلته؟..
وين غرامك
اللي اعتده..


هاذا إنته؟؟!!!!!!!!!..


الصدمه خلتها ماتنطق بغير..( الله لا يوفقــك حبيبي)..
حبيبيّ!!!!..
اشفيني آآنا...ليلحين اقول انه حبيبي؟؟؟
طاحت شيلتهاا على جتفها..
انتي اللي يبتي لنفسج الذل كله هاذا يامها..
ولا انتي شيايبج..ليش ييتي.؟؟..
ليتني سمعت كلامج يايمه ليتني..
لأ ..زين اني يييت..عشان اقدر انساه..
نظراتهاا كانت غريبه نوعا" ما..وتتلفت ...خطوه..بعدها خطوه...ولما وصلت لي نص الصاله ..سمعت صوت ضحكــة بدر..إلتفتت لقته لام(حاظن) امه حيييييييل من ظهرها..والحضور يضحك...
كان بدر يكلم مناير ...ويصورون ...ماكانت قادره تسمع شكان يقول من صوت الديجي..


بعدج يا مها واقفه...بتسمعين بدر شيقوول!!!...توكلي مها توكلي....قطيه ورا ظهرج..مثل ما اهو ورا ظهرج الحين...
مشت بخطواتها الواثقه...وصار الحضور كلهم ورا ظهرها ..لأنها متجهه لباب الخروج....وطلعت مهاا..ولا احد سأل عنها..


=========================================

 

[نوؤشاآ]

فواز نايم و شوق غافيه على صدره..
فواز: حياتي
شوق: هـه ( كانت غافيه)
فواز: بفتح مكتب
شوق( شالت راسها وقربت منه): مكتب محاماه
فواز: لا مكتب خدم
شوق( تطقه على صدره): يلا عاد مو وقت غشمره
فواز: اي خلاص شهادتي وعندي..اقدر افتح مكتب من حسابي الخاص
شوق( ترد تحط راسها على صدره): ياحبيبي لازم تشتغل بالحكومه بعدين يصرحون لك تفتح مكتب..ولا ماتعرف القوانين يامحامي
فواز: اح شلون طافتني
شوق: نام حبي نام..انت قمت تحلم وانت قاعد
فواز: ليش ماتشجعين
شوق: ياحبيبي والله اشجعك بس لاحق ع المكتب انت الحين اشتغل بوظيفه حكوميه و راتبك راح يصير هاااااااااااااالكبر ( وقطت راسها على صدره حيييييييييل داااايخه مو قادره تتحكم بروحها)

فواز: خلأص عمري نامي امبين انج حدج بره الخط
شوق...غمضت عيونها...
فواز: الله يخليج لي..
شوق ( حطت ايدها على شفايفه..) عشان يسكت وينام..

===============================================


دخلت مها البيت الساعه 12..شكلها كان معتفس حدددددده..
والآي شدو الاسود امغطي خدودهاا..تمت امبطله عيونها لي ال2 الفجر( الفير).....قامت بتصلي....
شافت ويهها بالمنظره..كان رعب...
الكحل سايح واملطخ خدها....شفايفهاا منتفخه من تحت ..وفيها جرررح ناشف...توقف نزول الدم..بس تم العوار ..
توضت للصلاة....وصلت ركعتيييين..
بعدها ردت لسريرها لقت مخدتهاا مدمره من مكياجهاا...حطت راسهاا...



وغـــــــمــضــــت عــــيـــــــونـــــــــــهـــــــــا..

========================================


مناير دخلت غرفة الفندق.....وبدر سكر الباااب حييييييييييل...
قط الغتره و العقال....والقحفيه..والدشداشه...


وفتح سحاب نفنوفها بــكــل هـــدوء..

=======================================

شرقت الشمس.....
مناير حاطه راسها على صدر بدر...
شكلها كان حيل اكبر منه...قربت منه حيل..دققت بملامحه....صغير بدر..صغيــر!!..

باست خده...ولمها....وكملت نوومتهاا..

بعد 4 ساعات ..الساعه 11ظهرا"...
يدق تليفون بدر...
خالد: بدر تعال لي انا تحت ابيك ضروري
بدر: شفيك عسى ماشر(( مناير رفعت راسهاا اللي كانت حاطته على صدره..: خير حبيبي؟))
خالد: خير ..قوم بس وتعال..
بدر: يلا كاني الحين يااايــلك..
خالد: لاتطول..
وسكر التليفون
مناير: حبيبي شصاير؟؟؟
بدر: علمي علمج لاتخافين دقايق وراد ( ويبوسها..)
مناير: بنطرررررك( بدلع..)

بدر غسل..ولبس دشداشه..ونزل تحت..

كان خالد واقفين يم رياييل لابسين دشاديش..
الريال: تفضل معانا
بدر: خالد ..يبه فهمني شسالفه
خالد: انا معاك لا تخاف..
بدر: خلني ابلغ الاهل بس
الريال(مباحث): امش معانا مانبي نربك الناس في فندق مشهور مثل هاذا...ولاحق على الأهل
بدر: ياخوي انا معرس امقعديني وماخذيني شتبون فيني
الريال: بالمخفر تعرف شصاير..
بدر( يرفع موبايل): حبيبتي لاتحاتين انا ساعه وراد
مناير: شنو شصاير وين رايح؟؟
بدر: بعدين افهمج....

 

[نوؤشاآ]

============================================

المخفر......
الضابط: شنو علاقتك بكل من...عبدالعزيز..وفهد
بدر: عبدالعزيز كان رفيجي..وفهد رفيج عبدالعزيز...اهو اللي عرفنا عليه
خالد: نقدر نعرف شسالفه
الضابط ( يكلم الشرطي): دخل عبدالعزيز
ويدخل عبدالعزيز..
عبدالعزيز: اي ..هاذا اهو..هاذا بدر اللي ذبح فــهــد
خالد: عبدالعزيز انت تدري ليش ذبحه بدر
عبدالعزيز: تهاوشنا بلعبة القمار و ذبحاه..اي هاذا بدر اللي ذبح فهد
الضابط: اسكت خلاص..لما أأذن لك تتحجى تكلم...بدر...الشاليه الواقع في بنيدر قطعه ** شارع ** رقم***..بإسم الوالد...وصارت فيه جريمتين قتل ..وانت تدري مازال التحقيق فيهم
بدر: عدل
الضابط:جاشيم ( حارس الشاليه)..اهو المحبوس على ذمة هالقضيه وليلحين مافي حكم صادر بحقه
ليلى..ماتت بعد الاعتداء الجنسي عليها..وماتت اثر طلقة نار من مسدس ....عيار21
بدر: وسؤالك؟
الضابط: ليلى ماتت على ايد عبدالعزيز..بس اللي بنعرفه..فهد شلون مات
بدر: انا اللي ذبحته
الضابط: سجل اقواله...
بدر: دخلت الشاليـــه..في وقت متأخر..وقتها كان عمري 18 سنه ..وتوني قاص الليسن..دخلته انا و خالد..كنا ندري ان عبدالعزيز هناك..عبدالعزيز عرفناه من الدوانيه..الشباب عرفونا عليه...لقينا بنت عنده ...وكانت مو كويتيه حسب اللي عرفته من لهجته المضطربه..مزيج من مصري و كويتي...كانت مغتصبه...عبدالعزيز طلب منا نتستر على الموضوع ونشاركه بجريمته القذره...وبالخطأ ذبح عبدالعزيز البنت ولما حاول خالد يتدخل...فهد هاجمه..وتدخلت انا بسجين..طعنته في ظهره..وماحسيت فيه الا واهو جثه بين ايدي...

===============================================



مها كانت نايمه العصر...وفجأه رن تليفونها...
مها:: شوووق!!!!
شوق: هلا حياااااااااااتي مشتاقلتلج
مها: مشتاقتلي؟؟..شوق انتي اسبوعين ماتدرين عني..ادق ماتردين...شسالفتج؟
شوق: والله ياحياتي انتي ماتدرين عن شي باجر لي تزوجتي تعرفين المره المتزوجه مو مثل البنت
مها: اها ...شلونج عساج مرتاحه ( بنفسيه لأانها تضايقت من كلام شوق..حيل تغيرت عليها..صج لي قالوا..كل متزوجه تتغير على رفيجاتها و خواتها)
شوق: واي يامها لو اقعد اقولج شكثر انا مرتاحه ماح تصدقيني
مها: عسى دوم انشالله
شوق: المهم انا حبيت اتطمن عليج و اطمنج علي...سلميلي ع الوالده
مها: يوصل
شوق: يلا حبيبتي مع السلامه..

مها سكرت التليفون ....احلى صدمه!!..هاذي شوووق؟؟؟؟؟؟
جذي الزواج يسوي؟؟؟؟
الله واكبر..
الله واكبر عليج ياشووووق..
جذي تكلميني؟؟!!

حطت راسها ع المخده وحاسته بينبط من الصدااع...
=========================================

طافت الايام هااديــه...

انقطعت اخبــار بدر وبالأصح ماكانت عارفه شصارله ..ماتدري انه في قضيه مرفووعــه عليه و الحكم ليلحين ماصدر...

فيصل كان قاعد مع امـــه يوم اليمــعه العصر..
فيصل( يغمز حق امه عشان تقول حق ابوه انه ناوي يخطب)
ام فيصل: هو شفيك تغومزلي قول تحج مامن غريب
بو فيصل: ها يبه شناوي عليه بعد
فيصل: يمه شقايلج انا لايكون نسيتي بلييييييييييه هاذا وانا قايلج انا
ام فيصل: ايه ..أسكت بس ( وتأشر له يسكت..) مبارك ولدك بيعرس
بو فيصل: شنو؟؟؟؟ فيصل ولدي بيتزوج...من بنته هاذي؟
ام فيصل: تعرف عايلة البرواز
بو فيصل: عايله و النعم فيهم ..ايهم فيه..البرواز اللي صوب المنصوريه ولا اللي صوب الضاحيه
فيصل ( يشق الحلج): لا يبه ..اللي بالمنصوريه
بو فيصل: والنعم فيهم كلهم...بنت البرواز اهي؟
ام فيصل: والله يابو فيصل انا قاعده قعدة حريم قبل 3 ايام و يبت لهم طاري البنت..قالولي مزيونه وسنعه..وتدري فيه ..كلام ام ناصر مايتحرف..يعني البنت صج ماكو مثلها
بو فيصل: شسم ابوها؟
فيصل: ها..يبه شدراني...
بو فيصل: انت من وين عرفتها
فيصل: يبه تصير اخت مرت رفيجي
بو فيصل: لحظه يابوك خل اركز ..عيد ع البطيء
فيصل: آنا يبه عندي رفيج اسمه عبدالرحمن ولد الضاحي..
بو فيصل: وصل
فيصل: هاذا متزوج
بو فيصل:وانا شكو فيه
فيصل: اسمعني انزين يبه..المره اللي ابيها تصير اخت زوجته
بو فيصل: وين شفتها انزين
فيصل: رايح ازوره و شفتها وبنت مزيونه بنت حلال و خلوقه ومارفعت راسها جدامي
بو فيصل: زين عيل يبه...دام جذي..هاذي الساعه المبارجه اللي نزوجك فيها و تنقلع عن ويوهها
فيصل: اي يبه انقلع بس خل امي تخطبها لي اليوم
ام فيصل: خلاص لا تحن ترا ينيت انا ..اسبوع ما ارتحت من حنتك...اليوم عقب الصلاة نروح نخطب
فيصل: وربي انتي تهبلين عطيني خل ابوسج اهوووو
ام فيصل: فيصل وثول سعبلت على خدي..قم يلا وخر
فيصل: ولدج انا سعبولتي اهي نفسها سعبولتج الله يهداج..المهم ماعلينا ( يعدل العقال)..من وين بتييبون مهر المره..
بو فيصل: الحكومه تعطيك اربع وانا ازيدك اربع..
فيصل: والسكن يبه
بو فيصل: يبه البيت فاضي مافيه احد الحين غيرك انت و نوره هالياهل...تقدرون تاخذون راحتكم..وانت بعد شهر بتتوظف ..تقدر تاخذ شقه اجار..
فيصل: وربي انت تهبل ..عطني خل ابوووس
بو فيصل: فيصل ويهد وخر عني الله يغربل ابليسك...
فيصل: يعني خلاص انا صرت معرس
بو فيصل: انت مع ويهك وايد واثق من انها بتوافق
فيصل: وليش ماتوافق انا ريال..وخوش ريال..شقردي...وعندي شهاده..مزيون و ماعندي سوالف خرابيط..واصلي
بو فيصل: احلف انك تصلي
فيصل: والله يبه اصلي
بو فيصل: خلاص بسك قرقه الله يتممها على خير
فيصل: يبه شصار على بدر
بو فيصل: بعد شهر الحكم
فيصل: بيييه والله ماسوت عليه منحوووس..من تزوج مانام عند مرته الا ليله وحده
ام فيصل: استح الحين وقوم عن ويهي
فيصل: انشالله يمه انشالله بس انتي يودي هاج ( يعطيها استكانة الجاي..ويقوم)..

=========================================

 

[BNT KWT]

روووووووعه

يعطيج العافييييه

ناطرين البارت مو تطولييين علينا

 

[BNT KWT]

روووووعه

يعطيج العافيييه حبيبتي

ناطرين الباررت لا تطولين علينا

 

[Noortoosh]

Kmlii 7bebtii > waiting you ... Up up up

 

[عنود التكانه]

ياااااااااااااااي تهبل الرووووايه حيييييل عفيه لا تطولين علينا عجبتني الروووايه حيل
وانا متابعه اول باول باذن الله
وماقصرتي ويعطيج العافيه:eh_s(7):

 

[منوشه ام شوشه]

يسلمووو تكفين كملي وربي بمووووت واعرف شصار انا ماعمري بكيت ع قصه اليوم بكيتيني ع مها ذكرتني باشياء

 

[ROZE]

اب اب اب
كمممممممممممممممممممممممملي بليييز روعه الرواااااااااااايه

 

[نوؤشاآ]

مشكووورين ويعطييكم العافييه حباايبي ومشكوورين ع المتابعه وان شاءالله انزل لكم الحيين

 

[نوؤشاآ]

ام جراح:يمه مها..قومي ابيج بسالفه
مها( يمه خير ماشبعت نوم سكري الليت)
ام جراح( تضحك ضحكة عيايز): قومي بقولج شغله تفرحج
مها( ماظنتي تفرحني ..تشيل راسها من المخده...وتقعد و تطق على فخوذها حيل مالها خلق امها كلش): امري يمه شتبين (( متخدره وفيها النوم))

ام جراح: يااييينا حريم بعد شوي ..واظن ياييين خطبه..قومي تسنعي يمه
مها( تحك راسها): بليييييييه انا قايلتلكم اني صغيره وبعدي..جم مره نقول يعني جم مره ( تتحجى بثقل جنها سكرانه)
ام جراح: اختج تزوجت يوم كانت بعمرج..وكاهي الحمدلله متزوجه ومرتاحه..وانشالله كلها سنه و تتعالج وتييب درزن يهال(منال تعالج بما انها تأخرت بالحمل)
مها: اي انشالله..يمه تكفين قدري اوضاعي راعي ظروفي فينييييييييييييييييييييي النوووووووووووووم
ام جراح: بتقومين ولا شلوووووون
مها( بثقل): شلووون
ام جراح تشيل اللحاف عن مهاااااااا..

================================================== =

الساعه 6 المغرب..
ام جراح: حيالله من يانا..ياهلا ومرحبا..
فوزيه( تقولب بعيونها تطالع البيت...):ياهلا فيج ام جراح..شلون شلون صحتج ( داشه مستشفى الحبيبه)
ام جراح: والله بخير عساج بخير...
فوزيه كانوا معاها حريم ثنتين...
قامت ام جراح وصبت لهم الجااي...
فوزيه: والله ذبحنا هالغباار..مايمدينا نمسح و ننظف..الا واهو هاب علينا مره ثانيه ( خوش سالفه تتحجين فيها يعني مسولفه مع الويه)
ام جراح: اي والله يا ام فيصل..بعد شنسوي تعودنا
ام مصعب( تتدخل):تمرضنا بسبة هالجوو..بس شنسوي الله ياخذ والله يعطي يا ام جراح
ام جراح: عدل كلامج ام
ام مصعب: ام مصعب
ام جراح: ياهلا والله
ام فيصل: والله ياوخيتي لا نلف ولا ندور..ولدي فيصل توه راد من بره ..دارس ببريطانيا ..وانشالله كلها شهر و يتوظف...وحبيت اشوفله بنت الحلال اللي تستاهله و تسعده..ومالقيت انسب من بنتكم مها..ادب و اخلاق و سنع والله يخليها لج انشالله

ام جراح: تسلمين يا ام فيصل...والله ان فيصل حسبت جراح اكثر من مره اشوفه ايي لعبدالرحمن ودش قلبي هالصبي الله يخليه لج انشالله..بس مها بعدها صغيره توها متخرجه من الثنويه..وانتي تدرين الزواج يلهي عن الدراسه
ام فيصل: هذااك قبل يا ام جراح..الحين البنت صارت تدرس وبطنها هاااااااااااااللكبر ..خبرج تغير يا ام جراح تعالي شوفيهم بالجامعه شزينهم وشحلاتهم متزوجات و حمل بعد...صدقيني الزواج مايعطل ولا شي..كانا احنا درسنا و تزوجنا اشوف ماتعطل شي

ام جراح: والله يا ام فيصل سديتي حلجي..كلامج صح والله..انا انشالله اشاور البنت واشوف رايها..وانشالله الله يكتب اللي فيه الخير..

ام مصعب: هو؟؟ ماراح نشوفها
ام جراح: لا الحين انشالله نازله...( ترفع حسها و تنادي..) مهاا..مهاا..يلا يمه تعالي..


دخلت مهاا....وصوت كعبها كان عالي...انسمع قبل لا تدخل الصاله...بيدها صينية العصير...فاله الشعر...ولابسه تنووره شيفووون ...وكان لبسها راقي حيل..كانت اكبر صدمه انها تشوووف فوزيه اهي اللي يايه تخطب...هاذي!! مو ام مناير زوجــة بدر!!!!!!!...توترت شوي ..قربت الصينيه ...و و زعت العصير..وبعدها حطتها ع الطاوله و قعدت...ورفعت خصله من شعرها كانت نازله على فيسها...وبدت تلعب بخاتمها متوتره و مستغربه.....

ام فيصل: مشالله تبارك الرحمن...شزينها وشحلاتها..تقولين خليها تكمل دراستها..تبينها تضيع منا..لا يا ام جراح ..احنا نبيها لولدنا....الا يامها..مو جني شفتج بعرس بدر قبل اسبوع

مها( ابتسمت بتوتر): اي خالتي...بدر رفيج جراح اخوي
فوزيه: وي صج انه مايستحي..ما قال لنا..جان ع الاقل عرفنا نرحب فيكم...ياهلا ويامرحبا...بس جني شفتج يييتي بروحج؟

ام جراح: اي يا ام فيصل انا وقتها ارتفع عندي الضغط وماقدرت احضر بس بالمبارك عليييكم زواجه ( وبدت تتلفت مستغربه من هالصدفه....وعطتها صاروخ ..صج عيايييز بسرعه يألفون)..

مها نزلت راسهاا...معقوله!!!..فيصل اهو اللي ياي يخطبني....

ام فيصل: طلباتكم يا ام جراح..جني اشوف الموافقه بعيون مها

مها ابتسمت ...شكلها بتعيد نفس الحركه مع فيصل و مها....
ام جراح: لا اهي مستحيه شوي...عطونا فرصه وانشالله نرد لكم خبر
ام فيصل: وي ليش تستحي كلنا حريم..مابينا ريال...
ام جراح ( قاطعتها): اهي لازم تقعد مع الولد شوفه شرعيه وبعدها تقول رايها....
ام فيصل: اللي يريحكم..يلا سريناا..

مها قامت وقفت....

==========================================

مها لما صعدت غرفتهاااا ماتدري تستانس ولا تتضايق....ماتبي توافق على انسان ماتكن له اي مشااعر...عشان بس تغيض بدر..ولا تبي تخسر انسان شاريها...بدت مشاعرها تتضارب...واقوالها تتناقض

مها: يمه انا ماقلتلج ما ابيه
ام جراح: توج تقولين مابلعته
مها: يمااااااااااااا خلاص انا اموافقه سكري الباب و طلعي بنام
ام جراح: هاذا زواج يابنيه..تحجي عدل مو وقت غشمره
مها: اي انا اموافقه شفيج..روحي بشريها ..عيوز النار
ام جراح: استحي على ويهج هاذي بتصير خالتج
مها: يماااااااا انا اموافقه
ام جراح: صج زمن خايس قبل العروس تتخشش لما احد ايي يخطبها و ماتنطق بهالكلمه من الحيا..
مها: انتي طلبتي رايي..بليييييييييييه شقول يعني
ام جراح: من السنع انج تسكتين وانا اقولج السكوت علامة الرضا وألمج
مها( تشق الحلج): لا واللللللله..يلا كا انا الحين ساكته
ام جراح: ماينفع معااج ( وتهفها بالمخده..وتضحك مها وتنزل خصلاتها على ويهها..وتقول اووووووووووف و تطير خصلاتهااا)

ام جراح: والله وكبرتي يا مهاوي

مها: اي حتى كا شووفي صرتي مره ( تتخصر بجسمها وتعرضه )
ام جراح: الحمدلله والشكر لك.. فاصخه الحيا ماكوووو منعدم الحيا بهالبنيه..

طلعت ام جراح تروح تبشر ابو جراح و ولده..
ومها هني لما اختلت بروحها..[ انا شسويت..اانا من صجي ابي فيصل هالخبل...بس الريال حبوب و عنده شهاده ....ليش ما ابلعه انا ليييييييييييش..بس اهوا ولد عم بدر...يعني اذا خذيته راح..لأالالالالا استغفر الله على هالتفكير الخااااايس..انا ابي فيصل لذاته..مو عشان بدر..بدر خيموت خل يحترق...ماقام يهمني .....قطت المخده فووووووق لين حاشت السقف..وبدت تضحك بخبال....]

 

[نوؤشاآ]

(( الجزء الثالث و العشرين ))

فيصل كان ناطر امه بالسياااره لأن اهوا اللي يايبهم ...

فوزيه ( تدخل السياره و تسكر الباب و الحريم صعدوا ورا): لا ابد خوش ناااس والله

ام مصعب: بس جنها ملسونه البنت

فوزيه: يبه خبرج امغبر الحين ماكو بنت إلسانها مو طويل العوض ولا القطيعه وانا اختج

فيصل: يمااااااا شصار صارلي ساعه ناطركم تخلصون ماخلصتوا

فوزيه: تنورتها والله شزينهااا

ام نادر( واخيررا" نطقت): بس جنها وايد شفافه

فوزيه: عادي حريم احنا

ام مصعب: شعرها شحلوه يكتكت ( كلمه كويتيه بمعنى :ناعم منسدل )

فيصل: يمه شقااااااااالت البنت ردوا عليييييي تكفوون بحترق صارلي ساعتين ناطر

ام نادر: بيتهم والله شحلو اثاثه

ام مصعب: بس شكل الغنفات تفصال اعرف واحد اخذيله كتلوجات رومانتك ويسويهم لج طبق الاصل

فيصل: صج حريم رايحييين تخطبون ماخليتوا شي حتى الغنفات تتحجون عنهاا

ام فيصل( ماكو اي تعبيرررر امكمله كلامها ومعطته اقنور على افاه): لا البنت ذربه زينه تصلح

ام مصعب: امها بعد شحلوها حنينه( بمعنى حنونه بس بالكويتي القديم)

ام نادر: لا انشالله توافق
فيصل: تكفووووووووووون ردوا علييييييييي والله ما احرك الا لما تقولون لي شصار

ام فيصل: حرك فصيل بالبيت اقوولك يمه...ام مصعب ماسألناهم عن المهر

ام مصعب: شفيج ام فيصل ماتعرفين الاصول..الاصول المره اليايه مع فيصل تشوفه و تقعد معاه واخوها معاها ولا ابوها وتالي لي وافقت احنا نقول لهم شنو طلباتكم...والحين عيب محد ينطق بالمهر..يقولون لكم احنا شااريين ريال..غير جذي تراهم مايعرفون الاصول

ام فيصل: شدراني انا ماقد خطبت توني اول مره وآخر مره ولدي الوحيد فيصل

فيصل( يسوق و ميت من القهر لأنهم صج متجاهلينه): حريم لما يسوولفون ينسون نفسهم

ام فيصل: والله مضعدها(سوارها) شحلوه كشخه

فيصل( يحرك ايده ): مادري عيال فقر احنا..صج حريم ماتخلون شي..حلوه يمه صح

ام فيصل( لحد الحين اسكب على راسه): شحلو ضيافتهم والله
ام مصعب: وي الله يخليج الحين الكل يسوي جذي
ام نادر: لا سَنَع ..سَنَع..
فيصل( عفس ملامحه مستسلم شكلهم امطولين العيايز)
=======================================

مها حاطه راسها تحت المخــــده...اوووووووووف من متى انتي جذي يامها ..بعد ماكان الكل يسأل عنج...صج لي قالوا صداقة الثنويه مؤقته..تنتهي بعد انتهاء آآآخر كورس...حتى مسج مستخسرينه فيني....
[ تحط راسها فوق المخده حيل]..حتى شووووق...من تزوجت تغيرت واايد....آخر انسانه توقعتها تتغير علي شووق!!!..
قبل فوني مايسكت وما ألحق و24 ساعه بإيدي ..والحين اقطه يومين ولي ييت بجيك ..انصدم لما ألقى المفتاح بروحه لووووووووووووول ( قصدها فونها مقفول بس..مافي لا رسايل ولا حتى مس كولات)

صج دنيـــا..
وفيصل.!!..شلون راح اعيش معااااه..واي يمه ..صار زواج صجي...يعني بتزوج آنا؟؟..
فيصل حلو...شكله هيبه...خبل شوي..بس اينن...
بدر الحين شقاعد يسوي مع مناير...( هني بدت الغيره تتسرب لقلبها و عقلها... ماتدري انه محبوووووس من اسبووع)....

----------------------------------------------------------------------------------

فيصل: كااا..وصلنا البيت ..وبدلنا...وقعدنا..قوليلي يمه شلون البنت..شقالت شقلتوا
ام فيصل: ماكو ( ويقاطعها))

فيصل( امقاطعها): من اول مادخلتوا البيت لييي لما طلعتوا ابي بالتفصيل

ام فيصل: يمه خوش بنت حلوه و سنعه واتفقنا الاسبوع الياي ناخذك تقعد معاااك وتفاهموا ومعاها محرمها
فيصل: يمه !!..الله يهداج اسبوع وااااايد

ام فيصل: فصيل عن الطفاقه..خلك ثقيل شووي ..لاتفشلنا

فيصل( يعفس ملامحه): انشالله يمه..ماقلتيلي..انتي انتي..شرايج فيها؟؟؟

ام فيصل: والله البنت قالولي تدرس...وبالبدايه قالوا بتكمل دراستها وانا اقنعتهم تتزوج و تكمل
فيصل( يبوس راس امه): كفو والله ام فيصل ..

ام فيصل: مزيونه ..كشخه..وذربه..ومادري بعد...هاذا اللي شفته..وترا كل البنات بأول مره يبينون سنعين..المره اليايه واللي بعدها..اشوفها واقعد معاها اكثر..

فيصل: بس والله يمه خوش بنت

ام فيصل: اي انشالله تطلع مثل ماتقول
==============================================