ديوانيــة المنتــدى .. سوالف و وناسه .. حياكم الله

[بنت العز]

رد : ديوانيــة المنتــدى .. سوالف و وناسه .. حياكم الله

اي اهي مو معروفه وايد .. بس والله مريحه و هاديه و حلوه يعني الاستقرار فيها لاباس

فيه بس الوله شاقني شق انا اول مره اتغرب و صارلي 5 شهور و نص .. ادري بالنسبه

حق البعض فتره تافهه لكن انا بالنسبه لي وااااااااااااااااااااااااااااااااااااايد واحس ردتي

الكويت راح اتكون مثل الحلم الله كريم انشالله .. المهم ليلحين برد بالكويت ؟؟؟؟ احنا

اليوم درجه الحراره -2 بس دفى

 

[keeka]

رد : ديوانيــة المنتــدى .. سوالف و وناسه .. حياكم الله

اي بعد قلبي بنت العز اكيد ولهانه على الكويت والله اللي اغتربو كلهم مرو بالتجربه
انا اول سنه قضيتها بجي بس بعدين الحمد لله تعودت
تدرين عاد ودي ارد كندا مره ثانيه

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

واي اليوم بيحللون معاش السنه كلها مو نفظت مكتبي!!! الا خلوني غبار غبار

المهم يابنات انشالله تسناسون بالاجازه كلكم واجازه سعيده مع العلم انا منثبره هني لين الاربع الا



بنت العز

المهم ان راسج انترس من الطلهعه والوناسه وانشالله طالالزمن او قصر تردون الكويت والله الوقت يركض
وخوفج عقب مايردونج تقولين ابي ارد بررررررررررررررررررررره مابي الكويييييييييييييييت



كيكه
يادافع البلا وش ذا؟؟ست سنيييييييييييييييييييين الحمدالله ردكم دياركم سالمين غانمين
وشنو خططج للاجازه السعيده
ومتا بونسكم؟؟؟


جورورو

عسا ماشر ؟
شفيهم عيااااااااااااااااااااااالج؟؟؟ لماذا حدث هذا اخي الكريييييييييييييييييييييييم؟ هو هو هو هو هو اشحقا ياحااااااااافظ
وديهه الطبيب !! اخاف عقنقز؟؟؟
كلش ماودي!!

وانتقميلي اليوم بالمعرض
وجوجو سوري هارد لك
كنت شايفه المسج من قبل مطرشينها لي

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

والله الوالدة بعدها ماسوت القسطرة، يمكن بعد شهر ولله كريم .. مشكورين وماقصرتوا فيكم الخير

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

yall Nice Week End o Nice Ejaza

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

حتا انا اتمنا للجمييييييييييييييييع سنه ججيديده سعيييييييييييده

 

[مُناي]

رد : ديوانيــة المنتــدى .. سوالف و وناسه .. حياكم الله

راح عام وجا عام وكله من اعمارنا

كل عام وانتم بخير

نتمنى انها تكون سنه سعيده على الجميع

سنه خاليه من الذنوب ... سنه مليئه بالذكر والاستغفار

 

[**فلونه**]

رد : ديوانيــة المنتــدى .. سوالف و وناسه .. حياكم الله

قوه بنات ..........كل عام وانتوا بخير .......سنه سعيده على الكل انشاء الله


رفرف .......قولي حق ريلج الكويت كلها موراضيه نسافر .......تخيلي اللقطات اللي حطوهم ببوكت وببننغ تخرع السياح ميتين على اليال بمايوهاتهم .......ديروا بالكم لاتروحون الجزر بالمره ......وعلى فكره اذا بتروحون تايلند ترى والله والطياره تنزل جنها طب بالبحر كلهم مطاراتهم على البحر ...........السالفه تخرع


وخروا عن شرق أسيا ............وبعدين الله مكثر الكويتين والخليجين بماليزيا ووووووووووووي ايبون الغثه وماليزيا موذاك الزود والله ..........الله يكتبلكم اللي في الخير

 

[keeka]

رد : ديوانيــة المنتــدى .. سوالف و وناسه .. حياكم الله

صباح الخير .. لي رجعه بس اخلص من الريبورت الشهري وارجع

 

[رفرف]

رد : ديوانيــة المنتــدى .. سوالف و وناسه .. حياكم الله

اس اس اسلامو عليكم ..
شلووووووووووونكم جميعا جميعا ؟
فلونة صارلي شكثر احن على ريلي ولا راضي يقتنع وقلتله ان ماليزيا متروسه كويتيين قال هذا بعطلة الصيف مو الحين !!
اخر شي خلاص يأست ..
وامس انا وخالتي نحاول نقنعه ولا راضي تخيلي خالتي عصبت تقوله انته بايع عمرك كيفك بنت الناس ماتبي مو غصب ..
مفيش فايده ..
لين راح الدوانية وربعه كلهم قالوله انته شيوديك ووبالضبط نفس الحجي اللي انا قلته وما اقتنع فيه ..
رد الريال وهو مغير رايه يزاهم الله خير ..
بس الي بط جبدي ليش الكلام لما انا اقوله مايقتنع فيه ولما ربعه يقولونه خلاص صار مقدس !
لما قعد يقولي الاسباب اللي هون علشانها جان اعصب قلتله انا مو قايلتلك هالحجي نفسه بالضبط بالضبط ليش ماتسمع مني ؟؟؟؟؟؟
قام يضحك ...
المهم الحين قررنا بعطلة الربيع نروح العمره انشالله ...
وبعطلة الصيف يحلها الف حلال ..
لأن على قولته اوربا برد الحين ... واستراليا بعيده .... و كل ديره فيها عله الا ماليزيا سبحان الله !!!
ورفيجه بيروح مع مرته فيينا بالصيف ويبينا نروح معاه .. طبعا فيينا حلوة وتهبل دام رفيجه بيروح ..
صج الربع لهم تأثير قوي ...

 

[roro]

رد : ديوانيــة المنتــدى .. سوالف و وناسه .. حياكم الله

ههههههه رفرف ضحكتيني ما تدرين ان تأثر الربع اقوى منا وااااي ياحسره علينا

يالهل العمره احسن لكم من اي شي بس الله يعينكم العمره بعد الحج تعذيب

كيكه وين كنتوا في كندا ؟ وشنو كان شعورج يوم رجعتوا الكويت اخر رجعه شلون كان الشعور والوضع بالمطار ؟ انا اتخيل روحي يمكن بس اطب المطار في العوده الاخيره ان شاء الله بنسدح بنص المطار وما ابي اتحرك هههههههههههه وبقعد ابجي ابجي ابجي واسجد شكر اصلا هههه
لان احس هذا حلم بعد 3 سنوات غربه في اخر العاااالم واااااااااااااااي الله يردنا ياااارب

بنت العز حمدي ربج 5 شهور وان شاء الله ما تطول المده زياده بس متى ردتكم ان شاء الله ؟


وربع ريلي وصلوا على خير ويابختي يابختي اااااااااااااه بس الله كريم

وشلونكم كلكم بعد

 

[BaiTotia]

رد : ديوانيــة المنتــدى .. سوالف و وناسه .. حياكم الله

قووووووووووة

رفرف الحمد لله ريلج غير رايه
وتقبل الله مقدما على العمرة
وفيينا حلوووووووووووووووووووووووه لا تطوفج صج فيينا جنة
أحلىىىىىىى دولة رحتها بحياتي
إذا تحبين الطبيعة والهدوء راح تموتين عليها
الله يهنيك و إن شاءالله تستانسون

 

[^مريوم^]

رد : ديوانيــة المنتــدى .. سوالف و وناسه .. حياكم الله

السلام عليكم ورحمة الله وبركاته

بس حبيت اسلم
انا توني مشتركه بهذا المنتدى واتمنى اني ما اخيب ظنكم

 

[^^دموع الكويت^^]

رد : ديوانيــة المنتــدى .. سوالف و وناسه .. حياكم الله

هلا وغلا مريوم

يا رب تقضين وقت ممتع معانا ... حياج الله

 

[roro]

رد : ديوانيــة المنتــدى .. سوالف و وناسه .. حياكم الله

كل عام وانتوا بالف خير ياااا بنات

امس قضيت السويعات الاخيره من عام 2004 في اعلى برج عندنا باليابان روعه الصراحه كانوا مطفين كل الاضاءه بس على النور اللي من برا وكانت الساعه اشكبرها حاطينها ويعدون البشر وصار صراخ على الخفيف وبس وتصفق و طبعا شربوا شامبين وزحروا وانا وريلي نتبوسم وريلي ملخلخ حده بالغصب مطلعني لان كل طاقته معطيها الهيلق ربعه اللي يايين طول النهار فانا كنت على الاخر تالي الليل ولو مو مطلعني جان طلعته من اليابان

المهم صج كانت الطلعه اي شي ولا على بالي بس طلعت لاني كنت منحكره عدل

وراح انحكر كل يوم لمده 10 ايام بعين العدو لين يطسون ربعه استغفر الله

لا تقولون لي طلعي ما اقدر وما احب اطلع بروحي اخور الا كلش كلش


ااففففففففففففف وبس ​

 

[رفرف]

رد : ديوانيــة المنتــدى .. سوالف و وناسه .. حياكم الله

رورو الله يعينج ...
هذولا ربعه شيايبهم ما يخافون ؟؟
توه صاير زلزال هقيت بيخترعون ويهونون ..

يالله ماعليه عالاقل ربعه مؤقتين مو ربع ريلي الدائمين 7/24
حشى شرايج مو ربع
لا ويبيني اسافر مع رفيجه ومرته ..
بدال ما انا لايعه جبدي من الدوانية هني اوديها معاي هناك ّ!!!

 

[جوريه]

رد : ديوانيــة المنتــدى .. سوالف و وناسه .. حياكم الله

قوه بنات شلوووونكم شخباركم ماولهتوووووووووا علي شدعوووووووه ولا بس انا اولهه عليكم
شخباركم مع نيوووووووووووووووووو يييييييييير انشالله بيضتوا الوويهه بالفنااتق قولولي حروني شوووووي خخخخخخخخخخخخخخخخخخخ
امس الساعه 12 احنننا بالاميري لاعت جبدي من المرض استغفر الله كله جبدي تقلب وعوار بطني جني وحده اتنسى مع الترجيع كملت والله ماتهنييييييييييييييييييييييييييت بالعطله كلششششششششششش من الخميس وانا بالفراش وانا حاطه بالي مع طلعه السياره اليديده بطلع اليهال ونقزززز قززززززز كل تخطيطاتي راحت

رورو
زين مسكين طلع واهو مهدوووود حيله سجليها بالتاريخ انه ضحى علشان ربعه وعلشانج

رفرف
شتبووون برفيجه ومرته اعتقد هاذي اول سفره لكم استانسوا فيها بلا ربع ولا غيروووه

 

[roro]

رد : ديوانيــة المنتــدى .. سوالف و وناسه .. حياكم الله

شفتي جوريه ههههه

بنات تعالوا ام علاوي ودلت ولا لاء لقافتي عادي بس احس صار لها جم يوم ما اشوفها بالمنتدى قلت ولدت

 

[بنت العز]

رد : ديوانيــة المنتــدى .. سوالف و وناسه .. حياكم الله

قوه بناااااات اشلونكم ؟؟؟؟؟؟؟؟؟؟؟؟؟؟؟؟؟؟؟؟؟



كل عام و انتو بخير الله يجعلها سنه خير ان شاء الله انا حيل متفائله


رورو


عفيه لاتسأليني عن الرده أحتر اذا احد سألني لاني ماعرف اجابته


بس ان شاء الله ماااتطوووول الله كريم ادعيلي و ادعيلج نحاااسه



رفرف


النمسا بكبرها انا قتلج عنها شــــــــــــــي خيالي أصلا جنج داخل بباي ... و اللي احلى


من فيينا ,, زلمسي و كابرون هالمناطق معروفه من احلى و ارقى بقاع بالعالم


انا كل ماروحلها اقول احلى من قبل و صج احلى طبيعه شفتها


باجي البنات اشلونكم ؟؟؟


كوين

نفيشه

جوريه

كل البنات ؟؟؟؟؟؟؟؟؟؟؟؟؟؟؟؟؟؟؟؟

 

[keeka]

رد : ديوانيــة المنتــدى .. سوالف و وناسه .. حياكم الله

صبااااااااااااااااح الخير
يا هلا بالطش والشر وماي ورد بقرش
صباح الورد والفل والياسمين .. صباح 2005 غير شكل
والللللللللللللله ولهت عليكم وايد وايد الله يعلم والله كاني فاقده شي
ان شاء الله سنة خير علينا وعليكم ويحقق كل امانيكم يارب
ويرزق كل محروم يا رب