ديوانيــة المنتــدى .. سوالف و وناسه .. حياكم الله

[keeka]

رد : ديوانيــة المنتــدى .. سوالف و وناسه .. حياكم الله

يا هلا رورو اشلونتش ان شاء الله بخير
يا بعد قلبي يا جوريه ما عليه هدي نفستش .. انا يوم الخميس من كثر الشغل على اخر السنه
والله بطيتها بجيه ما قدرت اتحمل
بس الحمد لله في العطله سوينا ريشارج

 

[keeka]

رد : ديوانيــة المنتــدى .. سوالف و وناسه .. حياكم الله

اي رورو نسيت اجاوبتش احنا كنا في اوتاوا .. وشعوري كان لا يوصف لما رديت الكويت وفعلا كنت احس كانه حلم وما راح يصير .. طبعا امي وخواتي سوو فلم بالمطار والناس اتطالع بس والله وناسه.. يالله عاد علمينا متى اتردوون بالسلامه عشان ان شاء الله كلنا انييتش المطار

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

كيكي نسيتج سامحينا علي القصووووووووووووووور
ازييييييييييك هابي نيوو يير

 

[بنت العز]

رد : ديوانيــة المنتــدى .. سوالف و وناسه .. حياكم الله



بنات انا خلاص حدي تشائمت من هالسنه .... يارتي السعوديه مسكينه كانت مريضه

و صارلي اسبوعين مادري عنها لأنها توها يايه و انا ماقعدت وياها غير 4 مرات انشغلت

مع حماتي هالاسبوعين و انصدمت لما سمعت انها توفت !!!!!!!!!!!!!!!!! اللـــــــه يرحمها

و يغمد روحها الجنه معورني قلبي بنات ابوها كبير بالسن و اهو اللي مرافقها و كانت

دايما اتقولنا ابوي كبير و مايشيل نفسه و اخاف عليه من البرد و ماياكل الا اكل بيت

و اهي مسكينه على مرضها كانت تطبخله غدا و عشا !! و اهي ادخلت غيبوبه اسبوع

كامل و عقبها توفت !!! يعني الأبو مسكين شكانت حالته بنات تتخيلووووووووووووون!!

ريال بالثمانينااااات بروحه !! من وين له غدا و عشا أنا وريلي ضميرنا مأنبنه أمس ماقدرنا

اناااام بس الحمدلله اليوم وصل ريلها و باجر كلهم بيرجعون الله يصبر أهلها

 

[keeka]

رد : ديوانيــة المنتــدى .. سوالف و وناسه .. حياكم الله

لا عادي تعودت .. دايما المنسيه
مانسيه منسيه .. قمت اغني
لا عادي اشدعوا .. كيفو ان شاء الله تمام

 

[keeka]

رد : ديوانيــة المنتــدى .. سوالف و وناسه .. حياكم الله

واييي بنت العز عورتي قلبي الله يرحمها ويغمد روحها الجنه
شنو كان فيها .. الله يرحمها والله يصبر اهلها

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

بنات اشرايكم نعقد صلح


نبي هالسنه ما نقول الا اخبار حلوة

يعني وناسه و فرفشه

بس خلاص ملينا و تعبنا من الهم و الغم

عفيه بنات نبي نستانس

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

بنت العز الله يرحمها ويغمد روحهال الجنه ويصبر قلب اهلها امييييييييييييييييين

 

[بنت العز]

رد : ديوانيــة المنتــدى .. سوالف و وناسه .. حياكم الله

أدري ضيقت خلقكم واهي مسكينه يايه اتسوي زراعه كبد للمره الثانيه لان عتدها مشاكل بالكبد ,,,,


المهم :-

اطلعت متوفيه تاريخ 31-12-2004

ردلي التفائل بهالسنه يااارب تجعلها سنه خير

 

[فروحة توحة]

رد : ديوانيــة المنتــدى .. سوالف و وناسه .. حياكم الله

الله يرحمها يا بنت العز

ويصبر اهلها

كوين اسمها كوفي هاوس بالجمعيات
ما جربتيها

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

عاد ياحاااااااااااااااااافظ






عزميني علي رشفه يامعوده يا فروحه دا فنجان اد كدااااااااا وبيداري كدا ولاهو داري كده وطب ليه
ايوا



بنات عفيه تفائلو بالخير تجدووووووووووووووه




خل نتفائل وادوها بمبه تديكو طراوه

 

[نفيشه]

رد : ديوانيــة المنتــدى .. سوالف و وناسه .. حياكم الله

يالله الله كريم انشالله ويعدل الاحوال
وانشالله التفائل موجودن موجودن موجووووووووووووووووووووووووووووووووووووووووووووود

 

[رفرف]

رد : ديوانيــة المنتــدى .. سوالف و وناسه .. حياكم الله

سلام بنات ..
شلونكم .؟

وي بنت العز الله يرحمها يارتكم ويصبر اهلها انشالله ...

جوريو سلامات يابت ..

هابي نيو ييييييييييييييييييييييير ياعصافير ..
شخباركم وين رحتو وين ييتو ؟
احتفلتو والا لا ؟
الله يا انا احتفلت احتفال ..
قزيت قز ماصار ولا استوى ..
وشريت كاميرا ديقيتال ياقماعه آه والنبي ..
وطار المعاش من اول الشهر وانا ماشريت بدلة العيد ولالالالالالاشي (استغفر الله شريت دراعة وجنطة وجوتي بس)

 

[keeka]

رد : ديوانيــة المنتــدى .. سوالف و وناسه .. حياكم الله

صباح الخير .. اشلونكم يا احلى بنات ان شاء الله بخير

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

السلام عليكم


يا صباح الخير يالي معانا يالي معانا

الكروان غنا وصحانا و صحانا


اشلونكم بنات

شخباركم

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

صباح الخير انا يايه احيي الميد وامشي


عن اذنكم عندي شغل وايد

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

حياج الله كوين

و الله يعينج

بس ترى العمر يخلص و الشغل ما يخلص

اسمعها وايد
جنه مو مكانها الحين!!!

 

[xxx]

رد : ديوانيــة المنتــدى .. سوالف و وناسه .. حياكم الله

صبحكم الله بالخيــــــــــر

شلونكم ؟

شخباركم؟

شعلومكم؟

من زمان عنكم ولهت عليكم وعلى سوالفكم

اليوم تلفوني خاني وماطق المنبه وقعدت 8.30

وطبعا ماكو دوام باخذه عرضي >> بسم الله تو السنه

بنت العز
---------
عظم الله اجرج

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

السلام عليكم بنوتات

عظم الله اجرج يابنت العز ، وصج مو خوش خبر بس بعد كل له عمره ، والله يرحمها برحمته

جورية ماتشوفين شر ، ويلة داومي وطلي علينا طلة

فروحة توحة شلونج شخبارج مع النيو يير ؟؟ وكوين اليوم مشغولة بعد عمري الله يعطيج العافية

السفيرة عزيزة وكيكي ، ورورو ونفيشة ورفرف وبنت الكويت ودموع وباجي البنات الحلوين ، يلة سولفوا ؟؟

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

هلا و الله رقيقه

اشلون الوالده عساها احسن

طمنينا عليها