ديوانيــة المنتــدى .. سوالف و وناسه .. حياكم الله

[زيـنـه]

رد : ديوانيــة المنتــدى .. سوالف و وناسه .. حياكم الله

عاد زينين يا رقرق .. انا ابيها هنديه .. تتكلم و تقرا انجليزي و شكلها سنع و ذرب .. يعني عصله و عمرها بال30 نات ..

جني باخطب مو ابي خدامه .. بس ما عليه ساعدوني الله يساعدكم دنيا و اخره ان شاء الله

 

[سمسميه]

رد : ديوانيــة المنتــدى .. سوالف و وناسه .. حياكم الله

السلام عليكم
اشلونكم يا بنات شخباركم واشلونكم مع الويك اند الي طلف؟؟
بالنسبه لي كان ويك اند حافل بالماسي!!!
يوم الاربعاء كان يوم الكوارث اول شي بنتي العصر طاحت على وييها على الرخام وانشق برطمها وظرسها انعوى!! وطلعت لها صعروره وخلت قلبي يطله من مكانه من الخرعه بس الحمدلله عقب ما وديتها الطبيب قال جت سليمه وان شالله الضرس الجديد الدائم ما راح يتاثر بالسن اللبني الي انعوى!
بعدين طلعت المغرب ابي اروح اشتري حق بنتي هدوم روضه شتويه ورحت حولي انا واختي وكانت الزحمه رهيبه واحنا واقفين ندور مسفط شفنا وحده تصير لنا عينها حاره واهيا ما كالنت لاقيه مسفط فالظاهر انها عطتنا عين ابتنا ارض ارض
اول شي وانا قاعده احاجيها دعمت السياره الي جدامي و طلعت راعيتها هيلقيه ونزلت وشرشحتني جدام الناس !! وبعدين دشينا السوق واختي ظاعت وتليفونها ما فيه شحن تتصل فيني!! واخرتها صبع ريلي انزلق من الجوتي وانتوا بكرامه وورم وصار فيه التهاب حاد وقضيت الليل بالطبيب يلفون لي اياه!!! يعني عينها بدعت فينا!!!
الخميس كان عرس بنت خالي طبعا لا رقصت ولا استانست لان صبعي يعورني!!
وختامه مسك امس الجمعه بنتي صخنت ووديتها الطبيب طلعت مريضه يا قلبي وعطاها مضاد وادول..اليوم الصبح ريلي يايتله الحاله ما غيرها(العساره!!) وزف الخدامه من الصبح لان حضرته يبي يتبخر واهيا يايبتله الفحمه مو شابه عدل زف الخدامه وزفني معاها والي حرني اكثر انه كت ماي على الفحمه والبخوره حسافه عليها ليلحين ما شبت!! عاد من النوع الطيب!! و الحين انا مخليه الياهال بالبيت بروحهم و قلبي ماكلني عليهم !!
هذا تقرير عن اخباري ..ولا حول ولا قوة الا بالله

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

والله يازينة على حسب، يعني الخدم حظوظ بعد ماأقدر اقولج زينين ولا لا انت وحظج بس جربي منت خسرانة شي

سمسية
الله يعينج ماتشوفين شر حبوبة، والله يكافيكم شر هالبنت هذي، وديري بالج وخلي الاذكار على لسانج على طول ،

 

[زيـنـه]

رد : ديوانيــة المنتــدى .. سوالف و وناسه .. حياكم الله

سمسميه ... ما تشوفين شر لا انتي و لا بنيتج .. و الحمدلله على كل حال اللي يت على جذي ..
و لا حول و لا قوة الا بالله .

 

[زيـنـه]

رد : ديوانيــة المنتــدى .. سوالف و وناسه .. حياكم الله

رقيقة .. اجرب ليش لا .. ولو ان الفحيحيل درب بس يمكن اكو شي مستخبى هناك .. مشكوره و انطر باجي البنات يساعدوني .

 

[فروحة توحة]

رد : ديوانيــة المنتــدى .. سوالف و وناسه .. حياكم الله

سومسمية ان شالله غدا شرها
تاسم الله عليها

بنات نصيحة اذا تبون تطلعون وخايفين على عيالكم من خدمكم ولا اذا قطيتوهم المدرسة اول شيء

المعوذات
بعدين قولي استودعكم الله الذي لا تضيع ودائعة
وقولي بسم الله الذي لا يضر مع اسمة شيء في الارض ولا في السماء وتوكلي على الله
وربي الحافظ

كيكة لا تهتمين عزيزتي كافي وجودج يالغالية
يالله بنات يأذن قومو صلو ا

 

[سمسميه]

رد : ديوانيــة المنتــدى .. سوالف و وناسه .. حياكم الله

شكرا يا بنات على الدعم المعنوي..ما قصرتوا...
فروحه ..عاد انا قريت هالدعاء قبل ما اطلع الحمدلله والله الحافظ
عزيزه...وينج؟ شكلج مزرقه؟؟ طحنا عليج!!

 

[فروحة توحة]

رد : ديوانيــة المنتــدى .. سوالف و وناسه .. حياكم الله

سبحان الله انج قريتية وعرفي ان الله ستر
ولطف الحمدلله

تصدقي لها

آآآآآآآآآآآآآآآآآة من عيون الناس اعوذ بالله

تقولين رصاص

 

[جوريه]

رد : ديوانيــة المنتــدى .. سوالف و وناسه .. حياكم الله

السلالالالالالالالالالالالالالام عليكم

اثاااااااااااااااااااااااااااااااااري كل خدم اغبيه الحمدلله والشكر مخوخهم مصينه عمى بعينهم

سمسوووومه
ماتشووف شر بنتج وشهالويك اند التعيس صج يالله الحمدلله على كل حال وانا رحت حولي الخميس صاج موووووت بهالزحمه

فروحه شلونج حبوبه؟

رقيقه
شخبارج وشلون بنيتج هاااا خلصتي لها الطلبيه ولا بعدج؟

رورو
تعوودنا على خدمنا وغبائهم بس الله يحفظ عيالنا منهم يارب

زوزو
الحمدلله على السلالالالالالالالالالالامه وين غطيتي يا بنت ولهنااااااااااااا علييج تعالي بالاحضان انا قلت يمكن رايحه شهر عسل لمكان بعيد عن العالم خخخخخخخخخخخخخخخخخخخخ
شلون الاجازه بشري؟؟

وكل البنات شخباركم؟

 

[سمسميه]

رد : ديوانيــة المنتــدى .. سوالف و وناسه .. حياكم الله

جوريه اشلونج؟ اش هالغيبه من زمان ما شفناج؟

 

[جوريه]

رد : ديوانيــة المنتــدى .. سوالف و وناسه .. حياكم الله

انا الحمدلله وموجوووووووووووووووده و24 ساعه اطل عليكم بس انتوا اللي غااااطين غطة سنعه

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

سمسميه
ما تشوف شر بنتج
وريلج عسى راحت العسارة بالدوام
الله يهداه

جوريه هلا حياتي و الله ولهت عليج وايد وايد وايد
الاجازة زينه الحمد لله كنت حاطه في بالي اشياء ثانيه
بس الحمد لله
ما كل ما يتمناه المرة يدركه


بس المهم انتوا اشلونكم
ترى صج صرت ما احب اخذ اجازات عشان لا ابتعد عنكم
يحليلكم ولهت عليكم و الله

رقرقه اشلونج ما سمعت صوتج

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

انا بخير عزيزة، وكاني موجودة سلمت عليج بالصفحة القبلية بس يمكن ماانتبهت ؟

شخبارج انت وعسى الاهل كلهم طيبين ؟

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

مشكورة حبيبتي

اشلونج حبيبتي رقيقه

شخبارج

انا الحمد لله بخير كلنا تمام ما تنقصنا الا شوفتكم

 

[xxx]

رد : ديوانيــة المنتــدى .. سوالف و وناسه .. حياكم الله

عدنااااااااااا من جديد

شخباركم بنوتات


واي توني يايه من الدوام والجو يلوع الجبد غباااااااااار

عزيزة

الحمدالله على السلامه نور المنتدى
شالغيبه ولهنا علييييييج


زينه

شلونج شعلومج تبين مكتب زين روحي العميري
قوليله الي تبين واهوا يعلمج على المنطقه الزينه مالتهم
وهذا رقمهم : 2633234
وعندهم مندوب اذا تبين دقي واييج لي البيت


فروحة توحة

شلونج ياعسل وشخبار الرجيم


رقيقه

هلا وغلا بام فروحه
الكشري طلع مو طبيعي مشكورة واااااااايد على الطريقه
نزلي الطريقه للبنات علشان يستفيدون ومع صورة رجاءا


جوريه

شلونج وشلون اليهال ؟


سمسمية

خطاااااااكم السو ..
كل هذا من العين اف اف اف
سلامات ماتشوفون شر


كاجول - دموع الكويت - سويتا - نفيشه - رفرف - كوين
كل البنااااااااااااااات شخباركم

 

[حبيبي الوطن]

رد : ديوانيــة المنتــدى .. سوالف و وناسه .. حياكم الله

اهلين بنات شخباركم ...
لول رورو اشوني ما دشيت المنتدى انا من كليته و جبدي تقلب واي استغفر الله كل ما حبيت شيء اكرها اهم شي المره مسويه جو رومانسي و شموع و تب كنتاكي ما يلوق
باجي البنات شخباركم ... خلونا من سوالف الخدم اللي ما تخلص وسولفوا

 

[حبيبي الوطن]

رد : ديوانيــة المنتــدى .. سوالف و وناسه .. حياكم الله

هذا الأزرق يالله حيوه هذا الأزرق حبيبي !!
يالله يا بنيات لصقوا بريايلكم الحين بتبدا مبارة تجريبيه على قناة دبي وبو ظبي بين الكويت و الإمارات

 

[roro]

رد : ديوانيــة المنتــدى .. سوالف و وناسه .. حياكم الله

السلام عليكم ورحمة الله وبركاته

سمسيه خطاج السو ان شاء الله وما لج غير ذكر الله الصراحه العين حق وما تدرين من وين اتيليج وما تشوف شر بنتج تكبر وتنسى ان شا ءالله وعلى عسارة الريايل طوفي بعد شتسوين وخاصه الصبح

البقيه شخباركم وعساكم بخير
عاش من شافج عزيزه

نفيشه ما يشوفون شر اعيالج ان شاء الله

جوريه شخبارج

رقيقه شخبارج

زينه شخبارج

حبيب الوطن حسافه ياريت قاريه قبل لا تاكلين هههههههههههههه واشوه اليل عندي مو راعي مبارات vidio games وذابحني فيه
بنت الكويت شخبارج وان شاء الله بخير
فروحه شخبارج
كوين مالها بينه اليوم اخاف اجازه

وبعد شكو ماكو

بنات اليوم حاشنا زلزال واااااااااي قمت اتراجف ابمكاني ماادري شسوي اخاف اتحرك وريلي بسبات عميق الله يحفظه بس قعدته وقلت له الحق زلزال اخاف اموت وما اشوفك مسك ايدي وقالي نامي نامي والله حاله

وتالي عواصف اتخرع الدرايش اختضت خض مو طبيعي وااي يا صوت العواصف موووت يارب سترك
ودرجه الحراره -1 سحتني صقعه مو طبيعيه

واليوم خلصت صايم ثاني يوم من الدين والفال للبقيه

 

[حبيبي الوطن]

رد : ديوانيــة المنتــدى .. سوالف و وناسه .. حياكم الله

اف اف اف خطاااااااااااااااااااااااااااااااااااااااااااااااااااااااااااااااااااكم السو رورو مو بشاره الله يكافيكم الشر !!! لا حول الله !!!

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

السلام عليكم

اشلونكم بنوتات .. شخباركم

اشكركم حبيبات البي على المؤازره .. ما قصرتوا و الله .. خو انا و خدامتي قصص الله وكيلكم .. اذا راده على النسكفيه زين .. سوالفها تييب الدق .. حسبي الله على ابليسها .. بس شنسوي .. لازم نطوف ..


رورو .. خطاكم السو .. الله يعينكم على الجو عندكم ... زلازل مره وحده ؟؟؟ الله الحافظ ..