ديوانيــة المنتــدى .. سوالف و وناسه .. حياكم الله

[**فلونه**]

رد : ديوانيــة المنتــدى .. سوالف و وناسه .. حياكم الله

قوه بنوتات .........شلونكم شخباركم ..............


حضرتي مسويه رجيم وبنفس الوقت مشتهيه كيك .......؟؟؟؟؟؟؟؟ صج عذاااااااااب

 

[رفرف]

رد : ديوانيــة المنتــدى .. سوالف و وناسه .. حياكم الله

سلام بنوتات عسولات ...
شلونكم مع الغبار ؟؟

رورو
خطاكم السو عاد اكره ماعندي الزلازل امووت من الخرعة ...
تذكرون ياتنا فترة بالكويت زلازل على خفيييف بس والله تخرع ...

سمسمية
خطاج السو والله يكافيكم شر العين وعسارة الرياييل

باقي البنات جميييييييييييييعا بدون استثناء ...
شخباركم ؟

انا الحساسية ذبحتني بمووت من الكحة وراسي قام يعورني من كثر ماكحيت حتى البنات بالمدرسة صايرة اليفة معاهم مافيني حيل ازف احد ...
ورديت من الدوام والا بنتي وخدامتي مرضى موو قته وفيني بداية انفلونزا ... يانهار مش فايت ..
وميتة من اليوع رحت الدورة ورديت وانا ماكليت شي ...
وريلي قال بييب عشا وتأخر شكلي باكل الكيبورد ...
وبس هذا يومي الحافل ...
انتو شلونكم ؟؟؟

 

[**فلونه**]

رد : ديوانيــة المنتــدى .. سوالف و وناسه .. حياكم الله

رفرف كلش ولا الكيبورد اخاف مانشوفج بعدين والله يعينج الحاله كسيفه عندكم ماتشوفون كثروا من فيتامين سي

 

[شجون]

رد : ديوانيــة المنتــدى .. سوالف و وناسه .. حياكم الله

هههههههههههههههههههه


والله انكم تضحكون

 

[حبيبي الوطن]

رد : ديوانيــة المنتــدى .. سوالف و وناسه .. حياكم الله

اهلين بنات رد البرد اح يعور .. انا رحت الرحاب الله وفقني بثريويه مو ثريه عوده بس نعومه وعندي لويه ليش الأربعا عازمه الحموله عشتو والحين قاق قاق نساة تايم تصبحون على خير

 

[xxx]

رد : ديوانيــة المنتــدى .. سوالف و وناسه .. حياكم الله

السلام عليكم

شلونكم

واي رورو شنو هذاااااا زلزال عاااااااد
الله يكافيكم الشــــــــر

نفيشه

مايشوف شررررر
الله يعينج على اللويه

رفرف

سلامات ماتشوفون شر

 

[**فلونه**]

رد : ديوانيــة المنتــدى .. سوالف و وناسه .. حياكم الله

شجون عسى دوم هل ضحكه

 

[xxx]

رد : ديوانيــة المنتــدى .. سوالف و وناسه .. حياكم الله

فلونه شخبارج وشلون الرجيم ؟

شمسويه اي رجيم ؟

 

[xxx]

رد : ديوانيــة المنتــدى .. سوالف و وناسه .. حياكم الله

هلا نفوووووووووش

سلامته حبيبي مايشوف شر

جان قلتي حق الطبيب مابي شراب والله اذيه

والله يوفقج بروحتج للطبيب

 

[^^دموع الكويت^^]

رد : ديوانيــة المنتــدى .. سوالف و وناسه .. حياكم الله

صباح الخير بنات شلونكم شخباركم ؟؟


شلووووووووونكم مع البرد وااااااااااي موووووووت اليوم برررررررررد

شنو هالجو يوم برد ويوم حر يوم برد ويوم حر ما عرفنا نلبس شتوي ولا صيفي


ان لبسنا شتوي صار حر وان لبسنا صيفي صار برد

 

[سمسميه]

رد : ديوانيــة المنتــدى .. سوالف و وناسه .. حياكم الله

السلام عليكم..
اشلونكم بنات
رفرف ..ما تشوفون شر ان شالله
نفيشه...ديري بالج تطعمين ولدج وهو مريض خل يطيب وبعدين يصير خير انا مره اخرت تطعيم بنتي شهر ونص
دموع الكويت..اليوم موت البرد عاد ما لبست بنتي الجاكيت الثقيل لبستها الخفيف يا بعد قلبي الحين احاتيها
باجي البنات اشلونكم؟؟
امس رحت معرض الكتاب والله حلو وشريت منه حقي وحق بناتي روحوا له بيتم لي 4-12

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

صباح الخير جحجايج
انتو واصلين صفحه ا184

عاد رجاءا عطوني مجال اقري اللي طافني انا قلت اسلم واطق كرت
وصلت صفحه 175 توني ببطلها
ورور سلامت ياعمري ماتشوفين شر من الماي اللي حاشج
ويعدين مايسوا تتهاوشين علي موضوع ربه المنزل مع ريلج من الحين لي خلص يصير خير
لحظه اكمل

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

انتاج صفحه 175 :


نفوش اذا انتي حارقج مبخر انا حرقني ليت شال اليلد عن ايدي
واااااااي ما انسا هالسالفه صج كان عمري 7 سنين بس ماراح انساها والله اتذكر شكل الليت اللي حرقني

رفرف
انا اموت خرعه من الدم وماتحمله
شغلتين ماتحملهم احد يرجع ، او دم ماتحمل هالمنظرين والويك اند هذي ابتلاني الله بالترجيع جابلت ناس اترجع

جوريه : حررررررررررررره كل هالفراره مالتج خلصتها يوم واحد بخيطان خذيت اندر وير حق ريلي ويونيفرم وجاكيته حق خداماتي ، بجامات مخمل حق بناتي كل من يسال عنهم ، دراريع مخمل ، اندر وير حق ريلي وجواتي تنس حق بناتي اما الهيلاهوبات وهالشغلات ما الك الا مال الله ولاتعبين حالج


يالله عن اذنكم بروح صفحه 176

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

انتاج 176

جوريه هذي حالتج بيوم بس؟
انا حالتي كل يووووووووووووووم علي هالسالفه مره شيخه مره صبا مره شيخه مره صبا
واخر الليل تلقينهم اهم بالسرير وانا بالاطراف
واااااااااااي ابي بس انام نومه هنيه يوم جذي هدوووووووووء وانام براحتي ماكو كل ساعه قعدي وعدلي نومتهم والا غطيهم والا قري عليهم والا وخريهم عن بعض لان وحده انقلبت علي الثانيه
لاويك اند ولاويك داي مايفرق يوم دوام عن اجازه
انا النوم نسيته من غقب مايبت عيالي
ومادري ياربي شنو ممكن اسوي
حتا دارهم مو متقبلينها ولاراح اقدر اخليهم ينامون بروحهم فيها
او معناتها اني انتقل لهم بالدار
وماقدر اخلي الخدامه تنام وياهم لانهم حييييييييييييييييييييييل متعلقين فيها مابيها تنام عندهم باجر تصير اهي الكل بالكل عندهم

سويتا

ترا حيل انقهرت علي سالفه خدامتج ويا النسكافيه لابارك الله فيها تحررررررررررررر انزين شنو هالغباء؟ او قاصدتها اكيد هنديه اهم لهم هالحركات
وااااااااااي
نفس نمونه القذيفه اللي عندي حق شغل البيت تخلييني اصرخ من قمه راسي
امس قمت اصرخ جني هبله بالشارع من شي سوته فيني بغت تكسر الكرسي مال السياره اتصدقيييييييييين؟ عاد اهي هيئه مصارع وعرده ممكن تكسره ويطلع بايدها قمت اصرخ واصرررررررررررخ واصررررررررررررخ وبناتي قبلها كانو يبجون وزادو بجي امس ماساااوي بشكل اخلص تجيك علي هذرتكم وابلغكم اخباري العظيمه


بتوتيا
شفتي هالايام اللي مو عاجبتج؟
تراهي احلا ايام العمر
ايام الجامعه
بتجربين عقبها الدوام والشقا وقولي كوينو ماقالت

يالله خل انكمل

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

انتاج 177

بنت الكويت
انتي خدامتج صمخه؟
انا خدامتي فنبله وغبيه واستغفرالله بقره بما تحويله الكلمه حتا ريلي ناداني وقالي بفاتحج بموضوع سويلها رجيم
قلت لهذا اللي ناقص اخذها خذر ويايي واناادش واهي من بعدي تخيلو ويعطونها ردكتيل وزنكال
ماكمكو شي قدها وعلي بالها رشيقه القوام
وياشينها لي اشتطت وسوت عمرها شقرديه تعفس الدنيا فوق حدر
تقولين لها طلعي جدر تروح تبشر جزر
اقول لها يبي قمير من الثلاجه تروح تبطل درج البهارات وتخزه سنه كامله وتقولي ماما ماكو كمون !! منو ياب طاري الكمووووووووووووووووون
وامس قلت لها سوي لليهال علي الغدا ناجيتس وبطاط ييت لقيتها مسويه ميني ناغست ثلاث !! عنونات حيل جان اقول لها سوي زود والا تروح وتحط جدر ماي علي الجوله وتسخنه وتحط زيت زيتون فيه وورق غار وارغانو قلت لها مدام شنو قاعده اتسوين؟ جان تخزني جني غبيه وتقولي معكرونيه مو انتي قلتي سوي معكرونيه
تدرين شنو كان خاطري ؟
اطلع المقلاه وارقع فيها راسي نفس الرسوم
واي تقهر تبط الجبد حدها

سويتا انتي لقيتي بصله؟؟
انا امس يايني ناس وبناتي طلعو كل اللي بالثلاجه
بالله شيوخ كتت الزيتون بالقاع وقامت تتسبح فيه
وخدامتي القذيفه تقول ان قلت لها قامت تبجي (لا والله)
عاد بناتي من كرمهم وحسن ضيافتهم عقب مايابو كل العابهم يابو اللي بالثلاجه واول شي يابوه الدايت كوكا
عاد انا قاعده جا احطه علي القنفه يمي واول ماولت بنتي خشيته ورا الكوشيه علشان ماتطلبه مره ثانيه
وعقبه ما مشو الناس رحنا انا وريلي انكملب اغراض الجمعيه رديت بالليل والا البيت مرتب نظيف
وكل حاجه اوكي
والقنفات مرتبه
قعدت والا شي يعور ظهري
والا الدايت كوكا لي الحين ورا القنفه ناديتها قلت لها ليش هذا هني؟
تقول انتي حاطته اهني قلت اخليه مادري انتي ليش حاطته والله العظيم !! (تتحلطم علي يعني مو عاجبها وتلقينها تقول معزبتي غبيه تحط البيبسي بين القنفا ت وعندها بدال الثلاجه ثنتين)


فروحه
قولي امين ماتدور السنه الا بحظنج ولد امييييييييييييييييين

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

وي نسيت
وينج عزوز علي هالغييييييييييييييييييبه
حللني اهلا ونزلتي سهلا والمره الييايه ان بغيتي تاخذين اجازه بلغينا بليز بغينا انطرش فرق الانقاذ اتدورج

زينه
موجود مثل ماتبين بس طلبيه وتنطرين شهرين او ثلاث

 

[فروحة توحة]

رد : ديوانيــة المنتــدى .. سوالف و وناسه .. حياكم الله

يا عمري يا كوكو زالله زالله انة دعوتج خلتني ابجي واغروققت عيوني من الدموع ولا قادرة اكتب
الله يحفظج ويخليج ويستجيب دعائج ويبلغج في بناتج عرايس ويعطيج زود عيال
اللي يكونون عون لج ولابوهم ويرفعون راسج

بروح بغسل ويههي لا احد يلاحظ واقعد اشاهق من البجي

 

[زيـنـه]

رد : ديوانيــة المنتــدى .. سوالف و وناسه .. حياكم الله

صباح الخير يا وجوه الخير كلكم ..

شلونكم و شخباركم مع البرد القارص . . . عسى ما صار فيكم بيات شتوي و نسيتوا دواماتكم مثلي .. اللــــــــــــــــــــــــــه على التاخير يا سلااااااام سلم .

نيي للمسجات الشخصيه :

بنت الكويت .. مشكوره على رقم مكتب العميري .. بس اتهقين عندهم ناس جاهزه وواصله للكويت ؟ لاني ما اقدر اطلب و انطر .. الله كريم

نفيشه .. ليت الخدم ايووننا بريولهم .. المشكله احنا اللي انيبهم و احنا اللي انتعلل .. يا من شراله من حلاله عله .

رورو .. خطاكم السو .. و هذا طبعع الريايل .. ما يخافون و كل شي عادي و ايزي .. ما ادري شنو اللي يخرعهم و يشلع قلوبهم شلاع ..

باجي البنات .. شالاخبار ؟

 

[فروحة توحة]

رد : ديوانيــة المنتــدى .. سوالف و وناسه .. حياكم الله

اشلونكم بنات

السموحة ترى نسيت انا وين

السلام عليكم

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

سمسومه
هذا غيض من فيض
اهي مو الويك اند بس اللي تبن
اخر السنه كلها تبن ومآسي
عاد اتصدقين كل سنه شهر 12 تصير لنا بلوه عظما حييييييييييل في بيتنا
وشهر 11 و 10 تباشير
بس هالمره التباشير اللي صايره حيل جايده وقويه
كل شي اتوقعه وما اتوقعه صاااااااااار
حتا وفاه صارت استغفرالله
وبلاوي زرقا متلتله
طلاق
زواج ثاني
وحده ريلها ايكلم بنت خالتهاا
وحده انحاشت
ويهال اسقطو واهم متفوقين مشاكل دشت داخل بيوت ناس تعز علي حيل
كل شي استغفرالله ماقول الا اللهم اني لا اسالك رد القضاء ولكن اسالك اللطف فيه
استغفرالله حتا لي فرحنا فرحتنا ناقصه
اخر شي يوم اليمعه مستانسه وطالعه مع ريلي مو طالعين طلعه روئان من قبل رمضان
تاليتها قضيت تكمله السهره بالمواساه لين الساعه 5 الفير ريلي انعفس وتعومس خييييييييييييييييييير شر
وبناتي مرضا بالبيت وعندهم الخدامه
وامس صارتلي سالفه مع بناتي فقدت اعصابي وقمت اصرخخ نفس الكواوله
جان سمعتو عن وحده كولت بجمعيه الروضه امس بالليل عرفو ان هذي انا
واي يائلبي ياكتكت يامانت بتشوف وتسكت
اني اعاني اني اموت اني حطام علي قوله كاظم
عانيت عانيت لاحزن ابوح به ولست تدرين بشئ عن معاناتي ، امشي واضحك ياليلي مكابره عني اخبي عن الناس احتضاراتي لا الناس تدري مابي فتعذريني
اييييييييييييييييييييييييه دنيا وحدوووووووووووووووووووووووووووووه