ديوانيـة --> بجريآت <-- : تعالوا نفضفض ونسولف !

[نور الضي]

هلا سور
شلونج؟
بشرينا ما راجعتي وعرفتي شنو فيج؟

 

[lawyara]

هدهد الله يبارك فيج حيااتي ،، أجمعين يا رب ♡♡♡

 

[لوولوو_88]

هيااااا نوري حياتي .. اتغلى هههههه .. انا تمام بس النساة و بعدها مرضت فلونزا و كحه و لوز و حراره هلككككتتتتت من المرض ..

سووور من طول الغيبات و ربي اتمم على اخوج و يوفقه ..

الله يسهل على فوشيا ولادتها يا رب و يهون عليها ..

 

[قرة عيونه]

حبيبتي لايف كله باجره يارب

بس خلي زوجج يجيبلج من الصيدليه مرهم ومطهر وملين ضروري اهم شي حق الخياط ويارب يخف بسرعه

هايدي الله يعوضها يارب بالحمل السليم الثابت باقرب وقت يارب العالمين

بنات اليوم صارلي ١١ يوم نفاس

ببدي اجهز حق الطلعه من الويك اند مو هذا الي وراه حدي متحمسه لووول

 

[نور الضي]

حبيبتي لولو
مكانج مبين

قره
مالومج تغيرين جو
قعده البيت تبط الجبد

 

[الأوركيد~]

صباحو بنات

ما شالله اليوم عندنا مطر
ما وصلت مكتبي الا مبلله و طبعا مكيف
فمسرسفه من البرد
بس شربت شي دافي
و يارب يحسون و يسكرونه
:eh_s(2):

هدهد و غنوجة

اي سمعت
ناس للاسف تطول نساتهم لل9
بس يا رب ما اكون منهم
:eh_s(4):
لانه وايد طمنوني و قالوا عادي تروح بال5 يا رب
و الحمدلله

فوشيا

الله يسمع منج
:eh_s(17):
و ان شالله أقسم مثل ما قلتي
و ربي ييسر لي و لكم
يالله
الدور الياي علييج
الله ييسر لج بالولاده السهلة يا رب


للكل
:eh_s(17):

 

[الأوركيد~]

تضع توأمتين في عامين مختلفين

أنجبت امرأة كندية (28 عاما)، توأمتين ولكن في عامين مختلفين تماما.

ولم يفصل بين الشقيقتين سوى بضع دقائق، حيث ولدت إحداهما قبل نهاية عام 2013 بدقائق والأخرى بعد بداية العام الجديد 2014 لتكونا بذلك توأمتين لكن في عامين مختلفين.

وولدت إحدى التوأمتين قبل ثماني دقائق من منتصف ليل الثلاثاء في عام 2013 بينما ولدت الأخرى بعد 40 ثانية من بداية يوم الأربعاء في 2014.

وولدت التوأمتان جابريلا وصوفيا قبل أسبوعين من الموعد المتوقع للولادة، وهما بصحة جيدة وكذلك الأم.*

 

[فيلسوفة تتفلسف]

صباح الخير

شلونكم بنات ولهت عليكم

لايف حمدلله ع السلامه قصتج تعور القلب الله يخليه لج ان شاء الله

انا كنت تعبانه كله ترجيع وبطني انا ع بالي بس ادش الرابع ارتحت من دشيته وانا كل بالفراش دوخه ولوعه ومااقدر اوقف صار اصعب من الشهور اللي قبل بس الحمدلله كل شي بأجره

 

[لوولوو_88]

حبيبتي نوري فديتج يالغاليه ♡

يالله يا رب تبشرنا بولادة الي عليها الدوور ربي سهل عليها بالولادة

 

[# غنوجة بيبي #]

غنووجه
ههههه انا قصدي ب يغنجونج يعني يدلعونج اوﻻدج واحفادج شتين أكثر من جذيه دلع

هههههههههههههه اي والله خوش دعوه

 

[# غنوجة بيبي #]

لويارا حبيبتي الله يهون عليج شدي حيلج مانبي دلع هههههه..و ديري بالج من تحسين بالطلق رحتي المستشفى تعبثوا فيج

نطري لما توصلين حدج حدج و طلق منتظم كل ثلث او ربع ساعه ...بنت عمي قبل راحت من اول طلقه حطولها طلق صناعي ماتت من العوار

عاد بولادتها الثانيه تحملت و حاشها طلق طبيعي تقول اقل من ربع عوار الصناعي..جنه مغص دوره على اقوى شوي بس

الله يسهل عليج لويارا

 

[# غنوجة بيبي #]

اهليييين قره...شخباااارج و اخبار النونو

بسألج شلون الكرشه بعد الولاده؟؟حيل خفت؟؟و متى حسيتي عوار الخياط خف؟؟

و مالومج عالسوق و التجهيز..تحسين الوحده ودها تغير جو من بعد الحمل و الولاده تتدلع ترجع نفس قبل..بس الجسم يبيله وقت الله يعين

 

[# غنوجة بيبي #]

الحمدلله خلصت تجهيز البيبي و خلصت تجهيزي

امس حست خلصت اغراضي و فصلت سرير النفاس و شريت الكفر

احس انجاز ماشاءالله بس رجعت متكسرررره هههههه

ما بقالي الا اغراض الجمعيه و الصيدليه الحمدلله




هدهد ما خلصتي شغلج؟

 

[عروسة فوشيآ]

بنات مو انا اللي علي الدور


خفت


ههههههه


الدور ع foshy

انا توني مادخلت التاسع

الله يتمم عليكم يارب وعلينا


غنوجه شريتي قمصان النفاس ??

تصدقون انا بديت بنفسي

شريت 3 قمصان عاديه للبيت
و2 قمصان كشخه اذا جووا ضيوف
4 تبديلات ملابس داخليه لاتنسون سنتيانات الرضاعه واللزقات عشان مايطلع حليب ويوسخ ملابسج
لازم ليقنزات طويله عشان مايدخلج الهوا
طواقي وملافع
مشد اندونيسي
دلاغات مهمه


ومن تجهيزاتي بعد شاريه ادويه نفاس من ام خالد معروفه
وشاريه خلطات من مزيونه وشقرا ابدا استعملهم من ثالث اسبوع


ابي ارجع عروس بعد الاربعين ههههه

 

[# غنوجة بيبي #]

فش فش اي الحمدلله خلصت شغلي

بس الادويات ببدي فيهم من نص الثامن باخذهم من العطار و امي تسويهم لي ان شاءالله



امبيه من صجج ماخذه مزيونه و شقره الحين..خوفج تخترب

انا بطلبها بعد اسبوعين من الولاده ان شاءالله..عشان ابتدي فيها من اليوم العشرين

و هم بطلب الحلو و الموالح اول ما اولد لانهم 3 ايام و يوصلون

الله يسهلل

 

[Om_Sanad]

قره ان شاءالله تخلصين النفاس كله وترتاحين

 

[نور الضي]

بناات شنو تاخذون من مزيونه وشقرا
الصابونيه ولا في شي ثاني

 

[قرة عيونه]

امين ام سند الله يسمع منج

غنوجه اكيد للبطن تغيرت شوي بس مو حيل نفس وصف الحريم تترهل ومادري شنو وتخرع لا الحمدلله

من سادس يوم قمت البس حزام واحس يشد بطني

وبس يطيح الخياط ان شاء الله بلبس كورسيه وفوقه الحزام عشان يشدها اكثر

وع الجسم اصلا شهيتي مو ذاك الزود فالكل ملاحظ اني قاعده اضعف

وبس يصيرلي عشرين يوم ببلش مشي وبس اطلع من النفاس ببلش رجيم وشغل عدل ويارب يرد جسمي نفس اول واحلى انا متفائله الحمدلله

 

[قرة عيونه]

اي صح والخياط من خامس يوم حسيته خف الحمدلله

لاني التزمت بالمضاد والملين

واهم شيء المرهم والمطهر اول باول استعملهم بس الخياط للحين ماطاح مادري متى يطيح

 

[عروسة فوشيآ]

لا غنوجه لالحين ماشريتهم بس حاطتهم باللسته

بطلبهم بعد الولاده ان شاءالله لاني ببدا من ثالث اسبوع





نور الضي

شغلتين عندها مهمات اما الباجي عاديات


اللي هي الخلطه الصابونيه
وكريم دلال هذا لوشن مبيض بعد الشاور

وحطيه عالبطن قبل المشد
ويسستعمل كريم ايد


كلهم حلوين عن تجربه