ديوانيـة --> بجريآت <-- : تعالوا نفضفض ونسولف !

[حبي وحياتي]

السلام عليكم احلى مامييييز ߑ:eh_s(17):
رحبوووو فيني عضوة جديده معاكم*
حييييل حبيب التجمع ربي يهون علي وعليكم ونستفيد من تجارب بعض
انا بجر وباول حمل لي دكتورتي حددت لي اخر موعد وﻻده ان شاءالله ب 8/30
ودكتورتي الاوليه كانت محدده لي 9/4*
مادري اي وحده الصاجه بس مو مهم ربي يتمم لي حملي ويرزقني الذريه الصالحه يارب :yaaaaaarb:

 

[HoD'HoD]

هههههه قرة تو الناس جدامج درب لي الاربعين تصبري

واذا على قعدة البيت حددددها مملة انا اول ٥ شهور ممنوعة من الطلعة نهااااائياً بس اروح مراجعتي وارد صج صج مملل الله يعينج

عشان جذي بالنفاس مو ناوية اسوي استقبال وبخلي الزوارات اي يوم طول الاربعين على الاقل ناس داشه وطالعة علي ماراح احس بالملل

 

[HoD'HoD]

حبي وحياتي

الف مبروك الحمل ربي يثبته لج ويرزقج الذرية الصالحة يارب

وحياج الله معانا

 

[live life]

الحمدلله الذي بنعمته تتم الصالحات ،،
هذي قصتي بنااات .. الله يأجرنا ان شاءالله ويرزقكم الولاده السهله الميسره يارب ..

طبعا انا من اول التاسع فحصتني الدكتورة وشافت الرحم مفتوح 3 سم .. استغربت وقالت قريبه ولادتج انا ارتبكت واستانست بنفس الوقت وهم انصدمت شلون فتح هالكثر ؟! كنت امشي واتحرك بالشهر الثامن بسبب التجهيز وهمن كان راس البيبي تحت فكنت اعاني من الثقل وعوار الحوض المهم بعد اسبوع رحت لموعدي كنت بالاسبوع 37 فحصتني الدكتورة مره ثانيه ولقته مفتوح 4 سم وانا هم مو حاسه ولا كان فيني ذاك العوار القوي قالتلي خلاص عالأغلب راح تولدين هاليومين واذا ماولدتي تعالي اوسعج وحطيت موعد وما ولدت رجعت لها عقب اربع ايام استغربت اني ماولدت فقلت لها وسعيني كنت داخله الاسبوع38 وجم يوم وقالتلي خلاص خلال 24 ساعه او 48 ساعه تولدين ، كان عوار التوسيع مو طبيعي بس اقدر اتحمله رجعت البيت وانا عوار ودم قلت عادي اذا زاد رحت الطبيب المهم عقب 5 ساعات كان عوار خفيف والدم وقف من لقافتي قلت خل اروح اجيك مو خسرانه شي رحت حطولي جهاز الطلق كان في طلق بااارد وخفيف مو طلق ولاده وفحصوني كان نفس الشي ماتغير 4سم اهما عندهم اللي جذي مفتوحه تدخل ولاده قالولي روحي امشي ساعتين بالممر ورجعي رحت هلكت عمري مت من التعب والالم وريولي تفخواا وايد رجعت لها ولا تفحصني لقته فتح سانتي هنيه مسكوني ماكو طلعه دخلوني ولاده وانا مو حاسب حسابي حتا جنطتي ما اخذتها المهم دخلت بدلت ملابسي واشتغلوا بهالتحاليل والدربات والفحوصات والاسئله وركبوا جهاز الطلق هالحجي الساعه 1 بالليل ماكان فيني طلق قوي تميت طول الليل قاعده ماقدرت انام ولا آكل خفت وارتبكت وليما الصبح الساعه 6 ماكان فيني طلق قالولي صعب نطلعج وصعب ننطر عليج وانتي مفتوحه 5 وماكو طلق فقالت لي نبط الماي عشان يزيد الطلق وتولدين انا خفت من هالسالفه طلقي بارد شلون يبطون الماي يمكن مايفتح الرحم ويأثر عالبيبي قالتلي الدكتورة اعطيج ساعه امشي واذا فتح الرحم عالاقل 7 مانبط الماي مشيت وفتح سانتي صار 6 قالتلي ماكو فايده طلقج مو منتظم وخفيف لازم نبط الماي توكلت على الله وبطت الماي الساعه 8 الصبح وحطولي جهاز الطلق صار طلقي شوي قوي بس مو منتظم واهم يبونه يصير كل دقيقتين ، رجعتلي الساعه 10 وقالتلي راح احطلج طلق صناعي لازم ينتظم الطلق ويزيد ويفتح الرحم 10 سم قلت اوكي ماعندي اي خيار ثاني كنت افكر بالبيبي واهو من غير ماي واي طلعت روحي .. فحطولي طلق صناعي وطلبت ابرة الظهر مادري حسيتها ماسوت شي مو ذاك التخدير وقت الولاده كنت احس بكل شي طقوني الابره وتميت انطر الطلق ينتظم ويزيد المهم صارت الساعه 1 الظهر بدا ينتظم ويزيد الطلق صار كل دقيقتين للساعه 2 فحصوني لقوا الرحم فاتح 10 سم زادوا الطلق الصناعي لان ماكان قوي وايد ، فبدوا معاي قالوا كل ماتحسين بالطلق سوي بوش دفعي برا طبعا هلكت مت مت لاني مو نايمه قبلها ولا ماكله وفوق هذا طلق صناعي وصرت فار تجارب الطلبه اللي يتدربون يدخلونهم يتعلمون صرت فرجه مالت عليهم ، المهم تميت اسوي بوش والبيبي يطلع شوي ويرجع صار فيني ضيق تنفس ودوخه من كثر التعصر لول والبوش حطولي كمام خنقني زياده وقطيته المهم بعد معاناة ساعتين لو مهما كتبت ماقدر اوصف التعب والعوار اللي حسيت فيه البيبي طلع شعره نص وتم الباقي داخل وانا قلت بس الحين يختنق قمت ابجي واصرخ واقول سحبوه شفطوه ماقدر واهم لا تقدرين خلاص وصلتي اخر شي اضطروا يشقوني بالمقص واي مت عواره الحين مو طبيعي ، وقالولي كملي بوش وانا مو قادره سبحان الله ربي هونها علي فجأه ولا اسمعه يبجي حبيبي راح كل العوار والتعب حطوه ع صدري كنت تعبانه ما استقبلته عدل وكانوا قاعدين يخيطون وصل الشق تكرمون لي ورا والحين مأذيني لا نوم ولاقعده ولا حركه عطوني مسكنات خفيفه حبوب بس لا غسول ولا مرهم ولا اي شي الحمدلله على كل حال طلعوني قبل يومين وكاني اعاني الحين مع هالخياط وفوق هذا صدري ناشف مافيه حليب ضايق خلقي ودي ارضعه عندي امل راح يطلع حليب ان شاءالله .

وبس هذي قصتي ان شاءالله محد يمر باللي مريت فيه ويرزقكم الولادات السهله يارب ومهما صار نطروا ع عمركم لا تستعجلون .. بسبب استعجالي قعدت بالولاده يومين الحمدلله يارب ع تمام النعمه التعب منسي ان شاءالله.
اي بنات انا مو بالكويت ولدت برا الكويت عشان لا تستغربون بعض الكلام .
الله يرزق كل محرومه يارب وسوري طولت عليييييكم .

 

[عروسة فوشيآ]

الحمدلله ع سلامتج لايف

الله يعينج تعبتي بصراحه

بالنسبه الخياط استخدمي ميبو وبيتادين ومضاد وغسلي بمنقوع المره وديري بالج يرطب مكان الجرح نشفي ع طول

وبخصوص الحليب سوي كمادات دافيه لصدرج واكلي رهش وحلبه اول 10 ايام يطلع حليب


ومبروووك ما ياج ويتربى بعزكم



بخصوص الحمل للبكريات
اول 3 شهور تعب ووحام ولوعه
وثاني ثلاث شهور حلوه وتنسين انج حامل
واخر 3 شهور ثقل وارق وتعب بس الاكل طبيعي الحمدلله



الله يسهل علي وعليكم يابنات

 

[عروسة فوشيآ]

الحمدلله ع سلامتج لايف ومبروك ماياج ويتربى بعزكم


بخصوص الخياط استخدمي ميبو + بيتادين + مضاد اذا تحتاجين
ومنقوع المره حلث غسلي فيه بس نشفي اهم شي لايرطب مكان الجرح


للحليب كمدي صدرج بماي دافي واكلي رهش واشربي الحلبه يدرون الحليب خاصه اول 10 ايام

 

[عروسة فوشيآ]

الحمدلله ع سلامتج لايف ومبروك ماياج ويتربى بعزكم


بخصوص الخياط استخدمي ميبو + بيتادين + مضاد اذا تحتاجين
ومنقوع المره حلث غسلي فيه بس نشفي اهم شي لايرطب مكان الجرح


للحليب كمدي صدرج بماي دافي واكلي رهش واشربي الحلبه يدرون الحليب خاصه اول 10 ايام

 

[الأوركيد~]

حبي و حياتي
الف مبروك الحمل
الله يثبته و يتمم لج يا رب
:eh_s(17):

قرة
بتعدي المرحلة
و بتصير احلى ذكريات ان شالله
:eh_s(7):

لايف
حبيبتي
الله يآجرج بكل ألم يا رب
و مبروك ما جاج مره 2
:eh_s(7):

كل الامهات الحلوين
الله يسهل عليي و عليكم يا رب
:eh_s(7):

 

[HoD'HoD]

لايف
قصتج تعور القلب خصوصا انج ماخذة طلق صناعي جربته صج صج يذبح

ان شاءالله كل شي بأجره وكل طلقة وألم فيه أجر

اهم شي انج بصحة وعافية والبيبي بخير الحمدلله

بس غريبة ابرة الظهر مالها مفعول!! يمكن كنتي تشربين قهوة او جاي وأثر على التخدير!

 

[حبي وحياتي]

هدهد شكرا ع الترحيب ربي يبلغج باللي تتمنينه
ﻻيف الف الحمدلله على سﻻمتج خوفتيني شلون الكمام ماينفع الاغلب اسمعهم يقولون ماتحسين بشئ ابدا
المهم مبرووووك ماجبتي ويتربى بعز امه وابوه

 

[# غنوجة بيبي #]

حبي و حياتي الف مبروك الله يثبته لج يا رب و حياج الله بينا

ليف لايف الف سلامه عليج و يتربى بعزكم يا رب..قصتج غير مشجعه اللهم انا نسألك التيسير..بس اهم شي قمتي بالسلامه و الحمدلله على كل حال
و الخياط تتعبين اسبوعين بعدين يخف حيل
بس مستغربه ماعجوج شي للخياط
لازم مضاد و دهان يخفف العوار..مو معقوله مخلينج جذي

ردي لدكتورج او روحي لدكتور شاطر عشان صحتج و يطيح الخياط بسرعه و يخف الالم

 

[# غنوجة بيبي #]

قائمة بجريات 2014 باذن الله


1- ( fo0oshy ( 3 / 4

2- (23/4) مآيكبرني نك

3- (lawyara (28 / 4

4- عروسة فوشيآ ( 2 / 5 )

5- ( 15/5) ليالي العاشقينه

6- (hod'hod (26 /5*

7- رفيعة الشآآن ( 27 / 5 )

8- # غنوجة بيبي # (4 / 6)

9-10- ( Zynah-Q8 ( 14 / 6 & منـال

11- شربات لوز ( 24 / 6 )

12- سور المدينه (28 / 6)

13- ( 4 / 7) om_sanad

14- (bnt-usa (7 / 15

15- مذهلة2013 (16 / 7)

16- (al_sheikha (29 / 7

17-18- ( 20 / 7 ) تدخلين القلب & ElRaZaH

19- نور الضي ( 6 / 8 )

20- سكر معقود ( 8 / 8 )

21- حبيبة حمد ( 25 / 8 )

22- حبي و حياتي (30/8)

23- آشوآآآق ( 2 / 9 )

24- طموحه بزياده ( 4 / 9 )

25- فيلسوفة تتفلسف ( 8 / 9 )

26- الأوركيد~ ( 17 / 9 )

27-28-29- ((هايدي)) & أمورته & لوولوو_88 ( 7 / 10 )

30- ( BaRBya ( 26 / 10

31- بدون بس مغتربه ( 30 / 10 )


♥♥♥♥♥♥♥♥♥♥♥♥


في بنات تأخرت ارقامهم لا تزعلون


تم اضافة حبي و حياتي للرزنامه

الله يهون عالجميع يارب

 

[جلنار الكويت 13]

واااي ليف لايف بأي دوله؟

الله ياجرج على اللي شفتيه ياقلبي عليج الحمدالله معاناة وخلصت اهم شي الحمدالله انتي والبيبي سالمين

بس حسيتج استعيلتي وااايد على الولاده قدرالله وماشاءفعل

بس غريبه ماعطوج كريمات خياطه اخذي غسول بيتادين وكريم ميبو وحده بوحده .. انتبهي من منقوع المر يقولون ينشف الخيوط وتنفتح الخيوط

 

[جلنار الكويت 13]

مثل ماقالت غنوجه روحي دكتور شاطر للخياط يوصفلج كريمات ومضاد
وعلى سالفة الحليب في ناس تاخذ خبوب تدر الحليب اسألي الدكتور عنها

 

[Om_Sanad]

واي ليف الله يعينج حبيبتي ان شاءالله تقومين بالسلامه

ومبروك مايااج

 

[لوولوو_88]

السلام بنات شخباركم ..

ألف مبرووووك لايف حبيبتي و يتربى بعزكم حبيبتي و ربي يجعله من الذريه الصالحه يا رب ♡

غنوجه هايدي أجهضت ربي يعوضها بالحمل السليم شيلي اسمها .. و اتمم على باجي البنات يا رب

 

[ElRaZaH]

الحمدلله ع السلامه لايف ويتربى بعزكم ان شاء الله

بصراحه قصتج تخرع الله يسهل علينا يارب

 

[# غنوجة بيبي #]

ليف لايف يمدحون تغسلين بماي و ملح..يقولون يخفف العوار و الحكه و يريح


لولو صج..الله يعوضها يارب

 

[# غنوجة بيبي #]

قائمة بجريات 2014 باذن الله


1- ( fo0oshy ( 3 / 4

2- (23/4) مآيكبرني نك

3- (lawyara (28 / 4

4- عروسة فوشيآ ( 2 / 5 )

5- ( 15/5) ليالي العاشقينه

6- (hod'hod (26 /5*

7- رفيعة الشآآن ( 27 / 5 )

8- # غنوجة بيبي # (4 / 6)

9-10- ( Zynah-Q8 ( 14 / 6 & منـال

11- شربات لوز ( 24 / 6 )

12- سور المدينه (28 / 6)

13- ( 4 / 7) om_sanad

14- (bnt-usa (7 / 15

15- مذهلة2013 (16 / 7)

16- (al_sheikha (29 / 7

17-18- ( 20 / 7 ) تدخلين القلب & ElRaZaH

19- نور الضي ( 6 / 8 )

20- سكر معقود ( 8 / 8 )

21- حبيبة حمد ( 25 / 8 )

22- حبي و حياتي (30/8)

23- آشوآآآق ( 2 / 9 )

24- طموحه بزياده ( 4 / 9 )

25- فيلسوفة تتفلسف ( 8 / 9 )

26- الأوركيد~ ( 17 / 9 )

27-28- أمورته & لوولوو_88 ( 7 / 10 )

29- ( BaRBya ( 26 / 10

30- بدون بس مغتربه ( 30 / 10 )


♥♥♥♥♥♥♥♥♥♥♥♥


طلعت هايدي الله يعوضها بالحمل الثابت يا رب..ادعولها بنات

 

[HoD'HoD]

الله يعوض عليها ويهون عليها ان شاءالله ويرزقها بالحمل السليم الثابت قريب ياااااارب