ديوانيـة --> بجريآت <-- : تعالوا نفضفض ونسولف !

[جلنار الكويت 13]

ابشركم دق علي قبل امس وراضاني وانا اكلمه وابجي ههههههه وتفاجأت حجز نهاية الاسبوع الجاي بيجي كم يوم ويرجع مشكووورين البنات اللي ردوا والله يسخر لنا ازواجنا

 

[Om_Sanad]

ان شاءالله فوشي هالاسبوعً تولد وتفرحنا

 

[قرة عيونه]

امين حبايبي زينه وهدهد

الحمدلله يارب احس ان نفسيتي كل يوم احسن من اللي قبله

جلنار وربي فرحتيني حيل الحمدلله يارب الله يخليكم ليعض يارب

شفتي قلتلج حتى هو نفسيته تعبانه لان بعيد عنج وانتي حامل زين سوا ان حجز وان شاءالله تستانسون وماتتزاعلون مره ثانيه

 

[بدون بس مغتربه]

جلنار الله يهنيكم ويخليكم لبعض... حاولي دايما تلتمسين له العذر...انا ادري الوحده شنو تسوي....وادري هرمونات الحمل شلون تخلي الكأبه تزيد... بس حاولي ماتخذين كل شي بعصبيه وسرعه ... تأني وان شالله كل شي بيكون تمام والله يهنيكم ويخليكم لبعض...

 

[HoD'HoD]

جلنار
عسى الله يتمم عليكم ويفرحج دنيا وآخره ويقر عينج بشوفته
واهم شي حبيبتي قعدي معاه تالي وشرحيله ان الحامل نفسيتها تتعب ومع الحمل تصير حساسة من اي كلمة عشان لا يتضايق منج ويقدر وضعج ترى في رياييل وايد مايدرون بهالشغلات

آمين ام سند ان شاءالله ربي يسهل عليها وتولد ولادة طبيعية ميسرة

نبي اللسته تمشي من غير شر يارب اذا وصلت من اول ثلاثة راح اكون في قمة السعادة ههههههه

قرة
الحمدلله رب العالمين الله يتمم عليج وتكونين دوم بأحسن حال يارب

 

[الأوركيد~]

جلنار
الف الحمد و الشكر لك يا رب
الله يهدي سركم يا رب
ولا يغير عليكم يا رب

قرة
ربي يشرح صدرج و ييسر أمرج يا رب
:eh_s(17):
تصدقين عاد
انا اول عبالي الوحده تولد و تفتك
و ان النفاس ربيع
اثاري وايد بنات تتغير نفسيتهم للأسوأ بالنفاس
الله يتمم علينا
ويسر نفوسنا
علييج بالاستغفار اختي
:eh_s(17):

 

[قرة عيونه]

تسلمون حبيباتي ع الدعاوي الحلوه

وان شاء الله بيمر الوقت بسرعه وبتولدون وتقر عيونكم بشوفة ضناكم

وبتذكرون ان فتره الحمل ع تعبها بس تبقى احلا فتره ولها ذكريات خاصه

 

[lawyara]

عاد صج فترة الحمال صج متعبه بس احس لها متعه خاصه وايامها حلوه وبتكون احلى ذكرى

 

[ZynaH-Q8]

قره الله يدووم عليج الراحه

انا عن نفسي ماحسها حلووه ان شاء الله اوولد وارتاح ﻻن احس مليت وجنه صارلي سنه حامل
واكيد هالشعوور طبيعي والكل حاس فيه

الله يسهل علينا ان شاء الله

 

[# غنوجة بيبي #]

جلنار الله يخليكم لبعض و يديم عليكم المحبه امين


زيون عادي بس انا احس جني توني احلل ههههه استمتعو بنات عادي

الحمدلله على كل حال يارب

و ان شاءالله يمر الوقت اسرع

 

[lawyara]

*** ***********

 

[lawyara]

انا اشوف الحمال فترة حماس ، اعيش مراحلها واشوف البيبي يكبر ابدي اجهزله واتخيل شكله وانتظر الامومه هذا بس احلى شعور بغض النظر عن التعب وابتكسر والحارج ♡♡

وصراحه اول ا شهر احس مشت سريع وحتى الحين اخر شي احسه يمشي لانه مقسمه وقتي وشاغله نفسي مع اغراض البيت وشغل استقبالي واودي اغراضي بيت اهلي حق النفاس ،، ف مو حاسه بهالبطء

 

[HoD'HoD]

بالنسبة لي أول الاشهر كنت عايشة حالة رعب مع اي حركة بسيطة انزف ومرت علي جنها ٩ شهور بس من وصلت نص الرابع الحمدلله نفسيتي تعدلت وقررت استمتع بكل لحظة واعيش تفاصيل هالنعمة ومرت بسررررعة

صج فترة الحمل نعمة وحلوة بكل تفاصيلها حتى بتعبها وخوفها وكل شي

وان شاءالله نعدي هالفترة على خير ونبدي مرحلة الأمومة وتكون أحلى بإذن الله

 

[قرة عيونه]

اي والله خصوصاً الحمل بالبجر تكون غيرررر

انا كنت مسويه رزنامه احسب فيها اسابيع الحمل وكل يوم اكتب التاريخ حتى ان ريلي مرات يسبقني وسجل تاريخ اليوم هههههه

وكنت محمله برامج وادخل كل يوم اشوف تطورات الجنين واوري ريلي

صج كنت انطر اولد على احر من الجمر بس هالنطره لها ذكريات حيل حلوه

 

[soft.eye]

السلام عليكم بنات عندي كفر استقبال ولاده تصميم حصه الحجي الي تبي تشوفه تكلمني ع الواتس اب 55033332

 

[HoD'HoD]

قرة جنج انا مو مخلية برنامج مو منزلته وبداية كل اسبوع اجبااااري اقعد ريلي واقوله شنو راح يصير فيني وبالبيبي ونقعد نحسب جم يوم باقي

متعة والله الله يتمم علينا ونفرح بالبيبي وكل البنات يارب

 

[مذهلة2013]

اول ٣ شهور خايسه حيييل نساه وترجيع ولويه
وشهر ٣ و٤ حاشني نزيف بس الحمدلله عدا على خير
الخامس حلو ومر بسرعه
والحين بالسادس وناطره ان شاءالله السابع و٨و٩
وان شاءالله الولاده

 

[نور الضي]

جلنار
عسي الله يسخركم لبعض
ياشين الزعل
والحامل بعد ما شاء الله نفسيتها مو شي اقل شي يبجيها

 

[قرة عيونه]

النفاس حدا غثيث ويمر بطيء

زهقت من قعدة البيت

 

[حبي وحياتي]

السلام عليكم احلى مامييييز ߑ輢r>
رحبوووو فيني عضوة جديده معاكم*
حييييل حبيب التجمع ربي يهون علي وعليكم ونستفيد من تجارب بعض
انا بجر وباول حمل لي دكتورتي حددت لي اخر موعد وﻻده ان شاءالله ب 8/30
ودكتورتي الاوليه كانت محدده لي 9/4*
مادري اي وحده الصاجه بس مو مهم ربي يتمم لي حملي ويرزقني الذريه الصالحه يارب :yaaaaaarb: