ديوانية --<-@ {{ One Day We Will Be Slim}}

[Queen of Sadnes]

اهلين برووووت نورتي وين هالغيبه؟؟

شلونج عساج بخير

 

[BiiShOoO]

انا الحمدالله بخير

و الحمال الله يسهل يا رب تعب بس يستاهلون التعب اليهال

 

[BiiShOoO]

كوكو شخبارج

 

[اليكسا]

شاطره اليكسا ومبروووووك النزووووووول ويالله شدي حيلج

الله يبآآآآآآآآرك فيييييك

:eh_s(15)::eh_s(15)::eh_s(15):

 

[brat]

هلا كوكو آنا زينه الحمدلله، بوجودج
والله. انشغلت مع رمضان والزوارات والغبقات اليومية
انتي شخبارج؟


بيشو تعب حلو أهم شي ديري بالج على روحج وعلى البيبي

 

[اليكسا]

بنآت

الملوخية

مسموحة بالمرحلة الاولى من دشتي ؟.

 

[Melazlaza]

بروووتة شلونج عااااش من شافج حبيبتي انا تمام الحمدلله بس صار التجمع كله ناس لايعة جبدها من نساة الحمال لوووووول الله يعيننا يارب
الفال لج يا بعد قلبي ان شاءالله تبشرينا قريييييبا

 

[Melazlaza]

ضيون شنو جربتي يخفف اللوعة؟ قريت ان الزنجبيل زين شرايكم بنات اغامر واجربه؟

 

[Queen of Sadnes]

هلا بيشو انا بخير الحمد لله وانتي عساج بخير ان شاءالله
بروته يالله معذوووره بس بعد لا تقاطعين خليج ويانا
عطوفه شلونج ياقلبي اي والله صدقتي قلب تجمع حواامل لوووول الله يتم لكم على خير
اليكسا والله ماعندي فكره

 

[Queen of Sadnes]

عطوفه حتى انا قريت عن الزنجبيل جربي بس لاتكثرين يعني ابشري شويه شوووووية زنجبيل على بياله شاي وشوفي بس ماجربتي البسكوتزالمالح؟

 

[Lady <3 A]

مرحبا :eh_s(17): شلونكم بنات

انشغلت بالعيد والزيارات والطلعات وخلاص خلصت الاجااازه وملصت :eh_s(16):

.

برد لكم بالاقتباسات بعدين ان شاء الله

الموهم امس الجمعة

وزني : 56.4

وزني قبل أسبوع : 56.9

مقدار النزول : 500 جرام

وبالنسبه للأكل بالعيد اكل عادي والحمدلله ما انقضيت وايد ع الاكل والفواله واذا اكلت اكنسل الغدا والعشا . . نوعاً ما فيه كنترول بس امس بالليل كنا معزومين ع العشا واكلووونا اكل اليهد :eh_s(16): الله يستر ع الوزن ​

 

[Lady <3 A]

عطوفه .. انا الي اعرفه الزنجبيل خطر بداية الحمل لأنه حار ونفس الشي الزعتر والقرفه وهالأشياء

 

[Lady <3 A]

صدمة زايدة كيلو

 

[أم عامر]

السلام عليكم

اهلين وسهلين ببروووته الحلوه عاش من شاف مشاركاتج :eh_s(7):

الله يبارك فيج حبيبتي والفال يااارب لج عن قريب ان شاء الله



عطوف الزنجبيل حااار وما انصحج تغامرين وحده عن وحده يختلف

كلش روحي الصيدليه وأسأليه عن حبوب تخفف اللوعه يمدحونها البنات اهنيه

شفت موضوع بقسم الحوامل وحده تبي شي يخفف اللوعه فذاكرين لها الحبوب


انا حمالي هذا ما ادري بس حاسه نفسي غير ما ادري تو الناس هههههههههههه

نسيت نفسي بس للحين مارجعت تكرمين بس لوعه تيي وتروح وخدرااانه بس ابي انام

احس جسمي متكسر من النوم بس هم ابي انام ان شاء الله ياارب اكمل على جذي ومااشوف الترجيع لأن وحامي اقشر كله ترجيع تكرمون لي الرابع

اعتقد اني الحين بنص الثاني

 

[om l3yal]

شلونكم يا حوامل
وليييين وبعد جم شهر بنقول شلونكم يا مرضعات
شالبلشة
ان سالتم عني فانا باتم الصحة والعافية
امس الجو كان حر شوي
ريوقي روب بالفراولة في ٤٩ سعرة وجم حبة بطاط بالخل
طلعت مع اليهال وطلب كريب بالنوتيلا قرمت ثلاث قرمات وتحسفت تالي شريت لي خوخة اكلت ثلاث ارباعها وعطيت الباجي بنتي الصغيرة
وطول الطريج صامدة يدوب كسرت لي جم حبة همداني
الغدا كان متاخر الساعة سبع ونص اكلت لي نص صمونة شاورما دياي وجم حبة بطاط غمستها بالكتشب الله يزيد النعمة بدوووون طعم اقول حق اليهال لو راجعين البيت ومسويتلكم فول وفاصوليا وبيض واجبان مو احسن كانوا يبون فرايديز بس زحمة حيل يلا النصيب عقبها رجعت مشيت ولما رجعت البيت اكلت روب بالتوت فيها ٥١ سعرة ونص شابورة والحمد لله

 

[om l3yal]

بزبووووز شلونج اخبارج هارد لك الكيلو وانتي قدها تنزلينهم كيلوين ان شاالله بصحة وعافية

 

[om l3yal]

بسكووووتة شلونج
شنو هذا بسكم سوالف عن النساة
انا قمت اتنسا معاكم مع ان توني توني من نص ساعة تغسلت من الحلوة وانا عزابية بس احس لايعة جبدي واتنسا
الله يتمم عليكم كلكن بهون وسلامة وتمام خلقة ان شاالله

 

[Lady <3 A]

بزبووووز شلونج اخبارج هارد لك الكيلو وانتي قدها تنزلينهم كيلوين ان شاالله بصحة وعافية

الحمدلله تمام انتي شلونج لولو :*
ان شاء الله انزل الكيليوين واثبت وزني وارتاااح

 

[Melazlaza]

كوكو والله ما غامرت بالزنجبيل بس البسكوت المالح كل شوي اكل ماحس بفرق المشكلة طول اليوم لوعة حتى وانا يووووعانة

صوصة اي خفت منه ما جربته والادوية اخاف منها وانا حامل ماحب اخذ الا الشغلات الطبيعية

بزبز ميخالف هالكيلو بتنزلينه ان شاءالله انتي قدها يا قدعة

لولو بالعاااافية و خلج حرجة حرقي كثر ما تقدرين

 

[Melazlaza]

اليوم قمت لااااايعة جبدي عالآخر ويوووعانة جان اكل توست اسمر بلبنة و قلاص حليب قليل دسم مع كاكاو مر

توني كنت بالافنيوز وكالمعتاد زوووجي وكلني غصب و الاكل كان حده دسم فحدي منغثة والله خانقتني العبرة من هالاحساس
ومشتهية ايس كريم بس مااااااااكو مكان بطني انترس