ديوانية --<-@ {{ One Day We Will Be Slim}}

[Lady <3 A]

مرحبا شلونكم بنات
اليوم الجمعه نزلوا اوزانكم

 

[LadY BuG 80]

مرحبا شخباركم بنات

شوشو حبيبتي اشلونك انشالله احسن :eh_s(17):

ليدي ولله انتي الوحيده المشتطه اليوم على الميزان ... باقي القروب صارو كروشات الحين ما همهم شحماتهم الحين وراهم بيبيات ... الله يتمملهم على خير يا رب

انا بس ساكته عن البنات مافي يوميات ولا وزن . لانه مشغةلين بلخواتم و بعدين عيد ... بعد العيد بشوف ايش كل وحده هببت

انا عنفسي صراحه كنت طايحه بلعه يوم زوجي هنا و نفسي مفتووحه .. ولله من يوم سافر بس اكل عشن ما ادوخ ... مالي نفس ابد .. هلمره صادني اكتأب ورا سفرته ولله .. لين الحين متكدره .. ييلله يمكن لمن تبتدي المدارس مع العيال انشغل و انسى :eh_s(2):

ايه صح بنتيييييييييييي البكر اول مره بتدخل مدرسه :eh_s(9): برايمي ولله متحمسه و خايفه

بروح معاها اول يومين و شكلي انا الي ببكي على باب المدرسه مو اهي ههههههه
ولله قلبي يعورني اشلون اخليها و ارجع البيت بخفي حنونين ....

ولله متوترههههههههههههههه ... يا امهات اشلون تحملتوا اول يوم تحطون عيالكم في المدارس

بذات الاول ؟ مريتو في نفس اشعور ولا انا اكبرها ؟ ما خفتوا غليهم لا يصير شي لاسمح الله ؟

ادري راح اتعود و يصير شي عادي بس اول كم يوم بكون على اعصابي :eh_s(16):​

 

[اليكسا]

مرحبا شلونكم بنات
اليوم الجمعه نزلوا اوزانكم

اي هين :eh_s(11):

مقدر مقدر اولا انا بأسبوع المرور .. يعني راح الميزآن للجمعة الثانية ..

وبعدين بشوف حل للشفآحة اللي انا فيها :eh_s(2):

 

[BiiShOoO]

السلام عليكم

 

[LadY BuG 80]

وعليكم السلام​

 

[BiiShOoO]

شلوونكم شخباااركم

 

[Queen of Sadnes]

هلا والله
وعليكم السلام

انا بخير انتوا شلونكم ان شاء الله تمام؟

بشبوشه شلونج متى ان شاء الله محددين لج تولدين؟

 

[om l3yal]

السلام عليكم شلونكم يا دبات
انا اقول دبات لانكم اختفيتوا وخربطتوا ولو انكم متواجدين جان بعدكم رشيقات
الرشيقة الاولي الموجودة بزبز
بعدها زيون
بعدها كوكو وكتون
ا

 

[om l3yal]

شوشو حبيبتي عظم اززه اجرج وربي يغفر له ويوسع له ويدخله الجنة بدوووون حساب
وربي يصبركم ويمسح علا قلوبكم ويخليلكم الوالة ويطول بعمرها ويعطيها القوة وابصحة والعافية ويمتعكم فيها ان شاالله
تعلميني بحرة الابو والله لين الحين ما بردت النار اللي في صدري عليه مرت ثلاث سنوات وخمس شهور علا وفاته الخميس رحت زرته ولما الحين ماني مستوعبة ان خلاص صار تحت الترااااب
بس الحمد لله علا هالحال وكل حال

 

[om l3yal]

امس وصلت لندن الجو عجيييييب ماشاالله اينن براااااااد ومطر
والحمد لله اللي كنت خايفة منه خلاص الدنيا مو زحمة والحالة مستقرة يعني راح اخذ راحتي
بنتي بعد ساعتين عندها تسجيل بالنت حق الجامعة بعدها راح نطلع وبجز الشوارع جز انا مقررة ان شاالله اني اوصل بداية السبعينات لاني خلاص مليت من السمنة وبلاويها
عموما مادري شنو اقول بس راح اوافيكم باخباري اول باول يوميا شنو سويت وشنو شريت واذا رجعت تقرير مصور غرت من كوكو

 

[om l3yal]

وييي نسيت اقول لكم اني راح اكون مراستكم من بلاد الضباب

 

[شوكولاته&فانيلا]

السلام عليكم بنات

مشكورين حبيباتي ماقصرتوا على الدعاء الله لايحرمني منكم

كتون الوالده متوفيه من وانا عمري خمس سنوات يعني كنت يتيمة ام الحين صرت يتيمة ابو بعد الله يصبرني الحمد لله

على كل حال اللهم اجرني في مصيبتي واخلف لي خيرا منها

لولو انا بعد للحين مو مستوعبه انه مات والله كل يوم اشم هدومه وتطير النومه من عيني اقعد افكر فيه للحين ناطره احد

يقولي ترى مامات استغفر الله العظيم الله يرحمه ويغمد روحه الجنه ...​

 

[LadY BuG 80]

صباح الخير :eh_s(7):


لولو هلا ولله من طول الغيبات جاب اسفرات

صوري كللللللللللللللللللللللللللللل شي ... الاماكن الجو اناس وين رحتي وين جيتي . حت:eh_s(7):ى غرفت الهوتيل و كل شي تاكلينه و تشربينه .. ودي احس انا معاكم ( ملقوفه ) ... حتى اذا تمشون صوري رجولكم ههههههههه . استمتعي برحله لاخر رمق . حبيبتي انتي تستاهلين كل خير الله يسعدك دنيه و اخره ولا ننحرم من طلت الحلوين ترى نوله على اطيبين ولله :eh_s(7):


بشبش شخبارك حبيبتي . انشالله مو تعبانه من الوحام ؟؟ ( انا الي داعيه اعليكي تضعفين مع الوحام ) تقتل القتيل و تمشي في جنازته ههههههههههه

ولله ابغاكي اجمل حامل و لمن تولدين احلى و ارشق و اجمل ام .. من ارشاقه و انتي شايله البيبي اناس تفكر انه اخوكي عسى الله يحفضه من كل شر و يسهل حملك و وضعك :eh_s(7):

كوكو شلونك يا سمبتيكا شخبار العصاقل و ازي العيال هااا في حد بيدخل مدرسه هسنه ؟ ولا بكيير

شوشو حبيبتي هاذا حال ادنيا الله يئجرك في مصيبتك و يعوضك انشالله بزوجك يكون لك الاب الحنون , انشالله اخر احزانك ربي يرحمه برحمته الواسعه . واسي نفسك و قولي ما مات كلنا مبعوثين و ادنيا فانيه و الاخره دار القرار ما نذوق فيها طعم المووت , اللهم اجعلنا من اهل لجنه و اهلنا و ذريتنا اجمعين :yaaaaaarb: انتي مؤمنه خليكي قويه يرتاح في قبره , مايبي منك الا ادعاء له بلمغفره ... حبيبتي انتي الله يسخرلك الي يواسيكي في محنت و يهون عنك .​

 

[ضي]

السلااااااام

شلونكم بنااات؟


بعد عمرري شوشو٬ عسا ربي يصبرج ويمسح علي قلبج حبيبتي يارررب


لولووو اهلا اهلاااا بهالطله اشتقنااااا لعيوونك والله اي حبيبتي استاااانسي وقززززي وطللعي حرررررتج عدددل مددددل


باجي الرشيقات شلونكم ؟؟

 

[BiiShOoO]

االحمدالله بخير انتوا شخباركم؟؟


كوكو

ولادتي تكون بشهر 3 ان شاء الله


لولو


تروحين و تردين بالسلامة يا رب و استااانسي عليج بالعافيه


شوشو

الله يصبر قلبج حبيبتي و يهون عليج يا رب

كوتون


هههههههههههههههههههههههههههههههههههههههه

حبيبتي انتي ادري و الله بس صج مع رمضان مو قاعده اكل عدل و وزني نازل

 

[ضي]

بيشووو انا بخير الحمدالله ماشي الحاااال

 

[Queen of Sadnes]

هلا والله بحبيبات قلبي

شلونكم

لولو تروحين وتردين بالسلامه والله يحفظكم و Have Fun من قلب اوكي واي مثل ماقلتي نبي تقرير مفصل تفصييييييييييييل لوووول


شوشو ياعمري الله ياجركم ان شاء الله والله ماادري شقولج بس دايما ادعوا له واستغفروا له واختموا له القرن بهالطريقه بتحسون انه موجود وان شاء الله الله يخفف عنكم ويصبركم ياااارب


كتونه هههههههههه صج عصقوله صرت بس هذا المطلوب حتى اذا زدت كيلو ماراح احتاس وشسوي ومااعرف ايش انزله على طووول ...بالنسبه للدرسه ولدي انشاء الله السنه اول سنه روضه ومتحمسه بالعكس موخايفه وناطره هاليوم مو عشان افتك منه لووووووووووول لا والله بس عشان هو يستانس مل من قعده البيت المسكين وابيه يتعلم لغه ويكون عنده اصدقاء يعني شي جديد عليه...وبنتي ناويه بس لليلحين متردده اني اسجلها حضانه وما ادري اسجلها ولا لأ هي توها كملت سنتين ما ادري شرايكم ؟؟ ناويه على عيالي ههههههههههههههه

ضيون شلونج حبي عساج بخير مابلش الجو يبرد عندكم وشلون زرزورج؟؟؟

بشبوشه الله يسهل عليج يرزقج بالولد الصالح المعافى يااااب انتي وضيون وام عمووور

بنات باقولكم شي بس مو تضحكون علي .... عقب ماوصلت للرشاقه احم احم >>>> صدقت روحهاا

افكر اني احمل وودي احمل بتوم بالمره عشان تكون اخر حمله صج والله وادعولي عسى الله يستجيب منكم بس مو الحين بعد 3 شهووور لوووووووووول واتشرط بعد استغفر الله

يالله اخليكم الحين اليوم باروح اشتري لليهال ملابس للعيد عشان يستانسون ويحسون انهم معيدين صج
وعيدكم مبارك مقدما

 

[ضي]

لووووووول كوكو الله يسمع منج ويرزقج بتوم متاعفييين يارررب

وانا بخير ولا والله بعده الجو مابرد اتوقع علي نص ٩ يبلش البرد

زرزوري بخير حبيبي كاهو يحووس يمي ماعنده سكول اليوم

 

[LadY BuG 80]

هلا ضيووون شلونك حبيبتي اي مس يو انشالله تمام و ظهرك احسن بعد ما ريحتي

هاا قولي لنا في اي شهر الحين و كم مقدارازياده ؟


بشبش شوفي اشهور الاوله تنسد انفس انتبهييييي من السادس راح تنفتح نفسك .. امسكي زمام الامور

انا من اسادس تبتدي سمنتي ... و اقولها بكل صراحه مو سمنت حمل ... سمنت بلعهههه

يعنس سمنت الحمل بس الكرش يكبر .. بس اذا بدت الفخوذ تفرش و ازنود تورم هاذي من البلعه . لا اذا البيبي كان في ازنود بنقول سمنت حمل ههههههههههه

انا بس احذرك لانه محد حذرني :eh_s(1):

كوكو يالتني اكون قويه مثلك ... ام سنتين حراام خليها عندك بدرييي ..
شكلك تصررفين العيال عشان يخلالكم الجو انتي و روميو :krkrkr: و بعد تبين اثنين في بطنن وحده ههههههه ناويتن على ارجال هههههههههههههه استغفر الله اللهم اني صائم

لا جد دام بنتك 2 يعني وقته تحملين ثاني اذا تبين مور كدز ... و الفال لك انتي و مزمز و بوبو

الا وييييييييييييييييييين بوبو ؟؟؟؟ مو كأنها طولت الغيبه هلمره ؟؟؟ من قبل رمضان ما مرت علينا :eh_s(10): عسى المانع خير . الله يحفظها وين ما كانت :eh_s(7):​

 

[اليكسا]

مرحبا يآبنات شلونكم ..

انا من اليوم بديت بالزيرو كآربز ..

لأني خلاص من جد مصختها ..

عاد الله يعين على هـ 3 ايام ..