ديوانية محباات الميكااب .. حيــــاكم :)

[ريماااني]

نحوله و بنوته و شهوده
تسلمون فديتكم عيونكم الحلوه
نحوله شخبارج ولهت عليج و على باقي البنات
لاسنزا منزل فناتق اليوم رحت و شريت وايد
بس كله لبس عاري بيجمدون الحريم بالشتا
الهديه يابلي حلق طويل من تيفاني وايد حلو في لون تركوازي
و خاتم نفس الحلق بين الاصابع
و باقه كبيره مع بالونات و كرت كاتب فيه كلام حلو
بنوته بالعافيه عليج الاغراض فديتج
ماك صايرين خياس
اول شي قالت ما نزل الازرق
و بالصدفه لقيته بالكيس
ودقيت عليهم قلت ابي واحد ثاني
قالت نازل 2 بس واحد لج و واحد لعميله ثانيه
تنرفزت من هالحركه
انا وياج نفس الشي
شهوده شخبارج الغاليه
حتى هو بخاطره يكون عندنا بيبي بعيد ميلادي الياي

 

[ريماااني]

بنات وينكم نمتوا؟
تصبحون ع خير

 

[شهووده]

حبيبتي ريمااني عليج بالعاافيه الهديه :*

وان شالله الله يرزقكم بالذريه الصالحه وتشوفون عيال عيالكم ..

 

[ريماااني]

شهوده تسلمين فديتج
شخبار الدوام معاج؟
شخبار اختج الحين انشاءالله احسن؟

 

[pink]

أهلييييين بنوتاااات حلوااات

شهووده .. بيتووتة .. أوشال .. شوشوا .. بنووت .. نحووله .. ريماني

((( تسلموووون لي حبيباااتي :eh_s(7): )))


شهووده ..يختي عالبناتيت و عيارتهم بس حرااام اختها الضحية .. و على الكلام آنا بنوتي
تتكلم بس الغالب عليه اللغة الفرنسية و الاسبانية و لغات لدول الله العالم وين .. بس ودي آكلها
لما تخربط جنه من صجها تحاجينا و لا .. تحرك ايدينها بعد يعني تعبر .. لا لا البنات غيييير


بيتووتة .. عليج بالعافية السكين فينش .. آنا ماخذه الدارك وقتها كان ودي بالبرونز + أبيه لتحديد
الويه لأن نصه ذهبي و النص الثاني بني غامج .. و على القطرة عادي يوصفونها لأن المفروض
الواحد يستخدمها فترة محددة مو يتعداها مثل كل دوا بس آنا كنت حامل و حدي تعبانة و كانت واايد
تريحني بالتنفس و الحين ماكلتها .. و ضحكتني سالفة جيس ماك الشفاف حتى آنا مضايقني الصراحة
أضطر يا إني أخش الفاتورة أو أخش الجيس بكبره بجنطتي و ساعات أخلي جم قطعة ميكاب بالجيس
و الباقي أحطه بالجنطه تمويه .. و إن شالله عن قريب حبيبتي تسمعين خبر تعينج بالمكان اللي
تبينه ..


أوشال .. ناااايس لوك حبيبتي حدّه ناااعم .. و على سالفتي وااايد سوالف صارتلي خلتني أأجل روحتي
للدكتور بس من داخلي حدّي متضايقة .. و عالبركة حبيبتي عالوظيفة و ان شالله تتثبتين فيها ..


بنووت .. عليج 600 ألف عااافية على أغراضج الماكية .. و الله يخليلها لج الماما خايفة عليج و تدور
مصلحتج نفس أمي بس شنسوي عايشين بزمن كله مغرياااات .. تدرين بنووت إني كنت بالمارينا بعد من
الساعة 2 و شوي الين الساعة 6 كنت أدور شي حق العيد و مثل ماقلتي مافي شي محرز بس الحمدلله
حصلتلي شي مرتب و ارتحت شوي .. بس بدعت بعمري كذا مرة أدوخ و أروح يحليلي أي محل و أخمطلي
لبس و أريح بالفيتنغ روم .. و أكمل صج باسي قوي :eh_s(6): .. و جنطة الفيس جنه بـ 21 و نص ..


ريمااني .. كل عام و انتي بخيييير أقين .. و تتهنين انتي و شريك العمر إن شالله .. و على اللوك دايما
إنتي معودتنا على قمة الذوق و النعومة .. اختياراتج حدها حلووووة بنفسجي و أسود مع الوردي البنفسجي
أما حركة الكحل الاخضر عجيييييبة .. أحب هالالوان أخضر أزرق شي يكسر اللوك .. و عليج بالعافية
أغراض ماااك حبيبب الشعب ..


نحوووله .. الحمدلله انج سويتي العملية و افتكيتي و الله يبعدج عنها حبيبتي .. و على أشياء لاسنزا جنج
شوقتيني .. عااااد آنا بس أشتري و أكود .. و ترى لاسنزا لندن أشياااءه عجيييبة كودت اشكثررر من حلاتهم ..
على التفخ .. إن شالله يعجبه اللوك و الله يبعد الزف


شوشوا .. تروووحين و تررردين بالسلامة حبيبتي .. و الله ييسر رحلتكم إن شالله .. و على الماما أجر و عافية
و اللي فيهم جيوب صج متلعوزين لأن جونا مو طبيعي مو تلوث أبو التلوث .. الله يشافيها و يخفف عنها ..



بقولكم اليوم شنو سويت ..

رحت المارينا عشان ببدل شغلة حق بنوتي من H&M و هم أشوفلي حق العيد ما بقى شي .. شريت جم شغلة
من H&M بس مو للعيد .. و بعد فرة مو طبيعية في المول روحة و ردة حصلت من برمود الحمدلله و كملت
على البدلة من مانغو .. و بفرتي رحت وطليت على ماك - المقرر منتو عارفينووو - و شفت الدازل غلاس
و عجبني الازرق بس خالص و قلت عن الحسافة أخاف ما أحصله حطيت منه .. عجبنيييي الصراااحة ..
و أخيراااا و ليس آخراااا شريت الباليت البنفسجي من كولكشن الهوليدي و جنه عيني الحين عالبيقمنتس ..
المهم قالتلي إن عندهم و عند الفنار خالص الغلوس .. و آنا طالعة قلت ليش ما أدق على ماك المهلب و حصلت
عندهم آاااخر قطعة :eh_s(9): و قلتلهااااا حجزيييييه لي اليوووم بس ..و بردتي للبيت قلت حق سي ريلي
إني حدي تعبااانة و إني بخاااطري بهالغلوس الازرقاني .. المهم وداني المهلب و خذيته كااافي شكله حده يشووق
بس ترى عاجبني وحابة لمعته الناعمة ..


و باقي البنوتااات .. منوووره .. قلب بدر .. SeDuCTive .. الكل الكل .. شلوونكم ؟؟؟

 

[ريماااني]

بينك بالعافيه عليج الاغراض
وانتي بخير حبيبتي
تسلمين يا ذوووق

 

[شهووده]

حبيبتي ريمااني كل شي تماام الحمدلله ..

والدوام حلوو والله ماكوو شغل لوول

بس الدكتوور وايد مستاانس مني ويمدحني :eh_s(22):


وإختي الحمدلله بخيير ..







بنووك

جلم قلب البنوووتات كربووونهم :*

اللي عندنا بعد تحرك ايدينها وتعفس ويهها وتتحلطم جنها من صج يعني تتكلم

الله يخليها لج ان شالله وتفرحين فيها عروووس ..

ويلا شدي حيلج وييبيلها إخت تلعب معااها


وبالعااافيه الملابس والميك أب ..

أشوه خذيتي الباليت دام بخااطرج ..

تصدقين أنا بعد تشووقت على القلوس الأزرق .. بس حسااافه إنتي تقولين خالص من المهلب :/

عاد أنا أقرب شي لي هالفرع ..

يلا عمووومًا علييج بالعااافيه حبيبتي :*





اي صج .. شلوونج اليووم ؟؟

شلوون صرتي ؟؟ ان شالله أحسن !

 

[ريماااني]

شهوده انشاءالله دووووووم بخير
تستاهلين كل خير حبيبتي
بنوتات استأذن دوخت
تصبحون على خير

 

[شهووده]

بعد عمري أجمعيين ياارب وتستاهلين الطيب حبيبتي :*

اي رووحي ناامي اليوووم سهرااانه

نوووم العوافي وأحلام سعيده ..

 

[pink]

ريماني .. الله يعافيج حبيبتي ..


شهووده .. يمكن تحصلينه بالافنيوز لأن ديما تقول إن مانزل عندهم ليلحين
مادري عاد صج كلامها و اللا لأ .. دقي عليهم باجر و حجزيه .. و اللا دقي
مرة ثانية عالمهلب يمكن وحده رجعته طلع مو عاجبها .. و الله يعافيج حبيبتي
آنا قلت آخذه لا اتحسف بعدين إذا خلص و يحلى بعيني دبلاااات .. و على البيبي
الثاني الله كريم بس الله يعيني عاللي عندي حدها غيووورة .. و آنا الحين أحسن
شوي لأني بديت أتأقلم عالصداع و اني أغلب الوقت أتنفس من حلجي بس عيني
تذبحني ودي أشلعها من العواااار بس متأملة خير .. آنا مو خايفة من العملية بس
أحاتي بنتي ما أحب أغير روتينها و مابيها تفقدني هالفكرة تضااايقني

 

[pink]

ريمااني .. و انتي من أهل الخير حبيبتي ..

 

[شهووده]

بنووك

اممم اي ان شالله بااجر بدق عليهم ..

وزين تسوين إنج خذيتيه ..

لووول أعرف هالشعوور .. تردين البيت وتتحسفين تقولين ياليتني مااخذته

بعد عمررري الله يعيينج .. والله حااسه فيج ..

ساعات من الانفلونزا يصير الصداع قووي وتحسين عيوونج بتطلع من مكاانها !!

الله يعيينج إنتي عيل :///

ولاتحااتين البنووته ان شالله العمليه تكوون سهله وماتطوول ..

وعقبها تردينلهم بصحه وعاافيه ويفج عنج هالعوار والتعب هذا أهم شي ..

 

[pink]

شهووده .. تسلميين حبيبتي ..

خلصتي شغل العيد ؟؟؟؟

 

[شهووده]

يسلمج بنوووك :*

اي خلصت الحمدلله ..

كل شي كان بنفس الوقت الحمدلله هالمره ماتأخرت واايد ..

الويك إند اللي طاف كنت طالعه مع إختي نخلص جم شغله ومريت المهلب باخذ من كولكشن الهوليدي فشريت مره وحده ..

خذيت بالطو جويتي وااايد حلوو .. أول مره آخذ هاللون ..

كان فيه منه أحمر وطبيعي طاحت عيوني عليه

بس إختي قالتلي بسج أحمر لوول فخذيت الجويتي ..

القوله فيها كرستالات سوود كباار ..

خذيتله شيله سووده بستراس جويتي ولولو أبيض ..

وبلبس تحته بلوزه بيضه اللي تصير صاكه من تحت لأن أهو قصير شووي ..

فيه قصه من تحت الصدر بعدين يصير وسيع شوي وقصير ..

مع سكيني أسود وجنطه وكعب وإنتي بكرامه يلد أسود لمااع ..


عشان جذيه قلتلج شوقني الايلاينر الجويتي اللي خذيتيه


وإنتي شنو خذيتي ؟؟

 

[أوشال]

هلووو بناااات

شخباااركم شمسووين

بنووته

حساااافه رشا قالت لي يوم الخميس بينزل الكولكشن ليش جذي

كان خاطري بالبلو ومس فيزز وفنتابولوس وستيبينق من قلب حسافه

مالت عليهم مخديين ما يعرفون وين الله قاطهم

بنام وانا معصبه موووشي

تصبحوون على خير بنات

 

[pink]

ما شالله بدلتج حلووووة و ألوانها بعد .. وصاجة أختج كاااافي أحمر

و آنا عيد الاضحى اللي طاف كنت لابسة بوهة ألوانج بس بالعكس بالطو أسود قصير

و جمه ثري كوارتر مع بنطلونه أسود بعد أما اللي تحته بلوزة طويلة زرقة داش

فيها أسود والبلوزة فيها لمعة اهي مو بلوزة بلوزة اهي بالأصح بلوفر خفيف ..و

حطيت بروش كرستال أزرق على شكل سمجة و لفة دبل فيس أسود بأزرق ..


أما هالعيد و اللي شريتها .. جوليه قصير شوي و فيه حزام نفس الخامة صاير كروهات

بني و أسود و بني اللي مايل على برتقالي و البنطلون هاي ويست و صاير وايد لق بعد

و نفس نقشة الجوليه صاير حده ذرب و مرتب باللبس و و تحت الجوليه بلبس قميص أبيض ..

و شكلي بلبس بوت و انتي بكرامة عندي اياه من قبل أما اللفة ليلحين ما شريت بس يا دبل فيس

بني و أسود أو لفة فيها ستراس بس لازم أفصل لأني أحط النقشة يسار و اللي موجود في السوق

يمين .. انتي شرااايج دبل فيس أو لفة بيضة أو سودة بستراس درجات البني ؟؟؟؟؟



أووشال .. حبيبتي لا تتضايقين.. إن شالله تحصلينه و ترى في المارينا بس خالص اثنينه الازرق و الابيض

أما المهلب مادري بالضبط بس شكلهم موجودين .. باقي الالوان راح تحصلينهم بس حجزيهم قبل أحسن لج ..

و انتي من أهل الخير حبيبتي و أحلاااام سعيدة ..

 

[pink]

شهووده .. توني أنتبه انج مغيرة توقيعج .. أحب هالاغنية

وااايد اهي و لاتخاف يعوروووون القلب الصرااااحة ..

 

[شهووده]

وش وش

حبيبتي لايضيق خلقج ..

دقي عليهم بااجر يمكن تحصلينهم !!

أنا بااجر بدق عالمهلب والافنيووز .. جوود أحصل الأزرق !!

مادري عجبني بالصوور .. يمكن بالصج ماايعجبني بس بالصوور يشووووق !

واذا حصلته بالافنيووز يكون أحسن لأني من زماان قايله برووح H&m وماارحت ..

أحب فرع الافنيووز أكثر شي ..






بنوووك

عيوونج الحلوووه حبيبتي :*

اي لوول خنغير شووي .. التغيير حلوو

وألوان بدلتج تشوووق .. أحب البني وخصوصًا بالشتاا .. خطيييير

اممممممم شووفي اذا يمديج تفصلين فصلي .. أنا شخصيًا أحب السترااس <<<<< أمووت باللمعه لوول

واذا مامداج اخذي دبل فيس .. ياحلووو ألوانهم ..

أو ممكن تجمعين بين الاثنين ..

أنا الشيلات الملوونه موكل الخامات تعجبني .. عشان جذيه العيد اللي طاف خذيت ماي فير ليدي دبل فيس بس كانت

لون وااحد .. أوفوايت .. وركبت عليها ستراس ذهبي فااتح ..

لأن الخامات اللي شفتها بالسووق الله يزيدها :///

واللي عندهاا خامات حلووه وموديلات اتينن غدير العنزي اذا تعرفينها !!

بس الحين ماتوقع تستقبل أوردرات حق العيد !!

دازه مسج حق إختي قبل فتره كانت عارضة ببيت 32 بالعديليه ..

 

[شهووده]

بنوووك اي كلماتها عوااار قلب هالأغنيه

ولاتخاااف أحبها .. كلامها منطقييييييي ..

حاطتها رنه حق رفيجتي الكلوووز حيل ..

 

[pink]

شهووده .. يسلمووو حبيبتي و صاجة الستراس أحلى

خصوصا إن البدلة طافية يبيلها شي يحركها .. بس من وين تحصلين

لفات ماي فير ليدي لأن صج أغلب لفاتي مو مقتنعة بخاماتهم ..

و لا تخاف كنت حاطتها حق ريلي حتى شموخ عزي بس غيرتهم من زمااان

تدرين شنو حاطتله ؟؟؟؟!!!! عبدالمجيد عبدالله " لازاد " ..