ديوانية محباات الميكااب .. حيــــاكم :)

[شهووده]

أهلاً أهلاً بتااابيتوووو :*

اي اي خلج خووش بنيه عشان لا يعطونج لفت نظر أو يخصمون من معاشج




يحليييلها الماما الله يطولكم بعمرها ..

مسكينه ماتدري شنو طبختي من وراها

 

[BaiTotia]

لووووول إي جني فازة حق الدوام .. مسكينة أنا عشت الدور وصدقت إن عندي دوام خخخخخخخخ

الله يسلمج حبيبتي مشكورة ويخليلج ماماتج إن شاالله

الجيس فضيحة شفاف المفروض يخلونه أسود معتم خخخخخخخخ

 

[شهووده]

لووووول ان شالله ياارب تتوظفين قريب وتفزين من النووم بس حق الوظيفه الصجيه :yaaaaaarb:


خوووش اقترااح .. اقترحي عليهم






كسرت خااطري بنووكه مسكينه ماتستااهل :/

الله يعينها .. أنا لما تحوشني انفلونزا ويتسكر خشمي بالليل وماقدر أنام أقعد أبجي ..

عيل شلون لو هالحاله كل يوووم

 

[BaiTotia]

بعد عمري مشكورة على الدعوه والله كل يوم أنطر إتصال الله يعين ويارب إنتي بعد تصيرين أشهر محامية بالديرة

عورت قلبي بنكوشة حبيبتي صج إذا إنفلونزا يصير صداااااااااااااع قوي حتى الأكل ماتشتهين تاكلين

بس اللي مستغربة منه شلون يوصفون أدوية جذي

أنا أمي الله يخليها إن شاالله تاخذ حبوب مسكنة إذا ياها عوار بالظهر

بلندن بغتهم لأن حاشها عوار رحنا بوتس مارضا يعطينا إياهم قال مأعطيكم من دون وصفة

وهني عااااااااااااااااااادي

الحين شكثر أحن عليها لا تاخذينهم

 

[شهووده]

حبيبتي والله بتبووت :*

تستااهلين كل خير .. ان شالله يدقوون قريب وتبشرينا ..

ومشكووره إنتي بعد على هالدعوه الطيبه :*


اي والله الله يشاافيها ويشاافي الوالده ..

وهالسالفه ترى وااايد تصير :/

وتتفاجئين إن مثل هالدوا مايصرفوونه إلا بوصفه طبيه !!



الله يكاافينا الشر ويبعدنا عن الأمراض والأدويه .. اللهم آآآمين ..



بتبتوووت بغيت أسئلج ..

جنج قلتي شريتي السكن فينيش ؟؟

هذا مو المفروض يكون مع كولكشن الشير مينيرالز ؟؟


بخاااطري أستخدم شي يسوي بخديداتي لمممعه ذربه !!

عاد عندي خدود يسااعدون لوووول

 

[BaiTotia]

آميييييييييييييييييين يارب العالمين

أنا اللي شريته هذا وهو نزل كولكشن بروحه من شهرين يمكن مع السونيك شيك

لحقي عليه

النص المطفي بودرة مضغوطه للويه و النص الثاني لمعة تينن

والدرجة اللي أخذتها medium وكنت خايفه من الدرجة بس لما قارنتها مع بودراتي نفس الشي أشوه

 

[شهووده]

اممم عليييج بالعاافيه ..

إنتي شنو لون بشرتج ؟؟

أنا فااتحه أخاف ماتناسبني هالدرجه !!


واي خااطري صج خاااطري بشي يعطي لمعه حلووه حق الخدووود ..

جربت كذا شي مااكو فاايده !!

انزين والشير منيرالز بشنو يختلف عن هذا ؟؟

 

[BaiTotia]

أنا حنطية فاتحه مو بيضا

جربي بالمحل روحي بدون ميكب وفي عندهم الجزء المات بروحه مو ليميتد ودرجاته أكثر وأحسن بس أنا بغيت هذا لأن جامع بين الأثنين يونس

الشير مينيرال منزلين 3 أنواع

لوز فاونديشن مع حماية

ولوز باودر يعطي لمعة (جنه حق الويهه كله مافهمت شلون طريقته)

وفي هذا يونس

شوفي موضوع ميلك شيك كاتبه عنهم يشوقون يعطون لمعة برونزية مشمشية وردية حق الخدود أو عظمة الحاجب

مادري متى ينزل عندنا

 

[شهووده]

بعد عمري مشكووره عالشرح :*

لي رووحه قرييبه ان شالله وإلى مزيد من المخااسير



حبيبتي أنا أستأذن .. خل أقووم أنام :*

نشووفج بااجر ان شالله ياصديقة الشفت الليلي

 

[BaiTotia]

ههههههههههه نووووووووم العوافي

أنا بعد بقوم أخمد

 

[shushuwa]

منوووورة وبنك
الله يسلمكم حبايبي

بنك
حبيبتي ماتشوفين شر وانشالله يفيد معاج الادوية!!
انتي نفس امي صار فيها جيوب بحمالها باختي وليلحين فيها يعني تقريبا 12 سنة او اكثر ;\
الله يعينج حبيبتي وانشالله ماكو اللا الخير لاتضايقين نفسج

اوشال
الله يسلمج حبيبتي
والسنة اللي طافت اكتشفت انجلوت بس بالبحرين لوول يشوووق شغلهم كله الوان بس جربت منهم القلوس والبلش والكومباكت باودر لابااس فيهم;p
وانشاالله تشتغليين عندهم واي اهم شي الراحة بالدوام


يلا بناات اشوفكم بعد اسبوووع على خير بعد ساعة بروح المطاار

 

[ريماااني]

هااااااااااااااي
بنوتات
قلب بدر و انتي بخير فديتج
تسلمين
نحوله فديتج حبيبتي تسلمين
نحوله انشاءالله بعض الناس بعض يبون البيبي يحتفل معانا
شهوده حياتي و انتي بخير
بويه نبيج حبيبتي
اوشال الغاليه و انتي بخير فديتج
بنوته فديتج تسلمين
مفاهيم الخجل
تسلمين ما قصرتي
سيدكتف مشكوره الغاليه
بيتوتيه وانتي بخير حبيبتي
بويه نبيج
كوكو فديتج وانتي بخير حبيبتي
سلامات ما تشوفين شر
شوشوا و انتي بخير
حبيبتي
منوره و انتي بخير حبيبتي
بنوكه تسملين فديتج
تروحين و تردين بالسلامه
بنات مشكورين كلكم فديتكم
و معرفتكم من أحلى الاشياء يلي صارت هالسنه
بقولكم عن لوكي و كيف اتحفلت
قمت الصبح و رحت ماك
خذت الدازل قلوس
و الظهر رحت الصالون
الصالون و سويت شعري ويفي مع بف خفيف
و رديت البيت و تمكيجت
فاونديشن + بيس + لوس باودر hd من فوريفر
الكونسيلر من فوريفر
شدو بنفسجي على الجفن من ماك
و عالجسفه اسود بلمعه من ماك
كحل اخضر بلمعه داخل العين من توفيسد
حطيت رموش من فوريفر
مسكرة كلارنس
سويت كونتور لخدودي و خشمي من ستيلا
بلاشر انجليكا
تحديد وردي على بنفسجي فاتح من سالوران
حمره ورديه فاتحه من ماركة آرتستري
لبست عدسات نوال الزغبي لون رمادي فاتح
لبست نفنوف طويل فيه لون بنفسجي و اسود من ميسوني
طبعا حفر بس لبست تحته بودي دانتيل اسود
و لبست عباة فيها بروش بنفسجي و كسرات من أعلى الظهر
و الشيله فيها نفس البروش
بعدين مر علي بعض الناس المغرب
و رحنا بيتهم كانت خالتي هناك مسويه حفله
و قالت انشاءالله نفرح بأول بيبي لكم مثل هالوقت
و كانت الهيلقيه هناك و كله تخز
اتحفلنا شوي معاهم بعدين
طلعنا نتمشى شوي مع بعض
كان يوم حلوو وااااااااااااااااااااااااااااااااااااااايد
لوكي عجب الكل و خاصه بعض الناس
بس اليوم طول الوقت نايمه و تعبانه

 

[ريماااني]

بنات وينكم
شهوده بيتوتيه بنوته نحوله كوكو اوشال نطوعه بنوكه قلب بدر:hjy5jewf:
سيدكتف و شوشوا و مس قولدن تروحون و تردون بالسلامه:yaaaaaarb:

 

[Na77olah]

هلووووووووووووووو بنات شلونكم



وااااااي اليوم يطير بسرعه مافي وقت كلش


ودي ارد عليكم بس بالي مشغووووووول اقرى وانسى لووووووول سامحوني

ريماني حياتي نايس لوووووك ونفنوفج شكله حلووووو <<<احب هالستايل وحلو اللون البنفسجي مع الكحل الأخضر بقلدج باجر لأنه لبسي فيه هالألوان

بس انا بلبس عدسات اخضر بعسلي مالت امل العوضي

وهاااااااااااااااااااااا شنو يابلج هديه ؟؟؟؟؟؟؟؟؟؟؟

وشريت المشد بس خذيته من لاسينزا منزلين سوالف حلوه وخذيت شغله ثانيه بعد تصير مثل الفنيله العلاق لونها لحمي من جدام ومن وره من اولها لي اخرها فيها شرايط تنربط مثل المشد والشريطه عريضه لونها بيدياني والسليب هم لونه لحمي تور يشف وفيه ثلاث طبقات كشكش ومن وره في شريطه تنربط <<<لمن تشوفينه بسيط بس ستايله حلو وكيوت

بس شكله مافي فندق المسعده ماشرفت ليلحين






شوشوا اي ستار بكس امس كنتي ؟؟؟؟تردين بالسلامه انشالله حبيبتي

انا ماحسيته سبشل اللاتيه يمكن لأني طلبته من غير كريمه ومع حليب خالي الدسم



بنوووووكه

ماتشوفين شر حبيبتي وااااااااي نفس الي صار معاي ادمنت عليه وقلت لازم احاول اتركه جان ادمن على البوفاس لوووووووووول

ومافتكيت من الأدمان الا لمن سويت عمليه

والبخاخ هذا عادي ينصرف مافيه مشاكل <<<<<بس احنا مانعرف شلون نستخدمه

اي بخاخ او دوا حق الخشم والأذن لازم ناخذه بس خمسة ايام ونتركه اذا استمرينا يصير ادمان

واله يعينج حبيبتي <<<<<حاسه فيج



بيتوتيه وشهوده وقلب بدر وبنووووته ومنوره وجنى وباجي البنات شلونكم حبيبات البي

 

[Na77olah]

وااااااااي موضوع وحده من البنات عن لوكات اليسا عجييييييييييييييييييييييييييييبه

حمرها روووووووعه روووووووووووعه <<<<<احب ستايلها بس لاتتكلم لووووووول





بنات

منو احسن دكتور حق التفخ لوووووووووووووووول

ودي اتفخ شفايفي <<<<بخاطري


ريلي مايرضى بس بفاجاه <<<راح انزف ادري بس مومشكله اتحمل ههههههههههههههه

انا ابي امتلالالالاءه بس

 

[بنوتة نعومة]

هااااااااااااااااااااااااااااي


اليوم هاذي طلعتي من الصبح رديت البيت بدلت و على طول رحت السوق مع امي و اختي

المهههههم

رحت المرينا

طبعا انا الي حاانه على امي تودينا المرينا مو الافنيووز

بعدين اقولكم لييش المرينا

رحنا و لا ماكو احد وو ماكو ملابس عدله كل الملاابس عادية مالقيت شي واااو

بس اختي الصغيرة العصله لقت اشياء من زارا حلوة عليها

المهم

امس قتلكم انه ماك المرينا دقوا علي وو قالوا انه جنط الفرش راح ينزل و الدازل غلاس بعد

المهم اليوم الصبح دقيت عليهم و لا صج نازل قتلها اسامي الغلوسات الي ابيهم وو خشتهم

عشاان جذي رحت المرينا لووووول

لاا و الضحك اني كنت خاشة على امي هالشي

خذيت كرتي من بوكها من غير ما تدري <<< سوالف حرامية لووول :icon30:

وو لمن شفتها لاهية مع اختي بزارا

سحبت نفسي شوي شوي و رحت ركككض ماك كان شكلي حددة يضحك الناس تشوفني يقولون هاذي شفيها تركض

المهم رحت حتى ماشفت الالوان سييدة قتلها بدفع

اشووة الي خاشينهم حقي ما باعووهم لانه فيه غلوس من الغلوسات خللص ماراح اقول اي غلوس لوول نحاسة << شوفوا موضوعي الثاني

المهم

امي دقت قالت وينج قتلها بريفير آيلاند << تقول أخاف الي يم ريفير آيلاند لووول

حطيت الجيس بالجنطة و لمن وصلت عند امي حطيت الجيس بجيس بنت اختي مال الالعاب

و عاادي مر اليووم عاادي من غير كوارث

و إلااااا


و احنا فوق عند المطاعم خذيت بنتاختي بلعبها لمن رديت اشووف امي معصصبه و مادة البووز مادري شالسالفة جان اختي الصغيرة تقول تعالي ابيج تيين معاي بشتري باسكن و احنا بالطريج قاالت يااااااااااااااااويلج امي شافت الجييس و اول شي شافته الفاتوورة


يااا فرحة ما تمت كل الي سوييته ضااع لوووووووووووووووووووووووووووووووووووول

تقولي بس خلااص بسج دارج راح تطفح ميكاب


قتلها خلاااص آخر مرة


<< امبييه ترى مادري ليش كتبت القصة !!!! وااي سوري أدري حد الملاقة استحملوني


<< عاد ابي جنطة الفرش مالت الفيس

بجم بناات ؟؟؟؟؟؟؟؟


شوشو تروحين و ترجعين بالسلامة

بنك سلاامات حياتي

اوشال ناايس لووك

ريماني ناااااااااااااااااااااااااااااااااااااايس لووك اهم شي استاانستي و الهيليقية احترت

<< وااي ريماني لأ أنا معاج نفس الشي

العملية

و الاكتئاب الله لا يعوودة

و اسلوب بعض الناس

و حب الميكاب

و الهيلقية

لوووووووووووووووول

باجي البنات شلونكم سوري ما رديت عالكل لاني نسيت شنو قريت حدي داايخة

لوكي باجر بكتبه ​

 

[بنوتة نعومة]

ريماني حطي مشتروات مااك


أنا بنام

تصبحون على خير حباايبي​

 

[شهووده]

هلووو بناات

شلوونكم كلكم كلكم ؟؟ :*





ريماااني

نااايس لوووك مشالله أتخيل شكلج كان وااو

يلا ان شالله مثل ماقالت خالتج تحتفلين بعيدميلادج الياي مع البيبي :hjy5jewf:





نحوووول

أهلييين حبيبتي :*

عليج بالعااافيه حسيت اللي خذيتيه وااايد ذرب

ويلااا اذا قررتي تروحين تتفخين اخذيني ويااااااااااااااااج





شوشوا

ترووحين وترجعين بالسلامه ان شالله :*





بنووووت

لوووووول بالعكس والله قصتج توونس

كنت أتخيل شكلج وإنتي تتسحبين بعدين تركضين لي مااك

عليييج بالعاافيه والحين بجيك الموضوووع الثااني ..







باجي البنووتات الحلوين أين أنتننننننننننن ؟؟

 

[بنوتة نعومة]

شهوودة حبيبتي اشوة شفتج نوتي بفصل

مشكوورة حبيبتي و الله يعافيج

يلا بااي بس ما قمت اشووف ​

 

[شهووده]

يعااافيج حيااتي :*

مس يوو والله :*

يلا عااد خنشووفج بالويك إند عندي لج جم سؤااال



نوووم العواافي ..