ديوانية سوالف حريم اللي فوق الثلاثين حياكم الله ..........

[OmRashed]

رهوف
خوش طريقه مشكوره بقول حق طباختي تسويها حقي
بما اني احب الهات جوكلت

 

[رهوف]

اي ام راشد شفتي يعني تخيلي قاعد يصورها طول الوقت يعني احس انتهاك لكرامتها وخصوصيتها ... بس مسكينة شكلها تحبه

 

[OmRashed]

ايه والله شكلها تحبه
بس هذا اللي يضايق هالتصوير
واهيه ياغافلين لكم الله لانه مهما
يكون الوحده لها خصوصياتها حتى لو ماعندها شي
الله يعينها

 

[رهوف]

بالعافية مقدما


الا البنات وينهم كلهم راحوا يقرون ............. اوف كله مني :bbbiu:

 

[OmRashed]

الله يعافيج

 

[رهوف]

تصبحين على خير ام راشد بحاول انام حايشني ارق مو طبيعي

 

[OmRashed]

وانتي من اهله .. والله وياج ياقلبي

 

[ام الفوز]

ها اشصار عليكم فصل عندى النت بط جبدى

 

[هوى الدار]

انا انشغلت اقرا اسماء المعلمات الي استحقو الاعمال الممتازه

وينكم ؟؟؟

 

[أم بدير]

استغفرا لله العظيم
مادري شسوي بسالفة الخدم
عسى ما اييبلي خدامه الا تهاوشت مع الباجي واضطريت امشيها عشان عيالي
الحين صارلها خدامتي ست اشهر شزينها
بيت اهلي يابوا خدامه واخوي ياب خدامه وكلنا ساكنين ببيت واحد بس الخدم غرفتهم وحده
وماكان بينهم شي
توهم خدامة بيت اهلي وخدامة اخوي يو يشتكون يقولون خدامتي مهددتهم بالقتل
هالحجي عقب ما قلت حق مرة اخوي كلمي خدامتج لأن الخدم كلهم يشتكون منها والسبه ماترضى تنظف غرفتهم وحمامهم معاهم بس تخليهم اهم يشتغلون عندها واهي تقول مالي شغل فيكم
كلمتها مرة اخوي قبل امس
اليوم يت خدامة بيت اهلي تقول ام خدامة اخوي قايلتلها ان خدامتي تقول بتذبحه وخاشه سجين
مادري شسوي ياربي

 

[OmRashed]

ام بدير
انتي ماعندج حظ مع الخدم .. الله يعينج
او تلقين خدمهم اهما اللي يطفشون اي خدامه تييبينها

 

[ام الفوز]

مشكوره حبيبتى رهوف على هوت جوكليت حسافه بقيت اسالج اقدر استغنى عن الكريمه الى فوق وتصبحين على خير ونشوفج ان شاء الله

 

[ام الفوز]

الله يعينج ام بدير على الخدم هم هذي سالفتها بعد اشوي جايده كلميها وشوفى شنو االسالفه وبعدين اذا صارو كل وحده من جنسيه اكيد بتصير عداوه بينهم عمى بعينهم اذونا والله بسوالفهم الى ما تخلص

 

[أم بدير]

والله مادري شسوي
لو وحده ثانيه جان قالت كيفهم الخدم ومشاكلهم واكيد يتبلون وجذابين
بس انا وحده جبانه حدي وما اجازف بسوالف فيها عيالي
باجر بردها المكتب من الصبح والله كريم
ويكونون الخدم وصلوا للي يبونه
وانا فلست من خدامتي
ماعندي حل ثاني
لأن ما اقدر اخليها على اساس اني متأكده انهم جذابين
لأن حتى احتمال 0،01% انهم يكونون يقولون الصج بيأثر بيكون خطر على عيالي

 

[أم بدير]

ام الفوز حبيبتي لو أسألها وتقول جذابين هم ما اقدر اخليها لأن ممكن تكون تجذب علي
مع ان ممكن تكون تقول الصج
بس هم ما اقدر اخليها على احتمااااااال اي واحتماااااااال لأ

 

[ام الفوز]

لا ام بدير لاتصيرين جبانه وبعدين كلميها وشفى شنو سالفه يمكن يجذبون ويتبلون عليها

 

[ام الفوز]

صج صج الله يعينج والله سالفتهم سالفه

 

[أم بدير]

لا ام بدير لاتصيرين جبانه وبعدين كلميها وشفى شنو سالفه يمكن يجذبون ويتبلون عليها

والله ام الفوز هذي مافيها جبانه وشجاعه
اذا علي انا بالطقاق
بس عندي يهال ومايسوى علي باجر اشوف اساميهم بالجرايم مذبحين بسبة خدامه انا سمعت عنها انها مو زينه وخلينها
اسم الله عليهم والله يخليهم لي انشالله ويحفظهم

 

[yoshyosh]

السلام عليكم ورحمة الله وبركاته جميعا​

والله مادري شسوي
لو وحده ثانيه جان قالت كيفهم الخدم ومشاكلهم واكيد يتبلون وجذابين
بس انا وحده جبانه حدي وما اجازف بسوالف فيها عيالي
باجر بردها المكتب من الصبح والله كريم
ويكونون الخدم وصلوا للي يبونه
وانا فلست من خدامتي
ماعندي حل ثاني
لأن ما اقدر اخليها على اساس اني متأكده انهم جذابين
لأن حتى احتمال 0،01% انهم يكونون يقولون الصج بيأثر بيكون خطر على عيالي

انا اقترح عليج خلي خدمج ينامون بغرفة ثانية عن الخدم لان في بعض الخدم يستغلون المعزبات الخوافات اللي مثلج عشان يسون سياسة التطفيش بعدين انتي تقولين لهم خل ايب اختج او وحدة من اهلج:050103nbh_prv:​

 

[OmRashed]

اسم الله عليهم لا تصيرين جذيه توسوسين وايد
انتي ماسويتلها شي اهيه والخدم ينيازون
ولازم تكلمينها تشوفين شسالفتها