ديوانية سوالف حريم اللي فوق الثلاثين حياكم الله ..........

[OmRashed]

وعليكم السلام

 

[أم بدير]

ماكو مجال احط خدمي بغرفه وباجي الخدم بغرفه ثانيه
لأن غرف الخدم عندنا بس وحده مع حمامها المفروض فيها خدامتي وخدامة بيت اهلي
بس اخوي ياب خدامته وحطها معاهم لأن ماعنده مكان بشقته
وصراحه اذا بنحط حق كل خدامه غرفه نطلع احنا من البيت احسن
لأن اول وتالي انا في يوم من الأيام بييب خدامه ثانيه عشان الشغل بيزيد هم بحطها بغرفه بروح عن خدامتي الأولى؟
وبعدين خلي سالفة الغرف
المشكله اذا فعلا الخدامه مهدده مع اني اشك بالموضوع يعني فيها اجرام
شلون بخليهابروحها مع عيالي بالبيت وانا وحده عندي دوام؟

 

[أم بدير]

اسم الله عليهم لا تصيرين جذيه توسوسين وايد
انتي ماسويتلها شي اهيه والخدم ينيازون
ولازم تكلمينها تشوفين شسالفتها

والله ام راشد اذا على سالفة اكلمها بكلمها
بس بعدين شبيصير يعني؟
اذا قالت ماقلت وما هددت وهذا اللي اكيد بتقوله
بصدقها وبخلي عيالي معاها؟
يعني لو فعلا مهددتهم بتيي تقول اي هددتهم؟
اكيد اجابتها بالحالتين ما هددتهم
بس شلون اتأكد
هذي المشكله
وعشان في نسبة شك
انا ما اجازف

 

[OmRashed]

الله يعينج
وحطي ابالج طول ماانتي موقاعده ابيت ابرحج
ماراح تستقرين مع الخدم لان وحده تخرب على الثانيه

 

[أم بدير]

ام راشد بيت اهلي اهو بيتي
انا عايشه مع خواتي لأن امي وابوي متوفين ومافي كبير بالبيت
وانا اللي مجابله خواتي والخدم
يعني الخدامتين انا معزبتهم
وكانوا شزينهم مع بعض لين كلمة خدامة اخوي خدامة اهلي وشيشتها وقالتلها بتذبحج وخاشه سجين
والثانيه خافت وقالت ما اقدر اقعد معاها دام بتذبحني

 

[OmRashed]

الله يرحمهم ويغمد روحه الجنه ان شالله
سالفتهم سالفه هالخدم .. الله يعينج ام بدير

 

[أم بدير]

الله يرحمهم وجميع المسلمين انشالله
الله يعين الجميع انشالله
مشكوره حبيبتي والله ام راشد
عورت راسج بسوالف الخدم على هالليل
بس والله طلعولي فيها طلعه توهم
مو قادره انام قاعده احاتي واوسوس
هذا اللي ورثته من امي الله يرحمها
خخخخخخخخخخخخخخخخخخخخخ

 

[ام الفوز]

بصراحه الله يعينج من قلب ام بدير مسؤوليه البيت كله على راسج والخدم بلوه عمى بعينهم لاوالله الزم ما عليج عيالج بس اذا بتيبين خدامه ثانيه لازم اتكلمين الثنتين وتحطين حد لهم وتكلمين اخوج يكلم خدامته لانه ما يصير جذيه كل ما يبتى وحده اطفشت هذي مو حاله

 

[أم بدير]

بصراحه الله يعينج من قلب ام بدير مسؤوليه البيت كله على راسج والخدم بلوه عمى بعينهم لاوالله الزم ما عليج عيالج بس اذا بتيبين خدامه ثانيه لازم اتكلمين الثنتين وتحطين حد لهم وتكلمين اخوج يكلم خدامته لانه ما يصير جذيه كل ما يبتى وحده اطفشت هذي مو حاله

والله يا ام الفوز كلمتهم من قبل
وكل ما تيي خدامه يديده اكلمهم واقولهم
بس المشكله انا اكلم اللي عندي
مالي حق اكلم خدامة اخوي
واخوي مايكلم خدامته يخاف تزعل وتمشي
واهو مايبيها تمشي
ماتشتغل
وماتسوي ولاشي
وكله تقول انا مريضه
واهي ماعندها شي ما اقدر اشتغل وايد
يعني اذا اخوي ومرته مو بالبيت تقعد بالغرفه فوق ماتنزل الا لما نسوي الغدا تيي تقول وين غداي عشان نحطه لها
ولما تقوم من الغدا تقط صحنها عشان خدمنا يغسلونه لها وترد الغرفه
واهم يشتكون منها يقولون ماتسوي شي بالغرفه ولا حتى تغسل حمامهم معاهم تقولهم مايهمني غسيل حمامنا والغرفه تبون تغسلونه انتوا كيفكم بس انا مايهمني
قلنا حق اخوي جم مره قال كلمتها ماتبي تسوي شسويلها اردها يعني؟
مره طاحت مريضه مده طويله قال مايخالف خلها لاتشتغل ولاتسوي شي بس لاتقولولي روح ردها وسو معاملات خدامه يديده وتعال انطرها توصل
انا زين خلصت اوراق هذي
مالي خلق ثانيه

 

[ام الفوز]

لا هذي سالفتها سالفه خدامت اخوج يا سلام ما تبي تشتغل عيل اشحقه يايه والله طراق من راعى المكتب تمشي سيده مره جذيه اختى وحده من الخدم انا ما اقدر اشتغل وايد وهم شكثر بالبيت خدم غيرها بس هي شغلها المطبخ تقول لاانا ما ابي اسوي اصناف وايد ودتها المكتب طراق تسنعت

 

[أم بدير]

ومنو بيوديها المكتب عشان تتسنع؟
اخوي مايبي يزعلها عشان ما تستنفر وتخيس نفسها عالياهل والا تقول مابي اشتغل ويتوهق
انا اخوي حده كسلان ومو مال هالسوالف كلش

والله ودي انام بس مو قادره التفكير ذابحني

 

[ام الفوز]

ومنو بيوديها المكتب عشان تتسنع؟
اخوي مايبي يزعلها عشان ما تستنفر وتخيس نفسها عالياهل والا تقول مابي اشتغل ويتوهق
انا اخوي حده كسلان ومو مال هالسوالف كلش

والله ودي انام بس مو قادره التفكير ذابحني

الله يعينج والله بس لااتوسوسين وتكلى على الرحمن والله يحفظكم ان شاء الله وعوذيهم وماكو الاالعافيه :yaaaaaarb:

 

[أم بدير]

الله كريم
انا بحاول انام بس شكلي بييب اليهال انومهم بالغرفه هني عشان انام مرتاحه
خخخخخخخخخخخخخخخخخخخ

حدي مو صاحيه بس شسوي هذا انا
تصبحين على خير حبيبتي
عورت روسكم معاي
اي مايصير يعورني راسي بروحي
بالصراء والضراء عدل؟
خخخخخخخخخخخخخخخخ

 

[ام الفوز]

الله كريم
انا بحاول انام بس شكلي بييب اليهال انومهم بالغرفه هني عشان انام مرتاحه
خخخخخخخخخخخخخخخخخخخ

حدي مو صاحيه بس شسوي هذا انا
تصبحين على خير حبيبتي
عورت روسكم معاي
اي مايصير يعورني راسي بروحي
بالصراء والضراء عدل؟
خخخخخخخخخخخخخخخخ

ههههههههههههه احنا خوات صاجه لازم وحده تشيل هم الثانيه وطمنينا باجر اشراح يصير عليج والله معاج وتصبحين على خير

 

[أم بدير]

حاولت النوم دون جدوى

 

[أم بدير]

الحلقه الثانيه من مسلسل الخدم

اليوم الصبح ياني اخوي يقولي ان خدامته قالتله ان خدامتي انحاشت
صعدت فوق غرفة الخدم لقيت جناطها مزهبه يعني اللي تزهب جناطها تنحاش بدونهم ليش؟
دورتها مالقيتها

قالولي شبتسوين؟ قلتلهم كنت ناويه اردها المكتب اليوم بس انحاشت ببلغ هروب وخلاص
شوي والا خدامتي داشه البيت حدها منهاره
سألتها وين كنتي؟
قالتلي كنت بالجمعيه اشتري كرت عشان بدق عالمكتب اقوله اني ابي ارجع لأني اليوم الصبح سمعت اختج تقول حق خدامة البيت ديري بالج منها(قصدها عنها) وتقول انا صارلي مده هني وسنين اشتغل ببيوت محد اشتكى مني وعمري ما مديت ايدي على مال حرام وصارلي عندكم ست اشهر ولا مره خذيت فلس من أحد ولا عمركم فقدتوا شي اليوم اسمع اختج توصي الخدامه مني اللي توها يايه وانا معلمتها عالشغلّ!!
طبعا اختي حذرت خدامة البيت على اساس الكلام اللي امس واصلنا من خدامة مرة اخوي ان خدامتي مو بس مهدده بالقتل.. الا تبوق بعد
المهم سألت خدامتي قلتلها انزين انتي عندج سجين؟
استغربت الموضوع وقالت لأ من وين وليش
ناديت خدامة اخوي اللي امس اهي قايلتلي انها كلمة خدامتي عن السجين اللي عندها وخدامتي قالتلها ماتدري عنها
قلتلها خدامتي تقول ماتدري عن السجين
جان تقول اي محد يدري عن السجين ومحد شافها
قلتلها انتي امس قايلتلي انج كلمتي خداتي عنها وساءلتها عنها
قالت لا لا ماتدري عنها
طبعا خدامتي ملزمه عالروحه ماتبي تقعد مع خدامة مرت اخوي
خدامة بيت اهلي تقول ان رات خدامتي ماراح تقعد مع خدامة مرة اخوي
خدامة مرة اخوي دقت على اخوي منهاره تقول اذا ماتبوني ردوني المكتب.. طبعا لأنها تدري ان اخوي مستحيل بيردها لأنه ماله خلق يتحرك من مكانه

The End
خخخخخخخخخخخخخخخ

 

[OmRashed]

ههههههههههههههه
ام بدير انتي الله يعينج مع سوالف الخدم قطيعه تقطعهم صجج شر لابد منه
ناطرين الحلقه القادمه :dddds:

 

[أم بدير]

ياربي
مرة اخوي قاعده تزن على راسي تبي ارد خدامتي
تقول خايفه على ولدها
مع ان خدامتها انكرت كل كلمه قالتها
حتى سالفة السجين الحين قالت لا طلعت من زمان ويايبتها خدامة اختي تقصص فيها برتقال
وخدامتي ماتدري اصلا شنو سالفة السجين

 

[OmRashed]

ام بدير
انا قلت لج واتوقع هذي سوالف
بين الخدم وحده تتبلى على الثانيه
وماتدرين وين الصج ....

 

[bent-oboha]

السلام يا حلوييييييييييين