دوانيه شلة منتظرات نتيجه عملية اطفال الانابيب والحقن المجهري

[mashaeil.a.al]

ماءشالله تبارك الله الف الف الف مبروك ياروحي والله يثبه لج يارب
والله العظيم فرحت لج حيل وعقبال ماتبشرينا بولدتج وانتي وياه بصحه وسلامه يارب

 

[mashaeil.a.al]

وعقبال لنا جميعآ يارب
انا موعدي الاحد ثاني يوم الدوره اعيد التجربه وتكون رابع مره والله يكتب لنا الذريه الصالحه

 

[mashaeil.a.al]

الله يثبت لكل حامل حمله ويقر عينها بذريتها ويرزقنا ويفرح قلوبنا ويقر عيونا عاجل غير اجل يارب

 

[BARBI]

حبيبتي مشاعل يبارك فيج ياحياتي والفال لج يارب
عسى الله يتمم عليج هالمره وتبشرينا بحمالج ياااارب
بتسوينها عند منو ..

 

[mashaeil.a.al]

اللهم امين يارب
بسويها عند الحكومه
والله كريم

 

[mashaeil.a.al]

بمستشفى الحكومه

 

[BARBI]

حبيبتي ربي يكتبلج الحمل يارب

 

[منوة الزين]

 

[نبض الغلا]

الف الف مبروك والله يتمم حملج يارب

 

[نبض الغلا]

بنات ابي منكم الدعاء لي والله يرزق كل من يبي الحمل ����

 

[BARBI]

نبض الغلا يبارك بعمرج
وربي يرزقج ويرزق جميع المسلمات ياااارب

لازم تيقنييين ان الله هو الرازق وثقي بالله مو بس دعاء وبجي وصلاة ومن داخل مافي ثقه او ماتكونين ميقنه .. انا كل مره احس ادعي وابجي واستغفر بس ماكنت واثقه حييييل بربي كنت اقول ماراح تنجح العمليه وصح ماتنجح ..

وهالمره لا كنت وثقه وميقنه انه ربي بيكرمني والحمدلله واكرمني .. مع انه فرصة نجاح العمليه عندي كانت ضئيله لانه بس جنين واحد تم ارجاعه ..

حبايبي ادعولي ان الله يتمم علي ويثبته ويرزقني الطفل السليم المعافى ..

 

[نبض الغلا]

الحمد لله رب العالمين انا هالمره مو بعيده عن تجربتج سحبو منى12بويضه والناضجة كانت 6واللي تلقحت 2ووحده ما انقسمت ووحده كملت
والحمد لله رب العالمين ردووو لي جنين واحد
والله يكتب لي خيره ان شاء الله
ويرزقنا ثباته
لي اليوم خامس يوم من ترجيع الاجنه والله كريم
❤❤❤❤وانا استخرت الله على العمليه
والله كتب لي وانا راضيه بقسمته

 

[BARBI]

حبيبتي نبض الغلا ربي يكتبلج الحمل يارب انا بفترة الانتظار والله بس اول يوم حسيت بنغزات ع المبيض والصدر وبعدها ماحسيت بولا شي بس ثقل الصدر وهالشي طبيعي عندي انا قبل الدوره بآسبوع صدري يصير ثقيل .. كنت حيل مريحه نفسي اصلي وانا قاعده اكلي ابتعدت عن الچاي والقهوه .. الصبح كان ريوقي بيضتين مفيوحه وحليب كامل الدسم احط عليه الترا بروتين بنكهة الكاكاو .. كنت اشرب الحليب مع البروتين 3 مرات باليوم .. غداي نفسه غدا البيت والعشا اخليه خفيف ..كنت اشرب لترين ماي من ايام السحب .. خامس يوم اذكر حاشني امساك عزكم الله والله تعصرت حيييل توقعت انه خلاص ماراح يثبت من الضغط اللي سويته (( كنت ابجي من الامساك)) مانفع معاي ملينات .. كنت امسح جسمي ماتسبحت الا امس بعد ماسويت التحليل .. بخور عطور مافيه والله كله منسدحه امشي عالخفيف افتر بالصاله بين الاوقات ..

اتمنى اني فدتكم بتجربتي ..


نبض الغلا عند منو مسويتها ..

 

[منوة الزين]

نبض الغلا ربي يقسملج من هالجنين الحمل اللي يفرح قلبج

وتبشرينا خير

 

[نبض الغلا]

انا من اول يوم نغزات عالمبايض وبدت تخف وحاشنى تكرمين ثاني يوم ترجيع اسهال والحمد لله ووقف يوم بس
وكله اكلى اكل بيت بيض توست حليب عصير تفاح ومع علاجاتهم والله كريم
سويتها عند دكتور ناهض حماديه

 

[نبض الغلا]

الله يجزاكم خير حبايبي����

 

[BARBI]

حبيبتي ربي يرزقج ويكتبلج الحمل ياااااارب

 

[BARBI]

حبايبي للي حملوا عن طريق طفل الانابيب ..
الحين بعد ماحللتوا وطلعتوا حمل ..
اشلون مارستوا حياتكم مباشره بعد التحليل يعني قبل موعد السونار الاول .. .. يعني تبخرتوا تعطرتوا .. طلعتوا .. يعني فيدوني الله يرضا عليكم ..

 

[منوة الزين]

باربي اهم شي اول٣شهور ارتاحي استمري ع المثبتات

اطلعي لاتجهدين نفسج

عادي تسبحي تبخري وتعطري عادي ماله شغل ...


والله يتمم لج على خير

 

[منوة الزين]

هذا موقع حساب موعد ولاده اطفال الانابيب

IVF.ca Pregnancy Due Date and Fetal Development Calculator | IVF.ca

يحسب لج موعد ولادتج بضببط .. غير عن الحمل الطبيعي