دوانيه شلة منتظرات نتيجه عملية اطفال الانابيب والحقن المجهري

[BARBI]

هلا عيون عمشه اشلونج ياعمري ..

الحمدلله الله يكتب اللي فيه الخير ..

انتي بآي يوم سويتي التحليل عيون عمشه وجم كانت النسبه وهل عدتيه بعد يومين والا لا ؟

 

[M!s$ Zoz]

الحمدلله على كل حال الله يجبر خاطرج ياعمري

انا برتاح .. جم شهر وأعيدها عالسنه الجديده شهر1

الله يكتب لنا الخيره

الله يسهل عليج يارب ويرزقج الذريه الصالحه حبيبتي

 

[BARBI]

عيون عمشه رفيجتي صبرت اسبوعين بعد التحليل وراحت بس ماسمعت النبض فهي تحاتي وايد لانه الاغلب بعد اسبوعين والله انا اقولها مو شرط نطري .. والله يفرح قلبها ..

 

[M!s$ Zoz]

اللهم آمين .. ربي يرزقج يامنوة الزين ويرزقنا ويبشرنا خير ..

احس الوقت وايد طويل وانا توني باليوم الثاني الحمدلله ...

ان شاءالله الايام تمر بسررعه وتبشرينا بحمالج وتفرحين بشوفة ضناج يااارب

 

[BARBI]

حبيبتي مس زوز اللهم آمين ..

 

[M!s$ Zoz]

بنات صج عندي رفيجتي مسويه طفل انابيب والحمدلله بعد 14 يوم من التحليل راحت سوت سونار وتآكدت من چيس الجنين انه بالرحم بس الدكتوره خرعتها وقالت مافي نبض الفقيره تبجي وقالتلها تعالي بعد اسبوعين نتآكد .. متى سمعتوا نبض الجنين بعد التحليل بجم يوم او بآي آسبوع ؟

لا تحاتي ان شاءالله بتسمع النبض وتفرح بضناها
الاغلب يطلع النبض بالاسبوع السادس لي الثامن
يعني من تحلل حمل تنطر اسبوعين لي اربع اسابيع ان شاءالله

 

[BARBI]

إن شاء الله .. الله يفرح قلبها ويفرح قلوبنا يارب ...

 

[BARBI]

سبحان الله فترة العلاج تحاتين وفترة السحب تحاتين وفترة الترجيع تحاتين
وبعدها النتيجه واذا طلعت ايجابيه هم تظل الام تحاتي لين تسمع النبض وبعدها يعدي الحمل على خير لين تولد .. الله يآجرنا ..

 

[M!s$ Zoz]

سبحان الله فترة العلاج تحاتين وفترة السحب تحاتين وفترة الترجيع تحاتين
وبعدها النتيجه واذا طلعت ايجابيه هم تظل الام تحاتي لين تسمع النبض وبعدها يعدي الحمل على خير لين تولد .. الله يآجرنا ..

اييي والله وخصوصا احنا حملنا عزيز وصعب الحمدلله على كل حال
بعد ماعرفت اني حامل والله من الفرحه قمت ابجي بس كنت وايد احاتي يمكن يكون حمل خارج الرحم او ممكن يكون في جيس بس مافي جنين او ممكن يكون في جيس وجنين بس مافي نبض
هالافكار ييت على بالي وقمت اوسوس استغفرالله واااايد تعبت
وبعدين قالولي 3 شهور ماتتحركين وهم هالشي يتعب النفسيه
الله يعين يارب ونشوف عيالنا كاملين وتامين الخلق والخلقه دون زياده ولا نقصان

 

[منوة الزين]

اميييين يارب العالمين


الله يتمم لج على خير باربي ..


عيون عمشا ان شاءالله الكل يمدحها من بعد الله


يارب تسهل امورنا����

 

[عيون عمشة]

باربي انا سويت التحليل طلع 900 بعد اسبوعين وبعد ثلاث ايام الحمدالله ارتفع .. ولما سمعت نبض الجنين كان عمره 7 اسابيع حياتي الله يحفظه...
يعني خليها تنطر شوي هي خايفه مبين نفس الوضع

 

[عيون عمشة]

سبحان الله فترة العلاج تحاتين وفترة السحب تحاتين وفترة الترجيع تحاتين
وبعدها النتيجه واذا طلعت ايجابيه هم تظل الام تحاتي لين تسمع النبض وبعدها يعدي الحمل على خير لين تولد .. الله يآجرنا ..

اي والله هذا انا مو مرتاحه لحد ما اولد بالسلامه يا ربي واطمن .. الله يعينا ويرزقنا وياجرنا على تعبنا الي تحمل طبيعي تتعب شلون الي مثلنا الله يعوضنا خير ولا يحرمنا من الامومه يا ربي يا كريم

 

[BARBI]

الله يهون عليكم حبايبي .. والفال لنا ولخواتي اللي بالمنتدى .. والمسلمات يارب اجمعين

 

[BARBI]

بنات انا كلش ماحس بشي بس اللهم اول يوم نغزات خفيفه وبس وكل شي اختفى

 

[عيون عمشة]

باربي انتي سويتي الترجيع؟؟؟

 

[BARBI]

هلا عيون عمشه اي دقوا علي الاحد وقالوا الاجنه كلها مشوهه بس جنين واحد
السليم وقالت الدكتوره ماراح انطر عليه لي اليوم الخامس اليوم تعالي نرجعه لج ..

 

[منوة الزين]

جم يوم لج الترجيع .. الله يرزقج يارب

ويبين الحمل باليوم العاشر

 

[BARBI]

لي خمس ايام موعد تحليلي 10/1

 

[عيون عمشة]

باربي لا تنسين كل يوم تصدقي واستغفري مع كل اذان اكثر من ميه مره وخليج على الماي اكثر شي والحليب والخيار وبيض مسلوق وعصير تفاح وروب واذا اشتهيتي تغيرين شويه عيش مهروس ابتعدي عن المطاعم والدجاج .. ربي يثبته ان شاءالله وتبشرينا بالحمل

 

[BARBI]

هذا انا والله مكثره بيض وحليب وحط عليه الترا بروتين بنكهة الكاكاو ((صرفته لي الدكتوره)) وخيار وخس .. والحليب اشربه 3 مرات باليوم مع البروتين .. والله الدياي عادي اكل منه .. الله يعدي هالايام على خير ..