دوانيه شلة منتظرات نتيجه عملية اطفال الانابيب والحقن المجهري

[عيون عمشة]

مووفقه باربي وطمنينا عليج بعد السحب ربي يكتب لج الحمل يا رب

 

[عيون عمشة]

مس زوز الله يثبت حملج ان شاءالله ... اي شهر صرتي؟

 

[M!s$ Zoz]

مس زوز الله يثبت حملج ان شاءالله ... اي شهر صرتي؟

حبيبتي عموشه اجمعين يارب ?
اليوم دخلت الخامس الحمدلله .. انتي بداية السادس عدل ؟
بسألج الدكتوره طلبت منج تسوين سونار رباعي بالخامس عشان تتطمن على البيبي وتتأكد مافي تشوهات بعيد الشر

 

[عيون عمشة]

يا عمري زوز تولدين بالسلامه يا ربي.. اي عدل انا دخلت السادس الحمدالله وانتي دام بالشهر الخامس معناته تسوين سونار تفصيلي اسمه انا سويته بالخامس والسونار الرباعي جنه بالسابع يسوونه الي تشوفين فيه البيبي ..

 

[عيون عمشة]

منوه الزين حبيبتي انتي معوضه خير يا رب وارتاحي جم شهر وعيدي التجربه وسويها هالمره عند رويال حياه الدكتوره اليزافيت الله يرزقج ان شاءالله باقررب وقت

 

[BARBI]

حبايبي ربي يحفظكم ويتمم عليكم الحمل ..

الحمدلله تمت عملية السحب دعواتكم الارجاع راح يكون بعد فحص الاجنه
دعواتكم حبايبي .. انا اللي يطلعولي اجنه مشوهه .. يارب نحصل اجنه سليمه ..

 

[عيون عمشة]

باربي موفقه يارب الله يرزقج الاجنه السليمه من الدرجه الاولى و يتم الحمل ونفرح فيج امين يارب ... ما دقو عليج للحين ما قالولج جم عدد الاجنه الي طلعو معاج!؟ ان شاءالله خير

 

[M!s$ Zoz]

حبيبتي باربي
ان شاءالله كل الاجنه تطلع سليمه .. الله يوفقج يارب حياتي انتي

 

[BARBI]

حبايبي ماقصرتوا .. دقوا علي ثاني يوم قالولي انه البويضات تلقحوا ..
بس ينطرون فحص الاجنه الاثنين يصيرلهم خمس ايام ..

 

[منوة الزين]

اللهم امين عمشه يجزاج خير

باربي ربي يسرلج امرج ويتمم لج على خير

وتبشرينا بحملج قريب يارب

 

[BARBI]

الحمدلله بنات اليوم دقوا علي وقالوا انه الاجنه جميعها مشوهه الا جنين واحد وقالوا تعالي نرجعه لج ماراح ننطر اليوم الخامس .. والحمدلله ياربي الله يكتبلي الحمل السليم المعافى ..

 

[منوة الزين]

باربي الله يصبر قلبج وتعبج

انتي بكل عمليه كم يتلقح جنين

انا اقول لو تجمدينه وتعدين التجربه العلاج والسحب

بحالتكم يكون عندج على الاقل كم جنين او ثلاث اجنن ويرجعونهم لج مره وحده

مادري طرت على هالفكره

يارب تجبر بخاطرج يااااارب

 

[منوة الزين]

ياربي تجبر بخاطرج وخواطرنا بالحمل السليم اللي يفرحنا

 

[BARBI]

هلا منوة الزين انا يسحبون مني بويضات بس يطلعون مشوهين والسليم واحد او اثنين .. اخره مره واحد .. وهالمره واحد والحمدلله ..

 

[منوة الزين]

الحمدلله على كل حال الله يجبر خاطرج ياعمري

انا برتاح .. جم شهر وأعيدها عالسنه الجديده شهر١

الله يكتب لنا الخيره

 

[BARBI]

اللهم آمين .. ربي يرزقج يامنوة الزين ويرزقنا ويبشرنا خير ..

احس الوقت وايد طويل وانا توني باليوم الثاني الحمدلله ...

 

[BARBI]

بنات صج عندي رفيجتي مسويه طفل انابيب والحمدلله بعد 14 يوم من التحليل راحت سوت سونار وتآكدت من چيس الجنين انه بالرحم بس الدكتوره خرعتها وقالت مافي نبض الفقيره تبجي وقالتلها تعالي بعد اسبوعين نتآكد .. متى سمعتوا نبض الجنين بعد التحليل بجم يوم او بآي آسبوع ؟

 

[عيون عمشة]

اللهم امين عمشه يجزاج خير

باربي ربي يسرلج امرج ويتمم لج على خير

وتبشرينا بحملج قريب يارب

وتبشرينا انتي بعد بحملج يا رب منوه الزين ونصيحه جربي الدكتوره اليزافيت هالمره الدكتوره شاطره و ربي يرزقج حبيبتي ان شاءالله

 

[عيون عمشة]

الحمدلله بنات اليوم دقوا علي وقالوا انه الاجنه جميعها مشوهه الا جنين واحد وقالوا تعالي نرجعه لج ماراح ننطر اليوم الخامس .. والحمدلله ياربي الله يكتبلي الحمل السليم المعافى ..

ان شاءالله هالواحد فيه بركه ويثبت بالرحم ويتم الحمل امين

 

[عيون عمشة]

بنات صج عندي رفيجتي مسويه طفل انابيب والحمدلله بعد 14 يوم من التحليل راحت سوت سونار وتآكدت من چيس الجنين انه بالرحم بس الدكتوره خرعتها وقالت مافي نبض الفقيره تبجي وقالتلها تعالي بعد اسبوعين نتآكد .. متى سمعتوا نبض الجنين بعد التحليل بجم يوم او بآي آسبوع ؟

باربي تو الناس انا بعد اسبوعين من الترجيع عرفت اني حامل من التحليل الهرموني وشفت النسبه بس ... لكن رفضت الدكتوره اليزافيت اسوي سونار وسويته اعتقد بعد ثلاث اسابيع من معرفتي بالحمل يعني بعد خمس او ست اسابيع من الترجيع خليها تنطر شوي تو الناس ان شاءالله خير