دوانيه شلة منتظرات نتيجه عملية اطفال الانابيب والحقن المجهري

[rachaaa]

لله يسهل امورك يارب ويكتبلك الخير

 

[last piece]

قوة بنات انا اليوم اول يوم ترجيع ادعولي يا بنات ان شالله ربي يرزقني ويرزقكم بالحمل السليم الثابت
اليوم اثناء الترجيع ما ادري ليش انقطع نفسي ما عرفت اتنفس عدل فقالي الدكتور عندج تشنج بالرحم وعطاني بخاخ بالفم مرتين وبعدها بنص ساعة مرتين بعد والجو في غرفة الترجيع بررررد موت يمكن هذا اللي خلاني اتشنج الله يستر وعسى الله مايضيعلي تعب

ربي يثبت لج اجنتج يارب ولا يضيع لج تعب
التشنج اكيد من التوتر والبرد

 

[last piece]

تسلمين رشا ربي يفرح قلبج

 

[شمووووخة]

مشكورة لاست ع الدعوة الطيبة وعسى الله يسهلج امورج يارب
بغيت اسالج شنوفايدة البروتينات للترجيع

 

[last piece]

اعتقد مفيده حق انقسام الخلايا وبالتالي يفيد ثبوت الأجنة
انا قالتلي الدكتوره كثري بروتينات قلت لها ريوقي بيض واشرب حليب
قالت واكلي فول الصويا في نسبة بروتين عاليه بس قالت تحركي لان يسبب غازات
واذا ما تحركتي تعور بطنج

 

[الـزينـة]

السلام عليكم

خواتي شلونكم

الف مبروك للحوامل عسى الله يثت اجنتكم ويفرح قلوبكم بالذرية الصالحة

وربي يعوض الي ما نجحت محاولتهم ويمسح على قلوبهم ويرزقهم بالحمل كامل الخلق والخلق عاجلا غير اجل يا رب

قررنا نعيد العملية هالشهر وبديت بالابر امس

ربي يسهل وتنجح العملية هالمره بإذن رب العالمين*

دعواتكم

 

[مجننة زوجي]

بنات أنا بنهايه الشهر الثاني يوم او اثنين ادخل الثالث ان شاء الله
قبل شوي رحت دوره المياه وانتو بكرامه نزل مع البول ماده زلاليه مثل زلال البيض بس اصفر فاااتح وعريضه لدرجه اسحبها عشان تنزل
طمنوني فيها خطر على حملي
معليش على الوصف بس ماعندي غيركم بعد الله يساعدني
بكره جمعه مافي مستشفيات والا كان رحت عشان كذا خايفه
تكفووووون تردون علي اذا عندكم فكره​

 

[ayisha]

صباح الخير شخباركم
بنات اليوم لي ١٢ قرب وقت التحليل واحس توترت اليوم قعدت الصبح كنت بحلل منزلي وسبحان الله ترددت قلت باجر احسن
احس مافيني شي استغفرالله الاعراض تختفي فجاه وتطلع فجاه تحطني بحيره كل الي صج احس فيه نغزات بمبايضي تجي وتروح والم مثل الدوره
يمسكني حيل احس شي بينزل ومالاقي غير افرازات شفافه والله يستر
والحمدالله كنت خايفه ينزل معاي دم بس مانزل
بنات ادعولي انشاءالله يثبتون حدي متوتره

 

[sweet angel2013]

السلام عليكم
من زمان وانا اتابع هالتجمع الرائع والله يرزق كل محرومه ان شاء الله
اليوم لي خامس من ترجيع الأجنة (أجنة مجمدة) ماتحركت إلا قليل ولاداومت ولاطلعت من بيتي وبطلع يوم السبت بس عشان اخد سكليف وارد والله يثبت اجنتي واجنة كل منتظرة بس انا دكتوري ماعطاني ابر مثبته بس تحاميل سايكولجست ماادري تضبط الامور.​

 

[sweet angel2013]

طبعا هدي رابع مره ارجع اجنة وان شاء الله تضبط هالمره

 

[الورده المتلئله]

صباح الخير وجمعه مباركه عالجميع
ان شاء الله يارب تظبط معنا وكلنا حوامل يارب
انا كمان اعطاني الدكتور بس تحاميل وبكره ان شاء الله الارجاع
بس الشد يلي ببطني وخصوصا بالمعده مستمر وهلا شربت يانسون
وبنات ساعدوني بدي حل من اول مبارح يوم السحب لليوم وما اخرجت شي وخايفه ياثر عالارجاع بكره

 

[ayisha]

هلا فيج حبيبتي سويت انجل بين خواتج والله يتمم لج علا خير ان شاءالله ويثبت هالمره يارب
الورده عادي اللي تحسين فيه واشربي الكراويه تطرد الغازات وتوخر الامساك انا نصحت فيه البنات اول جدا ممتاز
وانا مجربته بعد السحب ريحني حيل وخر الامسااك والغازات

 

[شمووووخة]

قوة بنات شلونكم الله يرزقكم جميعا
عايشة االله يبشرج بالخير ويرزقج بااحمل السليم ناطرينج تبشرينا
الوردة لاتخافين حياتي هذا ماله علاقة بالارجاع بس انتي خليني دكتورج يعطيش شي حق الامساك عشان بعد الترجيع ما يضايقج
سويت الله يرزقج ان شالله بااحمل السليم
الزينه بالتوفيق وعسى الله يكلل عمايتج هذي بالنجاح
مجننه زوجي يمكن عندج زلال سوي بحث ع قوقل وشوفي يمكن تلقين شي يريحج

 

[شمووووخة]

بناااات
انا امس اول يوم ترجيع نمت ع بطني قمت اليوم وحاسة فيني ثقل والم في الارحام الله يستر ماكنت ادري انه موزين انام ع بطني ماحد قالي
الله يحفظلي اجنتي ويرزقني بالحمل السليم

 

[سمو النفس]

بنات لاتاخذون اعشاب انا قبل دكتوري مانعني من الاعشاب من قبل العمليه بشهرين نصيحه لاتشربونها

 

[سمو النفس]

شمووخه لازم تنامين عالجمب اليمين او اليسار او علئ ظهرج وعادي انا قبل سويتها نسيت نفسي ونمت مره وحده علئ بطني لان متعوده علئ نومه البطن عادي لاتحاتيين

 

[شمووووخة]

سمو النفس الله يطمن قلبج مثل ما طمنتيني
الله يستر وعسى الله يعاوض صبري خير

 

[Four butterfly]

حبيبتي فور بيوتيرفولي
ليش ناطرة للحين عملية اطفال اﻷنابيب صار الكل يسويها وصارت منتشرة بالكويت بشكل كبير لا تضيعين عمرج بالانتظار ادعي ربج واستخيري واختاريلج دكتور مناسب وربج كريم ترا العمر يركض حاولي تستعجلين باجراء العملية يمكن ربي يرزقج بتوائم ما تدرين
عموما الله يرزقج بالحمل السليم عاجل غير اجل

تسلمين حبيبتي على الرد
معاج حق , انا هالشهر مجربه تلقيح صناعي وهذه ثالث مرة بس لو ربي ما كتب تنجح راح اسوي طفل انابيب

 

[الشمعة المضيئة]

مرحبا بنات

عايشه ..... ربي يفرح قلبك ....وتبشرينا
شموخه.... لاست . الوردة المتلئلة..... ربي يثبت اجنتكم ويرزقكم الحمل السليم التام
الزينه.... ربي يتمم لك على خير..وبداية خير ان شاء الله
سمو .... شخبارك وشلونك مع الوحام.
بالنسبة لي الحمدالله الدم وقف .... بس خايفه عندي ألم ... اسفل بطني يروح ويجي خاصة اول ما اجلس من النوم... مثل ألم الدورة
ربي يلغني واسمع النبض ولا يضيع تعبنا

ربي ارزقنا ولا تحرمنا

 

[شمووووخة]

اااامييين يارب عسى الله يقر عينج يالشمعة بشوفة البيبي اللي يفرحج