دوانيه شلة منتظرات نتيجه عملية اطفال الانابيب والحقن المجهري

[last piece]

بنات الحين لازم بفتره الانتظار هذي ينزل دم ولامولازم لان في
ناس يقولون الدم علامه ثبوت الاجنه واللون البني بعد وفي ناس يقولون لا الدم
والبني موشرط ثبات طيب يصير ماينزل شي ويصير حمل؟
انا مانزل مني وقريت بكذا منتدا ان اللي ماينزل تكون عمليتها فاشله
بنات طمنوني قمت احاتي

عايشه موشرط حبيبتي الدم
وكل وحده جسمها يختلف عن الثانيه
مثل النساة في حريم مايتحملون شي لا عذور ولا غيره
وفي سبحان الله ماتحسين انهم حوامل
عشان جذي مو مقياس اللي صار مع غيرج يصير معاج
ربي يطمن قلبج ويفرحج بشوفت ضناج

انتي منو سوالج العمليه ؟؟
انتي في الصباح
انا في الصباح

 

[ayisha]

هلا حبيبتي لاست اي بالصباح
سوتها لي دكتوره طيبه كله السحب والارجاع بس اذكر ان وقت السحب موبس بروحها تشتغل كانت معاها دكتوره فاطمه
لانها متابعه حالتي هي ويا دكتوره طيبه

بصراحه كنت حدي خايفه لان فيني تكيس وتعرفين مع التنشيط ممكن يصير تضخم وسوائل
بس الحمدالله ياربي كانت دكتوره فاطمه تطمني وتقول احنا دقيقين وحريصين علا حالتج حتئ دكتور حازم منبهنا يقول مريضات التكيس
خليكم دقيقين جدا معاهم والحمدالله ربي عداها علا خير صحيح تعبت بس ماعلي ربي انشالله يرزقني ويثبت اجنتي

 

[last piece]

اي انا بعد دكتوره طيبه سوتلي السحب
بس انا دكتوري حاتم
بس الحين مع الاسف صار معاي تضخم في المبايض
الحمدلله على كل حال
بس رحت لهم اليوم قالولي احتمال الترجيع يكون يوم الخميس او الجمعه
ربي يسهل ويكتب اللي فيه الخير لي وللجميع

 

[ayisha]

ان شاءالله يارب يخف ويروح منج وربي مايضيع تعبج قولي اميين
ويرزقج ويفرح قلبج لاتحاتين ان شاءالله مرحله وتعدي انتي بس تفائلي وماعليج

 

[الورده المتلئله]

بنات انا اليوم عملت السحب بس بعد ماصحيت من البنج صار كان معاي وجع شديد بالبطن ولهلا بعدو موجود
كتبولي على تحاميل استخدمها من اليوم ليوم التحليل
مين بيعرف لشو هاي التحاميل

 

[mona777]

الشمعه الف الف مبروك

 

[last piece]

الورده هذه التحاميل تهيئ الرحم لاستقبال الاجنه وتثبت الاجنه ان شاءالله
ربي يرزقج ويرضيج

 

[ماتغير شي]

لاست ، عايشه ، بغيت اسالكم انتم سويتو العمليه بالصباح صح شنو طلبوا منكم اوراق وجم شهر وانتم رايحين رادين ولازم واسطه وله لا ؟؟

 

[last piece]

لا بدون واسطه
بس تقرير عن الحاله
وعقد الزواج والمدنيه للزوجين
تقريبا ٣ شهور تحاليل بعدها قابلناًالدكتور
بس الدكتور هو اللي يحدد متى يبدون العلاج
لان في حالات يستعجلون عليها مثل اذا كانت الزوجة فوق ٣٥
بعدين الحين في اكثر من مركز مو بس الصباح
في العدان اعتقد
وفي الجهراء

 

[الورده المتلئله]

بنات الوجع يلي ببطني والشد بعدو مستمر اليوم بعد عمليه السحب هاد الامر عادي ولا لا

 

[الشمعة المضيئة]

مرحبا بنات

الله يبارك فيكم ... وعقبالكم...... ويبلغني اسمع النبض .... لانه اول مرة سويتها صار كيس بدون جنين

حبيبتي الوردة المتلئلة.... عذرا ما قدرت ارد عليك ماعندي رصيد مشاركات كافي
بعد الارجاع ان اكلي طبيعي ابتعدت عن اكل من بره والغازيات والمنبهات... وانا اكلي قليل بالعادة......
وحركتي بسيطة ومريحه .... وكنت اصلي عادي ...الحمد الله....ما اطلع الا للمستشفى ... لانه كنت آخذ ابر مثبتات
وربي إذا اراد لشي ان يكن يكون.... وكثري الاستغفار وسورة البقرة ..... ودعوات للأخوات المؤمنات بالذرية

وربي ارزقنا ولا تحرمنا

 

[عسل حدي]

استغفر الله العلي العظيم واتوب اليه
استغفر الله العلي العظيم واتوب اليه
استغفر الله العلي العظيم واتوب اليه

 

[الورده المتلئله]

تسلمي حبيبتي الشمعه وربي يتمملك عخير يارب وتسمعي نبض البيبي يااااااارب

 

[عسل حدي]

اب اب اب
اب اب اب
اب اب اب

 

[ملاك صغير]

بنات يارب كلكم بخير..
مبروك للحوامل ويارب يرزق البقية.

سويت العملية مرتين مره سنة 2009 ومره شهر 4 سنة 2012 وفي المرتين يصير عندي حمل خارج الرحم وينزلونه بعملية منظار...أنا متزوجه من سبع سنوات،هل تنصحوني بأن أعيد العملية متخوفه من زيادة الوزن جدا لأن زاد وزني لين وصل مئة وبعد عمل شاق ورياضه يوميا الآن وصلت لــ 85


متحيرة يا بنات أعيد العملية لو لا...خايفة لكن ما عاد تناسبني وسيلة للحمل إلا بطفل الأنابيب لأن في الحملين السابقين أزالوا لي قناة فالوب اليمين واليسار في المره الثانية أزالوا منها 3 سم.

مو خايفة من الفشل ...خايفة أكثر من حمل خارج الرحم خصوصاً أنهم يعملو لي جراحه في سرتي وأسفل البطن

 

[عسل حدي]

اللهم اجعل أمـَي ممن تقول لها النار: {أعبري فإن نورك أطفأ نــاري } وتقول لها الجنه... : { أقبلي فقد اشتقت إليك قبل ان أراك }

اللهم اجعل والدتي من سيدات الجنه.. اللهم آمييين

 

[rachaaa]

ملاك حبيبتي ما بيدينا شي غير نطلب من رب العالمين ونجرب
توكلي ع رب العالمين سوي استخره انا من راي عيديها انا الحين بعيدها
بس ماقالولح ليش يصير خارح الرحم سويتي منظار ولا بعد

 

[ملاك صغير]

هلا رشا شكرا حبيبتي على الرد..والله ما قالوا لي السبب راجعت الدكتور أحمد بركات على اعتبار أن الكل يمدحه وقال لي المسأله قدرية بحته ولا لها علاقة بأي شي...سويت منظار لإزالة الأنبوب..إذا هذا قصدك...يارب الله يكتب لك هالمره الحمل السليم بقدرته

 

[عسل حدي]

اب اب اب

 

[ayisha]

صباح الخير بنات شخباركم ان شاءالله كلكم بخير
الحمدالله اليوم صرت باليوم ١١ وانشاءالله ربي مايضيع التعب اللي تعبته
بس في شغله بسال عنها بليز فيدوني انا اشقر حواجبي والحين طلع الشعر وماتحمل اقعد جذي واخاف استخدمه مع انه موقوي خفيف
بس قلت اسالكم يمكن تعرفون والله محتاره ناس تقول مايضر وناس يقولون لا يضر
احترت بليز اللي تعرف ترد علي
والله يرزكم جميعا يارب