دوانيه شلة منتظرات نتيجه عملية اطفال الانابيب والحقن المجهري

[شمووووخة]

عايشة انا هذي ثالث تجربة لي وان شالله تكون الثالثة ثابته

الوردة الممتلئة انا سعييييدة انج تأثرتي بكلامي وصار عندج تفاؤل عسى الله يرزقج بالحمل السليم عاجل غير اجل

 

[شمووووخة]

بنات بالنسبة للامساك انا ذابحني وكلمت دكتوري اليوم وكتبلي ع دوا اسمه agiolax هذا اخذ منه قفشة قبل النوم واشربه بعدها قلاصين ماي قالي الدكتور انه يمشي البطن وماله اضرار كلش واليوم قبل النوم ان شالله باستخدمه

 

[ayisha]

شموخه حبيبتي خلي عنج الادويه مامنها فود انا رحت وعطوني حبوب وشراب ماجابت نتيجه كلش عالجي نفسج بسرعه قبل الترجيع
وربي في شغله سويتها ماقص عليج اخذي الكراويه واغلي ماي حار وصبي عليها وخليه ربع ساعه ينقع وحطي معاه سكر وشربي كوبين ع الريق شوفي شلون بترتاحين بيوخر الامساك والغازات المحتبسه

 

[i_no00ra]

السلام عليكم
تحياتي لكم خواتي ،، حبيت انظم لكم بما انكم تعانون مثل معاناتي!
انا اليوم خامس يوم من الابر التحضيريه واستخدم 3باودر وواحد ماي ..
بطني منفوخ وينزل مني شويه افرازات بنيه هالشي عادي ؟؟؟
وهم صار معاي احتقان واستخدمت مضاد حيوي ؟؟؟

 

[ماتغير شي]

السلام عليكم بنات شخباركم


بنات بسألكم شنو يعطونكم مع الابر والابر من وين تاخذونهم وجم الوحده ؟؟


واي اسبوع تسون سونار عشان يشوفون حجم البويضه ؟؟


الدكتور طلب مني تحليل الهرمون لازم اسوي تحليل الهرمون قبل الابر ولا عادي بوقت الابر ؟؟


تكفون بنات جاوبوا على اسئلتي

 

[عسل حدي]

استغفر الله العلي العظيم واتوب اليه
استغفر الله العلي العظيم واتوب اليه
استغفر الله العلي العظيم واتوب اليه

 

[ayisha]

هلا اختي ماتغير شي شوفي حبوبه بالنسبه للابر اول شي يعطونج موعد ثاني او ثالث يوم دوره يسون لج سونار داخلي وعلا حسب حالتج شنو حددو معاج علاج طويل او قصير المدى بعدين باليوم اللي رحتي تسوين فيه سونار ثاني يوم هني يكتبون لج جدول الابر وطريقه الاستخدام والمده طبعا اول اسبوع تستخدمينها تالي يحطون لج موعد سونار داخلي وتحليل دم وبول تكرمين وبالسونار يراقبون البويضات حجمها ويكملون لج ابر لين توصلين للعدد والحجم المطلوب وكل ماتروحين يتابعون بويضاتج يسون تحليل دم لازم للهرمون بعدين يوقفون ابر ويعطونج ابره التفجيريه تغزينه بوقت معين وتريحين يوم وعقبه يكون يوم العمليه سحب البويضات

انا الابر كلش ماشريتها لاني اراجع بوحده الانبوب بالصباح كل شي منهم بس يعلموني شلون وانا اروح اغزها بالمستوصف لان ماعرف بروحي
وماشالله صراحه الصباح حيل الدكاتره اللي فيه فاهمين وماتخافين عندهم كلش ولاتحاتين يجيج شي دقيقين حيل

انشالله ربي يوفقج ويرزقج ويرزقنا يارب ويثبت اجنتي ويفرح قلبي

 

[rachaaa]

عايشة متي تحليلك حبيبتي

 

[ayisha]

هلا والله رشا انا اليوم ٩ يوم و ان شاءالله يوم الاحد تحليلي الحمدالله متفائله بس تعرفين الشيطان لما يوسوس لج استغفر ربي واقوول ربي بيرزقني خير
تعرفين شعورج لما تكونين دااارسه عدل وتدرين انج بتنجحين ومتفائله بس وقت النتيجه تخاافين تتوترين تبدين توسوسين هو جذي مثل الشي
الله يرزقكم انشاءالله بالحمل السليم ويرزقني يارب

 

[ayisha]

بنات صج ترا بالنسبه حق تحاميل السايكلوجيست استخدموها شرجي افضل لان اولا مايصير تستخدم وفي دم خفيف بالمهبل وهم ماينفع تستخدمينها وفيج التهاب مثل حكه وحرقه لان بتزيده وتسبب تقرحات انتبهوا هذا كلام دكتورتي قلت لها بعد السحب نزل دم مني وقفتها حطيتها شرجي ويوم الترجيع قلت فيني حكه ماقدر احطها لان بدايه فطريات قالت مايصير لما يحوشج كحه وحرقه ع طول شرجي افضل وبالنهايه مفعولها واحد
وبالشرج افضل حطيها وانسدحي بس خمس دقايق واريح وانظف بالمهبل تلعوز وتطلع كلها

 

[last piece]

بنات انا اتصلوا علي وقالولي باجر الترجيع
بس بطني ذالحني من العوار منتفخ وغازات
قلت لهم قالوا ما يصير تاخذين اي ادويه

مادري شنو اسوي العوار وايد

 

[i_no00ra]

بنات ردوا علي عفية

 

[بناتي عيوني]

السلام عليكم
تحياتي لكم خواتي ،، حبيت انظم لكم بما انكم تعانون مثل معاناتي!
انا اليوم خامس يوم من الابر التحضيريه واستخدم 3باودر وواحد ماي ..
بطني منفوخ وينزل مني شويه افرازات بنيه هالشي عادي ؟؟؟
وهم صار معاي احتقان واستخدمت مضاد حيوي ؟؟؟

حبيبتي بالنسبه للابر التحضيريه انا كنت استخدم 2بودر مع ماي واحد وفشلت عمليتي والحمدالله
وكل دكتور وشطارته في هذا الموضوع اما بالنسبه للافرازات كلمي دكتورج المعالج لج واشرحيله حالتج اهو راح يساعدج
الله يوفقج وبرزقج الذريه الصالحه:eh_s(17):

 

[ayisha]

لاست حبيبتي انا امس قلت حق شموخه عن الكراويه للغازات والامساك سوي مطاره وشربيها طول اليوم والله زينه للغازات والامساك مريحه بيوم واحد تريح احسن من الادويه ودشي اقري فوايدها وبتعرفين

حطي كراويه وصبي عليها ماي حار مغلي خليها تنقع ربع. ساعه وشربي منها بتحسين بعوار ببطنج وعلا طول حماام وتريح صراحه

 

[الشمعة المضيئة]

مرحبا بنات

عايشه.... لاست.... شموخه,,, سمو... كلكم بنات شخباركم ان شاء الله بخير
راح احلل اليوم طبعا حللت منزلي راح اقولكم الخبر الاكيد بعد المغرب ان شاء الله موعدي دعواتكم ولكم مثل دعواتكم
ربي ترزقنا ولا تحرمنا

 

[ayisha]

هلا والله شمعه بخير الله يسلمج
يااارب تكونييين حامل وتفرحين انشاءالله
انتي مسويه تحليل منزلي وطلع سالب ولاموجب؟

انا ناويه اسوي باليوم ١٢ او ١٣ محتاره وزوجي يزفني يقول مافيج صبر يومين
اقوله عشان مانصدم هناك انصدم بالبيت احسن

 

[شمووووخة]

مرحبا بنات

عايشه.... لاست.... شموخه,,, سمو... كلكم بنات شخباركم ان شاء الله بخير
راح احلل اليوم طبعا حللت منزلي راح اقولكم الخبر الاكيد بعد المغرب ان شاء الله موعدي دعواتكم ولكم مثل دعواتكم
ربي ترزقنا ولا تحرمنا

الشمعة المضيئة
اللهم إني أسألك باسمك اﻷعظم الذي إذا دعاك به عبدك اجبته ان تكلل عملية الشمعة المضيئة بالنجاح وان ترزقها بالحمل السليم عاجل غبر اجل وترزقني وترزق كل محرومة بالذرية الصالحة
ااااااامين يارب العالمين
انا متفاءلة فيج خير وان شالله بإذن واحد احد راح تبشرينا

 

[last piece]

مرحبا بنات

عايشه.... لاست.... شموخه,,, سمو... كلكم بنات شخباركم ان شاء الله بخير
راح احلل اليوم طبعا حللت منزلي راح اقولكم الخبر الاكيد بعد المغرب ان شاء الله موعدي دعواتكم ولكم مثل دعواتكم
ربي ترزقنا ولا تحرمنا

ربي يفرح قلبج وتطلع النتيجة حامل
بالنسبة للتحليل البيت لاتعتمدين عليه
احسن تحليل الدم
ربي لايضيع لج تعب
ويرزقج انتي وكل خواتي بالقسم

 

[last piece]

لاست حبيبتي انا امس قلت حق شموخه عن الكراويه للغازات والامساك سوي مطاره وشربيها طول اليوم والله زينه للغازات والامساك مريحه بيوم واحد تريح احسن من الادويه ودشي اقري فوايدها وبتعرفين

حطي كراويه وصبي عليها ماي حار مغلي خليها تنقع ربع. ساعه وشربي منها بتحسين بعوار ببطنج وعلا طول حماام وتريح صراحه

عايشه اخاف اخذ اي اعشاب
مابي شي يأثر
بس رجعت اتصلت فيهم وقالولي تعالي الطوارئ
والحين ناطره دوري
ربي يسهل اموركم كلكم

 

[ماتغير شي]

عايشه حبيبتي مشكوره على الرد وعلى الدعوه الحلوه


انا حددو لي علاج طويل المدى بشهر ١٢ بس كنسلته يعني طويل المدى ( ست اسابيع ) اي اسبوع اسوي سونار ؟؟
من ناحية تحليل الهرمون طلبوا منج قبل ماتبلشين بالابر ؟؟


وان شاءلله يارب تبشريناااا بحمالج ولا يضيع تعبج