دوانيه شلة منتظرات نتيجه عملية اطفال الانابيب والحقن المجهري

[ماي الورد]

من يوم الترجيع

 

[اميره1980]

الله يرزقنا جميعا يا رب

 

[فتاة حالمة]

أنا ان شاءالله راح اسويها في مدينة الملك فهد الطبيه
بس قالوا لي ان السحب راح يسونه ببنج موضي فخفت شوي
مدري انتي قد جربتي الموضعي

انا جربت طفل الانبوب العلاج الطويل 3 مرات من قبل

و العلاج القصير مرة وحدة

اول مرة انجبت ولد وتوفى بعد الولادة رحمة الله عليه

ثاني مرة حمل كيميائي

ثالث مرة انجبت بنت مثل القمر الحمد لله رب العالمين وعمرها الان اربع سنوات وخمس اشهر

ورابع مرة الاجنة كلها حامله لخلل الكروموسومات الوراثية فما رجعت منها ولا جنين

وكلهم سحب البويضات ببنج موضعي

انا شخصيا ما أحس بشي البنج الموضعي يكون في الوريد في الابرة الخاصة بالمغذي

او علبة الجلكوز عموما انا ما اشرب منبهات نهائيا لا قهوة و لا كولا و لا شاي

فبسرعه البنج ياخذ مفعوله معي

في الم محتمل خلال اول يومين بعد السحب راح تتحملينه ولو حبيتي تاخذين له مسكنات

ربي يوفقك لكل خير ونفرح بخبر حملك قريب

انا بدأت دورة العلاج الخامسة و اتمنى ربي يرزقني فيها اخ او اخت لبنتي

 

[سمسومه الحبوبه]

ماقصرتي يا فتاة حالمه طمنتيني
يالله ياربي انك ترزقك اختي فتاة حالمه
بتوأم أولاد طيبين متعافين تامين الخلق والخلقه انك على كل شي قدير
وكل من تمنى الذريه انك على كل شي قدير

 

[احلامي الامومه]

صباح الخير بنات حبايبي امهات المستقبل شلونكم طمنوني نونه صبري علا التحليل لي ١٤ احسن شي وانشالله لاتخافين انا ياني عوار الدوره ظهري وبطني واحساس انها بتنزل كامل عادي بس نزل شي بني خفيف وراح لا تحاتين انشالله فتاه اشلونج مشاعر انتي شخبارج طمنيني ماي الورد الله يصبرنا ويطوف علينا الايام بسرعه سمسومه حبيبتي ورد الياسمين وينج طمنوني شنو اخبار كل وحده ابي اعرف أخباركم ...،

 

[ورد ياسمين]

السلام عليكم
شلونكم بنات
هلا احلامي انا تمام

 

[المشاعرالصامتة]

هلا احلامي بخير يقلبي انطر بس متي احلل وارتاح صرت اطلع واصعد وانزل درج متوكله علي الله سبحانه واليوم عاد معزومه علي عرس وشكلي بروح اوجب بس وبغير جو الصراحه بستانس

 

[احلامي الامومه]

ههههههه لا عاد عرس جنج بعتيها ظهرج يامعوده محد راح يفيدج

 

[المشاعرالصامتة]

والله ليلحين اشاور نفسي ودي وما ودي شكلي بستخير عاد العزايم هلت علي بهالوقت وانا من طبعي احب اوجب اليوم عرسين وكلهم قريبين ومتفشله بس شسوي الله يصبرنا وننحلل ونرتاح احس اني مو علي طبيعتي

 

[المشاعرالصامتة]

غريبه يعني إشمعنا قهوه سوده انا ماقالولي شي ما اعتقد لها شغل بالسحب اشربي شوي اذا ما تحملينها ولا دقي عليهم قوليلهم بس ما اعتقد بيضرج اذا ماشربتي انا الدكتوره قالتلي خففي قهوه وشاي ومشروبات غازيه وهسوالف الله يوفقج حبيبتي لا تحاتين

 

[ثنايا الورد]

قوة بنات اشحالكم وحشتوني

شخباركم؟؟؟

سمسومه تقولين بيسوون لج بالسحب بنج موضعي ليش يعني ؟؟؟ياليت تعلمينا ليش موضعي

لاني للي اعرفه انه السحب بنج كامل مش موضعي لانه متعب ويعور ؟؟؟

عموما الله يهون عليج طبعا انا اقصد العوار بالعمليه بس بعد العمليه مثل ماقلت لكم قبل ان العوار محتمل مثل المغص يروح شوي اشوي

احلامي الامومه حبيبتي اوصيج بالراااااااااااااااااااااااااااااااااااااااااااااااااحه لاينزل عليج دم تكفين

خليج علبني وراح يخف بعد ونقطع بعد الاسبوع السادس


مشاعر ديري بالج على عمرج وطنشي كلشي عشان البيبي كل شي لاحقه عليه بعدين

 

[سمسومه الحبوبه]

مرحبا
بالنسبه لأخباري اسوي رجيم ذاليومين عشان تقول الدكتوره اذا مانزلت ثلاثه كيلو مافيه عمليه
ومركزه على الأغذيه الغنيه بفيتامين دال عشانه نازل عندي مرررره
والدكتوره تقول مهم يرتفع قبل العمليه وعطتني كبسولات

ثنايا حياتي الله يعوض عليك ويجعله تكفير لك ورفعة لدرجاتك
بالنسبه البنج الدكتوره تقول مانعطي كامل ابد موضعي
ماقالت لي السبب الله ييسر امري ويهونها علي ويجعل العاقبه حميده واخواتي المسلمات يارب

 

[نونه الزعفرانه]

انا اليوم العاشر من الترجيع
ونزل علي نقطه لونها بني
وقالولي وقفي الابر والاسبرين

 

[احلامي الامومه]

نونه. خير انشالله انا نفس الشي صار معاي. يوم ١١ والحمدالله الله ماقصر انشالله حمال يارب

 

[نونه الزعفرانه]

تسلمين حلمي الله يثبت حملج يارب

 

[ثنايا الورد]

الله يثبت حملكم يابنات وتعبكم مايضيع

سمسومه بالتوفيق يالغلا وعليج بسورة البقرة وربي حافظج

 

[sheery]

هلا بنات أنا اليوم سويت عملية إرجاع الأجنة ادعولي بنات ان الله يثبتهم واكون حامل ويرزق كل محرومة الولد الصالح ويفرح قلوبكم يارب*

 

[نونه الزعفرانه]

هلا بنات أنا اليوم سويت عملية إرجاع الأجنة ادعولي بنات ان الله يثبتهم واكون حامل ويرزق كل محرومة الولد الصالح ويفرح قلوبكم يارب*

الله يثبت لج اجنتج وتولدينهم بصحتهم وعافيتهم
ادعيلي 

 

[سمو النفس]

نونه الزعفرانه
انشالله تبشرينا بحمالج ياارب​

 

[ورد ياسمين]

الله يثبت اجنتكم وان شاء الله حوامل
واللهم امييين